صاحب التفرغ هل انت راضي على نفسك ,,؟

[بومحمد المطاوعه]

السلام عليكم ورحمة الله وبركاتة ,,

صبحكم الله بالخيرر ,,

اول شي اللهم لاحسد
والله يزيدهم راحه مابعدها راحه ’,,

اصحاب التفرغ هل انت راضي على نفسك قاعد فالبيت وربعك الي كنت معاهم يكرفون
وتستلم راتب مثل راتبهم بالعلاوات وكل شي ,؟

مستغرب من موضوع التفرغ الصراحه
الكل يدري اذا في بطوله سباق سيارات او رالي او شي يخص البحر

لو قلنا تفرغ قبل البطوله شهرين وبعد البطوله شهر والبطوله اصلن يمكن شهر او أقل ,,

لكن اما تاخذ تفرغ طول السنه وكل سنه تتجدد لك وانت قاعد فالبيت تاخذ راتب كامل مع العلاوات ,,

شي لايرضي الله تعالى ولا رسوله الكريم صل الله عليه وسلم ,,

هل انت راضي على نفسك ,.؟

واتمنى ان الموضوع مايجرح اصحاب التفرغ الي ماعندهم شغل بالأساس

يستلم الراتب كامل كأنه على رأس عمله ,,
والبطوله مثلآ الي متفرغ لها ماتحتاج تفرغ طول السنه

الحمدلله نشارك في بطولات بدون تفرغ ونسهر لين انصاف الليالي وثاني يوم نداوم وفي اشد التعب ونقول الحمدلله ,,

ولكن السؤال هل انت راضي على نفسك قاعد فالبيت وتاكل الراتب حالك من حال المكروف .؟

تحياتي للجميع ,.

[حمد 2002]

طيب اخوي بومحمد والجهه الي ساعدته في حصوله على التفرق ؟ هل عليها عتب وذنب ؟

[بومحمد المطاوعه]

طيب اخوي بومحمد والجهه الي ساعدته في حصوله على التفرق ؟ هل عليها عتب وذنب ؟

ماعلي من الجهه علي من الشخص نفسه ,,

الله تعالى جعل العقل في كل انسان

يعرف وين الحلال والحرام ويعرف شنو الصح والخطأ ,,

يوم القيامه رب العالمين بيحاسب الشخص نفسه مب الجهه المختصه

[الحياة الخالدة]

وعليكم السلام ورحمة الله وبركاته
ماقدر اجاوب على السؤال .. لأني مب من هالفئة
لكن نفس ما قال أخوي حمد .. الشرهة واللوم مب عليهم
الشرهة على الجهة اللي عطتهم هالتفرغ طوال السنة ( نفس ما تقول ) من غير حاجة حقيقية له

[بومحمد المطاوعه]

وعليكم السلام ورحمة الله وبركاته
ماقدر اجاوب على السؤال .. لأني مب من هالفئة
لكن نفس ما قال أخوي حمد .. الشرهة واللوم مب عليهم
الشرهة على الجهة اللي عطتهم هالتفرغ طوال السنة ( نفس ما تقول ) من غير حاجة حقيقية له

تدرين الواسطه فوق كل شي ,,
لو مافي رقابه على الجهات من ناحيه التفرغ بتشوفين اخس
في ناس تداوم وتتأخر يخصمون من راتبهم
وناس اصلن مايداومون عدل ورواتبهم تمشي عدله ,,

البلا في الشخص نفسه لو كان راضي ياكل ويستلم راتب بدون اي شغل في التفرغ
هني البلا والعياذ بالله

[بانغ بانغ]

كيف تفرغ بومحمد وقاعد بالبيت

اخبر المتفرغ مرتبط بمكان ثاني مثل اتحاد رياضي او نادي او جولة معينة مثل مقناص او مرافقة شخصية وهي جزء من العمل

اما في البيت مادري يمكن ما مرت علي

[بومحمد المطاوعه]

كيف تفرغ بومحمد وقاعد بالبيت

اخبر المتفرغ مرتبط بمكان ثاني مثل اتحاد رياضي او نادي او جولة معينة مثل مقناص او مرافقة شخصية وهي جزء من العمل

اما في البيت مادري يمكن ما مرت علي

خل هذي الفئه اخوي
هذي الله يعينهم الصراحه
مكروفين اكثر من دواماتهم للعلم ,,
عندي شباب تفرغ وودهم يرجعوون دوامهم

اما المتفرغين بدون شغل ولا مشغله
الا وقت البطوله عندهم كرف قبلها بشهر
وبعد البطوله بيومين ماعندهم شي الا حفله وكيكه وسلام عليكم

وهو تفرغ ولا يداوم في دوامه
خلاص مربوط مع الأتحاد وماعنده شي طول السنه الا قبل البطوله بكم شهر بس

[معماري قطري]

إخوي بو محمد من وين جايب الفتوى بأنه شيء لا يرضي الله ولا رسوله ( صلى الله عليه وسلم )؟

المتفرغ يعني يسرق من مال بيت المسلمين؟ والا حرام التفرغ .. هناك أسباب كثيرة وحكومتنا تراعي حياة المواطن واحتياجاته .. تكلم عن من لا يقوموا بأداء واجباتهم ولا يبذلوا أقل مجهود أفضل بس التحريم والتحليل يحتاج فتاوي واضحة ومن ناس ثقاة ولا يكون فيه اختلاف وثغرات

[الحياة الخالدة]

تدرين الواسطه فوق كل شي ,,
لو مافي رقابه على الجهات من ناحيه التفرغ بتشوفين اخس
في ناس تداوم وتتأخر يخصمون من راتبهم
وناس اصلن مايداومون عدل ورواتبهم تمشي عدله ,,

البلا في الشخص نفسه لو كان راضي ياكل ويستلم راتب بدون اي شغل في التفرغ
هني البلا والعياذ بالله
والله شقول لك يا بومحمد
اللي بيستحل شي مب له .. بيسويه .. سواء بتفرغ والا من غير تفرغ
يعني حتى اللي المفروض إنهم يداومون .. تلقاهم مداومين و مب مداومين
كل هذا يرجع للشخص نفسه : دينه و ذمته و ضميره

[بومحمد المطاوعه]

إخوي بو محمد من وين جايب الفتوى بأنه شيء لا يرضي الله ولا رسوله ( صلى الله عليه وسلم )؟

المتفرغ يعني يسرق من مال بيت المسلمين؟ والا حرام التفرغ .. هناك أسباب كثيرة وحكومتنا تراعي حياة المواطن واحتياجاته .. تكلم عن من لا يقوموا بأداء واجباتهم ولا يبذلوا أقل مجهود أفضل بس التحريم والتحليل يحتاج فتاوي واضحة ومن ناس ثقاة ولا يكون فيه اختلاف وثغرات

يعني الحين الي يقوم من الصبح وييداوم مثل الي راقد ,.؟
ويستلم الراتب مثل الي يشتغل ,.؟

انت شنو تشوف وين الصح بينهم

بعدين ياخوي انا ماقلت حرام ولا قلت حلال

قلت هل راضي على نفسك ,.؟

والي يداومون ولا يشتغلون هذي موضوع ثاني

موضوعي على الي متفرغين وماعندهم شغل ولا مشغله

[بومحمد المطاوعه]

والله شقول لك يا بومحمد
اللي بيستحل شي مب له .. بيسويه .. سواء بتفرغ والا من غير تفرغ
يعني حتى اللي المفروض إنهم يداومون .. تلقاهم مداومين و مب مداومين
كل هذا يرجع للشخص نفسه : دينه و ذمته و ضميره

هالناس الي ماتخاف ربها مصيبه في الدنيا

لو ضميره حي ماسوى هالشي ولا رضى على نفسه بالأساس

اول شي منبوذ قدام الناس وربعه
ان انت ماعندك شغل وتعرف فلان وطلعو لك تفرغ

هذي الي حاصل ترى بعيد الشرر

[الدوحه1]

اعرف واحد من الشباب صار له اكثر من 6 سنوات وهو جالس في البيت ويستلم معاشه كامل!!
على كلامه السبب انهم بلغوه انه "شخص غير مرغوب فيه" يعني غصبا عنه جالس في البيت؟؟؟
هل معاشه حلال او حرام؟؟؟

[بومحمد المطاوعه]

اعرف واحد من الشباب صار له اكثر من 6 سنوات وهو جالس في البيت ويستلم معاشه كامل!!
على كلامه السبب انهم بلغوه انه "شخص غير مرغوب فيه" يعني غصبا عنه جالس في البيت؟؟؟
هل معاشه حلال او حرام؟؟؟


محد يقدر يفتي لك الا المشايخ الثقاه

بس اهو راضي على نفسه هالشي ,.؟

يعني يشوف الناس تداوم وتستلم راتب بمجهود
وهو راقد ويستلم راتب مثل الي يكرف ,.

اذا جذي ليش الكل يداوم
خلونا نقعد فالبيت وناخذ راتب
شمعنى لفلان وعلان

الواحد يشوف شنو الي يرضيه وياخذ الشي الحلال

الحين بعض الناس تشوفه ف بنك ربوي ويبي يطلع مب قادر وشايل هم كبير

[بومحمد المطاوعه]

سئل الشيخ محمد بن صالح العثيمين - رحمه الله - :
النظام الذي هو الدوام الرسمي للدولة تجد البعض يأتي متأخراً نصف ساعة ، أو يخرج من الدوام أيضا نصف ساعة ، وأحيانا يتأخر ساعة أو أكثر ، فما الحكم ؟ .
فأجاب :
الظاهر أن هذا لا يحتاج إلى جواب ؛ لأن العِوض يجب أن يكون في مقابل المعوَّض ، فكما أن الموظف لا يرضى أن تنقص الدولة من راتبه شيئاً : فكذلك يجب أن ألا يُنقص من حق الدولة شيئاً ، فلا يجوز للإنسان أن يتأخر عن الدوام الرسمي ، ولا أن يتقدم قبل انتهائه .



تخيلو هذي الجواب على الي يتأخر
فما بالكم بالانسان الي مايداوم ويستلم ..؟

[MirusS]

وعليكم السلام والرحمه

والله اخوي انا اجوف العتب مفروض يكون عالجهه
اذا الجهه راضيه ومافي شي يتعارض نظاميا
اذا بالعكس انا ماشي فالسليم والتفريغ اخذته بشكل نظامي
حتى لو اني مثلا بقعد فالبيت واستلم راتب..

[معماري قطري]

يعني الحين الي يقوم من الصبح وييداوم مثل الي راقد ,.؟
ويستلم الراتب مثل الي يشتغل ,.؟

انت شنو تشوف وين الصح بينهم

بعدين ياخوي انا ماقلت حرام ولا قلت حلال

قلت هل راضي على نفسك ,.؟

والي يداومون ولا يشتغلون هذي موضوع ثاني

موضوعي على الي متفرغين وماعندهم شغل ولا مشغله

راضي كل الرضى بسبب ظروفي الصحية وقربي من التقاعد .. من 2009 طلعت لين 2012 ورجعت من 2012 لين ما يقارب شهر 5 اللي فات وإن شاء الله لا للرجوع خلاص إن لبدني علي حق 38 سنة خدمة وباصك ال 40 إن شاء الله مع تقاعدي والله لا يغير علينا بوجود الطيبين من حكامنا ومسؤولينا

[معماري قطري]

زين انا باسئلك لو يحصل لك ترتاح مب مرتاح خصوصاً إنك محتاج للراحة

[Riku3]

ما اشوفها مشكلة دام الموضوع نظامي وبالقانون .

[بومحمد المطاوعه]

راضي كل الرضى بسبب ظروفي الصحية وقربي من التقاعد .. من 2009 طلعت لين 2012 ورجعت من 2012 لين ما يقارب شهر 5 اللي فات وإن شاء الله لا للرجوع خلاص إن لبدني علي حق 38 سنة خدمة وباصك ال 40 إن شاء الله مع تقاعدي والله لا يغير علينا بوجود الطيبين من حكامنا ومسؤولينا

يالغالي
صار عندك لبس لفهم الموضوع

يفرق عن شاب عمره فالعشرينات وتفرغ ..
وانت ماشاءالله تقول 38 سنه شغل
يعني جزاك الله خيرر على الوقفه الي وقفتها للشغل
وغير هذي صحه بدنك اكيد اولى

هذا موضوع اخر غير عن موضوع الي اتكلم عنه انا

الموضوع انا الي اتكلم عنه تفرغ من العمل لمصلحه اخرى
مثل رياضه السيارات
سباق السيارات رالي وغيره

تحصل الشاب عمره فالعشرينات وطالع تفرغ لبطوله اصلن عمر البطوله شهر ولا شهرين
وطول السنه تفرغ

هني الكلام الي فيه انه ..

والله لايغير عليك وتستاهل كل خير انت وامثالك الي اخدمو الدوله
وبيض الله وجيهكم

[بومحمد المطاوعه]

زين انا باسئلك لو يحصل لك ترتاح مب مرتاح خصوصاً إنك محتاج للراحة

عن نفسي انا ..

اذا بريح نفسي مب ماخذ راتب مثل راتب الي يشتغل

لأن مايحق لي

هذا رأيي

[بومحمد المطاوعه]

ما اشوفها مشكلة دام الموضوع نظامي وبالقانون .

نظامي اذا كان التفرغ شغال في امور اخرى
يعني تفرغ من العمل للمشاركه ف بطوله دوليه
او اي شي اخر

اما تفرغ من العمل وقاعد فالبيت وراتبه يمشي كامل ...؟

ليش

[سالم الزهران]

إذا كانت الآلية و النظام ذا موجود في الدولة ...( فلا ظني انه موجود الا لحكمة و لهدف )

التفرغ اذا كان لأداء عمل معيّن للدولة ( فلا هو بحرام لا للي عمره 22 سنة .. و لا للي عمره 55 سنة) ؟

و أظن قصدك يبو محمد يقصد الشباب اللي يتفرغ ( وهو ما يستحق التفرّغ و لا يقوم بعمل في المقابل )

يا ما ناس يداومون صورياً و ليتهم ما يجون يزاحمونا في المواقف ..تطلع تكلم تلفون تلقى نص المواقف فاضية

و انا ودي بالتفرّغ ... ( اسلك الطرق النظامية ... ما اقفز قدام واحد هو اللي قاص شريط الافتتاح في الدائرة و عنده نظارة في جيبه ونظارة في السيارة :) )

اظن اننا كلنا ضد التفرغ السلبي اللي يأتي على حساب الآخرين ... خصوصاً من الشباب اللي ما قد رد ولو جزء بسيط من حق المجتمع عليه.

والله أعلم

[بومحمد المطاوعه]

إذا كانت الآلية و النظام ذا موجود في الدولة ...( فلا ظني انه موجود الا لحكمة و لهدف )

التفرغ اذا كان لأداء عمل معيّن للدولة ( فلا هو بحرام لا للي عمره 22 سنة .. و لا للي عمره 55 سنة) ؟

و أظن قصدك يبو محمد يقصد الشباب اللي يتفرغ ( وهو ما يستحق التفرّغ و لا يقوم بعمل في المقابل )

يا ما ناس يداومون صورياً و ليتهم ما يجون يزاحمونا في المواقف ..تطلع تكلم تلفون تلقى نص المواقف فاضية

و انا ودي بالتفرّغ ... ( اسلك الطرق النظامية ... ما اقفز قدام واحد هو اللي قاص شريط الافتتاح في الدائرة و عنده نظارة في جيبه ونظارة في السيارة :) )

اظن اننا كلنا ضد التفرغ السلبي اللي يأتي على حساب الآخرين ... خصوصاً من الشباب اللي ما قد رد ولو جزء بسيط من حق المجتمع عليه.

والله أعلم

الله يجزاك خير على تفهمك لمقصد موضوعي

هذا هو
التفرغ السلبي
محد يرضى به

انت وانا نداوم من 7 لين 2 ونستلم راتب
والاخ اللطيف راقد وسفرات ونفس راتبك يستلم

لاشغل رلا مشغله لو شغال في الجهه المتفرغ له
مانقول شي ونقول الله يوفقه ويعينه
ولكن متفرغ وقاعد فالبيت
تحت مسمى تفرغ

للأسف مادري شلون راضي على نفسه هالانسان


تحياتي لك يالطيب

[kuwari]

يمكن يمثل قطر في المحافل والدنيا ارزاق

[بوخالد911]

لان هالفئة مات عندها الضمير والحس !!!!

[كيلو حديد]

واحد متفرغ وينزله راتب مب مشكلته
مشكلة الي ينزله الراتب

[حـ ن ـيـ ن]

أتمنى التفرغ لسنوات معدودة ، اسميها ( استراحة محارب ) :)

والأهم الراتب يكون كامل:nice:

[حـ ن ـيـ ن]

وبما إنّي معلمة أقوم بأعمال إدارية إضافة لعملي الأساسي

وعملي لا ينتهي بانتهاء الدوام الرسمي وإجازاتي محددة

لهذه الأسباب إن توفر لي التفرغ :nice:

سوف أكون في أتم الرضى :)

[عقار]

الناس المتفرغين ،، ما فرغوهم من عملهم الا لمصلحة الوطن ، وهذولا يطلع لهم كتاب التفرغ من جهات رسمية ، والمسؤولين هم يوقعون ويدرون ، فإذاً المفروض ما نتدخل في ها الأمور ، الحكومه ادرى بشغلها .
والله يوفقنا جميع لمصلحة البلاد والعباد

[ممنوع اللمس]

اي عادي ليش لا مافيها شي
بالعكس حلو التفرغ عن تجربه
ممتاز جدا

[حـ ن ـيـ ن]

الناس المتفرغين ،، ما فرغوهم من عملهم الا لمصلحة الوطن ، وهذولا يطلع لهم كتاب التفرغ من جهات رسمية ، والمسؤولين هم يوقعون ويدرون ، فإذاً المفروض ما نتدخل في ها الأمور ، الحكومه ادرى بشغلها .
والله يوفقنا جميع لمصلحة البلاد والعباد

كل المتفرغين لمصلحة الوطن ؟

ومالمانع أن يشارك المواطن برأيه ؟ جملة الحكومة ادرى بشغلها ( كلٍ ادرى بشغله في اختصاصه )

لكن الجملة تستخدم وللأسف سواء كان مدير أو رئيس ( تعلمني شغلي ؟!)

شيء طبيعي موظف في نفس الإدارة أكيد له دراية بالعمل ماعدا بعض الأمور وهي نادرة .

[بومحمد المطاوعه]

اي عادي ليش لا مافيها شي
بالعكس حلو التفرغ عن تجربه
ممتاز جدا

انزين والي يكرف شنو وضعه .؟

اوكي حلو التفرغ بس لخد ياخذ راتب مثل الي يشتغل ويحاسبونه على شغله وعلى تاخيره وترفيعاته

صح ولالا

[بومحمد المطاوعه]

يمكن يمثل قطر في المحافل والدنيا ارزاق

مب مشكله لو متفرغ ويشتغل في التفرغ بنقول معليه الله يوفقه

ولكن قاعد فالبيت

شوضعه هالانسان

[بومحمد المطاوعه]

لان هالفئة مات عندها الضمير والحس !!!!

اي والله الصراحه الي طالع تفرغ بدون شغل ولا مشغله بس مجرد تفرغ فالهوا وياخذ راتب نفس الي يشتغل

اتمنى يراجع نفسه ويحلل راتبه

[بومحمد المطاوعه]

واحد متفرغ وينزله راتب مب مشكلته
مشكلة الي ينزله الراتب

رب العالمين ألهم كل شخص عقل ليدركه

يعني مايدري ان الراتب ينزل بدون عمل .؟

هل يستحق راتب مثل الي يشتغل ؟

واذا استحق
ليش الي يشتغل ويداوم مايقعد فالبيت مثل الفلان المتفرغ ويستلم راتب كامل

[بومحمد المطاوعه]

أتمنى التفرغ لسنوات معدودة ، اسميها ( استراحة محارب ) :)

والأهم الراتب يكون كامل:nice:

الله يرزقكم الخير والحلال الطيب

[بومحمد المطاوعه]

الناس المتفرغين ،، ما فرغوهم من عملهم الا لمصلحة الوطن ، وهذولا يطلع لهم كتاب التفرغ من جهات رسمية ، والمسؤولين هم يوقعون ويدرون ، فإذاً المفروض ما نتدخل في ها الأمور ، الحكومه ادرى بشغلها .
والله يوفقنا جميع لمصلحة البلاد والعباد

انت قلتها لمصلحه الوطن هذا كلام اخر

اما الي قاعد فالبيت لا شغل ولا مشغله وطالع بأسم التفرغ .؟

كلامي واضح فالموضوع

وفي ناس فالحكومه يتلاعبون
ومداراء مب كفو لمناصبهم
المفروض يعطونهم على راسهم

[خسران من قلب]

ماعتقد حد يطلع تفرغ من كيفه اكيد في جهه معطيته التفرغ وهم ماعطو التفرق من هواهم اكيد في اسباب اما على الراتب الله اللي معطه والله المانع
وعن نفسي لو يطلعون نص اللي في الدوام تفرغ وانا اداوم بكمل دوامي وهو الله يرزقه انا مادي مهامي وطالع لبيتي سواء هو موجود او مش موجود مهمامي بتكون منجزه .. ولا ننكر ان التفرغ فيه نعمه وفيه نقمه
والله يرزقنا اجمعين

[بومحمد المطاوعه]

ماعتقد حد يطلع تفرغ من كيفه اكيد في جهه معطيته التفرغ وهم ماعطو التفرق من هواهم اكيد في اسباب اما على الراتب الله اللي معطه والله المانع
وعن نفسي لو يطلعون نص اللي في الدوام تفرغ وانا اداوم بكمل دوامي وهو الله يرزقه انا مادي مهامي وطالع لبيتي سواء هو موجود او مش موجود مهمامي بتكون منجزه .. ولا ننكر ان التفرغ فيه نعمه وفيه نقمه
والله يرزقنا اجمعين

اللهم امين
صدقت اكيد في نقمه وفي نعمه حتى الواحد لو في دوامه
الارزاق بيد الله تعالى

اما بخصوص التفرغ اعرف ناس معرفه شخصيه
تفرغ وماعندهم شغل
واعرف 2 من الربع تفرغ واحد يكرف سفرات خارجيه مع التفرغ والله يعينه
والثاني
تفرغ طول السنه ,,

ولكن قبل البطوله بشهر يكرف مع التمارين وبس

[CH Engineer]

انا عن نفسي لو يعطوني تفرغ سنه راضي عن نفسي
بالاخير انا موظف و اتبع تعليمات إدارتي ( تفرغ او عمل)

[الماريّة]

مرحبتين اخوي بومحمد

يعطيك العافيه على حرصك في هذا الموضوع

وانا مثلك اايد كلامك والمفروض المتفرغ يا انه يتفرغ

لمده محدده من الجهه الي طلبته حددت له
او لو طال اكثر من تلزمه ادارته بالعوده لها او خصم
بعض علاواته

ومثالهم ايضا مثال الي تمشي رواتبهم كامله وهم مداومين
فقط سوالف وضحك بدون انجاز وياكثرهم


فالمفروض يكون فيه انتباااااه اكثر وتركيز على هذه الفئات

وكثر الله من امثالك اخوي ..


وجزيت كل خير

[KHALiDiSH]

حتى لا نفتي بما لا يجوز قوله... والمسأله محدده ومكفولة بين الموظف وجهة العمل.

بومحمد الامثله الي ذكرتها جميعها لا تبت بصله بموضوع التفرغ... مثل كيف انا اداوم من 7-2 وهو في البيت مرتاح... لانه المعيار هنا ساعات العمل ولكن نسيت معيار الراتب لو فرضنا الاتي...
كلنا نداوم من 7-2 لكن كل واحد ياخذ راتب غير عن الثاني او امتيازات اخرى... والسبب اختلاف المناصب الادارية مع حتى وجود نفس الخبرة العملية والشهادة الاكاديمية...

فساعات العمل ليست معيار بخصوص احقية الشخص بالراتب... انما "العقود" ...

فتوى بن عثيمين مخصوصة بالتأخير او الخروج قبل الدوام الرسمي من دون تعويض "دون علم جهة العمل"
ولكن في حالة التفرغ هناك اتفاق مسبق بين الموظف وجهة العمل يعني "بعلم الطرفين مع الاتفاق المسبق"

انا مب مع التشجيع لمثل هذه الفئة "من دون عذر مقبول" ولكن هذا ما يعطينا اي حق بالتقليل منهم او محاولة اشعارهم بالذنب عن طريق لصق امور دينية او فتاوي لا تبت لها بصلة

[الحياة الخالدة]

الصراحة الصراحة .. ومن غير زعل
ما اعتقد لو كنت في مكانهم .. كنت بتنزل هذا الموضوع

[حمد 2002]

فيه ناس تم اجبارهم على عدم العمل وبدون اختيار منهم

كالاستشارين بالوزارات ..

والمحالين للبند المركزي من المعلمين والمعلمات ..

والكثير الكثير ..

شكرا ..

[خسران من قلب]

الصراحة الصراحة .. ومن غير زعل
ما اعتقد لو كنت في مكانهم .. كنت بتنزل هذا الموضوع

محد راح يقول لا واللي عنده غير هالكلام ماظني انه صادق

[JN000N]

والله عن نفسي لو يعطوني تفرغ
واقعد فالبيت وشغلتي كلها شهرين او ثلاث
بقعد وباخذ راتبي كامل جنه العيد
ادري بي لين داومت مب مقصره ف شغلي والدوله عطتني هالحق وباتمتع فيه

[بومحمد المطاوعه]

الصراحة الصراحة .. ومن غير زعل
ما اعتقد لو كنت في مكانهم .. كنت بتنزل هذا الموضوع

اشدراج .. اني برضي بهالشي .؟

هل تحطين في ذمتج اني بوافق على التفرغ واخذ راتب كامل كالموظفين الي يداومون .؟

[بومحمد المطاوعه]

محد راح يقول لا واللي عنده غير هالكلام ماظني انه صادق

الي يقول هالكلام
الي مب مخلص في عمله


اما الي يخلص في عمله ومايبي ياكل مال حرام بيكون صادق امام رب العالمين وبيرضى بأمر الله

[بومحمد المطاوعه]

والله عن نفسي لو يعطوني تفرغ
واقعد فالبيت وشغلتي كلها شهرين او ثلاث
بقعد وباخذ راتبي كامل جنه العيد
ادري بي لين داومت مب مقصره ف شغلي والدوله عطتني هالحق وباتمتع فيه

تفرغ شهر شهرين 3 مب مشكله

اما الي طول السنه تفرغ ومايسوي شي

هني شنو وضعه .؟
ليش هالتفرغ على اي اساس .؟

[بومحمد المطاوعه]

فيه ناس تم اجبارهم على عدم العمل وبدون اختيار منهم

كالاستشارين بالوزارات ..

والمحالين للبند المركزي من المعلمين والمعلمات ..

والكثير الكثير ..

شكرا ..

هذي الناس خلهم على صوب

المقصد من التفرغ الي بدون شغل

يعني طالع تفرغ لان مع فلان الفلاني
او في نادي سباق السيارات
واصلن البطوله كلها شهر

ليش تفرغ طول السنين

[بومحمد المطاوعه]

انا عن نفسي لو يعطوني تفرغ سنه راضي عن نفسي
بالاخير انا موظف و اتبع تعليمات إدارتي ( تفرغ او عمل)

لك الحق

اذا تتفرغ لموضوع اخر
عمل ولا بعثه ولا اي شي غير دوامك ..

اما تفرغ بدون هدف
ليش هالتفرغ
شالسبب

[JN000N]

تفرغ شهر شهرين 3 مب مشكله

اما الي طول السنه تفرغ ومايسوي شي

هني شنو وضعه .؟
ليش هالتفرغ على اي اساس .؟

لا ما فهمت ردي
تفرغ سنه وشغلتي كلها شهر شهرين او ثلاث
عادي
اولا الدوله عطتني وتدري بالمده مافي شي يطوف بدون نفاصيل ع فكره
وبعدين محتاجه تهيئه وراحه :happy:
والله صج جان زين يعطوني تفرغ واقعد ف البيت

[بومحمد المطاوعه]

مرحبتين اخوي بومحمد

يعطيك العافيه على حرصك في هذا الموضوع

وانا مثلك اايد كلامك والمفروض المتفرغ يا انه يتفرغ

لمده محدده من الجهه الي طلبته حددت له
او لو طال اكثر من تلزمه ادارته بالعوده لها او خصم
بعض علاواته

ومثالهم ايضا مثال الي تمشي رواتبهم كامله وهم مداومين
فقط سوالف وضحك بدون انجاز وياكثرهم


فالمفروض يكون فيه انتباااااه اكثر وتركيز على هذه الفئات

وكثر الله من امثالك اخوي ..


وجزيت كل خير

ويجزاكي كل خير
والله يعافيج

صدقتي اختي
المفروض في تحري لهذا الموضوع

التفرغ بدون هدف واستلام العلاوات كأنه موظف

عيل ليش العالم تداوم خل يتفرغون وياخذون رواتب

شالمشكله يعني

اذا الاكثريه معارضين على موضوع التفرغ بدون هدف

تكلمت في موضوعي ان الي متفرغ لهدف هذا امر اخر
اما الي طالع وقاعد فالبيت بدون شغل ومشغله شنو وضعه

الله يهديهم الصراحه

[بومحمد المطاوعه]

لا ما فهمت ردي
تفرغ سنه وشغلتي كلها شهر شهرين او ثلاث
عادي
اولا الدوله عطتني وتدري بالمده مافي شي يطوف بدون نفاصيل ع فكره
وبعدين محتاجه تهيئه وراحه :happy:
والله صج جان زين يعطوني تفرغ واقعد ف البيت

عاد انتي بنت قعدي فالبيت احسن لج
هههههههههه

بس ماله داعي صج ترى
يعني مثال بطوله سباق سيارات

انا اشارك وماعطوني تفرغ لهذي المده حلوو

يعني شهرين ماعطوني تفرغ اشارك وثاني يوم اداوم وانا مرهق وتعبان
وشكثرهم من ربعي ماعطوهم ..

والثاني ليش مع فلان الفلاني مشوو التفرغ وابشرج طول السنين الحين صار له 4 سنوات تفرغ ونفس البطوله

شمعنى يعني ليش انه مع الفريق الفلاني

مب لازم اكون مع هذا الفريق علشان اخذ تفرغ طول سنيني مابي تفرغ طول السنه
ابي تفرغ لمده البطوله وارجع دوامي

[بومحمد المطاوعه]

حتى لا نفتي بما لا يجوز قوله... والمسأله محدده ومكفولة بين الموظف وجهة العمل.

بومحمد الامثله الي ذكرتها جميعها لا تبت بصله بموضوع التفرغ... مثل كيف انا اداوم من 7-2 وهو في البيت مرتاح... لانه المعيار هنا ساعات العمل ولكن نسيت معيار الراتب لو فرضنا الاتي...
كلنا نداوم من 7-2 لكن كل واحد ياخذ راتب غير عن الثاني او امتيازات اخرى... والسبب اختلاف المناصب الادارية مع حتى وجود نفس الخبرة العملية والشهادة الاكاديمية...

فساعات العمل ليست معيار بخصوص احقية الشخص بالراتب... انما "العقود" ...

فتوى بن عثيمين مخصوصة بالتأخير او الخروج قبل الدوام الرسمي من دون تعويض "دون علم جهة العمل"
ولكن في حالة التفرغ هناك اتفاق مسبق بين الموظف وجهة العمل يعني "بعلم الطرفين مع الاتفاق المسبق"

انا مب مع التشجيع لمثل هذه الفئة "من دون عذر مقبول" ولكن هذا ما يعطينا اي حق بالتقليل منهم او محاولة اشعارهم بالذنب عن طريق لصق امور دينية او فتاوي لا تبت لها بصلة

خل موضوع ساعات العمل
انا تكلمت عن مثال من هذي الناحيه ,,

انا اقصد موضوع التفرغ بدوووووون اي سبب
بدون اي عمل

لو تفرغ وشغال في جهه اخرى مب مشكله
او تفرغ لمده البطوله مب مشكله
محد بيقول شي وبالعكس نتمنى هالشي يمشي على الكل
مب لناس وناس

لكن تفرغ وقاعد فالبيت

شلون الواحد يرضى على نفسه
يستلم راتب مثل الي يشتغل ..!

[JN000N]

عاد انتي بنت قعدي فالبيت احسن لج
هههههههههه

بس ماله داعي صج ترى
يعني مثال بطوله سباق سيارات

انا اشارك وماعطوني تفرغ لهذي المده حلوو

يعني شهرين ماعطوني تفرغ اشارك وثاني يوم اداوم وانا مرهق وتعبان
وشكثرهم من ربعي ماعطوهم ..

والثاني ليش مع فلان الفلاني مشوو التفرغ وابشرج طول السنين الحين صار له 4 سنوات تفرغ ونفس البطوله

شمعنى يعني ليش انه مع الفريق الفلاني

مب لازم اكون مع هذا الفريق علشان اخذ تفرغ طول سنيني مابي تفرغ طول السنه
ابي تفرغ لمده البطوله وارجع دوامي

بومحمد والله موضوعك هين
لان هذي مب القهر
القهر اييك واحد يمشيله راتبين
ما تكلم عن اللي انتدب ف مكان ويمشون له
اتكلم عن واحد حطوه انتداب ونسوه خمس او ست سنين
ويستلم راتبين
وكل راتب العن من الثاني
وهو متثبت ف وظيفته الثانيه
لكن مازال شغله الاولي يمشيله راتب واحسب اذا راتبه الاولي كان فوق 100 الف وراتبه الثاني ف هالحروه
والله ربحان
شغلوني نفسه والا مب احسن لكم :eek3:

[ضوى]

يعني اذا شغله قالوا له اقعد بالبيت واحنا بنمشي لك راتبك كامل يقول لا !؟ يروح يقولهم لا قطعوا راتبي دام ماتبوني !؟ اللي يتحاسب جهه العمل والا هو ماله ذنب

[بومحمد المطاوعه]

بومحمد والله موضوعك هين
لان هذي مب القهر
القهر اييك واحد يمشيله راتبين
ما تكلم عن اللي انتدب ف مكان ويمشون له
اتكلم عن واحد حطوه انتداب ونسوه خمس او ست سنين
ويستلم راتبين
وكل راتب العن من الثاني
وهو متثبت ف وظيفته الثانيه
لكن مازال شغله الاولي يمشيله راتب واحسب اذا راتبه الاولي كان فوق 100 الف وراتبه الثاني ف هالحروه
والله ربحان
شغلوني نفسه والا مب احسن لكم :eek3:

والله هذي اهو ساكت ويعرف
الله يعينه
خل يراجع المشايخ
لأن اصلن راتبه ماله حق فيه

مب متكلم علشان مايقوولون بعد مب كيفك تحلل وتحرم
خل الي متشكك بنفسه يبحث ف المواقع المشايخ
مب لازم انقل لهم

بس تدرين عندنا فالدوام صادو هالفئه الي تمشي لهم علاوه وهم مايستحقون وساكتين هالموظفين

بس اكبسو على وجهم وخذو منهم اثر رجعي

تلفتو ذاك اليوم اشوي وبيصيحون ,,

يستاهلون الصراحه لأنهم ساكتين وياخذون علاوات وهم مالهم اي حق فيها

[بومحمد المطاوعه]

يعني اذا شغله قالوا له اقعد بالبيت واحنا بنمشي لك راتبك كامل يقول لا !؟ يروح يقولهم لا قطعوا راتبي دام ماتبوني !؟ اللي يتحاسب جهه العمل والا هو ماله ذنب

لالا ماقلنا روح اقعد فالبيت
الموضوع غير هن جذي

الموضوع انه يقدم كتاب تفرغ صادر من جهه اخرى
مثال
سباق الخيول
او سباق السيارات
حلوو

يظهر الكتاب بتفرغ من تاريخ الفلاني لتاريخ الفلاني

هذي محد يقدر يقول ليش او يعترض
حزات المدير مايوافق اصلن للتفرغ

ويرفض طلب التقديم مثل ماصار لي ولكم شخص معاي .,.

لكن الموضوع ان يطلع فلان تفرغ لهذي المده وبعدها يتم تمديد التفرغ وطول السنه يتم تفرغ
واصلن البطوله خلصت ومافي اي شغل

هني البلا

[الحاقول]

صاحب التفرغ هل انت راضي على نفسك ,,؟
شخصيا ً نعم
لان التفرغ عن العمل يكون دائماً لاجل عمل اخر
التفرغ عن العمل للدراسه او الرياضه او مهمه اخرى شئ طيب ويخدم العمل

[بومحمد المطاوعه]

صاحب التفرغ هل انت راضي على نفسك ,,؟
شخصيا ً نعم
لان التفرغ عن العمل يكون دائماً لاجل عمل اخر
التفرغ عن العمل للدراسه او الرياضه او مهمه اخرى شئ طيب




كفو عليك

اذا لعمل اخر
اقولك روح الله يبارك لك ويحفظك وين ماكنت

بالعكس هذي الشي محد يقدر يقولك اي شي

لكن لو تفرغ بدون اي عمل

هني ياخوي البلا

[ضوى]

لالا ماقلنا روح اقعد فالبيت
الموضوع غير هن جذي

الموضوع انه يقدم كتاب تفرغ صادر من جهه اخرى
مثال
سباق الخيول
او سباق السيارات
حلوو

يظهر الكتاب بتفرغ من تاريخ الفلاني لتاريخ الفلاني

هذي محد يقدر يقول ليش او يعترض
حزات المدير مايوافق اصلن للتفرغ

ويرفض طلب التقديم مثل ماصار لي ولكم شخص معاي .,.

لكن الموضوع ان يطلع فلان تفرغ لهذي المده وبعدها يتم تمديد التفرغ وطول السنه يتم تفرغ
واصلن البطوله خلصت ومافي اي شغل

هني البلا

يعني البلا في جهه عمله مافي ادارة عدله مب من الموظف ابدا

[بومحمد المطاوعه]

مقصد من موضوعي

التفرغ بدون عمل اخر

اما التفرغ لعمل اخر

مافيه اي شك

[بومحمد المطاوعه]

يعني البلا في جهه عمله مافي ادارة عدله مب من الموظف ابدا

يعني الموظف مايعرف ان هالشي خطأ
مايقدر ينبههم او يقول انا خلصت بطولتي
او مشاركتي وبرجع عملي ,.؟

[ضوى]

يعني الموظف مايعرف ان هالشي خطأ
مايقدر ينبههم او يقول انا خلصت بطولتي
او مشاركتي وبرجع عملي ,.؟

اشكثر تصير هالسالفه !؟؟؟

واحد في الالف !؟ كم واحد يطلع له تفرغ !؟ ويوافق عليه المدير ، المفروض في متابعه للموظف ماداوم عقب التفرغ ينقطع راتبه لين يداوم ، يعني الادارة فاشله وموظف مرتاح من هالفشل

[KHALiDiSH]

لكن تفرغ وقاعد فالبيت

شلون الواحد يرضى على نفسه
يستلم راتب مثل الي يشتغل ..!

مع موافقة الطرفين... الموظف وجهة العمل... لا شئ فيه... ويعتبر "امتياز" للموظف فقط لا غير... ولن تجد اي موظف يرفض اي نوع من الامتياز سواء مستحق او لا...

فلا تحسسهم بالذنب بجملة "شلون الواحد يرضى على نفسه" لانها ليست بمحلها... خاصة مع ارتضاء الطرفين يا بومحمد

[ضوى]

مع موافقة الطرفين... الموظف وجهة العمل... لا شئ فيه... ويعتبر امتياز للموظف فقط لا غير...

فلا تحسسهم بالذنب بجملة "شلون الواحد يرضى على نفسه" لانها ليست بمحلها... خاصة مع ارتضاء الطرفين يا بومحمد


بالضبط هاي اللي انا اقوله ، يعني لو جهة العمل مارضت الموظف بيفرط براتبه وبيقعد غصب عنهم بالبيت !؟

[بومحمد المطاوعه]

مع موافقة الطرفين الموظف وجهة العمل... لا شئ فيه... ويعتبر امتياز للموظف فقط لا غير...

فلا تحسسهم بالذنب بجملة "شلون الواحد يرضى على نفسه" لانها ليست بمحلها... خاصة مع ارتضاء الطرفين يا


امتياز
لو متفرغ لجهه اخرى ويشتغل في الجهه الأخرى
مب لأن يعرف فلان ومشى موضوعه

بحسسهم بالذنب الي ماعندهم شغل ومتفرغ ويستلم مثل الي يكرف

مادري شلون يرضون على نفسهم هالناس الصراحه

ياخذ راتب مثل راتب الي يشتغل من الصبح للظهر
ويحاسبونه لو اخطأ او تأخر او صار شي فالدوام

والأخ اللطيف راقد ومعاشه يمشي ومحد يحاسبه


عن عائشة ترفعه إلى النبي صلى الله عليه وسلم أنه قال: (إن الله يحب إذا عمل أحدكم عملا أن يتقنه)

[بومحمد المطاوعه]

بالضبط هاي اللي انا اقوله ، يعني لو جهة العمل مارضت الموظف بيفرط براتبه وبيقعد غصب عنهم بالبيت !؟

محد فهم موضوعي بالأساس
والمقصد

اتمنى قرائه الموضوع مره اخرى

[بومحمد المطاوعه]

اشكثر تصير هالسالفه !؟؟؟

واحد في الالف !؟ كم واحد يطلع له تفرغ !؟ ويوافق عليه المدير ، المفروض في متابعه للموظف ماداوم عقب التفرغ ينقطع راتبه لين يداوم ، يعني الادارة فاشله وموظف مرتاح من هالفشل

الاداره فاشله يمكن
لكن الله تعالى حط في كل بني ادم عقل ..

المفروض الواحد يحاسب نفسه ويشوف نفسه الي يسويه صح ام خطأ

يعني يحس على دمه اشوي ,,

اذا سالفه علاج يقولج قانون الموارد البشريه
6 شهور يمشي الراتب وعقبها يقللونه

[ضوى]

انزين انت اشرح الموقف بالضبط عشان نفهم

[KHALiDiSH]

امتياز
لو متفرغ لجهه اخرى ويشتغل في الجهه الأخرى
مب لأن يعرف فلان ومشى موضوعه

بحسسهم بالذنب الي ماعندهم شغل ومتفرغ ويستلم مثل الي يكرف

مادري شلون يرضون على نفسهم هالناس الصراحه

ياخذ راتب مثل راتب الي يشتغل من الصبح للظهر
ويحاسبونه لو اخطأ او تأخر او صار شي فالدوام

والأخ اللطيف راقد ومعاشه يمشي ومحد يحاسبه


عن عائشة ترفعه إلى النبي صلى الله عليه وسلم أنه قال: (إن الله يحب إذا عمل أحدكم عملا أن يتقنه)


اي صح امتياز...
نفس الشخص الي يعمل داخل مكتب مكيف والشخص الي يعمل في الشمس ويستلم راتب اقل ومجهود اكثر...
او المواطن الي يعمل نفس عمل المقيم ولكن يختلف راتبهم ... وذلك لامتيازه فقط انه مواطن...
كيف ترضى على نفسك تاخذ كهرباء وماء ببلاش والمقيم يدفع... مع فارق الراتب الي بينكم...
كيف ترضى على نفسك تاخذ ارض وقرض ومواطن اخر ياخذ فقط قرض...
كيف ترضى على نفسك تتعالج مجاناً فقط لانك مواطن والمقيم لازم يدفع...

امور الدنيا كلها مبنية على الامتيازات... وهو حق مشروع... تحت مظلة القانون... ما دامت مشروعة... ولا دخل لها بطريقة الحصول عليها...

القياس اخوي عندك جداً خاطأ...
ياخذ راتب لانه مستحق حسب ارتضاء الطرفين... اما قولك لانه يعرف فلان او علان... هذا وان كان في الاحيان صحيح ولكن ايضاً بإرتضاء الطرفين...

وحديث (إن الله يحب إذا عمل أحدكم عملا أن يتقنه) ما له دخل بالموضوع.... لانه هنا فيه من الترغيب بالاحسان والابداع بالعمل "المطلوب منك"

فلذا ارجوا منك عدم ضرب الامثله الدينية في غير محلها... محاولة لتوصيل نقطة معينة... لانها عادة ما تكون غير مرتبطة...

حاول ان تتطرق للامور بطرق ايجابية وهي كيفية الاستفادة منهم حتى مع تفرغهم... وذلك بتشجيعهم بأمور ممكن يستفيد المجتمع منهم...
نحتاج هنا التوجيه الصحيح وليس العتب... وعدم محاولة التغلل لمشاعرهم لاحساسهم بالذنب... مع مشروعية حقهم بالاستحقاق عند ارتضاء جميع الاطراف.

[بومحمد المطاوعه]

انزين انت اشرح الموقف بالضبط عشان نفهم

ضوى تابعي الردود كاتب والله وشارح

بس بعد بشرح لج

بعطيج مثال
واحد معاي فالمكتب
يشارك في بطوله سباق السلقان الله يعزكم ,,

اول مشاركات له كان يكتب كتاب تفرغ وينرفض من الرئيس
لين طلع كتاب من كتارا من اللجنه نفسها ان هذا الشخص مشارك في البطوله
وكان يبي بس تفرغ فتره السباق ولله الحمد وافقو له لين اخر يوم البطوله وبعدها بيوم يباشر العمل ..

هذي مافيه شك ويستاهل لان مجهود متعب اساسآ
تخيلي تمرين يوميآ من الساعه 3 العصر لين المغرب وفي العديد وغير المجابل للعلاج وللأكل و و و

وجانب اخر يطلع كتاب تفرغ لسباق السيارات طول السنه لشخص
من نفس الدوام ونفس السباق والبطوله
بما ان نشارك في السباق ولا عطونا اي يوم تفرغ ,,

يصدر حق هذا الشخص كتاب تفرغ لان موصى من فوق وياليت لو فتره البطوله
يكون تفرغ طول السنين خلاص ولا يدري عن دوامه
واصلن ماله داعي هذا التفرغ ابد ,,


هني المشكله ان في ناس تطلع تفرغ بدون سبب ومافي اي عمل للتفرغ

[بومحمد المطاوعه]

اي صح امتياز...
نفس الشخص الي يعمل داخل مكتب مكيف والشخص الي يعمل في الشمس ويستلم راتب اقل ومجهود اكثر...
او المواطن الي يعمل نفس عمل المقيم ولكن يختلف راتبهم ... وذلك لامتيازه فقط انه مواطن...
كيف ترضى على نفسك تاخذ كهرباء وماء ببلاش والمقيم يدفع... مع فارق الراتب الي بينكم...
كيف ترضى على نفسك تاخذ ارض وقرض ومواطن اخر ياخذ فقط قرض...
كيف ترضى على نفسك تتعالج مجاناً فقط لانك مواطن والمقيم لازم يدفع...

امور الدنيا كلها مبنية على الامتيازات... وهو حق مشروع... تحت مظلة القانون... ما دامت مشروعة... ولا دخل لها بطريقة الحصول عليها...

القياس اخوي عندك جداً خاطأ...
ياخذ راتب لانه مستحق حسب ارتضاء الطرفين... اما قولك لانه يعرف فلان او علان... هذا وان كان في الاحيان صحيح ولكن ايضاً بإرتضاء الطرفين...

وحديث (إن الله يحب إذا عمل أحدكم عملا أن يتقنه) ما له دخل بالموضوع.... لانه هنا فيه من الترغيب بالاحسان والابداع بالعمل "المطلوب منك"

فلذا ارجوا منك عدم ضرب الامثله الدينية في غير محلها... محاولة لتوصيل نقطة معينة... لانها عادة ما تكون غير مرتبطة...

حاول ان تتطرق للامور بطرق ايجابية وهي كيفية الاستفادة منهم حتى مع تفرغهم... وذلك بتشجيعهم بأمور ممكن يستفيد المجتمع منهم...
نحتاج هنا التوجيه الصحيح وليس العتب... وعدم محاولة التغلل لمشاعرهم لاحساسهم بالذنب... مع مشروعية حقهم بالاستحقاق عند ارتضاء جميع الاطراف.


جزاك الله خير على المادخله الطيبه

اذا الأنسان يعمل هذا امر اخر
يعمل ويكد بمجهوده
براتب

وهالشي مفروغ منه لان يشتغل ويستلم راتب والله يوزع الأقدار على الناس ..

وحقهم بأستحقاق التفرغ لو عندهم عمل اخر
اما ماعندهم عمل اخر
مالهم حق ,,

لو لهم حق اخوي
عيل ليش كل الناس تداوم
خلهم يقعدون فالبيت ويستلمون رواتب كامله ,,!

طرحت الموضوع علشان نشوف حلول من هذي المشكله

الي هي
تفرغ بدون عمل اخر

مب تفرغ لعمل في جهه اخرى او دراسه او مشاركه ..
اذا التفرغ ربط في عمل اخر محد بيقول اي شي

لكن تفرغ وقاعد فالبيت ,,
شالفايده من اخذ الراتب كامل

عيل ليش المريض لو سافر للعلاج
بعد 6 شهور ينقص راتبه

هذا قانون الموارد البشريه

هذا مريض وينقص راتبه
والتفرغ يمشي راتبه كامل ,!

الصراحه ماعرف شاقول

[ضوى]

فهمت مشكلتك يابو محمد

وارد اقول الموظف ماله ذنب فرصه وجاته على طبق من ذهب من منظمين البطوله ، واللي ماعطوهم تفرغ المنظمين مالهم اي قيمه عند صاحب العمل هذا ولا يمونون عليه ، وبعدين تفرغ طول السنين هاي شوي فيها لبس لانه في شي اسمه ديوان المحاسبه وفيه نام حضور وانصراف وفيه رقابه ، ولو هالامور كلها مب موجودة يعني في خلل وفساد اداري كبير الكل مشترك فيه الموظف وادارته

[بومحمد المطاوعه]

حكم أخذ الموظف راتبا بدون عمل

http://fatwa.islamweb.net/fatwa/index.php?page=showfatwa&Option=FatwaId&Id=221419

[بومحمد المطاوعه]

فهمت مشكلتك يابو محمد

وارد اقول الموظف ماله ذنب فرصه وجاته على طبق من ذهب من منظمين البطوله ، واللي ماعطوهم تفرغ المنظمين مالهم اي قيمه عند صاحب العمل هذا ولا يمونون عليه ، وبعدين تفرغ طول السنين هاي شوي فيها لبس لانه في شي اسمه ديوان المحاسبه وفيه نام حضور وانصراف وفيه رقابه ، ولو هالامور كلها مب موجودة يعني في خلل وفساد اداري كبير الكل مشترك فيه الموظف وادارته

انا ماعندي مشكله ولا يهمني الأمر كشخصي
لأن لو عرض علي تفرغ طول السنه
برفض
لو عرض علي تفرغ لمده البطوله بوافق

اما نفس الي شفته مافي امل اقبل فيه

الموظف له ذنب لان مايشتغل بشي في التفرغ
قاعد فاضي
يراجع نفسه لان يعرف ان مايشتغل ويستلم راتب كامل ,,

كلامي واضح من ناحيه التفرغ طول السنين وعندي شخص من 4 سنين متفرغ وراتبه كامل يمشي وابشرج بالعلاوات

ومن ناحيه الفساد شي طبيعي فيه فساد في كل اداره
لكن الواحد المفروض يحاسب ويبالي نفس لو نقصو راتبه يراكض وينشد ليش نقصتو راتبي


الله المستعان

[KHALiDiSH]

حكم أخذ الموظف راتبا بدون عمل

http://fatwa.islamweb.net/fatwa/index.php?page=showfatwa&Option=FatwaId&Id=221419

ما زلت تضرب الامثله والفتاوي الدينية خطآ... المثال هنا وهو احتيال على الدولة لغرض معين يشترك فيه الاثنين الموظف المسؤول والعامل....

في نفس الفتوى ذكرو راجع الفتوى الاتية

http://fatwa.islamweb.net/fatwa/index.php?page=showfatwa&Option=FatwaId&Id=121265

"وإذا سلم نفسه للعمل فلم يوجد عمل، أو وجد وأذن له صاحب العمل أو شخص مخول من قبله بالانصراف فإنه يستحق الأجرة. جاء في تبيين الحقائق شرح كنز الدقائق: الأجير الخاص إذا سلم نفسه ولم يستعمله المستأجر يستحق الأجرة."

[بومحمد المطاوعه]

ما زلت تضرب الامثله والفتاوي الدينية خطآ... المثال هنا وهو احتيال على الدولة لغرض معين يشترك فيه الاثنين الموظف المسؤول والعامل....

في نفس الفتوى ذكرو راجع الفتوى الاتية

http://fatwa.islamweb.net/fatwa/index.php?page=showfatwa&Option=FatwaId&Id=121265

"وإذا سلم نفسه للعمل فلم يوجد عمل، أو وجد وأذن له صاحب العمل أو شخص مخول من قبله بالانصراف فإنه يستحق الأجرة. جاء في تبيين الحقائق شرح كنز الدقائق: الأجير الخاص إذا سلم نفسه ولم يستعمله المستأجر يستحق الأجرة."

الله يجزاك خير على المداخله الطيبه
وبارك الله فيك ,,

هذي شخص يداوم في عمله وعلى رأس عمله ,,
ويشتغل في الخارج بشغل شخصي

واخر الفتوى في رقم لفتوى اخرى اوضح

تفضل

http://fatwa.islamweb.net/fatwa/index.php?page=showfatwa&Option=FatwaId&lang=A&Id=93528

[مرتبش]

التهرب من العمل له اوجه عديدة وماينحصر في استغلال البطولات الرياضية كالمذكورة .. اعتقد انه من امور الواسطة (اللي الاغلب يحبها كما شفنا في موضوع اخر)

[بومحمد المطاوعه]

أعطاه مديره انتدابا بدون مهمة لمنفعته الشخصية

السؤال الأول من الفتوى رقم ‏(‏21212‏)‏

س1‏:‏ تم انتدابي لمهمة رسمية من قبل مديري المباشر الذي يملك الصلاحية، وفي حدود صلاحياته للانتداب، ولا يلزمني مغادرة مقر عملي الأصلي، ولم أباشر هذه المهمة، وكان القصد من ذلك مكافأتي من قبل المدير لقاء تميزي في العمل والانضباط، وليس هناك طريقة يملكها لمكافأتي غير هذه الطريقة، علما بأن المسؤول المباشر لمديري على علم بذلك التكريم، فما هو رأي فضيلتكم في ذلك، وإذا كان ذلك غير جائز فما هي الطريقة للتخلص من هذا المبلغ لكوني قد تصرفت به، وجهة عملي لن تستعيد مني المبلغ‏؟‏

ج 1‏:‏ لا يجوز لرئيسك المباشر أن يصدر لك قرار انتداب وأنت لم تباشر هذا الانتداب؛ لما في ذلك من الكذب والخيانة ومخالفة الأنظمة التي وضعت لاستحقاق المال المرتب على ذلك، وأخذك المال مقابل هذا الانتداب أخذ له بدون حق شرعي، وإذا لم يقبل عملك استعادة المال المترتب على هذا الانتداب فإنك تنفقه في وجوه البر المختلفة، وبإمكان رئيسك أن يكافئك ويشجعك على إخلاصك في عملك بالطرق والوسائل المشروعة‏.‏ وبالله التوفيق، وصلى الله على نبينا محمد وآله وصحبه وسلم‏.‏

اللجنة الدائمة للبحوث العلمية والإفتاء

الرئيس‏:‏ عبد العزيز بن عبد الله آل الشيخ

عضو‏:‏ عبد الله بن غديان

عضو‏:‏ صالح الفوزان

عضو‏:‏ بكر أبو زيد

http://www.al-eman.com/%D8%A7%D9%84%D9%83%D8%AA%D8%A8/%D9%81%D8%AA%D8%A7%D9%88%D9%89%20%D8%A7%D9%84%D9%8 4%D8%AC%D9%86%D8%A9%20%D8%A7%D9%84%D8%AF%D8%A7%D8% A6%D9%85%D8%A9%20%D9%84%D9%84%D8%A8%D8%AD%D9%88%D8 %AB%20%D8%A7%D9%84%D8%B9%D9%84%D9%85%D9%8A%D8%A9%2 0%D9%88%D8%A7%D9%84%D8%A5%D9%81%D8%AA%D8%A7%D8%A1% 20%C2%AB%D8%A7%D9%84%D9%85%D8%AC%D9%85%D9%88%D8%B9 %D8%A9%20%D8%A7%D9%84%D8%B1%D8%A7%D8%A8%D8%B9%D8%A 9%C2%BB%20***/%D8%B1%D8%A7%D8%AA%D8%A8%20%D8%A7%D9%84%D9%85%D9%8 8%D8%B8%D9%81%20%D9%84%D8%A7%20%D9%8A%D8%AD%D9%84% 20%D9%84%D9%87%20%D8%A5%D9%84%D8%A7%20%D8%A5%D8%B0 %D8%A7%20%D9%83%D8%A7%D9%86%20%D9%8A%D8%A4%D8%AF%D 9%8A%20%D8%A7%D9%84%D8%B9%D9%85%D9%84%20%D8%A7%D9% 84%D8%B0%D9%8A%20%D9%83%D9%84%D9%81%20%D8%A8%D9%87 %20%D8%B9%D9%84%D9%89%20%D8%A7%D9%84%D9%88%D8%AC%D 9%87%20%D8%A7%D9%84%D9%85%D8%B7%D9%84%D9%88%D8%A8/i328&d260609&c&p1

[بومحمد المطاوعه]

التهرب من العمل له اوجه عديدة وماينحصر في استغلال البطولات الرياضية كالمذكورة .. اعتقد انه من امور الواسطة (اللي الاغلب يحبها كما شفنا في موضوع اخر)

اكيد اخوي
بس مجرد مثال وعلى الي انا شفته طرحت الموضوع
الله اعلم في مواضيع اخرى
هالشي صاير جدامي من جذي تكلمت فيه ,,
عن موضوع التفرغ لبطوله سباق السيارات ,,


الواسطه ماكله كل شي قسم بالله

[KHALiDiSH]

الله يجزاك خير على المداخله الطيبه
وبارك الله فيك ,,

هذي شخص يداوم في عمله وعلى رأس عمله ,,
ويشتغل في الخارج بشغل شخصي

واخر الفتوى في رقم لفتوى اخرى اوضح

تفضل

http://fatwa.islamweb.net/fatwa/index.php?page=showfatwa&Option=FatwaId&lang=A&Id=93528

لا دخل هذه الفتوى اخوي بخصوص نفس الموضوع
ولكنها مختصه بشخص يقوم بدمج عمله الخاص مع عمله في جهة اخرى دون علم صاحب العمل...

[KHALiDiSH]

أعطاه مديره انتدابا بدون مهمة لمنفعته الشخصية

السؤال الأول من الفتوى رقم ‏(‏21212‏)‏

س1‏:‏ تم انتدابي لمهمة رسمية من قبل مديري المباشر الذي يملك الصلاحية، وفي حدود صلاحياته للانتداب، ولا يلزمني مغادرة مقر عملي الأصلي، ولم أباشر هذه المهمة، وكان القصد من ذلك مكافأتي من قبل المدير لقاء تميزي في العمل والانضباط، وليس هناك طريقة يملكها لمكافأتي غير هذه الطريقة، علما بأن المسؤول المباشر لمديري على علم بذلك التكريم، فما هو رأي فضيلتكم في ذلك، وإذا كان ذلك غير جائز فما هي الطريقة للتخلص من هذا المبلغ لكوني قد تصرفت به، وجهة عملي لن تستعيد مني المبلغ‏؟‏

ج 1‏:‏ لا يجوز لرئيسك المباشر أن يصدر لك قرار انتداب وأنت لم تباشر هذا الانتداب؛ لما في ذلك من الكذب والخيانة ومخالفة الأنظمة التي وضعت لاستحقاق المال المرتب على ذلك، وأخذك المال مقابل هذا الانتداب أخذ له بدون حق شرعي، وإذا لم يقبل عملك استعادة المال المترتب على هذا الانتداب فإنك تنفقه في وجوه البر المختلفة، وبإمكان رئيسك أن يكافئك ويشجعك على إخلاصك في عملك بالطرق والوسائل المشروعة‏.‏ وبالله التوفيق، وصلى الله على نبينا محمد وآله وصحبه وسلم‏.‏

اللجنة الدائمة للبحوث العلمية والإفتاء

الرئيس‏:‏ عبد العزيز بن عبد الله آل الشيخ

عضو‏:‏ عبد الله بن غديان

عضو‏:‏ صالح الفوزان

عضو‏:‏ بكر أبو زيد

http://www.al-eman.com/%D8%A7%D9%84%D9%83%D8%AA%D8%A8/%D9%81%D8%AA%D8%A7%D9%88%D9%89%20%D8%A7%D9%84%D9%8 4%D8%AC%D9%86%D8%A9%20%D8%A7%D9%84%D8%AF%D8%A7%D8% A6%D9%85%D8%A9%20%D9%84%D9%84%D8%A8%D8%AD%D9%88%D8 %AB%20%D8%A7%D9%84%D8%B9%D9%84%D9%85%D9%8A%D8%A9%2 0%D9%88%D8%A7%D9%84%D8%A5%D9%81%D8%AA%D8%A7%D8%A1% 20%C2%AB%D8%A7%D9%84%D9%85%D8%AC%D9%85%D9%88%D8%B9 %D8%A9%20%D8%A7%D9%84%D8%B1%D8%A7%D8%A8%D8%B9%D8%A 9%C2%BB%20***/%D8%B1%D8%A7%D8%AA%D8%A8%20%D8%A7%D9%84%D9%85%D9%8 8%D8%B8%D9%81%20%D9%84%D8%A7%20%D9%8A%D8%AD%D9%84% 20%D9%84%D9%87%20%D8%A5%D9%84%D8%A7%20%D8%A5%D8%B0 %D8%A7%20%D9%83%D8%A7%D9%86%20%D9%8A%D8%A4%D8%AF%D 9%8A%20%D8%A7%D9%84%D8%B9%D9%85%D9%84%20%D8%A7%D9% 84%D8%B0%D9%8A%20%D9%83%D9%84%D9%81%20%D8%A8%D9%87 %20%D8%B9%D9%84%D9%89%20%D8%A7%D9%84%D9%88%D8%AC%D 9%87%20%D8%A7%D9%84%D9%85%D8%B7%D9%84%D9%88%D8%A8/i328&d260609&c&p1

وهنا ايضاً لا دخل لها في نفس الموضوع الا وهي هنا صرف علاوة الانتداب من دون تنفيذ شرط حضور الانتداب....
فالامر هنا مشروط بالحضور لمهمة رسمية...

كما اسلفت اخي ابتعد عن ذكر الامثله الدينية والفتاوى لعلمي ان التفرغ مبني على الشروط والاتفاق بين الطرفين وليس بها اي علة قانونية او دينيه....

[بومحمد المطاوعه]

وهنا ايضاً لا دخل لها في نفس الموضوع الا وهي هنا صرف علاوة الانتداب من دون تنفيذ شرط حضور الانتداب....
فالامر هنا مشروط بالحضور لمهمة رسمية...

كما اسلفت اخي ابتعد عن ذكر الامثله الدينية والفتاوى لعلمي ان التفرغ مبني على الشروط والاتفاق بين الطرفين وليس بها اي علة قانونية او دينيه....

التفرغ اذا
كان مهام اخر لاشك فيه

ولكن تفرغ وقاعد فالبيت محد يرضى به

لو اتفاق جهتين
الواسطه فوق كل شي
والتلاعب موجود

اذا هذا الامر عادي
خل يعطون تفرغ كل الموظفين ويقعدون فالبيت وين المشكله

ووين الخلل ؟

[بانغ بانغ]

بو محمد يقصد الفئة اللي خلصت مهامها فرضا قلنا شهر تفرغهم والشغل الفعلي يومين او ثلاث

ليش قاعد بالبيت طول الفترة الميتة ومدفوع له راتب

[بومحمد المطاوعه]

موضوعي واضح

التفرغ من العمل الأساسي
واستلام الراتب كامل

وعدم العمل في الجهه المتفرغ لها

[بومحمد المطاوعه]

بو محمد يقصد الفئة اللي خلصت مهامها فرضا قلنا شهر تفرغهم والشغل الفعلي يومين او ثلاث

ليش قاعد بالبيت طول الفترة الميتة ومدفوع له راتب

جزاك الله خير من امس وانا اتكلم

بس البعض مصمم ان عادي يقعد فالبيت وياخذ راتب نفس الي يشتغل

عيل ليش مب الكل يقعد فالبيت وياخذ راتب


شالفرف

[خسران من قلب]

مقصد من موضوعي

التفرغ بدون عمل اخر

اما التفرغ لعمل اخر

مافيه اي شك
زين اخوي سوال الحين التفرغ خذه بناء على جهه اخراء يعني عمل سواء قعد ف البيت ولا داوم لا انت ولا انا بنرجع نقول اقطعو التفرغ

[بومحمد المطاوعه]

الموضوع جرح البعض


اسف على طرح الموضوع

لان كلمة الحق مؤلمه

وهالشي معروف


اتمنى من هالناس تراجع نفسها وتنتبه لهذي الغفله

[بومحمد المطاوعه]

زين اخوي سوال الحين التفرغ خذه بناء على جهه اخراء يعني عمل سواء قعد ف البيت ولا داوم لا انت ولا انا بنرجع نقول اقطعو التفرغ

في ناس تاخذ على قدر التفرغ وترجع لدوامها
يعني يخلص البطوله ويعود يباشر عمله

وفي ناس مايرجعون دوامهم ويمشون التفرغ على طول

فهمت المشكله وين يالطيب

[كيلو حديد]

ضوى تابعي الردود كاتب والله وشارح

بس بعد بشرح لج

بعطيج مثال
واحد معاي فالمكتب
يشارك في بطوله سباق السلقان الله يعزكم ,,

اول مشاركات له كان يكتب كتاب تفرغ وينرفض من الرئيس
لين طلع كتاب من كتارا من اللجنه نفسها ان هذا الشخص مشارك في البطوله
وكان يبي بس تفرغ فتره السباق ولله الحمد وافقو له لين اخر يوم البطوله وبعدها بيوم يباشر العمل ..

هذي مافيه شك ويستاهل لان مجهود متعب اساسآ
تخيلي تمرين يوميآ من الساعه 3 العصر لين المغرب وفي العديد وغير المجابل للعلاج وللأكل و و و

وجانب اخر يطلع كتاب تفرغ لسباق السيارات طول السنه لشخص
من نفس الدوام ونفس السباق والبطوله
بما ان نشارك في السباق ولا عطونا اي يوم تفرغ ,,

يصدر حق هذا الشخص كتاب تفرغ لان موصى من فوق وياليت لو فتره البطوله
يكون تفرغ طول السنين خلاص ولا يدري عن دوامه
واصلن ماله داعي هذا التفرغ ابد ,,


هني المشكله ان في ناس تطلع تفرغ بدون سبب ومافي اي عمل للتفرغ

المشكله من الإداره مب مب من المتفرغ
ياخوك دام راتبه يمشي له ولا حد يسأل عنه ترى المشكله في الإداره

الأمور الإداريه والعملية لا تشتغل بالضمير والعفه وهالصفات
هالأمور تمشي بالإنضباط والعقاب والمراقبة والمساءله

[كيلو حديد]

في ناس تاخذ على قدر التفرغ وترجع لدوامها
يعني يخلص البطوله ويعود يباشر عمله

وفي ناس مايرجعون دوامهم ويمشون التفرغ على طول

فهمت المشكله وين يالطيب

إنزين والإداره وينها عنه ؟

[غير البشر]

يعني الحين الي يقوم من الصبح وييداوم مثل الي راقد ,.؟
ويستلم الراتب مثل الي يشتغل ,.؟

انت شنو تشوف وين الصح بينهم

بعدين ياخوي انا ماقلت حرام ولا قلت حلال

قلت هل راضي على نفسك ,.؟

والي يداومون ولا يشتغلون هذي موضوع ثاني

موضوعي على الي متفرغين وماعندهم شغل ولا مشغله



:unsure:

[قطري كاشخ]

أما راضي شي عجيب السائل من ويش متأثر
التفرغ له أسباب اذا زالت يعود إلى عمله
وأسباب التفرغ توازي عمله
والجهة التي تعطي الشخص التفرغ هي أبخص باحتياجه التفرغ من عمله ويجب على السائل أن يشجع هذا المتفرع لا يحدده حيث أنه مبدع في التفرغ له ويجب تشجيع المبدعين لاحسدهم و التفكير بأنهم متفرغين فقط
يجب على السائل النظر بعين حاجة جهة التفرغ وليس بالمتفرغ.
اتكلم من واقع تجربه ودع الخلق للخالق

[بوNasser]

والله يابومحمد مأدري شاقول لك، بس اسمح لي بالسوال:

لو جاك كتاب من العمل خلك في البيت واذا احتجنا لك بنطلبك في اي وقت، طبعا الراتب زي ما هو

استحلفك بالله بتقول لهم: لا نقصو راتبي بس عطوني الراتب الأساسي لأني مب على رأس عملي، ووقت اللي تنادوني مشوا لي كل العلاوات؟؟؟

--------------------------
على فكرة الفتاوي على قدر السؤال ومن هو المستفتى:

يعني لو سئلت عن استخدام هاتف العمل في قضاء بعض الأمور الخاصة، او حتى استخدام الاقلام والاوراق وغيرها في غير حاجة العمل، فستجد من يحرم ذلك ومن يبيحه بشروط ومن يتساهل فيه باعتباره من الصغائر

ونفس الشي ينطبق على متابعة المنتدى أو البورصة وغيرها خلال وقت العمل الذي تأخذ اجرا عليه، حتى لو من خلال الجوال والأجهزة الخاصة، فهناك من يبيح ذلك مع عدم تجاوز الحد و هناك من يحرمه باعتبار وقت العمل للعمل حتى لو لم يوجد لديك عمل او مراجعين....

والأمثلة كثيرة.......

[qatara]

السوال حلال ام حرام

وفيهم يتحدد الجواب الصحيح

[سعود.]

بعض انواع التفرغ + و بعض ال ra

وجهان لعملة واحدة ؟؟

[CH Engineer]

أما راضي شي عجيب السائل من ويش متأثر
التفرغ له أسباب اذا زالت يعود إلى عمله
وأسباب التفرغ توازي عمله
والجهة التي تعطي الشخص التفرغ هي أبخص باحتياجه التفرغ من عمله ويجب على السائل أن يشجع هذا المتفرع لا يحدده حيث أنه مبدع في التفرغ له ويجب تشجيع المبدعين لاحسدهم و التفكير بأنهم متفرغين فقط
يجب على السائل النظر بعين حاجة جهة التفرغ وليس بالمتفرغ.
اتكلم من واقع تجربه ودع الخلق للخالق


بالضبط الدوره شهر والترتيب والاستعداد لها 4-6 شهور
ويمكن من الناس المؤثرين فالبطوله وشرطه للاستمرار انه مايخسر دوامه

[qtr qtr]

اذا جاني تفرغ مدة سنه والشغله كم شهر شهرين وبشكل قانوني يامرحبا وسهلا .

[بومحمد المطاوعه]

والله يابومحمد مأدري شاقول لك، بس اسمح لي بالسوال:

لو جاك كتاب من العمل خلك في البيت واذا احتجنا لك بنطلبك في اي وقت، طبعا الراتب زي ما هو

استحلفك بالله بتقول لهم: لا نقصو راتبي بس عطوني الراتب الأساسي لأني مب على رأس عملي، ووقت اللي تنادوني مشوا لي كل العلاوات؟؟؟

--------------------------
على فكرة الفتاوي على قدر السؤال ومن هو المستفتى:

يعني لو سئلت عن استخدام هاتف العمل في قضاء بعض الأمور الخاصة، او حتى استخدام الاقلام والاوراق وغيرها في غير حاجة العمل، فستجد من يحرم ذلك ومن يبيحه بشروط ومن يتساهل فيه باعتباره من الصغائر

ونفس الشي ينطبق على متابعة المنتدى أو البورصة وغيرها خلال وقت العمل الذي تأخذ اجرا عليه، حتى لو من خلال الجوال والأجهزة الخاصة، فهناك من يبيح ذلك مع عدم تجاوز الحد و هناك من يحرمه باعتبار وقت العمل للعمل حتى لو لم يوجد لديك عمل او مراجعين....

والأمثلة كثيرة.......


على اي اساس يقولون لي اقعد فالبيت وبنطلبك لو نبيك؟؟!

اقدر اعترض واقولهم خلاص بدور وظيفه اخرى

وين المشكله بتوقف الدنيا عليهم
في شواغر كثيره فالبلد ولله الحمد
مب محتاج لمذلتهم يقعدوني فالبيت ومتى مايبوني بيكلموني

هذي انا اتكلم عن نفسي
الله اعلم عن نفوس الناس الاخرين ،،

وصح كلامك من ناحيه الفتاوي كثيره واثناء العمل
في ناس يستخدمون كمبيوتر وطابعه الدوام لطبع اوراقهم الشخصيه

بعضهم يستأذن من المدير او المسؤول وبعضهم لا

يستغل هذا الشي من نفسه

الله المستعان

[بومحمد المطاوعه]

اذا جاني تفرغ مدة سنه والشغله كم شهر شهرين وبشكل قانوني يامرحبا وسهلا .

بشكل قانون ياهلا ومسهلا

امارمن تحت الطاوله هني المشكله

[بومحمد المطاوعه]

أما راضي شي عجيب السائل من ويش متأثر
التفرغ له أسباب اذا زالت يعود إلى عمله
وأسباب التفرغ توازي عمله
والجهة التي تعطي الشخص التفرغ هي أبخص باحتياجه التفرغ من عمله ويجب على السائل أن يشجع هذا المتفرع لا يحدده حيث أنه مبدع في التفرغ له ويجب تشجيع المبدعين لاحسدهم و التفكير بأنهم متفرغين فقط
يجب على السائل النظر بعين حاجة جهة التفرغ وليس بالمتفرغ.
اتكلم من واقع تجربه ودع الخلق للخالق

الحمدلله لا احسد ولا يهمني الموضوع بالاساس عطو من
ولا ليش ماعطوني
الي يهمني ليش التفرقه بين الموافقه وعدم الموافقه
وليش التفرغ بدون عمل !!!


لان اصلن افكر ف نفسي وفي المال الي استلمه من شغلي
قبل لا انتظر منهم اي قرار

[بومحمد المطاوعه]

السوال حلال ام حرام

وفيهم يتحدد الجواب الصحيح

ياريال من الحين يفكر حلال ولا حرام

الا من رحم ربي ياخوي

بس الي ضميره حي ويحس على دمه بيعرف
ان في فرق بين الي قاعد فالبيت ويستلم راتب
مثل الي يكرف ويتحاسب
لو اخطأ

[بومحمد المطاوعه]

المشكله من الإداره مب مب من المتفرغ
ياخوك دام راتبه يمشي له ولا حد يسأل عنه ترى المشكله في الإداره

الأمور الإداريه والعملية لا تشتغل بالضمير والعفه وهالصفات
هالأمور تمشي بالإنضباط والعقاب والمراقبة والمساءله

اذا الاداره راقدين على عينهم

مافيها اي شي الشخص ينبههم اني خلصت التفرغ وخلصت شغلي

مثل ما ينقصون راتبه او مايعطونه اجازه سنويه

يتكلم ويحشرهم لان شي لنفسه

شمعنى في هذا الشي يكون ساكت ولا يتكلم ويقولهم تراني خلصت التفرغ

ممكن ارجع دوامي

[بومحمد المطاوعه]

إنزين والإداره وينها عنه ؟

الاداره الله يعينهم ويهديهم

ترى الاداره لو يبونك
بيحاسبونك على الدقيقه
عرفت اشلون

[qatara]

ياريال من الحين يفكر حلال ولا حرام

الا من رحم ربي ياخوي

بس الي ضميره حي ويحس على دمه بيعرف
ان في فرق بين الي قاعد فالبيت ويستلم راتب
مثل الي يكرف ويتحاسب
لو اخطأ

الله يبعد نا والجميع عن السحت والمال الحرام

الي مايفكر بدخله من حلال ولا من حرام
فمال الحرام ينبت الجسم سحت
والسحت النار أولى به

[مرتبش]

الموضوع خطير وكثرة الغافلين عنه لاتعني ان نحلله لانفسنا.

[بومحمد المطاوعه]

الموضوع خطير وكثرة الغافلين عنه لاتعني ان نحلله لانفسنا.

للأسف بعض الغافلين يسوون نفسهم مايدرون وامشين امورهم والعياذ بالله

[بومحمد المطاوعه]

الله يبعد نا والجميع عن السحت والمال الحرام

الي مايفكر بدخله من حلال ولا من حرام
فمال الحرام ينبت الجسم سحت
والسحت النار أولى به

اللهم امين
الله يهدي الناس الي لاتبالي ولا تحاسب انفسها ,,

البعض شغال في اماكن ربويه ويحلل لنفسه والبعض يحاسب على كل شي حتى لو مثقال ذره

سبحان الله شتان بين هذا وهذا

[بونووف]

يمكن بعد البطوله ولا قبلها يحتاجونه في سفره يجهزون للبطوله ..

عن نفسي ادور التفرغ سنه حتى لو الدورة يوم واحد وبكون مرتاح وراضي عن نفسي اتم الرضا .. لانه الموضوع جاي من الاداراة المسؤوله وهم شافوا انه تفرغ سنه و موافقين عليه..

بالنسبة لي اعتبره رزق ونصيب.. والله يهني المتفرغين

[بومحمد المطاوعه]

يمكن بعد البطوله ولا قبلها يحتاجونه في سفره يجهزون للبطوله ..

عن نفسي ادور التفرغ سنه حتى لو الدورة يوم واحد وبكون مرتاح وراضي عن نفسي اتم الرضا .. لانه الموضوع جاي من الاداراة المسؤوله وهم شافوا انه تفرغ سنه و موافقين عليه..

بالنسبة لي اعتبره رزق ونصيب.. والله يهني المتفرغين

الله يهنيهم للحلال الطيب ان شاءالله ,,

ونتمنى لهم دائمآ التوفيق من الله ,,

ونتمنى من الجهات المختصه ماتفضل شخص على الأخر

لأن هذا يعرف فلان او هذا ولد فلان
تفضل التفرغ ,,

المفروض يتم المساواه والي يستاهل التفرغ يمنح له ,,