رفع اسعار الوقود لشهر اغسطس بالرغم من نزول سعره العالمي !!!

[مضارب دوسري]

السلام عليكم

بالرغم ان سعره العالمي نزل لحد الان 8 دولارات خلال هالشهر

وفوق هذا تم رفع السعر لشهر اغسطس

http://gulf-up.com/do.php?img=132190 (http://gulf-up.com/)

[مرتبش]

عشان نتعود على 5 دراهم و 10 دراهم وبعد فترة تلقاه وصل ريالين

[KHALiDiSH]

السلام عليكم

بالرغم ان سعره العالمي نزل لحد الان 10 دولارات خلال هالشهر

وفوق هذا تم رفع السعر لشهر اغسطس

http://gulf-up.com/do.php?img=132190 (http://gulf-up.com/)


ممكن اخوي المكان الي تقدر اطلع فيه سعر البنزين العالمي ومقارنة السعر كل شهر

[مضارب دوسري]

مش مكان
اخوي
سعره العالمي في المواقع وفي قسم الاسهم
فيه موضوع الاسواق العالميه والنفط

[مضارب دوسري]

بعد تحديد الاسعار الماضي اللي كان في 27 يونيو تقريبا
كان
نفط برنت 51 وخرده
والنفط الخام 50

الان

برنت 43
الخام 42

[مضارب دوسري]

عدلت الموضوع نزلوا 8 دولارات هذا الشهر

ومع ذلك رفعوا اسعار اغسطس ؟؟

[مضارب دوسري]

ممكن اخوي المكان الي تقدر اطلع فيه سعر البنزين العالمي ومقارنة السعر كل شهر

موقع investing.com

[مضارب دوسري]

بمعنى ان السعر العالمي نزل 16% من قيمته خلال شهر

يعني كان من المفترض ان سعر جازولين سوبر يكون 1.17

(1.2) ريال للتر

والممتاز يكون 1.10

[بريق الحق]

بمعنى ان السعر العالمي نزل 16% من قيمته خلال شهر

يعني كان من المفترض ان سعر جازولين سوبر يكون 1.17

(1.2) ريال للتر

والممتاز يكون 1.10
تمهيد للوصول خمس ريال ورفع رواتب القطرين بعد رفع سعر البترول والله اعلم

[toyota]

الله يديم النعمه علينا ،، مقارنه بالاسعار في الدول المجاورة احنا اوكي يعني مب الارخص لكن الحمدلله
نحمد ربنا على النعمه اللي احنا فيها

[مضارب دوسري]

الحمدلله رب العالمين اولا واخرا

ولكن يجب عليهم توضيح ذلك للناس
هم قالوا حسب السعر العالمي

واللي يحصل حاليا عكس ذلك


اذا كان نيتهم او مقصدهم انه في حال نزول البترول يرفعون السعر وفي حال ارتفاعه ينزلون السعر

فهذا ممتاز

بس يجب توضيح ذلك

[Sowaidi]

المعادله بتصير معكوسة في البترول

لما ينزل يزيد علينا ولا يرتفع ينقص
نظامهم نفس نظام التجار

[<اضرب واشرد>]

ممكن اخوي المكان الي تقدر اطلع فيه سعر البنزين العالمي ومقارنة السعر كل شهر

السلام عليكم
خالد يسأل عن هالجدول:




http://gulf-up.com/do.php?img=132190

[مضارب دوسري]

المعادله بتصير معكوسة في البترول

لما ينزل يزيد علينا ولا يرتفع ينقص
نظامهم نفس نظام التجار

بالعكس هذا تمام
لانه فالمستقبل 2017 ان شاء الله ستتحسن الاسعار العالميه

بس نبيهم يوضحون مايصير اخر 3 شهور
ارتفع السعر العالمي رفعوا البنزين
اخر شهر نزل 16% وبعد رفعوا البنزين

نبي توضيح من وزارة الطاقه

[مضارب دوسري]

السلام عليكم
خالد يسأل عن هالجدول:

وعليكم السلام

جايبه والله من تويتر جريدتي الوطن والرايه

[مضارب دوسري]

تمهيد للوصول خمس ريال ورفع رواتب القطرين بعد رفع سعر البترول والله اعلم

خمس ريال ههههههه
جذي بيكون تفويلة الموتر 100 لتر ب 500 ريال

كل اسبوع افول مرتين لطول المسافه
يعني كل اسبوع ادفع 1000 ريال
والسلع بتضرب خمس اضعاف
تطلع من الجمعيه اذا كنت تدفع 1000 ريال
بتدفع 5000 ريال

يعني يبيلنا على هالحال زياده 500% على الراتب الاجمالي مب بس الاساسي والاجتماعيه
عشان نقدر نتنفس

اذا جذي بنحصل حناطير وايد ف معارض سلوى مع حصان فل اوبشن بخاخات

[MAZEN37]

وقود صرحوا وقالوا بالحرف الواحد
تحرير سعر البترول طبقا للاسعار العالميه وبشفافيه
السؤال كيف تتم الحسبه ؟
؟؟؟؟؟؟؟؟؟؟؟؟؟؟؟

[بوخالد911]

الحمدلله على كل حال

[معماري قطري]

بترول سيارتي النص من التسعير قبل اللي راح

[الدوحه1]

سعر جالون البترول في قطر يساوي سعر الجالون في ولاية ساوث كارولينا في امريكا؟؟؟؟؟؟

سعر الجالون في قطر : 1.45 ريال/لتر ضرب 4.5 لتر/جالون = 6.5 ريال(1.8 دولار امريكي)
متوسط سعر الجالون في ولاية ساوث كارولينا(امريكا) : 1.84 دولار/جالون ( 6.7 ريال) !!!!!


http://store2.up-00.com/2016-07/1469718393991.jpg (http://www.up-00.com/)[/URL]

المصدر:
[url]http://www.gasbuddy.com/USA (http://www.up-00.com/)

[CH Engineer]

^^ تكاليف النقل وغير الضرايب
عندك غلط بحساب الجالون
الجالون الامريكي يساوي 3.8 لتر

[عابر سبيل]

بعد تحديد الاسعار الماضي اللي كان في 27 يونيو تقريبا
كان
نفط برنت 51 وخرده
والنفط الخام 50

الان

برنت 43
الخام 42

منطقك سليم اخوي مضارب...

بس لو نقرأ سويا الاسعار بخبر كامل راح تتضح الصورة..

فالاسعار المعلنة للخام هي الاسعار "الاجلة"
و ليست الاسعار الفورية...

فلو تشوف سعر ال51 دولار تحصله تسليم اغسطس/سبتمبر
و سعر ال43 دولار يمكن تحصله تسليم سبتمبر/اكتوبر..


و ختاما..الحكومة عندنا هي اكبر مستهلك للبترول
لانها تملك اكبر اسطول سيارات و باصات
و هي اكبر المتعاقدين مع المقاولين..

فرفع السعر بلا مبرر سينعكس سلبا عليها هي ايضا
و الله اعلم

[.قطر.]

فل الكروزر بـ 200 :secret:
حولكم كرولا 1 سلندر :telephone:

[مضارب دوسري]

شكرا اخوي عابر سبيل
على التوضيح

التسليم يكون من 15 من كل شهر

لو قلنا من 15 يونيو الى 15 يوليو
نزل قرابة ال6%
ومن 15 يوليو الى الان سعره 42.5
نزل قرابة 10%



في كل الاحوال المفترض ما يكون هناك رفع في شهر اغسطس


مدري كيف يحسبونها


اذا كانوا يحسبونها بطريقة كلما نزل يرتفع سعره
وكلما ارتفع ينزل سعره

اوكي موافقين بس يصرحون بذلك


عشان نعرف ؟
وضع الجداول وبدون اي تفصيل او اسباب وكأن الناس مغفله هذا خطأ
المفترض تصريح او خبر تفصيلي يوضح لنا كيف يرفعون او يخفضون كل شهر مدعوما بخبر حتى لو مقتضب ماراح يكلفهم ذلك شيء


وقود ماراح تخسر شي في وضع تصريح يبين ويوضح ويفصل اسباب الرفع او التخفيض

وضع الصور بدون اي تفصيل يظهر ضبابيه ويجعلنا في حيره

[مضارب دوسري]

تفضلوا الخبر

الامارات تخفض عن شهر اغسطس

http://www.25feb.net/economy/237178.html


الامارات خفضت اسعار اغسطس 8.5%

[الحاقول]

اعتباراً من مطلع سبتمبر المقبل

خفض أسعار «الغازولين» 8.5% و«الديزل» 9.5%


التاريخ:: 28 أغسطس 2015

المصدر: أبوظبي ـــ الإمارات اليوم


خلال اجتماع لجنة متابعة أسعار الوقود في الدولة. من المصدر


أعلنت لجنة متابعة أسعار الوقود في الدولة خفض أسعار «الديزل» و«الغازولين»، ابتداء من الأول من سبتمبر المقبل، بنحو 9.5% لـ«الديزل» ونحو 8.5% لـ«الغازولين»، وذلك قياساً مع الأسعار في أغسطس الجاري.

ويأتي هذا الانخفاض في أسعار «الديزل» و«الغازولين» تماشياً مع التراجع في أسعار النفط الخام في الأسواق العالمية. وحددت اللجنة، خلال اجتماع عقدته أمس، في مقر وزارة الطاقة بأبوظبي، برئاسة وكيل وزارة الطاقة، الدكتور مطر حامد النيادي، وحضور أعضاء اللجنة، أسعار بيع مادتي «الغازولين» و«الديزل» في محطات الدولة كافة للشهر المقبل، لينخفض بناء على ذلك سعر وقود «الديزل» من 2.05 درهم إلى 1.86 درهم، بينما انخفض سعر اللتر من «الغازولين سوبر 98» من 2.225 درهم إلى 2.07 درهم، فيما انخفض «الغازولين خصوصي 95» من 2.14 درهم للتر إلى 1.96 درهم، في حين انخفض سعر «الغازولين إي بلاس 91» من 2.07 درهم للتر إلى 1.89 درهم للتر. وقال النيادي إن الأسعار التي ستطبق اعتباراً من الثلاثاء المقبل تم تحديدها وفقاً لمتوسط الأسعار العالمية لـ«الغازولين» و«الديزل» لشهر أغسطس، مع إضافة الكلفة التشغيلية لشركات التوزيع، مشيراً إلى أن اللجنة ستعقد اجتماعاً في 28 سبتمبر المقبل لتحديد أسعار المحروقات خلال أكتوبر.


http://www.emaratalyoum.com/business/local/2015-08-28-1.815587

[زقرتي ومزاجي]

اخوي الحاقول التاريخ خطا التاريخ:: 28 أغسطس 2015

[الحاقول]

اسف على هذا الخطا

[محارب مداري]

ماتدرون
هذا تشجيع
يخلونك تفكر بالمترو من الحين :nice:

الله يكتب لنا اللي فيه الخير

[الماريّة]

يعني الغرب ينزلون السعر
وهني يرفعون علينا وش ذنبنا
يسوونها الكبار ويطيح فيها الصغار

والله حرام الحين كل يومين افول موتري بين 100الى 120
هالمره بكم يطلع

المفروض في هالحاله يعفونا احنا حالات خاصه
او يسوون لنا كوبونات نعبي بها بترول على حساب
حكومتنا ( اتكلم عن فئه خاصه ذوي الدخل المحدود ) والمطلقات والارامل

الله المستعان

[سالم الزهران]

لا حظو انا صرنا نهتم و نتابع سعر البنزين ،،، ويمكن لاول مرة في التاريخ

دول الخليج مب مستعدة ، و لا عندها سالفة

[ممنوع اللمس]

الله يديم النعم واتوقع فتره ويرجع السعر

[Rider]

بالعربي بدل لا يرفعون البترول مره وحده وتصير صدمه للجميع قالوا خل نرفعه بتتريج علشان لا نحس

[.قطر.]

بالعربي بدل لا يرفعون البترول مره وحده وتصير صدمه للجميع قالوا خل نرفعه بتتريج علشان لا نحس

يعني :con2:

[الحاقول]

كل شئ يرتفع عندنا لاينزل

[qtr qtr]

وزارة الاقتصاد ( حماية المستهلك ) هل لها يد ودور بتحديد أسعار البترول ؟

باعتقادي خط احمر لهم والدليل اسعارهم غاليه وحماية المستهلك ماقدروا يسوين شي .

نبي اليه وتوضيح بتسعير البنزين

[مضارب دوسري]

هذا اللي نبي نعرفه

نبي نعرف ما هي الاليه او كيفية حساب رفع او خفض اسعار البنزين

[وحيد-الشوق]

والله حرام فلوسنا بتروح عالبترول وكل شيء بعيد علينا مع الزحمة

شكلي قريب بفول النيسان ب200 :(

[راعي الكورفت]

اتوقع على آخر السنه اللتر = 2 ريال

وكل شيء في الدوحه لما يرتفع سعره مستحيل ينزل :secret:

[غريب الدّار]

بس يااخوان في نقطة هامة يمكن أكون غلطان فيها وياليت حد يصحح لي :

الحين شنو الغريب ان اذا أسعار النفط في الخارج نزلت ، الأسعار في قطر او دول الخليج ترتفع ؟؟


قطر دولة مصدرة للنفط
فاذا أسعار النفط اللي هي تصدره نزلت برع
فمن الطبيعي الحكومة ترفع السعر هنيه ، لان الدولة اتصدر ماتستورد

يعني الدولة لما أسعار النفط تنزل ماتشتري نفط
هي في جميع الأحوال تبيع !!!
فاذا نزل الدولة تخسر (وهذا سبب العجز الحاصل في الميزانية حاليا) فمن الطبيعي ترفع السعر علشان تعوض الخسارة او جزء من الخسارة


هل فهمي صحيح ؟ او انا غلطان ؟

[Jspec]

اتوقع على آخر السنه اللتر = 2 ريال

وكل شيء في الدوحه لما يرتفع سعره مستحيل ينزل :secret:

البحرين والكويت اعلنت عن اسعار السوبر للشهر الجاي بتكون ب 2.35 ريال

[Faz]

ليش مايغيرون علاوة بدل التنقل واتكون مع سعر البترول المحلي

لتاديه الغرض منها ولا يتاثر المواطن بتغير الاسعار

مجرد فكره

[مخطط قطري]

في السابق ماكنا نحس بالزياده لانها بسيطه بس مع الوقت صارت تفرق خصوصا للي سياراتهم 12 سلندر وانا اشوف هذا استغلال من وقود لانه السعر العالمي نازل والدول المجاوره نزل بعد عندها وشكلنا بنصير الاول في اغلى اسعار البترول في الخليج

[سالم الزهران]

الكويت ترفع سعر البنزين ثمانين بالمية ؟ خبطه معلم :/

[الحاقول]

شكل وقود مثل الطيران القطري

[دايموند]

قبل كنت اعبي فل 70 ريال واليوم عبيت 102 ريال

[kx11]

الله يعين الكويت رفعوه 80%

[كيلو حديد]

في الكويت الرفع تم بنسب مختلفه
الممتاز حوال 42%
الخصوصي ويقابل السوبر 62%
الالترا 83%

النسب اقتصاديا منطقيه

[جمال اليافعي]

يا جماعة الخير انتم تقروون اسعار بترول برنت ... احنا بترول اوبيك ORB مش BRENT

اخر سعر لبترولنا هو :

<BasketList data="2016-08-01" val="39.10">

39 دولار امريكي

[غريب الدّار]

يا جماعة الخير انتم تقروون اسعار بترول برنت ... احنا بترول اوبيك ORB مش BRENT

اخر سعر لبترولنا هو :

<BasketList data="2016-08-01" val="39.10">

39 دولار امريكي

رحم الله والديك اخوي جمال
بس ولا عليك امر لو تستفيض شوي في الشرح لان هالنقطة غامضة بالنسبة لي بصراحة

[مضارب دوسري]

يا جماعة الخير انتم تقروون اسعار بترول برنت ... احنا بترول اوبيك ORB مش BRENT

اخر سعر لبترولنا هو :

<BasketList data="2016-08-01" val="39.10">

39 دولار امريكي

نفس شي اخوي

يعني برنت نزل 10 % هو والخام

اوبك ينزل 10% وحولها

الامارات شهر اغسطس خفضت البنزين 8.5% وهي في اوبك

وقطر رفعت في اغسطس وايضا نحن في اوبك

[مضارب دوسري]

في السابق ماكنا نحس بالزياده لانها بسيطه بس مع الوقت صارت تفرق خصوصا للي سياراتهم 12 سلندر وانا اشوف هذا استغلال من وقود لانه السعر العالمي نازل والدول المجاوره نزل بعد عندها وشكلنا بنصير الاول في اغلى اسعار البترول في الخليج

مب وقود اللي ترفع وتخفض

وزارة الطاقه والصناعه

[مضارب دوسري]

لو يسوون لنا نفس الكويت يحددون السعر ابرك ويفكونا من سالفة كل شهر تسعيره

[بانغ بانغ]

اليوم امعبي الكروزر ست سلندر جي اكس 175 ريال


ما هذا !!!!!!!!!!!!

[بعيد النظر]

الوعد لي صار بريالين

[حمد بن سعد]

يوم الدوله فيها فلوس ماقصرت فينا

الحين مفلسه لازم احنا مانقصر فيها :victory: