الفرق الشاسع بين تذاكرالدرجة السياحية والأولى لماذا؟! دبل7

[ضليع التبريد]

لماذا فرق السعر الشاسع بين تذاكر الدرجه الأولي والسياحية؟!! على الخطوط القطرية

الدرجة الأولي بسعر 31000 الف ريال وشيء،، الدوحة-لندن
والسياحية بسعر 4000الف ريال ،، وهي نفس الرحلة

الفرق بينها فقط شوية خدمة وسعة كرسي فقط

الفرق في كل كرسي 25000 الف ريال للشخص ،،، والي عنده عائله عاد احسب الفرق الشاسع حسب عدد الركاب!!

خمس ركاب أولى 31000*5= 155000الف
خمس ركاب سياحية 4000*5=20000الف.... والفرق عالي جداً 135000الف ريال. دبل 7مرات

ليه مايسير الفرق دبل مرة او مرتين اكثر شيء وخلاص ،، والناس بكيفها

فيه فرق شاسع بين الكرسيين،، دبل 7مرات غير منطقي!!!

فكروا في راحة غيركم مثل ما تفكروا في راحتكم!!

اعتقد دبل السعر مره كافي للدرجه الأولي،، المبالغه كثيراً فيها قسوة وحرمان للأخرين

[Rashid554]

المتعارف عليه بشكل عام
البزنس ضعفين سعر السياحيه
الاولى ضعف سعر البزنس

ويختلف من شركة لشركة وحسب نوع الطياره والخدمات ونوع التذكرة

يعني مثلا بتلقى بزنس لبانكوك ب 6000 وبتلقاها ب 8000 وهو على حسب نوع الطياره

الطيارات الي اسعار تذاكرها مرتفعه حاليا للقطرية هي الايرباص 350 و 380 والبوينغ دريملاينر 787 بحكم انها طائرات حديثة

[ضليع التبريد]

المتعارف عليه بشكل عام
البزنس ضعفين سعر السياحيه
الاولى ضعف سعر البزنس

ويختلف من شركة لشركة وحسب نوع الطياره والخدمات ونوع التذكرة

يعني مثلا بتلقى بزنس لبانكوك ب 6000 وبتلقاها ب 8000 وهو على حسب نوع الطياره

الطيارات الي اسعار تذاكرها مرتفعه حاليا للقطرية هي الايرباص 350 و 380 والبوينغ دريملاينر 787 بحكم انها طائرات حديثة

اذا اخذنا بكلامك،، البزنس دبل السياحية يعني البرنس ب4000*2 =8000
والاولى دبل السياحية يعني: 8000*2=16000ريال

طيب ليه الدرجه الأولى ب31000الف ريال من الدوحه الى لندن
الفرق كبير جداً ،، دبل سبع مرات من 4000الى 31000 !!

[عيون الدوحة]

محد مجبور يروح بزنز والناس تعرف متى تحجز حق لندن قبل السفر ب ظ¤ او خمس شهور ترتب حجوزاتهم والتذاكر تكون ارخص من قبل الرحله بيومين ولا أسبوع

وبالنسبة لكراسي السياحية للقطرية انا اشوف حجمها أكبر وواوسع من باقي الخطوط

وبدل الواحد مايحط ظ،ظ*ظ* الف قيمة فرق التذاكر لمدة ظ¦ ساعات واقلب الرحلة الشخص نايم

يخلي المبلغ ل سكن أحسن ظ¥ او اربع نجوم

[Sowaidi]

الطيارات عاده فيها 250 كرسي ايكونمي و30 بزنس و10 فيرست

فالمنطق الي ذكرته انه يكون دبل السعر فقط ماينفع ولا الكل أخذ فرست وبزنز

[بانغ بانغ]

لازم ايبين الفرق بين اللي جاي راهي وكاشخ والعادي

مسافات بعيدة مستحيل اطير سياحية عن نفسي

[راعي الكورفت]

هم مدبلين السعر7 اضعاف فقط على القطريين لانهم يبوون يعوضون ال44 مليون دولار الي دفعوها لبرشلونه مؤخرا عشان يكتبون اسم الشركه على قمصيهم :secret:

[hamoor4ever]

منت مجبور في البزنس او الاولى اخوي ، لان لو كان بس ضعف السعر الكل بيروح عليها خاصه لرحلات لندن وغيرها الدرجات الاولى مش مسويها علشان الكل يسافر عليها . اللي ماعنده مايلزمه

[مرتبش]

تذاكر اوربا فيهم فرق كبير جدا بين السياحية والبزنس
اما تذاكر اسيا فالفرق تقريبا الضعف
وتذاكر شبه القارة الهندية الفرق بينهم اقل
وكل هذا معتمد على الطلب.. ونوعية المسافرين المستعدة للدفع ..

احيانا احس من مواضيع البعض ان اللي يسافر سياحية راكب باص تاتا ومب محصل كرسي ! .. شفيها السياحية انا شخص اشوف فرق سعر التذاكر لو احطه في فندق باقعد فيه بالايام مب 6 ساعات او 8 ساعات وايد ابرك .. واظن بعد في فرق احطه للمشتريات..

[ضوى]

تذاكر اوربا فيهم فرق كبير جدا بين السياحية والبزنس
اما تذاكر اسيا فالفرق تقريبا الضعف
وتذاكر شبه القارة الهندية الفرق بينهم اقل
وكل هذا معتمد على الطلب.. ونوعية المسافرين المستعدة للدفع ..

احيانا احس من مواضيع البعض ان اللي يسافر سياحية راكب باص تاتا ومب محصل كرسي ! .. شفيها السياحية انا شخص اشوف فرق سعر التذاكر لو احطه في فندق باقعد فيه بالايام مب 6 ساعات او 8 ساعات وايد ابرك .. واظن بعد في فرق احطه للمشتريات..

اتفق معاك

[JN000N]

منت مجبور في البزنس او الاولى اخوي ، لان لو كان بس ضعف السعر الكل بيروح عليها خاصه لرحلات لندن وغيرها الدرجات الاولى مش مسويها علشان الكل يسافر عليها . اللي ماعنده مايلزمه

لالالا هني لازم تصحح معلوماتك
خذ ترانزيت عالقطرية من اي دولة ثانيه مثلا من مصر
على الدرجة الاولى
وجوف السعر كم
ووقتها قول ان ماسووها عشان اي حد يركبها

[JN000N]

تذاكر اوربا فيهم فرق كبير جدا بين السياحية والبزنس
اما تذاكر اسيا فالفرق تقريبا الضعف
وتذاكر شبه القارة الهندية الفرق بينهم اقل
وكل هذا معتمد على الطلب.. ونوعية المسافرين المستعدة للدفع ..

احيانا احس من مواضيع البعض ان اللي يسافر سياحية راكب باص تاتا ومب محصل كرسي ! .. شفيها السياحية انا شخص اشوف فرق سعر التذاكر لو احطه في فندق باقعد فيه بالايام مب 6 ساعات او 8 ساعات وايد ابرك .. واظن بعد في فرق احطه للمشتريات..

ثلاث اربع ساعات حتى خمس ممكن
بس ترى في ناس مايقدرون يستحملون كراسي السياحية لان ظهورهم تعورهم
واييك هو مسافر مع مرته وعياله
مايقدر يحجز له بزنز وهم قاطهم ورا
يضطر يحجز للكل معاه والسعر اوفر

[معماري قطري]

ثلاث اربع ساعات حتى خمس ممكن
بس ترى في ناس مايقدرون يستحملون كراسي السياحية لان ظهورهم تعورهم
واييك هو مسافر مع مرته وعياله
مايقدر يحجز له بزنز وهم قاطهم ورا
يضطر يحجز للكل معاه والسعر اوفر

انا ظهري يوجعني بس لو سافرت سياحية اخلي الكرسي معتدل وكذلك في المكتب منحني شوي تزيد الآلام .. وصراحة لولا ضغط الجمهور يبون بزنس كان رحت سياحية وبس وكل رحلاتي لغاية 7 ساعات سياحية لكن لأمريكا بزنس لطول الرحلة والحاجة للنوم

من أيام خذت حق بانكوك على ال 380 ب 6400 على البزنس .. بانكوك آي أم كآمنغ

[JN000N]

ش


انا ظهري يوجعني بس لو سافرت سياحية اخلي الكرسي معتدل وكذلك في المكتب منحني شوي تزيد الآلام .. وصراحة لولا ضغط الجمهور يبون بزنس كان رحت سياحية وبس وكل رحلاتي لغاية 7 ساعات سياحية لكن لأمريكا بزنس لطول الرحلة والحاجة للنوم

من أيام خذت حق بانكوك على ال 380 ب 6400 على البزنس .. بانكوك آي أم كآمنغ

مادري اجوف ابوي مايقدر يتصلب اكثر من ثلاث ساعات ف السياحية
مرات نروح سياحية خاصه لو مافي حجز وعادي سهالات
بس هو يتعب حتى لو مايقول قدامنا ندري به يبين عليه

[معماري قطري]

ش

مادري اجوف ابوي مايقدر يتصلب اكثر من ثلاث ساعات ف السياحية
مرات نروح سياحية خاصه لو مافي حجز وعادي سهالات
بس هو يتعب حتى لو مايقول قدامنا ندري به يبين عليه

الله يحفظه ويشفيه السفر كله تعب

[asulaiti]

الأسعار ترتفع في المواسم وعند حجز التذكرة قبل موعد الإقلاع بمدة قصيرة يفرق في السعر كذلك

لكن المسألة حتى نكون أكثر دقة في النقد هو يجب مقارنة سعر القطرية مع طيران الإمارات والاتحاد مثلاً ،،،،
وتكون كالتالي:

سعر تذكرة القطرية : دوحة - لندن - دوحة
سعر تذكرة الإماراتية : دبي - لندن - دبي
سعر تذكرة الاتحاد : أبوظبي - لندن - أبوظبي

هنا سنعرف هل القطرية تستغل وتبالغ في الأسعار أم لا ...

النقطة الأخرى ،،، هو لن يفيد العويل والصراخ على القطرية ،،، لن يلتفتوا لكم طالما مافي منافس
نفس شركة أوريدو (كيوتل سابقاً) عندما كانت وحدها في السوق كانت تشفط فلوسنا شفط !!
وتكلمنا وانتقدنا ولا تغيرت سياستهم ،،، لان مافي غيرها !!!!
وين بنروح ؟؟؟

اما القطرية فطالما ان المستفيد من خدماتها ونجوميتها الأجانب فأقول لهم هنيئاً لكم
وشخصيا ارى لو نستطيع ان نقلل استخدامها ونتلفت للخطوط الأخرى ونستحمل شوي الترانزيت
اعتقد ممكن يأثر عليها شوي

يا اخي نصيحتي لك ،،، والقرار يعود لك في الأخير ،،،،
روح لندن ترانزيت في دبي ولا ابوظبي وزيد في رحلتك ساعتين ولا ثلاث لان في الأخير يومك نصه راح في الطيران .. فماجات على ساعتين او ثلاثة زيادة في مدة الراحلة الإجمالية وفي الأخير انت وفرت مبلغ وقدره انت وعيالك أولى فيها ،،،

والله المستعان

[asulaiti]

ونقطة أخرى تذكرتها ،،،،

وهو كثير من الناس يكره فكرة الترانزيت ،،، لاعتقاده بأنه سيجلس في المطار ينتظر الرحلة التالية ....

بالعكس ،،، احيانا الترانزيت يكون متعة لو فكرت فيها من هذه الناحية ،،،
سوق حرة ،،، مطاعم ،،، تمشية ،،، دخول الحمام لتاخذ راحتك صح هناك :nice:
خذ معاك آيباد وتصفح النت ما راح تحس بالوقت لا وكان انتظارك ربع ساعة فقط

[hamoor4ever]

لالالا هني لازم تصحح معلوماتك
خذ ترانزيت عالقطرية من اي دولة ثانيه مثلا من مصر
على الدرجة الاولى
وجوف السعر كم
ووقتها قول ان ماسووها عشان اي حد يركبها

خلاص اختي ليش زعلانه تقدرون تحجزون بزنس لمصر ومن مصر الى لندن بزنس اوفر واحسن علشان الظهر

[hamoor4ever]

شخصيا ماحب الترانزيت حتى لو كان بزنس ، انا افضل اروح سياحيه دايركت ولا اروح بزنس ترانزيت القعده بالمطار ممله انصحكم ببطاقه القطريه وجمع الاميال شخصيا استفدت اني اسوي ابجريد مرتين الى البزنس في رحلاتي خلال سنه واحدة الحجوزات وقت العروض توفر لكم لكن السفر وقت الاجازه هناك ارتفاع كبير بالسعر لكثره الطلب على التذاكر وهاذه سوق عرض وطلب مش معقول تكون تذكرة الى لندن بقيمه 6000 ريال مثلا لان ارخص طيران وترانزيت ووممكن في وقت عادي يبلغ سعرها 10000 ريال . تذاكر الدرجه الاولى لاتشمل الكرسي فقط لابل هم يحسبون الخدمات الاخرى معاه طبعا الكثير يعاني من الام الظهر عند السفر حتى انا واتضايق اذا السفر سبع ساعات وتكون سياحيه بس لما انظر لفرق السعر اقول اوفر لي واحيانا في فترات القطريه ترسل عروض ترقيه بسعر مخفض استغلها اذا حسيت السعر يستاهل واحيانا لا اذا فتره السفر تقل عن 5 ساعات الموضوع عندك فلوس سافر ودلع نفسك ماعندك سافر سياحيه وبس ذي كل السالفه

[JN000N]

خلاص اختي ليش زعلانه تقدرون تحجزون بزنس لمصر ومن مصر الى لندن بزنس اوفر واحسن علشان الظهر

انت داش عشان تتحامى عن القطريه بس
يبه اذا علي انا ادفع ولا افتكر لا ف قطريه ولا ف ام حمار ولا يردني شي ان يات عالصج

لكن كلمة حق تنقال وقلتها
ع اي اساس انت تقول مسوين الدرجة الاولى عشان مب اي حد يركبها
شكلك من زمان ما سافرت ولا جفت الاشكال الي ف الدرجة الاولى

[جبر ال جبر]

يالربع تراكم تشعبتم وايد وطلعتو من المحور الريسي الرجال طرح شي مهم الفرق الشاسع بين السياحي والاولى شي مب طبيعي في القطريه .... احنا مانقول خله فرق بسيط لانه اذا بسيط محد بيقعد في السياحيه الي كراسيها بالمئات بس 7 اضعاف حسب ماحسبها طارح الموضوع توووو ماتش
انا اقول في حل دايم القطريه محتكره كل شي يجتمعون 6 او 7 من اكبر رجال الاعمال في دوله قطر ويؤسسون شركه وطنيه اقوى من القطريه وتنافس القطريه ومايحتاي يسسون دراسه جدوى المشروع باذن الله ناجح 100% وبيدخلهم ذهب والدوله واجب عليها تساعدهم وتساعد القطريه بعد وتصير منافسه ف السوق تنصب في مصلحه المواطن

[ريتويت]

سافر عالاماراتيه ابرك

[بنت شرق]

رغم كل النقد افضل القطرية

[asulaiti]

انا اقول في حل دايم القطريه محتكره كل شي يجتمعون 6 او 7 من اكبر رجال الاعمال في دوله قطر ويؤسسون شركه وطنيه اقوى من القطريه وتنافس القطريه ومايحتاي يسسون دراسه جدوى المشروع باذن الله ناجح 100% وبيدخلهم ذهب والدوله واجب عليها تساعدهم وتساعد القطريه بعد وتصير منافسه ف السوق تنصب في مصلحه المواطن
بو جبر جاب لكم الزبدة ....

[المعنى88]

بو جبر جاب لكم الزبدة ....

باقي الخبز والسجينة والعسل

[mr. abdulla]

لماذا فرق السعر الشاسع بين تذاكر الدرجه الأولي والسياحية؟!! على الخطوط القطرية

الدرجة الأولي بسعر 31000 الف ريال وشيء،، الدوحة-لندن
والسياحية بسعر 4000الف ريال ،، وهي نفس الرحلة

الفرق بينها فقط شوية خدمة وسعة كرسي فقط

الفرق في كل كرسي 25000 الف ريال للشخص ،،، والي عنده عائله عاد احسب الفرق الشاسع حسب عدد الركاب!!

خمس ركاب أولى 31000*5= 155000الف
خمس ركاب سياحية 4000*5=20000الف.... والفرق عالي جداً 135000الف ريال. دبل 7مرات

ليه مايسير الفرق دبل مرة او مرتين اكثر شيء وخلاص ،، والناس بكيفها

فيه فرق شاسع بين الكرسيين،، دبل 7مرات غير منطقي!!!

فكروا في راحة غيركم مثل ما تفكروا في راحتكم!!

اعتقد دبل السعر مره كافي للدرجه الأولي،، المبالغه كثيراً فيها قسوة وحرمان للأخرين

ابسط حل اخوي.. لا تسافر لندن درجة الاولى

[monatee]

ومع هذا السعر الخيالي

الطياره تفول ومافيها كراسي

[سهم ماينزل]

منت مجبور في البزنس او الاولى اخوي ، لان لو كان بس ضعف السعر الكل بيروح عليها خاصه لرحلات لندن وغيرها الدرجات الاولى مش مسويها علشان الكل يسافر عليها . اللي ماعنده مايلزمه

وانا معاك البزنس والأولى حق الناس اللي دخلها مرتفع ويملك

اما اللي نفسي وغير يحجز سياحية ويقنع باللي ربه كاتبه له

وعن نفسي احب اروح على القطرية عشان تحمل اسم بلادي ولكن افضل الإماراتية كخدمة

لكن يمكن صاحب الموضوع يستفسر ليش الفرق الكبير للسعر ما بين التذكرتين فقط

[ضليع التبريد]

لماذا فرق السعر الشاسع بين تذاكر الدرجه الأولي والسياحية؟!! على الخطوط القطرية

الدرجة الأولي بسعر 31000 الف ريال وشيء،، الدوحة-لندن
والسياحية بسعر 4000الف ريال ،، وهي نفس الرحلة

الفرق بينها فقط شوية خدمة وسعة كرسي فقط

الفرق في كل كرسي 25000 الف ريال للشخص ،،، والي عنده عائله عاد احسب الفرق الشاسع حسب عدد الركاب!!

خمس ركاب أولى 31000*5= 155000الف
خمس ركاب سياحية 4000*5=20000الف.... والفرق عالي جداً 135000الف ريال. دبل 7مرات

ليه مايسير الفرق دبل مرة او مرتين اكثر شيء وخلاص ،، والناس بكيفها

فيه فرق شاسع بين الكرسيين،، دبل 7مرات غير منطقي!!!

فكروا في راحة غيركم مثل ما تفكروا في راحتكم!!

اعتقد دبل السعر مره كافي للدرجه الأولي،، المبالغه كثيراً فيها
قسوة وحرمان للأخرين


هذا هو الموضوع الرئيسي،، والنقاش المفيد مطلوب،، وجزاكم الله خير جميعاً على مداخلاتكم المفيده،، والمصلحه العامه هي الهدف..

شكراً للجميع

[Charisma]

هذا هو الموضوع الرئيسي،، والنقاش المفيد مطلوب،، وجزاكم الله خير جميعاً على مداخلاتكم المفيده،، والمصلحه العامه هي الهدف..

شكراً للجميع

باختصار والكلام ينطبق على جميع شركات الطيران ،



كرسي الدرجة الأولى ياخذ مساحة اكثر من 6 كراسي سياحيه .

يدخل في سعر التذكرة الضرائب المفروضه من بعض المطارات واللي تختلف وتتفاوت وتفرق مابين الاولى ورجال الاعمال والسياحيه.
الخدمة والخصوصية.

.

[JN000N]

باختصار والكلام ينطبق على جميع شركات الطيران ،



كرسي الدرجة الأولى ياخذ مساحة اكثر من 6 كراسي سياحيه .

يدخل في سعر التذكرة الضرائب المفروضه من بعض المطارات واللي تختلف وتتفاوت وتفرق مابين الاولى ورجال الاعمال والسياحيه.
الخدمة والخصوصية.

.

عيزت افهم مدى رخص التذكره اذا كنت ترانزيت
فسر لي شلون سعرها طايح اذا انا من دوله ثانيه ماراح اقول خليجيه لان مب وايد رخيصه تطلع
لكن مديري المصري بنفسه قالي انه حاجز على اسبانيا وطلعت عليه اقل من ربع السعر يوم يا بيحجز من قطر

[الدوحه1]

هم مدبلين السعر7 اضعاف فقط على القطريين لانهم يبوون يعوضون ال44 مليون دولار الي دفعوها لبرشلونه مؤخرا عشان يكتبون اسم الشركه على قمصيهم :secret:


تم تجديد العقد بين "القطريه" والنادي لمدة 5 سنوات.
القيمه : 33 مليون دولار في السنه(120 مليون ريال/السنه)



BARCELONA, Spain —
Barcelona says it has agreed to renew its shirt sponsorship deal with Qatar Airways until June 2017.
The Spanish champion says the deal maintains the "same conditions" as the five-year contract, which earned Barcelona 30 million euros ($33 million) annually.
Barcelona was one of the last clubs to not make revenues from advertising on its shirt until the 2010 deal with Qatar Foundation, which included an agreement to then be sponsored by Qatar Airways.

[بانغ بانغ]

لالالا هني لازم تصحح معلوماتك
خذ ترانزيت عالقطرية من اي دولة ثانيه مثلا من مصر
على الدرجة الاولى
وجوف السعر كم
ووقتها قول ان ماسووها عشان اي حد يركبها

صحيح

في شباب ياخذون اولى او بزنس بس من نقطة غير الدوحة مثلا بحرين بانكوك بحرين وشوفوا الفرق

[حمد 2002]

لازم ايبين الفرق بين اللي جاي راهي وكاشخ والعادي

مسافات بعيدة مستحيل اطير سياحية عن نفسي

انت من الطبقة المخمليه اكيد لازم تركب بزنس وفرست ..

أما أنا وراجي والنهار حدنا دبي بموتر ..

[بانغ بانغ]

انت من الطبقة المخمليه اكيد لازم تركب بزنس وفرست ..

أما أنا وراجي والنهار حدنا دبي بموتر ..

هههههههه يا رجال خلها مستورة الا فلاي دوباي

[بانغ بانغ]

صحيح

في شباب ياخذون اولى او بزنس بس من نقطة غير الدوحة مثلا بحرين بانكوك بحرين وشوفوا الفرق

طبعا توقف في قطر قصدي

[بوخالد911]

اسافر ع الاماراتية والاتحادية والعمانية.
الترانزيت حول ساعة ونص بس.

[l0o0rd-qtr]

انزين بدال ماتشتكي على الاسعار وتبيهم ينزلونها لك انزل بنفسك واحجز بالسياحيه

[Charisma]

عيزت افهم مدى رخص التذكره اذا كنت ترانزيت
فسر لي شلون سعرها طايح اذا انا من دوله ثانيه ماراح اقول خليجيه لان مب وايد رخيصه تطلع
لكن مديري المصري بنفسه قالي انه حاجز على اسبانيا وطلعت عليه اقل من ربع السعر يوم يا بيحجز من قطر

مافهمت تقصدين ليش الترانزيت ارخص من الدايركت ؟

[JN000N]

مافهمت تقصدين ليش الترانزيت ارخص من الدايركت ؟

لا مب ليش ارخص
لان في اسباب تخليه ارخص
بس ليش برخص التراب هاي السؤال

[Charisma]

لا مب ليش ارخص
لان في اسباب تخليه ارخص
بس ليش برخص التراب هاي السؤال

برخص التراب والألية اللي خلته برخص التراب ماعرف.

بس في عوامل تدخل في تسعير تذكرة الترانزيت منها مدة الترانزيت ، موعد الرحله ، المواسم ، العروض ان كانت ، و نوع التذكره فلكس او لا .

[Al-Kuwari]

صبحكم الله بالخير

اولاً انا اتفق معاكم ان الأسعار خيالية جداً لكن لو نجي نحللها بطريقة علمية وبدون عاطفة بنلاقي ان اللي تسويه القطرية منطقي نوعاً ما في عالم البزنس أعيد واكرر في عالم البزنس

سلمكم الله سعر اي سلعة يتحدد بعوامل كثيرة وكمثال بذكر البعض منها

عوامل داخلية : تكون خاصة بالشركة والشركة لها القدرة عالتحكم بشكل اكبر بهذه العوامل والاسعار

1- تكلفة المواد الخام
2- تكلفة الأنتاج
3- تكلفة الشحن
4- تكلفة التغليف

والكثير الكثير لكن هذي الاشهر تقريباً من ناحية العوامل الداخلية

لكن كذلك في عوامل اخرى خارجية تحدد السعر وهذي صعب تحديدها لانها عامة بالبلد اللي الشركة تحاول تبيع فيها

1- تكلفة الايدي العاملة : رواتب ايدي عاملة فالصين اكيد اقل من رواتب ايدي عاملة بالولايات المتحدة او اوروبا
2- الالتزامات الثابته الشهرية : وهذي تشمل مثلاً الايجار , رسوم الكهرباء والماء وهذي تختلف من بلد لبلد طبعاً
3- الشركات المنافسة المحلية : المنافسين لك يحددون سعرك بشكل كبييير جداً , كمثال لو تكلفتك للمنتج 10 ريال وكل الشركات اللي تنافسك تبيع ب 20 ريال اكيد انت بتبيع بسعر قريب منهم 18 ريال لو حبيت تكون اقل منهم وتجمع شريحة اكبر , 20 ريال حالك حالهم لو واثق من اسم منتجك وجودته , 22 ريال في حالة كان عندك نسبة كبيرة من العملاء تثق بمنتجك وعندهم ولاء لك وبيدفعون الفرق بدون تردد , او يكون عندك شي مميز فالمنتج يخليك تقدر تبيع ب2 ريال زيادة وماتخسر عملاء


هذي نبذه عامة وصحيح انها شوي بعيدة عن الخطوط القطرية , لانها خطوط نقل فالنهاية والمنتج عبارة عن خدمة وليست منتج يباع فالاسواق فهنا العوامل اللي فوق ماتدخل كلها بشكل مباشر لكن بشكل عام النبذه اللي فوق بتسهل عليكم فهم الرد اللي راح اكتبه ..

طيب بناء عالمعطيات فوق لازم ندرس كل سوق على حده

1- السوق القطري , السوق القطري تقريباً محتكر عن طريق القطرية للاسباب التالية:


القطريه عندها دعم من الطيران المدني , الشركات الاجنبية ماتقدر تنزل اسعارها بكيفها في قوانين وشروط وقعت عليها هذه الشركات تحمي للقطرية بشكل مباشر
القطرية تنفرد عن الشركات الاخرى في السوق القطري بأنها في اغلب الرحلات لديها خطوط مباشرة ومهب ترانزيت وهذي نقطة كبيرة تجعل الكثير يفضل دفع السعر الاعلى مقابل الوصول مباشرة وباقصر مدة
القوة الشرائية لسكان دولة قطر حيث الكثير رواتبهم قوية ويقدرون يدفعون اسعار اعلى مقارنة بدول اخرى كمصر والسودان وغيرها من الدول العربية
العمليات الداخلية للقطرية في قطر مكلفة من ناحية المنشئات وغيرها بسبب ارتفاع الاسعار في قطر بشكل مباشر


كل هذه العوامل تساهم في تحديد سعر التذاكر في قطر وتجعلها اعلى مقارنة باسعار القطرية من دول اخرى ,

كمثال للمقارنة ناخذ السوق المصري


في مصر القطرية تعتبر شركة اجنبية لذلك ماعندها دعم او حماية من الطيران المدني المصري
في مصر القطرية ماعندها رحلات مباشرة غالبية رحلاتها ترانزيت الى قطر لذلك السعر يجب ان يقل لأن كمثال لو مصري حاب يسافر مدريد, رحلته من مصر لمدريد راح تستغرق 4-5 ساعات بالكثير لكن لو سافر عالقطرية راح تطول المسافه عليه بحيث انه بيطير الى قطر بالاول بينزل ترانزيت وبعدين بيرجع بيطير الى مدريد فالرحلة بدال ماتكون 5-4 ساعات راح تصير كمثال 9-12 ساعه واحيانا اكثر
في مصر كذلك القوة الشرائية للسكان ضعيفة مقارنة بالقوة الشرائية لسكان دولة قطر فلو القطرية حطت سعر تذاكر قطر محد بيشتري لان السعر جداً عالي والخيارات الاخرى متوفرة وباسعار ارخص بكثير فانت كمنافس فالبلد هذا تحتاج انك تقرب سعرك من سعر المنافسين عشان يمشي شغلك ولا بتخسر وبتسكر تجارتك


غير هالعوامل هناك عوامل اخرى مثل سعر صرف العملات والكثير الكثير من العوامل

لكن في نقطة لازم نذكرها , الحين مثلا لما انا اسافر مصر عالقطرية الطيارة بتوصلني ولازم بترجع قطر صح ؟ ماراح تجلس هناك للابد
فالطيارة عندها عوامل تكلفة محددة ماتتغير باختلاف عدد الركاب

كمثال رواتب طاقم الطائرة مدفوعة مدفوعة سواء كان عندك 20 راكب او طيارة ممتلئة , الاسعار ثابته وراح تدفع
الوقود وضرايب المطار في مصر مدفوعة مدفوعة ومايهم كم راكب معاك لان الوقود سعره واحد والمطار كذلك قيمة النزول والوقوف سعرها واحد
وفالنهاية الطيارة بترجع قطر بكل الاحوال
فهل ارجع بطيارة فاضية ؟ او ارجع بطيارة ممتلئة بالركاب حتى لو اني بعت التذاكر بسعر مخفض ؟ من الافضل ؟ احصل لي 150 الف زيادة ولا ارجع بدون شي بسبب اسعاري العالية ؟

هذي عوامل بسيطة فقط توضح طريقة حسبة اسعار التذاكر ولا العملية اكبر واعقد وفيها قوانين وعوامل كثييييييييييره جداً جداً

وصدقوني العملية ليست اعتباطية , كل شي مدروس وبشكل دقيق جداً

والحل لتخفيض الاسعار بيد الطيران المدني , الغي الاحتكار وافتح السوق واسمح للشركات الاخرى انها تقدم خدماتها بحرية اكبر وشوف فرق الاسعار الشاسع اللي بيصير , ولكم في اوريدو مثال قبل دخول فودافون للسوق

اتمنى ان ردي قدم فائدة للموضوع والسموحة عالاطالة ..

[مرتبش]

شيكت مثال الاخت جنون قي فرق سعر تذكرة البزنس لبرشلونة.. القطرية من الدوحة 16500 و من مصر 4000 ريال.. اربع اضعاف يابلاش السعر بس الرحلة مدتها 13 ساعة يعني اكثر من الضعف

[asulaiti]

لا مب ليش ارخص
لان في اسباب تخليه ارخص
بس ليش برخص التراب هاي السؤال

لأن لو كان سعر الرحلة اللي مع الترانزيت قريب من سعر الرحلة المباشرة ..أقل بفرق بسيط مثلاً ..
فماذا ستختار ؟

لهذا السبب لابد أن تكون أسعار الرحلات مع الترانزيت أرخص بمقدار كبير .. وإلا كل العالم بتسافر دايركت.