+++ مؤسسات تمنع موظفيها من لعب "بوكيمون جو" +++

[jajassim]

علمت "الشرق" ان بعض المؤسسات الحكومية في الدولة قامت بمنع لعبة "بوكيمون جو" اثناء ساعات العمل الرسمية وخاطبت موظفيها بعدم تنزيل أو ممارسة تلك اللعبة داخل هذه المؤسسات لما فيها من مخاطر عدة بحسب وجهة نظر تلك الجهات، حيث ان اللعبة تكشف أسرار العمل والأماكن المهمة فيه من خلال ملاحقة البوكيمونات وتصوير المكان.

هذا وقد انفردت "الشرق" بنشر خطر اللعبة وتداول ذلك عبر مواقع التواصل الإجتماعي فى الأيام الأولى من نزولها السوق العالمى .

وكانت هيئة تنظيم الإتصالات قد نشرت بياناً حول محاذير اللعبة ومن بينها مراعاة الخصوصية وعدم تهديد السلامة العامة

http://www.al-sharq.com/news/details/435229

[A-Alansari]

العالم طايحه تصور في دوامتها بالسناب والانستقرام عادي

بس مايصير يصور وهو يلعب بوكيمون مع انه اللعبه التصوير فيها مب شي اساسي اصلا ولا ضروري ههههههههههههههههههههههههههههههههههههه

[شبح الصمت]

العالم طايحه تصور في دوامتها بالسناب والانستقرام عادي

بس مايصير يصور وهو يلعب بوكيمون مع انه اللعبه التصوير فيها مب شي اساسي اصلا ولا ضروري ههههههههههههههههههههههههههههههههههههه



اخوي عزوز

الانستقرام بتصور صورة او يمكن فيديو وما راح تصور شيء مهم راح تكون حذر
والسناب اتوقع بتصور نفسك ما راح تمشي وتتحرك وتصور كل ممر تمر فيه او كل غرفة تدخل فيها
في فرق


وذاكرين انه
هيئة تنظيم الإتصالات قد نشرت بياناً حول محاذير اللعبة ومن بينها مراعاة الخصوصية وعدم تهديد السلامة العامة


يعني لو ما فيهها مخاطر هاللعبة هل هيئة الاتصالات راح تحذر منها
كانت راح تقول خلوها عادي حالها حال اي لعبة ..

صح والا لا

[الماريّة]

يازينهم هادين الشغل ويلعبون بيكمون
هاي الي قاصر

[راجي الْعفو]

خبر مضحك ^_^

خوفي الايام الجاية نسمع ان المؤسسات هددت بالضرب بالعصا لكل من خالف و عصى ^_^

[عبدالعزيز 9]

الموضوع انعطى اكبر من حجمه !

[عبدالعزيز 9]

شكل خلصت الاخبار في الصحف وقاموا يكتبون اي شي لتعبئه الفراغات لا غير

[موظف ((حكومي]

وعلمت الشرق ؟؟؟؟؟؟؟؟؟؟؟؟

[ضوى]

الحمد لله والشكر لله وين وصلنا في الاخبار ،

[بومحمد المطاوعه]

هههههههههههههههههههههههههههههههههههه

شي مضحك والله ,,

لهذي الدرجه استخفو الناس والعياذ بالله

بعيد الشرر

الكفار
خلو بعض المسلمين للأسف يحوسون على نفسهم هههههههههه

لاحول ولاقوة الا بالله .,.

[A-Alansari]

اخوي عزوز

الانستقرام بتصور صورة او يمكن فيديو وما راح تصور شيء مهم راح تكون حذر
والسناب اتوقع بتصور نفسك ما راح تمشي وتتحرك وتصور كل ممر تمر فيه او كل غرفة تدخل فيها
في فرق


وذاكرين انه
هيئة تنظيم الإتصالات قد نشرت بياناً حول محاذير اللعبة ومن بينها مراعاة الخصوصية وعدم تهديد السلامة العامة


يعني لو ما فيهها مخاطر هاللعبة هل هيئة الاتصالات راح تحذر منها
كانت راح تقول خلوها عادي حالها حال اي لعبة ..

صح والا لا

اخوي انت لو فهمت طريقه اللعبه ماراح تقول الي تقوله الحين

الكيمرا ممكن تتسكر اصلا يعني وانت تلعب ماتشوف شي من الكيمرا حالها حال اي لعبه

واللعبه نفسها تستخدم خرايط قوقل والكل عنده هالخرايط

وين المواضيع الحساسه الي بتصورها؟

المشكله ياخوي اغلب الي قاعدين يتكلمون عن اللعبه مايعرفون اللعبه شلون تنلعب

تعرف شنو اكبر مخاطر اللعبه؟

الي يلعب وهو يسوق فقط لا غير

اما الفيديوات الي منتشرة الي تشوفه داش غرفه ويدور تحت السرير هاي كله استهبال اللعبه لما تفتحها بتشوف نفس خريطه قوقل ماراح تشوف شي اكثر ولا تقدر تدش داخل بيوت وغيره مجرد في الخريطه وانت تمشي يطلع لك بوكيمون في شاشه التلفون تضغط عليه وتصيده

ودي اعرف الي قاعدين يحذرون من اللعبه يبنون كلامهم على شنو؟

وعلى فكره انا لعبت اللعبه وعرفت طريقتها واتحدى واحد يجيني ويقولي شنو المخاطر الي في اللعبه غير الي ذكرته لك + الي ذكرته لك الناس اصلا تسويه في السناب والانستقرام وغيرها من برامج التواصل الاجتماعي لما يسوقون او في الدوامات

والتحذير الي منزلينه عن اللعبه عشان ماتضايق الناس وانت تلعب ولاتدخل في خصوصياتهم وتصورهم وهالشي ممكن يصير في اي برنامج مب بس هاللعبه

اللعه جدا عاديه ولا فيها مخاطر ولا غيره

[بنت شرق]

حرام خربتوا عليهم الجو خلهم يصيدونه

[الحاقول]

في نظري صعب المنع والمراقبه وخصوصا ان الموظف يستخدم جواله الخاص وكذلك المراجع

[الماريّة]

اللعبه بكبرها احسها غلط حتى لو ماكانت تكشف الموقع

يكفي ان الشباب صايرين كنهم بعالم ثاني كلن يمشي ويركض
ورى سراب

[بومحمد المطاوعه]

اللعبه بكبرها احسها غلط حتى لو ماكانت تكشف الموقع

يكفي ان الشباب صايرين كنهم بعالم ثاني كلن يمشي ويركض
ورى سراب

هههههه اي والله
جات على الشباب بس

بعض البنات بعيد الشر نفس الحاله

مالوم اي انسان منزل اللعبه
لان هذي اللعبه بتخلي الشخص الي يلعبها
يستخف ويدور على ويتمشى ويدور على بيكيمون

[الدكتور عزوز]

ما نزلتها إلى الآن لكن الشباب عاجبتهم جدا ً وقمة الاندماج ، صاروا يمشون في الشارع 60 بعد ما كانوا يمشون 140 لأنهم يدورون بوكيمونات

ما يقدرون يمنعونهم لأن اللعبة تنزل فقط في الستور الامريكي وما يقدرون يتحكمون في هذا الموضوع

بس يقدرون يزيدون التوعية بخصوص عدم اللعب أثناء سياقة السيارة على الاقل

[بومتعب]

طيب واللي حصل البوكيمون بمكتب الوزير .... شلون يدش مكتبه؟؟؟؟

[شيخ الديرة]

اخوي عزوز

الانستقرام بتصور صورة او يمكن فيديو وما راح تصور شيء مهم راح تكون حذر
والسناب اتوقع بتصور نفسك ما راح تمشي وتتحرك وتصور كل ممر تمر فيه او كل غرفة تدخل فيها
في فرق


وذاكرين انه
هيئة تنظيم الإتصالات قد نشرت بياناً حول محاذير اللعبة ومن بينها مراعاة الخصوصية وعدم تهديد السلامة العامة


يعني لو ما فيهها مخاطر هاللعبة هل هيئة الاتصالات راح تحذر منها
كانت راح تقول خلوها عادي حالها حال اي لعبة ..

صح والا لا

لا لا

[مرتبش]

ابارك للجريدة هذا السبق الصحفي واشيد بانفرادها السابق اللي ورد اعلاه واشد على ايديهم لمتابعة السباق

[وحيد-الشوق]

خبر مضحك للجريدة لايكون بيحطون ناطور يشوف كل موظف يلعب بوكيمون ولا ههههههههه

[النهار]

طيب واللي حصل البوكيمون بمكتب الوزير .... شلون يدش مكتبه؟؟؟؟
ههههههههههههههههههههههههههههههههههههه
يدق على الباب بكل احترام ويقول بوكيموني عندكم في المكتب بشيله وبحرك

[وحيد-الشوق]

ههههههههههههههههههههههههههههههههههههه
يدق على الباب بكل احترام ويقول بوكيموني عندكم في المكتب بشيله وبحرك

هههههههههههههههههههه المشكلة السكرتير مابيخليك توصل لين باب مكتبه :(

[الحاقول]

اهم فائده للبوكيمون
ممارسة رياضة المشي على الكورنيش للبحث عن البوكيمون

[بانغ بانغ]

هالصحفيين هدوا الشوارع والتقصير في الجهات الحكومية في معاملات الناس ... وتقتيل في المسلمين كل مكان وتشويه لصورة الاسلام..... وجو على البوكيمون

ناس فاضية وجرايد بايخة