المساعد الشخصي الرقمي

مشاهدة النسخة كاملة : مكيف شباك: جنرال.


Abo Ahmed
18-07-2016, 08:16 PM
السلام عليكم ورحمة الله وبركاته

الجو ما شاء الله، حار ورطب!

المكيف صار فترة الظهر ما يبرد.. وبغينا نغيرة بواحد جديد من جنرال من العمادي.. 2 طن ونص..

الكل يقول جنرال ممتاز، أتوكل على الله وآخذ واحد؟!

تحياتي
سليمان احمد
18-07-2016, 08:23 PM
االمكيف عندي صار مايبرد لانه من 8 سنوات
كان المكيف اللي عندي في الغرفه جنرال الاصلي وكان بارد
وترددت اني اخذ جنرال مره ثانيه بعد مانويت اخذ مكيف
المهم خذت مكيف وندو جري ( gree ) لاني خذت منهم سبيلت
واعجبتني لانها بارده جدا وقلت خل اخذ وندو والحمدلله توفقت
والمكيف ماشاء الله
بارد بارد وكنت في بداية شهر خمسه وكنت اقصر عليه وقلت ماراح
احكم عليه الا اذا دشينا الصيف عدل وهو المقياس الحقيقي وفعلا
هالايام هو المحك الحقيقي واثبت انه مكيف جيد وناجح
جدا نفس جنرال ونفس البروده وماشاء الله فانصحك فيه بقوه
انا خذت طنين فانصحك فيه
ضوى
18-07-2016, 08:27 PM
قري خذناه ويندوز لوع جبدنا لا تبريد زي الناس وكله ينقط ماي ويثلج تجربه فاشله جدا

الجنرال والفوجي وجنرال كول تبريدهم اوكي ماشاء الله بس الصوت ورور يسندر
البرونزي
18-07-2016, 08:44 PM
في فرق بين البستن والريتوري
طبعا البستن افضل لكن على ماسمعت انهم وقفوه من هذا الشهر
والي متوفر الحين بس ريتوري بقرار من المواصفات والمقاييس
سعود.
19-07-2016, 12:35 AM
شوف اخوي بالخليج عامة الاهم قبل نوع المكيف هو التضليل . يعني مثال بسيط حاليا في انا مستاجر عندي الملحق الخارجي فية مكيف شباك حاط فوقة قطعة خشب تضليل للكمبرسر . وحاليا قريب اسكن في بيتي وناوي احط شينكو الي يجي فية طبقتين شينكو وبالنص طبقة عازل في كل مكيف الي في السطح .
Abo Ahmed
19-07-2016, 08:48 AM
أشكركم على الردود الطيبة..

في حد جرب مكيف جنرال الموفر للطاقة؟ أنا كلمتهم وقالولي ال 2 طن ونص ب 2600 ريال، بس ما أدري نوع الكومبريسور!

فعلا التظليل مهم، وهذا الي خايف منه لإن المكيفات في مضرب الشمس!
سعود.
19-07-2016, 10:40 AM
اخوي

جنرال و جري و فوجي ومتسوبيشي والشركات القوية المعروفة ماعليها خوف .

اهتم بالتضليل وتنظيف الفلتر على الاقل كل شهر مرة ولامور طيبة .

واختار حجم المكيف المناسب للمكان الي تبي تركب فية لان كل مساحة لها حجم مكيف مناسب .
Abo Ahmed
20-07-2016, 08:40 AM
أمس مريتهم وشريت جنرال 2 طن ونص وإن شاء الله بنهتم بالتظليل.. بيركبونه اليوم..

يعطيكم العافية..
ضوى
20-07-2016, 09:46 AM
أمس مريتهم وشريت جنرال 2 طن ونص وإن شاء الله بنهتم بالتظليل.. بيركبونه اليوم..

يعطيكم العافية..


خيار موفق جدا ان شاء الله ، الله يبارك لك فيه
بومحمد المطاوعه
20-07-2016, 09:50 AM
أمس مريتهم وشريت جنرال 2 طن ونص وإن شاء الله بنهتم بالتظليل.. بيركبونه اليوم..

يعطيكم العافية..

بالتوفيق

احسنت الأختيار

افضل مكيف ويندو للأمانه