عندي مليون وابي استثمرها في مشروع بدخل جيد ؟

[ناسداك]

السلام عليكم
عندي مليون وابي استثمرها في مشروع بدخل جيد ؟ ما يخالف اذا في شريك

[enizas0b]

عندي لك برنامج تلفزيوني دخله حلو

[مـراحـب]

السلام عليكم
عندي مليون وابي استثمرها في مشروع بدخل جيد ؟ ما يخالف اذا في شريك

عليكم السلام

نصيحة في الله ، ، ، لاتدخل شريك معاك

[البرونزي]

عليكم السلام

نصيحة في الله ، ، ، لاتدخل شريك معاك


والله مرات الواحد يحتاج الشريك او احد يساعدك بالاقتراحات والافكار
ويجتهد معاك خاصه اذا كنت مشغول او برع البلاد تعتمد عليه
اذا كان شريك وهو صاحب الحلال غير عن اي موظف ياخذ راتب ،،
لكن برجع واقول انا معاك في هالنصيحه 100% والي فوق كلها امنيات
والواقع يختلف 180 درجه

[شموخ دائم]

,

,


مرحبا

بالتوفيق لك ياريت ما تذكرون المبلغ على العام عن الحسد والله
:)

شريك او مدير او موظف

الموضوع موضوع ( توفيق ) في الشخص

هناك ناس مبروكين والله وهناك ناس ( يعلونك ) وتتحسف انك شاركتهم وتتشربك معاهم
اذا انت مو منظم نفسك وحامي نفسك بعقد ممتاز موضح فيه كل النقاط الي ممكن تسبب خلاف وكيف الخروج منها
اذا ماحدث خلاف

نصيحتي تنتظر شوي وتشوف لك فرصه مافيها منافسه كثيره بعيده عن النشاطات العاديه
سوبر ماركت ومقاولات ومواد بناء

ياريت تركز على شي ( تخصصي ) وعليه طلب كثير وتتميز فيه بالجوده والخدمه

ترى السوق هاليومين ( يعاني ) من قله السيوله

,

,

[كيلو حديد]

نصيحة لله
دامك راعي الفلوس لا تحطها بيد حد
اشتغل فيها أنت
أو حطها بشيء ما فيه شراكه مع حد

الي يحط الفلوس غير الي ما يحط
لو خسر ما همه

نصيحة من خبره

إلا إن لقيت شخص وفي وتعرفه وتكون عندك ضمانات كثيرة مب بس ورقية تلاحقه بالمحاكم لو صار شيء وتموت قهر مرات ومرات

الفلوس تنحط بالمشروع ما تنحط بيد حد وتراقب كل شيء بتفاصيله الصغيرة والكبيرة

و ما يمنع في ناس فيهم خير فادوا ناس وربحوهم ملايين بأمانه والملاك ما يدرون عن شيء ولا لهم خبره بالسوق والتجاره
بس وين تلقى مثلهم وين
أمثالهم ينشرون بالفلوس

بإختصار لا تدخل مع حد و اجتهد لنفسك هذا رأيي

والله يبارك لك

[BoFahed]

السلام عليكم
عندي مليون وابي استثمرها في مشروع بدخل جيد ؟ ما يخالف اذا في شريك

مثل ما ذكر الاخوان حاول تبتتعد عن الشريك وتسال زين ما زين عن النشاط ودخله ومشاكله وتحصن نفسك زين قانونيا وممكن تسال ناس تعرفهم اشتغلوا بالتجاره وبيفيدونك

مافيه شي سهل والتجارة فيها خير كثير وصار التسويق والدعاية اسهل من قبل بس لازم تتعب وتعابل الزباين و حلالك يوميا بروحك لانه مافيه حد يسال عن حد وبتشوف شخصيات عمرك ما تخيلتها حتى بالافلام العربي

مابي احطمك بس هذا الواقع والسوق ما يرحم واحنا لله الحمد في خير ونعمه بس لها ثمنها والملايين يحسدونك عليها ويحاولون ياخذونها منك

انا اقترح لك مشروع خدمي ويجيب دخل يومي مثل مطعم هندي او خدمة سيارات (غسيل + تبديل زيت ) او محل ديكور متميز (شغل 5 نجوم ) والجودة هي اللي تحكم واذا سويت اسم ما بتلحق على الزباين بس لازم عوار راس مع الناس وتعب وجهد في الموضوع

سووي دراسة جدوى عن الايجارات ومصاريف المحل وموقع المحل والدخل المتوقع وعن الفيز المفتوحه وغيرها من اسباب نجاح المشروع والله يوفقك

[الدوحه1]

اقترح عليك
1- محل للصيانه السريعه للسيارات مثل AC Delco
2- محل بيع قطع غيار للمكيفات.

[مختلف جداََ]

اقترح عليك
1- محل للصيانه السريعه للسيارات مثل AC Delco
2- محل بيع قطع غيار للمكيفات.


الإقتراح الأول فوق الممتاز و نسبة النجاح فيه بعد توفيق الله كبيرة

[ذيب ازغوى]

عندي نشاط تجاري مدخوله ممتاز إذا لك خاطر كلمني

[الكفــــــو]

مطبخ شعبي مع تقديم وجبات يومية في منطقة تفتقر إلى هالشيء

[معماري7]

عندي لك برنامج تلفزيوني دخله حلو

ممكن معلومات أكثر اخوى

[معماري قطري]

حطها في كم سهم وانتظر أرباحهم .. سوقنا مب نازل كثير وممكن ينزل وممكن يرتفع في نفس الوقت .. المهم تقوي قلبك وتصبر ومليون مبلغ بسيط ممكن تشوفه يقل كقيمة سوقية وممكن يرتفع لكن في النهاية بيدخل لك مبلغ بسيط سنوي

مثال مليون تشتري 6700 سهم وقود ب 148 ومتوقع توزيع بحدود 10 ريالات وممكن أسهم مجانية .. يعني 67000 فايدة بعد حول 5 شهور = 6.7% وأكثر من 1% شهرياً .. هذا على فرض التوزيع 10 ريالات لكن ممكن يقل وممكن يزيد ولو نويت تدخل لازم تكون ضامن تصبر أقل شيء 3 سنين

[البحر الرائق]

اشتري محل وأجرة .

[جبر ال جبر]

اقبض عليها حتى تتضح الرؤية

[@الشبح@]

وين راح صاحب المليون ريال ؟
من 2012
هل حققت شيء
عطنا من التجارب والخبرات
كنت بانصح بس الموضوع قديم للأسف

[البرونزي]

وين راح صاحب المليون ريال ؟
من 2012
هل حققت شيء
عطنا من التجارب والخبرات
كنت بانصح بس الموضوع قديم للأسف
الموضوع شهر 7 سنة 2016

[الوطنيه]

خلك من الشراكة حطها وديعه افضل ولا تخسر افلوسك

[وسيطك]

اذا لابد عليك بالمجال التقني اذا تفهم فيه

[mohammedali]

يعطيك العافيه اخوي

[Mr.Hussam]

السلام عليكم
أنا ممكن أدخل شريك معك بالإدارة إذا حبيت ولدي االكثير من الافكار
اذا كنت مهتم تواصل معي عالخاص

[رجل تعليم]

إذا اعجبتك فكرة ضيعة بالمغربى لتربية الدجاج أهلا وسهلا سأعطيك كل التفاصيل.العملية هذه تكلف بين 300 الى 350 ألف يورو ومدخول ممتاز جدا إن شاء الله

[المحاميه]

الحين الريال يسأل عن نشاط
وانتو طحتوا فيه نصايح عن الشريك
اوكي نصحوا ماقلنا شي عاد الموضوع تحول للخوف من الشريك
وين الاقتراحات؟

[معماري قطري]

حطها في كم سهم وانتظر أرباحهم .. سوقنا مب نازل كثير وممكن ينزل وممكن يرتفع في نفس الوقت .. المهم تقوي قلبك وتصبر ومليون مبلغ بسيط ممكن تشوفه يقل كقيمة سوقية وممكن يرتفع لكن في النهاية بيدخل لك مبلغ بسيط سنوي

مثال مليون تشتري 6700 سهم وقود ب 148 ومتوقع توزيع بحدود 10 ريالات وممكن أسهم مجانية .. يعني 67000 فايدة بعد حول 5 شهور = 6.7% وأكثر من 1% شهرياً .. هذا على فرض التوزيع 10 ريالات لكن ممكن يقل وممكن يزيد ولو نويت تدخل لازم تكون ضامن تصبر أقل شيء 3 سنين

نصيحتي ذي طلعت فاشلة 100% والأسهم مشكوك في أمرها

[Riku3]

نصيحتي ذي طلعت فاشلة 100% والأسهم مشكوك في أمرها
لو مسويها خسران 350 الف :secret:

[اسعاف]

قلت له يحط المليون في وقود وهي ب مائة وثمان واربعون
واليوم يباع السهم ب مائة ريال
يعني لفقد ثلث المليون

وكما قلت السوق خطر وفي نزول مستمر
ولا يعرف متى يستقر
والاوضاع السياسية والاقتصادية غير مشجعة
والنفسية تعبانة
وراس المال جبان ووسواسي

فحط فلوسك في وديعة في بنك اسلامي مثل المصرف
والريان وانتظر العائد
وطلع زكات مالك
هناك فرص في الاستثمار العقاري في تركيا والبوسنة
لكن تحتاج الى دراسة الحال والجدوى والخبرة للسوق

[بوخالد911]

موفق.

[3mlatqtr]

صباح الخير

من رايي ما يكون معاك شريك حتى ما تصير مشاكل و اختلاف في الأفكار و تضيع الشركة

و النقطه الثانيه عشان الحسابات و الشيكات الراجعه ما تكون عليك مشاكل لان اسمك موجود في اسم الشركه بكرا بيقولون فلان شركته مشكله و سمعتك انت بتكون في الواجهه

لاكن لا مانع من ان تستشير اهل الخبره ما يحتاج شريك

وشكرا

[جيلان]

الشراكة ياخوي حسب طبيعة العمل
الاهتمام المشترك
والعمل الواضح
ووجود العامل الأمين
لاتخاف من موضوع الشراكة
بالعكس بيفيدك وبيشيل معك
والمشروك مبروك

[حمــد]

خلهم بجيبك قدام عينك ابركلك
هالايام المليون ما يسوي شي حتى
عقار قديم ما بيجيب .. خلها تتوازن
الأمور وتستقر الأسعار سواء بورصة
او عقار .. اما موضوع شريك هاي موضوع
شائك ماله داعي حلالك ديره بنفسك لأنك
اكثر واحد بتهتم فيه ومشروع مالك فيه
لا علاقات ولا خبره لا تدخله من الأساس
وربي يوفقك ويرزقك

[معماري قطري]

لو مسويها خسران 350 الف :secret:

شنسوي يا اخوي انا مثل ما انصح غيري اطيح في أخطاء استثمارية كبيرة

آخر شراء لي كان فودافون ب 8.1 ونزل بعدها بس باصبر ومعدلي في وقود أكثر من 120 ريال وأفكر في الشراء أكثر هذا الوقت لكن بعد متردد بسبب الخوف من نتائج الشركة .. قبل ربحت فيها ربح قوي مضاربي واستثماري .. بديت اشتري ب 80 وبعت ب 190 ورجعت شريت بحدود ال 120 وأكثر مب متذكر بالضبط .. نزل السعر لغاية 85 خلال الفترة القصيرة اللي راحت وألحين وصل 115

يمكن وقت النصيحة غلط وإختيار السهم غلط لكن سهم مثل سهم الأول وصل 4.97 ولنفترض قدر يشتريه ب 5 ريالات أو 5.1 شامل العمولة بيحصل 196000 سهم وخلال فترة بسيطة سعر السهم وصل 7 ريال وزود وأمس سكر على 7.14 يعني لو باعه بهالسعر طلع ربح 392000 .. وكان ممكن كذلك يحط فلوسه في ودام بحدود 60 ريال وبيشتري 16600 سهم ووصل سعرها 74 وقابل للارتفاع وتوزيعها 4.25 ريال تعطيه ربح 70000 ريال وخردة فوقها وهي 7% في شهور بسيطة وهذا غير عن الربح السوقي اللي يعادل 14 ريال في السهم وقد يزيد وقت التوزيع

[معماري قطري]

انا بداياتي كانت متواضعة في البورصة وغالبها اكتتاب والوالد الله يغفر له علمني واخواني على الاستثمار وهو يشتري لنا في الغالب قليل وقت الاكتتاب .. واستمريت اضيف واشتري اكتتاب وسوق وفاتتني بعض الضربات القوية خصوصاً في صناعات ووقود كشراء من الاكتتاب لأني كنت محتاج وقتها لكن ما فوتت هذي الأسهم بعدين والحمد لله الربح ما يجي بين يوم وليلة ويبي له صبر

صبرت على سهم ازدان 3 سنين ومللني صراحة وبعدين بعته بدبل سعره يوم ارتفع فجأة ورجع نزل .. يعتبر ربحي فيه 100% لو أقسمها على صبر 3 سنين يعطيني 33.3% عن كل سنة مستحيل بنك يعطيني اياها أو بزنس يعل قلبي يعطيني اياها .. المفتاح الصبر .. لا ونزل السهم من حدود شرائي حول 8 ريالات ولا بعت

[معماري قطري]

باقي نشوف وقود كم بتوزع وكم بيكون سعرها وقت التوزيع ونحسبها بعد على فرضية الشراء بسعر 148 ريال

[ابواحمد05]

بالتوفيق لك

[Ahmedalhussi]

شركة ترجمة تتعامل مع الشركات في قطر ويتم ترجمة الملفات فى اي دولة اخري برواتب معقولة وجودة عالية من واقع خبرتي مشروع الترجمة مربح خاصة انة مايحتاج تكلفة مجرد مكتب و مسئول تسويق يتواصل مع الشركات الكبري ومن لة خبرة في المجال لمجرد متابعة العمل مع الشركاء الخارجين

[قرناس الشمال]

التجارة بيع ملابس او مطعم