السفير الفرنسي: قرار أوروبي وشيك بإعفاء القطريين من الفيزا

[رجل الجزيرة]

http://raya.com/File/GetImageCustom/4badcb1d-ee9f-4033-8f79-ce8a59824f1b/316/235

الدوحة - الراية: أكد سعادة السفير إيريك شوفالييه سفير فرنسا لدى الدولة أن هناك تسهيلات للقطريين لزيارة بلاده. وقال إن كل قطري يرغب بالسفر إلى فرنسا فإنّه يحصل على التأشيرة في غضون 48 ساعة، وهذا زمن وجيز للغاية، وأعتقد أنّ القطريين لن يحتاجوا للحصول على تأشيرة مستقبلاً، وهذا القرار يتم اتخاذه على المستوى الأوروبي.

ونوه، في لقاء مع الصحفيين بمناسبة العيد الوطني لفرنسا الذي يوافق اليوم الخميس، بوجود تعاون قطري فرنسي في مجال مكافحة الإرهاب، فضلا عن التعاون العسكري في مجال المعدات العسكرية والتدريب ووضع الإستراتيجيات، فضلا عن التعاون الأمني، خاصةً فيما يتعلّق باستضافة الأحداث الرياضية الكبرى.


http://raya.com/news/pages/6fecdada-02a7-474d-8008-1ed4fdcbba4b

[روميت]

عفوا

الحين الاخوان في الامارات ...يقدرون يدخلون دول الشنقن بدون فيزة....

من اكثر من سنة .

ولا انا غلطان ...؟؟؟

[بانغ بانغ]

عفوا

الحين الاخوان في الامارات ...يقدرون يدخلون دول الشنقن بدون فيزة....

من اكثر من سنة .

ولا انا غلطان ...؟؟؟

صحيح كلامك

[غريب الدّار]

عفوا

الحين الاخوان في الامارات ...يقدرون يدخلون دول الشنقن بدون فيزة....

من اكثر من سنة .

ولا انا غلطان ...؟؟؟

صح كلامك اخوي
بس للأمانة ماادري هل يقدرون يدخلون كل دول الشنغن ولا بعضها بس

المهم ان الكلام بشكل عام صحيح

بس شعلاقة هالشي بالموضوع ؟

لان السفير الفرنسي يتكلم عن القطريين

[jajassim]

صح كلامك اخوي
بس للأمانة ماادري هل يقدرون يدخلون كل دول الشنغن ولا بعضها بس

المهم ان الكلام بشكل عام صحيح

بس شعلاقة هالشي بالموضوع ؟

لان السفير الفرنسي يتكلم عن القطريين

نعم اخوي يقدرون يدخلون كل دول الشغن

وهو يقصد بما ان تم منح للاماراتين فقريبا للقطريين ان شاء الله

وشكرا

[غريب الدّار]

نعم اخوي يقدرون يدخلون كل دول الشغن

وهو يقصد بما ان تم منح للاماراتين فقريبا للقطريين ان شاء الله

وشكرا

ربك كريم

والله يكتب اللي فيه الخير

[لـبـيـه]

نظرتهم لنا نفس نظرتنا لبعض الدول الي ناخذ منهم تاشيرات

الله المستعان

[روميت]

نعم اخوي يقدرون يدخلون كل دول الشغن

وهو يقصد بما ان تم منح للاماراتين فقريبا للقطريين ان شاء الله

وشكرا

نعم هذا هو المقصود من السوال .:nice:


شكرا اخوي ..جاسم

والله يرحم والدي؛ جميع الاخوان على الرد .

[ya3coub]

مو من صعوبة تأشيرتهم تطلع ثاني يوم و على مدة الجواز احسن بالنسبة لي يعني اشتري اقرب تذكرة و اسافر

و اتمنى يسون نفس بريطانيا يطلبون صورة من الجواز علشان يتأكدون و يتحققون من باقي المعلومات و ما يردون الناس او يرفضونها بسبب حرف غلط او مسافتين بدال مسافرة وحدة بالأسم

[ابوالكلام]

يتعاملون معنا كاننا نحتاج لهم فنصدق ونتهافت على بلدانهم.

[بانغ بانغ]

هالخطوة تعتمد على السياسة الخارجية المحنكة وان شاء الله بيجينا الدور قريب

[المحاميه]

وشيك؟؟

ليش يحسسونا ان قاعدين نطر منهم؟
ولايبون يطلعون الفيزا من عينا؟

[المحاميه]

يتعاملون معنا كاننا نحتاج لهم فنصدق ونتهافت على بلدانهم.


برافو عليك :nice:

[وحيد-الشوق]

وأعتقد

[جبر ال جبر]

الامارات حكومتهم قويه وشعبهم اكثر من شعبنا يعني العمليه بنسبه لهم كانت تحدي وقدرو يفوزن فيها وهذي نقطه ايجابيه تحسب لهم وماينكرها الا اعمى واتوقع وشيك هذي يبلها 5 سنوات قدام

[راعي الكورفت]

مانبي نروح لهم.
عاد من زين بلادهم


يازين الدواره في الكورنيش :tooth:

[QtrGate]

اشكر وزارة الخارجية على الجهود المبذولة لراحة المواطن في كل إنحاء العالم

واذا شلو عنا الفيزا بيعتبر إنجاز لنا وللأجيال القادمة

اكثر الدول الي نروح لهم سياحة او علاج صارت بدون فيزا

[شموخ دائم]

,

,


مرحبا


الخبر طيب وفيه اخبار زينه

ليش زعلانين
:)


( وشيك ) تعني مسئله وقت

الملف القطري تحت الدراسه وهناك لجنه مختصه بالنظر
في موضوع الغاء الفيزه وعندهم نظام معمول فيه بالاتحاد الاوربي
يمر الموضوع على اكثر من جهه للموافقات ويرفع لاخذ القرار النهائي
وواضح من التصريح ان الموضوع موافق عليه وهو الان يمر بالقنوات الرسميه
ليعمم على جميع الدول لاعضاء والسفارات ووزارات الخارجيه الاوربيه
والمؤسسات الامنيه لديهم هذا قرار تاريخي يمس 22دوله اوربيه
وهي دول الشنقن

السالفه ماهي ( جره قلم ) ويصير القرار نافذ مثل الدول العربيه يوقع الوزير وثاني يوم الخبر بالجريده
:)

الامارات قدمت ملفها قبل قطر بسنتين
ولان الدور على قطر



,

,

[الحاقول]

اشكر وزارة الخارجية على الجهود المبذولة لراحة المواطن في كل إنحاء العالم

واذا شلو عنا الفيزا بيعتبر إنجاز لنا وللأجيال القادمة

اكثر الدول الي نروح لهم سياحة او علاج صارت بدون فيزا


هذا الكلام غير صحيح كل الدول الاوروبيه ندخلها بالفيزا حتى ابريطانيا

[المحاميه]

زعلانين
لان اسلوبهم فيه مذله

ابي اشوف حالهم لو قاطعناهم اشلون بيكون

[معماري قطري]

كلام دعاية يبي ينشط السياحة لبلاده .. خل بلاده للبشمرقة اللي مربعين فيها

[Miss]

,

,


مرحبا


الخبر طيب وفيه اخبار زينه

ليش زعلانين
:)


( وشيك ) تعني مسئله وقت

الملف القطري تحت الدراسه وهناك لجنه مختصه بالنظر
في موضوع الغاء الفيزه وعندهم نظام معمول فيه بالاتحاد الاوربي
يمر الموضوع على اكثر من جهه للموافقات ويرفع لاخذ القرار النهائي
وواضح من التصريح ان الموضوع موافق عليه وهو الان يمر بالقنوات الرسميه
ليعمم على جميع الدول لاعضاء والسفارات ووزارات الخارجيه الاوربيه
والمؤسسات الامنيه لديهم هذا قرار تاريخي يمس 22دوله اوربيه
وهي دول الشنقن

السالفه ماهي ( جره قلم ) ويصير القرار نافذ مثل الدول العربيه يوقع الوزير وثاني يوم الخبر بالجريده
:)

الامارات قدمت ملفها قبل قطر بسنتين
ولان الدور على قطر



,

,

صح كلامك

وأبد الموضوع ما يزعل
بالعكس جزاها الله خير بلادنا اللي تسعى لمثل هالامور حتى لو كانت متأخره

[Abdulraman]

مالت عليهم وعلى دولتهم
تقولون ليش
بداية السنه كنت هناك ولعوزوني والسبب زوجتي لابسه نقاب وانا مادري ان النقاب ممنوع عندهم لا بارك الله فيهم

[Dexter]

مالت عليهم وعلى دولتهم
تقولون ليش
بداية السنه كنت هناك ولعوزوني والسبب زوجتي لابسه نقاب وانا مادري ان النقاب ممنوع عندهم لا بارك الله فيهم
انت الغلطان... لازم تسوي بحث عن الدولة قبل لا تسافر لها، وسالفة النقاب احدثت ضجة كبيرة شلون ماسمعت عنها؟