اهمال طواريء السد للأطفال ,,@@

[بومحمد المطاوعه]

السلام عليكم ورحمة الله وبركاتة ..

صبحكم الله بالخيرر

امس في منتصف الليل ارتفعت حرارة بنتي الصغيره وهي عمرها 7 شهور ,,
وصلت حرارتها 40 ..

ومادري وين اوديها ولا اي مستشفى ولا عرفت اي عياده فاتحه 24 ساعه للأطفال

ف لجأت الى طوارئ السد وانا مب مرتاح في روحتي لهم ,, ولكن قلت عسى الأمور تكون طيبه ,,

سجلت البنت في الدخول ودخلنا على غرفه الفحص وبعد الفحص دخلنا على الدكتوره المناوبه ..
وشافت بنتي وقالت ضروري الحين تحليل دم وتحليل بول الله يعزكم بواسطه القسطره ,,

واضن ان القسطره مؤلمه وشي لايطاق ولا يستحمل الأنسان الكبير ,,

قلت ان شاءالله خير وبنسوي لها لتحليل البول اجلكم الله ,,

جات الممرضه للأسف من الجاليه الفلبينيه وقاعده تتعلج وتتلطخ بحلجها ,,

وبنتي صار لها نص ساعه تصيح وحالتها حاله وهذي الممرضه سادحه بنتي مع ممرضه اخرى وماخذين راحتهم في الكشف وفيهم برود غير طبيعي ,,

زوجتي تهاوشهم وانا اهدي ف ام عيالي واقولها اصبري خلينا نشوف شالموضوع ,,

صبرت وصبرت قلت يمكن تستحي على وجها الممرضه وتقط العلج ولكن لا تعرف العيب ولا حست على دمها ,,

من بعد ماخذو التحليل طلع ناقص ويبون يسوون لها مره ثانيه ورفضت لأن اي انسان جرب القسطره بيعرف بمعاناتها ,,

رفضت وطلبت الممرضه المسؤوله وعفستهم عند الأمن لين طلعو لي المسؤوله المناوبه على الممرضات
وطلعت وحده بنت حلال فيها الخير الله يجزاها خير

دخلتنا غرفه خاصه وقالت استريحو امرو شنو عندكم وتفضلو شلي صار معاكم .,.

اول شي تكلمت وقلت لها عن الممرضه الي تتعلج وهل هذا مسموح عندكم او لا ,.؟

قالت لا الواجب عليها ماتتعلج اثناء دوامها ويعتبر هالشي مخالفه عليها وانا بكلمها وبكتب الملاحظه عليها

سألتها سؤال ثاني ليش البرود في التعامل والكشف على البنت ومب مفتكره قاعده تسولف مع الممرضه الثانيه في امور ثانيه
رغم ان البنت تصيح وحرارتها عاليه والزكام لاعب فيها والبلغم مبهدلها .؟

قالت المفروض عليها ان تكون حركيه وتكشف على البنت بشكل سليم ولا تلتفت لأي امر اخر

قلت لها للأمانه مسكت نفسي لأن الي جدامي بنت وتسوي هذي السواة لو رجل مديت يدي عليه اذا هذي سوالفه ,,
لأن الي موجوده انسانه وتتألم وهذي قاعده تتعلج ولا تبالي ولا فيها احساس للحاله

وين علاج النفس قبل البدن ووين الأهتمام اذا هذي الأشكال موجوده في الطواري
مب المفروض يكون في ممرضات او موظفين يعرفون شغلهم في تهدأ النفس وتريح المريض بالتعامل قبل علاج البدن ,,

للأسف هذي سوالف طواري السد ولا اول شخص يشتكي انا

ولا شفنا اي تطور غير بس سوو مكان حق القطريين

شالفايده اذا المكان موجود وبعض الممرضين مايعرفون فالغنم تيس ,,

اتمنى من وزارة الصحه النظر الى هذي المهزله

متحسف اني رحت لهم وان شاءالله اخر مره اطب المكان هذا اذا ماصار فيه تربيه للممرضات في هذي المستشفى

[بانغ بانغ]

ما تشوفون شر يخوي

اصلا مركز السد من اسوأ المراكز

لو كنت قريب مستشفى الوكرة احسن طواري للاطفال

هاي من خبراتي

ما عليها شر ان شاء الله البنت

[معماري قطري]

يا ريال فلبينيات يخافون منهم خصوصاً بعد كم يوم بتحصلهم في الكنيسة وقوى الراس أكثر مع قانون العمل الجديد

[معماري قطري]

نسيت اقول ما تشوفون شر والله يشفي بنتك ركزت على الجانب العملي قبل الانساني

[Charisma]

ماعليها شر وعسى الله يحفظها قريت تغريدتك أمس في حساب أعلامي .


تصرفك سليم ، وهذا المفروض عند وجود أي ملاحظه على دكتور او ممرض التوجه للمسؤول ورفع شكوى ومتابعتها أن امكن ، ماتمادوا إلا لأن العالم ماتبي "تعور راسها" مع الشكاوي.

[شبح الصمت]

ما عليها شر ياخوي ..
والله يشفيها لك ويعافيها


صدقت ياخوي شيء يعور القلب في هالسن القسطره او تبي تسحب دم لين تحصل الوريد الياهل مسكين ينشف ريقه
وانت نفس الشيء يعورك قلبك وده يشلون منك والا منه ..


وبخصوص الفلبينه يمكن ماكله راس بصل وتبي تعدل ريحة الحلج
هههاي

[بومحمد المطاوعه]

ما تشوفون شر يخوي

اصلا مركز السد من اسوأ المراكز

لو كنت قريب مستشفى الوكرة احسن طواري للاطفال

هاي من خبراتي

ما عليها شر ان شاء الله البنت

الشر مايجيك يارب ,,
والله ياخوي امس لو تشوفني اشلون حالتي

صرت مثل المينون ماعرف وين اروح وين اودي البنت

وهناك فالمستشفى شفت واحد من الربع قالي لو رحت طواري الخور
قلت لاتسألني اشلون وصلت هني بس

[بومحمد المطاوعه]

يا ريال فلبينيات يخافون منهم خصوصاً بعد كم يوم بتحصلهم في الكنيسة وقوى الراس أكثر مع قانون العمل الجديد


بعيد الشر يارب

والله مسكت نفسي امس
تدري لو رجال الي جدامي

بزحفه والله على هالتصرف

[بومحمد المطاوعه]

نسيت اقول ما تشوفون شر والله يشفي بنتك ركزت على الجانب العملي قبل الانساني

الشر مايجيك يارب
اللهم امين ويشفي مرضى المسلمين اجمعين ..

نتمنى نشوف افضل الممرضات والممرضين

وانا تكلمت مب لمصلحه بنتي فقط
وامس تكلمت ف حساب الوزاره على تويتر بنشوف في رد ولا سحبيه كالعاده

[بومحمد المطاوعه]

ماعليها شر وعسى الله يحفظها قريت تغريدتك أمس في حساب أعلامي .


تصرفك سليم ، وهذا المفروض عند وجود أي ملاحظه على دكتور او ممرض التوجه للمسؤول ورفع شكوى ومتابعتها أن امكن ، ماتمادوا إلا لأن العالم ماتبي "تعور راسها" مع الشكاوي.

الشر مايجيك يارب ,,
ويحفظك الرحمن

والله امس وانا اكتب ارتجف من القهر ,,
الحمدلله اني مسكت اعصابي وقدرت اسيطر على نفسي

البلا فينا احنا نقول مساكين مانبي نقطع رزقهم وفينا طيبه غير شكل

لكن لو كل واحد تكلم واشتكى ماشفنا عالاشكال في المستشفيات ولا في اي مكان ف قطر

[بومحمد المطاوعه]

ما عليها شر ياخوي ..
والله يشفيها لك ويعافيها


صدقت ياخوي شيء يعور القلب في هالسن القسطره او تبي تسحب دم لين تحصل الوريد الياهل مسكين ينشف ريقه
وانت نفس الشيء يعورك قلبك وده يشلون منك والا منه ..


وبخصوص الفلبينه يمكن ماكله راس بصل وتبي تعدل ريحة الحلج
هههاي


الشر مايجيك يارب يالغالي

والله امس دخلوها ياخذون الدم منها ف ظهر كف يدها
ماحصلو عرج في الوريد صوب بطن الكوع

لو تشوف اشلون سحبو الدم والله شي يعور القلب بس نستحمل علشان نشوف وضع الدم

وتدري متى ترتاح
لين شفت الممرض او الممرضه تعامل احسن المعامله هني ترتاح نفسيآ
لكن امس الي شفته

اخس معامله من هذي
وكان مافي الا 4 ممرضات في الطواري فقط

وبخصوص تتعلج مادري يمكن ماكله ثعل ههههه

[راجي الْعفو]

وعليكم السلام و رحمة الله و بركاته

سلامات وماتشوفون شر .. لا باس طهور إن شاءالله

اعرف واحد اهم شي عنده في اي موضوع يسويه انه يشوف الجهة اللي يتعامل معها ترحب و تهتم فيه
لو ما لقى هالشي علطول يسحب عليهم ولو كانت اكبر مؤسسة في العالم

الناس كثير منها تاخذ انطباع من التعامل الاولي .. فهو مهم جدا
فما بالك بمستشفى ؟

عساهم يصلحون الوضع ..

[بومحمد المطاوعه]

وعليكم السلام و رحمة الله و بركاته

سلامات وماتشوفون شر .. لا باس طخور إن شاءالله

اعرف واحد اهم شي عنده في اي موضوع يسويه انه يشوف الجهة اللي يتعامل معها ترحب و تهتم فيه
لو ما لقى هالشي علطول يسحب عليهم ولو كانت اكبر مؤسسة في العالم

الناس كثير منها تاخذ انطباع من التعامل الاولي .. فهو مهم جدا
فما بالك بمستشفى ؟

عساهم يصلحون الوضع ..

الشهر مايجيك يارب
الله يسسلمك ياخوي العزيز ,..

والله الشكاوي ماتنفع تبي الصراحه ,,

بس امس لطشت فيهم وارتحت هالشي يكفيني

وزين مني مسكت اعصابي

[ريتويت]

طواري السد مب نظيفه نقلو لولد وحده اعرفها مرض خطير.. الولد نجا بعنايه رب العالمين .. حسبنا الله ونعم الوكيل

[بومحمد المطاوعه]

طواري السد مب نظيفه نقلو لولد وحده اعرفها مرض خطير.. الولد نجا بعنايه رب العالمين .. حسبنا الله ونعم الوكيل

لاحول ولاقوة الا بالله ,,

الحمدلله ان نجا
بفضل من الله تعالى

[الشفق الحالم]

المهم طمنا اخوي الحراره ايش سببها ؟ وخفت ولا عادها؟

[بومحمد المطاوعه]

المهم طمنا اخوي الحراره ايش سببها ؟ وخفت ولا عادها؟

الحمدلله خفت
سببها على قولتهم هابه
وفيروس

بس مب ثابته حزات ترتفع وحزات تنزل
بشوفها لين العصر
اذا مافي فايده بوديها حق عيادة مرسي
يمدحونه الناس وشاطر

[بانغ بانغ]

لو ايصير ربيع طبي على مستوى الدولة

[الشفق الحالم]

الحمدلله خفت
سببها على قولتهم هابه
وفيروس

بس مب ثابته حزات ترتفع وحزات تنزل
بشوفها لين العصر
اذا مافي فايده بوديها حق عيادة مرسي
يمدحونه الناس وشاطر

اخوي نصيحه عن تجربه انا اتعامل مع دكتور مأمون شلبي اللي عند جسر الشمال، وايضا دكتور مهند عبدالقادر اللي بابوهامور هذولا اشطر دكاتره .

[شبح الصمت]

اخوي نصيحه عن تجربه انا اتعامل مع دكتور مأمون شلبي اللي عند جسر الشمال، وايضا دكتور مهند عبدالقادر اللي بابوهامور هذولا اشطر دكاتره .



الدكتور مهند وايد زين ويمدحووونه ناس من تجارب .

والله يشفي كل طفل ويشفي مرضى المسلمين اجمعين

[مــاي ورد]

الطفل من ترتفع حرارته شوي المفروض يناخذ للمستشفى مش لين توصل40؟ انا مستغربه ليش ماكانت في متابعه في البيت دام البنت مسخنه ومريضه؟ مستحيل اخلي ولدي ترتفع حرارته هالقد وانتظر لين الليل.. اقل شي لو ماعندي خافض حرارة احط كمادات على راسها واحاول باي شي انزل حرارتها

وفي بندول للاطفال خافض للحراره او لصقات خافضه موجودة بالصيدليات اقل شي بما اعرف عندي بيبي مسخن استخدمهم له .. عموما اليهال مايعطونهم ادوية قوية كله بندول وفي دوا وردي نسيت اسمه

اتمنى الكل يحتفظ فيهم في البيت وتتم متابعت الطفل اول باول مب لين ترتفع حرارته لين 40

والمستشفى كل ستاف مختلف عن الثاني انا بصراحة مرة وديت ولدي وللامانه اهتموا فيه الممرضات و الدكتور نفسه كان يصيح لان خايف ويتدلع والدكتور حاول يهديه وتم فتره يحاول يخفف صياحه وشكرته على صبره معاي

للاسف في الشين و الزين.. والحمدلله انها يات على جذي وسلامة بنتكم

[عزران قطر]

ماتشوف شر البنت ان شاء الله
عليك في مركز الظعاين قريب منك وفاضي

[بومحمد المطاوعه]

ماتشوف شر البنت ان شاء الله
عليك في مركز الظعاين قريب منك وفاضي

الشر مايجييك يارب

وديتها الي ف العب
النعيم ,,

بس مافي فايده
ورجعت للسد للأسف

بس ان شاءالله درس لي ولغيري

الله المستعان

[بومحمد المطاوعه]

اخوي نصيحه عن تجربه انا اتعامل مع دكتور مأمون شلبي اللي عند جسر الشمال، وايضا دكتور مهند عبدالقادر اللي بابوهامور هذولا اشطر دكاتره .


اي سمعت عنه

ماتقصر يالشيخ

[بومحمد المطاوعه]

الدكتور مهند وايد زين ويمدحووونه ناس من تجارب .

والله يشفي كل طفل ويشفي مرضى المسلمين اجمعين

اللهم امين يارب

ان شاءالله خير ياخوي
وبنشوف من تجاربكم
بيض الله وجهك

[بومحمد المطاوعه]

الطفل من ترتفع حرارته شوي المفروض يناخذ للمستشفى مش لين توصل40؟ انا مستغربه ليش ماكانت في متابعه في البيت دام البنت مسخنه ومريضه؟ مستحيل اخلي ولدي ترتفع حرارته هالقد وانتظر لين الليل.. اقل شي لو ماعندي خافض حرارة احط كمادات على راسها واحاول باي شي انزل حرارتها

وفي بندول للاطفال خافض للحراره او لصقات خافضه موجودة بالصيدليات اقل شي بما اعرف عندي بيبي مسخن استخدمهم له .. عموما اليهال مايعطونهم ادوية قوية كله بندول وفي دوا وردي نسيت اسمه

اتمنى الكل يحتفظ فيهم في البيت وتتم متابعت الطفل اول باول مب لين ترتفع حرارته لين 40

والمستشفى كل ستاف مختلف عن الثاني انا بصراحة مرة وديت ولدي وللامانه اهتموا فيه الممرضات و الدكتور نفسه كان يصيح لان خايف ويتدلع والدكتور حاول يهديه وتم فتره يحاول يخفف صياحه وشكرته على صبره معاي

للاسف في الشين و الزين.. والحمدلله انها يات على جذي وسلامة بنتكم

سوينا كل شي وكمادات ووديتها قبل مركز النعيم الصحي
وادول وبلاوي

ترتفع وتنزل الحراره وحطيت لها لزقه على يابهتها

اعرف كل شي للأطفال ولله الحمد
مب اول مولوده عندي

وبخصوص المستشفى
للامانه الدكتوره محترمه وطيبه
وماعليها كلام

لكن العتب على الممرضه نفسها
واصابع ايدنا مب سوا لازم نحصل الزين والشين
ولكن الشين ماكلهم اكل هناااك للأسف ,,

نادر تشوفين الزين والي يتعامل عدل ومخلص في عمله ,,

حتى الممرضه السودانيه الي اسحبت الدم من يد بنتي
متضايقه من تصرف الفلبينيه ,,

وتحاول تهدي في ام بنتي وتقولها حقج علي
قلت لها لا ولا احط الحق عليج ولا شي
انتي جزاج الله خير ماعليج اي ملاحظه ولكن هذي المفروض تتأدب


الحمدلله جات على جذي
ولكن درس لي

[دااانة قطر]

شلون البنت الحين اخوي بؤ محمد،،ماعليهآ شر ان شاء الله

والطوارئ بفروعه الله بالخير
الله يعين اللي تحده الحاجة لهم

[بومحمد المطاوعه]

شلون البنت الحين اخوي بؤ محمد،،ماعليهآ شر ان شاء الله

والطوارئ بفروعه الله بالخير
الله يعين اللي تحده الحاجة لهم

الشر مايجييج يارب
الحمدلله طيبه وبخير
احسن حالتها بس الكحه والبلغم ذابحها

حتى حليب ماتبي تشرب تخاف من البلغم

مسكينه والله

تعبنا :weeping: