:: أقتــراح / مــواقف الســيارات ::

[Charisma]

السلام عليكم ورحمة الله وبركاته .



أزمة المواقف تلقاها في كل مكان ، مستشفيات - جمعيات - مولات - مؤسسات خدمية .. إلخ ، والسبب واضح : قلة المواقف وسوء التخطيط .

سبق وطرحت أقتراح في موضوع سابق :




أغلب المواقف في المجمعات محتله من قبل السواقين ، وعندهم لوبي خاص في اماكن معينه يجتمعون فيها ، المشكله وكل المشكله في السواقين .
مؤقتا ، المفروض اذا في مشوار يتم تنبيه السايق ان يوقف "على جنب" مب الا موقف ، اذا الكل نبه السواقين على هالنقطه اتوقع بتتوفر مواقف كثيره في كل مكان .

في حساب الأستاذ حسن الساعي لقيت تغريدة :

https://pbs.twimg.com/media/CnyPAZ3W8AEjXUJ.jpg


والأقتراح يقول : منع "السواقين" من أستخدام المواقف ( توكل المهمه للسكيورتيه ) ، لان إشغالهم للمواقف ماله داعي ، وتلقاهم يا قاعدين في السياره او ينزلون ويسوون تجمعات في كل زاوية .



مؤيد ام معارض ؟ :telephone:

[ضوى]

والله يبه خوش ؟

يعني عشان تسوقين تبين موقف عند باب المجمع والسواق اللي ينطر معزبته بعد عند باب المجمع يروح يلف بالسيارة لين تتصل به معزبته ؟ شنو هالمنطق ، عاد هالامور بالذات من سبق لبق

[Riku3]

المشكلة في قلة المواقف مب السواقين .. السواق مب مخالف .. دخل الموقف بشكل نظامي وحصل مكان ووقف فيه .

ليش كل مبنى لاصق في الي جنبه .. ليش 95% من الاراضي غير مستغله .. ليش كل الوزارات في مكان واحد .. ليش مافي توزيع جغرافي بكل الجهات ..


من سبق لبق :nice:

[Charisma]

والله يبه خوش ؟

يعني عشان تسوقين تبين موقف عند باب المجمع والسواق اللي ينطر معزبته بعد عند باب المجمع يروح يلف بالسيارة لين تتصل به معزبته ؟ شنو هالمنطق ، عاد هالامور بالذات من سبق لبق

الدريول وش حاجته في شغل موقف ؟ يقدر يصفط على جنب ، في أغلب المجمعات والمستشفيات المواقف محتله من الدريوليه ، ومن المتعطل ؟ اللي جاي يخلص أمورة .

[Charisma]

المشكلة في قلة المواقف مب السواقين .. السواق مب مخالف .. دخل الموقف بشكل نظامي وحصل مكان ووقف فيه .

ليش كل مبنى لاصق في الي جنبه .. ليش 95% من الاراضي غير مستغله .. ليش كل الوزارات في مكان واحد .. ليش مافي توزيع جغرافي بكل الجهات ..

:nice:

قلة المواقف وسوء التخطيط امر مفروغ منه ، والكل يتفق على هالنقطه ، لكن حاليا في هالوضع ومع انتشار السواقين وإشغالهم للمواقف دون حاجه ، يعني الموضوع فيه تعطيل .

[ضوى]

الدريول وش حاجته في شغل موقف ؟ يقدر يصفط على جنب ، في أغلب المجمعات والمستشفيات المواقف محتله من الدريوليه ، ومن المتعطل ؟ اللي جاي يخلص أمورة .

خلج

واذا معزبته تبيه ينزل معاها عقب يشيل اغراضها ؟ وبعيدن اذا وقف على جنب مب يعني السيارة تتم شغالة وتصرف بترول وهاي تكلفة اضافية عالمعزبة ؟

[بومحمد المطاوعه]

في مواقف بفلوس الحين

عند اكثر المجمعات

تنزل عند الباب وتسلم لهم الموتر ويصفونه ب 60 ريال
اذا مب اقل بعد

حبكت على 60 ريال

مب ينقون نق ومب هامهم الفلوس البعض
خل يدفعون ليش يهذرون مواقف ومواقف

الا 60 ريال
شنو يعني

وبعدين ليش الأدريول مايصف وينتظر
خله يصف بدال لايدور ويسبب زحمه ناقصين احنا زحمه فالشوارع ومشاكل الادريوليه

للعلم علشان محد يتهجم علي
انا عندي بطاقه من فودافون اصف مجانا باركنات vip في كل مواقف دوله قطر اذا في خدمه صف السيارات

احذف موتري عليهم وعند التسليم يشخطون الكرت مجانا:nice:
مادفع ولا ريال

[Charisma]

واذا معزبته تبيه ينزل معاها عقب يشيل اغراضها ؟ وبعيدن اذا وقف على جنب مب يعني السيارة تتم شغالة وتصرف بترول وهاي تكلفة اضافية عالمعزبة ؟

ينزل معاها وعقب يشيل اغراضها ؟ :telephone: ..

المهم ، مب شرط اذا وقف على جنب ان السياره تتم شغاله ، يعني الموضوع مافيه تكليف وتضحيات ، تخيلي في أحد حب يراجع المستشفى الفلاني او خلنا نقول يحتاج الطواريء ولقى قدامه المواقف فل واغلبها دريولية ، هل الموضوع يندرج تحت " من سبق لبق " ، ولا فيه تعطيل لمصالح الغير ، تعطيل ليش ؟ لان الدريول ماله حاجه في شغل المواقف ، ووظيفته فقط الانتظار .

[Charisma]

في مواقف بفلوس الحين

عند اكثر المجمعات

تنزل عند الباب وتسلم لهم الموتر ويصفونه ب 60 ريال
اذا مب اقل بعد

حبكت على 60 ريال

مب ينقون نق ومب هامهم الفلوس البعض
خل يدفعون ليش يهذرون مواقف ومواقف

الا 60 ريال
شنو يعني

وبعدين ليش الأدريول مايصف وينتظر
خله يصف بدال لايدور ويسبب زحمه ناقصين احنا زحمه فالشوارع ومشاكل الادريوليه

للعلم علشان محد يتهجم علي
انا عندي بطاقه من فودافون اصف مجانا باركنات vip في كل مواقف دوله قطر اذا في خدمه صف السيارات

احذف موتري عليهم وعند التسليم يشخطون الكرت مجانا:nice:
مادفع ولا ريال


مب شرط يدور بومحمد ، ممكن يوقف على جنب مثل مايسوون العالم إلين تخلص "المدام" شغلها .

[ضوى]

ينزل معاها وعقب يشيل اغراضها ؟ :telephone: ..

المهم ، مب شرط اذا وقف على جنب ان السياره تتم شغاله ، يعني الموضوع مافيه تكليف وتضحيات ، تخيلي في أحد حب يراجع المستشفى الفلاني او خلنا نقول يحتاج الطواريء ولقى قدامه المواقف فل واغلبها دريولية ، هل الموضوع يندرج تحت " من سبق لبق " ، ولا فيه تعطيل لمصالح الغير ، تعطيل ليش ؟ لان الدريول ماله حاجه في شغل المواقف ، ووظيفته فقط الانتظار .

يعني شوف اخوي كاريزما يمكن اوافقك بسالفة المستشفيات للضرورة احكام اكيد ، بس مجمع ما اييد ابدا

[بومحمد المطاوعه]

مب شرط يدور بومحمد ، ممكن يوقف على جنب مثل مايسوون العالم إلين تخلص "المدام" شغلها .


وين يوقف اذا مافي مواقف
ومايبونهم يوقفون ف المواقف ,.؟

اذا قالو له لاتوقف هني روح دور موقف
بيضطر يباعد اشوي
واذا باعد
لين يوصل المجمع مثلآ بيتأخر زحمه وعفسه


انا من رايي يوقف ف موقف حاله من حال اي موتر ثاني ,,

وعلى طاري ماحصلت موقف
في شي اسمه خدمه صف السيارات

الا لو الواحد يحوس كل يوم في المجمع بيضره هالشي ,,
كل يوم 60 ريال مثلآ فالشهر 1800 ريال

هالشي الوحيد الي يضر الشخص فالدفع
مبلغ مايستاهل يقط الموتر على خدمه صف السيارات

[راجي الْعفو]

وعليكم السلام و رحمة الله وبركاته

اوافقك انهم مسببين ازدحام في المواقف من غير هدف

والحل اما المنع مثل ما ذكرت
او يقنن، يخلون له وقت معين اذا تعداها يحرك من الموقف ويخليه لغيره
او يخصصون مواقف للدريولية اذا كانوا فعلا مضطرين يصفون _ وهالحل غريب نوعا ما _

ويمكن تكون هناك حلول اخرى ..

[Charisma]

يعني شوف اخوي كاريزما يمكن اوافقك بسالفة المستشفيات للضرورة احكام اكيد ، بس مجمع ما اييد ابدا

لاتنظرين للموضوع من زاوية وحده وشخصيه ، يمكن في وضعكم الموضوع مافيه تعطيل وأحساس بحجم معاناة البعض اللي مايعتمدون على السايق في مشاويرهم ، وبما ان الأقتراح مافيه أي تكليف على السايق ( لانه بيوقف على جنب ومب شرط السياره تكون شغاله ) وبهالطريقة ضربنا عصفورين بحجر .. وفرنا مواقف ومنعنا تجمهرهم قدام البوابات .

[راجي الْعفو]

والله كلام بومحمد بعد معقول ..
من ناحية ان السواق هو مثله مثل اللي صف في الموقف و نزل يخلص شغله وخذ وقت طويل ..
بس في الحالة الاولى الشخص ما يسوق و الثانية هو اللي يسوق ..
ولا النتيجة واحدة ..

[Charisma]

وين يوقف اذا مافي مواقف
ومايبونهم يوقفون ف المواقف ,.؟

اذا قالو له لاتوقف هني روح دور موقف
بيضطر يباعد اشوي
واذا باعد
لين يوصل المجمع مثلآ بيتأخر زحمه وعفسه


انا من رايي يوقف ف موقف حاله من حال اي موتر ثاني ,,

وعلى طاري ماحصلت موقف
في شي اسمه خدمه صف السيارات

الا لو الواحد يحوس كل يوم في المجمع بيضره هالشي ,,
كل يوم 60 ريال مثلآ فالشهر 1800 ريال

هالشي الوحيد الي يضر الشخص فالدفع
مبلغ مايستاهل يقط الموتر على خدمه صف السيارات

خلك من خدمة صف السيارات مانقدر نجبر العالم يستخدمون هالخدمات ونروج لها كنوع من الاستغلال لعدم توافر المواقف .


في كل مكان وفي كل مجمع تقدر توقف على جنب ( قدام السيارات ) بدون ماتعطل السير ، مب شرط يباعد ويدور له موقف ، انا ماتكلم عن المواقف اللي قدام البوابة انا اتكلم بشكل عام وعن جميع المواقف .

[شبح الصمت]

تشتري للهندي بيبسي وسندويش بيض وبيعطها الموقف الا عادي يوقف لها الموتر


:secret:

[Charisma]

وعليكم السلام و رحمة الله وبركاته

اوافقك انهم مسببين ازدحام في المواقف من غير هدف

والحل اما المنع مثل ما ذكرت
او يقنن، يخلون له وقت معين اذا تعداها يحرك من الموقف ويخليه لغيره
او يخصصون مواقف للدريولية اذا كانوا فعلا مضطرين يصفون _ وهالحل غريب نوعا ما _

ويمكن تكون هناك حلول اخرى ..

ليش لازم موقف ياجماعه هههههه ، يوقف على جنب ، مازادوا حجم المواقف في بعض الاماكن عشان يخصصون مواقف للسواقين ، عندنا ازمة مواقف.


رايي الشخصي يمنعون من استخدام الموقف .

[Charisma]

تشتري للهندي بيبسي وسندويش بيض وبيعطها الموقف الا عادي يوقف لها الموتر


:secret:

مودير يطلع ؟


لا لا مايبي .


مودير شيل عشره ريال ،


( صوت سلف ) .



نعم انه البلاك ماركت .:rolleyes2:

[بومحمد المطاوعه]

خلك من خدمة صف السيارات مانقدر نجبر العالم يستخدمون هالخدمات ونروج لها كنوع من الاستغلال لعدم توافر المواقف .


في كل مكان وفي كل مجمع تقدر توقف على جنب ( قدام السيارات ) بدون ماتعطل السير ، مب شرط يباعد ويدور له موقف ، انا ماتكلم عن المواقف اللي قدام البوابة انا اتكلم بشكل عام وعن جميع المواقف .

صادق انا معاك مانبي يدفعون لخدمه صف السيارات
اتمنى نحصل مواقف اكثر واكثر
بس لو ماحصل الواحد شيسوي بعد

انزين فرضآ صف الدريول ونزل دخل المجمع وقعد

بعد محد يقدر يلومه يقوله لاتصف وروح بعيد ,,

لان الحين من مايسوق

الخباز يسوق
الدوبي يسوق
الدكان يسوق
الخضار يسوق

هذي سبب الازدحام ,,
والبعض يستغل مواقف المجمعات للصف ويروح مع ربعه

[راجي الْعفو]

اما موضوع:

ان السواق ينزل مع المعزبة و يتشرى معاها و يحمل الاغراض معاها

هذا يبيله موضوع كامل عن الرجولة يا كاريزما

لان هالمنظر ( القذر ) موجود فعلا

[بومحمد المطاوعه]

والله كلام بومحمد بعد معقول ..

والله ياخوي راجي ترى اكثر الناس تدور مواقف قريبه من البوابات
ولو تروح اشوي ابعد من البوابات بتشوف المواقف فاضيه حزات

امس نازل القولف مول
مواقف فوق مافي
نزلت تحت البيسمنت
المواقف الي قريبه الباب فل بس رحت اشوي بعيد

تصف على كيف كيفك

[الاسطوره]

المنطق يقول كلا

[بومحمد المطاوعه]

اما موضوع:

ان السواق ينزل مع المعزبة و يتشرى معاها و يحمل الاغراض معاها

هذا يبيله موضوع كامل عن الرجولة يا كاريزما

لان هالمنظر ( القذر ) موجود فعلا

استغفرالله
صدقت ,,

الله يرد العقول في رأس هالناس ,,

[Charisma]

صادق انا معاك مانبي يدفعون لخدمه صف السيارات
اتمنى نحصل مواقف اكثر واكثر
بس لو ماحصل الواحد شيسوي بعد

انزين فرضآ صف الدريول ونزل دخل المجمع وقعد

بعد محد يقدر يلومه يقوله لاتصف وروح بعيد ,,

لان الحين من مايسوق

الخباز يسوق
الدوبي يسوق
الدكان يسوق
الخضار يسوق

هذي سبب الازدحام ,,
والبعض يستغل مواقف المجمعات للصف ويروح مع ربعه

وهقتنا بارك الله فيك .


ننتظر حل لنقطه بومحمد ، راجي اترك اللي بيدك وطلع لنا حل .

[راجي الْعفو]

ليش لازم موقف ياجماعه هههههه ، يوقف على جنب ، مازادوا حجم المواقف في بعض الاماكن عشان يخصصون مواقف للسواقين ، عندنا ازمة مواقف.


رايي الشخصي يمنعون من استخدام الموقف .

هو حل من الحلول وحطيت جنبه غريب لان فعلا الوضع مع اللي نشوفه فيه اشكالية مثل ما ذكرت انت ..

[بانغ بانغ]

احيييييييييييييييييييييييييييييييييييييييييييييييي يييييييييييييييييييييييييييييييييييييييك

احيانا اهاوشهم اقوله وخر وانتظر ماما مالك برع

مرة وقفت دورية مارة حذاي وقلت له عندي اعيال والاهل معاي ونبي انوقف .. مسكين الشرطي كلم السواق وخلاه ايحرك

[راجي الْعفو]

وهقتنا بارك الله فيك .


ننتظر حل لنقطه بومحمد ، راجي اترك اللي بيدك وطلع لنا حل .


والله كلام بومحمد بعد معقول ..
من ناحية ان السواق هو مثله مثل اللي صف في الموقف و نزل يخلص شغله وخذ وقت طويل ..
بس في الحالة الاولى الشخص ما يسوق و الثانية هو اللي يسوق ..
ولا النتيجة واحدة ..

*_*...

[Charisma]

المنطق يقول كلا


كلامك صحيح ، لكن بما ان المواقف وأزمتها طالت كل مكان لابد من حلول مؤقته .


وين الضرر لو وقف السايق على جنب وهو اساسا في وضع ( ستاند باي ) . ؟

[راجي الْعفو]

احيييييييييييييييييييييييييييييييييييييييييييييييي يييييييييييييييييييييييييييييييييييييييك

احيانا اهاوشهم اقوله وخر وانتظر ماما مالك برع

مرة وقفت دورية مارة حذاي وقلت له عندي اعيال والاهل معاي ونبي انوقف .. مسكين الشرطي كلم السواق وخلاه ايحرك

لو في اوروبا كانوا ما اعرفوا الشيمة و قالك : انت و هو سوا سوا مافي فرق *_*

[بومحمد المطاوعه]

وهقتنا بارك الله فيك .


ننتظر حل لنقطه بومحمد ، راجي اترك اللي بيدك وطلع لنا حل .

ليش وهقتك
ههههههههههه

حزات اشوف الأدريوليه ينتظرون داخل المجمع على الكرسي او في غرفه الانتظار عندك في اللولو

شي عادي يالذيب ,,

[Charisma]

احيييييييييييييييييييييييييييييييييييييييييييييييي يييييييييييييييييييييييييييييييييييييييك

احيانا اهاوشهم اقوله وخر وانتظر ماما مالك برع

مرة وقفت دورية مارة حذاي وقلت له عندي اعيال والاهل معاي ونبي انوقف .. مسكين الشرطي كلم السواق وخلاه ايحرك

ماما مالك ههههههه تخيلتك تقولها بصوت عالي ، منت هين يابوفيصل ماتلاعب .


بس مالنا حق بوفيصل نجبرهم يطلعون من الموقف

[شبح الصمت]

وان جينا للصدق محد له حق ..

احنا نعرف من موجود معاه

يمكن مره كبيرة فالسن
يمكن شخص من ذوي الاحتياجات الخاصة
يمكن انسان مريض الله ابتلاه بمرض ..


كفايه بعض الهنود ينزلون من السيارة والمعزبه ما تقصر فيهم في الحر يتم لين حضرتها تجيه وتركب ..

انا مش مؤيد مع احترامي لانه في حالت تتطلب انه يتم منتظر

وخلونا نسوي مقارنة
لو واحد جاء وحصل له دريول على روز او رنج او من هالمواتر الفخمه بيروح يكلمه يقوله شلها
اتحدااااه


غير ما يشوف واحد على جي عادي بيروح ..

[بومحمد المطاوعه]

كلامك صحيح ، لكن بما ان المواقف وأزمتها طالت كل مكان لابد من حلول مؤقته .


وين الضرر لو وقف السايق على جنب وهو اساسا في وضع ( ستاند باي ) . ؟

المشكله ياخوي
الستاند باي

يا بيكون الموتر شغال والمكيف يطحن
يا بينزل الدرايش

يمكن يصف غلط وهو فالموتر يتخالف
ويمكن يكون ضاك على اليمين ومسبب ضيق في عبور السيارات الأخرى

الحل الوحيد اذا مافي مواقف يروح مكان بعيد ويصف اذا ماحصل موقف

احسن من يصف على جنب او يسكر على كم موتر وهو فالموتر قاعد

[بانغ بانغ]

ماما مالك ههههههه تخيلتك تقولها بصوت عالي ، منت هين يابوفيصل ماتلاعب .


بس مالنا حق بوفيصل نجبرهم يطلعون من الموقف

هههههههههههههه صج صج يقهرونك

بس اذا السواق بينزل شي ثاني يمكن يتبضع مع امعزبته او شي

اتكام عن اللي ايعشعشون في السيارة

[Charisma]

ليش وهقتك
ههههههههههه

حزات اشوف الأدريوليه ينتظرون داخل المجمع على الكرسي او في غرفه الانتظار عندك في اللولو

شي عادي يالذيب ,,

طبعا يالذيب لكن في ظل ازمة المواقف بصراحه ماله داعي دام ماله حاجه ، ولاتتصورون الموضوع فقط في المجمعات ، تخيل كل مكان - مستشفى - مؤسسات خدمية - وغيرها .


حقوق الانسان . :telephone:

[بومحمد المطاوعه]

طبعا يالذيب لكن في ظل ازمة المواقف بصراحه ماله داعي دام ماله حاجه ، ولاتتصورون الموضوع فقط في المجمعات ، تخيل كل مكان - مستشفى - مؤسسات خدمية - وغيرها .


حقوق الانسان . :telephone:

والله ياخوي المشكله ماندري شوضع معزبين هالأدريوليه

البعض يجيك شري وشرس عليهم

والبعض طيب

المستشفيات بعد سوو خدمه صف السيارات
واذا الادريول ماحصل صوب المستشفى وين يروح يصف ,.؟

الحل الوحيد
يكثرون من المواقف

تدري انا لو بروح صوب شارع حمد الكبير مستحيل اروح بروحي
اخذ دريولي معاي
اخليه ينزلني ويوقف ورى ولا اي مكان لين اخلص
اتصله واقوله تعال

[Charisma]

وان جينا للصدق محد له حق ..

احنا نعرف من موجود معاه

يمكن مره كبيرة فالسن
يمكن انسان مريض الله ابتلاه بمرض ..


كفايه بعض الهنود ينزلون من السيارة والمعزبه ما تقصر فيهم في الحر يتم لين حضرتها تجيه وتركب ..

انا مش مؤيد مع احترامي لانه في حالت تتطلب انه يتم منتظر

وخلونا نسوي مقارنة
لو واحد جاء وحصل له دريول على روز او رنج او من هالمواتر الفخمه بيروح يكلمه يقوله شلها
اتحدااااه


غير ما يشوف واحد على جي عادي بيروح ..



ويمكن هالفئات هم من يدورون المواقف عشان يخلصون امورهم ، القصد من الموضوع دام ان الدريول ماله لزمه في المكان ماله الحق يشغل الموقف .

اما موضوع تجبر السايق يطلع من الموقف طبعا مالنا حق حتى لو كان في قانون يمنعهم ، تكلم السكيورتي وهو يتصرف .( لو كان في قانون ).

[راجي الْعفو]

انت ما تحب الدريولية يا كاريزما

[Charisma]

المشكله ياخوي
الستاند باي

يا بيكون الموتر شغال والمكيف يطحن
يا بينزل الدرايش

يمكن يصف غلط وهو فالموتر يتخالف
ويمكن يكون ضاك على اليمين ومسبب ضيق في عبور السيارات الأخرى

الحل الوحيد اذا مافي مواقف يروح مكان بعيد ويصف اذا ماحصل موقف

احسن من يصف على جنب او يسكر على كم موتر وهو فالموتر قاعد




والله ياخوي المشكله ماندري شوضع معزبين هالأدريوليه

البعض يجيك شري وشرس عليهم

والبعض طيب

المستشفيات بعد سوو خدمه صف السيارات
واذا الادريول ماحصل صوب المستشفى وين يروح يصف ,.؟

الحل الوحيد
يكثرون من المواقف

تدري انا لو بروح صوب شارع حمد الكبير مستحيل اروح بروحي
اخذ دريولي معاي
اخليه ينزلني ويوقف ورى ولا اي مكان لين اخلص
اتصله واقوله تعال



اذا صف على جنب ( قدام السيارات ) بوضع غير معرقل للسير ، وين المشكلة ؟ هالمنظر موجود في كل مكان .

[Charisma]

هههههههههههههه صج صج يقهرونك

بس اذا السواق بينزل شي ثاني يمكن يتبضع مع امعزبته او شي

اتكام عن اللي ايعشعشون في السيارة

موضوعك بعدين ههههه

[Charisma]

انت ما تحب الدريولية يا كاريزما

انا شرير ..


بصراحه النقاش ممتع ، وبومحمد ذكر نقاط كثيره اتوقع انها كفيلة بنسف الأقتراح ، خصوصا موضوع ( لو حب ينزل ويتمشى ) شبتقول ، على الأقل الجهات الخدمية والمستشفيات يطبق فيها النظام ، اما المجمعات يجبرون السايق ينزل او يحرك ( تراهم يكيفون عالمسجل وشغالين واتس ) نصهم بيحرك وبيوقف على جنب .

[بومحمد المطاوعه]

اذا صف على جنب ( قدام السيارات ) بوضع غير معرقل للسير ، وين المشكلة ؟ هالمنظر موجود في كل مكان .

اي نشوف هالمنظر
تعتقد حضاري ,؟؟

ليش مايكثرون المواقف
هني البلا

بعد مهما كان ترى وقفته مخالفه
يقدر الشرطي يخالف وتتحرر المخالفه
اما لوصاف في موقف محد يقدر يقوله شي ولا يتخالف ,,

تخيل يطلع قانون اي دريول ممنوع يبركن ,.؟
والادريول يبي يدخل يتشرى
يقدر يجذب على الشرطي او السكيورتي ويقوله بصف ابي اشتري
يصف وينزل ويدخل المجمع يقعد
خخخخخ

بيحبس للقانون

[بومحمد المطاوعه]

انا شرير ..


بصراحه النقاش ممتع ، وبومحمد ذكر نقاط كثيره اتوقع انها كفيلة بنسف الأقتراح ، خصوصا موضوع ( لو حب ينزل ويتمشى ) شبتقول ، على الأقل الجهات الخدمية والمستشفيات يطبق فيها النظام ، اما المجمعات يجبرون السايق ينزل او يحرك ( تراهم يكيفون عالمسجل وشغالين واتس ) نصهم بيحرك وبيوقف على جنب .

خخخخخخخ تهقى نسفت الأقتراح :eek5:
ياخي انا بريئ والله

عاد بعض الناس دلوعين ياخوي يبون يدخلون الموتر لين الكونتر هههههههههههه
مافيهم قوه للمشي ولا يصفون مكان بعيد اشوي
الدلع الزايد مشكله والله

[Charisma]

اي نشوف هالمنظر
تعتقد حضاري ,؟؟

ليش مايكثرون المواقف
هني البلا

بعد مهما كان ترى وقفته مخالفه
يقدر الشرطي يخالف وتتحرر المخالفه
اما لوصاف في موقف محد يقدر يقوله شي ولا يتخالف ,,

تخيل يطلع قانون اي دريول ممنوع يبركن ,.؟
والادريول يبي يدخل يتشرى
يقدر يجذب على الشرطي او السكيورتي ويقوله بصف ابي اشتري
يصف وينزل ويدخل المجمع يقعد
خخخخخ

بيحبس للقانون

ذكرت ان قلة المواقف أمر مفروغ منه لكن في الوضع الحالي لازم في حلول مؤقته .


بالنسبة للمجمعات كلامك مقنع http://z5.ifrm.com/5908/85/0/e5035471/e5035471.gif

بس موضوع انك تصف على جنب قدام المواقف ماعتقد مخالف ، لانك في السياره ، وخله ينزل ولا يتم في السياره .

[Charisma]

خخخخخخخ تهقى نسفت الأقتراح :eek5:
ياخي انا بريئ والله

عاد بعض الناس دلوعين ياخوي يبون يدخلون الموتر لين الكونتر هههههههههههه
مافيهم قوه للمشي ولا يصفون مكان بعيد اشوي
الدلع الزايد مشكله والله

اي نسفته لانك محلل فودافون ، بكرة اذا شالوا الخدمه ابشوفك في الموضوع هههههههه


لا كلامك فعلا سليم ، فيما يخص المجمعات فقط ، اما المستشفيات والجهات الخدميه لا وألف لا ، قول بعد ينزل يتمشى . :telephone:

[بومحمد المطاوعه]

ذكرت ان قلة المواقف أمر مفروغ منه لكن في الوضع الحالي لازم في حلول مؤقته .


بالنسبة للمجمعات كلامك مقنع http://z5.ifrm.com/5908/85/0/e5035471/e5035471.gif

بس موضوع انك تصف على جنب قدام المواقف ماعتقد مخالف ، لانك في السياره ، وخله ينزل ولا يتم في السياره .

صحيح لابد من الحلول المؤقته

الحل شراء اراضي مجاوره وتوسعه للمواقف ,,

ومن ناحيه يسكر على اي موتر وينزل بيتخالف صدقني
وحتى لو فالموتر اي دوريه بتوقف عنده بتقوله امش
تحرك

الا بعض الدوريات يطنشون
بس لو واحد نشب بيخليه يمشي

[الحياة الخالدة]

السلام عليكم ورحمة الله
أتفق معاك أخوي كاريزما في أغلب النقاط
وتلقى الأغلبية شاغلين المواقف والناس تدور وتدور وتدور ولا محصلة لها مواقف
عدا عن أن البعض منهم ممكن يتخذها وسيلة للتكسب : عطني مبلغ وخذ موقفي
يوقفون بعيد ومتى ما خلص المعزب أو المعزبة ينادونهم وكان الله بالسر عليماً
وتم التصويت

[بومحمد المطاوعه]

اي نسفته لانك محلل فودافون ، بكرة اذا شالوا الخدمه ابشوفك في الموضوع هههههههه


لا كلامك فعلا سليم ، فيما يخص المجمعات فقط ، اما المستشفيات والجهات الخدميه لا وألف لا ، قول بعد ينزل يتمشى . :telephone:


ههههههههه والله يالغالي
قبل يومين رحت جولف مول في خدمه الصف
قلت له عندي بطاقه فودافون قال مب معاهم احنا والباركن ب 60
صفيت لأني ابي بوابه رقم 3
بيبي شوب

امس رحت المجمع علشان اتعشى مع هلي
صفيت تحت وفي مواقف شكثر بس مب جنب اللفت هههههههه
اقصد الباب
بس مواقف بالهبل

ومن ناحيه المستشفيات فعلآ نقص في المواقف والمفروض الادريوليه يشوفون لهم حل لو المكان بعيد او يصف مكان مايعرقل الشارع ولا ينزل من الموتر علشان يحرك السياره اي وقت
لو تطلب منه التحرك


والله يعين الادريوليه من بعض الكفلاء

[Charisma]

صحيح لابد من الحلول المؤقته

الحل شراء اراضي مجاوره وتوسعه للمواقف ,,

ومن ناحيه يسكر على اي موتر وينزل بيتخالف صدقني
وحتى لو فالموتر اي دوريه بتوقف عنده بتقوله امش
تحرك

الا بعض الدوريات يطنشون
بس لو واحد نشب بيخليه يمشي

بعض الأماكان خلاص ماعادت تنفع حلول التوسعه فيها .

اي اذا نزل يتخالف طبعا بس القصد دام أغلبية الدريولية يشغلون المواقف ويتمون في السياره ، ليش مايوقف على جنب يعني .

بقولك شيء واتمنى ماتعتبرني عنصري ، انا بصراحه في بعض الأماكن الحيوية أذا جيت ابطلع من الموقف ، لايمكن اسلمه لدريول ( صحيح راجي ماحبهم في هالنقطه فقط هههه ) او وانا طالع اشوف احد يحوس يدور موقف وأشر له .

[ضوى]

بعض الأماكان خلاص ماعادت تنفع حلول التوسعه فيها .

اي اذا نزل يتخالف طبعا بس القصد دام أغلبية الدريولية يشغلون المواقف ويتمون في السياره ، ليش مايوقف على جنب يعني .

بقولك شيء واتمنى ماتعتبرني عنصري ، انا بصراحه في بعض الأماكن الحيوية أذا جيت ابطلع من الموقف ، لايمكن اسلمه لدريول ( صحيح راجي ماحبهم في هالنقطه فقط هههه ) او وانا طالع اشوف احد يحوس يدور موقف وأشر له .

بللللل صج عنصري وقلبك اسود

افرض معاه عيوز والا ريال شيبه :weeping:

[بومحمد المطاوعه]

بعض الأماكان خلاص ماعادت تنفع حلول التوسعه فيها .

اي اذا نزل يتخالف طبعا بس القصد دام أغلبية الدريولية يشغلون المواقف ويتمون في السياره ، ليش مايوقف على جنب يعني .

بقولك شيء واتمنى ماتعتبرني عنصري ، انا بصراحه في بعض الأماكن الحيوية أذا جيت ابطلع من الموقف ، لايمكن اسلمه لدريول ( صحيح راجي ماحبهم في هالنقطه فقط هههه ) او وانا طالع اشوف احد يحوس يدور موقف وأشر له .

ان شاءالله نشوف حلول ياخوي

ياخوي كيفك تسلمه لمن

وزين بعد تأشر على فلان وتعلمه ان موترك هني ولا هناك

البعض ولا يأشر ولا يقولك موتري هناك

هالصفه الي فيك احييك عليها وبيض الله وجهك
وان شاءالله تأشر لي :nice:

[Charisma]

السلام عليكم ورحمة الله
أتفق معاك أخوي كاريزما في أغلب النقاط
وتلقى الأغلبية شاغلين المواقف والناس تدور وتدور وتدور ولا محصلة لها مواقف
عدا عن أن البعض منهم ممكن يتخذها وسيلة للتكسب : عطني مبلغ وخذ موقفي
يوقفون بعيد ومتى ما خلص المعزب أو المعزبة ينادونهم وكان الله بالسر عليماً
وتم التصويت

المشكلة في الآلية والتطبيق ، المجمعات وضعها صعب شوي لكن باقي الأماكن بكل سهولة .

[بانغ بانغ]

والله دبي مواقفها سنعه

اتصف الجمس مرتاح لا واتشرع البيبان بعد

بعض الاماكن عندنا نفس الشي بس قليلة

[Charisma]

بللللل صج عنصري وقلبك اسود

افرض معاه عيوز والا ريال شيبه :weeping:

:secret:

الله واكبر ، لو معاه احد بينزلهم عند البوابة ، ماراح يدور موقف وعقب ينزلون .

[Charisma]

ان شاءالله نشوف حلول ياخوي

ياخوي كيفك تسلمه لمن

وزين بعد تأشر على فلان وتعلمه ان موترك هني ولا هناك

البعض ولا يأشر ولا يقولك موتري هناك

هالصفه الي فيك احييك عليها وبيض الله وجهك
وان شاءالله تأشر لي :nice:

شرااااايك ، تراهم خبره في أقتناص المواقف ، انت تدور ساعتين ماتلقى وهو دقيقتين مطلع لك موقف استراتيجي .

أشكرك وان شاءالله اشوفك عشان ااشر لك ، وصدقني مابي الستين ياخوي لاتحلف ، ماله داعي الله يهديك ... اوكي خلاص .

[بومحمد المطاوعه]

شرااااايك ، تراهم خبره في أقتناص المواقف ، انت تدور ساعتين ماتلقى وهو دقيقتين مطلع لك موقف استراتيجي .

أشكرك وان شاءالله اشوفك عشان ااشر لك ، وصدقني مابي الستين ياخوي لاتحلف ، ماله داعي الله يهديك ... اوكي خلاص .


ماشاءالله عيونهم تتلفت يمين ويسار اكيد بيصيد
احنا الكوبرا راصه راسنا رص خخخخخ

ههههههههههههههههه
بعطيك 100 بس عطني الموقف

[Charisma]

والله دبي مواقفها سنعه

اتصف الجمس مرتاح لا واتشرع البيبان بعد

بعض الاماكن عندنا نفس الشي بس قليلة

يمديك تكشت فيها بعد ، شتقول بس ، مصممين المواقف على حجم كورلا . خذلك تغلغص ، ولا اذا بالغلط فتحت الباب وسمعت ( طققق ) ، واللي احذاك يعطيك نظرات وانت تبادله نظرات وضعها بالضبط مثل ...


https://wallpaperscraft.com/image/cat_shrek_striped_mournful_look_63255_480x854.jpg

[مرتبش]

السالفة لا تبي لها قانون ولا قوات التدخل السريع
شخصيا لما اكون منتظر حد ما اشغل المواقف خصوصا الاماكن الزحمة ..اوقف على جنب واخلي حد محتاج الموقف ياخذه ..لو كل معزبة فهمت الدريول انه في ناس تحتاج توقف وافتح لها المجال بتنتهي المشكلة.

[Charisma]

زين نوقف تحلطم .. ونقول.. حد عنده ألية معينه للتطبيق ؟ أقتراح أفضل ؟ معماري وينك .

[Charisma]

السالفة لا تبي لها قانون ولا قوات التدخل السريع
شخصيا لما اكون منتظر حد ما اشغل المواقف خصوصا الاماكن الزحمة ..اوقف على جنب واخلي حد محتاج الموقف ياخذه ..لو كل معزبة فهمت الدريول انه في ناس تحتاج توقف وافتح لها المجال بتنتهي المشكلة.

ياليييت

بس "لو" .. لاتثق فيها .

[JN000N]

محد قالها اتسوق اذا بتقعد تتشكى تبي موقف قريب من الباب :)
حالها حال اي سواق سواء قطري او هندي او زنجباري وين ما لقت موقف تصف قريب او بعيد
واذا حضرتها ماتبي تمشي وايد عشان ما يسيح الميك اب مع الحر تقدر تروح عند خدمة صف السيارات وانتهى

[العلياا]

طبعاً مؤيده لمنعهم او على الاقل يتم تخصيص مواقف خاصه تكون بعيده
( بما انه جاي ينزل معزبته وماله حاجه غير انه يتم قاعد في السيارة ينطرهم )

رغم ان اغلب الوقت اذا حد منهم شافني ادور هو يطلع ويخليني اصف بدون ما اطلب منه :o

[العلياا]

محد قالها اتسوق اذا بتقعد تتشكى تبي موقف قريب من الباب :)
حالها حال اي سواق سواء قطري او هندي او زنجباري وين ما لقت موقف تصف قريب او بعيد
واذا حضرتها ماتبي تمشي وايد عشان ما يسيح الميك اب مع الحر تقدر تروح عند خدمة صف السيارات وانتهى

لا والله يا جنون محد قال لنا نسوق بس ظروفنا حدتنا على هالشي
ولاني ملزومه ادفع للفاليه ستين والا ثلاثين بس عشان ادخل مجمع بو عشر دقايق واطلع

ان شاءالله دوم تكونين مع دريول ومرتاحه بس حسوا فينا شوي :weeping:

[كاشف الغطاء]

يقدر يوقف على جنب وإذا يا راعي السيارة اللي هو مسكر عليها يحرك الموتر وبس
أو يروح يصف بعيد ويحط عينه على الباب لين معزبته يات يرجع لها
ياكثرهم مسويين أزمة في المستشفيات وماعندهم تفكير اخلاقي ان ممكن واحد يحتاج الموقف

[سالم الزهران]

(لا) و يا زينه بو هناد واقف

[العقل المدمر]

صوت بـ نعم
طبعا طبيعي اللي يروحون مع دريولية بيصوتون بلا
ومحد بيحس الا اللي يسوق
الحين حضرة سمو الاميرة يوم حطت دريول
وتشيخت وتروح وتجي بدون تعب وتكش ذبان فالسيارة وتتحلطم شوية على راسه
ولما توصل مكانها ينزلها عند الباب وياخذها من عند الباب
ولو فيدها اكياس نزل وشالها منها وحطها فالسيارة
وباقي شعرتين ويقعدها على كرسي ذوي الاحتياجات ويدور فيها لا تتعب
بعد تستخسر ان دريولها يصف بعيد لانها ماتقدر تنطر دقايق لين يوصلها ؟!
المشكلة ياليت نلقى مواقف بعيدة مرات مانلقى كلش لا بعيد ولا قريب
ما جدامنا الا نخالف والا بالراحة تمر ساعة كاملة على موقف وشغلة تافهة ماتاخذ دقايق
مع ان الدريول يقدر يصف فاي مكان والسيارة معاه يروح ويرجع

انا عن نفسي مستحيل اصف في اي موقف اذا بكون فالسيارة
لاني اعرف الادب والسنع وان غيري بيحتاج الموقف عشان ينزل
اما عاد سمو الاميرة ... لا لا خلاص اللهم عافينا :nice:

[JN000N]

لا والله يا جنون محد قال لنا نسوق بس ظروفنا حدتنا على هالشي
ولاني ملزومه ادفع للفاليه ستين والا ثلاثين بس عشان ادخل مجمع بو عشر دقايق واطلع

ان شاءالله دوم تكونين مع دريول ومرتاحه بس حسوا فينا شوي :weeping:

واذا مب دريوليه
بتسكتون
اعتبرو مافي دريوليه وهذول كلهم ناس صفو سياييرهم ونزلو
طبعا انا ماتكلم عن دريول صاف السياره عند الباب وقاعد ف السياره لا انا اتكلم عن سيارات ساقوها دريوليه ونزلو المجمع شلون يعني نمنعهم!! وليش نمنعهم حالهم حال الناس اصلا
والا هو هندي ماله رب يروح ينجلع بعيد يصطف ؟
حدث العاقل بما يعقل

[الحياة الخالدة]

واذا مب دريوليه
بتسكتون
اعتبرو مافي دريوليه وهذول كلهم ناس صفو سياييرهم ونزلو
طبعا انا ماتكلم عن دريول صاف السياره عند الباب وقاعد ف السياره لا انا اتكلم عن سيارات ساقوها دريوليه ونزلو المجمع شلون يعني نمنعهم!! وليش نمنعهم حالهم حال الناس اصلا
والا هو هندي ماله رب يروح ينجلع بعيد يصطف ؟
حدث العاقل بما يعقل

جنون .. يعني شفيها لو الدريول راح صف بعيد ؟؟ ترا ما راح ينزل يمشي لين المجمع والا المستشفى والا أي مكان
أول ما تخلص معزبته بتتصل له و بيروح لها لين عند الباب .. شالمشكلة ؟؟!!

[JN000N]

جنون .. يعني شفيها لو الدريول راح صف بعيد ؟؟ ترا ما راح ينزل يمشي لين المجمع والا المستشفى والا أي مكان
أول ما تخلص معزبته بتتصل له و بيروح لها لين عند الباب .. شالمشكلة ؟؟!!

من الاخر بقولج شي
انا الدريول ما يقعد ينطرني يوصلني ويروح دااايما
الا اذا شغله ضروريه اي يوقف ويصف اي موقف يلقاه يوقف فيه وينزل يدش المجمع ما يقعد ف السياره ويخليها شغاله
بس الواحد يتكلم شوي بالمنطق سواء دريول ار غير دريول نفس الشي
زين واحد نزل مرته المجمع وقعد ينطرها!
واحد نزل مرته المستشفى وقعد ينطر
اتحدى حد منكم يقوله قوم وخر عن الموقف خلنا نصف
والا هو بس عشان اختلاف جنسيات؟

[الحياة الخالدة]

من الاخر بقولج شي
انا الدريول ما يقعد ينطرني يوصلني ويروح دااايما
الا اذا شغله ضروريه اي يوقف ويصف اي موقف يلقاه يوقف فيه وينزل يدش المجمع ما يقعد ف السياره ويخليها شغاله
بس الواحد يتكلم شوي بالمنطق سواء دريول ار غير دريول نفس الشي
زين واحد نزل مرته المجمع وقعد ينطرها!
واحد نزل مرته المستشفى وقعد ينطر
اتحدى حد منكم يقوله قوم وخر عن الموقف خلنا نصف
والا هو بس عشان اختلاف جنسيات؟

انتي شوي و تدشين لي في حقوق العمال و 2022
يا بنت الحلال الكلام عن الدريولية
معليش روحي راس الموضوع و ردي اقريه مرة ثانية بتركيز .. بتعرفين احنا نتكلم عن شنو بالضبط

[العلياا]

واذا مب دريوليه
بتسكتون
اعتبرو مافي دريوليه وهذول كلهم ناس صفو سياييرهم ونزلو
طبعا انا ماتكلم عن دريول صاف السياره عند الباب وقاعد ف السياره لا انا اتكلم عن سيارات ساقوها دريوليه ونزلو المجمع شلون يعني نمنعهم!! وليش نمنعهم حالهم حال الناس اصلا
والا هو هندي ماله رب يروح ينجلع بعيد يصطف ؟
حدث العاقل بما يعقل

ردنا جااء بناءا على سؤال طارح الموضوع
الدريوليه اللي يصفون وماينزلون المجمع او بالاصح مالهم حاجه بالمرفق

المواقف وضعت للشخص اللي جاي يستفيد من المرفق العام مب للسايق بغض النظر عن جنسيته
اما اللي جاي مع اهله والا ربعه والا حتى بروحه له حق يصف في اي موقف

احنا ما نطالب بمنعهم منعا باتا لا بس تخصيص مكان لهم هم يرتاحون واحنا نرتاح

[JN000N]

انتي شوي و تدشين لي في حقوق العمال و 2022
يا بنت الحلال الكلام عن الدريولية
معليش روحي راس الموضوع و ردي اقريه مرة ثانية بتركيز .. بتعرفين احنا نتكلم عن شنو بالضبط
والدريوليه شنو طوف
زين فرضي انحط قانون
بيي الدريول بيصف السياره وبينزل
حاله حال اي واحد بيتسوق
قولي بعد بتمنعونه
دورو لكم حلول ثانيه عمليه تخدمكم وتستفيدون منها بدون سالفة منع وتعدي على الحريات
وبعدين صج يعني مجمع يا ناس واحد يا 4 العصر صف سيارته والثاني توه ياي 6 ومستعيل بيقول للي ياي قبله وخر بصف سيارتي
تدرين لو دريولي صاف سيارته وقالي ان شرطي ياه وقاله وخر خل غيرك يصف ف الموقف
بابهدل حياة الشرطي الي يستغل وظيفته ويستقوي على الهندي
لين انحط قانون يمنع ناس وناس انهم يصفون سياراتهم ذيك الساعه مب متكلمه
طول ما الموضوع حريات ومن سبق لبق ومواقف عامه محد له حق يعترض
كا مرات نصف بعيد مع ابوي والا اخوانا ف لمواقف وننزل نمشي ونجوف هنود واقفين ف مواقف قريبه من الباب ماخبر ان تحلطمنا على هالسالفه
هو ياي قبلي اروح اقوله وخر بصف

[JN000N]

ردنا جااء بناءا على سؤال طارح الموضوع
الدريوليه اللي يصفون وماينزلون المجمع او بالاصح مالهم حاجه بالمرفق

المواقف وضعت للشخص اللي جاي يستفيد من المرفق العام مب للسايق بغض النظر عن جنسيته
اما اللي جاي مع اهله والا ربعه والا حتى بروحه له حق يصف في اي موقف

احنا ما نطالب بمنعهم منعا باتا لا بس تخصيص مكان لهم هم يرتاحون واحنا نرتاح


حتى لو ما نزل
اذا جفتي قطري واقف ف الموقف وهله نازلين
وهو قاعد ساااعه بعد مب خمس دقايق وصاف ف الموقف وما تحرك
بتقولون له وخر؟
بتطالبون تمنعونهم
مواقف عامه ياناس كل واحد مسك الموقف حر يوقف ويتم ف السياره والا ينزل منها
من طيبه اذا فكر يطلع من الموقف
في ناس بيقولون لج انا نزلني ف موقف قريب ومابي الدريول يتحرك من الموقف ويدور بالسياره يقعد مكانه لين اخلص واييه

[الحياة الخالدة]

والدريوليه شنو طوف
زين فرضي انحط قانون
بيي الدريول بيصف السياره وبينزل
حاله حال اي واحد بيتسوق
قولي بعد بتمنعونه
دورو لكم حلول ثانيه عمليه تخدمكم وتستفيدون منها بدون سالفة منع وتعدي على الحريات
وبعدين صج يعني مجمع يا ناس واحد يا 4 العصر صف سيارته والثاني توه ياي 6 ومستعيل بيقول للي ياي قبله وخر بصف سيارتي
تدرين لو دريولي صاف سيارته وقالي ان شرطي ياه وقاله وخر خل غيرك يصف ف الموقف
بابهدل حياة الشرطي الي يستغل وظيفته ويستقوي على الهندي
لين انحط قانون يمنع ناس وناس انهم يصفون سياراتهم ذيك الساعه مب متكلمه
طول ما الموضوع حريات ومن سبق لبق ومواقف عامه محد له حق يعترض
كا مرات نصف بعيد مع ابوي والا اخوانا ف لمواقف وننزل نمشي ونجوف هنود واقفين ف مواقف قريبه من الباب ماخبر ان تحلطمنا على هالسالفه
هو ياي قبلي اروح اقوله وخر بصف

لا حول ولا قوة إلا بالله
وانتي غصب طيب بتطلعيننا عنصريين
انتي شايفتنا الحين نازلين و نطرد السواقين و نجحتهم من المواقف ؟؟
الموضوع يتكلم عن اقتراح :

والأقتراح يقول : منع "السواقين" من أستخدام المواقف ( توكل المهمه للسكيورتيه ) ، لان إشغالهم للمواقف ماله داعي ، وتلقاهم يا قاعدين في السياره او ينزلون ويسوون تجمعات في كل زاوية .

يعني السالفة مقننة و منظمة .. فيها شي مكتووووووووووب .. مب احنا بننزل نتزانط مع الدريول و نسحبه من السيارة
انتي الله يهديج نقول لج ثور تقولين احلبوه

بخصوص الحلول .. كلها انذكرت : زيادة عدد المواقف ( وهالشي مب في كل مكان يقدرون يسوونه )
تخصيص عدد معين من المواقف حق الدريولية حتى لو المكان بعيد
انهم يصفون على جنب .. وغيره وغيره

هذا اللي عندي .. وخلصنا

[العلياا]

حتى لو ما نزل
اذا جفتي قطري واقف ف الموقف وهله نازلين
وهو قاعد ساااعه بعد مب خمس دقايق وصاف ف الموقف وما تحرك
بتقولون له وخر؟
بتطالبون تمنعونهم
مواقف عامه ياناس كل واحد مسك الموقف حر يوقف ويتم ف السياره والا ينزل منها
من طيبه اذا فكر يطلع من الموقف
في ناس بيقولون لج انا نزلني ف موقف قريب ومابي الدريول يتحرك من الموقف ويدور بالسياره يقعد مكانه لين اخلص واييه

فديتج انا حتى لو هندي عمري ماسويتها ولابسويها لا معاه ولا مع غيره ما اطلعه
مثل ما قالت الحياة لو فيه آليه معينه يمشون عليها بيكون الوضع ممتاز لنا
وحتى لهم اذا تجمعوا في مكان معين انزلوا كلهم برا ويسون تجمع يسولفون لا يتاذون ولا ياذون احد

[JN000N]

لا حول ولا قوة إلا بالله
وانتي غصب طيب بتطلعيننا عنصريين
انتي شايفتنا الحين نازلين و نطرد السواقين و نجحتهم من المواقف ؟؟
الموضوع يتكلم عن اقتراح :

والأقتراح يقول : منع "السواقين" من أستخدام المواقف ( توكل المهمه للسكيورتيه ) ، لان إشغالهم للمواقف ماله داعي ، وتلقاهم يا قاعدين في السياره او ينزلون ويسوون تجمعات في كل زاوية .

يعني السالفة مقننة و منظمة .. فيها شي مكتووووووووووب .. مب احنا بننزل نتزانط مع الدريول و نسحبه من السيارة
انتي الله يهديج نقول لج ثور تقولين احلبوه

بخصوص الحلول .. كلها انذكرت : زيادة عدد المواقف ( وهالشي مب في كل مكان يقدرون يسوونه )
تخصيص عدد معين من المواقف حق الدريولية حتى لو المكان بعيد
انهم يصفون على جنب .. وغيره وغيره

هذا اللي عندي .. وخلصنا

عاد انتي من زمان عنصريه انا حاطه عليج اكس اصلا يا عدوة الانسانيه
يا القاسيه الحجر الجلمود
مافي مواقف زين قومي روحي بيتكم يلا

[JN000N]

فديتج انا حتى لو هندي عمري ماسويتها ولابسويها لا معاه ولا مع غيره ما اطلعه
مثل ما قالت الحياة لو فيه آليه معينه يمشون عليها بيكون الوضع ممتاز لنا
وحتى لهم اذا تجمعوا في مكان معين انزلوا كلهم برا ويسون تجمع يسولفون لا يتاذون ولا ياذون احد

ايواااه
يكون في حلول عمليه تخدم الكل بدون الحاق ضرر لإي فئه وخلاص
وشكرا رفيقات :p

[معماري قطري]

يا محلى المواقف ادوار وكل مكان له مواقفه واللي يوقف بعد نهاية الدوام تنسحب سيارته وتنحجز ويدفع غرامة ويطلعها لأن الكثيرين يوقفون ويسافرون

[بوNasser]

يا محلى المواقف ادوار وكل مكان له مواقفه واللي يوقف بعد نهاية الدوام تنسحب سيارته وتنحجز ويدفع غرامة ويطلعها لأن الكثيرين يوقفون ويسافرون

ههههههه
حتى المواقف الأدوار ما يسونها ربعنا بطريقة مريحة
جرب المواقف اللي ورا مصرف الريان بشارع حمد الكبير (شارع البنوك)
لين تصعد/تنزل من طابق لين طابق،اللفات دواعيس هبابها السيارة، تدخل خصوصا الكروزر والنيسان وما شابهها.
تصلح للسيارات الصالون الصغيرة بس.
(وهذا الكلام عن تجربة، الا اذا احنا شيبنا وصرنا ما نعرف نسوق فهذا شي ثاني).

[جوال 11]

جميع المجمعات التجارية بتفرض رسوم على المواقف قريبا والذي يحتاج الى شئ يدفع وستختفي ظاهرة احتلال المواقف من السواقين او بياعين المواقف

[بومحمد المطاوعه]

امس رحت اللأند مارك اخذ لي غرض

اول ماوصلت حصلت موقف عند الباب

الواحد لو يصبر اشوي
بيحصل له

بس المشكله البعض فيه استعجال
يبي كل شي بسرعه بسرعه ,,

وفعلآ انا اقول في تقشف في المواقف في الدوائر الحكوميه ,,
ونتمنى زياده عدد المواقف

اما هندي ماله حق يوقف
ولا دريول ماله حق ومن هالكلام الي ماله داعي

محد يقدر يمنع هالشي
لو دريولي واقف ف موقف
مب كفو اي واحد يقوله قم شل موترك

لا من الشرطه ولا من اي شخص

مدام صاف في موقف ولا معرقل الشارع محد له حق ,,

وشكرآ

[راجي الْعفو]

الظاهر ما لك الا تكنسل شي اسمه سيارة يا كاريزما
وتنتقل للسيكل- البطبطه ^_^

واعلى من هذا كله:

تبيلوت بالبلين يا بايلوت ^_^

[Charisma]

محد قالها اتسوق اذا بتقعد تتشكى تبي موقف قريب من الباب :)
حالها حال اي سواق سواء قطري او هندي او زنجباري وين ما لقت موقف تصف قريب او بعيد
واذا حضرتها ماتبي تمشي وايد عشان ما يسيح الميك اب مع الحر تقدر تروح عند خدمة صف السيارات وانتهى

ليش مركزين على صاحبة التغريدة ؟

الأقتراح مافيه تمييز ، والأغلب ملاحظ أحتلال الدريولية للمواقف مع "بقائهم" في السياره ، او يتجمعون على شكل قروبات ، وبعدين ياجماعه اذا قلنا مواقف مب معناته مجمعات بس ؟ فكروا بكل مكان مستشفيات وجهات خدمية .



طبعاً مؤيده لمنعهم او على الاقل يتم تخصيص مواقف خاصه تكون بعيده
( بما انه جاي ينزل معزبته وماله حاجه غير انه يتم قاعد في السيارة ينطرهم )

رغم ان اغلب الوقت اذا حد منهم شافني ادور هو يطلع ويخليني اصف بدون ما اطلب منه :o


مع النقاش اللي صار ، اتوقع تطبيق الأقتراح صعب في المجمعات ، نظام الرسوم الرمزية قد يكون أفضل حل ، اما في باقي الأماكن أرشح اقتراح المنع .

[Charisma]

يقدر يوقف على جنب وإذا يا راعي السيارة اللي هو مسكر عليها يحرك الموتر وبس
أو يروح يصف بعيد ويحط عينه على الباب لين معزبته يات يرجع لها
ياكثرهم مسويين أزمة في المستشفيات وماعندهم تفكير اخلاقي ان ممكن واحد يحتاج الموقف

بح صوتي وانا اشرح هالنقطه ، والموضوع بالضبط نفس انتظار سيارات كروة ، لكن الجماعه مصممين إلا موقف .. :(

[Charisma]

(لا) و يا زينه بو هناد واقف

المواقف عندنا أزمة .. غير عنكم .

[سالم الزهران]

المواقف عندنا أزمة .. غير عنكم .

الحقيقة المواقف ازمة بكل مكان ,, بس انا شفت سواقينكم ,, اتمنى يكون واقف على طول و لا يصير يفتر بالشوارع يسبب حوادث هذا قصدي

[Charisma]

صوت بـ نعم
طبعا طبيعي اللي يروحون مع دريولية بيصوتون بلا
ومحد بيحس الا اللي يسوق
الحين حضرة سمو الاميرة يوم حطت دريول
وتشيخت وتروح وتجي بدون تعب وتكش ذبان فالسيارة وتتحلطم شوية على راسه
ولما توصل مكانها ينزلها عند الباب وياخذها من عند الباب
ولو فيدها اكياس نزل وشالها منها وحطها فالسيارة
وباقي شعرتين ويقعدها على كرسي ذوي الاحتياجات ويدور فيها لا تتعب
بعد تستخسر ان دريولها يصف بعيد لانها ماتقدر تنطر دقايق لين يوصلها ؟!
المشكلة ياليت نلقى مواقف بعيدة مرات مانلقى كلش لا بعيد ولا قريب
ما جدامنا الا نخالف والا بالراحة تمر ساعة كاملة على موقف وشغلة تافهة ماتاخذ دقايق
مع ان الدريول يقدر يصف فاي مكان والسيارة معاه يروح ويرجع

انا عن نفسي مستحيل اصف في اي موقف اذا بكون فالسيارة
لاني اعرف الادب والسنع وان غيري بيحتاج الموقف عشان ينزل
اما عاد سمو الاميرة ... لا لا خلاص اللهم عافينا :nice:

لو الكل فكر بهالطريقة ماعتقد بنحتاج لاقتراح او قانون او بلاليط .

[Charisma]

ايواااه
يكون في حلول عمليه تخدم الكل بدون الحاق ضرر لإي فئه وخلاص
وشكرا رفيقات :p

إلحاق ضرر ميييين ، وش بيضر الدريول اللي رابض مكانه ، لو صف على جنب وترك الموقف ؟ ولا الموضوع نحاسه .. نحاسه صح.



شكله نحاسه .:sneaky:

[Charisma]

يا محلى المواقف ادوار وكل مكان له مواقفه واللي يوقف بعد نهاية الدوام تنسحب سيارته وتنحجز ويدفع غرامة ويطلعها لأن الكثيرين يوقفون ويسافرون

هذا الحلم الوردي لاينطبق في واقعنا ، وموضوع وقوف السيارات في المواقف لايام هذي بعد مشكلة . ، موشكل كبير يامعماري .

[Charisma]

جميع المجمعات التجارية بتفرض رسوم على المواقف قريبا والذي يحتاج الى شئ يدفع وستختفي ظاهرة احتلال المواقف من السواقين او بياعين المواقف


بالنسبة للمجمعات قد يكون هذا الحل الوحيد ، لان منعهم في استخدام مواقف المجمعات امر صعب ، لكن المستشفيات والمراكز الصحية والمرافق والجهات الخدمية المنع المنع المنع .

[JN000N]

إلحاق ضرر ميييين ، وش بيضر الدريول اللي رابض مكانه ، لو صف على جنب وترك الموقف ؟ ولا الموضوع نحاسه .. نحاسه صح.



شكله نحاسه .:sneaky:

اي نحاااسه :sneaky:
عن نفسي دريولي يقحصونه من موقفه وياخذون الموقف
بافشش توايرهم وبقعد عالموتر لين ايون وبجوف اخرتها وياهم
في ستين الف موقف حبكت الا حذا الباب سودان ماتبون تمشون صح
من سبق لبق:omen2:

[Charisma]

امس رحت اللأند مارك اخذ لي غرض

اول ماوصلت حصلت موقف عند الباب

الواحد لو يصبر اشوي
بيحصل له

بس المشكله البعض فيه استعجال
يبي كل شي بسرعه بسرعه ,,

وفعلآ انا اقول في تقشف في المواقف في الدوائر الحكوميه ,,
ونتمنى زياده عدد المواقف

اما هندي ماله حق يوقف
ولا دريول ماله حق ومن هالكلام الي ماله داعي

محد يقدر يمنع هالشي
لو دريولي واقف ف موقف
مب كفو اي واحد يقوله قم شل موترك

لا من الشرطه ولا من اي شخص

مدام صاف في موقف ولا معرقل الشارع محد له حق ,,

وشكرآ

بومحمد ، ترى الموضوع مافيه أي نوع من التكبر او التعالي او استحقار الدريولية ، الموضوع ومافيه ، هل هم بحاجة للموقف ؟ في الغالب ؟ وحسب مانشوف ؟ لا بصراحة مب بحاجة لشغل الموقف ، وليش قلنا الدريولية ؟ لانهم اكثر ناس يستخدمون المواقف وهم في السياره مايتحركون ، يعني نادر نادر ماتشوف شخص محتل موقف و قاعد في سيارته ساعات شبيسوي يعني فاضي عمل ؟

وبس .. يعني لايتصور لك او يتهيأ لك ان الموضوع فيه تضييق عليهم او معاملتهم معاملة شينا حاشااا وماشااا .

[Charisma]

الظاهر ما لك الا تكنسل شي اسمه سيارة يا كاريزما
وتنتقل للسيكل- البطبطه ^_^

واعلى من هذا كله:

تبيلوت بالبلين يا بايلوت ^_^

الظاهر مافي حل الا نحول فودافون ، شوف بومحمد مرتاح واموره طيبه .. :telephone:

[Charisma]

الحقيقة المواقف ازمة بكل مكان ,, بس انا شفت سواقينكم ,, اتمنى يكون واقف على طول و لا يصير يفتر بالشوارع يسبب حوادث هذا قصدي

مب شرط يفتر ، يوقف على جنب قدام السيارات الواقفه " نفس كروة " .


سؤال معلومات عامة ، كم مرة تم ذكر "على جنب " في هذا الموضوع ؟ ;) ( الجائزة مفاجأة ) .

[وليف الشوق]

يعني اذا انا صاحب مول اكلف ناس يشوفون ويراقبون السيارات اذا كان دريول لين ينزلون معازيبهم واقولهم اطلعوا ؟
وش هالمنطق ؟ للعلم ان المواقف مفتوحه لزوار المول

[Charisma]

اي نحاااسه :sneaky:
عن نفسي دريولي يقحصونه من موقفه وياخذون الموقف
بافشش توايرهم وبقعد عالموتر لين ايون وبجوف اخرتها وياهم
في ستين الف موقف حبكت الا حذا الباب سودان ماتبون تمشون صح
من سبق لبق:omen2:

ذكرت في مشاركة ان محد له حق يجبر السايق يطلع من الموقف ، حتى لو في قانون يمنعهم .


ياجماعة الخير انتوا ماخذين الموضوع كالتالي : شباب زقرتيه رايحين مجمع ، بنت فاضية عمل رايحه تتفرفر في مجمع ، والنقاش كله في هالدائرة ، طيب واللي يبي يراجع المركز الصحي الفلاني ، او يحتاج يروح الطواريء ، او عنده موعد في مستشفى حمد ، او ترخص من شغله كم ساعه يراجع الجهه الفلانيه وضيع وقته وهو يدور موقف ، او متقاعد قاعد من صباح الله خير وحب يتقهوى في اللاند ، يعني الموضوع اكبر من موقف ومجمع .

[Charisma]

لنا عوده .

[JN000N]

ذكرت في مشاركة ان محد له حق يجبر السايق يطلع من الموقف ، حتى لو في قانون يمنعهم .


ياجماعة الخير انتوا ماخذين الموضوع كالتالي : شباب زقرتيه رايحين مجمع ، بنت فاضية عمل رايحه تتفرفر في مجمع ، والنقاش كله في هالدائرة ، طيب واللي يبي يراجع المركز الصحي الفلاني ، او يحتاج يروح الطواريء ، او عنده موعد في مستشفى حمد ، او ترخص من شغله كم ساعه يراجع الجهه الفلانيه وضيع وقته وهو يدور موقف ، او متقاعد قاعد من صباح الله خير وحب يتقهوى في اللاند ، يعني الموضوع اكبر من موقف ومجمع .

وماحصل موقف؟
البلا مب ف الدريوليه البلا في اللي سوا المكان وماحط له مواقف
الحل زيادة عدد المواقف
لانك لو بتقول للدريول اطلع من الموقف خل المراجع ياخذه عشان ينزل موعده جنك تقول له عرقل السير(وقف اي مكان وكل شوي تحرك لين حد بيطوف) او دور لك مكان دبر عمرك (ماتخيل معزبته عيوز ويحوس بسيارتها يمكن بالنعال على قمته مسكين)
وكالعاده انت تتعامل مع هنود وجنسيات مختلفه وبتصير مشكله ثانيه اكبر
ممكن موضوع شارع خاص ف الدريوليه اللي ينتظرون نفس كروه يعني يكون حل ولكن مب حل عملي حتى لان بيسبب زحمه وطوابير وهرانه
زيادة عدد المواقف بشكل عام واكيد خدمة صف السيارات موجودين

[Charisma]

يعني اذا انا صاحب مول اكلف ناس يشوفون ويراقبون السيارات اذا كان دريول لين ينزلون معازيبهم واقولهم اطلعوا ؟
وش هالمنطق ؟ للعلم ان المواقف مفتوحه لزوار المول

مفتوحه لزوار المول ، والسايق ماله حاجة في المول ، ماغير قاعد مكانه ينتظر الو ، وماله داعي تكلف اساسا في كل مجمع في سكيورتيه ينظمون السير .

الزبدة الموضوع مايتكلم عن المجمعات فقط . وسبق وذكرنا ان المجمعات تطبيق المنع فيها اصعب .

[BUHASSEN]

السلام عليكم ورحمة الله
أتفق معاك أخوي كاريزما في أغلب النقاط
وتلقى الأغلبية شاغلين المواقف والناس تدور وتدور وتدور ولا محصلة لها مواقف
عدا عن أن البعض منهم ممكن يتخذها وسيلة للتكسب : عطني مبلغ وخذ موقفي
يوقفون بعيد ومتى ما خلص المعزب أو المعزبة ينادونهم وكان الله بالسر عليماً
وتم التصويت

هاي دريول واحد من الربع نفس الشي يبيع الموقف ويروح لغيره ويقعد يساعد الناس يوم يصفون مواترهم وياخذ المقسوم لما صادوه الامن

صايد البزنس الحبيب

صحييح انا اايد وبقوه الصراحه دام هو ينطر مب لازم ياخذ موقف خاصه في المستشفيات وبعض الجهات الحكوميه يعني مرات ممكن دخلة العياده تقعد لين اربع ساعات انتظار والحبيب صايد الموقف

ومع الحر هو مشغل المكيف لامحاله في الموقف ولا لي صف علي جنب لازم ينشاف حل الصراحه

[Charisma]

وماحصل موقف؟
البلا مب ف الدريوليه البلا في اللي سوا المكان وماحط له مواقف
الحل زيادة عدد المواقف
لانك لو بتقول للدريول اطلع من الموقف خل المراجع ياخذه عشان ينزل موعده جنك تقول له عرقل السير(وقف اي مكان وكل شوي تحرك لين حد بيطوف) او دور لك مكان دبر عمرك (ماتخيل معزبته عيوز ويحوس بسيارتها يمكن بالنعال على قمته مسكين)
وكالعاده انت تتعامل مع هنود وجنسيات مختلفه وبتصير مشكله ثانيه اكبر
ممكن موضوع شارع خاص ف الدريوليه اللي ينتظرون نفس كروه يعني يكون حل ولكن مب حل عملي حتى لان بيسبب زحمه وطوابير وهرانه
زيادة عدد المواقف بشكل عام واكيد خدمة صف السيارات موجودين

كلنا نعرف أن اساس المشكلة قلة المواقف وسوء التخطيط ، والموضوع اقتراح مؤقت ، الدوحه ماشاءالله فل دريولية .


لانك لو بتقول للدريول اطلع من الموقف خل المراجع ياخذه عشان ينزل موعده جنك تقول له عرقل السير(وقف اي مكان وكل شوي تحرك لين حد بيطوف) او دور لك مكان دبر عمرك (ماتخيل معزبته عيوز ويحوس بسيارتها يمكن بالنعال على قمته مسكين)
وكالعاده انت تتعامل مع هنود وجنسيات مختلفه وبتصير مشكله ثانيه اكبر

مب انا اللي اقولة يطلع من الموقف ولا لي الحق ، لكن اقدر اكلم السكيورتي واقولة أني احتاج الموقف بدال ماهو محتله ، واذا تحرك من مكانه ووقف حتى قدامي " على جنب " ، مايعتبر عرقلة للسير لانه في سيارته ويقدر يحركها وكل العالم تمشي على هالنظام .

والموضوع الثاني واللي ماحبيت اثيره بشكل مباشر ، وتكلموا فيه الأخوان ، وهو استغلال الدريولية للمواقف وبيعها على الناس ..

[Charisma]

تغريدات حالية من تويتر ،




مشكلة كبيرة ولازمها حل .. اعاني نفس مشكلة هالبنت والمصيبة يتم السايق واقف مكانه ويشوفك اتدور على موقف ولا يحرك ساكن!!!



كلنا نعاني.. المواقف مأخوذة و السائقين قاعدين في السيارات.. واحنا اللي نبي ننزل ما نحصل مواقف!



سايق ولا غيره من سبق لبق يعني عشان سايق لازم يطلع من الموقف ويخليه لج مب معقولة تبون تسوقون هذا السواقة



صدقتي يقهرووون .. وخاصه مواقف مستشفى حمد والله قبل كم يوم ولدي كان عنده موعد عمره 8 سنين تخيلوا زوجي من الساعه 8 يدور



اليوم بسبب موضوع لي في المحكمة أخذت السواق نزلني وقلت له روح بعيد :secret:



والله بعضهم صارو يستغلون الموضوع ان اذا تبيه يطلع من الموقف تعطيه خمسين او امية ريال!



اذا حصل موقف يوقف. المواقف للجميع وكل واحد وحظه. يعني اذا ما حصلت موقف اقول حق السواق اطلع من الموقف عشان انا آصف! شهالمنطق��!



ترى حاله من حالكم؟ ليكون هو مب آدمي !! مادري شهالناس ؟ ولا تعالو ظ¨ الصبح الباركات فاضية ! احمدوا ربكم على الصحة تقدرون تمشون !



انا استغرب من اللي يقولون حاله حالج لا ياناس هذا ينتظر المعزبه يروح يصف بعيد لين تكلمه ويجيها فيه شياب وحريم وأب مع اطفال اولى



عندنا دريوليه وبعد نسوق المشكله تكمن في اللي يحتل الموقف بالساعات وهو جالس في السياره وغيره يلف بدون جدوى


صح احنا اولى بهالمواقف والمفروض السواقين مايوقفون واغلب السواقيين يأشرون لك تبي البارك ادفع واطلع هاي صرنا انشوفهم في كل مكان



تمييز عنصري، من وين طلعتوا لنا بالموضوع، باقي تقولون نبي مواقف وشوارع للقطريين فقط



مافي قانون بالعالم يمنع السواق ينتظر معزبته وله بس لان اجنبي طيب لو كان قطري ومنزل زوجته حد يقدر يلومه ؟



صح حالهم حالنا ويدور على موقف بس دامه قاعد بالسيارة ومشغل السيارة معناته انه مب محتاج الموقف ويقدر يوقف اي مكان ويحرك السيارة



الصراحةاستغرب من اللي استهزأوفي طلب البنات ليش كل هالسخافة..فعلا طلبها منطقي والسايق دام انه مب نازل ممكن يوقف بعيد لين ينادونه

[JN000N]

انا لو ابي موقف واجوف هندي مستحل موقف عشان يتاجر فيه ويبيعه علي
ماتحرك من مكاني الا ودوريه شايلته قدامي
عسى ماشر موقف عام الدوله حاطته بيبيعه علي بفلوس

[BUHASSEN]

انا لو ابي موقف واجوف هندي مستحل موقف عشان يتاجر فيه ويبيعه علي
ماتحرك من مكاني الا ودوريه شايلته قدامي
عسى ماشر موقف عام الدوله حاطته بيبيعه علي بفلوس

عاد مب كل الناس بيقعدون يبلغون وحاله والواحد جاي لضروره وبيطلع

شر الله المستعان :eek5:

[Charisma]

انا لو ابي موقف واجوف هندي مستحل موقف عشان يتاجر فيه ويبيعه علي
ماتحرك من مكاني الا ودوريه شايلته قدامي
عسى ماشر موقف عام الدوله حاطته بيبيعه علي بفلوس

للامانه مب الكل يعرض عليك انه يتحرك مقابل مبلغ ، لكن الأغلبيه لو تقولة خذ هالمبلغ وحرك ، بيطلع وهو يضحك ، ويمكن ينزل يساعدك وانت تصف .


زمانا خرابهي .

[بومحمد المطاوعه]

بومحمد ، ترى الموضوع مافيه أي نوع من التكبر او التعالي او استحقار الدريولية ، الموضوع ومافيه ، هل هم بحاجة للموقف ؟ في الغالب ؟ وحسب مانشوف ؟ لا بصراحة مب بحاجة لشغل الموقف ، وليش قلنا الدريولية ؟ لانهم اكثر ناس يستخدمون المواقف وهم في السياره مايتحركون ، يعني نادر نادر ماتشوف شخص محتل موقف و قاعد في سيارته ساعات شبيسوي يعني فاضي عمل ؟

وبس .. يعني لايتصور لك او يتهيأ لك ان الموضوع فيه تضييق عليهم او معاملتهم معاملة شينا حاشااا وماشااا .

انت تقول جذي غيرك مايقول جذي ياخوي

لو انا بخلي دريولي صاف فالموقف
اول شي
بكسب عدم الازدحام في الشوارع
ثاني شي
مايستخدم الموتر والمكيف يطحن
ثالث شي
يمكن اثناء تنلقاته للبحث عن الموقف يدعم او يستغل المشوار للتوصيل في السياره

ف ليش اخليه يحوس فالموتر او يروح مكان بعيد والله اعلم هل مسكر السياره او مشغلها والمكيف شغال ,,

طبعآ انا اتكلم من ناحيه اذا قلنا للادريوليه لاتوقفون ف المواقف

انا الوالده الله يحفظها لين راحت مع اخوي الصغير مكان والادريول معاهم
ينزلهم ويدور موقف وينزل من السياره يدخل المجمع يقعد في احدى الكراسي
او يروح له كوفي ويتقهوى

هذي هديه من الوالده تعطيه 20 ريال يتقهوى فيها في اي كوفي داخل المجمع
تقول ادفع له 20 ولا يكسر موتري بالمكيف والموتر صاف وشغال

:nice:

[JN000N]

عاد مب كل الناس بيقعدون يبلغون وحاله والواحد جاي لضروره وبيطلع

شر الله المستعان :eek5:
مااا ودانا ف داهيه الا التعيز
والله الشر ما طلع الا مع هالتجاوزات الي تخلي الواحد غصب يستنزل

[JN000N]

للامانه مب الكل يعرض عليك انه يتحرك مقابل مبلغ ، لكن الأغلبيه لو تقولة خذ هالمبلغ وحرك ، بيطلع وهو يضحك ، ويمكن ينزل يساعدك وانت تصف .


زمانا خرابهي .

سو حركة نذاله
هههههه ادفع له ولين خذها عشان يتحرك قوله هات الفلوس والا بابلغ عليك الشرطه انك تبيع مواقف :happy:

استغفر الله هههههه

[<اضرب واشرد>]

أوافق

الدريول ينزلهم ويصف في مواقف بعيده
ومتى ماخلصوا يتصلون له

[جوال 11]

استفسرت من ادارة مجمع اللولو في الغرافة اذا فرضت المجمعات التجارية القريبة منهم رسوم كيف بيكون ردهم ردوا علي مستحيل نفرض رسوم لكن سنضع حاجز من يشتري من اللولو الموقف مجان اما من يقف ويخرج عليه الدفع وهذه فكرة طيبة شخص بيصرف في المجمع التجاري وبيزور مطعم وفي النهاية يدفع هذا الجشع بعينه

[toyota]

حقوق الانسان ( human rights )

[معماري قطري]

المشكلة الأكبر بعض المولات ومداخل أماكن كثيرة تحصلهم سادين الطريق بوقوفهم على المدخل وانتظار الناس داخل

[Charisma]

انا لو ابي موقف واجوف هندي مستحل موقف عشان يتاجر فيه ويبيعه علي
ماتحرك من مكاني الا ودوريه شايلته قدامي
عسى ماشر موقف عام الدوله حاطته بيبيعه علي بفلوس

مثل هالسيناريو يصادف الشباب أكثر .. والحاله موجوده ومنتشره .

[Charisma]

انت تقول جذي غيرك مايقول جذي ياخوي

لو انا بخلي دريولي صاف فالموقف
اول شي
بكسب عدم الازدحام في الشوارع
ثاني شي
مايستخدم الموتر والمكيف يطحن
ثالث شي
يمكن اثناء تنلقاته للبحث عن الموقف يدعم او يستغل المشوار للتوصيل في السياره

ف ليش اخليه يحوس فالموتر او يروح مكان بعيد والله اعلم هل مسكر السياره او مشغلها والمكيف شغال ,,

طبعآ انا اتكلم من ناحيه اذا قلنا للادريوليه لاتوقفون ف المواقف

انا الوالده الله يحفظها لين راحت مع اخوي الصغير مكان والادريول معاهم
ينزلهم ويدور موقف وينزل من السياره يدخل المجمع يقعد في احدى الكراسي
او يروح له كوفي ويتقهوى

هذي هديه من الوالده تعطيه 20 ريال يتقهوى فيها في اي كوفي داخل المجمع
تقول ادفع له 20 ولا يكسر موتري بالمكيف والموتر صاف وشغال

:nice:

هذا السبب فقط اللي يعرقل الأقتراح بالنسبة للمجمعات ، ولا يحوس او يدور هذا مب عذر لان قلنا يوقف على جنب .. بس اذا في عالم مصممه ينزل خلاص بعد لازم يصف في موقف .

اما بالنسبة لباقي الاماكن من مستشفيات وغيره بصراحه مافي أي عذر ان السايق يوقف .

[Charisma]

سو حركة نذاله
هههههه ادفع له ولين خذها عشان يتحرك قوله هات الفلوس والا بابلغ عليك الشرطه انك تبيع مواقف :happy:

استغفر الله هههههه

:eek5:


حقوق الانسان ( human rights )


:secret:

[Charisma]

أوافق

الدريول ينزلهم ويصف في مواقف بعيده
ومتى ماخلصوا يتصلون له

تعبت وانا اشرح هالنقطه ، قلت يوقفون على جنب قالوا يمكن يبي ينزل .. قلنا بعيد قالوا المواقف للجميع .. قلنا في شياب وفي ناس تتعطل وهي بحاجة للمراجعه او يخلصون مشوار معين ، قالوا من سبق لبق .. :(

[Charisma]

استفسرت من ادارة مجمع اللولو في الغرافة اذا فرضت المجمعات التجارية القريبة منهم رسوم كيف بيكون ردهم ردوا علي مستحيل نفرض رسوم لكن سنضع حاجز من يشتري من اللولو الموقف مجان اما من يقف ويخرج عليه الدفع وهذه فكرة طيبة شخص بيصرف في المجمع التجاري وبيزور مطعم وفي النهاية يدفع هذا الجشع بعينه

هذا حل فعال ، اعتقد الستي سنتر يطبق هالنظام .


الموضوع مب عن المجمعات فقط .. حتى المستشفيات والمراكز الصحيه والجهات الخدميه ، مايصير تنفرض فيها رسوم ..

[Charisma]

المشكلة الأكبر بعض المولات ومداخل أماكن كثيرة تحصلهم سادين الطريق بوقوفهم على المدخل وانتظار الناس داخل

صحيح في بعض الأماكن المواقف والممرات ماتسمح بانهم يوقفون على جنب ، بس الأغلب ان في مساحة كبيرة دون التسبب بأي عرقلة .

[كود نمبر]

المفروض المواقف تكون برسوم رمزيه تابعه للبلديه مش شركات خاصه

[Charisma]

المفروض المواقف تكون برسوم رمزيه تابعه للبلديه مش شركات خاصه

البلدية مالها شغل اذا المواقف تابعه لمجمع او مؤسسة خاصه ، اما اذا تابعه لجهه حكومية ممكن .

[JN000N]

المفروض المواقف تكون برسوم رمزيه تابعه للبلديه مش شركات خاصه

وزارة الاقتصاد سامحة لهم بعدد معين من المواقف