الربع ماسكين عليك موقف ما ينسونه

[الحياة الخالدة]

السلام عليكم ورحمة الله وبركاته
من زمان ما نزلت شي في الاستراحة

الموضوع باختصار .. صار لك موقف مضحك أو يفشل
وطبعاً الربع لو كانوا معاك مستحيل بينسون لك السالفة و كل مرة بتجتمعون بيتذكرونها لك و يعيدونها عليك و يستلمونك

خلونا نسمع مشاركاتكم بخصوص الربع اللي ما ينسون
تحياتي للجميع

[ضوى]

ليه كده بس ليه يا عزيزتي

[JN000N]

هههههههههههههههههههههههههههههههههههه
انا قريت نص الموضوع وضحكت من قلب

هاج اهداء يالحب

https://instagram.com/p/BH5hV0ODQwp/

[JN000N]

بس تدرين
هذول ما زينين الربع هههههههههههههههههههههههههه

[ضوى]

ابدن كلش ما زينين يا جنون

[بانغ بانغ]

بداية خبراتي العريقة في اكل السوشي اللذيذ

كنا في نيويورك ... في مطعم نوبو مال الممثل روبرت دي نيرو

الربع قالوا لي ان السوشي فرش .... قلت لهم ما راح اكل سوشي ني ... الا مطبوخ ( بلفيت امي يابانية وابوي كوري )

المهم ... حنوا فوق راسي الا اكل ...

ووعدوني انهم بيكلمون الشف ايخليه مطبوخ وليس نيا ..

العلوم اني يوم شفت الصحن .... ضربت ضرب لين الصحون تكسرت ....

عقب ما خلصنا ... اسألوني الربع كيف كان السوشي

قلت لهم نمبر ون صراحة والطبخة حلوة ومعقوولة ...

بعدها بيوم قالولي ان السوشي كان ني وعمره ما ينطبخ .... واستلموني عدل لين صارت علاقة حب بيني وبين السوشي

وكل ما ندخل مطعم سوشي ... يستلموني الشباب

والان ولله الحمد من محبي السوشي .... الني والمطبوخ

حاولت اعلم حميد الطباخ مالي ايسوي سوشي .... سوا لي رول عيش مجبوس مع كركم وحاولت اكلهم بالشوبستيكس

الحمدلله على نعمة الصحة

سوري طولت عليكم وجوعتكم

[النهار]

هههههههههههههههههه
ترى صج اذا طاح الواحد في حلوج الناس والصقت فيه صفه تصير ماركه مسجله بأسمه
ترى انتي مهب مقصوده في الموضوع
عندنا واحد في الشغل دوم المساء كله يحن يالله نطلب عشاء المعروف اكثر طلبنا يكون من المطاعم التركيه
يكون هو المسؤل عن تجميع المبلغ حوالي 20 شخص
العالم تطلب اشكال وانواع من الطعام والي مجننا مايطلب الي حبيتين زعتر
هههههههههههه
اكتشفنا انه كل مره يطلب من نفس المطعم وكله يمدح هاي المطعم بعد مايطلب الطلب يقول لراعي المطعم 2 زعتير ببلاش ههههههه
صدناه مرتين الاخ عشاه زعتر ببلاش
الصقة فيه صفة الزعتر وين الزعتر وين راح الزعتر الزعتر غائب اليوم من اكثر من 15 السنه هاي الاسم لاصق فيه
في الاول كنا نحش من وراه في الاخر نعطيه اياه كاش زعتر هههههههههههههههه

[ضوى]

هههههههههههههههههه
ترى صج اذا طاح الواحد في حلوج الناس والصقت فيه صفه تصير ماركه مسجله بأسمه
ترى انتي مهب مقصوده في الموضوع
عندنا واحد في الشغل دوم المساء كله يحن يالله نطلب عشاء المعروف اكثر طلبنا يكون من المطاعم التركيه
يكون هو المسؤل عن تجميع المبلغ حوالي 20 شخص
العالم تطلب اشكال وانواع من الطعام والي مجننا مايطلب الي حبيتين زعتر
هههههههههههه
اكتشفنا انه كل مره يطلب من نفس المطعم وكله يمدح هاي المطعم بعد مايطلب الطلب يقول لراعي المطعم 2 زعتير ببلاش ههههههه
صدناه مرتين الاخ عشاه زعتر ببلاش
الصقة فيه صفة الزعتر وين الزعتر وين راح الزعتر الزعتر غائب اليوم من اكثر من 15 السنه هاي الاسم لاصق فيه
في الاول كنا نحش من وراه في الاخر نعطيه اياه كاش زعتر هههههههههههههههه

بالضبط مثل مالصق فيني اسم حمص

[النهار]

بالضبط مثل مالصق فيني اسم حمص

ههههههههههههههههههههههه

عوزين القصه من طئطء ل سلاموا عليكو

[النهار]

بس تدرين
هذول ما زينين الربع هههههههههههههههههههههههههه

اكيد في شي ضايقج في الموضوع يالله هاتي مالديك هههههههههههههههه

[معماري قطري]

هههههههههههههههههه
ترى صج اذا طاح الواحد في حلوج الناس والصقت فيه صفه تصير ماركه مسجله بأسمه
ترى انتي مهب مقصوده في الموضوع
عندنا واحد في الشغل دوم المساء كله يحن يالله نطلب عشاء المعروف اكثر طلبنا يكون من المطاعم التركيه
يكون هو المسؤل عن تجميع المبلغ حوالي 20 شخص
العالم تطلب اشكال وانواع من الطعام والي مجننا مايطلب الي حبيتين زعتر
هههههههههههه
اكتشفنا انه كل مره يطلب من نفس المطعم وكله يمدح هاي المطعم بعد مايطلب الطلب يقول لراعي المطعم 2 زعتير ببلاش ههههههه
صدناه مرتين الاخ عشاه زعتر ببلاش
الصقة فيه صفة الزعتر وين الزعتر وين راح الزعتر الزعتر غائب اليوم من اكثر من 15 السنه هاي الاسم لاصق فيه
في الاول كنا نحش من وراه في الاخر نعطيه اياه كاش زعتر هههههههههههههههه

شاك فيك النهار ان انت السيد زعتر المحترم

[معماري قطري]

بالضبط مثل مالصق فيني اسم حمص

عندي ولد عم أبيض وايد وعذابه الحمص الظاهر من كثر ما ياكل حمص ابيض

[JN000N]

اكيد في شي ضايقج في الموضوع يالله هاتي مالديك هههههههههههههههه

لا ابد والله
تقدر اتقول انا اللي عقدت الاخت الحياه هههههههههه

[ضوى]

ههههههههههههههههههههههه

عوزين القصه من طئطء ل سلاموا عليكو

لا اخاف من العين

[العقل المدمر]

الله يرزقني هالارواح الرياضية
انا لو في حد فكر يمسك علي شي بيندم طول عمره وبتنتهي علاقتنا :(

[النهار]

الله يرزقني هالارواح الرياضية
انا لو في حد فكر يمسك علي شي بيندم طول عمره وبتنتهي علاقتنا :(

افاااااااااااااااا ليش :eek5:

[النهار]

شاك فيك النهار ان انت السيد زعتر المحترم

هههههههههههههههههه
لا مهب انا تبيني احط اسمه الكامل لانه يتابع المنتدى اخاف يرفع على دعوه :weeping:

[العقل المدمر]

افاااااااااااااااا ليش :eek5:

انا لو بنحرج شوي واصيح
بعد تجي وحدة تضحك علي
كف على ويهها ينسيها ام الضحك :(

[الحياة الخالدة]

ليه كده بس ليه يا عزيزتي

شسوي .. عندي معاناة من بعض المواقف اللي مب راضيين ينسونها :nice:

[الحياة الخالدة]

هههههههههههههههههههههههههههههههههههه
انا قريت نص الموضوع وضحكت من قلب

هاج اهداء يالحب

https://instagram.com/p/BH5hV0ODQwp/

ذكرتني بناس .. أول ما يشوفون ويهي يتذكرون السالفة و يضحكون نفسها بالضبط

[عاشق العديد]

نبي مواقف اكشن .. عشان نطلع البلاوي

[معماري قطري]

شسوي .. عندي معاناة من بعض المواقف اللي مب راضيين ينسونها :nice:

موقف الورد ما ادري القطوة .. شوفي انا نسيت

[حليتان*]

شسوي .. عندي معاناة من بعض المواقف اللي مب راضيين ينسونها :nice:
كتبي المواقف زين هههههههههههههههههه

[حليتان*]

والله وايد مواقف من كثرها ماقدر اتذكرها ههههههههه
عندي ربع وايد المشكله مقسمهم قروبات
ربع الخور
ربع الدوحه
ربع الجامعه

والله جد ما اتغشمر ههههههههههه مسويهم قروبات فمخي
المهم المشكله ويييين !!!
قلت لي وين ؟
المشكله الله يطول لي بعمرك ان كل قروب ميود علي ستين موقف ههههههه

[حليتان*]

تذكرت موقف

واحد من الربع الله يلوع جبد عدوه(من ربع الدوحة) تخصصه غير تخصصي
المهم شأت الاقدار ان نسجل ماده مع بعض كانت مادة جغرافيا اظن جغرافيا عامه كان اسم المقرر
عاد الدكتور يشرح عن الجبال يقول شلون هي لها ايجابيات وسلبيات وقت الحروب الي بين الدول المتجاوره
عاد الدكتور قال ان الجبل ممكن يكون منحدر من جهة فهذا يكون ايجابي للهجوم
ومن الجهة الثانية عامودي وهذي سلبيه على ايام قبل ان مايقدرون يصدون الهجوم




عاد جاك الطالب المشارك amaf535 ورفع يده
قال الدكتور تفضل يا اماف يابني (الدكتور مصري) طبعا هو درا ان الموضوع فيه خفت دم هههههه لاني دوم امزح معاه
قلت له اانا عندي فكره ليش مايسون نفس اللفت (اصنصير) بس كبير وقوي عشان يشيل الجنود وليتني ماخفيت دمي

عاد صديقي العزيز مسكها علي وحياتك ماعطل عقب كم يوم رحت ميلسه الا ابوه قاعد يقولي ها شخبار اللفت الي ع الجبل وخذ كل مايشوف ويهي يطري السالفه هههههههه

ها لفت ع الجبل وها جبل فيه لفت

[Miss]

اكرههم :(

لما كنت فالمدرسه تهاوشت مع وحده في الساحه ويوم رجعت الصف وفيني هالطبع رضخت الباب وراي من الحره وما سمعت الا وحده تقول ااي يوم طليت الا المديره ضرب الباب في ويهها :(
ثاني يوم مداومه وخشمها عليه لزقه:(
وللحين يذكروني فيها وكل ما تجمعنا لازم وحده منهم تحط لزقه على خشمها عشان تذكرني

[asulaiti]

أنا حصل معاي موقف محرج في مصلى الوزارة ..

كان وقت صلاة الظهر .. وتأخرت عن الجماعة .. دخلت بعد ماخلصت الصلاة تماماً ..
وهنا عادة ترى المصلين بعضهم جالس، وبعضهم يصلي السنة .. فتبحث أنت عن جماعة أخرى تصلي لتلحق بهم ..
أو تنتظر حد من الموظفين يدخل فتصلي معه .. وهكذا ..

المهم وقفت أناظر الموجودين ابحث عن جماعة .. ولا أصيد لي اثنين يصلون جماعة وأروح صوبهم .. ومثل مانتوا عارفين ..
يجب إنك تحاول تنبه المؤموم علشان يرجع للخلف شوي ويصلي معاك .. حتى يكون الإمام في المقدمة .. لكن المؤموم تصرف بشكل غريب ..
اللي سواه لي بعد ما لمست كتفه إنه تزحزح شوي يسار لدرجة جعل الإمام يتزحزح شوي يسار !!

قلت ( يَّه .. اشفيه ) .. كررت العملية ولا يحاول يروح يمين شوي !!

أنا قلت على طول .. مسكين مب فاهم وما قد صارت له من قبل يمكن .. قلت مالي إلا أنبه الإمام وهو راح يتقدم شوي جدام ..
ألمس كتف الإمام .. ولاّ الأخ يسوي نفس المؤموم .. يروح شوي يسار !! وشوي يمين !!!!

أنا إنصدمت !!!!
قلت اشفيهم .. على طول قررت أخليهم وأروح اصلي بروحي ..
لكن شوي .. ولا صوت ( الله أكبر ) .. ويركعون الأثنين !!!

ترى الإمام طلع جدام !!!
وأدخل في الصف معاهم بسرعة علشان ألحق الركعة !!!!!

شتت تركيزهم !! هههههههه :happy:
ضيعت خشوعهم !! ههههههههه :happy:

سبب هذا الموقف المحرج .. هما الاثنين اللي كانوا يصلون خلف الإمام ..
لأن اللي على اليمين كان بس ( شوي ) متراجع للخلف .. يعني مش على نفس الخط أو موازي للآخر ..
فظنيت أن هذه الجماعة من شخصين .. إمام ومأموم !!
لكن الإمام الفعلي كان موجود جدام .. من كثر ما الموظفين يصلون السنة .. ظنيته واحد من اللي يصلون السنة اللي بعد الفريضة !!

من بعدها .. ما قمت أدخل جماعة لما أتأخر عن الصلاة إلا لما أتأكد في إمام جدام ولا لا ؟؟

:thumbup:

[ضوى]

ذكرتني بناس .. أول ما يشوفون ويهي يتذكرون السالفة و يضحكون نفسها بالضبط

ايه ايه ايه يعني شنسوي مانقدر ننسى ولا باقة الورد هذي المفروض تنحط بمتحف الذكريات بس عسى ماقطتها فلانه :secret:

[JN000N]

ايه ايه ايه يعني شنسوي مانقدر ننسى ولا باقة الورد هذي المفروض تنحط بمتحف الذكريات بس عسى ماقطتها فلانه :secret:

لا مع باقي الورد تجففت وتوزعت على فازات شفافه في ارجاء المنزل :happy:

[بانغ بانغ]

يدتي الله يرحمها مرة حاطة حنة في قوطي حلوة

رحت عندها والا بنات خالتي وامي وخالتي عندها

كنت اتوحم حلوة ذاك اليوم واشوف ذيك السودة اللي اتلق ولينة ... من شويطر

واخذ لي ملعقة طيبة وابلع لقمه والا حنة ووالله واروح ارجع في الحمام

المشكلة انهم كلهم شافوا الموقف وفكروني بشم الحنه ما توقعوا ان بابلع حنة

اخييييييي والله اتلوع الجبد بس زين اشوي مب وايد

يعني حنيت بطني ...

[ضوى]

لا مع باقي الورد تجففت وتوزعت على فازات شفافه في ارجاء المنزل :happy:

ههههههه شاهد على العصر بكل زاويه وركن

[.قطر.]

انا ماسك على المشرفين موقف :secret::tease:

[بانغ بانغ]

انا ماسك على المشرفين موقف :secret::tease:

موقف قصدك باركنغ للسيارة

وليش ماسكه

[.قطر.]

موقف قصدك باركنغ للسيارة

وليش ماسكه

عشان تيي تصف على طول وماتتعب نفسك :shy:
لا لا موقف :omen2:

[الحياة الخالدة]

أشكركم جميعاً على مشاركاتكم المضحكــــــة اللي ما ألوم الربع لو مسكوها عليكم :nice:

[العلياا]

هههههههههههههههههههههههههههههههههههه
انا قريت نص الموضوع وضحكت من قلب

هاج اهداء يالحب

https://instagram.com/p/BH5hV0ODQwp/

هههههههههههههههههههههه مو صج ضحكتها

الحياة انا ماشفت الموقف ومت ضحك هههههههههه

[العلياا]

والله اذكر موقف لرفيجتي

مرة كنا رايحه مجمع واول ماتدخلينه في كوفي شوب معروف بقعداته اللي على برا
اول مادخلنا رفيجتي طاحت طيحة قدام الكوفي واحنا من الضحك ماقدرنا نقومها
المشكلة هي اول ماقامت قالت وين الحمام وين الحمام (تكرمون) على بالنا تعورت ف رحنا على طول
شوي الا تقول فلانه عطيني شنطتج واختي اطالعها تقول لها شفيج تقول عطيني ووجها احمممممرر
بدلت الشناط هي واللي معاها عشان محد يعرفها من شنطتها هههههههههه

ومن يومها ماتدخل المجمع هههههههه

[بانغ بانغ]

الوالد لين كنت صغير ولمدة ليست بسيطة

كان كل ما يشوف خمر في التلفزيون .... يتذكرني وايهاوشني

هههههههه لحد ايفكر غلط

كنت اجيب عصير تفاح راوخ تتذكرونه الغرشة الخضرة .... مغطه صفره

كنت اخشها ورا الخضرة في الثلاجة وعاد هو ايشوفها وكان صج ايبهدلنا وبالعقال ضرب فينا وتلشط

عاد تعال فهم شيبه ان هاي عصير تفاح وغرشه مثل غراش الخمر

وكل ما يشوف في الافلام ... كان ايقول لنا تشربون مثل هالصيع والكفار

ههههههههههه الله يعطيه الصحة والعافية ايام

[بوخالد911]

متاااابع.

[حليتان*]

هههههههههههههههههههههههههههههههههههه
انا قريت نص الموضوع وضحكت من قلب

هاج اهداء يالحب

https://instagram.com/p/BH5hV0ODQwp/

انتي الله لايقط مسلم فيدج ههههههههههه