بغيت جاكوزي.

[بوخالد911]

هلا بكم.

محتاج جاكوزي بحجم لا يزيد عن 160*160
دائري الشكل أو نصف دائري.
ووووين ألقى؟

كافود ونابينا ع خط المطار ما عندهم اللي أبيه.

وووين أماكن ثانية؟
يرجى ذكر الاسم واللوكيشن.

وشكرا.

[Azizuk]

جرب جلفار في طريق سلوى عندهم كتلوج جميع الاحجام وجميع الاشكال والموديلات

وعندك العاصمة بس شوي غالي دايري عندهم ب 50 الف ريال ولين 70 الف ايطالي ماركة جاكوزي

وعندك المتحدة بس ياولك ويالله ممكن يوصل 150 الف اذا حجم كبير

ممكن تسوي تفصيل بطابوق وبلاط واتركب له المكاين والمضخات يزي الفنادق

[معماري قطري]

ماركة جكوزي جيد والزاوية منه يجي بمقاس 1.45 من كل جانب وفيه منه بعد عند شبيب وعلي العطية وحاول تتفق معاهم هم يركبونه أفضل

عند كافود نوعيات صينية وأسعارها جيدة .. وشفت اعلان حطيته على ما اذكر لنوعيات استرالية بأسعار كثير معقولة وبفتحات كثيرة وتكنولوجيا متقدمة .. أحد التجار مرة قال لي لو تبغي باجيب لك النوع اللي بباب وكرسي للكبار من أسبانيا وبسرعة يوصل

[سعود.]

تقريبآ قبل 3 شهور حصلت عند نابينا الي عند جسر سوق العلي نفس المقاس الي تبيه بقيمة 6 الاف

[captin]

بالاضافة الى ما تفضلوا فيه الاخوان

عندك المتحدة للتجهيزات جنب محطة البترول طريق سلوى.
شريت من عندهم اعتقد بسعر 22 الف ريال لكن ماركاتهم كلها اوروربية ممتازة

بالتوفيق ان شاء الله

[Azizuk]

في محل جنب الطارق للسيارات وشركة متسوبيشي للتكيف عنده جاكوزي صناعة البحرين تقدر تمر عليه اللي اعرفه البحرين يسون تفصيل على المقاس اللي انت تبيه

بس جرب جلفار طريق سلوى وبتحصل اللي تبيه عندهم هذا المقاس اللي انت طالبة وجوده ممتازة صناعة صينية درجة اولى واسعار حلوه جدا

[بوخالد911]

الف شكر لكل من شارك.

[][ Q6r ][]

50 او 70 او 100 الف ليش والله حرام فتره وبتمل منه
خذت صيني ب 3500 كبير وصار له فوق 5 سنوات والحمدلله تمام

[معماري قطري]

[ Q6r ][;10421774']50 او 70 او 100 الف ليش والله حرام فتره وبتمل منه
خذت صيني ب 3500 كبير وصار له فوق 5 سنوات والحمدلله تمام

شفت واحد غش بانيو بس بدون جكوزي عند شيبة لبناني ويتكلم عنه كأنه ملك البانيوهات ويقول سعره ب 75000 بسبب تطريزه بالمذر بيرل وهو خط لونه لؤلؤي .. ما دريت انا باكشخ به وباتمشى .. وقتها خذت جكوزيات 4 وشاور مع بخار وكلها ماركات مع أطقم حمامات من جاكوب دوليفان وتوايفورد وجاكوزي كلها ما وصلت 110000 وهذا بيبيعني قطعة ما منها فايدة ب 75000

لازم نفكر ونسوي مسح ونشوف البدائل .. في هذا الوقت البديل الصيني الجيد زين بس صعب تلقاه لأن غالبية الموجود في سوقنا غش ( نبي همتك يا دكتور في منع الضار من الصيني - رسالة للدكتور محمد سيف الكواري وكيل وزارة البلدية )

[بحر شرق]

عند شبيب العطيه أخذته ب 45000 من سنتين حتى اللون الأبيض ما تغير وممتاز نص دائري الشكل

[بانغ بانغ]

انا ركبت من خمس سنوات ولا استخدمته الا مرة يمكن


المشكلة ماخذ مساحة ولا اقدر اطلعه يعني مسكين محبوس للابد او اقطعه قطع قطع

[سعود.]

[b]
انا ركبت من خمس سنوات ولا استخدمته الا مرة يمكن


المشكلة ماخذ مساحة ولا اقدر اطلعه يعني مسكين محبوس للابد او اقطعه قطع قطع


الجاكوزي وبرك اسباحة في البيت . احس مالها داعي
ناهيك عن خطورتها . توه اليوم سامعين بنات غرقانين في الجامعة ( الله يرحمهم )
ويتقبلهم شهيدات .

[بانغ بانغ]

[b]


الجاكوزي وبرك اسباحة في البيت . احس مالها داعي
ناهيك عن خطورتها . توه اليوم سامعين بنات غرقانين في الجامعة ( الله يرحمهم )
ويتقبلهم شهيدات .

صادق والله مساكين

[معماري قطري]

انا كل 3 أيام مرة اتجيكز .. وصج البيت كله يمكن في السنة مرة لكن انا من محبي الاسترخاء

الجكوزي والستيم عندي ضروريين والبرجة صج تعتمد على نشاط الناس .. مثلها مثل سيكل تشتريه وتنوي تستعمله ولا تستعمله وغيرك يومياً يستعمله

[بوخالد911]

انا كل 3 أيام مرة اتجيكز .. وصج البيت كله يمكن في السنة مرة لكن انا من محبي الاسترخاء

الجكوزي والستيم عندي ضروريين والبرجة صج تعتمد على نشاط الناس .. مثلها مثل سيكل تشتريه وتنوي تستعمله ولا تستعمله وغيرك يومياً يستعمله

عجبني الفعل المعرب الجديد : أتيجيكزززز :)

شكلي بهون عن الجاكوزي
وبفكر في غرفة خشبية للسونا.

مثل هاذي
http://ghaith-medical.com/images/zoom/ss3.jpg
حد يعرف من وين وبكم ؟؟

[معماري قطري]

عجبني الفعل المعرب الجديد : أتيجيكزززز :)

شكلي بهون عن الجاكوزي
وبفكر في غرفة خشبية للسونا.

مثل هاذي
http://ghaith-medical.com/images/zoom/ss3.jpg
حد يعرف من وين وبكم ؟؟

عند جيمكو واتوقع عند النزيه وربعه من محلات تجهيز الصالونات

بس لو عندك مساحة معقولة 4 أمتار مربعة وفوق سو غرفة بخار أحسن لك وادمج معاها شاور ولو عندك طول كافي سو بلاطة صاخنة خل بيب الستيم يمر تحت قطعة رخام بس شوف حد يسويها ما تحرق .. هذي تصخن الظهر لإزالة الأوجاع الأتراك يعرفون لها والمغاربة

الستيم اللي تحتاجه تبليط وليتات خاصة ضد الرطوبة والبخار وباب قزاز حتى اليو بي في سي ينفع ومكينة البخار حول 4000 كانت ويمكن أكثر ألحين

الجكوزي ركب على الأقل واحد .. انا ركبت 4 بس العيال استخدموهم في البداية بعدين لا لكن انا مستمر وميزته جنك قاعد في غسالة ينظف يعني ينظف

[معماري قطري]

فيه الجكوزي اللي بباب ينفتح حق كبار السن ذيه مريح سواء للاستحدام كجكوزي أو للسباحة قاعد برشاش الماي

[بوخالد911]

عند جيمكو واتوقع عند النزيه وربعه من محلات تجهيز الصالونات

بس لو عندك مساحة معقولة 4 أمتار مربعة وفوق سو غرفة بخار أحسن لك وادمج معاها شاور ولو عندك طول كافي سو بلاطة صاخنة خل بيب الستيم يمر تحت قطعة رخام بس شوف حد يسويها ما تحرق .. هذي تصخن الظهر لإزالة الأوجاع الأتراك يعرفون لها والمغاربة

الستيم اللي تحتاجه تبليط وليتات خاصة ضد الرطوبة والبخار وباب قزاز حتى اليو بي في سي ينفع ومكينة البخار حول 4000 كانت ويمكن أكثر ألحين

الجكوزي ركب على الأقل واحد .. انا ركبت 4 بس العيال استخدموهم في البداية بعدين لا لكن انا مستمر وميزته جنك قاعد في غسالة ينظف يعني ينظف


فيه الجكوزي اللي بباب ينفتح حق كبار السن ذيه مريح سواء للاستحدام كجكوزي أو للسباحة قاعد برشاش الماي


ما أستغني عن خدماتك بش مهندس.

[معماري قطري]

ما أستغني عن خدماتك بش مهندس.

واجب الله يسلمك وانت ما تقصر كذلك

الجكوزي بو باب فيه منه أنواع قال لي واحد اقدر اورده لك من أسبانيا حسب الكتلوج

[إعلامي قطر]

..

فيه محل جاكوزي اللي بداية طريق سلوى صناعه بحرينيه
جيده جداً وأسعار في المتناول ركبت 2 جاكوزي عندي
بس حولته بانيو للسبوح والتنقع وفرق معاي السعر
من حروة العشره بالمكاين لين حول الألفين وشي
بدونهم لكل واحد !

إذا تبي رقم مندوبهم للاستفسار
راسلني خاص وفالك طيب..

..

[معماري قطري]

..

فيه محل جاكوزي اللي بداية طريق سلوى صناعه بحرينيه
جيده جداً وأسعار في المتناول ركبت 2 جاكوزي عندي
بس حولته بانيو للسبوح والتنقع وفرق معاي السعر
من حروة العشره بالمكاين لين حول الألفين وشي
بدونهم لكل واحد !

إذا تبي رقم مندوبهم للاستفسار
راسلني خاص وفالك طيب..

..

غلطان يا اخوي الجكوزي حلاته بالرغوة والرغوات أنواع وروائح وتقدر تحط أملاح ولازم المكاين

تخيل ثيابك تحطها في غسالة بس تنقعها بدون ما تشغلها ما تنظف وتشغلها لو ربع ساعة تنظف نفس الشيء الجكوزي وفيه نوعيات تعطيك ضغط ماي متدرج للظهر مثل الخط يبدأ يرش قوة من فوق وينزل بالتدريج لين تحت مثل المساج بالماء

[بوخالد911]

..

فيه محل جاكوزي اللي بداية طريق سلوى صناعه بحرينيه
جيده جداً وأسعار في المتناول ركبت 2 جاكوزي عندي
بس حولته بانيو للسبوح والتنقع وفرق معاي السعر
من حروة العشره بالمكاين لين حول الألفين وشي
بدونهم لكل واحد !

إذا تبي رقم مندوبهم للاستفسار
راسلني خاص وفالك طيب..

..

لا هنت اخوي

مشكور جدا للنصيحة

[Fahad Alqahtani]

ركبته وما استخدمه الا مره وصار لي حوالي 5 اشهر من سكنت البيت فلا تكلف على نفسك وانت مهب مستخدمه.. اذا عندك في بيتك الحالي جاكوزي وتستخدمه اسبوعيا ركب .. اما اذا ما عندك شفت كم مره تستخدم البانيو.. وترى الجاكوري بيكون استخدامه اقل من البانيو

[معماري قطري]

ركبته وما استخدمه الا مره وصار لي حوالي 5 اشهر من سكنت البيت فلا تكلف على نفسك وانت مهب مستخدمه.. اذا عندك في بيتك الحالي جاكوزي وتستخدمه اسبوعيا ركب .. اما اذا ما عندك شفت كم مره تستخدم البانيو.. وترى الجاكوري بيكون استخدامه اقل من البانيو

مثله مثل السيكل ناس يشترونه يحاولون أول مرة يسوقونه ويقطونه في البيت بعدها وناس دوم يستخدمونه يعتمد على طبيعة الأشخاص

انا ركبت ستيم وجكوزي وكلهم ماركة جكوزي للرئيسي والستيم اخترب وتصليحه شغلة قالوا لازم يشيلونه مع إنه جهاز صغير يقدرون يبدلونه بسهولة

الجكوزي آخر مرة البارحة استعملته وقبلها بكم يوم بعد .. يعني معدل مرتين في الاسبوع .. صج ركبت للعيال 3 غير بس ما يستعملونهم

على الأقل الرئيسي يبي له واحد .. فيه أنواع متطورة تسوي مساج للظهر يرش الماي فوق قوة بعدين تشتغل فتحات تحت بخط من فوق لتحت وهذا غالي لكن بدأ ينتشر وحطيت صور حق نوعيات استرالية مع الأسعار هناك وصج أسعار رخيصة ومميزات عالية في موضوع الجديد في المطابخ والحمامات

[الوطنيه]

العمودي - طريق سلوي قرب محطة بترول الجزيره
الله يوفقك

[بوخالد911]

1000 شكر لكم

تم شراء جاكوزي من كافود