شهر فبراير ( شهر العسل ) [الأرشيف] - منتديات شبكة الأسهم القطرية

مشاهدة النسخة كاملة : شهر فبراير ( شهر العسل )

مـراحـب

26-07-2016, 12:58 PM

السلام عليكم ورحمه الله وبركاته

اخواني / اخواتي

نبغي جدول مضبوط لشهر العسل شهر فبراير 2017 بأذن الله تعالى

اي الدول تنصحون فيها ، ، او جزر او الكروز

افيدونا افادكم الله

كل الشكر

أختكم في الله
مـراحـب

بومتعب

26-07-2016, 07:08 PM

شهر عسل ....

شهر فبراير .....ثلوج وبرد في أغلب دول أوروبا مع صعوبة في التنقل ...

جزر المالديف جدا مناسبة لشهر عسل لمدة أربع ليال ولكن لابد من اختيار المنتجع الأفضل...

بوخالد911

27-07-2016, 01:00 AM

أرشح الدول الاسكندنافية.
النرويج. الدنمارك. السويد.

بوخالد911

27-07-2016, 01:04 AM

شهر عسل ....

شهر فبراير .....ثلوج وبرد في أغلب دول أوروبا مع صعوبة في التنقل ...

...

أستغرب جدا من هالكلام.
العام بشهر 1/2015 رحنا الشمال التركي
بعز البرد والثلوج.
لا الحياة واقفة ولا معطلة ولا شي.
الأمور ماشية تماما.

صعدنا قمم الجبال في طرابزون وآيدر وحيدر نبي
كانت الطرق تصلح للسير فيها بفضل الجرافات اللي تنظف الثلوج من الطرق.

تركيا وغيرها معتمدين ع السياحة. لو ما شالوا الثلوج من على الطرق. كان اخسروا ملايين.

نااادر

27-07-2016, 09:27 AM

امريكا:victory:

naklan

28-07-2016, 10:21 PM

مرحبا اختي مراحب
أنا توني قبل 4 ايام راد من رحلة بحرية كروز
في الكاريبي بس هذي بعيدة ونبي وقت بانصحج
في رحلة اخرى مجربها من قبل تطلع من سنقفورا الى
الى بنانغ في ماليزيا تتمشون 5 ساعات وتردون
للسفينة ويكمل ليوكت في تايلند مدة الرحلة
3 أيام السفينة والباقي تكملون في
بوكت بتستانسون واكل محترم
في تايلند

يعني الخلاصة

تروحون من الدوحة لسنقفورة وتردون من بوكت
ورحلة لكروز من سنقفورا لبوكت اسم السفينة ستار فرقو
هذي انسب لكم والتكاليف معقولة ورخيصة

موفقين اختي وألف مبرووووك

للصبر اخر

02-08-2016, 02:24 PM

اولا مبروك مقدماا
ثانيا انتي شنو حابه
سوق طبيعه شنو بالظبط ميولج
كروز او جزر او فنادق في مناطق معروفه

بوحارب

02-08-2016, 02:32 PM

شهر 2 بيكون الجو حلو

انصحكم في مكة ثلاث ليالي وعقب دبي 4 ايام

هذا كأختيار

والاختيار الثاني نفس راي نكلان جدوله حلو وممتع

موفقين ان شاء الله

مـراحـب

04-08-2016, 09:29 AM

شهر عسل ....

شهر فبراير .....ثلوج وبرد في أغلب دول أوروبا مع صعوبة في التنقل ...

جزر المالديف جدا مناسبة لشهر عسل لمدة أربع ليال ولكن لابد من اختيار المنتجع الأفضل...

كل الشكر أخ بومتعب

فكرة حلوة , , المالديف تجنن

مـراحـب

04-08-2016, 09:29 AM

أرشح الدول الاسكندنافية.
النرويج. الدنمارك. السويد.

كل الشكر اخ بو خالد

جاري التفكير بالدول المقترحة

مـراحـب

04-08-2016, 09:30 AM

امريكا:victory:

كل الشكر اخ ناادر

امريكا > > > حلم حياتي

ممكن اقتراح جدول

حمد 2002

04-08-2016, 09:47 AM

القطب الجنوبي

نااادر

04-08-2016, 09:48 AM

كل الشكر اخ ناادر

امريكا > > > حلم حياتي

ممكن اقتراح جدول

كم المدة وبعطيك جدول حلو

ya3coub

04-08-2016, 10:46 AM

اختي مراحب انتي و ريلج شنو ميولكم و شنو الي تبونه

شهر العسل في وايد اشياء تحبون المغامرة تبون طبيعه على حسب.

عندج زنجبار و تنزانيا رووووووووووووووووووووووووووووووووووووووووووووووووو وعه و رخيصة.

جنوب افريقا ايضا مع رحلة بالهلكوبتر فالسفاري بس حاسبي من المناطق النائية.

بلدان عربية عندج المغرب و لبنان و الأردن الاردن مادري كثير ادري شهر 3 اتكون روعه الأردن, مصر يمكن مادري والله على حسب شنو تحبون.

اسيا اندونيسيا بالي و الفلبين في عندهم منتجعات رووووووووعه و رخيصه جدا جدا جدا.

كمبوديا و فيتنام. فيتنام روعه بس سمعت عندهم نهضة عمرانية كبيرة قبل كانت برخص التراب عشا فاخر حق 6 اشخاص ما يكلف 160 ريال قطري.

كروز مثل ما قال أخونا رحال مالت شرق اسيا الطويلة اخذي الي فيها اليابان و فيتنام روعه و يمدحونها الكثير من الشباب و العوائل ايضا و ابعدي عن الي فيها بس سنغافورة و ماليزيا الصغيرة كشهر عسل مو مريحة جدا بحكم كثرة بعض الجنسيات ربعي الي راحو مع اهلهم ما ارتاحو لها وايد.

في كروز اوربي بعد حليو.

و احسن شي اذا تحبون المغامرة بعد مرة و ما تبون مكان واحد و مو من النوع الي كثرة الشناط لأن اغلب المعاريس الزوج يبي اكثر عدد ممكن من الطبيعه/ العاب/ او الأماكن و الزوجة اتكون متبهدلة كونها عروسة بشنطتها و لمي ثيابج و شنطتج و يعدها يومين او ثلاثه ترد تسكرها علشان التنقل من مدينة لمدينة و فندق لفندق.

اذا هالشي ما يضايقج و شناطكم مو وايد عليج بامريكا او المغرب اجرو سيارة و استمتعو و جدولكم سووه بنفسكم طالما حلمج امريكا أختي.

حطي الولايات الي بخاطرج و سويها على فترتين مثلا اول شي الـــEast coast و بعد سنة روحي الــWest coast و اخذيها من الشمال مثلا من Niagra Falls فنيويورك لين شواطء و جسور ميامي بولاية فلوريدا جنوبا

مرورا ببنسلفانيا الولاية الدراسية اسميها و هدوئها بس حاسبو من شرطتهم ما يتساهلون
بعدها ببالتيمور فولاية ماري لاند ليلة فبالتيمور عالبحر و ثاني يوم دي سي للمتاحف و المعالم الرئاسية المهمة إلى فرجينيا و خضارها و جمالية شوارعها و هدوئها بنسلفانيا فيها بيوت رخيصه و نيويورك ابتدو اول شي من مطارهم و المدينة و صوب التايم سكوير بس لما بتروحون نياجرا فالز جربو الـــBed & Breakfast الي عالطريق ترا روووووعه و اكلهم حلو الصبح الوافلز مالتهم و فالرجعة في شفف الهلتون وايد حلوة.

بعد ديسي و فيرجينيا عندج نورث كارولينا ولاية عنصرية جدا بس على حسب الجو اذا برد جدا و عواصف بعدي عنها كملي دربج جنوب اذا الجو اوكي في عندهم بيوت خشبية على البحر عند الــPieer و الأحلى اذا ريلج من محب المحركات تلقين عندهم على مدار السنة السيارات الكبيرة Monster Trucks روووووعه.
السمر و الخوال فــNorth Carolina وايد وايد يسحبون يساعدون المسلمين و المتحجبات خصوصا الي صوب البحر معنه اشكالهم ما تطمن "للأسف الواحد ياخذ بالتعامل الشكل قبل اي شي" و انحرجت مع اهلي اكثر من مرة معاهم كون اني اقول لأخوي جهز نفسك أو حاسبو منهم و فالنهاية بس يسلمون في منهم نسبة مسلمين و يعطون نصايح فقط لا اكثر ولا اقل كونهم اقلية او يمكن بس لأنهم يرحبون بالسياح.
اذا عندكم وقت في قرية اسمها Asheville فيها مناظر طبيعية و جبال مو عالية "هضاب" تتمشين فيها.

بعدها ولاية جنوب كارولينا ما اتذكر بالظبط اي شي مميز فيها في مدينة العاب كبيرة جدا جدا مو متذكر بأي ولاية كانت بعد نورث كارولينا فيها واحد من اصل 6 قطارات فالعالم الي تنزل بزاوية 90 درجة هالمدينة يبيلكم فيها يوم كامل لعب ولا بتشبعون و اكلهم وايد وايد وايد حلو خصوصا البيتزا. في مدينة ملاهي مائية ما انصحج فيها.

جيورجيا ما اتذكر عنها اي شي كنت يا اسوق او راقد او ما فيها شي كان مميز جدا او يشد انتباهي

ولاية فلوريدا عندج كلشي غير عالم ثاني تامبا اورلاندو شارع النخيل الي على البحر لين توصلين ميامي كلن يقول الزود عندي تنوع و اكل و وناسة بس بعد شهر 2 قد تكون بارده و عواصف الله لا يقول.

في من ضمن الأشياء الي نسيتها قرية اتوقع بفرجينيا او قريبة منها كلشي فيها قديم

كللللللللللللللللللللللللشي ممنوع السيارات اللبس قديم و الحياة هناك خبزهم روعه مع الزبدة و الجام الطبيعي مالهم. تقضين يوم كامل ايضا فيها و فيها سكن و كلشي عندهم بالطرازز و الستايل القديم مع التنقل يكون على عربة يجرها حصان ما يستحضرني اسمها او اسم مدينة الملاهي حاليا.

و السموحة عالرد الطويل

مـراحـب

16-08-2016, 07:46 AM

مـراحـب

16-08-2016, 07:47 AM

اولا مبروك مقدماا
ثانيا انتي شنو حابه
سوق طبيعه شنو بالظبط ميولج
كروز او جزر او فنادق في مناطق معروفه

يبارك في عمرك عزيزتي

احب الطبيعه بما انه شهر العسل نبي تغيير ، ،، مش مهم التسويق

مـراحـب

16-08-2016, 08:20 AM

شهر 2 بيكون الجو حلو

انصحكم في مكة ثلاث ليالي وعقب دبي 4 ايام

هذا كأختيار

والاختيار الثاني نفس راي نكلان جدوله حلو وممتع

موفقين ان شاء الله

ويوفقك ويسعدك

اجمل بقاع الأرض

بأذن الله بخذ نصيحتك

kka

24-08-2016, 06:16 PM

جزيرة بالي +سنغافورة أو المالديف سنغافورة

مـراحـب

19-09-2016, 08:53 AM

حد عنده معلومات عن جورجيا

للصبر اخر

19-09-2016, 09:42 AM

حد عنده معلومات عن جورجيا

دخلي ع اليوتيوب وكتبي جورجيا او تبلسي
وعندج البوسنه بعد طبيعة حلووة