بكنسل خزان الماي اللي بالحوش

[fahed]

السلام عليكم

ماني مطول عليكم بس عندي استفسارين ,

1- فيه طريقه اني اكنسل خزان الماي اللي تحت واكتفي باللي فوق السطح لأنه بياخذ علي مكان بالحوش وانا حوشي صغير (فكرتي اني اركب مضخه تودي الماي فوق على طول) مادري تصير ولا لأ او حد واجه نفس مشكلتي و حلها.

2- بغيت ستور حق شهرين أو ثلاث لأني شاري كل تشطيبات البيت من الصين ويبون يوصلون بعد أقل من شهر ان شاء الله و ماودي احطهم بمكان البنيان. ودي أأجر لهم ستور نظيف و امن. ومشكلتي اني قليل خبره بهالمواضيع و الأسعار. ولكم مني جزيل الشكر .

[سعود.]

الاولي اتوقع ممنوع .
الثانية تفضل


MzadQatar

Mourjan

PropertyFinder

QatarLiving

[ضوى]

تحمل ترا ماتدري شيصير معاك ،دايما ينصحون عدم التخلي عن الخزان السفلي تحسبا لاي طارئ

[سليمان احمد]

انصحك لاتكنسل الخزان لان الضخ الحكومي احيانا على مستوى منخفض بما يتناسب مع الخزان الارضي
الغائه يعني انك جبرت نفسك انك تعتمد على الضخ العالي وفي نفس الوقت ماراح يكون عندك مخزون من المياه
والغائه حرمت نفسك من كميه من المياه تكون في الخزان الارضي اللي هو يعتبر خزان احتياطي لو اعتبرنا ان الخزان العلوي هو الخزان اللي يغذي البيت واضافه انك لو توقفت المياه في المنطقه من قبل الحكومه لن تستطيع ان توفر لنفسك مياه عن طريق جلب صهريج مياه لحين انتهاء الخلل ( فرضيه ) لان غالبيه الصهاريج لا يكفي مسافه الخرطوم الى ان يصل الى الخزان العلوي

[asulaiti]

ممكن تسوي خزان تحت الأرض ...

اعتقد في السعودية والكويت معتمدين هذه الطريقة ..

[qatara]

بالعكس مهم اسال مجرب

لو ينقطع ماي الحكومه تقدر تجب لك دنكر

لاكن لو ازلته ونقطع ماي الحكومه راح تتلعوز

تراه مهم

[(عبدالله)]

الخزان الأرضي ضروري للاحتفاظ باحتياط المياه للبيت لمدة يومين على الأقل
حسب علمي إنه من شروط كهرماء توفير خزان ارضي حتى تستكمل إجراءات تزويد المنزل بالماء

اطلع على تجربة السعودية في وضع خزان تحت الأرض عشان توفر حق نفسك مساحة

والله يوفقك

[خسران من قلب]

انصحك بالخزان الاحتياطي او ارفعه فوق السطح واجهتني مشكله ان الخزان الرىيسي يخلص واتم انطر لين يعبي فنصيحه ارفعه فوق السطح

[المحتار20]

الخزان الأرضي ضروري للاحتفاظ باحتياط المياه للبيت لمدة يومين على الأقل

[سليمان احمد]

لاتحاول ترفع الخزان الارضي عن الارض عشان ضمان وصول الضخ اذا كان مستوى البريشر منخفض

[fahed]

الله يجزاكم خير ماقصرتوا نورتوني الله ينور بصيرتكم. اخوي سعود ما قدرت ارسل ع الخاص لاني ماوصلت 50 مشاركه. ممكن ترسل لي رقمك ع الخاص أو طريقة التواصل معاك. وشكراً

[معماري قطري]

الله يوفقك في بنيانك

خزان الماي ما ياخذ شيء من مساحة البيت كله على بعض مع الدينمو يحتاج 1.5 في 1.5 متر .. لو بتحفر له وتركبه تحت الأرض العملية سهلة بس فوق أفضل تشوف أي تسريب

[فنجان قهوة]

انا بنيت خزان من الخرسانه تحت الارض مبطن بعازل ضد البكتيريا 1500جالون بدل التنكي البارز وماخذ مساحة من الحوش كلفني 15 الف تقريبا... وخزان السطح 400 جالون من النوع المعزول.

[بوحارب]

نفس رأي الأخوان بالنسبة للخزان حاسب تكنسله


بالنسبة للأستور وين المكان اللي تبيه :؟

[A bin M]

الافضل يكون تحت في خزان

[الدوحه1]

سو مثلي وحط درام الماي الرئيسي فوق المطبخ الخارجي ..

[معماري قطري]

سو مثلي وحط درام الماي الرئيسي فوق المطبخ الخارجي ..


لو فيه مجال يوصله دنكر الماي اوكي .. وممكن تحطه ورا البيت بس تمدد له بيب للماي حتى يوصل من الدنكر للخزان في حال انقطع الماي

[الدوحه1]

لو فيه مجال يوصله دنكر الماي اوكي .. وممكن تحطه ورا البيت بس تمدد له بيب للماي حتى يوصل من الدنكر للخزان في حال انقطع الماي


نعم في مجال لان البيت على شارعين(امامي وخلفي).
كنت خايف من ان المبنى ماراح يتحمل الوزن وينهار ولكن بعد مرور حوالي سنه ماصار شي.


http://store2.up-00.com/2016-07/1469167642191.jpg (http://www.up-00.com/)

[fahed]

1-أنا شفت بالكويت خزان مستطيل نفس شكل الكبت وعليه رسمة حجر.يعني ما يبين انه خزان ماي و منه احجام وفيه تقريبا ثلاث طبقات عازل ينحط بأي زاويه و ما ياخذ مساحه ( كان هذا الحل البديل)

2-اخو بوحارب الستور بغيته قريب من منطقة الشحانية لأن بيتي بالشحانية.

3-فنجان قهوة أنا الحين ببدأ مرحلة التشطيب في بيتي ممكن اني اسوي الخزان الأرضي الحين ولا لازم مع التأسيس, وهل فعلا طبقة البكتيريا فعاله,و ممكن رقم الشركة اللي سوت لك الخزان .

4-الله ينفع بكم الأمة و يجزاكم خير الجزاء ما قصرتوا.

[جوال 11]

اعمل لك من الحديد مثل الكرسي يكون في مستوي البيت تركب عليه الخزان او من الخراسانة وحط اي خزان غير خزان البيت وبالنسبة للمخزن فيه مخازن تباع على طريق سلوى من الفاير امريكية ممتازة اكبرها مثل كراج سيارة وحدة وتحصله في اللولو فيلاجو موجود لانهم موزعين تاخذ المقاس المناسب وايضا فيه مخازن للايجارتعلن في الجرايد او عند محلات تاجير البيوت والله يوفقك