200 ريال غرامة ضرب سائق الاجرة

[أسد الجزيرة]

http://www.gulf-24.com/temp/thumb/500x300_uploads,2016,07,24,5794157066b4a.jpeg

غرمت محكمة الجنايات خليجيا بمبلغ 200 ريال بعد إدانته بالاعتداء بالضرب على سائق سيارة أجرة أمام أحد المجمعات التجارية الكبرى.
وبدأت الواقعة بأن حصلت مشاجرة بين المتهم والسائق أمام مجمع تجاري نتيجة استياء المتهم من وقوف سائق السيارة الأجرة وسط الطريق معرقلا حركة السير، فقام بالاعتداء عليه مما أدى الى إصابته بالإصابات الموصوفة والواردة في التقرير الطبي،بوجود عدة إصابات به .
وبسؤال المتهم بمحضر الضبط وباستجوابه في تحقيقات النيابة العامة أنكر الاتهام المسند إليه وقرر أنه يقوم بالدفاع عن نفسه .
وقالت حيثيات الحكم : إنه هديا على ما تقدم وإذ كانت المحكمة قد أحاطت بأوراق الدعوى عن بصر وبصيرة واطمأنت الى ما قرره السائق بمحضر جمع الاستدلالات من أن المتهم قام بالاعتداء عليه بوجه غير مشروع مقترفا بذلك فعل الاعتداء المنصوص عليه في مادة الاتهام الأمر الذي تكون معه المحكمة قد اطمأنت الى صحة إسناد التهمة وتقضي معه بإدانته ومعاقبته عملا بمادة الاتهام والمادة 234/2 من قانون الإجراءات الجنائية.

المصدر (http://www.gulf-24.com/latest-news/98411.html)

[بانغ بانغ]

والله بلاش

بخصص ميزانية 1000 للسنة

[الحياة الخالدة]

200 ريال بس ؟؟!!
وهاذي ياخذها السايق والا تتسلم للمحكمة ؟؟

[بومحمد المطاوعه]

لو قطري ضاربه

كان الحكم اعدام للقطري

[بوحنان]

يمكن في تنازل من المجني عليه

[البرونزي]

يمكن في عمان و 200 ريال عماني
تقريبا الفين ريال قطري

[الحياة الخالدة]

يمكن في عمان و 200 ريال عماني
تقريبا الفين ريال قطري
الخبر في الدوحة .. و منشور في جريدة الراية

[qatara]

لو قطري ضاربه

كان الحكم اعدام للقطري


هههههههههههههههه

[معماري قطري]

ضربت واحد استفزني غصب واشتكى وكنت بانسجن بس بضمان عملي تركوني لين احل المشكلة معاه .. وطالب ب 5000 ريال وبضغط من كفيله نزلناها لين 500 وهذا في سنة 1995 تقريباً .. ألحين يتراوى لي سجن سيدة

[بومحمد المطاوعه]

هههههههههههههههه

هههههههه

والله اني صادق

ولد البلد يقصون راسه وسجن
ويتبهدل فالمحاكم

بس خل اجنبي يتضارب مع اجنبي

50 ريال يدفع فالنيابه
علشان يتريقون فيها الموظفين

ويطلعونهم برائه

[Jspec]

والله زين فاتحة خير

بناء على الحكم في هذي القضيه راح تكون بقية القضايا فالمستقبل راح تستند على هالحكم يعني كل هوشه ب 200 ريال

بلاش والله الصراحه كل يوم اي واحد ينفرزني بطقه وفالنهايه كلها الا 200 ريال


الله المستعان كنا نضحك على فوضى غيرنا اشوف الفوضى بدات تصير عندنا

[سعود.]

ضربت واحد استفزني غصب واشتكى وكنت بانسجن بس بضمان عملي تركوني لين احل المشكلة معاه .. وطالب ب 5000 ريال وبضغط من كفيله نزلناها لين 500 وهذا في سنة 1995 تقريباً .. ألحين يتراوى لي سجن سيدة


الله يكفينا شرك

ههههههههههههههه

[نيساني]

هههههههه

والله اني صادق

ولد البلد يقصون راسه وسجن
ويتبهدل فالمحاكم

بس خل اجنبي يتضارب مع اجنبي

50 ريال يدفع فالنيابه
علشان يتريقون فيها الموظفين

ويطلعونهم برائه


بومحمد انا الصراحه من المعجبين لمواضيعك وردودك ولكن هالرد للاسف لم توفق في اختياره

وشكراً

[بومحمد المطاوعه]

بومحمد انا الصراحه من المعجبين لمواضيعك وردودك ولكن هالرد للاسف لم توفق في اختياره

وشكراً


الله يجزاك خير ياخوي
لاتلومني

لان عندي 2 من ربعي برائه لا ضربو الهندي ولا شي
راح اشتكى عليهم وتمرمطو فالمحاكم

شوف عينك خليجي زحف التكسي ودفع 200 ريال

لو قطري
بيدفع شي عدل

[بانغ بانغ]

بو محمد

رفيجي ... وقف هندي هاوشه ومسك الجامة وبالغلط كسرها لان الهندي كان قاعد داخل السيارة وخاف يطلع

وقفوه ثلاث ساعات في المركز ونيابة ومحاكمة وتعهد لان كسر جامة سيارة الهندي وخوفه وتم موضوعه في المحكمة شهرين

ودفع له 2000 ريال ارضاء له

رفيجي وهو في المركز والنيابة ايقول انهم حسسوه انه ابوبكر البغدادي وتوه ماسكينه .... من التبهدل


عشان جامة هندي ولا ضربه ولا شي

عندي الدليل واللي ما يصدق يرسلي ايميله باراويه الحكم عندي صورة منه ....

[غير البشر]

والله زين فاتحة خير

بناء على الحكم في هذي القضيه راح تكون بقية القضايا فالمستقبل راح تستند على هالحكم يعني كل هوشه ب 200 ريال

بلاش والله الصراحه كل يوم اي واحد ينفرزني بطقه وفالنهايه كلها الا 200 ريال


الله المستعان كنا نضحك على فوضى غيرنا اشوف الفوضى بدات تصير عندنا


ونصيحه لاتدفعها على طول خلها تتراكم
ويمكن يسوون نفس المرور خصم 50%

[غير البشر]

اتمنى جد جد من سمو الامير يتدخل لمهزله المحاكم عندنا

يبغي لها اصلاح واصلاح واصلاح وشغل

[مفكر قطري]

احس ان احنا في عندنا ازدواجية في المعايير

[معماري قطري]

الله يكفينا شرك

ههههههههههههههه

لاحظ استفزني وسنة 1995 كنت توني سنتين اشتغل وصغير فيني نشاط وطريقة استفزازه تخلي اللي ما بيتهاوش يتهاوش

كان ولدي عمره تحت السنتين وكنت باسوي له ثوب صوف ووديته الخياط بس ياخذ القياس واللي يشتغل كان ضخم بس يبيني اضربه ويورطني .. مرة يبدأ يقايس للولد ومره يقول لا ما بنفصل له ولازم تختار الخلق من عندنا قبل .. اقتنع وبعدين قال لا وقط متر القياس وعصبت عليه وصاح ولدي خذته وطلعته للسيارة حق امه الا طالع وراي يقول شرد وقاعد يضحك .. الخياط كان القافلة .. عطيت ام العيال الولد ورجعت ما اشوف ضربت الباب قوة وادخل له ببقس خطافي في عينه الا يعوي ويبنقح .. مسكته واتفل في ويهه من قريب وهو خلاص ضمن الخمس آلاف ولا سوى شيء

طلبوني ورحت المركز الا الاصابة كلش قوية والعيون وارمة .. قلت لهم يا ناس ربعه لازم بيشهدون معاه يمكن هو ضرب نفسه وين لي انا اقدر اضرب بعير بهالعرض والطول ولا اعترفت ولو اعترفت صج بت في السجن .. قالوا لازم النيابة يعطونا أوامر بسجنك أو كفالتك لين المحكمة وحسب التقرير والتحقيق وعدم اعترافي خلى النيابة تأمر باخلاء سبيلي بكفالة وظيفتي .. ولولا كفيله تربطني به معرفة قديمة وضغط عليه كان كنت متبهدل .. واحد ثاني منهم سواها في واحد استفزه وذاك ضربه بحديدة كسر يده ودفع 4000 ريال للتنازل .. وعلى ذاك الوقت الرواتب 400 و 4000 راتب عشر شهور

[معماري قطري]

احس ان احنا في عندنا ازدواجية في المعايير

ما يبي له كلام عندنا ازدواجية وقوية

[معماري قطري]

الحين أحسن حل للمشاكل الكلمة الطيبة والابتسامة الساحرة يسبك حد ارفع يدك تسلم عليه وابتسم

[Jspec]

الحين أحسن حل للمشاكل الكلمة الطيبة والابتسامة الساحرة يسبك حد ارفع يدك تسلم عليه وابتسم

هههههه يجيك نوع يقولك

شفيك تبتسم مب صاحي انت تعرفني فيه شي :tease:

[مواقف النجادة]

و مافي غرامة على سائق كروة لانه وقف في وسط الطريق و عرض السائقين للخطر و عطل السير ..

[A-Alansari]

و مافي غرامة على سائق كروة لانه وقف في وسط الطريق و عرض السائقين للخطر و عطل السير ..

لا كروة عادي يسون الي يبونه في الشارع محد يقول لهم شي

لكن انت لو فيك خير سو الي يسونه بيحجزون سيارتك ومخالفات هاي اذا ماحجزوك بكبرك

المرور عندنا بس علينا اما الاجانب وكروة محد يكلمهم

[بعيد النظر]

سويت حادث من 3 سنين والله سلمني ..
بسبة كروة واقف على الخط السريع يظرب جيك !


وكنت انا الغلطان طبعا" ..
وطلعت بكفالة لان الحبيب تروع وطاح يوم جاف الدعمة !




حسبي الله عليهم كللللللللللللللللللللللهم

[الماريّة]

عافانا الله من كل البلاوي

اصبح الضرب بكل شي على اتفه الاسباب

واصبحت الماديه بكل شي ناس تنضرب وناس تشفط فلوس

[بومحمد المطاوعه]

بو محمد

رفيجي ... وقف هندي هاوشه ومسك الجامة وبالغلط كسرها لان الهندي كان قاعد داخل السيارة وخاف يطلع

وقفوه ثلاث ساعات في المركز ونيابة ومحاكمة وتعهد لان كسر جامة سيارة الهندي وخوفه وتم موضوعه في المحكمة شهرين

ودفع له 2000 ريال ارضاء له

رفيجي وهو في المركز والنيابة ايقول انهم حسسوه انه ابوبكر البغدادي وتوه ماسكينه .... من التبهدل


عشان جامة هندي ولا ضربه ولا شي

عندي الدليل واللي ما يصدق يرسلي ايميله باراويه الحكم عندي صورة منه ....

ياريال لو مقيم متهاوش معاه
يمكن ماصار له جذي

تدري ليش وقفوه لأن نزل له من السياره
وتعدى على امتلاكات الخاصه

مب مشكله بندفع لو انا غلطان وسويت هالشي
ولكن لاتمرمطوني وتلعوزوني

رايح راد ورايح وراد ورايح وراد

خلصو الموضوع وخلونا ندفع لو غلطانين
مثل الخليجي الي شاوح بالمسكين ودفعوه 200 ريال

هههههههههه
يقولك طلع لهم المبلغ من البوك كاش:nice:

[شبح الصمت]

يا بلاش صراحة

كروه قاهرين نص الشعب ..

:telephone:

[الماريّة]

عاد باصات كروه تروع

وشكبر حجمها وصغر توايرها
وهي تلف تحس بطيح على جمب

[بومحمد المطاوعه]

عاد باصات كروه تروع

وشكبر حجمها وصغر توايرها
وهي تلف تحس بطيح على جمب

اي والله مسرعين بعضهم

ولا يبالوون للأسف

[ya3coub]

قرار غريب

و تناقل الخبر اهو الي سوى منه سالفه و كبره

ياما مشاكل و انحلت بدون دفع ريال واحد فقط

سوائا من الشرطة او من النيابة

هاي مو شيء الواحد ياخذه كمقياس

ياما ناس تسحبو من ثبوت على مخفي بعد ما يشيلونه بعد تنحجز سياراتهم و ياما ناس طافو بمخفي كامل <<< على سبيل المثال



الله يهدي الجميع و الي ينزل من سيارته حسب القانون القطري يتحاكم حتى لو ما لمس السيارة او الشخص يكفي تلف عليه توقف سيارتك و تنزل