فجأة .. تحولت شخص ثاني

[الحياة الخالدة]

السلام عليكم ورحمة الله وبركاته
مساكم الله بالخير
التقيت مع صديقة قديمة لي .. كانت رايحة تقدم أوراق بنتها في الجامعة
يوم سألتها عن نسبتها .. قامت تشتكي تقول ما عادوا يهتمون بالدراسة نفس ما كنا احنا أيام قبل .. الحين كل وقتهم مع الجوال و الايباد
تقول لما أقطع عنهم النت .. يتحولون بطريقة غريبة .. يصيرون عدائيين و يهاوشون .. ولا كنهم عيالنا اللي ربيناهم

ذاك اليوم أختي تقول لي اليهال يقولون عاقبينا بأي شي .. إلا إنج تقطعين النت
قلت لهم وين العقاب عيل .. إذا ما كان في شي انتوا تحبونه و متعلقين فيه ؟؟!!

كل شخص في البيت صار عنده عالمه الخاص اللي هو عايش فيه .. انعزل عن الحياة الأسرية اللي احنا كنا نعرفها
حتى القعدة مع الام والأب صارت مفقودة .. جربوا تشيلون الجوال والا الايباد من العيال .. بتلقونهم ساكتين .. ليش ما تتكلمون ولا تتفاعلون ؟؟ مافي شي نقوله .. ملل !!

السؤال : شلون نقدر نرجع العيال إلى العالم الحقيقي ؟؟

تحياتي للجميع

[كيلو حديد]

مدري ومن المشكله بالضبط فلكل جيل طريقته بالحياة
فلا أعتقد أن جيل الأخت المتحدثه نفس جيل آباءها أو أجدادها
لماذا نطلب من جيل اليوم أن يعيشوا فترتنا مع أننا دخلنا معهم هذا العالم ونعتبره عالمنا

وبرغم هذا

في نظري كل الحل بيد الآباء والأمهات

من الأساسيات التي يجب علينا أن نعرفها أن أبنائنا عادة يكونون مرآة لتربيتنا وطريقتنا بالحياة وإن اختلفت قليلا
كثير من الآباء والأمهات يمارسون ما يسمى أبنائنا مب أقل من عيال عمهم أو ربعهم ولهذا يجلبون لهم الجوالات بأعمار صغيره
و الأيبادات والبليستيشن وكل مواد الترفيه التي تلغي قليلا قليلا الترفيه الآخر المتعلق بالرياضه والمحادثه مع الأهل و غيرها
ثم بعد ذلك نشتكي و نتوجع ..

واحد من الربع كل إجازه يأخذهم لفترة أسبوع أسبوعين صوب الشمال ويقعدون ببيتهم هناك بعيدا عن كل ملهيات الحياة الحديثة
وربى عياله على النظر للأفق الرحب بالبر و متع النظر للأمام وليس للأسفل نحو الأيباد
متعة الجري والسقوط و الجروح
متعة الزرع ومتعة العزب ومتعة الدبش و الرعي وغيرها
مع إن رفيجي عادي يقعد قدام الآيباد بالساعات ههههه
قضية تقدم خيارات المتع ليتعلموها ويجيدوها
ليستكشفوا الحياة الحقيقية ويتلمسوا التراب بأناملهم ويشموا رائحة التراب بعد المطر

ثم إن العقاب لا يأتي بالطلب والإستئذان من الأبناء
شخصيتها الضعيفة تجعل الأبناء غير مطيعين
العقاب بالحرمان من الأمور المهمة جدا والتي تجعل الأبناء يقدرون قيمة ما لديهم
وهو عقاب نافع فعال أكثر من الضرب

يقصرون بالتربية في البداية ثم يتشكون من النتيجة

[معماري قطري]

عيالي النت كله شغال عندهم وما شاء الله متفوقين حتى ولدي اللي نقل 3 مدارس ويتغيب وايد

[الحياة الخالدة]

مدري ومن المشكله بالضبط فلكل جيل طريقته بالحياة
فلا أعتقد أن جيل الأخت المتحدثه نفس جيل آباءها أو أجدادها
لماذا نطلب من جيل اليوم أن يعيشوا فترتنا مع أننا دخلنا معهم هذا العالم ونعتبره عالمنا

أكيد أخوي .. الوقت و الظروف يتغيرون .. وعلى أساسهم تتغير أساليب الحياة
وهالشي كنت أناقشه مع زميلاتي الصبح .. وقلت لهم يمكن لو احنا عشنا نفس ظروفهم كنا بنتصرف مثلهم وكانوا أهلنا بينقدون علينا
وسألتهم هل يا ترى احنا كانت أحوالنا أفضل .. والا هم الحين حالتهم أفضل منا ؟؟
لكن تظل هناك أساسيات يجب الحفاظ عليها .. وضربت صديقتي مثال أن أمها دوم قاعدة بروحها والبنات كل وحدة بغرفتها وكانت تتساءل وين البر بالوالدين ؟؟ وتوصلت أن البعض يعتبر أن عدم الإساءة لهم فقط في حد ذاته يعتبر بهم ( يعني مو شرط القعدة والسوالف معاهم )

وبرغم هذا

في نظري كل الحل بيد الآباء والأمهات

من الأساسيات التي يجب علينا أن نعرفها أن أبنائنا عادة يكونون مرآة لتربيتنا وطريقتنا بالحياة وإن اختلفت قليلا
كثير من الآباء والأمهات يمارسون ما يسمى أبنائنا مب أقل من عيال عمهم أو ربعهم ولهذا يجلبون لهم الجوالات بأعمار صغيره
و الأيبادات والبليستيشن وكل مواد الترفيه التي تلغي قليلا قليلا الترفيه الآخر المتعلق بالرياضه والمحادثه مع الأهل و غيرها
ثم بعد ذلك نشتكي و نتوجع ..

وأيضاً هذا ما تم التأكيد عليه .. أن احنا نحصد ما نزرعه
وأن الأمور اللي نستهين بها لما يكونون العيال صغار في بداية طلعتهم للحياة وتعرفهم عليها .. ونعطيهم كل شي يطلبونه بغض النظر عن العواقب و النتائج اللي ممكن تتطور لها الأمور
هالشي لا بد أنه بينعكس على الكل سلباً ..وبيصير من الصعب إصلاحه والتحكم في مساره فيما بعد

واحد من الربع كل إجازه يأخذهم لفترة أسبوع أسبوعين صوب الشمال ويقعدون ببيتهم هناك بعيدا عن كل ملهيات الحياة الحديثة
وربى عياله على النظر للأفق الرحب بالبر و متع النظر للأمام وليس للأسفل نحو الأيباد
متعة الجري والسقوط و الجروح
متعة الزرع ومتعة العزب ومتعة الدبش و الرعي وغيرها
مع إن رفيجي عادي يقعد قدام الآيباد بالساعات ههههه
قضية تقدم خيارات المتع ليتعلموها ويجيدوها
ليستكشفوا الحياة الحقيقية ويتلمسوا التراب بأناملهم ويشموا رائحة التراب بعد المطر

هذا واحد من الأساليب اللي نقدر نخفف بها من تبعات التعلق بالجوال والايباد وغيره
أعرف ناس إذا عيالهم ما يبون يطلعون معاهم في الطلعات العائلية يسكرون النت و يشيلون الراوتر اللي في البيت كااااامل .. ساعتها بس ينجبرون العيال يطلعون معاهم

ثم إن العقاب لا يأتي بالطلب والإستئذان من الأبناء
شخصيتها الضعيفة تجعل الأبناء غير مطيعين
العقاب بالحرمان من الأمور المهمة جدا والتي تجعل الأبناء يقدرون قيمة ما لديهم
وهو عقاب نافع فعال أكثر من الضرب

كلامك أكيد .. حتى العقاب و أسلوبه .. يعتبر فن لا يتقنه الكل
يحتاج صرامة و مرونة في نفس الوقت ..

يقصرون بالتربية في البداية ثم يتشكون من النتيجة

ردي باللون الأزرق .. وشكراً لمشاركتك أخي الكريم

[سالم الزهران]

الحزم معهم من قبل الام ... تمردوا عليها مثل رفيجتك او قللو ادبهم ذاك الوقت يجي دور الأبو اللي يضرب الواحد لين يعرف كيف يتعامل مع امه و اهله في البيت

الجيل ذا اللي يقلب على اهله عشان ناقصه نت ولا ايباد ,, مب لنا و لا نبيه و الله يعين اللي يبي يسكت على مثل ذا الامور

[شبح الصمت]

وعليكم السلام ورحمة الله وبركاته ،،

صراحة ما الوم اليهال نلوم انفسنا

اليهال مثل العجينه احنا نشكلها من بدايتهم

الدولة ما قصرت حطت لنا وايد خيارات للاطفال ومفيدة للجسم والعقل

اولهم طبعاً والاهم والاساسيه في حياتهم وحياتنا حفظ القران

ثاني شيء البدنية
السباحة
الكوره
ركوب الخيل
الفنون القتالية


وراح تقلل من استخدماتهم للنت وشغفهم لحب النت
وما الوم عيالي صراحة دامني انا 24 ساعة ميود التلفون ووجهي فالشاشة

الياهل ياخذ من والدينه اذا شافهم على وضع مستمر راح يقلدهم ..

[العنيده]

اعتقد التواصل اكثر ممكن يخليهم شوي يبتعدون عن عالم النت ..
يعني مثال عني ..
الجمعه في بيتنا معروف انه يوم الجمعه العائليه الله يحفظهم ان شاء الله ..
فانا اول شي اسويه اخذ تليفونات اليهال كلهم عشان يقعدون مع بعض ولو حسيتهم تمللو اعطيهم جهاز واحد يشوفون اي شي فيه المهم يكونون مجتمعين ..
صج تطلع حركاتهم الزايده بس اقلها يطلعون الطاقه اللي فيهم :fight:

اليهال يبيلهم بس انشغال في وقتهم وزيادة تقارب الام ولا الاب من عيالهم .. المشكله في ناس تلاقي عيالهم صغار ولاهيين بالجوال ولما تسال
الام تقول عشان يلهى عني :rolleyes2: ولا عشان يسكت والله المستعان ..

[غريب الدّار]

السؤال : شلون نقدر نرجع العيال إلى العالم الحقيقي ؟؟


متى ماقدرنا نرجع الكبار لعالمهم الحقيقي

الكل صار مدمن انترنت بجميع وسائله (سواء تصفح او انستغرام او سناب شات او واتس اب او غيرهم)


وبصراحة اكبر يالحياة :
شلون العيال أصلا ادمنوا هالمواضيع ؟ اللي ادمنوها الكبار قبلهم أصلا

في الغالب تلقين :
الاهل يبون يسكتون العيال مثلا او يخلونهم يلهون بشي يعطونهم ويعودونهم على هالسوالف


او تلقين الام او الابو مدلع عياله بزيادة وكل ماطلبوا شي جابوه ، فيالياهل شاف هالشي عند ربعه مثلا او عيال عمه وطلبه وعطوه

يعني صعب الولد يتعود على هالسوالف اذا كان في :
1- رقابة
2- تحكم : يعني مايخلون الشغلة عنده 24 ساعة بحجة انهم يبلفيت مرتاحين منه او يقولون احسن من انه ينط هنيه وهناك !!
3- العيال يشوفون تكاتف اسري قدامهم مب الام والأب لاهين ع الواتس اب او الاي فون طول الوقت
4- شغل وقت الطفل بشي مفيد ومتابعته


هذا رايي


ويمكن أكون غلطان

[بوحارب]

اغلب البيوت فيها نفس المشكلة

العيال على النت

والام والاب على النت


والحل ؟:(

[ضوى]

عالجرح موضوعج الحياة الخالدة ، واعاني منه ، ونستعين بالله على توجيههم للطريق الصحيح ، لكن بيني وبينج وايد المغريات حواليهم هاي النار اللي حفت بالشهوات سبحانك يارب لكن عقولهم لازالت غضة صعب استيعابهم كل شي تسوينه يعتبرونه تدخل سافر في خصوصياتهم ويعتبرونه تعدي على حقوقهم وكبت لحرياتهم ، لذلك نستعين على الله بكل امورنا ونتوكل عليه
تضحكين اذا اقولج النتفة اللي عندي ام خمس سنين تصيح ليش ماعندي جوال ابي اكتب حق رفيجاتي يمكن ابي اسولف او اقول شي ، وابي اصور سناب وياما بنشوف ،

[الحياة الخالدة]

أشكركم جميعاً على مشاركاتكم المثرية للموضوع
ولي عودة للرد المفصل بإذن الله
خذوا راحتكم
تحياتي للجميع

[بانغ بانغ]

مشكلة القرن الجديد واللي سميتها في سياق متصل بالعبودية التكنولوجية technological slavery

للاسف فقدنا السيطرة ....

انا اعطي اليهال الايبادات واسحبها بعد ساعه او ساعتين

مشكلة اتمنى حد من الاخوان يطرح حلول لنا

[qatara]

السلام عليكم ورحمة الله وبركاته
مساكم الله بالخير
التقيت مع صديقة قديمة لي .. كانت رايحة تقدم أوراق بنتها في الجامعة
يوم سألتها عن نسبتها .. قامت تشتكي تقول ما عادوا يهتمون بالدراسة نفس ما كنا احنا أيام قبل .. الحين كل وقتهم مع الجوال و الايباد
تقول لما أقطع عنهم النت .. يتحولون بطريقة غريبة .. يصيرون عدائيين و يهاوشون .. ولا كنهم عيالنا اللي ربيناهم

ذاك اليوم أختي تقول لي اليهال يقولون عاقبينا بأي شي .. إلا إنج تقطعين النت
قلت لهم وين العقاب عيل .. إذا ما كان في شي انتوا تحبونه و متعلقين فيه ؟؟!!

كل شخص في البيت صار عنده عالمه الخاص اللي هو عايش فيه . انعزل عن الحياة الأسرية

اللي احنا كنا نعرفها

حتى القعدة مع الام والأب صارت مفقودة .. جربوا تشيلون الجوال والا الايباد من العيال .. بتلقونهم ساكتين .. ليش ما تتكلمون ولا تتفاعلون ؟؟ مافي شي نقوله .. ملل !!

السؤال : شلون نقدر نرجع العيال إلى العالم الحقيقي ؟؟

تحياتي للجميع


قلنالكم أمور هي بداياتت تفكك الاسره والمجتمع الحين تبون نرجع ؟!

لا نرجع يعني نستوي رجعين
ومتخلفين مثل ماكنتو تقولون
مايصير نرجع لايام الجاهليه على
حسب كلامكم في بعض الحوارات

قلنا لكم نضرتكم ناقصه ومتحيزه
وبعين وحده ومحدوده حطيتو فينا كل
عذروب ومتخلفين ومتسلطين ووو
تو العرب الجاي اكثر

[بومحمد المطاوعه]

المشكله من هذي الناحيه

في الاباء والامهات

اذا البعض منهم لين انصاف الليالي على الانترنت وسهرانين على الجوال !!

شتبون يطلعون الأبناء ؟

نسأل الله السلامه والعفو والعافيه

[qatara]

المشكله من هذي الناحيه

في الاباء والامهات

اذا البعض منهم لين انصاف الليالي على الانترنت وسهرانين على الجوال !!

شتبون يطلعون الأبناء ؟

نسأل الله السلامه والعفو والعافيه

الابهات شيسوون لو عصبو وادبو قامت عليهم الدنيا حقوق الطفل وحقوق المراه

لنكون صادقين اذا اردنا الحق والنتيجه المفيده لابد من اعادة النضر في هلخلل الفادح

بدلا ما يوفقون مع الإباء لمحاصره هذه النفتاح الي اغلبه خراب يقفون ضد الاب والزوج

بحجة الحقوق القانونيه ضاعت اسر وأبناء .


https://www.youtube.com/watch?v=dCqM4yGj0z0

[بومحمد المطاوعه]

الابهات شيسوون لو عصبو وادبو قامت عليهم الدنيا حقوق الطفل وحقوق المراه

لنكون صادقين اذا اردنا الحق والنتيجه المفيده لابد من اعادة النضر في هلخلل الفادح

بدلا ما يوفقون مع الإباء لمحاصره هذه النفتاح الي اغلبه خراب يقفون ضد الاب والزوج

بحجة الحقوق القانونيه ضاعت اسر وأبناء .


https://www.youtube.com/watch?v=dCqM4yGj0z0


حقوق الطفل والمرأه
ف الضرب والتعذيب المبرح

مب في التربيه يالغالي

ولكن البعض لا تربيه ولاتعليم ولاشي

هني البلا والعياذ بالله

[qatara]

حقوق الطفل والمرأه
ف الضرب والتعذيب المبرح

مب في التربيه يالغالي

ولكن البعض لا تربيه ولاتعليم ولاشي

هني البلا والعياذ بالله

الادميه مراح يضربها زوج والابن الطائع مراح يضربه اب

واللعينه والولد لعاصي يستاهلون
مافي رجال عاقل بيضرب للتاديب الا لمن عجر بالكلام وبالنصح مليون مره

اما الحشيمه مستحيل تضرب تستلعن وتلف وتدور شتبي الزوج يحباها على راسها

عموما الانصاف ومعرفه الظالم من المظلوم يعرفه و يفصل فيه شرع الله

اما التي بغير ماشرع الله فهي ظلم وفساد وليس اصلاح

[بوخالد911]

رفيجي يعطي اعياله الايباد بس في الويك اند.

[الحياة الخالدة]

عيالي النت كله شغال عندهم وما شاء الله متفوقين حتى ولدي اللي نقل 3 مدارس ويتغيب وايد

ما شاء الله .. انت متأكد ؟؟!!
طيب علمنا الســـــــر يا بوعبدالله

[الحياة الخالدة]

الحزم معهم من قبل الام ... تمردوا عليها مثل رفيجتك او قللو ادبهم ذاك الوقت يجي دور الأبو اللي يضرب الواحد لين يعرف كيف يتعامل مع امه و اهله في البيت

الجيل ذا اللي يقلب على اهله عشان ناقصه نت ولا ايباد ,, مب لنا و لا نبيه و الله يعين اللي يبي يسكت على مثل ذا الامور

ما اعتقد ان الحل هو الضرب أخوي سالــــــــم .. هذا الجيل يبيلـــــه أسلوب ثاني تتفاهم فيه معاه
واللي كان ينفع زمان .. ما عاد ينفع الحين

[الحياة الخالدة]

وعليكم السلام ورحمة الله وبركاته ،،
صراحة ما الوم اليهال نلوم انفسنا
اليهال مثل العجينه احنا نشكلها من بدايتهم
الدولة ما قصرت حطت لنا وايد خيارات للاطفال ومفيدة للجسم والعقل
اولهم طبعاً والاهم والاساسيه في حياتهم وحياتنا حفظ القران
ثاني شيء البدنية
السباحة
الكوره
ركوب الخيل
الفنون القتالية
وراح تقلل من استخدماتهم للنت وشغفهم لحب النت
وما الوم عيالي صراحة دامني انا 24 ساعة ميود التلفون ووجهي فالشاشة
الياهل ياخذ من والدينه اذا شافهم على وضع مستمر راح يقلدهم ..
هلا فيك أخوي شبح
الأفكار اللي طرحتها جيدة وفيها نشاط بدني و ذهني
و يرجع الامر لأولياء الأمور بالدرجة الأولى في التنسيق لها وتطبيقهـــــــا
وهالموضوع ما يكون على كبر .. عقب ما تقع الفاس في الراس و إنما من البداية حيث يسهل التحكم طالما العيال صغار
والأهم من ذلك كله .. نفس ما قلت : القدوة
ما نقدر ننهاهم عن شي وهم شايفينا طول الوقت متعلقين فيه .. نفس اللي يدخن ويقول لعياله لا تدخنون .. وما يصلي ويحث عياله على الصلاة و الالتزام

[بومحمد المطاوعه]

الادميه مراح يضربها زوج والابن الطائع مراح يضربه اب

واللعينه والولد لعاصي يستاهلون
مافي رجال عاقل بيضرب للتاديب الا لمن عجر بالكلام وبالنصح مليون مره

اما الحشيمه مستحيل تضرب تستلعن وتلف وتدور شتبي الزوج يحباها على راسها

عموما الانصاف ومعرفه الظالم من المظلوم يعرفه و يفصل فيه شرع الله

اما التي بغير ماشرع الله فهي ظلم وفساد وليس اصلاح

معليه يالطيب
الموضوع الحين مش عن الضرب والتأديب

الموضوع غير تمامآ
اعتقد موضوع الضرب ناقشنا فيه صفحات ولا وصلنا لنتيجه ابد ,,

كل شخص وله مبدأ وتربيه في ناس عيالهم ساحبين على ابائهم وفي ناس بنظره من الأبد يفرض هيبته
وفي ناس مايمشون الا بالضرب

ف هذا موضوع اخرر من ناحيه التربيه ,,

اما الأن موضوع الأيباد والنت هذي مصيبه حديثه نبي لها حل ,,

[الخيالة]

السبب العائله و طريقتهم في تربية الأطفال انا مره لما كنت مسافره امريكا عشان اكون مع بنت اختي اللي كانت تدرس اهناك لما رحنا بيت الاستاذة اللي تدرسها في الجامعه لاحظت من اول ما قعدنا لان تمينا عندهم من الصبح لين بالليل طول هالمدة ماشفت ولي واحد منهم ماسك الجوال او ايباد البنات مع الام و يساعدونها ان بغت شي و الصبيان مع الابو في الصاله يتناقشون اي كتاب يقرون و عقب نفس الشي كلهم قعدوا مع بعض و يسولفون عن اماكن تاريخيه معلومات عامه افلام وثائقيه و انا اطالع بنت اختي اقول ماشاءالله عليهم لو احنا كل واحد ماسك جواله حتي يوم سالت بناتهم عن سناب شات قالوا ماعندهم بس تويتر و انستجرام و فيس بوك هاي بعد عشان يحطون الصور مع معلومات المكان في النهايه يرجع شلون العائله يربون عيالهم

[شبح الصمت]

السبب العائله و طريقتهم في تربية الأطفال انا مره لما كنت مسافره امريكا عشان اكون مع بنت اختي اللي كانت تدرس اهناك لما رحنا بيت الاستاذة اللي تدرسها في الجامعه لاحظت من اول ما قعدنا لان تمينا عندهم من الصبح لين بالليل طول هالمدة ماشفت ولي واحد منهم ماسك الجوال او ايباد البنات مع الام و يساعدونها ان بغت شي و الصبيان مع الابو في الصاله يتناقشون اي كتاب يقرون و عقب نفس الشي كلهم قعدوا مع بعض و يسولفون عن اماكن تاريخيه معلومات عامه افلام وثائقيه و انا اطالع بنت اختي اقول ماشاءالله عليهم لو احنا كل واحد ماسك جواله حتي يوم سالت بناتهم عن سناب شات قالوا ماعندهم بس تويتر و انستجرام و فيس بوك هاي بعد عشان يحطون الصور مع معلومات المكان في النهايه يرجع شلون العائله يربون عيالهم



ما يصير عندهم كل هالبرامج وما يدخلون عليها ..

تويتر
وانستقرام
وفيس بوك اصلا اهم تعارفهم وعلاقاتهم من خلال الفيس بوك وعرض صورهم ..

وما تتساوى تربية العرب في تربيتهم ومحافظتنا وعادتنا وتقاليدنا

عندنا اخطاء تربويه ولكنها في الاخير اخطاء نقدر نعدل فيها ونداركها
واي ترابط اسري بينهم تعالي لهم بعد سن المراهقه وشوفي الترابط الاسري قائم والا انتهى وكلن في طريقه ..

[ضوى]

الخيالة اللي شفتيه في اميركا هذا شي نادر ومن مليون حالة ، معروفة اميركا بالتششت الاسري والانفلات الاخلاقي ، مب احسن منا اميركا ولا عيالهم احسن من عيالنا واظن اللي شفناه من هبلهم وخبالهم في البحث عن بوكيمون خير دليل اقلها عيالنا لازالوا عاقلين مب متخلفين يركضون بالحدايق يدورون

[بوحارب]

صارلي اسبوع حارم ولدي حمني من شرج الأيباد

والحين شريت له سوني 4 كله يلعب كوره

على الأقل احسن من الايباد كله شابك الواي فاي ويشوف التافهين في اليوتيوب

7 سنين ويدش يوتيوب

انا يوم كنت في عمره اروح المدرسه بجوتي بدون دلاغ :( الله يعزكم

[شبح الصمت]

صارلي اسبوع حارم ولدي حمني من شرج الأيباد

والحين شريت له سوني 4 كله يلعب كوره

على الأقل احسن من الايباد كله شابك الواي فاي ويشوف التافهين في اليوتيوب

7 سنين ويدش يوتيوب

انا يوم كنت في عمره اروح المدرسه بجوتي بدون دلاغ :( الله يعزكم



هههههههههههاي

صدقت بوحمني
وشكلك من النوع الفخم اتذكره هالجوتي الاسود يكرم الموجودين براغي وتحسب انك كااشخ
والصروال اطول من الثوب


والمشكلة عيالنا والله اذا ما تشيك وراهم وتشوف ضايفين من
ياخي تحس انهم يقلدونهم

واشوي يجي يقولك
شفت بوضرس !!
شفت عبود كاجول
شفت مادري من !!

ياخي انا على ايامهم وبدون حلفان يالس العب قلينه وماطوع
او تفلع بالحصى وملاحق بالسيكل من فريج لي فريج

هاهاي

المهم الحياة انا طالبج طلبه لا تعصبين علينا

:secret:

[الخيالة]

ادري هاي واحد من المليون انا بس قلت عن العائله هذي اللي شفت ان طول الوقت ماكانوا ماسكين لا جوال لا ايباد البنات أعمارهم في العشرينات و الصبيان 17 و 19 و ما قلت مايستخدمون هالثلاث برامج اقصد لما طالعت عقب صفحاتهم شفت اكثر شي صور مناظر و معلومات عن الأماكن و جذيه اكيد في غيرهم اللي يكون العكس طبعا بس في النهايه العائله اهمه اللي يقدرون يشوفون حل حق عيالهم انا عن نفسي عندي اختي عندها ينت لها ساعات معينه تستخدم النت و عقب لا و بنتها خلاص تعودت تعرف متي تستخدم النت و عقب لازم تقرا كتاب و عقب تقعد مع امها و ابوها و عقب الرياضه يعني اي ام و اي اب يقدرون يسوون جدول حق عيالهم و يخلونهم يتابعون الجدول كلن بأسلوبه يفهمونهم شنو الزين لهم و شنو مب زين و في نفس الوقت اعرف ناس يقولون لا دام عيال فلان عندهم هالاجهزة ماقدر امنع عيالي من هالشي و لازم اشتري لهم و يستخدمونه حاله حالهم

[بومحمد المطاوعه]

صارلي اسبوع حارم ولدي حمني من شرج الأيباد

والحين شريت له سوني 4 كله يلعب كوره

على الأقل احسن من الايباد كله شابك الواي فاي ويشوف التافهين في اليوتيوب

7 سنين ويدش يوتيوب

انا يوم كنت في عمره اروح المدرسه بجوتي بدون دلاغ :( الله يعزكم


ههههههههههههههههههههههههه

حسبي الله على بليسك
والله شرقت وانا اشرب كرك
هههههههههههههه
ذبحتني من الضحك

ماتخيل شكلك جوتي بدون دلاغ ههههههههههههههه

الله يسعدك ويحفظ جمني واخوانه

[بومحمد المطاوعه]

بخصوص الايباد والأمريكان ومن هالكلام

انا لليوم مستغرب دكتور امريكي فالجامعه جواله بو ليت ههههههههههه

يوم سألته قلت له ليش ماتستخدم ايفون يقولي انتو مستخفين ع هذي الجوالات لأن كل حياتكم جوال وتكنلوجيا

عيل حياتك شنو انت يالوردي
بط جبدي والله

سحبت عليه وقلت له انا عندي 2 بعد شوف :nice:

وعيالي الله يحفظهم
بنتي الجوري محتفظه ف الأيباد
اما محمد والمها
حاطين رقم سري وناسيينه والحين يقولي يجب توصل الأيباد بالايتونز
علشان سوفتوير لأن قفلت ايباداتهم
ومعاقبهم صارلي سبوعين

ويتملحسون عند الجوري هههههه
مستنعتهم هذي النتفه الله يحفظها :tease:

[ضوى]

ادري هاي واحد من المليون انا بس قلت عن العائله هذي اللي شفت ان طول الوقت ماكانوا ماسكين لا جوال لا ايباد البنات أعمارهم في العشرينات و الصبيان 17 و 19 و ما قلت مايستخدمون هالثلاث برامج اقصد لما طالعت عقب صفحاتهم شفت اكثر شي صور مناظر و معلومات عن الأماكن و جذيه اكيد في غيرهم اللي يكون العكس طبعا بس في النهايه العائله اهمه اللي يقدرون يشوفون حل حق عيالهم انا عن نفسي عندي اختي عندها ينت لها ساعات معينه تستخدم النت و عقب لا و بنتها خلاص تعودت تعرف متي تستخدم النت و عقب لازم تقرا كتاب و عقب تقعد مع امها و ابوها و عقب الرياضه يعني اي ام و اي اب يقدرون يسوون جدول حق عيالهم و يخلونهم يتابعون الجدول كلن بأسلوبه يفهمونهم شنو الزين لهم و شنو مب زين و في نفس الوقت اعرف ناس يقولون لا دام عيال فلان عندهم هالاجهزة ماقدر امنع عيالي من هالشي و لازم اشتري لهم و يستخدمونه حاله حالهم

واشدراج عيالنا مب جذي ، ترا احنا جذي بعد لهم جدول وساعات معينة ، بس اللي عمره 23 والا 20 بعد بتسحبين منه التلفون والا الايباد .؟ عشان ينام ؟ والا عشان وقته انتهى ؟

[الخيالة]

واشدراج عيالنا مب جذي ، ترا احنا جذي بعد لهم جدول وساعات معينة ، بس اللي عمره 23 والا 20 بعد بتسحبين منه التلفون والا الايباد .؟ عشان ينام ؟ والا عشان وقته انتهى ؟


ماقلت شي عن عيال حد انا جبت أمثال عن الموضوع اللي حاطين و علي فكرة بنت اختي عمرها 21 سنه و نعم لها وقت معين لاستخدام النت و ممنوع السهر و وقت النوم يوميا نفس الشي انا بس قلت عن الي شفته اختي جذيه نظامها مع بنتها من سنين و اهيه خلاص تعودت تعرف ان لها وقت معين و ماتقدر تستخدم النت طول الوقت و حق الاتصالات معطينها جوال عادي اللي بس للمكالمات انا ماقول اختي الصح وانتوا غلط ولي قلت شي عن عيالكم تكلمت عن الموضوع اللي حاطين كل شخص يقدر بطريقته يتحكم في عياله يقولهم شنو الاحسن يعني ليش قلتي لي بهالطريقه ( و اشدراج عيالنا مب جذي ...) ماعرف اكيد كل وحده لها طريقتها مع عيالها و هالشي زين اذا يقدرون يتحكمون في عيالهم عشان يقللون استخدام النت و في الأخير انا رديت رد عادي قلت عن اللي ان شفته كمثال

[JN000N]

صارلي اسبوع حارم ولدي حمني من شرج الأيباد

والحين شريت له سوني 4 كله يلعب كوره

على الأقل احسن من الايباد كله شابك الواي فاي ويشوف التافهين في اليوتيوب

7 سنين ويدش يوتيوب

انا يوم كنت في عمره اروح المدرسه بجوتي بدون دلاغ :( الله يعزكم

وانت اشكره محتر من طفولته لانها ارقى من طفولتك صج
عيل جوتي بدون دلاغ
وعليه عليك ياحمني تعال عندي احسن من هالشري :sneaky:

[بومحمد المطاوعه]

هههههههههههاي

صدقت بوحمني
وشكلك من النوع الفخم اتذكره هالجوتي الاسود يكرم الموجودين براغي وتحسب انك كااشخ
والصروال اطول من الثوب


والمشكلة عيالنا والله اذا ما تشيك وراهم وتشوف ضايفين من
ياخي تحس انهم يقلدونهم

واشوي يجي يقولك
شفت بوضرس !!
شفت عبود كاجول
شفت مادري من !!

ياخي انا على ايامهم وبدون حلفان يالس العب قلينه وماطوع
او تفلع بالحصى وملاحق بالسيكل من فريج لي فريج

هاهاي

المهم الحياة انا طالبج طلبه لا تعصبين علينا

:secret:

ههههههههههه

اهم شي الصروال اطول من الثوب :tease:

[الحياة الخالدة]

حياكم الله جميعاً .. وخلكم في صلب الموضوع عشان ما اعصب
كلش كلش الكلام مب حق ناس عارفين نفوسهم هههههههه
المهم : لحد ما اتفرغ ارد عالبقية
يا ليت الله يطول باعماركم على طاعته تطرحون لنا حلول معينة تفيد الكبار والصغار
وردت بعض الحلول في بعض المشاركات جزاهم الله خير

[ضوى]

ماقلت شي عن عيال حد انا جبت أمثال عن الموضوع اللي حاطين و علي فكرة بنت اختي عمرها 21 سنه و نعم لها وقت معين لاستخدام النت و ممنوع السهر و وقت النوم يوميا نفس الشي انا بس قلت عن الي شفته اختي جذيه نظامها مع بنتها من سنين و اهيه خلاص تعودت تعرف ان لها وقت معين و ماتقدر تستخدم النت طول الوقت و حق الاتصالات معطينها جوال عادي اللي بس للمكالمات انا ماقول اختي الصح وانتوا غلط ولي قلت شي عن عيالكم تكلمت عن الموضوع اللي حاطين كل شخص يقدر بطريقته يتحكم في عياله يقولهم شنو الاحسن يعني ليش قلتي لي بهالطريقه ( و اشدراج عيالنا مب جذي ...) ماعرف اكيد كل وحده لها طريقتها مع عيالها و هالشي زين اذا يقدرون يتحكمون في عيالهم عشان يقللون استخدام النت و في الأخير انا رديت رد عادي قلت عن اللي ان شفته كمثال

جزاج الله خير والله لا يغير عليكم والله يجعل عيال اهل قطر مثل بنت اختج سهل تنقاد

[شبح الصمت]

ماقلت شي عن عيال حد انا جبت أمثال عن الموضوع اللي حاطين و علي فكرة بنت اختي عمرها 21 سنه و نعم لها وقت معين لاستخدام النت و ممنوع السهر و وقت النوم يوميا نفس الشي انا بس قلت عن الي شفته اختي جذيه نظامها مع بنتها من سنين و اهيه خلاص تعودت تعرف ان لها وقت معين و ماتقدر تستخدم النت طول الوقت و حق الاتصالات معطينها جوال عادي اللي بس للمكالمات انا ماقول اختي الصح وانتوا غلط ولي قلت شي عن عيالكم تكلمت عن الموضوع اللي حاطين كل شخص يقدر بطريقته يتحكم في عياله يقولهم شنو الاحسن يعني ليش قلتي لي بهالطريقه ( و اشدراج عيالنا مب جذي ...) ماعرف اكيد كل وحده لها طريقتها مع عيالها و هالشي زين اذا يقدرون يتحكمون في عيالهم عشان يقللون استخدام النت و في الأخير انا رديت رد عادي قلت عن اللي ان شفته كمثال



مع احترامي لج تناقض عجيب غريب ..

اختك ما تسمح لبنتها باستخدام النت الا اوقات معينه وتعطيها تلفون حق الاتصالات ..!!
وفي مكان اخر في عالم اخر اختك مخليه بنتها عايشه في بيت كفار ومحرمين عليها ..

الحين وين الصح في الموضوع

خااطري كنت ما اعلق بس الشيخة اعذريني ما قدرت اسكت ..
هذا الي سوته ادمر واخس انها تامن بنتها في بيت حتى لو دراسة عندها سكن طالبات ادور لها الزين
مب بيت فيه شباب وبنات ..
اشوي اشوي يجرونها لاشياء اهي في غنى عنها ..

الله يستر على الجميع

[الخيالة]

مع احترامي لج تناقض عجيب غريب ..

اختك ما تسمح لبنتها باستخدام النت الا اوقات معينه وتعطيها تلفون حق الاتصالات ..!!
وفي مكان اخر في عالم اخر اختك مخليه بنتها عايشه في بيت كفار ومحرمين عليها ..

الحين وين الصح في الموضوع

خااطري كنت ما اعلق بس الشيخة اعذريني ما قدرت اسكت ..
هذا الي سوته ادمر واخس انها تامن بنتها في بيت حتى لو دراسة عندها سكن طالبات ادور لها الزين
مب بيت فيه شباب وبنات ..
اشوي اشوي يجرونها لاشياء اهي في غنى عنها ..

الله يستر على الجميع


مافي تناقض و اللي راحت تدرس بره لمدة سنة مب نفسها اللي اقول عمرها 21 سنه يعني مثل ماقلت وحده من خواتي قدرت تخلي بنتها تمشي علي نظامها و التلفون الثاني اللي بس حق اتصالات هاي في الضروره اذا راحت مكان و بغوا يكلمونها او يمرون ياخذونها او عندها مواعيد في المستشفي و جذيه مب حق شي غير و الفاتوره باسم ابوها يشيك كل مره الأرقام و الثانية اللي راحت تدرس بنت اختي الثانية سكنت في سكن الجامعه انا كتبت يوم رحنا بيت الاستاذة كانت مسويه عزيمه حق كل الطالبات بدون اي مناسبه مب عايشه معاهم و في بيتهم و مع كفار مثل ما تقول و للعلم مب كفار مسلمه الاستاذة انا لا قلت كافره ولي شي و انا كلش ما قلت احنا الأفضل وأحسن و مادري شنو بس جبت أمثال
ع العموم ندمت ان شاركت في الموضوع هجوم سويتوا علي جنه مسويه شي غلط مع أن بس كتبت رايي

الله يوفق الجميع اخر مشاركة لي

[eXpert*]

من شب علي شئ شاب عليه .

قدر المستطاع أشغال الأطفال بالهوايات بعيداً عن التكنولوجيا .

نقطة الثانية وضع كومبيوتر واحد في المنزل للأطفال ويشتغل بعداد ، كل طفل له 90 دقيقة في اليوم مثلاً . اما يستغلها فيما يفيده أو تضيع عليه حسرة في ساعة ونصف .

[العقل المدمر]

لما كنت فالجامعة ايام ادمان البلاك بيري
كانت الدكتورة كلثم الله يذكرها بالخير تقول ان هالادمان مرض
وتقول يجوني بنات يبوني اعالجهم من الادمان وقدرت اعالجهم
وكنت وقتها اتمنى اروح لها تعالجني وماعندي الشجاعة اني اتخلى عنه
حتى عقب ما حاولت بنفسي تميت شهر كامل الجوال مب عندي واشوف الليت الاحمر :(
وبصراحة انا كنت في ايام المراهقة نفس الشي .. اموت لو يتسكر علي النت وانقلب وحش على هلي
وكل شي يوصل لمرحلة الادمان اللي يخلي الواحد ينفعل الا يبيه يعتبر مرررض ولازم علاج سلوكي
لازم تتوفر انشطة فالبيت او برى ولازم الناس تلتقي ببعضها عشان يخف التواصل الالكتروني
ماعدنا نحس باللحظة الحين ذكرياتنا كلها في جوالاتنا ماندري وين كنا وشنو شفنا
ننشغل بالتصوير وننشغل بالكتابة والسوالف ومانحس بطعم الرحلات والسفر مثل قبل لان مانعيش اللحظة
ايام اول هواياتنا ماتخلص والحين يمكن بعضهم مايعرفون شنو يعني هواية هوايتهم الوحيدة مجابل ايباد والا جوال

[بنت شرق]

لما كنت فالجامعة ايام ادمان البلاك بيري
كانت الدكتورة كلثم الله يذكرها بالخير تقول ان هالادمان مرض
وتقول يجوني بنات يبوني اعالجهم من الادمان وقدرت اعالجهم
وكنت وقتها اتمنى اروح لها تعالجني وماعندي الشجاعة اني اتخلى عنه
حتى عقب ما حاولت بنفسي تميت شهر كامل الجوال مب عندي واشوف الليت الاحمر :(
وبصراحة انا كنت في ايام المراهقة نفس الشي .. اموت لو يتسكر علي النت وانقلب وحش على هلي
وكل شي يوصل لمرحلة الادمان اللي يخلي الواحد ينفعل الا يبيه يعتبر مرررض ولازم علاج سلوكي
لازم تتوفر انشطة فالبيت او برى ولازم الناس تلتقي ببعضها عشان يخف التواصل الالكتروني
ماعدنا نحس باللحظة الحين ذكرياتنا كلها في جوالاتنا ماندري وين كنا وشنو شفنا
ننشغل بالتصوير وننشغل بالكتابة والسوالف ومانحس بطعم الرحلات والسفر مثل قبل لان مانعيش اللحظة
ايام اول هواياتنا ماتخلص والحين يمكن بعضهم مايعرفون شنو يعني هواية هوايتهم الوحيدة مجابل ايباد والا جوال

اعتقد اليوم مافي حد نقدر نقول عنه غير مدمن على وسيلة تواصل برنامج أو لعبة لسبب أو لآخر ولكن عن نفسي في السفر ما اكون مدمنة

[الحياة الخالدة]

اعتقد التواصل اكثر ممكن يخليهم شوي يبتعدون عن عالم النت ..
يعني مثال عني ..
الجمعه في بيتنا معروف انه يوم الجمعه العائليه الله يحفظهم ان شاء الله ..
فانا اول شي اسويه اخذ تليفونات اليهال كلهم عشان يقعدون مع بعض ولو حسيتهم تمللو اعطيهم جهاز واحد يشوفون اي شي فيه المهم يكونون مجتمعين ..
صج تطلع حركاتهم الزايده بس اقلها يطلعون الطاقه اللي فيهم :fight:

اليهال يبيلهم بس انشغال في وقتهم وزيادة تقارب الام ولا الاب من عيالهم .. المشكله في ناس تلاقي عيالهم صغار ولاهيين بالجوال ولما تسال
الام تقول عشان يلهى عني :rolleyes2: ولا عشان يسكت والله المستعان ..
صحيح أختي العنيدة
خلق قنوات تواصل أخرى بعيداً عن النت والتكنولوجيا (تواصل مباشر) يقوي العلاقات بداخل الاسرة الصغيرة .. و كذلك بين أبناء الاسر المتصلة بصلة القرابة من ابناء العم والخال وغيرها
وهذا هو الهدف الاساسي من التجمعات العائلية مرة أو مرتين في الاسبوع
لأن اللي حاصل أن العيال ما يعرفون بعضهم البعض ولو صدف وكانوا في مدرسة وحدة مثلاً أو في أي تجمعات أخرى
يستغربون لما يطلع فلان الفلاني قريب جداً لهم وهم أول مرة يشوفونه أو مشبهين عليه

[الحياة الخالدة]

متى ماقدرنا نرجع الكبار لعالمهم الحقيقي

الكل صار مدمن انترنت بجميع وسائله (سواء تصفح او انستغرام او سناب شات او واتس اب او غيرهم)


وبصراحة اكبر يالحياة :
شلون العيال أصلا ادمنوا هالمواضيع ؟ اللي ادمنوها الكبار قبلهم أصلا

في الغالب تلقين :
الاهل يبون يسكتون العيال مثلا او يخلونهم يلهون بشي يعطونهم ويعودونهم على هالسوالف


او تلقين الام او الابو مدلع عياله بزيادة وكل ماطلبوا شي جابوه ، فيالياهل شاف هالشي عند ربعه مثلا او عيال عمه وطلبه وعطوه

يعني صعب الولد يتعود على هالسوالف اذا كان في :
1- رقابة
2- تحكم : يعني مايخلون الشغلة عنده 24 ساعة بحجة انهم يبلفيت مرتاحين منه او يقولون احسن من انه ينط هنيه وهناك !!
3- العيال يشوفون تكاتف اسري قدامهم مب الام والأب لاهين ع الواتس اب او الاي فون طول الوقت
4- شغل وقت الطفل بشي مفيد ومتابعته


هذا رايي


ويمكن أكون غلطان
لا ياخوي .. مب غلطان
هذا سندرنا باللعب والمراكض و الصراخ .. خذ الايباد و اقعد العب في مكانك
هذا أذانا بالحنة ليل نهار .. ليش غيري عنده وانا ما عندي .. عيالهم مب احسن من عيالي
وهاذي هي
إضافة إلى القدوة مثل ما ذكرنا من قبل

[حمد 2002]

اذا الاباء استطاعوا ان ينقطعوا عن تلك الاجهزه ..

بعد اذ الابناء بالامكان عزلهم عنها ..

الحل (( بالبرمجه ))
بأن يتم برمجه الاسره انه طوال ايام الاسبوع النت الجوال ممنوع بما فيه من برماج وسوشال ميديا الا

يومين بالاسبوع ممم مثلا الجمعه والسبت وهكذا ..

القطع كليا عن تلك الاجهزه غير محبب والادمان غير محبب ،،

الافضل هو اختبار الحلول الوسطى والمعقوله والتي يتقبلها العقل ..


شكرا اختي ..