%% مخربي البيوت العمرانة %%

[ضوى]

وليد زوج يعتمد عليه ، يحب بيته واسرته ، والرجل شبه بيتوتي مايحب الطلعات اللي على غير سنع ، يعني كل شي عنده بحساب ، ماعنده خرابيط وسهر وتدخين وورقة وميالس ، وزوجته مثله ، يعني سفرهم مع بعض ترفيهم مع بعض يعني نقدر نقول عنها انها عيلة شبة مترابطة اذا لا بد من وجود بعض التجازوات الغير مضرة في مجملها ولا تؤثر على سير الحياة العاائلية بشكل عام ،
وليد له اصحاب وايد يتلاقى معاهم عند المسيد ، او بتجمعات المناسبات العامة والخاصة ، هالاصحاب دايما يحثونه انه يتمرد عالعايلة ، يحثونه على انه يعطي نفسه وقت اكثر يطلع فيها بنفسه يسافر بنفسه يتحرر من القيود العائلية كما يزعمون ، واخر مرة طلبوا منه ان يسافر معاهم في سفرة شبابية ، ولكن صاحب القصة وليد يرفض بحكم انه زوجته واولاده اولى بكل وقت فراغ له ، خاصة مع وجود مساحة حرية له ووقت يقضيه كيفما يشاء ولكن لارتباطه الشديد بعائلته حتى هذا الوقت يقضيه معهم ،
مع كثرة الكلام من اصحابه والذي يحتوي على مفردات بذيئة نوعا ما مثل انت تخاف من زوجتك ، انت سكانه مرته ، انت جبان ، انت خواف ، انت شورك بيد مرتك ، جعلته يتمرد على زوجته وأطفاله ، اصبح عصبي المزاج جل وقته مشغول بالقروبات مع اصحابه ، جعلته يجلس لوحده وقت اطول ، جعلت اجتماعه مع عائلته بسيط ، طبعا الزوجة لاحظت هذا التحول الكبير في حياة وليد وقررت ان تسأله ، وفاجئها بأنه سيسافر لوحده مع أصحابه وهذا شي لم يقم به منذ زواجهما مما جعلها تضرب اخماسا في اسداس ، واصبح الشجار دائما بينهما بسبب وبدون سبب ، اصحاب جلبوا التعاسة لصاحبهم بعد أن كان ينعم بالهدوء والاستقرار .

إلى هنا وتنتهي قصة صاحبنا وليد ، اترك لكم التعليق واترك لكم حرية التحليق بالموضوع كما تشاؤون ، واترك لكم مطلق الحرية في وضع سيناريوهات متعلقة بالموضوع بدايته او نهايته او في وسطه

مشاركاتكم تسعدني جدا

تمنياتي لكم بمساء سعيد ان شاء الله

[qatarman8008]

النصف الاول من القصة هو انا..
النصف الثاني من القصة هو مش انا..:nice:

[qatarman8008]

انا برايي ان شخصية الانسان يتحكم بها ثلاث اطراف..
الطرف الاول هو الاخلاق..
الطرف الثاني هو الدين..
الطرف الثالث هو المجتمع المحيط..
..
وليد... يبدو انه كان لطرف المجتمع المحيط به تاثير اكبر من تاثير الدين والاخلاق..

[(عبدالله)]

الرجل لازم يوازن في علاقاته مع الكل: مع ربه مع والديه مع زوجته مع أبناءه مع نفسه مع جيرانه مع اصدفاءه مع قرايبه مع زملاء العمل .. إلخ

أكرر... الموازنة.. حتى الأصدقاء في أصدقاء شبه يومياً وفي شبه أسبوعيا وفي شبه شهرياً وفي من عيد لعيد.. كذلك كيفية التواصل لها فنونها..

اللي صار مع وليد هو خلل في توازن علاقته مع وتوزيع وقته واهتماماته نتيجة التحول السريع

الموازنة زينة .. والأهم .. تقييم العلاقات والتدريج في أي تغيير أو تحول

[الصريح99]

رأيي يخلي الخرابيط ويتوكل على الله يسافر مع ربعة ويش فيها اذا سافر ✌ï¸ڈ

[Charisma]

النصف الأول من القصة لايعبر عن "حياة مثالية" ، وتعبير "أسرتة أولى بكل وقت فراغة " خطأ ، صحيح أن الأسرة لها الأولوية ولكن "وليد" يحتاج لأن يمارس دورة الأجتماعي ، ويوفق بين هذا وذاك .


المؤثرين على حياة وليد :





"وليد" : الحياة البيتوتية والأنطواء عن الحياة الأجتماعية يؤثر سلبا على "نفسية الرجل" ، ويكون قابل للأندفاع والتغيير السلبي .

" ربعه " : حسب تصوير القصة فدورهم كان " خراب بيوت " ، فطبيعي ان التأثير طال "وليد" ، وكثر الدق يفك اللحام .

"زوجته " : تعبير " تضرب اخماس في اسداس " يدل على ان الزوجة "غير ذكية" في تعاطيها مع تغير وليد ، "التحلطم" في مثل هذه الحالات يزيد الطين بله ، وليش الأخماس والأسداس ؟ سفر الرجل لوحده او مع أصحابة أمر عادي جدا ، إن لم يؤدي ذلك لأهمال أسرته .






الزبدة : أحتياجات - رغبات - نمط حياة الرجل تختلف عن المرأه خصوصا في الجانب الأجتماعي .


شكرا على الموضوع .

[Charisma]

الرجل لازم يوازن في علاقاته مع الكل: مع ربه مع والديه مع زوجته مع أبناءه مع نفسه مع جيرانه مع اصدفاءه مع قرايبه مع زملاء العمل .. إلخ

أكرر... الموازنة.. حتى الأصدقاء في أصدقاء شبه يومياً وفي شبه أسبوعيا وفي شبه شهرياً وفي من عيد لعيد.. كذلك كيفية التواصل لها فنونها..

اللي صار مع وليد هو خلل في توازن علاقته مع وتوزيع وقته واهتماماته نتيجة التحول السريع

الموازنة زينة .. والأهم .. تقييم العلاقات والتدريج في أي تغيير أو تحول

كفيت ووفيت .

[JN000N]

مب هذي المشكله الاساسيه يمكن

على العكس
قبل يتزوج وقبل تتزوج كلن وله حياته الاجتماعيه اللي اسسها قبل الزواج
وطبيعي الزواج مب سجن يحكره من ربعه واموره الخاصه
ولكن المفروض بحدود المعقول

مرات يكون الشخص فعلا مقتنع بوجهة نظره
انه سفراته تكون مع اهل بيته اولى من سالفة سفراته مع ربعه
(في حياتي ماشفت ابوي سافر مع ربعه وخلانا)

في متزوجين قدامى يخربون على متزوجين يداد
مثلا قبل الزواج كلن يسهر لين الفجر معاهم
الحين حده 1 ويعتبر وايد وايد متاخر
مادري ايش اللي يخلي الجماعة ينتفضون لما يقرر يرد البيت لزوجته
طيب بنت الناس مخليها ف البيت بروحها وانا من مساعه وياكم ماقصرت!
يقولون له شدعوه ربطتك المره
شدعوه مسكتك عن الميلس
ياريال وين رايح انت لا صايع ولا هايت قاعد ف الميلس ماتسوي شي غلط!!!

زين شهالنظرية التعبانه!

او قررو فجاه يسافرون لدولة مجاوره
قوم يلا بنروح ويكند او اسبوع
زين انتو نفسكم الي قاعد معاكم انا ف الميلس شتفرق هني او هناك
واحنا لو بنسافر بنروح ونمارس نفس القعدة واللعب

حتى لو شي يديد
انا انسان متزوج الحين ولي التزاماتي
ماقصرت معاهم واصل فيكم
لكن حياة العزوبية شي والزوجية شي ثاني
وبنت الناس الي خذتها لها حق اكون معاها وما اهملها

والا اذا الدنيا صارت له حياته الخاصه ولا تمنعونه ف سفراته وطلعاته وسهراته
ترى حتى بنت الناس لها حياتها الخاصه وربعها الي كانت قبل العرس اسبوعيا تتقابل معاهم ويطلعون يوم كامل جدول
اذا ما تسافر معاهم بعد

الشي الي الريال ما يبيه ف مرته لا يسويه هو ويضايقها

والمخربين
اذا انت عزوبي ما تزوجت لا تحشر نفسك ف حياة متزوج لحينك ماعرفت مسؤولياته
ويا متزوج لو انت عايش في فوضى لا تشجع غيرك يعيش نفسها

[بعيد النظر]

شهالـ وليد اللي بدون شخصية :@

[نمر بن عدوان]

هههههههههههههه ماكثر هالنوعيه الي مثل وليد يعتبر المجالس خرابيط والسفر مع ربعه قلة ادب والصحيح انه مايقدر يكسر كلام زوجته . طبيعة الرجل يطلع يقعد مع ربعه يسافر معاهم والمخالف للطبيعه هو حالة وليد في بداية حياته . لكن زوجته ماتنلام تضرب اخماس باسداس لانه عودها يكون تحت نظرها 24 ساعه .والزوجه على ماتعودها من البدايه .

ومب معناته الرجل اذا طلع وسافر مع ربعه وقعدفمجالس انه مايحب بيته وعياله هذا مفهوم غلط

[مرتبش]

النسوان ماينعرف لهم..قعد في البيت يقولون له اطلع روح ماعندك ربع
طلع وسافر قالو له قر في البيت نبي نشوفك شدعوة بيت مب فندق.

لكن وليد قصته غير منطقية.. يعني يتهاوشون لاتفه الاسباب عشانه بيسافر مع ربعه.. الحريم شكثرهم يسافرون مع اهلهم وحتى ربعهم بدون ازواجهم

[JN000N]

النسوان ماينعرف لهم..قعد في البيت يقولون له اطلع روح ماعندك ربع
طلع وسافر قالو له قر في البيت نبي نشوفك شدعوة بيت مب فندق.

لكن وليد قصته غير منطقية.. يعني يتهاوشون لاتفه الاسباب عشانه بيسافر مع ربعه.. الحريم شكثرهم يسافرون مع اهلهم وحتى ربعهم بدون ازواجهم

ف هالقصه هي ما تسافر الا معاه
وحياتها كلها معاه
مب هي تسافر وتقوله اقعد لاتسافر الا معاي
زين شبيضر العالم اذا هو مرتاح مع هله بهالنظام!؟؟
ليش يقطون عليه كلام وينغزونه
والا بس يستقوون عليه وجوفونا احنا القوا الي حريمنا ماكلين تبن ف البيت واحنا نطلع ومخلينهم هم يربون عيالنا وهبابنا احنا ربعنا وميالسنا وطلعاتنا وسفراتنا

ياخي ماقصرت وانت عزوبي مفتل بالطول والعرض
الحين يوم تزوجت التزم ببيتك ومرتك واللي يريحك انت ومرتك سوه مب على هوا وشور الناس
والا بس متزوج عشان مرته تفرخ له عيال وهو يطامر من ميلس لميلس
وياليت بعد هي مانعته والا حاكرته
يطلع ويروح وايي معاهم ماتقوله شي ولا تتدخل لكن بحدود المعقول
شهالمنطق الي يخلي الريال يعيش حياته وهو متزوج كأنه عزوبي

[Charisma]

ف هالقصه هي ما تسافر الا معاه
وحياتها كلها معاه
مب هي تسافر وتقوله اقعد لاتسافر الا معاي
زين شبيضر العالم اذا هو مرتاح مع هله بهالنظام!؟؟
ليش يقطون عليه كلام وينغزونه
والا بس يستقوون عليه وجوفونا احنا القوا الي حريمنا ماكلين تبن ف البيت واحنا نطلع ومخلينهم هم يربون عيالنا وهبابنا احنا ربعنا وميالسنا وطلعاتنا وسفراتنا

ياخي ماقصرت وانت عزوبي مفتل بالطول والعرض
الحين يوم تزوجت التزم ببيتك ومرتك واللي يريحك انت ومرتك سوه مب على هوا وشور الناس
والا بس متزوج عشان مرته تفرخ له عيال وهو يطامر من ميلس لميلس
وياليت بعد هي مانعته والا حاكرته
يطلع ويروح وايي معاهم ماتقوله شي ولا تتدخل لكن بحدود المعقول
شهالمنطق الي يخلي الريال يعيش حياته وهو متزوج كأنه عزوبي

مثل هالسوالف بين الشباب وفي غالبيتها : يكون الأخذ والعطا فيها بـ "غشمرة" بعيدة عن التصادم والجد . <- نقطه

والبعض من باب المحبة يشره اذا شاف رفيقه غايب ، نوع من العتاب "الشبابي" ، ان يابو فلان مانبيك تهمل أهلك لكن لاتنسى ربعك ولو من فتره لفتره ، والتواصل والزيارات وقعدات المجالس أمور يحتاجها "الرجال" في حياته ( طبعا بعقل ) .

اما موضوع بعض الشباب والسهرات اليومية ولايدري عن اهله هذا موضوع ثاني .

[JN000N]

مثل هالسوالف بين الشباب وفي غالبيتها : يكون الأخذ والعطا فيها بـ "غشمرة" بعيدة عن التصادم والجد . <- نقطه

والبعض من باب المحبة يشره اذا شاف رفيقه غايب ، نوع من العتاب "الشبابي" ، ان يابو فلان مانبيك تهمل أهلك لكن لاتنسى ربعك ولو من فتره لفتره ، والتواصل والزيارات وقعدات المجالس أمور يحتاجها "الرجال" في حياته ( طبعا بعقل ) .

اما موضوع بعض الشباب والسهرات اليومية ولايدري عن اهله هذا موضوع ثاني .

اذا بهالاسلوب اللي ذكرته
جان وايد بيوت بيتم عمارها ولا بتنهدم ولا بتصير مشاكل
لان مثل ما قلت انت المقصد تشره
مب قواة ومناحس
وبالعكس اصلا حياته الزوجيه مستحيل تحرمه من ربعه والميلس والقعدات معاهم
لكن مثل ما ذكرنا بحدود المعقول وبدون مشاكل
ومب كل واحد ظروفه تسمح له مثلا يسافر مع ربعه ويخلي هله وعياله ف البيت او يسهر للفجر وهم ف البيت
بعد لو مرته في النفاس مب ف البيت بنقول متملل لا مره ولا وعيال وخله يستانس ويغير جو

[eXpert*]

الواحد لازم يكون له مساحته الخاصة ضروري ضروري ..

الرجل إذا 24 ساعة في البيت تنقطع عنه علوم الدنيا ..

وواجب عليه دائماً يقوي علاقاته الإجتماعية مع من حوله ..

ولا بيجي يوم من الأيام ماراح يلاقي حد حوله .

[qatara]

ليش دايما

التمثيليات والقصص تخرج المراه دائما بصوره المظلومه

باي مسلسل او أي فلم مهما كان حجم وغلطاتها او جريمتها في الأخير يطلعون المراه بدور المظلومه ؟

اذكر فلم راحت لعمل الفاحشه وموسيقى تصويره حزينه ليش عملتي الفاحشه العذر

اقيب دوا لبابا اصلو مريض ومحتاق علاج تعالجه بفلوس حرام اللقطه مع موسيقى حزينه

كانها مسكينه ورحومه والانسانيه تخر منها خر

خوش عذر وتبرير يعني سولها عذر مقنع

ولاحضو جميع الأفلام والمسلسلات كلها بدون ستثناء

بنفس الطابع يزرعون فينا هدف خبيث ويخاطبون
عقول نسائنا العفيفات بخبث لا يعلم حجم ضرره الا الله

[الحياة الخالدة]

السلام عليكم ورحمة الله
موضوع واقعي جداً .. يتكرر مع بعض الاختلافات البسيطة في الكثير من البيوت و الأسر
في ناس ( والكلام يخص الجنسين ) ما يرتاحون ولا يهدا لهم بال إلا لما يحنون على الزوج أو الزوجة .. اللي بالأساس تكون حياتهم ماشية و مستقرة و مقتنعين وراضين باللي هم فيه
هي لقافة منهم .. هي غيرة .. هي حسد
إلا تصيرون مثلنا .. و إلا تسوون اللي في راسكم وبس
شعليكم انتو من خلق الله .. خلوهم في حالهم .. إذا انتو حياتكم فاشلة .. و مهملين بيوتكم وأهاليكم .. لا تقعدون توسوسون في مخوخهم مثل الوسواس الخناس .. وتاخذون ذنب غيركم وتهدمون بيوتهم

أعوذ بالله من هالاشكال

[qatara]

النسوان ماينعرف لهم..قعد في البيت يقولون له اطلع روح ماعندك ربع
طلع وسافر قالو له قر في البيت نبي نشوفك شدعوة بيت مب فندق.

لكن وليد قصته غير منطقية.. يعني يتهاوشون لاتفه الاسباب عشانه بيسافر مع ربعه.. الحريم شكثرهم يسافرون مع اهلهم وحتى ربعهم بدون ازواجهم


مصيبه الحنانه الرنانه الملسونه ام عيون اتلاقط عيونها قويه والسانها طويل كنها محقق

الي لا يعجبها جلست ليش طلعت ليش

المره الي كذيه اعرف انها مافيها خير

ولا المره الي فيها خير تعرف ان رضى الله من رضى زوجها وسعادتها من سعادته

الي ستوت له (امه ) سيصبح لها (عبد )

فهو باب جنتها وأبو عيالها
ولا الرديه ما يقنعها شي تبي حاجتين :

أولها امش على مزاجي والثانيه خلني على كيفي ولا انت
ماتصلح ولا تفهم الحياه الزوجيه ومافي توافق وانت معقد
وبخيل وردي بتلزق كل شي في الرجل عشان تغطي على عيوبها وووووووووو
متاثرين وايد بالمسلسلات والممثلات الساقطات

الا من رحم ربي من التقيات النقيات


أن رسول الله صلى الله عليه وسلم قال :

( خير نسائكم الودود الولود المواتية المواسية ، إذا اتقين الله ،

وشر نسائكم المتبرجات المتخيلات ، وهن المنافقات ، لا يدخل الجنة منهن ، إلا مثل الغراب الأعصم ) .


قد تكون حبوبه ومحترمه لاكن تجيها بنت حرام تخرب مخها وبيتها لاحض وشهد شاهد منهن

https://www.youtube.com/watch?v=AVnV55EFZNQ

[نجم سهيل]

السلام عليكم

مبين من الأسلوب انه من قلم ناعم يرمي إلى تدجين الرجال بسامية نسائية مُطْلَقَة :)

[durra]

اذا بنرجع لمدى تأثير الاصدقاء باستقرار الحياة الاسرية... فانا اشوف حالة وليد تمثل 10% من حالات البيوت العمرانة الي تنهد من تأثر الرجل بربعه..

90% من خراب السعادة الزوجية يكون من طرف المرأة وتأثرها ببيئة اقرانها.. وهذا واقع انا كبنت شفته سواء بين قريباتي او صديقاتي...المقارنة الدائمة والغيرة والحسد بين الحريم سبب انتكاسة البيوت للاسف في زماننا.

[راجي الْعفو]

اذا بنرجع لمدى تأثير الاصدقاء باستقرار الحياة الاسرية... فانا اشوف حالة وليد تمثل 10% من حالات البيوت العمرانة الي تنهد من تأثر الرجل بربعه..

90% من خراب السعادة الزوجية يكون من طرف المرأة وتأثرها ببيئة اقرانها.. وهذا واقع انا كبنت شفته سواء بين قريباتي او صديقاتي...المقارنة الدائمة والغيرة والحسد بين الحريم سبب انتكاسة البيوت للاسف في زماننا.

ولذلك كان من اهلُ العلم من يرشد الى عدم السماح للزوجة بمخالطة النساء لان هذا يفسدها
وكما ذكرتي هو الواقع
وهذا من حسن فقههم

ولكن مع هذا اقول ان موضوع إمضاء الزوج الوقت الطويل مع أصدقائه و إهمال اهله
هذا امر واقع في مجتمعنا للأسف، وحصل بسببه انفكاك عدد من الأُسَر
فالروح لا بد و ان يعي هذا الشيء

[بن غيث]

الأول.. كنا نتعوذ من ابليس
الحين .. نتعوذ من الناس أكثر من ابليس

[نمر بن عدوان]

الخوف على الرجل من ربعه الرجال مايتجاوز 10% لكن في حال النساء فالخوف على الزوجه من رفيقاتها يطوف 50% . الرجل صعب ينجر عكس المرأه تنجر بسرعه وتتأثر بالكلام

[راجي الْعفو]

السلام عليكم

مبين من الأسلوب انه من قلم ناعم يرمي إلى تدجين الرجال بسامية نسائية مُطْلَقَة :)


الأول.. كنا نتعوذ من ابليس
الحين .. نتعوذ من الناس أكثر من ابليس

وعليكم السلام و رحمة الله و بركاته
اضحك الله سنكم ^_^

[qatara]

اذا بنرجع لمدى تأثير الاصدقاء باستقرار الحياة الاسرية... فانا اشوف حالة وليد تمثل 10% من حالات البيوت العمرانة الي تنهد من تأثر الرجل بربعه..

90% من خراب السعادة الزوجية يكون من طرف المرأة وتأثرها ببيئة اقرانها.. وهذا واقع انا كبنت شفته سواء بين قريباتي او صديقاتي...المقارنة الدائمة والغيرة والحسد بين الحريم سبب انتكاسة البيوت للاسف في زماننا.

كلمه حق جعلها بميزان حسناتج
واشكرج عليها

[ضوى]

نقطه نظام

خلكم في صلب الموضوع ، الموضوع كلش مايتكلم عن تاثير الصديقات على الزوجه بل العكس تاثير اصحاب الزوج عليه ،لاتخيطون وتبيطون على كيفكم ،

رادة لكم ان شاء الله بكرة للرد على كل تعليق
شاكرة لكم تفهمكم ، كتارا ركز بارك الله فيك خل عقدتك برع الموضوع هالمرة بس

[qatara]

نقطه نظام

خلكم في صلب الموضوع ، الموضوع كلش مايتكلم عن تاثير الصديقات على الزوجه بل العكس تاثير اصحاب الزوج عليه ،لاتخيطون وتبيطون على كيفكم ،

رادة لكم ان شاء الله بكرة للرد على كل تعليق
شاكرة لكم تفهمكم ، كتارا ركز بارك الله فيك خل عقدتك برع الموضوع هالمرة بس





على العموم انا ماطلعت من الموضوع كانت مداخلتي على راي اخوي مرتبش بالمشاركه رقم #18



الراي والراي الاخر خليج طويله بال وديمقراطيه

الي فيه عقده الي يتحسس من الراي الاخر حتا لو كان مداخله

ويبي الكلام بس لرايه فقط بتجاه واحد فقط لصالحه اذا ختلف وياه لايتقبل

دايما انتي تعلقين على رايي لم اعترض شمعنا الحين اعترضتي عجبي

برايي للطرفين حق للرجل حق وللمراه حق اليس كذالك ؟

تبينا نشارك لنا راينا ماتبينا نشارك قولي لاتشاركون

الا نويد وجهة نضرج بعين واحده ولا ماينفع هذه ديكتادوريه

لابد من وجهتي النضر وبعينين لتتضح الصوره

اما :

( قال فرعون ما أريكم إلا ما أرى وما أهديكم إلا سبيل الرشاد )

مهب حوار وتبادل راي هذا فرض راي بتجاه واحد .

[هيليوم]

خطا وليد انه سمح لاصدقائه بالتمادي في كلام مثل انت تخاف من مرتك .. سكانه مرته ، كلام مثل هذا المفترض انه يرد عليه برد يفحم الطرف الثاني والل يصر على التمادي يقطعه ، السكوت هنا يخلي الثاني يتمادى ولا شعوريا هو بيتأثر وبيحاول يثبت عكس الكلام وبيدخل في السالفة المذكورة في الموضوع

ما في احسن من ان الشخص يكون حازم في اتخاذ قرار بخصوص علاقات تسحب منه وما تضيف له

[ضوى]

النصف الاول من القصة هو انا..
النصف الثاني من القصة هو مش انا..:nice:

الله يثبتك


انا برايي ان شخصية الانسان يتحكم بها ثلاث اطراف..
الطرف الاول هو الاخلاق..
الطرف الثاني هو الدين..
الطرف الثالث هو المجتمع المحيط..
..
وليد... يبدو انه كان لطرف المجتمع المحيط به تاثير اكبر من تاثير الدين والاخلاق..

يمكن كلامك يكون صحيح ولكن لا اتفق معه ، كون وليد رجل ملتزم وخلوق بشهادة الجميع ، قد يكون التزامه وارتباطه بعائلته اثر عليه بشكل سلبي بعد مافتح عيونه على اصحابه وطريقة حياتهم والحرية اللي هم عايشينها جايز ، طيب السؤال اصحابه دامهم كلموه مرة ومرتين ليش حولو على زوجته ؟ ليش حسسوه انه زوجته اللي مسكرة عليه ومضيقة عليه ، ليش وتروا علاقته بزوجته وهي مالها ذنب حسب الظاهر ؟


الرجل لازم يوازن في علاقاته مع الكل: مع ربه مع والديه مع زوجته مع أبناءه مع نفسه مع جيرانه مع اصدفاءه مع قرايبه مع زملاء العمل .. إلخ

أكرر... الموازنة.. حتى الأصدقاء في أصدقاء شبه يومياً وفي شبه أسبوعيا وفي شبه شهرياً وفي من عيد لعيد.. كذلك كيفية التواصل لها فنونها..

اللي صار مع وليد هو خلل في توازن علاقته مع وتوزيع وقته واهتماماته نتيجة التحول السريع

الموازنة زينة .. والأهم .. تقييم العلاقات والتدريج في أي تغيير أو تحول

اتفق معاك في مجمل كلامك ، شاكرة لك مداخلتك الجميلة


رأيي يخلي الخرابيط ويتوكل على الله يسافر مع ربعة ويش فيها اذا سافر ✌ï¸ڈ

مافيها شي


النصف الأول من القصة لايعبر عن "حياة مثالية" ، وتعبير "أسرتة أولى بكل وقت فراغة " خطأ ، صحيح أن الأسرة لها الأولوية ولكن "وليد" يحتاج لأن يمارس دورة الأجتماعي ، ويوفق بين هذا وذاك .


المؤثرين على حياة وليد :





"وليد" : الحياة البيتوتية والأنطواء عن الحياة الأجتماعية يؤثر سلبا على "نفسية الرجل" ، ويكون قابل للأندفاع والتغيير السلبي .

" ربعه " : حسب تصوير القصة فدورهم كان " خراب بيوت " ، فطبيعي ان التأثير طال "وليد" ، وكثر الدق يفك اللحام .

"زوجته " : تعبير " تضرب اخماس في اسداس " يدل على ان الزوجة "غير ذكية" في تعاطيها مع تغير وليد ، "التحلطم" في مثل هذه الحالات يزيد الطين بله ، وليش الأخماس والأسداس ؟ سفر الرجل لوحده او مع أصحابة أمر عادي جدا ، إن لم يؤدي ذلك لأهمال أسرته .






الزبدة : أحتياجات - رغبات - نمط حياة الرجل تختلف عن المرأه خصوصا في الجانب الأجتماعي .



شكرا على الموضوع .



تعليقك فيه الكثير من الصحة ومتوازن جدا ، لكن اعتراضي على نقطة التدخل واقحام الزوجة في طبع يخصه وليد وحده وباراداته ، طبعا محد دخل البيوت ولا يعرؤف اسرارها لا انا ولا هم بس حسب القصة انه وليد وزوجته مستقرين ومتأقلمين مع حياتهم هذي من غير اي ضغوطات

[معماري قطري]

انا ما اايد تعدد الزوجات

[ضوى]

مب هذي المشكله الاساسيه يمكن

على العكس
قبل يتزوج وقبل تتزوج كلن وله حياته الاجتماعيه اللي اسسها قبل الزواج
وطبيعي الزواج مب سجن يحكره من ربعه واموره الخاصه
ولكن المفروض بحدود المعقول

مرات يكون الشخص فعلا مقتنع بوجهة نظره
انه سفراته تكون مع اهل بيته اولى من سالفة سفراته مع ربعه
(في حياتي ماشفت ابوي سافر مع ربعه وخلانا)

في متزوجين قدامى يخربون على متزوجين يداد
مثلا قبل الزواج كلن يسهر لين الفجر معاهم
الحين حده 1 ويعتبر وايد وايد متاخر
مادري ايش اللي يخلي الجماعة ينتفضون لما يقرر يرد البيت لزوجته
طيب بنت الناس مخليها ف البيت بروحها وانا من مساعه وياكم ماقصرت!
يقولون له شدعوه ربطتك المره
شدعوه مسكتك عن الميلس
ياريال وين رايح انت لا صايع ولا هايت قاعد ف الميلس ماتسوي شي غلط!!!

زين شهالنظرية التعبانه!

او قررو فجاه يسافرون لدولة مجاوره
قوم يلا بنروح ويكند او اسبوع
زين انتو نفسكم الي قاعد معاكم انا ف الميلس شتفرق هني او هناك
واحنا لو بنسافر بنروح ونمارس نفس القعدة واللعب

حتى لو شي يديد
انا انسان متزوج الحين ولي التزاماتي
ماقصرت معاهم واصل فيكم
لكن حياة العزوبية شي والزوجية شي ثاني
وبنت الناس الي خذتها لها حق اكون معاها وما اهملها

والا اذا الدنيا صارت له حياته الخاصه ولا تمنعونه ف سفراته وطلعاته وسهراته
ترى حتى بنت الناس لها حياتها الخاصه وربعها الي كانت قبل العرس اسبوعيا تتقابل معاهم ويطلعون يوم كامل جدول
اذا ما تسافر معاهم بعد

الشي الي الريال ما يبيه ف مرته لا يسويه هو ويضايقها

والمخربين
اذا انت عزوبي ما تزوجت لا تحشر نفسك ف حياة متزوج لحينك ماعرفت مسؤولياته
ويا متزوج لو انت عايش في فوضى لا تشجع غيرك يعيش نفسها

كلامج عين العقل ، ومعاج حق المتزوج تغيرت حياته صار في اولويات عنده غير الاصحاب والميلس ، ماقلنا يقطعهم بس لازم يقدرون عنده مرة في البيت تنظره يطلع معاها يعشيها يغديها يقعد معاها ، طبعا وقته وجدوله بيتغير بسبب زوجته والا ليش متزوج عشان يتم على حياة العزوبية بعد الزواج طبعا هذا شي غير مقبول ابدا

[Charisma]

تعليقك فيه الكثير من الصحة ومتوازن جدا ، لكن اعتراضي على نقطة التدخل واقحام الزوجة في طبع يخصه وليد وحده وباراداته ، طبعا محد دخل البيوت ولا يعرؤف اسرارها لا انا ولا هم بس حسب القصة انه وليد وزوجته مستقرين ومتأقلمين مع حياتهم هذي من غير اي ضغوطات

الموضوع مافيه أقحام ولا استهداف ، مجرد تحليل ورأي . وفي ( صلب الموضوع ) .

النقطه الأخيره اللي ذكرت فيها الزوجه ، من أهم النقاط لو تمعنتي في القصة ، تعامل الزوجه في مثل حالة وليد مايكون بالـ"أخماس والاسداس" ، وممكن "يستشعر" وليد الخطأ في تمادية وأهماله لو تعاملت زوجته معاه باسلوب "ذكي" ، مب اسلوب "ينفر" وليد ويزيد الطين بله .



مسكين هالوليد صار عبره لمن لايعتبر :rolleyes2:

[MirusS]

والله في ناس وايد من هالنوعيه..
ليش ماتطلع وليش ماتسافر وليش الحكره!

ياخي انت شتبي ؟ :)
لازم الواحد يحاسب على نفسه من هالنوعيه من الناس
مب يتأثر بأي كلام يسمعه..

وفي حديث يقول أعط كل ذي حق حقه..
وآزن فالوقت الي تقضيه في كل علاقاتك.. وطبعا الاهل لهم الحصه الاكبر

[شبح الصمت]

ماشاء الله دامه يتلاقى معاهم عند المسيد ناس والحمد لله فيهم خير ..

:)

[رفيع الهامه]

طيب زوجته ليش ماقدرت الظروف اللي يمر فيها زوجها وراعت مشاعره ... ليش تثير المواضيع والمشاكل معاه



الحريم يبونك 24 ساعه رايق وتكون مطيع لهم ...



رووووح ياوليد والقلب داعي لك روح وسافر وشوف الحياة ولا تحبس رجلك في البيت ترا مصيرك تقعد ولا حد يسأل عنك...

[ضوى]

شهالـ وليد اللي بدون شخصية :@

بدون شخصية لانه عايش باستقرار مع هله ؟ والا بدون شخصية لانه يسمع كلام الاصحاب ومخربي البيوت العمرانة ؟

[ضوى]

هههههههههههههه ماكثر هالنوعيه الي مثل وليد يعتبر المجالس خرابيط والسفر مع ربعه قلة ادب والصحيح انه مايقدر يكسر كلام زوجته . طبيعة الرجل يطلع يقعد مع ربعه يسافر معاهم والمخالف للطبيعه هو حالة وليد في بداية حياته . لكن زوجته ماتنلام تضرب اخماس باسداس لانه عودها يكون تحت نظرها 24 ساعه .والزوجه على ماتعودها من البدايه .

ومب معناته الرجل اذا طلع وسافر مع ربعه وقعدفمجالس انه مايحب بيته وعياله هذا مفهوم غلط

يبدو لي انك فهمت القصة خطأ ، وليد ماعتبر الميالس سوالف خرابيط ، ولا اعتبر السفر قلة أدب ، هو عنده انه الميالس تاخذ من وقت الانسان وفي أشياء اهم يقضي وقته فيها ، هذي نقطة والنقطة الثانية السفر مع الاصحاب كان يرفضه لانه يشوف وقته لبيته وعياله اولى من أنه يكون لسفر خاصة اذا هو متكفل ببيته وعياله يعني زوج عارف مسؤولياته بشكل صحيح ، يعني مايكون ريال الا اذا قعد بميالس وسافر مع ربعه ؟

[ضوى]

النسوان ماينعرف لهم..قعد في البيت يقولون له اطلع روح ماعندك ربع
طلع وسافر قالو له قر في البيت نبي نشوفك شدعوة بيت مب فندق.

لكن وليد قصته غير منطقية.. يعني يتهاوشون لاتفه الاسباب عشانه بيسافر مع ربعه.. الحريم شكثرهم يسافرون مع اهلهم وحتى ربعهم بدون ازواجهم

قصة وليد منطقية جدا وتصير في وايد بيوت ، الزن والحنة وتخريب البيوت هذي هواية عند البعض ، يزعجهم يشوفون بيت مستقر نفسيا ومعنويا

[qatari911]

لا اخت ضوى وليد مش غلطان
بس ما قسم وقته صح علشان ماتصير هالمشاكل له
اذا كان الشخص محافظ على بيته ومخلص امور زوجته من مشاوير ويكون يخصص له كذا طلعه يعزمها وياخذ الاطفال للمدينة الترفيهيه ويكون وقته لبيته لازم يخصص وقت لربعه قعده في المجلس او يسافر معهم دام هم مسافرين علشان طبيعه وسياحة اعتقد مافيها مشكله بس مش عفوا على ردي ((يكون رايحين لدعارة او رايحين علشان يفلونها في الخمور والديسكوهات ))
هنا غلط يروح من الاساس مو خوفا من زوجتها لا خوفا من الله
وسؤالي لك اختي الكريمه لو زوجك مش مقصر عليكم في شي من ناحية الطلعات والسفرات وياخذ العيال للمدينة الترفيهيه
وجات سفره لربعه وكان بيسافر معهم يغير جو هل تزعلين ؟؟ وهو مو مقصر في شي من ناحيتك؟؟؟

[qatari911]

لا اخت ضوى وليد مش غلطان
بس ما قسم وقته صح علشان ماتصير هالمشاكل له
اذا كان الشخص محافظ على بيته ومخلص امور زوجته من مشاوير ويكون يخصص له كذا طلعه يعزمها وياخذ الاطفال للمدينة الترفيهيه ويكون وقته لبيته لازم يخصص وقت لربعه قعده في المجلس او يسافر معهم دام هم مسافرين علشان طبيعه وسياحة اعتقد مافيها مشكله بس مش عفوا على ردي ((يكون رايحين لدعارة او رايحين علشان يفلونها في الخمور والديسكوهات ))
هنا غلط يروح من الاساس مو خوفا من زوجتها لا خوفا من الله
وسؤالي لك اختي الكريمه لو زوجك مش مقصر عليكم في شي من ناحية الطلعات والسفرات وياخذ العيال للمدينة الترفيهيه
وجات سفره لربعه وكان بيسافر معهم يغير جو هل تزعلين ؟؟ وهو مو مقصر في شي من ناحيتك؟؟؟

ما اجبتي على سؤالي ياأخت ضوى؟؟

[ضوى]

ما اجبتي على سؤالي ياأخت ضوى؟؟

راح اتجاوز الرد على البقية واجاوبك على سؤالك

ايه راح ازعل سفر لا يطلع معاهم رحلات يتسلى معاهم ببحر يبات ببر والا بمخيم ماعندي مشاكل لكن سفر لا والحمد لله متفاهمين والله لا يغير علينا ويبعد مخربين البيوت العمرانة عنا

[qatari911]

راح اتجاوز الرد على البقية واجاوبك على سؤالك

ايه راح ازعل سفر لا يطلع معاهم رحلات يتسلى معاهم ببحر يبات ببر والا بمخيم ماعندي مشاكل لكن سفر لا والحمد لله متفاهمين والله لا يغير علينا ويبعد مخربين البيوت العمرانة عنا

اولا اعتذر على استعجالي
وثانيا
احترم اجابتك (والله لايغير عليكم ويبعد عنكم المخربين للبيوت العمرانه)) بس اعتقد فيها من الانانيه القليل
دام الرجال مش مقصر مع بيته في اي شي وحب يسافر مع ربعه تقومين تزعلين اصلن الزعل ماله معنا ابدا دامه قايم بالبيت من جميع النواحي ومو مقصر على زوجتها وعياله لا من ناحية الماده او الطلعات وسفرات لهم
وانا ماتفرق معي لان عندي صاحب متزوج ومقدر ظروفه ولا مره طلبت يسافر معي ابدا ان هو قال بيروح ماراح اقول لا واذا ماراح ماعندي اي مشكله فيها ولا اقول له الكلام المحبط وغيرها من شماته
جزاج الله خير على ردك
تحياتي لك

[ضوى]

اولا اعتذر على استعجالي
وثانيا
احترم اجابتك (والله لايغير عليكم ويبعد عنكم المخربين للبيوت العمرانه)) بس اعتقد فيها من الانانيه القليل
دام الرجال مش مقصر مع بيته في اي شي وحب يسافر مع ربعه تقومين تزعلين اصلن الزعل ماله معنا ابدا دامه قايم بالبيت من جميع النواحي ومو مقصر على زوجتها وعياله لا من ناحية الماده او الطلعات وسفرات لهم
وانا ماتفرق معي لان عندي صاحب متزوج ومقدر ظروفه ولا مره طلبت يسافر معي ابدا ان هو قال بيروح ماراح اقول لا واذا ماراح ماعندي اي مشكله فيها ولا اقول له الكلام المحبط وغيرها من شماته
جزاج الله خير على ردك
تحياتي لك

وجزاك ربي يارب بمثله واكثر

يمكن اكون انانية بس انا اشوفها أنانية محمودة خاصة اني ماضريت احد ولا هو ضر احد يعني ، بيته اولى من أنه يسافر ويتركنا ، احنا عايلة باي وقت نحتاج شي يصيدنا ظرف لازم هو يكون موجود عشان يتصرف ، مهما كان رب الاسرة له مكانه وهيبته كلمته سيف سواء على عياله والا خدمه والا سواقه واعتقد انت فاهمني من غير لا اشرح وايد

[qatari911]

وجزاك ربي يارب بمثله واكثر

يمكن اكون انانية بس انا اشوفها أنانية محمودة خاصة اني ماضريت احد ولا هو ضر احد يعني ، بيته اولى من أنه يسافر ويتركنا ، احنا عايلة باي وقت نحتاج شي يصيدنا ظرف لازم هو يكون موجود عشان يتصرف ، مهما كان رب الاسرة له مكانه وهيبته كلمته سيف سواء على عياله والا خدمه والا سواقه واعتقد انت فاهمني من غير لا اشرح وايد

وصلت الفكره اختي ضوى وفاهم :victory:
وجهة نظر واحترمه :shy:

[ضوى]

الواحد لازم يكون له مساحته الخاصة ضروري ضروري ..

الرجل إذا 24 ساعة في البيت تنقطع عنه علوم الدنيا ..

وواجب عليه دائماً يقوي علاقاته الإجتماعية مع من حوله ..

ولا بيجي يوم من الأيام ماراح يلاقي حد حوله .

طبعا هالشي مرفوض ، نعم له مساحة حرية يطلع يروح يرفه عن نفسه باللي يبيه ، بس مب معناها اذا قعد البيت بارادته انه سكانه مرته ، مب معناه اذا اعتذر عن سره والا طلعه انه زوجته تتحكم فيه ، الناس تطلق احكام وتحلل وتدخل بالنوايا بعد من غير خوف من الحسيب والرقيب

[ضوى]

ليش دايما

التمثيليات والقصص تخرج المراه دائما بصوره المظلومه

باي مسلسل او أي فلم مهما كان حجم وغلطاتها او جريمتها في الأخير يطلعون المراه بدور المظلومه ؟

اذكر فلم راحت لعمل الفاحشه وموسيقى تصويره حزينه ليش عملتي الفاحشه العذر

اقيب دوا لبابا اصلو مريض ومحتاق علاج تعالجه بفلوس حرام اللقطه مع موسيقى حزينه

كانها مسكينه ورحومه والانسانيه تخر منها خر

خوش عذر وتبرير يعني سولها عذر مقنع

ولاحضو جميع الأفلام والمسلسلات كلها بدون ستثناء

بنفس الطابع يزرعون فينا هدف خبيث ويخاطبون
عقول نسائنا العفيفات بخبث لا يعلم حجم ضرره الا الله

كالعاد يا كتارا عباس على دباس ، ياللا معليه تنفس شوي

[ضوى]

السلام عليكم ورحمة الله
موضوع واقعي جداً .. يتكرر مع بعض الاختلافات البسيطة في الكثير من البيوت و الأسر
في ناس ( والكلام يخص الجنسين ) ما يرتاحون ولا يهدا لهم بال إلا لما يحنون على الزوج أو الزوجة .. اللي بالأساس تكون حياتهم ماشية و مستقرة و مقتنعين وراضين باللي هم فيه
هي لقافة منهم .. هي غيرة .. هي حسد
إلا تصيرون مثلنا .. و إلا تسوون اللي في راسكم وبس
شعليكم انتو من خلق الله .. خلوهم في حالهم .. إذا انتو حياتكم فاشلة .. و مهملين بيوتكم وأهاليكم .. لا تقعدون توسوسون في مخوخهم مثل الوسواس الخناس .. وتاخذون ذنب غيركم وتهدمون بيوتهم

أعوذ بالله من هالاشكال

الله يجزيج خير على ردج الشافي والكافي ، وللعلم في ناس ماترتاح الا اذا خربت البيوت وشافت الشقاق والخلاف يدخل بينهم ، يحسون بنشوة الانتصار والعياذ بالله

[ضوى]

السلام عليكم

مبين من الأسلوب انه من قلم ناعم يرمي إلى تدجين الرجال بسامية نسائية مُطْلَقَة :)

كلامك مردود عليك ، ماحب هالاسلوب المقزز في الرد على الاقلام الراقية

[ضوى]

خطا وليد انه سمح لاصدقائه بالتمادي في كلام مثل انت تخاف من مرتك .. سكانه مرته ، كلام مثل هذا المفترض انه يرد عليه برد يفحم الطرف الثاني والل يصر على التمادي يقطعه ، السكوت هنا يخلي الثاني يتمادى ولا شعوريا هو بيتأثر وبيحاول يثبت عكس الكلام وبيدخل في السالفة المذكورة في الموضوع

ما في احسن من ان الشخص يكون حازم في اتخاذ قرار بخصوص علاقات تسحب منه وما تضيف له

اتفق معاك قلباً وقالباً ، ماذا اذا كانت هذه العلاقات بين اخوان وابناء عمومه ؟

[رفيع الهامه]

الأخت ضوي إذا ماحد وافقها الرأي تنتقده وتتجاهل الرد عليه


يأختنا العزيزة تقبلي الرأي الاخر بصدر رحب و وسعي البال شوي



وخلي ابو العيال يكسر الروتين شوي

[ضوى]

الأخت ضوي إذا ماحد وافقها الرأي تنتقده وتتجاهل الرد عليه


يأختنا العزيزة تقبلي الرأي الاخر بصدر رحب و وسعي البال شوي



وخلي ابو العيال يكسر الروتين شوي

انتقدت من ؟ وتجاهلت من ؟

اشدخل اخوي رفيع الهامة شنو شفت مني شنهو اللي ماتقبلته منك والا من غيرك ؟

وليش تشخصن الموضوع ؟ ليش تدخل بو عيالي في الموضوع ؟؟

[بومحمد المطاوعه]

السلام عليكم ورحمة الله وبركاتة ,,

موضوع طيب

اول شي الاصدقاء اذا يحثونه انه يتمرد عالعايلة
هذولا اصدقاء السوووء ويجب من اي شخص يشوف ربعه جذي يسحب عليهم بالعربي
لأن مامنهم اي فايده ,,



وليد يرفض بحكم انه زوجته واولاده اولى بكل وقت فراغ له

له الحق واهله وزوجته اولى من ربعه بمليون مره ,,

مع كثرة الكلام من اصحابه والذي يحتوي على مفردات بذيئة نوعا ما مثل انت تخاف من زوجتك ، انت سكانه مرته ، انت جبان ، انت خواف ، انت شورك بيد مرتك

خلهم يقولون الي يقولونه
الزم ماعلي عيالي وزوجتي وراحتي
كل شخص طبعآ يقيس حياته ووين راحته واشلون يعيش وشنو زوجته تحب وعياله

في ناس تحب تقسم الأوقات وفي ناس لاصقين فالبيت 24 ساعه
هذي بعد مب حلوه الصراحه اني كرجل وقاعد فالبيت 24 ساعه
يعني ع الاقل تطلع تغير جو
تسوي جو لأهلك
تغترب كم ساعه علشان تشوف هل فراق الزوجه والعيال يحن قلبك عليهم او لا
تشوف الزوجه تسأل عنك تحاتيك تهتم في غيابك

يعني اتسوي اكشن خفيف
اما الواحد مايدري عن هله ويسحب عليهم وكل همه ربعه وسفراته

ليش متزوج عيل وليش تجيب عيال وتبتلش في تربيتهم وتخليك عنهم


جزاكي الله خير
موضوع طيب
يخلي الانسان المقصر امام اهله يتراجع لنفسه ويشوف نفسه هل مقصر هل اهو فيه خلل او فيه مشكله
ويمكن البعض غافل ويعتقد ان قعدته فالبيت 24 ساعه هذي الصح ,,

وهذا غلط من وجهه نظري


لاتقصر على اهلك ولا عيالك ولا تصير غثيث فالبيت
رتب جدولك لترضي نفسك واهللك

وشكرآ

[شبح الصمت]

وصلنا 2016

ما ظنتي في ناس ما ودها بالسفر ..

اسمحي لي ضوى ..

الحين حريم يستاذنون رجاجيلهم ويخلونهم يساافرون ..
هذولي من مخربهم رفيجاتهم والا زوجها الخديه

الا مسكينه تبي تفك قيود الضيقه تروح ترفه عن نفسها مع رفيجاتها !!!
شيء غريب عجيب ..

هذولي الي ينخاف عليهم اما الرجال عقله في راسه وشوره في لسانه بس الله المستعان ..
بعض الحريم دوم يحبووون التملك وانها زوجها يكون مثل الخاتم في صبعها تشله متى ما تبي وترده متى ما تبي

[JN000N]

وصلنا 2016

ما ظنتي في ناس ما ودها بالسفر ..

اسمحي لي ضوى ..

الحين حريم يستاذنون رجاجيلهم ويخلونهم يساافرون ..
هذولي من مخربهم رفيجاتهم والا زوجها الخديه

الا مسكينه تبي تفك قيود الضيقه تروح ترفه عن نفسها مع رفيجاتها !!!
شيء غريب عجيب ..

هذولي الي ينخاف عليهم اما الرجال عقله في راسه وشوره في لسانه بس الله المستعان ..
بعض الحريم دوم يحبووون التملك وانها زوجها يكون مثل الخاتم في صبعها تشله متى ما تبي وترده متى ما تبي

لا امي ولا خالاتي ولا بنات خالاتي ولا طوايف هلي المتزوجين سافرت وحده فيهم مع رفيجاتها وخلت ريلها
وابوي غير مهمات العمل ما سافر بروحه الا شاقلنا كلنا وياه
ليش مسوينه شي ضروري الريال يروح مع ربعه والا بيموت وبيصير دياية مرته وليعايرونه
انا اتكلم عن المبدا نفسه مب عن قصة السفر بروحها
لو ف اي شي ثاني وفض
ليش يقحمون مرته وسستمه فالبيت ف السالفه
ليش غصب يحسسونه انه غلط وانه مرته قاصه عليه
ترى كل مشكله تصير بينه وبين مرته بسبتهم عليهم ذنبها والله بيحاسبهم على اللي يسوونه

[بومحمد المطاوعه]

ليش يقحمون مرته وسستمه فالبيت ف السالفه
ليش غصب يحسسونه انه غلط وانه مرته قاصه عليه
ترى كل مشكله تصير بينه وبين مرته بسبتهم عليهم ذنبها والله بيحاسبهم على اللي يسوونه

البلا مب هني

البلا في الشخص نفسه او البنت نفسها
لين تكلمو عند الناس عن محاسن تصرفاتهم وحياتهم الزوجيه

البيوت اسرار
الواحد يعيش مع اهله ويسوي ويحط ويشتري ويسافر و و و و مب لازم يقول التفاصيل ولا يفضفض عند الناس

بعض الناس جذي بعيد الشر

اسرار بيته كلها فالمجالس
يا من البنت او من الرجل

وهذي هي المشكله
محد بيذكر ربه وبيقول ماشاءالله هذيله مستانسين مع بعض
الا من رحم ربي بيذكر الله

البعض بيحسد وبيقول وااااااال والله مفتلين

وهني يطيح الفاس فالراس

[هيليوم]

اتفق معاك قلباً وقالباً ، ماذا اذا كانت هذه العلاقات بين اخوان وابناء عمومه ؟

كل انسان له حدود معينة لا ينبغي ان يسمح لاحد بتخطيها بأي حجة والاخوان وأبناء العمومة ليسوا استثناء وان كان قطعهم صعبا فالحزم معهم مطلوب بما يحفظ العلاقة

[ضوى]

السلام عليكم ورحمة الله وبركاتة ,,

موضوع طيب

اول شي الاصدقاء اذا يحثونه انه يتمرد عالعايلة
هذولا اصدقاء السوووء ويجب من اي شخص يشوف ربعه جذي يسحب عليهم بالعربي
لأن مامنهم اي فايده ,,



وليد يرفض بحكم انه زوجته واولاده اولى بكل وقت فراغ له

له الحق واهله وزوجته اولى من ربعه بمليون مره ,,

مع كثرة الكلام من اصحابه والذي يحتوي على مفردات بذيئة نوعا ما مثل انت تخاف من زوجتك ، انت سكانه مرته ، انت جبان ، انت خواف ، انت شورك بيد مرتك

خلهم يقولون الي يقولونه
الزم ماعلي عيالي وزوجتي وراحتي
كل شخص طبعآ يقيس حياته ووين راحته واشلون يعيش وشنو زوجته تحب وعياله

في ناس تحب تقسم الأوقات وفي ناس لاصقين فالبيت 24 ساعه
هذي بعد مب حلوه الصراحه اني كرجل وقاعد فالبيت 24 ساعه
يعني ع الاقل تطلع تغير جو
تسوي جو لأهلك
تغترب كم ساعه علشان تشوف هل فراق الزوجه والعيال يحن قلبك عليهم او لا
تشوف الزوجه تسأل عنك تحاتيك تهتم في غيابك

يعني اتسوي اكشن خفيف
اما الواحد مايدري عن هله ويسحب عليهم وكل همه ربعه وسفراته

ليش متزوج عيل وليش تجيب عيال وتبتلش في تربيتهم وتخليك عنهم


جزاكي الله خير
موضوع طيب
يخلي الانسان المقصر امام اهله يتراجع لنفسه ويشوف نفسه هل مقصر هل اهو فيه خلل او فيه مشكله
ويمكن البعض غافل ويعتقد ان قعدته فالبيت 24 ساعه هذي الصح ,,

وهذا غلط من وجهه نظري


لاتقصر على اهلك ولا عيالك ولا تصير غثيث فالبيت
رتب جدولك لترضي نفسك واهللك

وشكرآ

كلام سليم ميه ميه

لاضرر ولا ضرار

[ضوى]

وصلنا 2016

ما ظنتي في ناس ما ودها بالسفر ..

اسمحي لي ضوى ..

الحين حريم يستاذنون رجاجيلهم ويخلونهم يساافرون ..
هذولي من مخربهم رفيجاتهم والا زوجها الخديه

الا مسكينه تبي تفك قيود الضيقه تروح ترفه عن نفسها مع رفيجاتها !!!
شيء غريب عجيب ..

هذولي الي ينخاف عليهم اما الرجال عقله في راسه وشوره في لسانه بس الله المستعان ..
بعض الحريم دوم يحبووون التملك وانها زوجها يكون مثل الخاتم في صبعها تشله متى ما تبي وترده متى ما تبي

ماعتدنا ولا حوالينا حريم يسافرون ويخلون رياييلهم كلام فاضي هذا ، وماعتقد الريال اذا جابل بيته وصار همه بيته وعياله يعني خاتم بصبع زوجته شهالمنطق ، واذا حبت زوجته تتملكه فهذا حبا فيه مب تسلط وجبروت فيه فرق

[ضوى]

لا امي ولا خالاتي ولا بنات خالاتي ولا طوايف هلي المتزوجين سافرت وحده فيهم مع رفيجاتها وخلت ريلها
وابوي غير مهمات العمل ما سافر بروحه الا شاقلنا كلنا وياه
ليش مسوينه شي ضروري الريال يروح مع ربعه والا بيموت وبيصير دياية مرته وليعايرونه
انا اتكلم عن المبدا نفسه مب عن قصة السفر بروحها
لو ف اي شي ثاني وفض
ليش يقحمون مرته وسستمه فالبيت ف السالفه
ليش غصب يحسسونه انه غلط وانه مرته قاصه عليه
ترى كل مشكله تصير بينه وبين مرته بسبتهم عليهم ذنبها والله بيحاسبهم على اللي يسوونه

بالضبط اختي جنون ليش اي واحد مرتاح مع زوجته وحياتهم مستقرة معناها زوجته مسيطرة ومعناها سكانه مرته شهالمنطق الاعوج

[ضوى]

كل انسان له حدود معينة لا ينبغي ان يسمح لاحد بتخطيها بأي حجة والاخوان وأبناء العمومة ليسوا استثناء وان كان قطعهم صعبا فالحزم معهم مطلوب بما يحفظ العلاقة

كلامك معقول لكن الحزم في بعض الامور صعب

[الحياة الخالدة]

سؤال أختي ضوى :
شنو اللي يضرج بسفر زوجج مع ربعه .. دامه معطيكم حقكم في السفر وفي أمور البيت ؟؟
ترا متعة السفر مع الربع غير
أقصد أن في أنشطة ومغامرات ما يقدر يسويها إلا مع ربعه
ومب شرط تكون أشياء غلط

[ضوى]

سؤال أختي ضوى :
شنو اللي يضرج بسفر زوجج مع ربعه .. دامه معطيكم حقكم في السفر وفي أمور البيت ؟؟
ترا متعة السفر مع الربع غير
أقصد أن في أنشطة ومغامرات ما يقدر يسويها إلا مع ربعه
ومب شرط تكون أشياء غلط

لو كنت زوجة وليد راح اقولج ماراح يضرني شي كثر مايضرني انقياده وسماعه لكلام صحبته ، شي متعودين عليه وسنين طويلة ومتأقلمين عليه عارفين حقوقنا وواجباتنا تجاه بعض ، يجون صحبة سيئة يترسون راسه انه مرتك مب زينة ومتحكمة ومتسلطة وانت مالك راي ويبتدي مسلسل خراب البيوت هذي هي المضرة الحقيقية هدم الاستقرر والهدوء بالعايلة وعلى شنو اسباب مالها معنى ، السفر بحد ذاته مايضر لكن خراب البيت هو المضر

[الحياة الخالدة]

لو كنت زوجة وليد راح اقولج ماراح يضرني شي كثر مايضرني انقياده وسماعه لكلام صحبته ، شي متعودين عليه وسنين طويلة ومتأقلمين عليه عارفين حقوقنا وواجباتنا تجاه بعض ، يجون صحبة سيئة يترسون راسه انه مرتك مب زينة ومتحكمة ومتسلطة وانت مالك راي ويبتدي مسلسل خراب البيوت هذي هي المضرة الحقيقية هدم الاستقرر والهدوء بالعايلة وعلى شنو اسباب مالها معنى ، السفر بحد ذاته مايضر لكن خراب البيت هو المضر
طيب هي ليش تفترض أن الصحبة سيئة
يمكن ربعه زينين و يحبون صحبته .. و حابين يقضون معاه وقت حلو في السفر
وبالعكس بيرجع بنفسية طيبة و ذكريات جميلة
مهما كان .. ارجع واقول الطلعة مع الاصدقاء غير الطلعة مع الأسرة الصغيرة

[ضوى]

مافي صحبة زينة تحرض الريال على مرته ، ومافي صحبة زينة تقوله سكانك مرتك ، ومافي صحبة زينة تقوله انت ماعندك شخصية هاي كله تأليب وتحريض

ارد اقولج السفر بحد ذاته مافي اي مضرة

[الحياة الخالدة]

زين لو ما كان فيها تحريض ؟؟
عادي يسافر مع ربعه

[ضوى]

زين لو ما كان فيها تحريض ؟؟
عادي يسافر مع ربعه

ايه طبعا عادي لو كان هو متعود على هالنمط ، مب فجأة عقب سنين وبنين يتذكر عنده ربع ولازم يسافر معاهم والا بتخترب الدنيا فاهمة علي ؟

[الحياة الخالدة]

فاهمة عليج أكيد
بس يعني ما يصير الريال تعرف على ربع يداد حليوين وما عندهم خرابيط ؟؟!!
ما يصير الريال يمر بأزمة منتصف العمر والا أي حالة تسبب له الضيق و يحتاج تجديد ؟؟!!
يعني بعد ما يصير المرة خلاص تصدر عليه حكم بالسجن المؤبد : إما معانا والا ما تسافر
ترا التعنت والتشدد في هالامور تكون نتيجتهم عكسية
واللي ما يصير اليوم برضى المرة .. بيصير باجر غصبن عنها

وبس والله
هذا رايي مع احترامي لرايج اختي ضوى
الله يصلح الاحوال

[JN000N]

زين الحياه
حتى المره رويحه
ودها تقط العيال عليه وتسافر مع رفيجاتها سفره معتبره تاخذ راحتها فيها وتتنقه عقب جو السنداره والضغط والتوتر

[الحياة الخالدة]

زين الحياه
حتى المره رويحه
ودها تقط العيال عليه وتسافر مع رفيجاتها سفره معتبره تاخذ راحتها فيها وتتنقه عقب جو السنداره والضغط والتوتر

المرة تحتاج محرم .. الريال ما يحتاج
واذا كلش كلش .. يخلون العيال عند أمه أو أمها ويسافرون مع بعض

[JN000N]

المرة تحتاج محرم .. الريال ما يحتاج
واذا كلش كلش .. يخلون العيال عند أمه أو أمها ويسافرون مع بعض

لا والله ياما حريم سافرو بدون محرم
حبكت على هذي
يوم جت العروسه بتفرح ما لئتهاش مطرح

[الحياة الخالدة]

لا والله ياما حريم سافرو بدون محرم
حبكت على هذي
يوم جت العروسه بتفرح ما لئتهاش مطرح

بس على حد علمي انتي ضد هالشي
ليش الحين تدورين لها على عذر

[JN000N]

بس على حد علمي انتي ضد هالشي
ليش الحين تدورين لها على عذر

اي انا ضد المره نسافر بروحها
لكن لين ركبت راسها نحاستن فيه خل اجوفه يعاندها
هو بعد يتنازل
دام يشوف السفره مع ربعه بتضايق مرته بلاها
24 ساعه هو مشاهدهم ف الدوحه
شنو التغيير الي بيصير برا؟
بعدين الواحد ما يصدق يلاقي له مجال ووقت يكون فيه مع هله وعياله ويونسهم
عن تجربة ابوي
يستضيق من اتييه مهمه من الشغل ويخلينا فيها ويسافر
ومايمر اليوم الا متصل فوق العشرين مره
ولا مره قال بسافر مع ربعي حتى لو يوم
خلاص مقتنع ان الواحد مع العمر والكبر والعيال يكون وقته لمرته وعياله
مب على تفكير شباب يهالو مال مطامر ومهايل

[Charisma]

اي انا ضد المره نسافر بروحها
لكن لين ركبت راسها نحاستن فيه خل اجوفه يعاندها
هو بعد يتنازل
دام يشوف السفره مع ربعه بتضايق مرته بلاها
24 ساعه هو مشاهدهم ف الدوحه
شنو التغيير الي بيصير برا؟
بعدين الواحد ما يصدق يلاقي له مجال ووقت يكون فيه مع هله وعياله ويونسهم
عن تجربة ابوي
يستضيق من اتييه مهمه من الشغل ويخلينا فيها ويسافر
ومايمر اليوم الا متصل فوق العشرين مره
ولا مره قال بسافر مع ربعي حتى لو يوم
خلاص مقتنع ان الواحد مع العمر والكبر والعيال يكون وقته لمرته وعياله
مب على تفكير شباب يهالو مال مطامر ومهايل


http://38.media.tumblr.com/b220be6e526199dd8170d32971c53e45/tumblr_mo33dfmljV1stomxko2_250.gif

وين عايشين ؟ شنو اللي نحاسه وركبت راسها وخل يعاندها .. هلووو

وبعدين شنو يعني اذا السفره بتضايق مرته ، وليش تتضايق مب فاهم ؟

اذا مقصر مع اهله شيء ، واذا قايم بالواجب شيء ، من يحدد هالشيء ؟ طبعا مب الزوجه .

لأن الظاهر في بعض القواميس القيام بالواجب يعني ، اعلان الخضوع .

[JN000N]

http://38.media.tumblr.com/b220be6e526199dd8170d32971c53e45/tumblr_mo33dfmljV1stomxko2_250.gif

وين عايشين ؟ شنو اللي نحاسه وركبت راسها وخل يعاندها .. هلووو

وبعدين شنو يعني اذا السفره بتضايق مرته ، وليش تتضايق مب فاهم ؟

اذا مقصر مع اهله شيء ، واذا قايم بالواجب شيء ، من يحدد هالشيء ؟ طبعا مب الزوجه .

لأن الظاهر في بعض القواميس القيام بالواجب يعني ، اعلان الخضوع .

الوقت الي بيروح فيه مع ربعه واللي لقاه وقت فراغ
هله وبيته اولى فيه
والا حسستوني ف هالزمن الواحد فاضي 24 ساعه حق بيته
خلنا واقعيين اصلا الصج مافي وقت اليوم يمر بسرعه ومحد ياخذ راحته مع هله نفس قبل
ف طبيعي لما يصير في وقت فراغ العيال والمره يبون ابوهم مب ابوهم يقول قعدو ف البيت وانا بروح استانس مع ربعي
ليش وهم شنو ديكورات ف البيت ان شاء الله؟
وبعد عشان اكون واقعيه
اي وايد حريم سحبو على رياييلهم يوم جافو ريايلهم جذي وطنشو بيوتهم وعيالهم
الي كل ويكند ف الزرع مع رفيجاتها وخواتها لان حضرته ساحب عليها وعيزت وهي دافنه روحها مع العيال والبيت ومشاكلهم
واللي يوم جافته مصخها شلت جوازها وشنطتها وسافرت
والبعض يكون مقصدها تسويله مثل ما يسوي والبعض عشان هي فجاه قررت تعيش لنفسها وتسحب عالبيت
عشان تعرفون اساس البيت وعموده هي الام ان رضت لمت بيتها وان ما رضت نثرتهم وشتتهم
ف اذا ريلها مقصر معاها هي احتمال تصبر لفتره معينه عقب تسحب
مثل ما عنده اصدقاء يشيشونه على هله وبيته وقوم معانا شدعوه مرتك قابضتك بعد هي عندها رفيجات يقولون لها ولا تفتكرين دامه مب مفتكر عيشي حياتج لا تدفنين روحج

عموما المقصد من كلامي فوق مب واقع انا عايشته ومب معناته اني انا موافقه للكلام ولكن مثل ما تكلمنا عن وجهة نظر لازم بقول وجهة النظر الثانيه واللي فعلا صايره واعرف عدد لا باس فيه من الامهات الكبار بعد الي طفرت عقب الاهمال والبعض الثاني بنات طايشات صغار

من الاخر ما تقوم القيامه اذا الريال ما سافر مع ربعه
معليه مره ف السنه رضت مرته بس مب معناته يصير شي روتيني واعتيادي بينهم
لان كثر الدق يفج اللحام

[Charisma]

الوقت الي بيروح فيه مع ربعه واللي لقاه وقت فراغ
هله وبيته اولى فيه
والا حسستوني ف هالزمن الواحد فاضي 24 ساعه حق بيته
خلنا واقعيين اصلا الصج مافي وقت اليوم يمر بسرعه ومحد ياخذ راحته مع هله نفس قبل
ف طبيعي لما يصير في وقت فراغ العيال والمره يبون ابوهم مب ابوهم يقول قعدو ف البيت وانا بروح استانس مع ربعي
ليش وهم شنو ديكورات ف البيت ان شاء الله؟
وبعد عشان اكون واقعيه
اي وايد حريم سحبو على رياييلهم يوم جافو ريايلهم جذي وطنشو بيوتهم وعيالهم
الي كل ويكند ف الزرع مع رفيجاتها وخواتها لان حضرته ساحب عليها وعيزت وهي دافنه روحها مع العيال والبيت ومشاكلهم
واللي يوم جافته مصخها شلت جوازها وشنطتها وسافرت
والبعض يكون مقصدها تسويله مثل ما يسوي والبعض عشان هي فجاه قررت تعيش لنفسها وتسحب عالبيت
عشان تعرفون اساس البيت وعموده هي الام ان رضت لمت بيتها وان ما رضت نثرتهم وشتتهم
ف اذا ريلها مقصر معاها هي احتمال تصبر لفتره معينه عقب تسحب
مثل ما عنده اصدقاء يشيشونه على هله وبيته وقوم معانا شدعوه مرتك قابضتك بعد هي عندها رفيجات يقولون لها ولا تفتكرين دامه مب مفتكر عيشي حياتج لا تدفنين روحج

عموما المقصد من كلامي فوق مب واقع انا عايشته ومب معناته اني انا موافقه للكلام ولكن مثل ما تكلمنا عن وجهة نظر لازم بقول وجهة النظر الثانيه واللي فعلا صايره واعرف عدد لا باس فيه من الامهات الكبار بعد الي طفرت عقب الاهمال والبعض الثاني بنات طايشات صغار

من الاخر ما تقوم القيامه اذا الريال ما سافر مع ربعه
معليه مره ف السنه رضت مرته بس مب معناته يصير شي روتيني واعتيادي بينهم
لان كثر الدق يفج اللحام



معليه مره ف السنه رضت مرته بس مب معناته يصير شي روتيني واعتيادي بينهم

معليه اتوقع ان عندج لبس في موضوع الزوج والزوجه وسياسة المعامله بالمثل ، ولا كأن الزوج هو ولي الأمر وهو القائد وهو من بيدة القرار الأول والأخير شرعا وعرفا .



اي وايد حريم سحبو على رياييلهم يوم جافو ريايلهم جذي وطنشو بيوتهم وعيالهم
الي كل ويكند ف الزرع مع رفيجاتها وخواتها لان حضرته ساحب عليها وعيزت وهي دافنه روحها مع العيال والبيت ومشاكلهم
واللي يوم جافته مصخها شلت جوازها وشنطتها وسافرت

اللي تطلع بدون شور زوجها ، وتخيط وتسافر وترد وترجع بدون اذنه ، هذي مع احترامي لايتقبل الرجل وجودها ثانيه واحده في بيته .


ف طبيعي لما يصير في وقت فراغ العيال والمره يبون ابوهم مب ابوهم يقول قعدو ف البيت وانا بروح استانس مع ربعي
ليش وهم شنو ديكورات ف البيت ان شاء الله؟

ولو الزوج قايم بالواجب ؟ يطلع مع اهله يغير جو وياهم ، ويقعد مع عياله ويقعد مع مرته ويسافر وياهم ، وينظم وقته سواء مع اهله او ربعه ، وقرر انه يسافر في يوم مع ربعه ، خير يعني ؟ لازم موافقه من ولية الأمر ؟ ولا لازم دراما ؟.. ترى جد والله خلونا ناخذ بريك ونتأمل في الموضوع ، احس مجرى النقاش صار وكان الزوجه هي من بيدها القرار .

سلمات

[بومحمد المطاوعه]

الحمدلله ان البيوت اسرار والدنيا بخير ،،

ومب شرط كل بيت مثل الثاني ،،

ناس تقدر الحياة الزوجية وناس خرطي

ياما بيوت فيها رجال بالأسم ونساء بالأسم
وهم مب كفو لشيء

وياما بيوت فيها رجال قول وفعل ونساء قول وفعل ،،

الله لايغير عليهم يارب ويجعل حياتهم سعيده دائمآ

الله يهدي المقصرين والغافلين والمجانين ،،

اللهم امين

[نجم سهيل]

السلام عليكم

مبين من الأسلوب انه من قلم ناعم يرمي إلى تدجين الرجال بسامية نسائية مُطْلَقَة :)


كلامك مردود عليك ، ماحب هالاسلوب المقزز في الرد على الاقلام الراقية


السلام عليكم

احنا اهني في منتدى حواري عام يشارك فيه الكل من جميع طبقات المجتمع بأطيافه .. تلقين فيه المفكر ،المثقف ،صاحب الدعابة والمُنغلق وحتى صاحب الأسلوب الوضيع.

فدخولنا لموضوعج المكتوب بقلمج الراقي والمشاركة فيه لا يعني أن يلتزم الجميع برايج.


فليس جميع الرجال وليد قصتج

وليس الجميع رهن نرجسيتج يا صاحبة القلم الراقي.

والعشم سعة الصدر وشوية رُقي في الرد.

[بنت شرق]

وليد بيتوتي ويبي يسافر مره عن خاطره ممكن ليش لا مع أني ما اصدق أنه مافي شاب ماسافر مع ربعه أو اخوانه بروحهم ، بس ليش توصل المسائل للهواش هاي علامة الاستفهام ليش ما يتفاهمون اذا هم اصلا متوافقين ، بس من القصة أن التشيش هدفه هو من كلمته وشوره راح تمشي ببيت وليد بطريقة عملية
فوليد اذا كان عاقل يسأل نفسه هل ربعه مركزين عليه اهو بالذات والا غرضهم يطلعون سفره مع بعض عن خاطرهم فهذا شي عادي السفر بجروبات
افرضوا وليد انضم لجروب دعوي وطلبوا منه السفر عادي ، لكن سفر جروبات لغاية فلها فلها فهني ممكن زوجته تنشب له وترفض

[كيلو حديد]

ومن الذي قال أن الرجل من يتزوج تنتهي حياته الخاصه مع ربعه أو حياته الخاصه وتصبح حياته فقط لأسرته
القصه بحد ذاتها شبه عرجاء لأنها أظهرت وليد بشكل غير طبيعي
لأن الإنسان الطبيعي لا تنتهي حياته ودخوله وخروجه بمجرد زواجه

أكثر الرجال يذكرون زوجاتهم بطريقة ليست طيبة إن كن حنانات بشكل خاص
دوم تحن عليه ورين رحت وليش تأخرت و كله مع ربعك ومن هالكلام الممل

الزواج في بدايته ونهايته لا ينهي حياة الرجل ودخوله وخروجه ولا يصبح مربوطا محبوسا

وليد من البداية شخصيته لا تحب بصراحه ولا يعني هذا أنني أطالب بعدم الإهتمام بالأسرة
وتلبية متطلباتها ولكن متى صارت طلعته مع ربعه أو سفرته معولا لهدم الأسرة

في نظري لو كانت الزوجة عاقل لتركته يمارس بعض حياته مع ربعه لتتفرغ هي لحياتها الخاصه قليلا
لربما عاد إليها مشتاقا ولكن ردة فعلها نتيجة لما عودها عليها من حياة

[JN000N]

معليه اتوقع ان عندج لبس في موضوع الزوج والزوجه وسياسة المعامله بالمثل ، ولا كأن الزوج هو ولي الأمر وهو القائد وهو من بيدة القرار الأول والأخير شرعا وعرفا .




اللي تطلع بدون شور زوجها ، وتخيط وتسافر وترد وترجع بدون اذنه ، هذي مع احترامي لايتقبل الرجل وجودها ثانيه واحده في بيته .



ولو الزوج قايم بالواجب ؟ يطلع مع اهله يغير جو وياهم ، ويقعد مع عياله ويقعد مع مرته ويسافر وياهم ، وينظم وقته سواء مع اهله او ربعه ، وقرر انه يسافر في يوم مع ربعه ، خير يعني ؟ لازم موافقه من ولية الأمر ؟ ولا لازم دراما ؟.. ترى جد والله خلونا ناخذ بريك ونتأمل في الموضوع ، احس مجرى النقاش صار وكان الزوجه هي من بيدها القرار .

سلمات

لا سلامتك مش نظام دكتاتوريه هو بمشي كلامي عاجبكم الا لا
هذي حياه زوجيه فيها تشارك مب خادم ومخدوم ولا قايد ومقيود
واذا كانت شخصيته قياديه برا البيت ف فالبيت يتشارك المسؤوليه مع زوجته
ف مايجي فجاه يفرض رايه غصب ويروح
بالتراضي بين الطرفين ما صار تراضي بلاها سفره تسوي له مشاكل
بعد الباب اللي اتيي منه ريح يسده ويستريح
القرار مب نهائي بيدها ولا هو بيده
ف النهايه انا اقول هم تراضي بين طرفين
شصار لو ما قدر يروح معاهم؟
انا ذكرت بواقعيه ان الوقت ضايع واذا صدف وصار في وقت يكون هله اولى به
اما لو هو مب مقصر من كل النواحي معاهم خلاص يتفاهم معاها ويتراضون ع موضوع سفرته بس مايحطها مساله حياة او موت ويدخلها دوامه ثانيه

[غير البشر]

اشكرج ضوى على الموضوع الجميل

متابع بصمت :unsure:

[qatara]

لا سلامتك مش نظام دكتاتوريه هو بمشي كلامي عاجبكم الا لا
هذي حياه زوجيه فيها تشارك مب خادم ومخدوم ولا قايد ومقيود
واذا كانت شخصيته قياديه برا البيت ف فالبيت يتشارك المسؤوليه مع زوجته
ف مايجي فجاه يفرض رايه غصب ويروح
بالتراضي بين الطرفين ما صار تراضي بلاها سفره تسوي له مشاكل
بعد الباب اللي اتيي منه ريح يسده ويستريح
القرار مب نهائي بيدها ولا هو بيده
ف النهايه انا اقول هم تراضي بين طرفين
شصار لو ما قدر يروح معاهم؟
انا ذكرت بواقعيه ان الوقت ضايع واذا صدف وصار في وقت يكون هله اولى به
اما لو هو مب مقصر من كل النواحي معاهم خلاص يتفاهم معاها ويتراضون ع موضوع سفرته بس مايحطها مساله حياة او موت ويدخلها دوامه ثانيه

ماف شي اسمه تشارك
فيه الزوجه التقيه تطيع زوجها وتتبعه وتنفذ كل كلامه عدا المعصيه
وهذا مهب من عندنا هذا شرع الله فالمومنه الي تعرف حق الله
وحقوق الزوج تعي ذالك اما المتعنطزه ماستاهل حتا اسم زوجه

تشارك وشو فاتحين دكان شراكه
وين وديتو القوامه وطاعة الزوج

(بدلتو القوامه بالشراكه )
عجبي

[JN000N]

ماف شي اسمه تشارك
فيه الزوجه التقيه تطيع زوجها وتتبعه وتنفذ كل كلامه عدا المعصيه
وهذا مهب من عندنا هذا شرع الله فالمومنه الي تعرف حق الله
وحقوق الزوج تعي ذالك اما المتعنطزه ماستاهل حتا اسم زوجه

تشارك وشو فاتحين دكان شراكه
وين وديتو القوامه وطاعة الزوج

(بدلتو القوامه بالشراكه )
عجبي

لااا لحظة لحظة
لحد يفسر القوامه ع كيفه
هو الي يصرف هو الي يمشي امور البيت هو الي رايه يمشي في امور وايد صح
ولكن هذا ما يعني انه يتشارك زوجته الاراء
اذا الرسول نفسه كان يشاور زوجاته اتيون انتو تقولون لا هو الي يفرض رايه وخلاص!
واذا سوى شي من شوره وغلط والزوجه مارضت فيه؟ ع اساس انه ملاك مايغلط ما يكون عنده شور علط
من حقوقها عليه انه ما يتصرف من كيفه ف كل شي وانه يتشاور معاها وياخذ برايها
مب خدامه هي عنده يدفع معاشها اخر الشهر عشان ياخذ حقوقه منها

[qatara]

لااا لحظة لحظة
لحد يفسر القوامه ع كيفه
هو الي يصرف هو الي يمشي امور البيت هو الي رايه يمشي في امور وايد صح
ولكن هذا ما يعني انه يتشارك زوجته الاراء
اذا الرسول نفسه كان يشاور زوجاته اتيون انتو تقولون لا هو الي يفرض رايه وخلاص!
واذا سوى شي من شوره وغلط والزوجه مارضت فيه؟ ع اساس انه ملاك مايغلط ما يكون عنده شور علط
من حقوقها عليه انه ما يتصرف من كيفه ف كل شي وانه يتشاور معاها وياخذ برايها
مب خدامه هي عنده يدفع معاشها اخر الشهر عشان ياخذ حقوقه منها

الرسول عليه الصلاة والسلام يأخذ برايها من كيفه ورضاه مهب تفرض رايها مثلكم
انتو لا تبون الرجال يا ياخذون برايكم ولا بتسوون أفلام وتبون تثبتون كلمتكم عليهم


(بدلتو القوامه بالشراكه )

ولازم يأخذ برايها هههه

لا بالله مهب لازم يستانس برايها اوكي لاكن الأول
والأخير الراي عنده وعليها طاعته من طاعتها لله الا في معصيه

[JN000N]

الرسول عليه الصلاة والسلام يأخذ برايها من كيفه ورضاه مهب تفرض رايها مثلكم
انتو لا تبون الرجال يا ياخذون برايكم ولا بتسوون أفلام وتبون تثبتون كلمتكم عليهم


(بدلتو القوامه بالشراكه )

ولازم يأخذ برايها هههه

لا بالله مهب لازم يستانس برايها اوكي لاكن الأول
والأخير الراي عنده وعليها طاعته من طاعتها لله الا في معصيه

ومن قال انها تفرض رايها
انا قلت تراضي وشراكه
وانت اعترضت وقلت مب دكان هو
وين الرد الي قلت فيه تفرض رايها عليه ؟
ولاتقول انتو وانتو وانت ماتعرف احنا شنسوي مع ريالنا وشلون نتعامل معاهم
المهم مرتاحين وماشتكينا الحال لحد

[qatara]

ومن قال انها تفرض رايها
انا قلت تراضي وشراكه
وانت اعترضت وقلت مب دكان هو
وين الرد الي قلت فيه تفرض رايها عليه ؟
ولاتقول انتو وانتو وانت ماتعرف احنا شنسوي مع ريالنا وشلون نتعامل معاهم
المهم مرتاحين وماشتكينا الحال لحد

مافي شي اسمه تراضي طيب هو قال يمين وهي قالت يسار الطاعه لمن
في شي اسمه طاعه في غير معصيه للسفينه ربان واحد

بلاش لت وعجن

[JN000N]

مافي شي اسمه تراضي طيب هو قال يمين وهي قالت يسار الطاعه لمن
في شي اسمه طاعه في غير معصيه للسفينه ربان واحد

بلاش لت وعجن
واذا يمينه عوي
واذا انه دعله ما عنده شور عدل؟
مافيها شي يرضخ ويسمع شور مرته
الا اذا شورها غلط هني نقول هي تنخ وتسمع كلامه وتسكت

[qatara]

واذا يمينه عوي
واذا انه دعله ما عنده شور عدل؟
مافيها شي يرضخ ويسمع شور مرته
الا اذا شورها غلط هني نقول هي تنخ وتسمع كلامه وتسكت

لانقول دعله ولا هي عله

نقول تمشي بما امرها الله وهو كذالك فطاعته
من طاعتها لربها عدا المعصيه فلا طاعة له

ان كانت تقيه

[كيلو حديد]

أستانس يوم يشتد النقاش بس أتمنى ما يتسكر الموضوع
المفروض هالمواضيع النقاشيه حتى لو الخلاف وصل حده ما تتسكر

[كيلو حديد]

واذا يمينه عوي
واذا انه دعله ما عنده شور عدل؟
مافيها شي يرضخ ويسمع شور مرته
الا اذا شورها غلط هني نقول هي تنخ وتسمع كلامه وتسكت

إذا مثل ما قلتي تعطيه على رأسه
بعض الرجال بصراحه سنعتهم حريمهم

[كيلو حديد]

اشكرج ضوى على الموضوع الجميل

متابع بصمت :unsure:

وأنا بعد أشكرها معك
ضوى مواضيعها تعجبني

[مضارب دوسري]

انا اشوف ان الشخص كان انطوائي وبعدها صار اجتماعي فجاه ف صار مختلف عن ماكان عليه

المهم اللي ابي اقوله
من الخطا ومن ضعف الشخصيه
ان تتحدث عن عائلتك امام اي صديق
او ان تسمح لاحد بانه يفتح هذا الموضوع امامك

[سالم الزهران]

اولاً نشكر الاخت الكريمة ضوى على الموضوع و بقول رأيي قبل ان اطلع عن الموضوع

( الرجال اذا جاء طيب و طويع لاهله ،،، قالوا ساحرته ،، مسويت له عمل مدري وشو ، واذا جاء حازم و جازم قالوا معقد متسلط ،،، أقشر )

لكن انا اتفهم ان الأمور القديمة المتفق عليها ميحتاج نرجع نتفق عليها بعد عشرين سنة .


( الاخوة كتارا و جنون ،،، انتم حلاة اي موضوع ،، اهم شيء انا ما نطلع بتصورات عن بعضنا ،، مجرد نقاش ممكن تعمل ذهنك فيه )

بغيت انسى اضحك ههههههههههههه

[JN000N]

إذا مثل ما قلتي تعطيه على رأسه
بعض الرجال بصراحه سنعتهم حريمهم

اي والله صدقت
وبعض الحريم سنعوهم ريالهم

[JN000N]

لا كتارا اخوي ويمون علي وادري بي امون عليه
ف النهايه الامور طيبه واحنا بخير

[سالم الزهران]

الأخوة ما فيها شك يا jnoon ، لكن يا كثر ما شفت مشاركات يفهم منها ان اللي يقول كذيه معناه كذيه

والصحيح ، ان فيه امور برغم انها مباحة الا انا منقدر نسويها عادات او قبيله او اللي هو .

فيمكن اني ادافع عنها في المنتدى و لا اقدر اسويها في حياتي .

[رفيع الهامه]

الزوجه لها الاحترام وتعطيها جميع حقوقها المشروعه , واذا عندك فرصه تسفرهم لاي مكان ودهم



اما في أتخاذ القرار في سفر مع ربعي ولا شغل ولا روحه مالها الا الاذن الصمخا ... بعد ماباقي الا تتحكم في اروح مع من ولا اقعد مع ربعي


المرأة أصلا الغريزة عندها وحب التملك شي طبيعي لو الامر في يدها ياااااااويلكم يالازواااااج ,,,,,, لاكن الحمدلله انهم ليس قوامون على الرجال

[راجي الْعفو]

الزوجه لها الاحترام وتعطيها جميع حقوقها المشروعه , واذا عندك فرصه تسفرهم لاي مكان ودهم



اما في أتخاذ القرار في سفر مع ربعي ولا شغل ولا روحه مالها الا الاذن الصمخا ... بعد ماباقي الا تتحكم في اروح مع من ولا اقعد مع ربعي


المرأة أصلا الغريزة عندها وحب التملك شي طبيعي لو الامر في يدها ياااااااويلكم يالازواااااج ,,,,,, لاكن الحمدلله انهم ليس قوامون على الرجال

تأثر المرأة المسلمة بالافكار الغربية اللي تلقتها من المسلسلات و الافلام الكاذبة الهابطة
وكذا شعارات المساواة التي نفثتها قذارة التيارات العلمانية ،

جرأتها لمثل هالكلام الفارغ: الوصول الى درجة أن تقارن نفسها بالزوج و تعارضه و ربما تفرض عليه اراءها

وللأسف نجد بالمقابل فئة اخرى من الرجال أحب أن يدخل في كهف الانسلاخ من الرجولة ، فيرضخ لها رضوخ الشخص الذي لا يملك رايا يفرضه على أهل بيته ، مع أنه هو القائد و السيد و الراعي

وهذا من تقلب الفطر السليمة ، و الادوار التي جعلها الله لكل جنس و خصهم بها

[راجي الْعفو]

وفوق هذا ، ربما تزيد هذه المراة و تصل لابعد من هذا ، فتحاول نشر هذا الفكر الواهي و السيء في اوساط الناس

حنى تصل لدرجة انها تقول : ان لم يعجبك فلان ولم ينقد لرغباتك فاطلبي الطلاق !!

بهذا الاطلاق الفارغ عن العقل و الديانة ، المليء بالانانية و الجهل

[راجي الْعفو]

و أذكر بقول الله تعالى:

( ولا تتمنوا ما فضل الله به بعضكم على بعض ) الاية.

[رفيع الهامه]

وفوق هذا ، ربما تزيد هذه المراة و تصل لابعد من هذا ، فتحاول نشر هذا الفكر الواهي و السيء في اوساط الناس

حنى تصل لدرجة انها تقول : ان لم يعجبك فلان ولم ينقد لرغباتك فاطلبي الطلاق !!

بهذا الاطلاق الفارغ عن العقل و الديانة ، المليء بالانانية و الجهل



الزوجة يجب أن تميز بين ( المساواة و العدل)


لايمكن أن يكون هناك مساواة بين الرجل و المرأة , أما العدل فيختلف , يجب ان تكون عادل


المساواة تعني انهم أشتركوا في الواجبات والحقوق وهذا لا يجوز ... لاكن يجب ان يكون هناك عدل كلا في أختصاصة



القوامة عند الرجل والقياده واتخاذ الرأي المناسب , بغض النظر عن عدل الرجل , ان كان غير عادل فله رب يحاسبه وليس الزوجه من يحاسبه

[راجي الْعفو]

الزوجة يجب أن تميز بين ( المساواة و العدل)


لايمكن أن يكون هناك مساواة بين الرجل و المرأة , أما العدل فيختلف , يجب ان تكون عادل


المساواة تعني انهم أشتركوا في الواجبات والحقوق وهذا لا يجوز ... لاكن يجب ان يكون هناك عدل كلا في أختصاصة



القوامة عند الرجل والقياده واتخاذ الرأي المناسب , بغض النظر عن عدل الرجل , ان كان غير عادل فله رب يحاسبه وليس الزوجه من يحاسبه

كلام سليم.وان كان غير عادل فلها ان تاخذ حقها بالطرق المشروعة

[ضوى]

كتارا وجنون حواركم جدا راقي بارك الله فيكم اثريتوا الموضوع واتفق معاج جنون عمر المرأة ماكانت بهيمة مالها راي ولا شور الا عند اللي مايعرف من دينه الا الشرع حلل اربع

[ضوى]

اشكرج ضوى على الموضوع الجميل

متابع بصمت :unsure:

الأجمل مرورك عالموضوع اخوي غير البشر شرفتني


أستانس يوم يشتد النقاش بس أتمنى ما يتسكر الموضوع
المفروض هالمواضيع النقاشيه حتى لو الخلاف وصل حده ما تتسكر

مابه خلاف اخوي الكريم ، كلا له رايه سواء اتفقنا معاه او اختلفنا معاه المهم مايتجاوز حدوده وادبه


إذا مثل ما قلتي تعطيه على رأسه
بعض الرجال بصراحه سنعتهم حريمهم

الله يصلح الاحوال


وأنا بعد أشكرها معك
ضوى مواضيعها تعجبني

رفعت روحي المعنوية اخوي الكريم شكرا لك


اولاً نشكر الاخت الكريمة ضوى على الموضوع و بقول رأيي قبل ان اطلع عن الموضوع

( الرجال اذا جاء طيب و طويع لاهله ،،، قالوا ساحرته ،، مسويت له عمل مدري وشو ، واذا جاء حازم و جازم قالوا معقد متسلط ،،، أقشر )

لكن انا اتفهم ان الأمور القديمة المتفق عليها ميحتاج نرجع نتفق عليها بعد عشرين سنة .


( الاخوة كتارا و جنون ،،، انتم حلاة اي موضوع ،، اهم شيء انا ما نطلع بتصورات عن بعضنا ،، مجرد نقاش ممكن تعمل ذهنك فيه )

بغيت انسى اضحك ههههههههههههه

اسعدني مرورك الشيق عالموضوع اخوي سالم ورايك احترمه

[ضوى]

انا اشوف ان الشخص كان انطوائي وبعدها صار اجتماعي فجاه ف صار مختلف عن ماكان عليه

المهم اللي ابي اقوله
من الخطا ومن ضعف الشخصيه
ان تتحدث عن عائلتك امام اي صديق
او ان تسمح لاحد بانه يفتح هذا الموضوع امامك

صح كلامك هذا المفروض اللي يصير ، غلطة وليد انه سمح لهم يقتحمون حياته الخاصة ويخيطون ويبيطون فيها

[ضوى]

الزوجه لها الاحترام وتعطيها جميع حقوقها المشروعه , واذا عندك فرصه تسفرهم لاي مكان ودهم



اما في أتخاذ القرار في سفر مع ربعي ولا شغل ولا روحه مالها الا الاذن الصمخا ... بعد ماباقي الا تتحكم في اروح مع من ولا اقعد مع ربعي


المرأة أصلا الغريزة عندها وحب التملك شي طبيعي لو الامر في يدها ياااااااويلكم يالازواااااج ,,,,,, لاكن الحمدلله انهم ليس قوامون على الرجال

المراة لها احترامها ولها رايها ومافيها شي الواحد يشاور شريك حياته هاي اللي تربينا عليه وهاي سنع اهلنا كلهم و لله الحمد

[ضوى]

تأثر المرأة المسلمة بالافكار الغربية اللي تلقتها من المسلسلات و الافلام الكاذبة الهابطة
وكذا شعارات المساواة التي نفثتها قذارة التيارات العلمانية ،

جرأتها لمثل هالكلام الفارغ: الوصول الى درجة أن تقارن نفسها بالزوج و تعارضه و ربما تفرض عليه اراءها

وللأسف نجد بالمقابل فئة اخرى من الرجال أحب أن يدخل في كهف الانسلاخ من الرجولة ، فيرضخ لها رضوخ الشخص الذي لا يملك رايا يفرضه على أهل بيته ، مع أنه هو القائد و السيد و الراعي

وهذا من تقلب الفطر السليمة ، و الادوار التي جعلها الله لكل جنس و خصهم بها

مافي شي اسمه زوجة تتقارن بزوج ، في فرق بين الزوج والزوجة لكن في الحقوق والواجبات متساوين ، من قال حقوق الزوج غير عن حقوق الزوجة ، الشي اللي الزوج له زيادة على الزوجة القوامة والقوامة ياريت احد يطلع لنا وشهي وفي شنو بالضبط حتى الكل يكون على بينة ويفهم صح معنى القوامة

[ضوى]

وفوق هذا ، ربما تزيد هذه المراة و تصل لابعد من هذا ، فتحاول نشر هذا الفكر الواهي و السيء في اوساط الناس

حنى تصل لدرجة انها تقول : ان لم يعجبك فلان ولم ينقد لرغباتك فاطلبي الطلاق !!

بهذا الاطلاق الفارغ عن العقل و الديانة ، المليء بالانانية و الجهل

الحريم اللي يخربون البيوت العمرانة بالتحريض والتأليب عالزوج نفس اصحاب السوء اللي خربوا وليد على مرته تماما

[ضوى]

فائدة

وهكذا يربط الاسلام الزوج بالزوجة، والزوجة بالزوج، ثم يربطهما بالاسرة وبالدين والدنيا. وما اعد له وهو يقرر حق المراة على زوجها، حين يفرر حقه عليها في آية واحدة فيقول تعالى : "ولهن مثل الذي عليهن بالمعروف". فهي قاعدة كلية ناطقة بان المراة مساوية للرجل في جميع حقوقها. وهي آية تعطي للرجل ميزانا يزن به معاملته لزوجته في جميع الشؤون والاحوال، فاذا هم بمطالبتها بامر من الامور، يتذكر انه يجب عليه مثله بازائها. وليس من العدل ان يتحكم احد الصنفين بالآخرن ويتخذه عبدا يستذله، ويستخدمه في مصالحه، لاسيما بعد الدخول في الحياة المشتركة، التي لا تكون الا باحترام كل من الزوجين للآخر، والقيام بحقوقه.

[راجي الْعفو]

مافي شي اسمه زوجة تتقارن بزوج ، في فرق بين الزوج والزوجة لكن في الحقوق والواجبات متساوين ، من قال حقوق الزوج غير عن حقوق الزوجة ، الشي اللي الزوج له زيادة على الزوجة القوامة والقوامة ياريت احد يطلع لنا وشهي وفي شنو بالضبط حتى الكل يكون على بينة ويفهم صح معنى القوامة

اي نعم مافي قارنة ان الذكر ليس كالانثى فطبيعي يختلفون
الحياة الزوجية مبناها على الحب و التعاون و الاستشارة و المشاركة نعم
ولكن الزوجة مأمورة اولا و اخيرا بطاعة زوجها و احترامه و لا ترفع نفسها عليه
والزوج مامور بالعدل و الاحسان و الرحمة الاهتمام بها..الخ

القوامة امر عام يشمل امور متعددة ، راعي و سيد و قائد للاسرة و له الولاية و مفضل عليها بكمال البُنية الجسدية و العقلية ..الخ
هذا بالنسبة لجنس الرجال في العموم
ولا يمنع ان تكون هناك افراد من النساء اعقل من بعض الرجال، وتفوقهم.

[رفيع الهامه]

المراة لها احترامها ولها رايها ومافيها شي الواحد يشاور شريك حياته هاي اللي تربينا عليه وهاي سنع اهلنا كلهم و لله الحمد

صحيح الكلام اللي قلتيه أختي


بس المرأة لا تمتلك زمام الامور , قد تستشيرها في أمرا ما او تاخذ رايها لاكن لست ملزم بما قالته , لان المرأه تغلب عليها العاطفه وأستدراكها للامور غير عن الرجل .


ولا ليش قال الرسول صلي الله عليه وسلم : (لَمَّا بَلَغَ رَسُولَ اللَّهِ صَلَّى اللَّهُ عَلَيْهِ وَسَلَّمَ أَنَّ أَهْلَ فَارِسَ قَدْ مَلَّكُوا عَلَيْهِمْ بِنْتَ كِسْرَى قَالَ : لَنْ يُفْلِحَ قَوْمٌ وَلَّوْا أَمْرَهُمْ امْرَأَةً )


شرح الحديث :

الحديث ليس فيه انتقاص لقدرات المرأة القيادية في الإسلام ، ولكنه توجيه لقدراتها التوجيه الصحيح المناسب ، حفاظاً عليها من الهدر والضياع في أمر لا يلائم طبيعة المرأة النفسية والبدنية والشخصية ، ولا يتوافق مع أحكام الشريعة الإسلامية الأخرى ، التي حفظت المرأة من الفساد والإفساد .


المرأة الصالحة هي التي لا تكسر كلمة زوجها ولا تخالف راية ولا تضيق عليه

[ضوى]

فائدة في مفهوم القوامة

والرجل الحق في بيته يقوم بواجب المسؤولية التي كلفه بها الشرع نحو أهله؛ فعَنِ ابْنِ عُمَرَ عَنِ النَّبِىِّ -صلى الله عليه وسلم- أَنَّهُ قَالَ: أَلاَ كُلُّكُمْ رَاعٍ وَكُلُّكُمْ مَسْؤولٌ عَنْ رَعِيَّتِهِ ........ وَالرَّجُلُ رَاعٍ عَلَى أَهْلِ بَيْتِهِ وَهُوَ مَسْؤولٌ عَنْهُمْ..." متفق عليه.
وعَنِ الْحَسَنِ أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ: إِنَّ الله سائل كل راع عما استرعاه: أحفظ أَمْ ضَيَّعَ، حَتَّى يَسْأَلَ الرَّجُلَ عَنْ أَهْلِ بيته. صحيح ابن حبان.
قال ابن عبد البر (رحمه الله): فواجب على كل مسلم أن يعلم أهله ما بهم الحاجة إليه من أمر دينهم، ويأمرهم به، وواجب عليه أن ينهاهم عن كل ما لا يحل لهم، ويوقفهم عليه، ويمنعهم منه، ويعلمهم ذلك كله.

وقد جعل الشرع للزوج القوامة على زوجته، وبمقتضاها عليه أن يكفها عن المفاسد ويحملها على أداء الواجبات، لكن هذه القوامة لا تعني تسلطه وتجبره على المرأة، أو تجاهل مشاعرها وإساءة عشرتها، وإنما القوامة تعني رعاية المصالح الدينية والدنيوية وتقتضي الرحمة والإحسان.

قال القرطبي في تفسير قوله تعالى: وَلِلرِّجَالِ عَلَيْهِنَّ دَرَجَةٌ : " وقال ابن عباس: الدرجة إشارة إلى حض الرجال على حسن العشرة، والتوسع للنساء في المال والخلق، أي أن الأفضل ينبغي أن يتحامل على نفسه. قال ابن عطية: وهذا قول حسن بارع." الجامع لأحكام القرآن.

وعليه؛ فالعناد مع الأهل أو غيرهم مذموم، وإذا حمل العناد على الخصومة بالباطل، فهو منكر بلا ريب، وقد عده بعض العلماء من الكبائر.

[ضوى]

صحيح الكلام اللي قلتيه أختي


بس المرأة لا تمتلك زمام الامور , قد تستشيرها في أمرا ما او تاخذ رايها لاكن لست ملزم بما قالته , لان المرأه تغلب عليها العاطفه وأستدراكها للامور غير عن الرجل .


ولا ليش قال الرسول صلي الله عليه وسلم : (لَمَّا بَلَغَ رَسُولَ اللَّهِ صَلَّى اللَّهُ عَلَيْهِ وَسَلَّمَ أَنَّ أَهْلَ فَارِسَ قَدْ مَلَّكُوا عَلَيْهِمْ بِنْتَ كِسْرَى قَالَ : لَنْ يُفْلِحَ قَوْمٌ وَلَّوْا أَمْرَهُمْ امْرَأَةً )


شرح الحديث :

الحديث ليس فيه انتقاص لقدرات المرأة القيادية في الإسلام ، ولكنه توجيه لقدراتها التوجيه الصحيح المناسب ، حفاظاً عليها من الهدر والضياع في أمر لا يلائم طبيعة المرأة النفسية والبدنية والشخصية ، ولا يتوافق مع أحكام الشريعة الإسلامية الأخرى ، التي حفظت المرأة من الفساد والإفساد .


المرأة الصالحة هي التي لا تكسر كلمة زوجها ولا تخالف راية ولا تضيق عليه


نعم تشاورها وغير ملزم برايها ، لكن جبر الخواطر وحسن العشرة والاحسان امر مطلوب لاستدامة الحب والالفه بينهم

[رفيع الهامه]

مافي شي اسمه زوجة تتقارن بزوج ، في فرق بين الزوج والزوجة لكن في الحقوق والواجبات متساوين ، من قال حقوق الزوج غير عن حقوق الزوجة ، الشي اللي الزوج له زيادة على الزوجة القوامة والقوامة ياريت احد يطلع لنا وشهي وفي شنو بالضبط حتى الكل يكون على بينة ويفهم صح معنى القوامة

السؤال


مامعني قوامة الرجل علي المرأة وماهي أسبابها وهل إذا لم ينفق الرجل علي المرأة يسقط حقه عليها في القوامة؟

الجواب :


الحمد لله والصلاة والسلام على رسول الله وعلى آله وصحبه أما بعد:

لما منح الله الرجل ما منحه من عقل أكمل من عقل المرأة، وعلم أغزر من علمها غالباً، وبعد نظر في مبادئ الأمور ونهاياتها أبعد من نظرها. كان من المناسب والحكمة أن يكون هو صاحب القوامة عليها. والقوامة معناها: القيام على الشيء رعاية وحماية وإصلاحاً. قال تعالى: (الرجال قوامون على النساء بما فضل الله بعضهم على بعض وبما أنفقوا من أموالهم) [النساء: 34].
وقد ذكر المولى عز وجل لهذه القوامة سببين اثنين أولهما: وهبي.
وثانيهما: كسبي.
أما الأول منهما: فهو ما أشار إليه قوله تعالى: ( بما فضل الله بعضهم على بعض) أي بتفضيل الله الرجال على النساء، من كونه جعل منهم الأنبياء والخلفاء والسلاطين والحكام والغزاة، وزيادة التعصيب والنصيب في الميراث، وجعل الطلاق بأيديهم، والانتساب إليهم، وغير ذلك مما فضل الله به جنس الرجال على جنس النساء في الجملة.
والسبب الثاني في جعل القوامة للرجل على المرأة هو: ما أنفقه عليها، وما دفعه إليها من مهر، وما يتكلفه من نفقة في الجهاد، وما يلزمه في العقل والدية، وغير ذلك مما لم تكن المرأة ملزمة به، وقد أشار إليه في الآية بقوله (وبما أنفقوا من أموالهم).
وإذا تخلى الرجل عن ميزته التي ميزه الله تعالى بها فلم ينفق على امرأته، ولم يكسها، فإن ذلك يسلبه حق القوامة عليها، ويعطيها هي الحق في القيام بفسخ النكاح بالوسائل المشروعة، هذا هو ما يقتضيه تعليل القوامة في الآية الكريمة بالإنفاق، وهو ما فهمه منها المالكية والشافعية.
هذا، ومما يجب التنبه له أن تفضيل الرجال على النساء المذكور في الآية الكريمة المراد منه تفضيل جنس الرجال على جنس النساء، وليس المراد منه تفضيل جميع أفراد الرجال على جميع أفراد النساء، وإلا فكم من امرأة تفضل زوجها في العلم والدين والعمل والرأي وغير ذلك.
وقال الشاعر: فلو كان النساء كمن ذكرنا لفضلت النساء على الرجال
وهذه النكتة التي نبهنا عليها هي واحدة من بين نكت ذكر علماء البلاغة أن الإشارة إليها هي السر في عدول النظم القرآني إلى التعبير بقوله: (بعضهم على بعضهم) ولم يقل: بتفضيلهم عليهن، أو بتفضيله إياهم عليهن، مع أن ما عدل عنه أخصر وأوجز، ولكن عدل عنه لحكم جليلة، ونكت بلاغية يرى المطلعون عليها أن الآية في نهاية الإيجاز والإعجاز، ومن أراد الاطلاع على المزيد فعليه بكتب التفاسير عند الآية الكريمة: (الرجال قوامون على النساء..) [النساء: 34]. والله أعلم.



منقول من إسلام ويب ( مركز الفتوي)

[راجي الْعفو]

الحريم اللي يخربون البيوت العمرانة بالتحريض والتأليب عالزوج نفس اصحاب السوء اللي خربوا وليد على مرته تماما

المفسد من الطرفين مذموم، شي اكيد
ولكن الكلام ان بعض الناس قد ينظر للشيء انه افساد وهو في الحقيقة مافيه شي

[رفيع الهامه]

الحريم اللي يخربون البيوت العمرانة بالتحريض والتأليب عالزوج نفس اصحاب السوء اللي خربوا وليد على مرته تماما

أنا أبي أعرف جملة : خربوا وليد على زوجته , هل هم منعوه من دخول بيته؟ منعوه من الصلاة في المسجد؟ منعوة لا ينفق على اهله؟منعوه مايوديهم لاي مكان؟


ولا بس عشان قالوا له سافر معنا ؟؟؟ !!!!!

انا ماشوف فيه شي اسمه خراب

[ضوى]

فائدة

روى الإمام أحمد بسنده من طريق المسور بن مخرمة ومروان بن الحكم - رضي الله عنهما - قصة صلح الحديبية في حديث طويل، ذكر فيه أنه لما تم الصلح بين النبي - صلى الله عليه وسلم - ومشركي قريش قام رسول الله - صلى الله عليه وسلم - فقال: ( يا أيها الناس انحروا واحلقوا )، قال: فما قام أحد، قال: ثم عاد بمثلها، فما قام رجل حتى عاد بمثلها، فما قام رجل، فرجع رسول الله - صلى الله عليه وسلم - فدخل على أم سلمة فقال: ( يا أم سلمة ما شأن الناس؟ قالت: يا رسول الله قد دخلهم ما قد رأيت، فلا تكلمن منهم إنساناً، واعمد إلى هديك حيث كان فانحره، واحلق فلو قد فعلت ذلك فعل الناس ذلك، فخرج رسول الله - صلى الله عليه وسلم - لا يكلم أحدا حتى أتى هديه فنحره ثم جلس فحلق، فقام الناس ينحرون ويحلقون ) . فكان رأي أم سلمة ـ رضي الله عنها ـ رأياً موفقا ومشورة مباركة، قال ابن حجر : " وإشارتها على النبي ـ صلى الله عليه وسلم ـ يوم الحديبية تدلُّ على وفور عقلها وصواب رأيها " ..

[ضوى]

أنا أبي أعرف جملة : خربوا وليد على زوجته , هل هم منعوه من دخول بيته؟ منعوه من الصلاة في المسجد؟ منعوة لا ينفق على اهله؟منعوه مايوديهم لاي مكان؟


ولا بس عشان قالوا له سافر معنا ؟؟؟ !!!!!

انا ماشوف فيه شي اسمه خراب


سافر معانا مافيها اي خراب للبيوت ابدا

لكن اكيد ماتقدر سكانه مرته فيها خراب بيوت ، قرارك مب بيدك اكيد فيها خراب بيوت

[رفيع الهامه]

سافر معانا مافيها اي خراب للبيوت ابدا

لكن اكيد ماتقدر سكانه مرته فيها خراب بيوت ، قرارك مب بيدك اكيد فيها خراب بيوت

هذا انتقاد له وليس فيه خراب , إلا إذا هو يبي يخرب شي ثاني

[ضوى]

هذا انتقاد له وليس فيه خراب , إلا إذا هو يبي يخرب شي ثاني

هذي مب انتقاد ، فرق كبير بين الانتقاد والتحريض ، عموما هي وجهة نظرك وانت حر فيها

[رفيع الهامه]

هذي مب انتقاد ، فرق كبير بين الانتقاد والتحريض ، عموما هي وجهة نظرك وانت حر فيها

و إنتي بعد هذي وجهة نظرج و علينا أحترامها , لاكن نخالفها وأبدينا راينا فيها

[Charisma]

لا سلامتك مش نظام دكتاتوريه هو بمشي كلامي عاجبكم الا لا
هذي حياه زوجيه فيها تشارك مب خادم ومخدوم ولا قايد ومقيود
واذا كانت شخصيته قياديه برا البيت ف فالبيت يتشارك المسؤوليه مع زوجته
ف مايجي فجاه يفرض رايه غصب ويروح
بالتراضي بين الطرفين ما صار تراضي بلاها سفره تسوي له مشاكل
بعد الباب اللي اتيي منه ريح يسده ويستريح
القرار مب نهائي بيدها ولا هو بيده
ف النهايه انا اقول هم تراضي بين طرفين
شصار لو ما قدر يروح معاهم؟
انا ذكرت بواقعيه ان الوقت ضايع واذا صدف وصار في وقت يكون هله اولى به
اما لو هو مب مقصر من كل النواحي معاهم خلاص يتفاهم معاها ويتراضون ع موضوع سفرته بس مايحطها مساله حياة او موت ويدخلها دوامه ثانيه

انتي تشوفينها دكتاتوريه ، غيرج يشوفها قوامه ، ونعم يمشي كلامه لأن هو من بيدة الكلمه الأولى والأخيره ، والمشاركه في الأراء والنقاش هذا أمر طبيعي بين الزوجين لكن في حال التصادم واختلاف الاراء ، فالكلمة بيد الرجل .

لاتضربين على وتر المشاركه ، لأن المشاركه لها حدود معينه ممكن يكون الأختلاف في بعض الأمور البسيطة ويتنازل عنها الرجل على سبيل المثال " اختيار اثاث معين " ، لكن ان وصل الأختلاف لأمور أكبر فليش التصادم مع الزوج والتمرد ؟ ماراح تلقين أي أحد يفتخر في هالنقطه وكأن الموضوع فرض هيمنه واستعلاء ، هذه فطرة وهذه سنه وهذا شرع وهذا عرف ، والموضوع مش بهالسطحيه لأن الألفه موجوده والمشاركه موجوده ولها الحق ان تبدي رأيها في أي موضوع وللزوج الحق في الأخذ برأيها او رفضه ، ومحاولة توسيع نطاق المشاركه بحيث تكون في كل صغيره وكبيره هذا معناته كثرة خلافات وكثرة مشاكل ، خصوصا عند وقوع التصادم .

نقطه حاب أوضحها ، بحياتي ماشفت أحد او مجموعة تحرض احد افرادها وتشجعه على أهمال بيته او أهله ، " هذه المشكلة منتشره عند الحريم أكثر" ، الرجال لايخوضون في أمور بيوتهم مع بعض ، وحتى لو افترضنا ان الحديث دار مع صديق مقرب ، ماراح توصل لخراب بيوت ، هذي سوالف مسلسلات ودراما لاتشاهد الا في التلفزيون .