ما سر المراهقة المتأخرة عند بعض المدراء .....

[بانغ بانغ]

طبعا سميتهم مدراء وانا اقصد بعض الرجال بشكل عام ( تورية ) سواء رؤساء اقسام او مدراء او وزراء او مسئولين ..

ما سر تعيينهم لبنات صغار وجميلات كسكرتارية او في الواجهة الامامية لمكاتبهم ... لا وبعضهم يتمشى بالمكاتب معاها مسكينة تاخذ نوتس ومحضر لاجتماعاته ....

انا ما نزلت الموضوع الا لاني سألت كم شخص من اللي امعينين هالنوع من السكرتيرات بحكم عملي واحيانا امر عليهم مكاتبهم المختلفة ... واقسم بالله ان معظمهم ليس بكفاءة ولا خبرة ولا واجههة !

كثير منهم ايقولون على الاقل انصبح بوجه حلو ..... اعوذ بالله العظيم

والبعض ايقولون هاي الموجود والبعض الاخر ايقولون بيتعلمون بعدين انعين صغار احسن من كبار ...

انا عن نفسي حاط كل موظفيني والسكرتارية قطريين ووحدة فلبينية عيوز قانونية للمكتب ومستشار عراقي

ااتمنى التركيز على الكفاءة وليس الشكل للخروج بنتائج ايجابية لسير العمل !!!!!

قال تعالى (( ان خير من استأجرت القوي الامين )) صدق الله العظيم

[بوسيف الهاجري]

انت اداوم في الشفلح

[بانغ بانغ]

انت اداوم في الشفلح

هههههه هلا بالشيخ

اعوذ بالله لا .

ليش هل ينطبق عليهم ؟؟؟

[بريق الحق]

هههههه هلا بالشيخ

اعوذ بالله لا .

ليش هل ينطبق عليهم ؟؟؟

أكثرهم يقلون نصبح على وجه حلووو الله لا يبلنا
والله مصيبه هالشي والشيبان الصراحه الا من رحم الله مايصدقون يشوفون هالاشكال

[بانغ بانغ]

أكثرهم يقلون نصبح على وجه حلووو الله لا يبلنا
والله مصيبه هالشي والشيبان الصراحه الا من رحم الله مايصدقون يشوفون هالاشكال

صادق والله

اللي اقصدهم الشيبان او الاي قريب الخمسين ....

طبعا استثني بعض البنوك لانهم مندمرين اصلا

[بريق الحق]

يابوفيصل الاختلاط مصيبه
الله يصلح المسلمين يارب

[الشفق الحالم]

جرى العرف ان السكرتيره تكون حسنه المظهر، ليش عاد مادري

[بانغ بانغ]

جرى العرف ان السكرتيره تكون حسنه المظهر، ليش عاد مادري

اللغز العجيب

صج .. يعني لو اجيب وحدة مضروبة بنووي ... الشغل ما بيمشي ؟؟؟

مادري والله

[بانغ بانغ]

مش مراهقه

النساء فتنة امتي من الرجال

لانها مش في دورها ولا مكانها الحقيقي

بس يا شيخ كاتارا لو ظروف العمل جابرتها وهي محتاجة وصعب تتأمر وتغير شغلها

انا اتفق معك في بعضهم يتمايعن ويتدلعن لكن اعيد واكرر البعض

العلة في ربعنا لو كل واحد اعتبر هاي بنته او اخته ما كان تصرف بهالطريقة

وجهة نظر

[qatara]

طبعا سميتهم مدراء وانا اقصد بعض الرجال بشكل عام ( تورية ) سواء رؤساء اقسام او مدراء او وزراء او مسئولين ..

ما سر تعيينهم لبنات صغار وجميلات كسكرتارية او في الواجهة الامامية لمكاتبهم ... لا وبعضهم يتمشى بالمكاتب معاها مسكينة تاخذ نوتس ومحضر لاجتماعاته ....

انا ما نزلت الموضوع الا لاني سألت كم شخص من اللي امعينين هالنوع من السكرتيرات بحكم عملي واحيانا امر عليهم مكاتبهم المختلفة ... واقسم بالله ان معظمهم ليس بكفاءة ولا خبرة ولا واجههة !

كثير منهم ايقولون على الاقل انصبح بوجه حلو ..... اعوذ بالله العظيم

والبعض ايقولون هاي الموجود والبعض الاخر ايقولون بيتعلمون بعدين انعين صغار احسن من كبار ...

انا عن نفسي حاط كل موظفيني والسكرتارية قطريين ووحدة فلبينية عيوز قانونية للمكتب ومستشار عراقي

ااتمنى التركيز على الكفاءة وليس الشكل للخروج بنتائج ايجابية لسير العمل !!!!!

قال تعالى (( ان خير من استأجرت القوي الامين )) صدق الله العظيم

كانت بنات شعيب عليهم السلام يسقون مضطرات لان ابيهم شيخ كبير
وللعلم لا يسقون الا بعد ان يذهب الرجال يعني لم يختلطو برقم انهم مضطرات
لذالك ولما استاجر القوي الأمين لم يعودو يسقون وقرو ببيتهن


فما يحصل فتنه مش مراهقه

والمدير او أي موظف رجال ولهم غريزه

فطريه و النساء فتنة امتي من الرجال

لانها مش في دورها ولا مكانها الحقيقي

وهذه غريزه شمطمرها تخالط رجال لو فيها

تقى ودين ماقبلت تشتغل شغل مختلط والله الرزاق

وخاصه لما يكون زوجها ولا ابوها كافل لقمتها وهدمتها شتبي اكثر

هات لي رجل تقي و فيه خير وقوله تعال اشتغل مختلط صدقني لن يقبل

[الدوحه1]

مب مراهقه ولكن "فساد اخلاقي"!!
انا اعرف مدير سكرتاريته كلهم "لبنانيات"؟؟؟
والبعض وبكل وقاحه قام يتفاخر بان عنده الاجمل من "الصبايا"؟؟؟
وسبب انتشار هالظاهره هو انعدام الرقابه الاخلاقيه من قبل الجهات الحكوميه المختصه لمراقبة هالمسئولين الفاسدين واللي استغلوا المنصب لاشباع مغامراتهم ونزواتهم الحيوانيه!!!

[qatara]

بس يا شيخ كاتارا لو ظروف العمل جابرتها وهي محتاجة وصعب تتأمر وتغير شغلها

انا اتفق معك في بعضهم يتمايعن ويتدلعن لكن اعيد واكرر البعض

العلة في ربعنا لو كل واحد اعتبر هاي بنته او اخته ما كان تصرف بهالطريقة

وجهة نظر


ياخوي مافيه اعتبر ماعتبر النساء فتنه وعورة

وهذه غريزه وفطره من الله سبحانه انجذاب الرجل للمراه

مافها اعتبر

عن عبد الله بن مسعود رضي الله عنه عن النبي صلى الله عليه وسلم قال:

المرأة عورة فإذا خرجت استشرفها الشيطان.

فالله يسر كل شي لما خلق الله وخلقها لتكون
ام وربة بيت وليس لتكون موظفه تتمخطر امام الرجال

[بانغ بانغ]

شباب الموضوع عن توظيف السكرتيرات من قِبل بعض المديرين كبرستيج وهمي واستغلال العنصر النسائي بالمكتب كواجهة وليس عن المرأة بشكل خاص او عام لان اتوقع الحوار عن المرأة استوفى حقه واكثر .

عشان ما يصير اضطراب في الموضوع

يعطيكم العافية غايز

[qatara]

شباب الموضوع عن توظيف السكرتيرات من قِبل بعض المديرين كبرستيج وهمي واستغلال العنصر النسائي بالمكتب كواجهة وليس عن المرأة بشكل خاص او عام لان اتوقع الحوار عن المرأة استوفى حقه واكثر .

عشان ما يصير اضطراب في الموضوع

يعطيكم العافية غايز


والسكرتيره اليست موظفه و انثى

والمدير اليس ذكر

[Rider]

ياكثر هالانواع من المراهقين اذا شاف وحده حلوه تحس انه بيموت وتحصله يتضحك معاها وتعال انت كلمه يخيس الناس في وجهك

[بانغ بانغ]

ياكثر هالانواع من المراهقين اذا شاف وحده حلوه تحس انه بيموت وتحصله يتضحك معاها وتعال انت كلمه يخيس الناس في وجهك

هههههههه اي والله صادق

[qatara]

ياكثر هالانواع من المراهقين اذا شاف وحده حلوه تحس انه بيموت وتحصله يتضحك معاها وتعال انت كلمه يخيس الناس في وجهك

طيب شتفسر هذا التصرف

ليش سوا هذا الشي اليس يتميلح ويتودد لها

لانه مفتتن

[بانغ بانغ]

والسكرتيره اليست موظفه و انثى

والمدير اليس ذكر

الدكتورة انثى
الخدامة انثى
الكاشير انثى


ما يصير نحكم عليهم بالاعدام





مرة ثانية الموضوع عن السكرتيرات

حتى بعض البيغ ليديز ... ايعينون شباب احليوين ووسيمين كسكرتارية


وينك بوعبدالله ووينك يالنهار ........ راحت علينا

[كيلو حديد]

للجمال سطوته

[دايموند]

انت اداوم في الشفلح

شكله وزارة الاعمال والتجارة

[بانغ بانغ]

شكله وزارة الاعمال والتجارة

بس عشان النهار وقطر قالوا عندي عشر ملايين فكرتوني في وزارة التجارة

مسكين على قدي

[بانغ بانغ]

حبيت بهالمناسبة اشكر موظفيني حمد وابراهيم وفهد وهلال ..... وانالين

هاي التيم العدل

[النهار]

الدكتورة انثى
الخدامة انثى
الكاشير انثى


ما يصير نحكم عليهم بالاعدام





مرة ثانية الموضوع عن السكرتيرات

حتى بعض البيغ ليديز ... ايعينون شباب احليوين ووسيمين كسكرتارية


وينك بوعبدالله ووينك يالنهار ........ راحت علينا

لا ياخوي ماراحت علينا شفنا وعايشنا ومحد قالنا
مديري كان من هذه النوعيه بس انا وربعي معروفين بنحاستنا غير السكرتيره الهنديه وجاب وحده ماتعرف حتى الطباعه عدل
وحطها سكرتيره عندها مؤهلات اخرى ههههههه من يومها صرنا نحب المدير محبه غير طبيعيه كله مطحين عنده بسبب وبدون سبب
واحد داش والثاني طالع نطلع من عنده نقعد عندالسكرتيره هههههههههه شكله حس وغيرها ورد الهنديه بعد شهر

[qatara]

الدكتورة انثى
الخدامة انثى
الكاشير انثى


ما يصير نحكم عليهم بالاعدام





مرة ثانية الموضوع عن السكرتيرات

حتى بعض البيغ ليديز ... ايعينون شباب احليوين ووسيمين كسكرتارية


وينك بوعبدالله ووينك يالنهار ........ راحت علينا

شدخل الإعدام ؟!

يعني مايصير الدكتوره بمستشفى خاص للنساء

ويعني مايصير الكاشير رجل

والخدامه ليست لزما لا شرعا ولا عرفا


وابعد الوقود عن النار

واذا ختلفتم في شي فردوه لله ورسوله

ونشوف من الاصح انا او انت

تحياتي لك

[راجي الْعفو]

الناس اصناف

في من يضرب عصافير بحجر واحد ^_^

هو يقضي شهوته الحيوانية- تكرمون-
ويروج لجهة عمله
ويمكن يسحب من وراها بنات غيرها اذا كانت ديانته اضعف


وفي صنف مع العالم ، يسمونه برستيج
دام العالم يحطون انا بعد بحط


بس في النهاية هي قلة تقوى


واذكر كل مدير انه سوف يسال يوم القيامة عن كل صغيرة و كبيرة تصير عنده

فخله يجهز جواب و عذر !!

[qatara]

عصافير بحجر واحد ^_^

هو يقضي شهوته الحيوانية
ويروج لجهة عمله
ويمكن يسحب من وراها بنات غيرها اذا كانت ديانته اضعف


وفي صنف مع العالم ، يسمونه برستيج
دام العالم يحطون انا بعد بحط


بس في النهاية هي قلة تقوى


واذكر كل مدير انه سوف يسال يوم القيامة عن كل صغيرة و كبيرة تصير عنده

فخله يجهز جواب و عذر !!

الا في النهايه الشي الخطاء في المكان
الخطاء فابلدبديهه راح تكون النتيجه خطاء
حتا وان كان تقي فالفتنه مصيبه
ومن جاور او جاورت الحداد صابها الشرر

[راجي الْعفو]

الا في النهايه الشي الخطاء في المكان
الخطاء فابلدبديهه راح تكون النتيجه خطاء
حتا وان كان تقي فالفتنه مصيبه

مافيه شك

وش حاده يوظف حريم

[بانغ بانغ]

شدخل الإعدام ؟!

يعني مايصير الدكتوره بمستشفى خاص للنساء

ويعني مايصير الكاشير رجل

والخدامه ليست لزما لا شرعا ولا عرفا


وابعد الوقود عن النار

واذا ختلفتم في شي فردوه لله ورسوله

ونشوف من الاصح انا او انت

تحياتي لك

الموضوع ليس تحديا وانما طرحا !

لانها مشكلة استعصت مؤخرا

فعادي يخوي كل واحد رأيه بالنسبة له هو الصح والواقع هو من يتكلم ويفرض رأيه

تحياتي لك وانا لم اؤيد هالظاهرة بل انتقدتها فلذلك طرحتها

[دايموند]

بوبانغ..مالاقي وظيفه عندك ..:tease:

[بانغ بانغ]

بوبانغ..مالاقي وظيفه عندك ..:tease:

والله دنا غلبان

[qatara]

الموضوع ليس تحديا وانما طرحا !

لانها مشكلة استعصت مؤخرا

فعادي يخوي كل واحد رأيه بالنسبة له هو الصح والواقع هو من يتكلم ويفرض رأيه

تحياتي لك وانا لم اؤيد هالظاهرة بل انتقدتها فلذلك طرحتها

جزاك الله خير وتحدي لك لاثبات الصح
من ناحية الله ورسوله وليس تحدي للتعالي
والشي الذي يبنا على باطل فبالبديهه هو باطل

اخو وعزيز

[بانغ بانغ]

اللوم يقع على مدراء الاتش ار

هم من يزينون ويساعدون على هذه المعصية والمشكلة

اعرف واحد طيروه ووده ادارة الخدمات لان ريحته فاحت كل اللي ايقابلهم ملكات جمال واصحاب الكفاءة رفض

ليش يعني ايش هالتخلف

[بانغ بانغ]

جزاك الله خير وتحدي لك لاثبات الصح
من ناحية الله ورسوله وليس تحدي للتعالي
والشي الذي يبنا على باطل فبالبديهه هو باطل

اخو وعزيز

ايطولي بعمرك اخوي

[بنت شرق]

افا مافي امل اصير سكرتيرة راحت علي

[راجي الْعفو]

اللوم يقع على مدراء الاتش ار

هم من يزينون ويساعدون على هذه المعصية والمشكلة

اعرف واحد طيروه ووده ادارة الخدمات لان ريحته فاحت كل اللي ايقابلهم ملكات جمال واصحاب الكفاءة رفض

ليش يعني ايش هالتخلف

الله يقطع شرك

ملكات جمال عيل

وانت اللي ضعت في الطوشه ^_^

[دايموند]

افا مافي امل اصير سكرتيرة راحت علي

اظاهر العيوز الفلبينيه احسن منا..يلا الله كريم..راحت علينا

[بانغ بانغ]

اظاهر العيوز الفلبينيه احسن منا..يلا الله كريم..راحت علينا

حدكم على انيلين

المشكلة فيها القلب

ان ماتت باناديكم

[راجي الْعفو]

{ وقرن في بيوتكن }

✒قال الصحابي الجليل ابن مسعود رضي الله عنه:
‏
«احبسوا النساء في البيوت فإنهن عورة، والمرأة إذا خرجت من بيتها، استشرفها الشيطان-وقال : إنكِ لا تمرين بأحدٍ إلا أُعجبَ بك».

‏[ابن أبي شيبة18006]


هذا بمجرد الخروج الشيطان يلعب عليها ويخدعها !!

فما بالك اذا كانت في مكان يمرون عليها رجال كُثُر ؟!

[سالم الزهران]

مساك الله بالخير الاخ بانغ ، ودي بعد هالعجوز تسرحها

السكرتير في الاصل لازم يكون فتاه ، بما تحمله هذه الكلمة

و الافضل تكون جميلة ( هذي وش دخلها في الشغل ؟؟ مدري )

والله انهم لعوزونا ، بعض الفتيات مسكينة يفرض عليها تلقاك بإبتسامة مصطنعة

لانها سكرتيرة*:/

[JN000N]

الحين الموضوع عن شي وبعض الردود ابصراحه لازم تشطح ف شي
يعني احين العتب على الثور الدبيغه المراهق البغل الي حاط له وحده يتمنظر فيها
سواء قطريه والا تؤبرني والا بيبي
يعني لحد يقلب لنا الموضوع قعدو ف بيوتكم ولا تشتغلون
ذبحتونا عندكم اعتراض على الحريم الي يشتغلون برا وعندكم اعتراض عالاختلاط
اكما اول ناس روحو كلموهم ولاة امرنا لو فيكم خير وعقب تعالو استقوو علينا

[راجي الْعفو]

ليش الزعل

الكلام موجه للمدير ما طلعنا من الموضوع

هو لازم يحط في باله هالشي و انه بيتحمل اي خطأ يصير بسببها

[بانغ بانغ]

مساك الله بالخير الاخ بانغ ، ودي بعد هالعجوز تسرحها

السكرتير في الاصل لازم يكون فتاه ، بما تحمله هذه الكلمة

و الافضل تكون جميلة ( هذي وش دخلها في الشغل ؟؟ مدري )

والله انهم لعوزونا ، بعض الفتيات مسكينة يفرض عليها تلقاك بإبتسامة مصطنعة

لانها سكرتيرة*:/

تدري انا قابلت معظم رؤوساء الشركات الكبيرة في قطاع الاعمال .... المساعدين pa كلهم عيايز او رياييل

[بانغ بانغ]

الحين الموضوع عن شي وبعض الردود ابصراحه لازم تشطح ف شي
يعني احين العتب على الثور الدبيغه المراهق البغل الي حاط له وحده يتمنظر فيها
سواء قطريه والا تؤبرني والا بيبي
يعني لحد يقلب لنا الموضوع قعدو ف بيوتكم ولا تشتغلون
ذبحتونا عندكم اعتراض على الحريم الي يشتغلون برا وعندكم اعتراض عالاختلاط
اكما اول ناس روحو كلموهم ولاة امرنا لو فيكم خير وعقب تعالو استقوو علينا

كنت بانتظار مشاركاتش

[الحياة الخالدة]

بانغ
اعتقد موضوعك مب عن الاختلاط
لأن هناك موضوع ثاني بهالخصوص
والا انا غلطانة ؟؟
أرجو أن تضبط موضوعك

[JN000N]

لا كلش ما قرينا الردود قبل تنحذف
هني وفي كل مكان
لازم اتحورون كل شي مادري شيصيدكم يمكن ام اللوه تكفخكم من يصير موضوع فيه شي اسمه مره
يبه حبسو حريمكم وبعد جان بتدفنونهم حيين خير وبركه
اما حريم الناس مالكم شغل فيهم
ولحد يقط كلام يتكلم عن اخلاق البنت الي تشتغل ف مكان مختلط ويقول والله احنا مب قصدنا نقذفها بس هي حطت نفسها ف هالموقف لا يا شيخ احلف عاد!
انا وحده اشتغل في مكان مختلط وبيني وبين كل واحد يتكلم ف اخلاق البنات الي يشتغلون ف مكان مختلط ربي يحاسبهم وما اسامحهم لين يوم الدين وحسبي الله ونعم الوكيل فيكم
يبه متربيات احسن تربيه ومب كفو ولا ضعوي ايي يتكلم ف اخلاقنا ويحكم ع كيفه
اي والله هذا القاصر بعد
قلتلكم فيكم شي روحو طلعوه على اولياء امورنا الكبار عقب تعالو تكلمو عن بقية الشعب بس هذا انتو مالكم الا منتدى تبربرون فيه وتضيقون على خلق الله فيه
وكلام الله ورسوله على مشتهاكم لين بغيتو تفسرونه على هواكم فسرتوه

[JN000N]

كنت بانتظار مشاركاتش

والله دشيت مساعه قريته وناويه ارد كنت
وانشغلت ف الجمعيه والحين يوم تفرغت الا اجوف العفسه

[بانغ بانغ]

بانغ
اعتقد موضوعك مب عن الاختلاط
لأن هناك موضوع ثاني بهالخصوص
والا انا غلطانة ؟؟
أرجو أن تضبط موضوعك

صحيح هو عن تعمد المدراء توظيف البنات كواجهات

[بانغ بانغ]

شباب وشابات
امطاوعتنا الاجلاء


تكفون الموضوع عن الشغل ومراهقة بعض المدراء

[بانغ بانغ]

اعرف مدير مهم يطلع في الجرايد كل يومين

تزوج سكرتيرته على مرته ... هو كبير مب صغير بس شيسوي على الاقل تزوجها مب شي ثاني

[سالم الزهران]

تدري انا قابلت معظم رؤوساء الشركات الكبيرة في قطاع الاعمال .... المساعدين pa كلهم عيايز او رياييل

شركات محترمة

[ضوى]

جنون انتي مرة عن الف ريال ،اقول حسافه راحوا رياييل ترفع الدروازة ويونا رياييل العازه الله لا يبلينا بس

[JN000N]

شباب وشابات
امطاوعتنا الاجلاء


تكفون الموضوع عن الشغل ومراهقة بعض المدراء

الحين الواحد يقدر يقول اللي ف خاطره

في مدراء ما يقكرون ف الشكل وهذا للامانه المهم يوظف بنت بحكم ان البنت ترتب جدوله وتضبط مواعيده بشكل اسرع واحسن من الريال يمكن في وجهة نظره
وهذا مثل مدير صديقتي في شركة
اما في مدرا تعدو موضوع انهم يوظفون سكرتيرات
في اماكن يحددون اللبس المحتشم للموظف بالذات الاجانب
عندنا مدير الله يستر عليه كانت في وحده اجنبيه تشتغل بعقد خارجي لمده معينه الله يهداها لبسها كان فاضح بكل ماتعنيه الكلمه للبس ما يناسب الدوام
وكان يموت عليها لدرجة خلاها تسافر على حساب المكان تمثل المكان نفسه ع اساس انها موظفة علاقات عامه!! في حين ان موظفي العلاقات العامه قاعدين مكانهم ما عطاهم ويه
هي اصلا ما تدانيه ولا لها نيه حتى مثلا انها ممكن نقول تبي تضبط المدير لانه مب مديرها المباشر وما يقيمها
ومخطوبه بعد وعقب سفرتها هذي الاخيره يات وقطت التقرير ف ويهه وسحبت عليهم وسافرت راحت لخطيبها

هني لو بقول الغلط منها ماقدر لانها اجنبيه لا بيردها لا مله ولا دين
البلا ف المدير المسلم الي عينه زايغه بشكل مقرف

[kx11]

الله يهديهم يارب

[بانغ بانغ]

اتذكر مرة في احدى الجهات اللي اشتغلت فيها

مديرنا كان ديناصور لا غترة عدله وثوب معلوج وشعره كشة وابيض

فجاة قام يصبغ والغترة نشا والثوب من شكيبو ( نوع الخلق عشان الحريم يفهمون ) وتعدل

احنا فكرناه عاد النظر لاننا كنا معه

الحبيب اموظف سكرتيره عربية بنت رفيجه وقام يتعدل لها

والله ناس غريبة شنو احنا مب عاجبينك يعني

العالم استلموه استلام ..... ليش يعني في هالعمر

[JN000N]

^ امحق ههههه
ان تعدل تعدل لنفسه وان تردى تردى لنفسه
شخانته احيني تعدل والماضي اسود :rolleyes2:

[سالم الزهران]

بالنسبة لبعض المدراء هذي اخر فورة تلم بهم ، و يختمها بمنقود ،، ولا عنده سالفة

[بومحمد المطاوعه]

بطتنا بطت بطتكم
بطتكم بطت بطتنا

خخخخ

[qatarman8008]

هي مراهقة متاخرة اولا..
وهي اطماع وامراض نفسية عند اللي تغيرهم المناصب والفلوس..

[بوخالد911]

بعض المدراء الظاهر مسوينها سباق ومنافسة . من اللي عنده أحلى !؟!؟!؟

[Charisma]

الوضع يحتاج ..

http://2.bp.blogspot.com/-wPJmclDmya4/Uib5CNX5IkI/AAAAAAAAAE4/djrhWDnJ2j0/s1600/mojito_2.png

[بومحمد المطاوعه]

المشكله في بعض الناس الي مايقدر على حريمه ،،

وهذي يسمى اكمخه ..

من جذي نسمع ان مافي رياييل
وماتو ومن هالكلام ..

[معماري قطري]

الدكتورة انثى
الخدامة انثى
الكاشير انثى


ما يصير نحكم عليهم بالاعدام





مرة ثانية الموضوع عن السكرتيرات

حتى بعض البيغ ليديز ... ايعينون شباب احليوين ووسيمين كسكرتارية


وينك بوعبدالله ووينك يالنهار ........ راحت علينا

انا افكر اعين سكرتيرة بس خلاص مكتبي في البيت

سمعت في السابق عن مدير اشتكت عليه بنت وتفنش من وظيفته .. واللي ما يشتكون أكيد أكثر ومن رأيي النساء كلهم تتم المحافظة عليه بحيث يشتغلون في مكاتب خاصة ولا يوطوط فيها رجل وتكون حلقة الوصل سيدة كبيرة أو المراسلات الالكترونية

[معماري قطري]

الحين الواحد يقدر يقول اللي ف خاطره

في مدراء ما يقكرون ف الشكل وهذا للامانه المهم يوظف بنت بحكم ان البنت ترتب جدوله وتضبط مواعيده بشكل اسرع واحسن من الريال يمكن في وجهة نظره
وهذا مثل مدير صديقتي في شركة
اما في مدرا تعدو موضوع انهم يوظفون سكرتيرات
في اماكن يحددون اللبس المحتشم للموظف بالذات الاجانب
عندنا مدير الله يستر عليه كانت في وحده اجنبيه تشتغل بعقد خارجي لمده معينه الله يهداها لبسها كان فاضح بكل ماتعنيه الكلمه للبس ما يناسب الدوام
وكان يموت عليها لدرجة خلاها تسافر على حساب المكان تمثل المكان نفسه ع اساس انها موظفة علاقات عامه!! في حين ان موظفي العلاقات العامه قاعدين مكانهم ما عطاهم ويه
هي اصلا ما تدانيه ولا لها نيه حتى مثلا انها ممكن نقول تبي تضبط المدير لانه مب مديرها المباشر وما يقيمها
ومخطوبه بعد وعقب سفرتها هذي الاخيره يات وقطت التقرير ف ويهه وسحبت عليهم وسافرت راحت لخطيبها

هني لو بقول الغلط منها ماقدر لانها اجنبيه لا بيردها لا مله ولا دين
البلا ف المدير المسلم الي عينه زايغه بشكل مقرف

هذا المدير يعتبر ضحية مسكين

يمكن أساء التقدير

[معماري قطري]

لا كلش ما قرينا الردود قبل تنحذف
هني وفي كل مكان
لازم اتحورون كل شي مادري شيصيدكم يمكن ام اللوه تكفخكم من يصير موضوع فيه شي اسمه مره
يبه حبسو حريمكم وبعد جان بتدفنونهم حيين خير وبركه
اما حريم الناس مالكم شغل فيهم
ولحد يقط كلام يتكلم عن اخلاق البنت الي تشتغل ف مكان مختلط ويقول والله احنا مب قصدنا نقذفها بس هي حطت نفسها ف هالموقف لا يا شيخ احلف عاد!
انا وحده اشتغل في مكان مختلط وبيني وبين كل واحد يتكلم ف اخلاق البنات الي يشتغلون ف مكان مختلط ربي يحاسبهم وما اسامحهم لين يوم الدين وحسبي الله ونعم الوكيل فيكم
يبه متربيات احسن تربيه ومب كفو ولا ضعوي ايي يتكلم ف اخلاقنا ويحكم ع كيفه
اي والله هذا القاصر بعد
قلتلكم فيكم شي روحو طلعوه على اولياء امورنا الكبار عقب تعالو تكلمو عن بقية الشعب بس هذا انتو مالكم الا منتدى تبربرون فيه وتضيقون على خلق الله فيه
وكلام الله ورسوله على مشتهاكم لين بغيتو تفسرونه على هواكم فسرتوه

نحب مواضيع الأكشن شفيج خلي كلٍ يدلوا بدلوه

إخوي بانغ بامر مكتبك باسوي تدقيق باستوي مخبر سري باحط قلم بو كاميرا ونظارة بكاميرا وكاميرا صغيرة في العقال

[راجي الْعفو]

المشكله في بعض الناس الي مايقدر على حريمه ،،

وهذي يسمى اكمخه ..

من جذي نسمع ان مافي رياييل
وماتو ومن هالكلام ..

صدقت..

[بانغ بانغ]

المشكله في بعض الناس الي مايقدر على حريمه ،،

وهذي يسمى اكمخه ..

من جذي نسمع ان مافي رياييل
وماتو ومن هالكلام ..

صباحو

صحيح كلامك

[JN000N]

هذا المدير يعتبر ضحية مسكين

يمكن أساء التقدير

لا والله مب ضحيه هذي ابليس يتعلم منه
بحكم احتكاكي فيه
ما ينفع معاه غير مصطلح (اسود ويه)

[JN000N]

نحب مواضيع الأكشن شفيج خلي كلٍ يدلوا بدلوه

إخوي بانغ بامر مكتبك باسوي تدقيق باستوي مخبر سري باحط قلم بو كاميرا ونظارة بكاميرا وكاميرا صغيرة في العقال

هههه بوه حتى انت يامعماري

[بوحارب]

هذا اللي ودك تجلده جلد

[MAZEN37]

في بعض المدراء يدخل نفسه بمود البرستيج
على اساس يكون المكان فيه نظام وخجل
عموما انا اعتبر توظيف سكرتيرة فشخرة ومصاريف زياده لانه براتبها اقدر اوظف الاكفاء واكثر من شخص بعد

[Mbarkaji]

مب مراهقه ولكن "فساد اخلاقي"!!
انا اعرف مدير سكرتاريته كلهم "لبنانيات"؟؟؟
والبعض وبكل وقاحه قام يتفاخر بان عنده الاجمل من "الصبايا"؟؟؟
وسبب انتشار هالظاهره هو انعدام الرقابه الاخلاقيه من قبل الجهات الحكوميه المختصه لمراقبة هالمسئولين الفاسدين واللي استغلوا المنصب لاشباع مغامراتهم ونزواتهم الحيوانيه!!!


اذا لم تستح ففعل ما شئت

[بانغ بانغ]

العملية محتاجة ضبط اصلا من بداية التعيين واختيار الموظفين والموظفات واماكن عملهم

ما يصير اخلي بنت مع مدير وطبيعه عملهم لين المساء حتى بوجود موظفين اخرين

لازم المدراء ايحسون





لازم فيه معايير لشغل اي وظيفة مكتبية

[بانغ بانغ]

نحب مواضيع الأكشن شفيج خلي كلٍ يدلوا بدلوه

إخوي بانغ بامر مكتبك باسوي تدقيق باستوي مخبر سري باحط قلم بو كاميرا ونظارة بكاميرا وكاميرا صغيرة في العقال

بوعبدالله حياك تقهوى .... انتظرك .

[بانغ بانغ]

بعض المدراء الظاهر مسوينها سباق ومنافسة . من اللي عنده أحلى !؟!؟!؟

اي والله .

مرة في جهة من الجهات اللي اشتغلت فيها .... ( من كثرهم مب متذكر هههه )

احد المدراء التنفيذيين وظف لبنانية ..... صراحة ملكة جمال

عاد البنات من الغيرة والفضول الله يجزاهن خير .... طلعوا تاريخها وتاريخ يدتها وام يدتها بعد ... حتى مكتبة السي اي ايه ماعندهم هالمعلومات

اطلعب البنت عارضة ازياء سابقة في بيروت ...... الظاهر كانت له علاقة بها الله اعلم لانها مب مالت شغل كلش

والله الحمدلله ما تمت كم شهر الا امطيرينها وراحت دبي

يعجبوني البنات القطريات اللي عندهم غيرة ضد هالنوع من السكرتيرات

شعارهن " نضرب بيد من حديد لمجتمع سليم "

[الماريّة]

وابشرك بعد بعضهم هالسكرتيرات تتفرعن على الموظفات
وتتحكم فيهم وتتامر من راسها لا اوامر من المدير ولا غيره
حتى ريوق الموظفات تتحكم فيه لا تاكلون ولاتطلبون

بس شنو عشان تثبت نفسها عند مديرها انها سوت شي

[بانغ بانغ]

وابشرك بعد بعضهم هالسكرتيرات تتفرعن على الموظفات
وتتحكم فيهم وتتامر من راسها لا اوامر من المدير ولا غيره
حتى ريوق الموظفات تتحكم فيه لا تاكلون ولاتطلبون

بس شنو عشان تثبت نفسها عند مديرها انها سوت شي

ههههههههههههه هاي موضوع ثاني بعد

صج بعضهن ... مدعومات عدل

[الدوحه1]

وابشرك بعد بعضهم هالسكرتيرات تتفرعن على الموظفات
وتتحكم فيهم وتتامر من راسها لا اوامر من المدير ولا غيره
حتى ريوق الموظفات تتحكم فيه لا تاكلون ولاتطلبون
بس شنو عشان تثبت نفسها عند مديرها انها سوت شي




ذكرتيني بسكرتيرة مدير احدى الجهات الاعلاميه الحكوميه؟؟؟

[Charisma]

العملية محتاجة ضبط اصلا من بداية التعيين واختيار الموظفين والموظفات واماكن عملهم

ما يصير اخلي بنت مع مدير وطبيعه عملهم لين المساء حتى بوجود موظفين اخرين

لازم المدراء ايحسون





لازم فيه معايير لشغل اي وظيفة مكتبية

كانك تقول بطريقة ثانيه ، مايصير اسمح بالأختلاط واحاول قد ماقدر اعزل الشباب عن البنات ، وهذا الصح ، وهذا اللي تكلموا فيه الأخوان من بداية الموضوع ،

السبب الرئيسي :الأختلاط ، وسبب غير رئيسي : غياب الرقابة والمحاسبة عن بعض الأدارات .


تيتي تيتي ..

[بانغ بانغ]

كانك تقول بطريقة ثانيه ، مايصير اسمح بالأختلاط واحاول قد ماقدر اعزل الشباب عن البنات ، وهذا الصح ، وهذا اللي تكلموا فيه الأخوان من بداية الموضوع ،

السبب الرئيسي :الأختلاط ، وسبب غير رئيسي : غياب الرقابة والمحاسبة عن بعض الأدارات .


تيتي تيتي ..

هلا بشيخ كاريزما

شوف طال عمرك الاختلاط هذا شي لابد منه مع اني لا احبذه وارفضه بس لحد ايكون مثالي وايقول انه ما يشتغل في بيئة نسوية او مختلطة ....... الا ان كانت مدرسة بنين او بنات واحيانا ايجونهم مشرفين بعد

القضية هي قضية تعيين بنات كنوع من البرستيج اللي طبعا هم يعتبرونه كذلك ....

في مدراء يتعينون والسكرتارية موجودة قبله فهذا نوعا ما معذور لكني ااتكلم عن اللي ايعينون بتعمد فئة free من السكرتيرات او الموظفات فقط لجمالهن واتلاقيهن اصغر من بناته

هاي اعتبره استغلال للمنصب ونظرة دونية للبنات

طبعا هاي ارزاق وما اتدخل في الارزاق ولا تفنيش حد ... لكن ضرورة احترام الموظف/ة واحترام كيانه وعدم استغلاله

[بنت شرق]

يعني محتاجين قانون مهني اخلاقي بجانب لوائح العمل التنظيمية

[سالم الزهران]

اي والله .

مرة في جهة من الجهات اللي اشتغلت فيها .... ( من كثرهم مب متذكر هههه )

احد المدراء التنفيذيين وظف لبنانية ..... صراحة ملكة جمال

عاد البنات من الغيرة والفضول الله يجزاهن خير .... طلعوا تاريخها وتاريخ يدتها وام يدتها بعد ... حتى مكتبة السي اي ايه ماعندهم هالمعلومات



مير ما تمشي عندنا , الجمال يا زينه مستور و محشوم

يا شينها شيناه ؟ ذكرتني بوحده فتحت لي باب مطعم نسيت اسمه

لا وترحب ( امحق شيفه ) اقصد ( رؤية ) مب طباخه ههههه

لابوهم لا بو من يوظفهم و اعذروني

[بومحمد المطاوعه]

بعض المدراء والعياذ بالله
يصيرون

امباااااااااع

وهذا الخوف منهم ,,

[Charisma]

هلا بشيخ كاريزما

شوف طال عمرك الاختلاط هذا شي لابد منه مع اني لا احبذه وارفضه بس لحد ايكون مثالي وايقول انه ما يشتغل في بيئة نسوية او مختلطة ....... الا ان كانت مدرسة بنين او بنات واحيانا ايجونهم مشرفين بعد

القضية هي قضية تعيين بنات كنوع من البرستيج اللي طبعا هم يعتبرونه كذلك ....

في مدراء يتعينون والسكرتارية موجودة قبله فهذا نوعا ما معذور لكني ااتكلم عن اللي ايعينون بتعمد فئة free من السكرتيرات او الموظفات فقط لجمالهن واتلاقيهن اصغر من بناته

هاي اعتبره استغلال للمنصب ونظرة دونية للبنات

طبعا هاي ارزاق وما اتدخل في الارزاق ولا تفنيش حد ... لكن ضرورة احترام الموظف/ة واحترام كيانه وعدم استغلاله

ذكر الحقيقة مافيها مثالية ، حتى لو كان الواقع "خلط ملط" وحتى لو كنت في بيئة مختلطه ، بنلف وندور ونعرف في قرارة أنفسنا أن الأختلاط هو أساس المشكلة ، وممكن اطرح ستين الف موضوع وسببها الرئيسي الأختلاط والنقاش يكون في مسار اسباب ثانوية وغير رئيسية :

مدير مطيح الميانه مع الموظفات.

موظفين وموظفات يتقهوون مع بعض .

علاقات " سرية " بين الموظفين .

تواصل الموظفين والموظفات مع بعضهم .

قروبات واتس العمل .

..إلخ



انت تتعامل مع بشر / نفسيات ، مشاعر ، احاسيس ، يعني الواحد ممكن يتأثر او ممكن يضعف في لحظه ، يعني توقع مثل هالنتايج ، المثالي يابوفيصل اللي واثق ثقة عمياء في نفسه وكأنها مجرده ومعصومة من الوقوع في الخطأ ، ويبدأ يبحث في اسباب ثانوية ويحملها اللوم .

اذا انت مدير وغيرك مدير أبدأ بتغيير الواقع ، ماقولك اشطب الأختلاط من القاموس ، ولكن تدريجيا غير ، اعزل ، حط ضوابط ، خلك حازم ، خل الميانه حاضره ، محد يتكلم بحرقة في هالمواضيع الا اللي ينظر نظرة احترام وخوف على بنات الناس ، مب بس على اهله وبنات الناس "عــــادي" .

[ضوى]

ذكر الحقيقة مافيها مثالية ، حتى لو كان الواقع "خلط ملط" وحتى لو كنت في بيئة مختلطه ، بنلف وندور ونعرف في قرارة أنفسنا أن الأختلاط هو أساس المشكلة ، وممكن اطرح ستين الف موضوع وسببها الرئيسي الأختلاط والنقاش يكون في مسار اسباب ثانوية وغير رئيسية :

مدير مطيح الميانه مع الموظفات.

موظفين وموظفات يتقهوون مع بعض .

علاقات " سرية " بين الموظفين .

تواصل الموظفين والموظفات مع بعضهم .

قروبات واتس العمل .

..إلخ



انت تتعامل مع بشر / نفسيات ، مشاعر ، احاسيس ، يعني الواحد ممكن يتأثر او ممكن يضعف في لحظه ، يعني توقع مثل هالنتايج ، المثالي يابوفيصل اللي واثق ثقة عمياء في نفسه وكأنها مجرده ومعصومة من الوقوع في الخطأ ، ويبدأ يبحث في اسباب ثانوية ويحملها اللوم .

اذا انت مدير وغيرك مدير أبدأ بتغيير الواقع ، ماقولك اشطب الأختلاط من القاموس ، ولكن تدريجيا غير ، اعزل ، حط ضوابط ، خلك حازم ، خل الميانه حاضره ، محد يتكلم بحرقة في هالمواضيع الا اللي ينظر نظرة احترام وخوف على بنات الناس ، مب بس على اهله وبنات الناس "عــــادي" .

ردك هذا اجبرني اعترف لك انه اعجبني جدا ، وشفت فيه الكثير من الخوف على بنات الناس ، احترم فيك هذا الخوف

[حمد 2002]

لأنها واجهة المكان ..

وأول انطباع ايحصله الظيف والمراجع عن المكان ..

نفس مطار الدوحة ..

الشارع ماله معدل وهو كبير ونظيف ممم لأنه واجهة البلاد ..

وسلامتكم ..

انا أقول يمكن ومجرد تخمينات وتوقعات ..


وهذا ليس رأيي لاني ارفض هالشي ..

[بانغ بانغ]

ذكر الحقيقة مافيها مثالية ، حتى لو كان الواقع "خلط ملط" وحتى لو كنت في بيئة مختلطه ، بنلف وندور ونعرف في قرارة أنفسنا أن الأختلاط هو أساس المشكلة ، وممكن اطرح ستين الف موضوع وسببها الرئيسي الأختلاط والنقاش يكون في مسار اسباب ثانوية وغير رئيسية :

مدير مطيح الميانه مع الموظفات.

موظفين وموظفات يتقهوون مع بعض .

علاقات " سرية " بين الموظفين .

تواصل الموظفين والموظفات مع بعضهم .

قروبات واتس العمل .

..إلخ



انت تتعامل مع بشر / نفسيات ، مشاعر ، احاسيس ، يعني الواحد ممكن يتأثر او ممكن يضعف في لحظه ، يعني توقع مثل هالنتايج ، المثالي يابوفيصل اللي واثق ثقة عمياء في نفسه وكأنها مجرده ومعصومة من الوقوع في الخطأ ، ويبدأ يبحث في اسباب ثانوية ويحملها اللوم .

اذا انت مدير وغيرك مدير أبدأ بتغيير الواقع ، ماقولك اشطب الأختلاط من القاموس ، ولكن تدريجيا غير ، اعزل ، حط ضوابط ، خلك حازم ، خل الميانه حاضره ، محد يتكلم بحرقة في هالمواضيع الا اللي ينظر نظرة احترام وخوف على بنات الناس ، مب بس على اهله وبنات الناس "عــــادي" .



حبيب والله

واشكرك على ردك اللي يمثلني وسبق ان طرحت نفس نقاطك على شكل مواضيع مثل انتشار الغروبات بين الموظفين بحجة متابعة عمل ووووو

فعلا انا غيور على الوضع ومتأكد انه قنبلة موقوته ان لم تنفجر اصلا في بعض البيوت

نتمنى مداخلات بهالمستوى

[بنت شرق]

أحس معظم الردود تخمين ، الأفضل تحليل الظاهرة عبر الاستبيان لتوصل لحقائق لا استنتاجات ولا تخمينات

[الماريّة]

عوده مره اخرى اسمح لي يانغ بانغ

ذكرتوني اول ماشتغلت انا ورفيجاتي تونا صغار
كان مسؤولنا قطري رجل محترم ودين مثلكم وشرواكم


بس والله شفت فيه من الغيره علينا مثل غيرته على خواته
لدرجه ان احنا شغلنا حسابات ولابد نحتاج للمحاسبين المصريين
يعلمونا بعض العمل

لكن كان يرفض بشده ومانعهم محد فيهم يدش علينا ولا يشوفنا
ويهاوشهم ويقولهم اشرحوا لهم في تلفونات المكتب


فعلا والله لمسنا منه كل خوف وستر وغيره على بنات بلاده

وبعدها لما تحول خبير وانتقل لقسم اخر وصار غيره مسؤولين

للاسف ماسوو مثله الا عادي عندهم وهالمصريين المهندسين
داشين طالعين لكن ولله الحمد بكامل حشمتنا وادبنا

بس يغيضني دخولهم عشان تصليح بعض البرامج ويضايقنا جدا


والله يكثر من امثاله الطيبين ...

[JN000N]

الاختلاط كله على بعضه مرفوض

في العمل وفي السسوق وفي الاحتفالات

يازين الستر بس


اي صح يازين الستر
واذا على واقع احنا من داخلنا نبي خلط او لا
طبعا بنقول ما نبي ك بيئه عمل
اريح لنا بنات بروحنا بغض النظر عن الستر لان المستوره مستوره لو وقف قدامها مليون ريال
بس انتي تشتغلين في مكان مختلط



عوده مره اخرى اسمح لي يانغ بانغ

ذكرتوني اول ماشتغلت انا ورفيجاتي تونا صغار
كان مسؤولنا قطري رجل محترم ودين مثلكم وشرواكم


بس والله شفت فيه من الغيره علينا مثل غيرته على خواته
لدرجه ان احنا شغلنا حسابات ولابد نحتاج للمحاسبين المصريين
يعلمونا بعض العمل

لكن كان يرفض بشده ومانعهم محد فيهم يدش علينا ولا يشوفنا
ويهاوشهم ويقولهم اشرحوا لهم في تلفونات المكتب


فعلا والله لمسنا منه كل خوف وستر وغيره على بنات بلاده

وبعدها لما تحول خبير وانتقل لقسم اخر وصار غيره مسؤولين

للاسف ماسوو مثله الا عادي عندهم وهالمصريين المهندسين
داشين طالعين لكن ولله الحمد بكامل حشمتنا وادبنا

بس يغيضني دخولهم عشان تصليح بعض البرامج ويضايقنا جدا


والله يكثر من امثاله الطيبين ...

احنا لين اخترب شي ف مكاتبنا ويبيله مهندس مصري يجي يصلحه من يوصل عند باب المكتب نقوم نطلع وهو يروح يسوي شغله ما نقعد معاه
ما انكر بالنسبه لي وفي قسم صغير مديري واحد مضطره اتفاهم معاه مرات اروح له المكتب او اكلمه ف التلفون ف امور وايد لاني وحده ف القسم ماعندي بنات وياي


بشكل عام اذا بنتكلم عن مصطلح اختلاط ف العمل طبيعي الكل رافضه
لكن بواقعيه واحنا نشتغل في اماكن مختلطه مايصير اناقض نفسي واجي هني المنتدى وازعق بقمة راسي انا ضد وضد واضيق على الخلق واطلعهم ناقصين بمجرد انهم يشتغلون ف مكان مختلط واتناسى نفسي اني مافرق عنهم
طبعا الكلام مش موجه بشكل شخصي لج وانما بشكل عام

[الماريّة]

^
^
بعد اقولج يازين الستر
والاختلاط مرفوض
:)

[JN000N]

^
^
بعد اقولج يازين الستر
والاختلاط مرفوض
:)

اي وترى انا ماقلت العكس يالطيبه :)

[نفسي عزيزه]

انا اختلط مع العمال ومب مترقع وين اختلط مع حريم ماغير تحصلوني بالانستقرام ادور طريقة فلانه في اعداد البان كييك والدونات :shy:

دعابه امزح هههه

الله يستر علينا جميعا ويثبتنا على الحق ويرزقنا رزقه طيبه لاتغضبه ولافتنه فيها اللهم امين

[راجي الْعفو]

انا اختلط مع العمال ومب مترقع وين اختلط مع حريم ماغير تحصلوني بالانستقرام ادور طريقة فلانه في اعداد البان كييك والدونات :shy:

دعابه امزح هههه

الله يستر علينا جميعا ويثبتنا على الحق ويرزقنا رزقه طيبه لاتغضبه ولافتنه فيها اللهم امين

انت وضعك صعب و يبيلك معكرونة ^_^