مشورتكم بخصوص الابواب [الأرشيف] - منتديات شبكة الأسهم القطرية

مشاهدة النسخة كاملة : مشورتكم بخصوص الابواب

Bo3essa

01-08-2016, 09:47 AM

السلام عليكم

بغيت مشورتكم ورايكم في الابواب انا درت الدوحه عشان ابواب الحمامات الله يعزكم الي لقيته التالي
1- ابواب يو بي في سي اشكالها جيده بس الالوان ماعجبتني
2- ابواب خشب عليها طبقة حماية يو بي في سي عند نابينا اشكالها حلوه والالوان كثيره
3-ابواب خشب عاديه لكنها اعتقد تخترب مع الوقت هذا الي اسمعها

الي ابغيه رايكم في ابواب الي يو بي في سي
وابواب نابينا اذا حد جربها

وبعد بغيت محل يفصل بيبان الغرف خشب بجوده

شاكر لكم

hamadazoz

01-08-2016, 11:14 AM

يا خوك الحمامات ركب يو بي في سي و انت مغمض عشان ترتاح طول العمر

Bo3essa

01-08-2016, 11:26 AM

يا خوك الحمامات ركب يو بي في سي و انت مغمض عشان ترتاح طول العمر
هلا اخوي ودي بس المشكله في الالوان. انا ابغي اركب ابواب الغرف اوف وايت ومافي اوف وايت يوبي في سي اللون المتوفر مب عاجبني

بوحارب

01-08-2016, 11:45 AM

الحمامات الله يعزكم ركب الومنيوم عادي ويفضل بحريني احمر وتكلفة الباب 750 - 850

والغرف ركب خشب عادي بس بجودة وتكلفة الباب يمكن في حدود 800-900 مع الصبغ وامورك طيبة

والمناجر كثيرة في الصناعية

واذا بيتك صوب المناطق الشمالية عندي لك محل الومنيوم ممتاز في الخريطيات

Bo3essa

01-08-2016, 12:01 PM

الســـهم

01-08-2016, 01:13 PM

هلا اخوي ودي بس المشكله في الالوان. انا ابغي اركب ابواب الغرف اوف وايت ومافي اوف وايت يوبي في سي اللون المتوفر مب عاجبني

مرحبا اخوي بوعيسى ..

في شركة اسمها (اراد يو بي في سي) عندهم الوان مب موجوده فالسوق (40 لون تقريبا) ولكنها بطلبية خاصة ..

عندي رقم مديرهم اذا تبغيه بطرشه لك على الخاص ..

Bo3essa

01-08-2016, 01:23 PM

مرحبا اخوي بوعيسى ..

في شركة اسمها (اراد يو بي في سي) عندهم الوان مب موجوده فالسوق (40 لون تقريبا) ولكنها بطلبية خاصة ..

عندي رقم مديرهم اذا تبغيه بطرشه لك على الخاص ..

هلا اخوي ماعليك امر ارسلي الرقم

بوخالد911

01-08-2016, 11:44 PM

هلا

أنصحك ركب يو بي في سي
انا ركبت والباب الواحد 1200 ريال.

والله يوفقك.

معماري قطري

01-08-2016, 11:55 PM

ما فيه أحلى من الخشب بس يحتاج اهتمام وطلاء من وقت لوقت بطلاء حماية أو صبغ كامل .. الطلاء في الموقع تعامل مع شخص وتابعه أو حد يتابعه والآسيويين شغلهم رخيص وزين

تبي أنواع مقاربة للخشب اليو بي في سي شفت منه ألوان وأنواع ومضمون ما يتغير .. مر على الشركات بتحصل اللي الخلطة في البروفايل واللي بجلاد قوي وكلهم جودتهم عالية

معماري قطري

01-08-2016, 11:56 PM

لا تنسى تسوي فتحات تهوئة

Bo3essa

02-08-2016, 12:42 PM

لا تنسى تسوي فتحات تهوئة

هلا اخوي
تقصد فتحه تهويه في الباب ؟ بس ليش ؟

الســـهم

02-08-2016, 12:55 PM

هلا اخوي
تقصد فتحه تهويه في الباب ؟ بس ليش ؟

كلام اخوي معماري صحيح علشان يصير فيه تدوير للهواء داخل الحمام في حال تشغيل الشفاط ..

بس مب شرط تكون التهوية من خلال عمل الفتحات , انك ترفع الباب عن مستوى الارض 2 سم كافي جدا , وتحط قدامه عتبة رخام تمنع تسرب ماي من الحمام للخارج في حالة التنظيف والغسيل , لان اذا سكرته وكتمت المكان الشفاط بيسحب الهوا الداخلي ومن ضمنها الهوا من فتحات التصريف , وممكن هالشي يسبب وجود روايح كريهه فالحمام مستقبلا ..

معماري قطري

02-08-2016, 04:47 PM

هلا اخوي
تقصد فتحه تهويه في الباب ؟ بس ليش ؟

بتستوي حكرة والمروحة ما تقدر تشفط .. أما تسوي في الباب أو فتحة صغيرة قرب السقف المهم تسمح بدخول الهواء لتجديد هواء الحمام

معماري قطري

02-08-2016, 04:50 PM

كلام اخوي معماري صحيح علشان يصير فيه تدوير للهواء داخل الحمام في حال تشغيل الشفاط ..

بس مب شرط تكون التهوية من خلال عمل الفتحات , انك ترفع الباب عن مستوى الارض 2 سم كافي جدا , وتحط قدامه عتبة رخام تمنع تسرب ماي من الحمام للخارج في حالة التنظيف والغسيل , لان اذا سكرته وكتمت المكان الشفاط بيسحب الهوا الداخلي ومن ضمنها الهوا من فتحات التصريف , وممكن هالشي يسبب وجود روايح كريهه فالحمام مستقبلا ..

وهذي ملاحظة مهمة سحب الروائح .. لو عندك غرفة ملابس مكيفة سو الفتحة دائرية في قرب السقف وركب عليها لوفر بلاستيك أو ألمنيوم .. تقدر تسوي الفتحة جهة الغرفة فوق كبت ما تبين أو حتى داخل كبت

سعود.

02-08-2016, 05:18 PM

وهذي ملاحظة مهمة سحب الروائح .. لو عندك غرفة ملابس مكيفة سو الفتحة دائرية في قرب السقف وركب عليها لوفر بلاستيك أو ألمنيوم .. تقدر تسوي الفتحة جهة الغرفة فوق كبت ما تبين أو حتى داخل كبت

او الباب نفسة يجي منه فتحات لتهوية .

معماري قطري

02-08-2016, 05:52 PM

او الباب نفسة يجي منه فتحات لتهوية .

ايه العادة يسونها تحت حتى يسير تدوير أفضل للهواء ولأن الهواء البارد ينزل تحت .. بس اللي يرفع الباب شكلاً يكون غير مقبول وغير مريح .. انا سويت النوعين في بيتي بس اللي فتحة في الباب ما ارتاحوا لها العيال وانا ارتحت كثير لفتحة الحائط ويجي منها هواء بارد .. يعني اتسبح بماء حار والبخار يطلع سرعة ولا يتكثف على القزاز ولا اعرق من الحرارة بسبب اعتدال درجة الهواء .. المكيف في الغرفة الملاصقة للحمام على 24

سعود.

02-08-2016, 06:47 PM

[b]

ايه العادة يسونها تحت حتى يسير تدوير أفضل للهواء ولأن الهواء البارد ينزل تحت .. بس اللي يرفع الباب شكلاً يكون غير مقبول وغير مريح .. انا سويت النوعين في بيتي بس اللي فتحة في الباب ما ارتاحوا لها العيال وانا ارتحت كثير لفتحة الحائط ويجي منها هواء بارد .. يعني اتسبح بماء حار والبخار يطلع سرعة ولا يتكثف على القزاز ولا اعرق من الحرارة بسبب اعتدال درجة الهواء .. المكيف في الغرفة الملاصقة للحمام على 24

كلام جميل

اذكر العام استأجرت استراحة في ( ام عبيرية ) فيلا نظام ابواب الحمامات فتحات مستطيلة ومستحيل ان اي احد يشوف الي داخل والعكس صحيح . ميزتها نفس ماقلت تسحب الهواء البارد من الغرفة . الي الحمام ويكون الحمام درجة حرارته حلوه . ونقطة اخيرة بيوتنا تكون ارتفاعات الحمام مع نفس ارتفاع الدور الي هو فية . يعني لو ننزل الجبس بورد الي تقريبآ 2.80 هذا راح يريح المروحة لشفط .

سعود.

02-08-2016, 06:53 PM

هذي صورة من النت تقريبا نفس الي شفته

97927

سعود.

02-08-2016, 07:09 PM

وهذي صورة من فندق ( كمبنكسي الولوة ) للاستفادة من مساحة الحمام الكبيرة باب للمرحاض وباب لشور استاند بحيث تكون الابواب على زاوية
طبعآ هذا الي يبي نفس نظام الفنادق ويدلع نفسه :nice::nice:
اتمني ان الفكرة توصل لكم ؟

97928

Qt.1

07-08-2016, 01:00 PM

شوف اخوي بوعيسى انت بتركب حق بيتك يعني بيت العمر مهب بيت اجار نصيحه ابعد عن المحلات الرخيصه الي شغلهم اي كلام بيعفسون عليك البيت ولااضمان ولااشي شغلهم اتشوفه مال حق فتره بسيطه وعقب تعال لاحقهم وعور راسك , اقصد روح حق منجره كبيره ولااتروح حق القراقير ,,

Qt.1

07-08-2016, 01:01 PM

اذا تبي منجره محترمه كلمني على الخاص وبصور لك بيبان بيتي وانت احكم ,,

Almuraikhi

07-08-2016, 07:01 PM

نصيحه لوجه الله بيبان المتحده وروح لهلك :victory:
من واقع تجربه من سبع اسنين ولا تغير الخشب وبيبان الحمامات الله يعزكم ماتغير لونها ولا تقشرت لا وأبشرك الباب عازل للصوت يجيك فيه ربلات داخليه يعني لو ترضخه :anger1: مايطلع صوت واسعار معقوله أنا اشوف بنسبه للجودة والجماليه وسلامتكم

معماري قطري

07-08-2016, 10:33 PM