استفسار عاجل بخصوص فيزا بريطانيا للقطريين

[الواعد]

السلام عليكم

من يجاوبني بخصوص فيزا بريطانيا للقطريين

ممكن الموقع حق التقديم ؟ وهل فيه كذا نوع او انها فيزا وحدة ؟

وكم يوم وتخلص ؟ وكم مدتها

وهل لازم اشتري تذاكر طيران قبل مااقدم ع الفيزا ؟

لان يقولون بيطلبون منك في التقديم رقم التذكرة

او موعد السفر ماادري بالضبط

وهل اذا اعطيتهم تاريخ السفر وتأخرت الموافقة

ووصل موعد السفر قبل الفيزا كيف الحل ؟؟؟


ارجو التوضيح

[ذكي جدااا]

اذا بتروحون سياحة يبي لكم ويفر مش فيزة تسوونها اونلاين وسمعت انه في مكاتب تسويها لكم طبعا لازم تقدم على الويفر اقل شي قبل السفر ب 48 ساعه. فأحسن شي تقدم على الويفر من الحين هذا اذا زيارتكم سياحة وبتقعدون اقل من ست شهور. في حال اكثر من ست شهور او لغرض اخر غير السياحة بتحتاجون فيزة تنحط بالجواز

[ذكي جدااا]

اسأل المكاتب حق تخليص المعاملات اللي عند دوار الجوازات سمعت ان بعضها يسوي لك الويفر بس انت اسأل شنو المطلوب لكن للامانه انا ماجربت اسوي عند اي مكتب ولا اعرف اذا شغلهم زين ولا لا بس هذا اللي اسمعه من الشباب

[الواعد]

جزاك الله خير اخوي ع الرد

سياحية طبعا

هل هذي الصفحة المقصودة ������������

https://www.electronic-visa-waiver.service.gov.uk/start#nationality

الاسئلة مكتوبة بالعربي فهل هي صحيحة ؟؟؟

لان البعض يقول في نوعين نوع للمدة القصيرة ونوع للمدة الطويلة

فخايف اعبي وفي الاخير يطلع غلط

[ذكي جدااا]

والله ماعندي فكرة بس ياليت ينقلون موضوعك لقسم السياحة والسفر بيردون عليك الأعضاء. او ممكن تبحث بقسم السياحة والسفر لانه اتوقع كانت في مواضيع مشابهه لموضوعك.

[سلامي للكل]

وعليكم الســلام ورحمــة الله وبركاته اخوي

رابط الموقــع

https://www.visa4uk.fco.gov.uk/home/welcome

اتبع التعلميات كما في الموقع

والتقديم لازم يكون قبل موعد الرحلة بـ 48 ساعة (اقل مدة مسموح بها التقديم)

يجب تحديد اسم الناقلة والوقت ورقم الرحلة

اخوي ما في شيء اسمه موافقة على حسب معرفتي

قدم على الفيزا وقدم المعلومات المطلوبة بدقة

واطبع الطلب وامورك طيبة ان شاء الله

اي تغيير في البيانات (مثال: وقت الرحلة) مسموح ولكن قبل 48 ساعة


وبالتوفيــق

[الواعد]

الله يجزاك خير اخوي

بس بخصوص هالموقع

https://www.visa4uk.fco.gov.uk/Application/SelectVisa?onBehalfOf=O

سجلت فيه وبعدين دخلت بايميلي وكلمة السر

واخترت ماي ابليكيشن

وانا اعبي المعلومات لما وصلت الجنسية واخترت قطر

طلعت لي ملاحظة بالاحمر ان اصحاب جنسية

قطر وعمان والكويت يمكنهم تقديم اعفاء الكتروني

من هذا الموقع


https://www.electronic-visa-waiver.service.gov.uk/start#nationality

فهل اعبي اللي في موقع ويفر الفيزا الالكتروني ؟؟

[cavok]

انا خذتلي فيزا بؤ عشر سنوات وريحت بالي وأي وقت ادق لندن برأسي أكون بالطيارة مثل ما ايقولون قط افلوسك بالشمس واقعد بالظلال واللهم لك الحمد

[بوNasser]

الله يجزاك خير اخوي

بس بخصوص هالموقع

https://www.visa4uk.fco.gov.uk/Application/SelectVisa?onBehalfOf=O

سجلت فيه وبعدين دخلت بايميلي وكلمة السر

واخترت ماي ابليكيشن

وانا اعبي المعلومات لما وصلت الجنسية واخترت قطر

طلعت لي ملاحظة بالاحمر ان اصحاب جنسية

قطر وعمان والكويت يمكنهم تقديم اعفاء الكتروني

من هذا الموقع


https://www.electronic-visa-waiver.service.gov.uk/start#nationality

فهل اعبي اللي في موقع ويفر الفيزا الالكتروني ؟؟

ايه نعم تعبي في ويفر الفيزا الالكتروني

https://www.electronic-visa-waiver.s...rt#nationality

[لبيبة]

وعليكم السلام ورحمة الله وبركاته،

الويفر هو النظام الجديد، اول شي تكون عندك صورة من الجواز واضحة وبصيغة JPG وتحملها على الموقع لما ينطلب منك، وتخلص الاجابة على كل الاسئلة بدقة، وبتجيك الموافقة على ايميلك اللي عطيتهم اياه. ولا تعني هالموافقة ان اكيد بتدخل لأن هذا أمر بيد موظف الجوازات في بريطانيا وهو اللي بيقرر تدخل او لا بناء على بياناتك اذا مطابقة للجواز وصحيحة.

https://www.electronic-visa-waiver.service.gov.uk

[الواعد]

جزاكم الله خير جميع وانا بالفعل عبيت الطلب

ودققت على معلوماتي ‎%‎100 حتى اسمي اللي هو اسمي

قعدت ادقق فيه حرف حرف ههههههه علشان مايصير اي خطأ

هم كاتبين خلال 24 ساعة بيوصل الرد يعني مب يومين او ثلاثة

[الواعد]

ماشاء الله ساعتين الا واصلني الايميل

وفيه ورقة الاعفاء من الفيزا


بصراحة خدمة سريعة ماشاء الله

مكتوب فيها التوقيع وجنبه مكان فاضي

فهل اوقع او لا ؟؟؟؟

خايف اسوي شي ويطلع غلط او مب لازم

هل اوقع على الورقة بعد مااطبعها ؟؟؟؟

[لبيبة]

ماشاء الله ساعتين الا واصلني الايميل

وفيه ورقة الاعفاء من الفيزا


بصراحة خدمة سريعة ماشاء الله

مكتوب فيها التوقيع وجنبه مكان فاضي

فهل اوقع او لا ؟؟؟؟

خايف اسوي شي ويطلع غلط او مب لازم

هل اوقع على الورقة بعد مااطبعها ؟؟؟؟

اطبعها وودها معاك بدون توقيع وان طلبوا منك التوقيع وقعها جدامهم.

[الواعد]

للي بيقدم على ورقة الاعفاء من الفيزا ( ويفر )

بيكون من الاسئلة سؤال عن الرمز البريدي للعنوان في بريطانيا97798

انا اخذته من عنوان الفندق في بوكينق مجرد 6 حروف بينها مسافة

مثل هذا : W1h 7dl

[الواعد]

للعلم ورقة الاعفاء من الفيزا ( ويفر )

رسومها : 74 ريال ( 15 جنيه استرليني )
للشخص الواحد

اعتقد كانت الفيزا مجاناً

[ذكي جدااا]

للعلم ورقة الاعفاء من الفيزا ( ويفر )

رسومها : 74 ريال ( 15 جنيه استرليني )
للشخص الواحد

اعتقد كانت الفيزا مجاناً

لا اخوي الواعد مافي اي فيزة مجانا وكنت تدفع حسب نوع الفيزة ومدتها. وكانت توصل فوق الألف ريال اذا طلبت خدمة البريمير معاها. اما 75 ريال فهذه تعتبر ولا شي

[بوخالد911]

للعلم ورقة الاعفاء من الفيزا ( ويفر )

رسومها : 74 ريال ( 15 جنيه استرليني )
للشخص الواحد

اعتقد كانت الفيزا مجاناً

العام سويت لي وللعيال والأهل.
مجانية.
ولا دفعت ولا شي.
تأكد من ادخال بيانات الرحلة بدقة.

[ذكي جدااا]

من 2016 تم تفرض رسوم 15 جنية إسترليني
http://www.raya.com/mob/getpage/f6451603-4dff-4ca1-9c10-122741d17432/09a7d8d3-c0e1-4513-98c1-d00f8389f925

[hamoor4ever]

سويتها انا بسفريات ريجنسي او اي سفريات يسوونها لك اذا خايف من الاخطاء وبالتوفيق

[مخطط قطري]

صحيح العام كانت مجانيه والحين بفلوس وبعدين في مكتب يسويها بسعر معقول وجيد اسمه الرفاع في الغرافه كان ياخذ 50 والي دلنا عليه واحد من الاعضاء هنيه ف المنتدى اسمه بوحارب جزاه الله خير