من خبرتكم من ارخص واوفر الميرة أو اللولو

[بنت شرق]

السلام عليكم
لو عندكم لستة اغراض لمواد غذائية وتموينية من ارخص بالتسوق واوفر الميرة او اللولو

[حليتان*]

اتوقع الميره !

لو بالجمله ارخص وارخص

[حمد 2002]

اتوقع الميره !

لو بالجمله ارخص وارخص

اتوقع بالخور عندكم بس اللولو ممممم لأنه الميره فقط بالذخيرة وفرعها صغير هناك ..

[بانغ بانغ]

اللولو

بنت شرق انتي شكلك امطيحة في spineys

انا اتبضع من جمعية الوكرة ميرة

[حمد 2002]

أنزين وكارفور؟

[حمد 2002]

اللولو

بنت شرق انتي شكلك امطيحة في spineys

انا اتبضع من جمعية الوكرة ميرة

طلعت من سكان الوكرة هههههههه


ونعم والله

[MAZEN37]

طبعا طبعا اللولو ارخص

[بانغ بانغ]

طلعت من سكان الوكرة هههههههه


ونعم والله

النعم بحالك شيخ حمد

طبعا ولاية الوكرة

ايقولك حب الوكرة وتعال بكره

حيالله هل الكرعانة عاد ....

[بوخالد911]

اللولو.

[..عاشق قطر..]

بصراحه ماعرف ،، بس احس ان اللولو من زحمة الهنود هناك يبين ان ارخص من الميره

وشكرا

[هيليوم]

ما أتوقع فروقات الأسعار كبيرة في المواد الغذائية بالتالي شوفي الأقرب والاقل ازدحاما



بصراحه ماعرف ،، بس احس ان اللولو من زحمة الهنود هناك يبين ان ارخص من الميره

وشكرا

اللولو زحمة لانه يجمع اكثر احتياجات الناس في مكان واحد

[بوحارب]

مافيه فروقات تسوى على الواحد يتعنى

الواحد يروح للأقرب

بالنسبة لي ما اتعدى الميرة لأنها ممتازة وجمعية باردة وفيها كل شي والباركنات متوفرة ,,,<< فرع ازغوى

وتفيدني المشتريات منها اني اقدر اجمع نقاط نجوم اوريدو

[بعيد النظر]

جربت كل الاماكن ..
اللولو حللو وارخصهم بس زحمممممممة !

الميرة ما تفرق وايد عن اللولو في السعر ..
بس اريح بـ مليون مرة !

[(عبدالله)]

امس ميرت من اللولو وعقب رحت الميرة في الليل حق كم غرض نسيت اخذهم

اللولو أرخص خاصة في قسم الخضرة الفواكه واللحوم والسمك، وأفضل من حيث العروض عندهم تجديد بشكل مستمر يتفوقون عن الميرة

لكن

اللولو تنقصها أغراض معينة أحصلها عند الميرة.. القهوة مثلاً

[مــاي ورد]

من مشترياتي للبيت كل فترة و فترة الميره وايد ارخص واوفر
صج اللولو وكارفور السعر يبين شوي لكن نفس الاغراض في الميره بتطلع لج ارخص بوايد

[Saoud_]

حدد انت شنو محتاج من الجمعيه

مثلا خضار وفواكه ولحوم

وخذ نفس الفاتوره وخذ نفس الاغراض

وروح شوف الفرق بين الاثنين بالفواتير قدامك

[asulaiti]

إذا مشتريات بسيطة شبه يومية .. أقرب جمعية سواء ميرة أو لولو أو التموين العائلي ..

لكن مشتريات حق شهر كامل .. يعني تعبي جاريين أو أكثر .. اللولو أو التموين العائلي تقدر توفر ..

ولأن الأخيرين فيهم زحمة (دليل قوي على الرخص :nice:) حاول ما تروح الخميس والجمعة والسبت ..
وإذا تقدر الصباح أبرك .. وكذلك مايكون تسوقك فيهم مع نزول الراتب ..علشان تتجنب الزحمة ..

وبالتوفيق ..

[(عبدالله)]

ماشاء الله عليك.. فنان وانا اشهد :omen2:


إذا مشتريات بسيطة شبه يومية .. أقرب جمعية سواء ميرة أو لولو أو التموين العائلي ..

لكن مشتريات حق شهر كامل .. يعني تعبي جاريين أو أكثر .. اللولو أو التموين العائلي تقدر توفر ..

ولأن الأخيرين فيهم زحمة (دليل قوي على الرخص :nice:) حاول ما تروح الخميس والجمعة والسبت ..
وإذا تقدر الصباح أبرك .. وكذلك مايكون تسوقك فيهم مع نزول الراتب ..علشان تتجنب الزحمة ..

وبالتوفيق ..

[بومحمد المطاوعه]

النعم بحالك شيخ حمد

طبعا ولاية الوكرة

ايقولك حب الوكرة وتعال بكره

حيالله هل الكرعانة عاد ....

يوم عرفت ان حمد فالوكره

عطوني ارض على ثلاث شوارع ومساحتها 1200
رفضتها
خخخخخخخخ

لالا اتغشمر ما احب القطاع الجنوبي ابد
انا شمالي وبس :nice:
من جذي رفضتها

[بومحمد المطاوعه]

انا ملاحظ شي على الميره
والله اعلم

ميره اليرموك ارخص من ميره دحيل

اشلووووووووووون مادري

[ضوى]

انا لو يقولون لي تسوق ببلاش في اللولو مارحته هذي المكان يوم الحشر ، لا يبه الميرة اقرب وحليوة واتسوق براحتي مافي احد كل شوي داعمني

[(عبدالله)]

تقصدين لولو المطار.. لولو الغرافة ولولو الخور يناسبون عوايل هل قطر


انا لو يقولون لي تسوق ببلاش في اللولو مارحته هذي المكان يوم الحشر ، لا يبه الميرة اقرب وحليوة واتسوق براحتي مافي احد كل شوي داعمني

[حليتان*]

اتوقع بالخور عندكم بس اللولو ممممم لأنه الميره فقط بالذخيرة وفرعها صغير هناك ..
خبرك عتيج سوو ميره جديده فذخيره

[بنت شرق]

الشكر لكل من علق وشارك بالموضوع عطوتني اراء مفيدة

[هبة ريح]

اللولو وعندهم عروض

[شهد محمد]

نفس الشي مافي فرق كبير

[ام الشهداء]

ما ادري عن فرق الاسعار بس اللولو متوفر فيه بضائع متنوعه ومشكله وخاصه البهارات وها الطقات حلوه عندهم اللي يحب ينوع في الاكل

[المبرمج صلاح]

اللولو افضل مشكلته الزحمة وخاصة نهاية الاسبوع خميس جمعة سبت
ولا تقربون فرع المطار لان كل يوم 24 زحمه

بالنسبة لي لمن كنت في الغرافة اللولو الغرافة كان افضل شي وخاصة الصباح في الايام العادية

الان في بيتي الجديد مسكر في وذنان موول هو الافضل بالنسبة لي
ولكن عيبه بعد الساعة 3 العصر ما اقدر ادخله والا الاهل يكون معي لان بيكون عائلات

[@north_star@]

مافي مقياس معين كلهم نفس بعض لانهم يتنافسون بالمواد والسلع المكشوفة خاصة اللي عليها طلب يومي أما الاشياء المخفية يلعبون لعبتهم وتحصل فروقات كبيرة بينهم مثل الادوات المنزلية على سبيل المثال