نعم ، استفدت من الواسطة !!

[غريب الدّار]

السلام عليكم

مساكم الله بالخير :)

كلنا نشوف ونسمع الدعوات للقضاء على الواسطة ، وتقريبا الكل مجمع على ذلك (تقريبا)

سؤالي للي يدعو إلى ذلك :
هل كل حياتك مشت بدون واسطة؟ قصدي ولا عمرك جربت ان يمشي موضوعك بالواسطة ؟ ولا مرة حد توسط لك؟

مب معنى هالكلام اني مع او ضد الواسطة
لكن هل عندك الجراة انك قول نعم للواسطة ، او نعم استفدت من الواسطة وايد


والله يوفق الجميع

[شبح الصمت]

وعليكم السلام ورحمة الله وبركاته ،،،


سبحان كانك قاعد تقرأ افكاري توني ابي اطرح موضوع عن الواسطه ودرجاتها ..

في واسطات تحس انك قاعد تساعد فيها محتاج شخص لحاجة ضرورية
وفي واسطات ياخوي تحس انه في فئات كثيرة محتاجتها وانت قاعد تتجاوز هالفئات عشان تتوسط للي تعرف

انا مع الواسطة في بعض الامور الضرورية
بتقول لي كلهم نفس الشي
بقولك اي نعم نفس الشيء الواسطة اهي الواسطة ..


لكن انك تسعى في حاجة شخص والا تخرب على غيره اي نعم انا معاه .
ولكن تسعى في حاجة شخص وفي غيرهم نفس الحاجة فهالشيء صراحة مب مؤيد له..


وجزاك الله الف خير

[بانغ بانغ]

من اجمل المواضيع واللي ايعاني منها كل فرد في المجتمع ... احييك عليه

الواسطة او بالانجليزي nepotism وهو مصطلح جديد ...... اصبح جزء لا يتجزا من اي مجتمع واستشرى عندنا بشكل رهيب بسبب الاتكالية المفرطة في انهاء كل شخص لاجراءاته بنفسه وبسبب تكالب البعض على مفهوم " هذا رفيجي بيمشي اموري "

فتكونت الواسطة او التوسط ...

[رافت]

نعم أنا استفدت من الواسطة
وكنت واسطة لبعض الناس

الموضوع جميل جدا وتعليقي مثل ما الأخوان قالو ان الواسطة جزء من المجتمع ولازم تكون بالأمور الضرورية

[غريب الدّار]

وعليكم السلام ورحمة الله وبركاته ،،،


سبحان كانك قاعد تقرأ افكاري توني ابي اطرح موضوع عن الواسطه ودرجاتها ..

في واسطات تحس انك قاعد تساعد فيها محتاج شخص لحاجة ضرورية
وفي واسطات ياخوي تحس انه في فئات كثيرة محتاجتها وانت قاعد تتجاوز هالفئات عشان تتوسط للي تعرف

انا مع الواسطة في بعض الامور الضرورية
بتقول لي كلهم نفس الشي
بقولك اي نعم نفس الشيء الواسطة اهي الواسطة ..


لكن انك تسعى في حاجة شخص والا تخرب على غيره اي نعم انا معاه .
ولكن تسعى في حاجة شخص وفي غيرهم نفس الحاجة فهالشيء صراحة مب مؤيد له..


وجزاك الله الف خير




سبحان كانك قاعد تقرأ افكاري توني ابي اطرح موضوع عن الواسطه ودرجاتها ..


الموضوع موضوعك ياشبح اطرح اللي تبي
افا عليك


في واسطات تحس انك قاعد تساعد فيها محتاج شخص لحاجة ضرورية
بس ماتشوف ياشبح ان بهالطريقة يمكن تتجاوز على المستحقين ؟
وغير جذيه المشكلة ان اللي ماعنده يتوهق حتى لو علشان حقه



انا مع الواسطة في بعض الامور الضرورية
أمور ضرورية مثل وشو ياشبح ؟
ولا تنسى ان حتى في الأمور اللي تقول عنها ضرورية اكيد غيرك اللي ماعنده واسطة بياكلها
بل يمكن تتجاوز على الي مستحق فعلا !!

أقول يمكن
ويمكن رايك هو صح


وجزاك الله كل خير ويامرحبا بك

[الحياة الخالدة]

امبلى .. نستفيد منها
للأسف في أمور المفروض ما تدش فيها الواسطة .. لأنها ببساطة حق من حقوقنا .. لكن غيرنا تخطانا بواسطة ثانية و أخذها

[عذبه الخيال]

[color="#ff0000"]الحياه سارت ما تمشي بدون واسطه للاسف والسبب عدم تطوير الانظمه بحيث تغطي حاجه السكان الي في تزايد
يعني الانظمه الحكوميه مشيره ع سنه ظ،ظ©ظ*ظ*و عظمه
[/مثال بسيط مين ما احتاج يروح طواري حمد ومين ما تبهدل فيها وتنقع لين جاه دوره وفي النهايه نكتشف ان في طبيبين هم الي مناوبين ولازم يعالجون خمسين شخص في الانتظار
وغير ان مافي غرف فحص اتكفي لعلاج هالعدد من المرضى
سووو
طبيعي الكل يضطر يستحدم الواسطه عشان يقدر يمشي اموره color]

[ya3coub]

نعم الواسطة تكون في أماكن كثيرة و اعترف استفدت منها و مرات الأسم او المعرفه الشخصية بالوالد او الحد افراد العائلة يلعب دور كبير من الإهتمام.

بس عمري ما قبلت واسطة تأخر او تعطل او تاخذ الحق من شخص ثاني, و كانت سبب اني قدمت استقالتي من احد الجهات لأنهم لما يكلموني او يتعاملون معاي كأنهم يتعاملون مع ابوي و افراد العائلة.


الواسطة لها درجات و مراحل في ناس تاخذ اشياء و تعطل غيرها من غير وجه حق, هاي الي ما يختلف عليها اثنين بأنها غير مرغوبة و كلنا نستنكرها.


بس اذا رحت مكان اخلص معاملة و الرجال بنفسه مشاني او خلصني بسرعه ما بقوله لا بصراحة و ما تكون بطريقه واضحة بحيث يتضايق من كان ينتظر من قبلي.

احتجت و ابحث عن واسطة إلى الآن في جهة وحدة بس و مع اني استخدمها عندما القى الوسيلة.


في بعض الجهات المتحبطة الي قراراتها او شروطها متناقضة ببعضها او تحتاج "لجنة" الواحد يضيع و يتاج شخص من الداخل لكي يدفع الملف إلى الأمام او يتم الرفض رسميا بدال ما يتعلق الشخص و المواطن

[الدكتور عزوز]

مع ان لدي واسطات كثيرة ، الوالد الله يرحمه كان ممكن يتوسط لي ويوظفني أول ما تخرجت بحكم منصبه لكن قال ما اتوسط لك ولا راح اعطيك حق غيرك وهذا راح ينحسب عليك قدام رب العالمين

خالي وزير وعمي رئيس تنفيذي في أحد الشركات الكبرى ولدي العديد من الواسطات الواصلة بمناصب وكلاء وزارات ومدراء

لكن بكل بساطة استحي اطلب واسطة أحد ولا أقبل اتوسط لأحد اذا لي حق باخذه واذا لاحد حق بياخذه

صحيح في بعض الامور تتأخر أو ما تصير بسبب المحسوبيات اللي يقوم بها بعض المسؤولين لكن الله فوقهم وبإذن الله لن ألجأ للواسطة الا في مسألة حياة أو موت

[كيلو حديد]

في نظري الواسطة رشوة معنوية
تكون مذمومة عندما يتعلق الأمر بالعمل والأمور العامة والتي ليست ملكا للشخص
وتكون محمودة عندما تتعلق بالعمل الخاص
مثلا موظف في وزارة لو كان واسطة لأحد بموضوع يقدم له الكثيرين تصبح مذمومه
وتكون محمودة في حال أظهر كرمة بشركته الخاصه أو بموارده وممتلكاته الخاصه

تكون مذمومه عندما يكون هناك من هو أفضل من المتوسط له
وتكون محمودة عندما توصل من يستحق للمكان الذي يستحقه

طبعا ما الحكم في كل هذا سوى الحق فقط ..

[بوسيف الهاجري]

انا مع الواسطه للمصلحه العامه ولمساعده الاخرين
اذا في يدك تقدر اتساعد واحد مسكين اومحناج وانت عندك القدره للمساعده
لا اعتبرها واسطه لتخطي الاخرين انما عمل خير لوجه الله

[بوخالد911]

نعم
انتفعت سابقاً.

[بانغ بانغ]

للرفع لاهميته

وبما ان هناك موضوع مشابه .... معناتها ان الموضوع جد الا وهو الواسطة

[غريب الدّار]

للرفع لاهميته

وبما ان هناك موضوع مشابه .... معناتها ان الموضوع جد الا وهو الواسطة
يامرحبا يابانغ

يخوي انت ترفع وتكبس في أي وقت وتحذف بعد لو تبي (او تقدر)
الموضوع موضوعك والمكان مكانك


ولي عودة باذن الله للردود يابانغ
بس يخوي مالاحظت شغلة :
الواسطة تقريبا الكل مجمع عليها وعلى استخدامها وان اختلفت الدوافع !!

وطبعا كلٍ له رايه والكل على العين والراس

[بانغ بانغ]

يامرحبا يابانغ

يخوي انت ترفع وتكبس في أي وقت وتحذف بعد لو تبي (او تقدر)
الموضوع موضوعك والمكان مكانك


ولي عودة باذن الله للردود يابانغ
بس يخوي مالاحظت شغلة :
الواسطة تقريبا الكل مجمع عليها وعلى استخدامها وان اختلفت الدوافع !!

وطبعا كلٍ له رايه والكل على العين والراس

ههههههه من زمان ما لعبت طائرة ..

اي والله الحين حتى في خردة العيد ... واسطة
والله العظيم من سنتين دخلت واسطة في مكتب وزير الصحة عشان اصدار شهادة وفاة حق مصري عشان ايسفرونه ربعه ويدفنونه في بلاده في وقت سريع وما قصروا


اعوذ بالله مب لهالدرجة

[بنت شرق]

سؤال إذا الكل يستخدم الواسطة فهل نكون مجتمع يؤمن بالحقوق واعطائها أم بالواسطة ونفاذها
الواسطة معناها قدمت نفسك واعطاء الأولوية لك في حق مع أنه بالتأكيد هناك من هو أولى منك به سواء حاجة أو استحقاقا
ولكنك رضيت أن تنافس الأخرين على الحق وتقدم نفسك لأنك ترى نفسك أولى من غيرك بالحق أو مماثل له أو يجب أن تعلو عليه

[بانغ بانغ]

عندما نحكم بنفس منهج عمر رضي الله عنه ... بتختفي الواسطة

وان شاء الله اسم عمر ما راح يضايق البعض

[بنت شرق]

عندما نحكم بنفس منهج عمر رضي الله عنه ... بتختفي الواسطة

وان شاء الله اسم عمر ما راح يضايق البعض
حتى لو ضايق البعض من الشيعة يبقى عمر رضي الله عنه نار على علم
هناك كتب كثيرة تناولت سيرته العطرة منها كتاب عبقرية عمر للعقاد
وفي نفس الوقت صعب أن نرى خليفة كعمر فالزمن لايجود ولن يجود بمثله

[بوخالد911]

عندما نحكم بنفس منهج عمر رضي الله عنه ... بتختفي الواسطة

وان شاء الله اسم عمر ما راح يضايق البعض

رضي الله عنه وأرضاه.
قاهر المجوس.
:).

[جبر ال جبر]

لا للواسطه يمناك ولا انسدح

[كيلو حديد]

عندما نحكم بنفس منهج عمر رضي الله عنه ... بتختفي الواسطة

وان شاء الله اسم عمر ما راح يضايق البعض

رضي الله عنه
لا يوجد على وجه الأرض من يحمل في جنبات نفسه من النبل والكرم والشهامة والمرؤة و الصدق والعقل
ويقرأ عن عمر إلا حبه واحترمه و وضعه على رأسه تقدير لهذا الرجل العظيم

[بانغ بانغ]

اتصدقون في ناس اتدور واسطه عشان تسجيل ابناؤهم في تحفيظ القرآن او البرامج الرياضية

تعيش الواسطة

[captin]

مع ان لدي واسطات كثيرة ، الوالد الله يرحمه كان ممكن يتوسط لي ويوظفني أول ما تخرجت بحكم منصبه لكن قال ما اتوسط لك ولا راح اعطيك حق غيرك وهذا راح ينحسب عليك قدام رب العالمين

خالي وزير وعمي رئيس تنفيذي في أحد الشركات الكبرى ولدي العديد من الواسطات الواصلة بمناصب وكلاء وزارات ومدراء

لكن بكل بساطة استحي اطلب واسطة أحد ولا أقبل اتوسط لأحد اذا لي حق باخذه واذا لاحد حق بياخذه

صحيح في بعض الامور تتأخر أو ما تصير بسبب المحسوبيات اللي يقوم بها بعض المسؤولين لكن الله فوقهم وبإذن الله لن ألجأ للواسطة الا في مسألة حياة أو موت






جزاك الله خير ورحم الله الوالد اللي زرع فيك خصلة الاعتماد على النفس في كل شي

للاسف صرنا نعيش كل انواع الواسطة وبمختلف مستوياتها في حياتنا ليل نهار.

حتى ابسط المواضيع الروتينية اليومية في الدوائر الحكومية صرنا قبل ما نروح البلدية
او العمل او اي من الوزارات نتصل بفلان وفلتان نقول لهم لي الموضوع الفلاني صار له فترة
ما عليك امر خلصه بامر عليك او باطرش لك مندوب ياخذه.

كان بأمكان هذا الموظف او المسؤول انجاز هذا الموضوع بدون اتصال او واسطة .

وهناك واسطات كبرى في مجالات منح الاراضي والمزارع والشاليهات
والتوظيف والابتعاث وترسية المناقصات
بمليارات الريالات وغيرها كثير.

https://islamqa.info/ar/105449


يَوْمَ تَأْتِي كُلُّ نَفْسٍ تُجَادِلُ عَن نَّفْسِهَا وَتُوَفَّىٰ كُلُّ نَفْسٍ مَّا عَمِلَتْ وَهُمْ لَا يُظْلَمُونَ (111)

[qtr qtr]

في امور تجبرك انك تدور واسطه للحاجه والاهميه بسبب موظف يعطل معاملتك او مماطله من جهه اداريه وامور اخرى
وانا بطبعي احب اساعد اي شخص في مجال عملي دون تعطيل الغير .

[Miss]

فهالوقت الامور ما تمشي بدونها
الحمدلله اموري كلها تخلص بها
لكن لو ما كانت عندي هالواسطه
شراح يصير !
الله يعين اللي ما عندهم

[غريب الدّار]

فهالوقت الامور ما تمشي بدونها
الحمدلله اموري كلها تخلص بها
لكن لو ما كانت عندي هالواسطه
شراح يصير !
الله يعين اللي ما عندهم

مرحبا اختي ميس

اشكرج على صراحتج :)


بس هل تعتقدين انج باستخدامج للواسطة ممكن تاخذين حق مهب لج مثلا؟ ام انج تشوفين ان الواسطة ضرورية لأخذ الحقوق وليس سلبها ؟

[مخطط قطري]

الواسطه في وجهه نظري شر لابد منه لانها صارت متشعبه وداخله في كل شي ومع الاسف بعض صناع القرار يساعد فيها ويشجع عليها خصوصا اذا كان رافع شعار الي مافيه خير لولد عمه مافيه خير للناس

[غريب الدّار]

خصوصا اذا كان رافع شعار الي مافيه خير لولد عمه مافيه خير للناس
ههههههههههههههههههههههههههه
للأسف كلام واقعي يامخطط قطري

[Miss]

مرحبا اختي ميس

اشكرج على صراحتج :)

بس هل تعتقدين انج باستخدامج للواسطة ممكن تاخذين حق مهب لج مثلا؟ ام انج تشوفين ان الواسطة ضرورية لأخذ الحقوق وليس سلبها ؟
لا ان شاء الله ما راح اخذ حق مب لي
بس فيه اشياء بتحتم وجودي ورايحه وراده( ومرمطه )نوعا ما
وبالواسطه ما راح امر بهالامور وما راح انطر الدور الصراحه
وعلى قولة الشياب (الحقوق تبي حلوق ) :)

[غريب الدّار]

لا ان شاء الله ما راح اخذ حق مب لي
بس فيه اشياء بتحتم وجودي ورايحه وراده( ومرمطه )نوعا ما
وبالواسطه ما راح امر بهالامور وما راح انطر الدور الصراحه
وعلى قولة الشياب (الحقوق تبي حلوق ) :)

ايه بالله تبي حلوق
ومثل ماقال الشاعر :
هذا الزمن يبغا له لسان دلال
من يستحي هالوقت واعزتي له


عساج لاتظلمين ولا تنظلمين اختي انتي ومن يقرا

[kx11]

الواسطه في وجهه نظري شر لابد منه لانها صارت متشعبه وداخله في كل شي ومع الاسف بعض صناع القرار يساعد فيها ويشجع عليها خصوصا اذا كان رافع شعار الي مافيه خير لولد عمه مافيه خير للناس

هههههههه هذي مشكلتنا يا تساعد ولد عمك بالواسطه و لا مافيك خير

[غريب الدّار]

هههههههه هذي مشكلتنا يا تساعد ولد عمك بالواسطه و لا مافيك خير

وهل انت تطبق هالمبدأ اخوي؟
ولا ماعندك يمين يسار والقانون يمشي على الكل ؟

[جبر ال جبر]

الواسطه في وجهه نظري شر لابد منه لانها صارت متشعبه وداخله في كل شي ومع الاسف بعض صناع القرار يساعد فيها ويشجع عليها خصوصا اذا كان رافع شعار الي مافيه خير لولد عمه مافيه خير للناس

بالعكس هذا المسؤل الكفو الي يساعد عيال عمه وربعه تاكد انه مب مقصر في الناس الباقين دام فيه خير لعيال عمه وانا شخصيا لو يجيني ولد عمي وانا مسؤل لقلطه عليهم ويبشر بعزه
ولكن اذا الشخص الغريب شهادته اعلى ويستحق مثلا مكان معين مب مقصر فيه بعطيه حقوقه وبسانده ومب مخلي ولد عمي هذا التصرف الصح
ووهالشي الي حاصل دايمن الواسطه فوق القانون والعمي البصر والبصيره يقول عكس ذلك التفت حولك وشوف انه هالكلام هو الصح

[غريب الدّار]

بالعكس هذا المسؤل الكفو الي يساعد عيال عمه وربعه تاكد انه مب مقصر في الناس الباقين دام فيه خير لعيال عمه وانا شخصيا لو يجيني ولد عمي وانا مسؤل لقلطه عليهم ويبشر بعزه
ولكن اذا الشخص الغريب شهادته اعلى ويستحق مثلا مكان معين مب مقصر فيه بعطيه حقوقه وبسانده ومب مخلي ولد عمي هذا التصرف الصح
ووهالشي الي حاصل دايمن الواسطه فوق القانون والعمي البصر والبصيره يقول عكس ذلك التفت حولك وشوف انه هالكلام هو الصح
الواسطة فوق القانون بعض المرات عمليا ياجبر
معاك محد يقدر ينكر هالشي

وماابي ادخل طبعا في موضوع نسبة الفساد في قطر من ناحية كونها ولله الحمد قليلة جدا مقارنة بدول كثيرة لانها مب موضوعنا

لكن :
لما تقول انك بتقدم عيال عمك ، وش يعني هالشي؟؟ بتقدمهم على من؟

هو ياانك تقدمهم على غيرهم ولا ماتقدمهم


اما انك تقابل الناس وتوجبهم وتحاول تساعد الكل فهالشي المفروض ينطبق على عيال عمك وغيرهم


صحح لي اذا كنت غلطان

لاني فهمت من جملتك الأولى انك مع الواسطة
عقب فهمت انك ضد !!!

[جبر ال جبر]

الواسطة فوق القانون بعض المرات عمليا ياجبر
معاك محد يقدر ينكر هالشي

وماابي ادخل طبعا في موضوع نسبة الفساد في قطر من ناحية كونها ولله الحمد قليلة جدا مقارنة بدول كثيرة لانها مب موضوعنا

لكن :
لما تقول انك بتقدم عيال عمك ، وش يعني هالشي؟؟ بتقدمهم على من؟

هو ياانك تقدمهم على غيرهم ولا ماتقدمهم


اما انك تقابل الناس وتوجبهم وتحاول تساعد الكل فهالشي المفروض ينطبق على عيال عمك وغيرهم


صحح لي اذا كنت غلطان

لاني فهمت من جملتك الأولى انك مع الواسطة
عقب فهمت انك ضد !!!
مرحبا ومسهلا ياغريب اعرف انك استحسيت من الموضوع لانك غريب مب من هل البلاد ههههه ( دعابه)

ثاني شي اختلف معاك كليا لا الواسطه 99% فوق القانون مش مرات واذا تبي امثله حيه وواقعيه مستعد اسردها لك هنيه بس هذا مش مقام لذلك ومانبي نتشعب وايد في هالموضوع لانه مطاطي وكبير
ثالث شي طال عمرك انا مع الواسطه قلبا وقالبا اذا هي في خير وفي منفعه للعباد والبلاد وهذا الي فهمته انت من جملتي الاولى هنا انا مع الواسطه
ثاني شي انا ضدها اذا كانت بتسبب مضره او مشكله او تكون سبب في قطع رزق انسان ( مع اني مؤمن ايمان تام بانه الارزاق بيد الله )
عيال عمي مقدمين في كل شي واعتقد احنا في دوله قطر مجتمع قبائل وفزعتك ونخوتك لعيال عمك مش نوماس او شي تفتخر به لانه واجب مفروض عليك وولد عمي كانه اخوي بضبط
لمن يجيني في حاجه ماوصلني الا يدري انها بتم له وخالصه وهذي الي يسمونها الواسطه
تعال مثلا للسلك العسكري في الدوله المرشحين لازم واسطه تعال للسلك الدبلوماسي صار وراثه اذا جدك او ابوك في الخارجيه انت بتشتغل مالك حد يشتغل هناك قدم ف الابراج المجاوره الماليه او البلديه والبيئه وغيرهم
وهالكلام واضح للجميع انه الواسطه شي مهم جدا وانا شخصيا استفدت منها في امور كثيره الحين لبقيت اخلص لي شغله في اي مكان في الدوله وكل شي قانوني والامور طيبه بس مساله الروتين القاتل والمعامله تقعد اسابيع وشهور اخلصها وانا واقف لانه عندي ناس في هالاماكن الحكوميه او الخاصه نفس التطبيقات الذكيه حاليا في اجهزه الجوال تخلص كل شي بدقايق احنا سبقنا الزمن ونزلنا هالتطبيق منذ مبطي ( تطبيق الواسطه)

[الماريّة]

السلام عليكم

مرحبا بك اخوي غريب الدار

يقول تعالى: (نحن قسمنا بينهم معيشتهم في الحياة الدّنيا
ورفعنا بعضهم فوق بعض درجات ليّتخذ بعضهم بعضاً سخريّاً)،

بالدليل من الايه السابقه انا ماساميها واسطه
ولكن افضل سخريا ان الله سبحانه سخر ناس لخدمه ناس
وهذا كله بفضل ربي

لما يكون شخص عنده امكانيات في مساعده اخوه المسلم في امور الحياه
فهذا شي حسن
وتأكد ان كل شخص يسخر نفسه لخدمه الناس فان الله بيسخر له الخير كله

وانا عني ولله الحمد استفدت وسخر لي ربي ناس كثيره في بعض
من امور حياتي الله يكثر من امثالهم


والله يجزيك كل خير على الموضوع


/
\
/
\

[غريب الدّار]

السلام عليكم

مرحبا بك اخوي غريب الدار

يقول تعالى: (نحن قسمنا بينهم معيشتهم في الحياة الدّنيا
ورفعنا بعضهم فوق بعض درجات ليّتخذ بعضهم بعضاً سخريّاً)،

بالدليل من الايه السابقه انا ماساميها واسطه
ولكن افضل سخريا ان الله سبحانه سخر ناس لخدمه ناس
وهذا كله بفضل ربي

لما يكون شخص عنده امكانيات في مساعده اخوه المسلم في امور الحياه
فهذا شي حسن
وتأكد ان كل شخص يسخر نفسه لخدمه الناس فان الله بيسخر له الخير كله

وانا عني ولله الحمد استفدت وسخر لي ربي ناس كثيره في بعض
من امور حياتي الله يكثر من امثالهم


والله يجزيك كل خير على الموضوع


/
\
/
\

راح ارجع لك اخوي العزيز جبر

بس ارد على اختنا الكريمة الماريّة :


اول شي ياهلا ومرحبا فيج يالمارية شرفتي موضوع اخوج

ثاني شي : شدعوة يالمارية هذا تفسير الآية؟ ؟؟؟؟؟ !!!! الله يشجعنا على الواسطة ؟؟؟ افا عليج بس

اذا الرسول عليه السلام بنفسه يقول لو ان فاطمة بنت محمد سرقت لقطعت يدها
وقال قبل : اتشفع في حد من حدود الله ؟


مافي واسطات في الإسلام ابد

الآية اللي ذكرتيها معناها ان الكل مسخّر لخدمة الثاني ، يعني انا مااقدر أعيش بدون طبيب ، والطبيب مايعيش بدون مهندس ، وهكذا

مب تشجيع على الواسطات (بغض النظر اذا كانت الواسطات منتشرة او غير منتشرة ، موجودة او غير موجودة )

ويامرحبا بج

[Miss]

ايه بالله تبي حلوق
ومثل ماقال الشاعر :
هذا الزمن يبغا له لسان دلال
من يستحي هالوقت واعزتي له


عساج لاتظلمين ولا تنظلمين اختي انتي ومن يقرا
آميين
ومن قال

[مرتبش]

مهما كانت استفادة البعض من الواسطة ومدى قبولها اجتماعيا لكنها خطأ . خطأ على الطرفين المستفيد ومقدم الخدمة.. فيها ظلم للناس ..فيها تشجيع على عدم الالتزام بالقانون..فيها تشجيع على مبدأ فيدني وافيدك واذا ماتفيدني الله يسهل دربك..
والامثلة كثيرة في حياتنا

[Miss]

مهما كانت استفادة البعض من الواسطة ومدى قبولها اجتماعيا لكنها خطأ . خطأ على الطرفين المستفيد ومقدم الخدمة.. فيها ظلم للناس ..فيها تشجيع على عدم الالتزام بالقانون..فيها تشجيع على مبدأ فيدني وافيدك واذا ماتفيدني الله يسهل دربك..
والامثلة كثيرة في حياتنا
صحيح انا معاك
بس لو شفنا الواقع محد ضايع غيرنا
والاجنبي يوظف كل اللي يبغيهم حواليه
هي غلط وصح في نفس الوقت فهالزمن

[العرابي]

ليت يتم محاسبه كل شخص يستخدم واسطته وسلطته في غير محلها


عن نفسي ممكن اكون استفدت من الواسطه

لكن لو الكل يمشي بالقانون كنت راح اخذ حقوقي او الشي الي مقدم عليه كامله من دون واسطه ولا هم يحزنون

لو الجميع يمشي بالقانون ولا يستخدم سلطته في امور تسيء لجهه عمله او لدولته

كان الكل محصل عمل والكل محصل سكن له ولاهله

[غريب الدّار]

ليت يتم محاسبه كل شخص يستخدم واسطته وسلطته في غير محلها


عن نفسي ممكن اكون استفدت من الواسطه

لكن لو الكل يمشي بالقانون كنت راح اخذ حقوقي او الشي الي مقدم عليه كامله من دون واسطه ولا هم يحزنون

لو الجميع يمشي بالقانون ولا يستخدم سلطته في امور تسيء لجهه عمله او لدولته

كان الكل محصل عمل والكل محصل سكن له ولاهله
كلام واقعي جدا يالعرابي

[الماريّة]

اول شي ياهلا ومرحبا فيج يالمارية شرفتي موضوع اخوج

ثاني شي : شدعوة يالمارية هذا تفسير الآية؟ ؟؟؟؟؟ !!!! الله يشجعنا على الواسطة ؟؟؟ افا عليج بس

اذا الرسول عليه السلام بنفسه يقول لو ان فاطمة بنت محمد سرقت لقطعت يدها
وقال قبل : اتشفع في حد من حدود الله ؟


مافي واسطات في الإسلام ابد

الآية اللي ذكرتيها معناها ان الكل مسخّر لخدمة الثاني ، يعني انا مااقدر أعيش بدون طبيب ، والطبيب مايعيش بدون مهندس ، وهكذا

مب تشجيع على الواسطات (بغض النظر اذا كانت الواسطات منتشرة او غير منتشرة ، موجودة او غير موجودة )

ويامرحبا بج

مرحبتين اخوي غريب هلا بك زوود
والشرف لي اكثر

عليه الصلاه والتسليم
وانا معاك صحيح كلامك
بس انا اقصد ان الله سبحانه يسخر ناس لخدمه ناس
لما بعض الامور يستحقها هالشخص وفيه صعوبات تمنعها

مثال / شخص لو امراه تستحق ارض مطلقه او ارمله
وطالت بها هالمده ماطلعت لها بسبب تصعيب ومماطله بعض الموظفين

والله سخر لها ناس فيهم خير سواء قريب او شخص له واسطه خير
او على منصب وساعدها هذي واسطه مفيده وماعتقد تكون محرمه
لانها خير للطرفين مساعدته لها وكسب الاجر له


لكن الواسطات الي تقدم امور ناس على ناس اقدم منهم بالحق هذي الخطأ
والرسول صلى الله عليه وسلم ضرب مثال بفاطمه رضي الله عنها قال في حال لو سرقت

يعني عمل محرم هذا اكيد تحرم الواسطه على الشي المحرم

ان شاء الله تكون فهمتني ,,,,

[كيلو حديد]

السلام عليكم

مرحبا بك اخوي غريب الدار

يقول تعالى: (نحن قسمنا بينهم معيشتهم في الحياة الدّنيا
ورفعنا بعضهم فوق بعض درجات ليّتخذ بعضهم بعضاً سخريّاً)،

بالدليل من الايه السابقه انا ماساميها واسطه
ولكن افضل سخريا ان الله سبحانه سخر ناس لخدمه ناس
وهذا كله بفضل ربي

لما يكون شخص عنده امكانيات في مساعده اخوه المسلم في امور الحياه
فهذا شي حسن
وتأكد ان كل شخص يسخر نفسه لخدمه الناس فان الله بيسخر له الخير كله

وانا عني ولله الحمد استفدت وسخر لي ربي ناس كثيره في بعض
من امور حياتي الله يكثر من امثالهم


والله يجزيك كل خير على الموضوع


/
\
/
\

تفسيرك غريب للآية
وهناك أمور تتعارض مع التفسير بالتسخير
التسخير لا يعني الواسطة بأي حال من الأحوال ولا يقرب لها

خدمة الناس والمسلمين يكون بأموره الخاصه و أملاكه الخاصه ونقول جزاه الله خير
لكن بالأمور العامة يقدم ربعه و أهله يكون خان الأمانه لأنه قدم بناءا على مقاييسه لا مقاييس الحق

من يخدم المسلمين يخدمهم جميعا فقيرهم وغنيهم قريبهم وبعيدهم طويلهم وقصيرهم جميلهم وقبيحهم ضعيفهم وقويهم
له حرية تقديم الخدمة لأي شخص يشاء فيما يملك
وليس فيما تملك الدوله أو الأمه أو العامة
كالوزارات والمؤسسات الخدمية وغيرها التي يكون فيها موظفا

في شركته الخاصه يفضل ويقدم القريب وليوظف جميع أقاربه وليعطهم ما يشاء من الأموال والهبات والمكافئات
لكن تقديم ناس وتأخير ناس تحت مسمى سخر لي هنا تكمن المصيبة

وعلى فكرة الإشكالية لا تشملك كطالبة خدمة و تفرحين بالخدمة المقدمة لك
المشكلة والمصيبة فيمن يقدم الخدمة والواسطة هو الي بياكلها بالآخره

ممكن نعتبر كلمة سخريا
أن تذهبي لوزاره لا تعرفين فيها أحد وتمشين بالخطوات المطلوبة ثم يقوم أحد الموظفين بملاحقة أوراقك وإكمالها وتيسسير أمورك إذا نقصة ورقة أو أخرى
هنا يكون سخر لك وقدم خدمة .

الغريب الناس تستخدم الواسطة بما لا تملك وبما يملكون يكونون ضنينين به و أحرص الناس عليه

[khaldoon]

مين يقدر يستغني عن الواسطه هالايام.... خاصه انه الاجراءات في كل الدول تتجه للتعقيد رغم التطور

[الدوحه1]

http://store2.up-00.com/2016-08/1470404235721.jpg (http://www.up-00.com/)

[مضارب دوسري]

مشكله اذا طلبت واسطه من احد ؟
حتى لو بسيطه

بس تاكد بيجيك بعدها نفس الطلب بشي مب بسيط
وبرفض اتوسط لاحد
وبيقول نسيت لما توسطت لك


عشان جذي مابي من احد واسطه عشان ما يبلشني عقب

والامور الحمدلله ماشيه

دام انك ماراح تتعدى على القوانين او ما عليك مشاكل
ف ماراح تحتاج هالواسطه

اما الواسطات بامور اوراق او جهات او تخليص معاملات عاديه ف انتظر الدور واذا تاخرت يوم ولا يومين ولا حتى اسبوعين

واغلب اموري الاقي فيها وجه سمح من الموظفين لا يعرفني ولا اعرفه ويخلص اموري بسرعه



وتويتر بصراحه صار اكبر واسطه في مخاطبة الجهات العليا
سواء وزارة الداخليه او البلديه او اي جهه حكوميه

ويطلعون عليه مكاتب الوزراء واقسام العلاقات العامه

[غريب الدّار]

مشكله اذا طلبت واسطه من احد ؟
حتى لو بسيطه

بس تاكد بيجيك بعدها نفس الطلب بشي مب بسيط
وبرفض اتوسط لاحد
وبيقول نسيت لما توسطت لك


عشان جذي مابي من احد واسطه عشان ما يبلشني عقب

والامور الحمدلله ماشيه

دام انك ماراح تتعدى على القوانين او ما عليك مشاكل
ف ماراح تحتاج هالواسطه

اما الواسطات بامور اوراق او جهات او تخليص معاملات عاديه ف انتظر الدور واذا تاخرت يوم ولا يومين ولا حتى اسبوعين

واغلب اموري الاقي فيها وجه سمح من الموظفين لا يعرفني ولا اعرفه ويخلص اموري بسرعه



وتويتر بصراحه صار اكبر واسطه في مخاطبة الجهات العليا
سواء وزارة الداخليه او البلديه او اي جهه حكوميه

ويطلعون عليه مكاتب الوزراء واقسام العلاقات العامه









قواك الله اخوي مضارب ويعطيك العافية
واشكرك على المداخلة القيمة هاذي


لكن عندي تعليق وسؤال الله يسلمك عن هالجزئية :

دام انك ماراح تتعدى على القوانين او ما عليك مشاكل
ف ماراح تحتاج هالواسطه
هل لو كانت عندك معاملة عادية وتاخرت فعلا ومافي أي تعدي على أي قانون ، هل تستخدم الواسطة ؟

[يمامـة]

استفدت من الواسطة واتوسط حق غيري بعد.. :shy:
وخاصة في موضوع المواعيد في المستشفيات.. مرات كثيرة كانت الواسطة
هي حلي السريع للحصول على المواعيد.. واتوسط لغيري للحصول على مواعيد سريعة..

لكني ما احب اتوسط علشان اخذ دور غيري في يوم الموعد مع اني اقدر مرات كثيرة ..

[الكبير]

هي اكسجين الشعب وملجأ الفقراء