جلب خادمه اندونيسيه عن طريق خدامتي

[بوراشد82]

اخواني في خدامه من اندونيسيا ابي اجيبها عن طريق خدامتي اللي تشتغل عندي فالبيت،، وقالوا لازم تجي عن طريق مكتب، والمكتب طالب مني سبعه الاف عشان يجيبها لي،، مع اني اشوف حولي ناس يجيبون خدامات عن طريق الدريول او خدمهم فالبيت ومايكلفهم الا مبلغ التذكره والفيزا،، ارجوكم دلوني ترى مااعرف الاجراءات ،، يصير اجيبها بدون مكتب ولا ضروري؟؟

[Rider]

اخواني في خدامه من اندونيسيا ابي اجيبها عن طريق خدامتي اللي تشتغل عندي فالبيت،، وقالوا لازم تجي عن طريق مكتب، والمكتب طالب مني سبعه الاف عشان يجيبها لي،، مع اني اشوف حولي ناس يجيبون خدامات عن طريق الدريول او خدمهم فالبيت ومايكلفهم الا مبلغ التذكره والفيزا،، ارجوكم دلوني ترى مااعرف الاجراءات ،، يصير اجيبها بدون مكتب ولا ضروري؟؟

لي اعرفه اخوي تقدر طرش لها التأشيرة وتذكره لكن الشغله بعد ماتجي لازم تروح تسوي عقد عمل من ادارة العمل ويتصدق من السفاره وبعد ماتخلص الاجراءات تسوي اجراءات البصمه وغيرها

[ضوى]

لازم مكتب

[ضوى]

الاندونيسية والفلبينية لازم وضروري مكتب بس الهنديه اللي بتأشيرة زيارة

[بوراشد82]

الله يجزاكم خير عالرد،،،

[حبر وقرطاس]

اي والله كلام الاخت ضوى صح.
انا جالس اخلص اجراءات فلبينيه سويت لها كلللل شي ويوم وصلت مطار مانييلا منعوها قالوا لازم عقد
والا مطار الدوحه سهالات .وتخيل عشان بس عقد عملها الي يمررها من مطار بلادها دفعت 9000 ريال .شنسوي هذي قولنين بلادهم .

[BeYoNd]

اخوي انا جبت اخت المربية فلبينية تقدر تجيبة بس اول شي خلص اوراقة من السفرة الفلبينية عندنا وعقب طرش له الاوراق تحتاجة هناك ومبلغ التذكرة واجراءت تسويه هناك وخلاص وتجي على طول ما تحتاج مكتب بس اتاكد انه كل الاوراق كاملة

[حبر وقرطاس]

بوراشد مساك الله بالخير
اخوي اندونيسا والفلبين قوانينهم صارمه جدا من بلادهم ماتمر الخدامه في مطارهم لقطر الا بعقد عمل معتمد من مكتب خدم وهذا عن تجربه والمبلغ بتدفعه بتدفعه حتى لو سويت لها كل الاجراءات وقطعت لها تذكره فمطار بلادها بيمنعونها وسين وجيم
وبتضطر غصبا عنك تشوف اي مكتب يسوي لها عقد عمل عشان يمررها فالمطار وتخيل هالورقه بس بيدفعونك عليها حسب حظك يا 7 يا 8 يا 9 عاد انت وشطارتك تفاصل مع المكتب
وترى عشان يخلصون عقد عملها لازم فبلادها يخلونها تسوي فحص طبي وعقب الفحص يصدقون اوراقها من وزاره العمل ويرسلونها لقطر وختم وخرابيط ويردون يطرشونها لهم وتعتمد عقب يقصون لها تذكره
اعتذر على هذه الاطاله والتفاصيل الممله وهدر المال الي وصفته لك ولكن هذا الواقع المر اللي نعيشه حاليا في كل المحاولات لجلب خدم باختيارنا ويفهمون الشغل ..ومع الاسف الشديد مافي شي دفع اغلب الناس لاستخدام هالاسلوب في جلب الخدم الا بسبب رداءه اختيار اغلب المكاتب فقطر لخادمات المنازل مايجيبون الا المترديه والنطيحه .. ويطالبونا برفع الرواتب ..طيب ارتقوا اولا بتعليم وتثقفي عمالتكم قبل ترسلونها عشان نحلل فلوسنا

والله يابوراشد هذا الواقع المر
والله المستعان

[بوراشد82]

بوراشد مساك الله بالخير
اخوي اندونيسا والفلبين قوانينهم صارمه جدا من بلادهم ماتمر الخدامه في مطارهم لقطر الا بعقد عمل معتمد من مكتب خدم وهذا عن تجربه والمبلغ بتدفعه بتدفعه حتى لو سويت لها كل الاجراءات وقطعت لها تذكره فمطار بلادها بيمنعونها وسين وجيم
وبتضطر غصبا عنك تشوف اي مكتب يسوي لها عقد عمل عشان يمررها فالمطار وتخيل هالورقه بس بيدفعونك عليها حسب حظك يا 7 يا 8 يا 9 عاد انت وشطارتك تفاصل مع المكتب
وترى عشان يخلصون عقد عملها لازم فبلادها يخلونها تسوي فحص طبي وعقب الفحص يصدقون اوراقها من وزاره العمل ويرسلونها لقطر وختم وخرابيط ويردون يطرشونها لهم وتعتمد عقب يقصون لها تذكره
اعتذر على هذه الاطاله والتفاصيل الممله وهدر المال الي وصفته لك ولكن هذا الواقع المر اللي نعيشه حاليا في كل المحاولات لجلب خدم باختيارنا ويفهمون الشغل ..ومع الاسف الشديد مافي شي دفع اغلب الناس لاستخدام هالاسلوب في جلب الخدم الا بسبب رداءه اختيار اغلب المكاتب فقطر لخادمات المنازل مايجيبون الا المترديه والنطيحه .. ويطالبونا برفع الرواتب ..طيب ارتقوا اولا بتعليم وتثقفي عمالتكم قبل ترسلونها عشان نحلل فلوسنا

والله يابوراشد هذا الواقع المر
والله المستعان

مشكور على ردك اخوي،، ماقصرت عطيتني كل شي ابي اعرفه،، ومشكورين اخواني اللي ردوا ،، عساكم عالقوه