الصبغة الغربية .. على المجتمع القطري ..

[راجي الْعفو]

سلام عليكم و رحمة الله و بركاته ..

حال مجتمعنا القطري في تغير يؤلم القلوب ، ويحتاج لوقفة جادّة صادقة ..

هل نُسخت الثقافة الأوروبية بما فيها من غث و سمين
ثم يُسعى في إطعامها المجتمع القطري شيئا فشيئا حتى يعتاد عليه وتصبح هي الأصل الأصيل ؟!

إهمال الجانب الشرعي يذكرني بالثورة التي قامت ضد الكنيسة في أوروبا حتى أدت إلى الفلتان - مع الفارق طبعا - !
ضعف اللسان العربي يذكرني بمقولة ذاك المفكر حين قال ان أساس قيام الحضارات هو اعتماد لغتها !
تغير المفاهيم في واجبات الرجل و المرأة وما ينبغي أن يكون عليه كل جنس ، وكذا بناء الأسرة، يذكرني بحال الغرب حين صارت الحياة الزوجية بينهما مقاسمة ، مبناها هي الماديّة ،ثم حصل التفكك !
الشعور بالدنو والسعي في تقليد أولئك القوم، يذكرني بزمن عزة الإسلام حين كان الغرب فيه يفتخر بتقليد أهل الإسلام !

وغير ذلك ..


لماذا انتقلت ثقافتهم إلينا ؟
هل البعثات الخارجية لأبناء الوطن مع ضعف التأسيس العقدي، كان لها الأثر البالغ في هذا ؟
وهل التطور و التقدم يكون بالتقليد الأعمى ؟
وهل هناك من هم من أبناء جلدتنا، عازمون على إفسادنا و يخططون لذلك ؟
ماذا أصبحت أولوياتنا نحن كمجتمع قطري كان يُعرف بالمحافظة التامّة حتى فترة قريبة ؟


ملاحظة:
الإصلاح يبدأ من الفرد ثم الأسرة ثم بقية المحيط
وأنا أول المحتاجين له !

وفق الله الجميع ..

[غريب الدّار]

مرحبا ياشيخ راجي

انا اول شي اسجل اعتراضي على ان حال مجتمعنا القطري في تغير يؤلم القلوب

التغير سنة الحياة ياشيخ راجي
ادري ان التغير السئ مرفوض

لكن بشكل عام ولله الحمد لازال المجتمع محافظ على قيم وتقاليد كثيرة جدا
والاهم من هذا لازال متمسك بدينه ولله الحمد بشكل قوي ، وجود بعض النماذج السيئة لايؤثر على كون المجتمع محافظ ومتمسك بالشريعة بفضل الله تعالى

وفي تطور من نواحي كثيرة بفضل الله سبحانه وتعالى

هاذي اول نقطة

النقطة الثانية :

الإصلاح يبدأ من الفرد ثم الأسرة ثم بقية المحيط

معاك 100%

ورحم الله والديك ياشيخ راجي



وهاذي إجابات اسئلتك طال عمرك :

لماذا انتقلت ثقافتهم إلينا ؟

في الغالب الأقوى ينقل ثقافته الى الأضعف


هل البعثات الخارجية لأبناء الوطن مع ضعف التأسيس العقدي، كان لها الأثر البالغ في هذا ؟

قصدك السكن والدراسة في الخارج؟ قد يكون هالشي له تأثير بس مااعتقد تأثير أساسي
لان التغيير حاصل حاصل وهاذي سنة الحياة
سواء تغيير للافضل ام الاسوء
وهاذي في حد ذاتها مسالة نسبية (قصدي تحديد الجيد والسئ)


وهل التطور و التقدم يكون بالتقليد الأعمى ؟

عند ضعاف العقول نعم


وهل هناك من هم من أبناء جلدتنا، عازمون على إفسادنا و يخططون لذلك ؟

الله اعلم بالنوايا ياشيخ راجي
وهالسؤال اعتقد أساسه نظرية المؤامرة
وللأسف صار أي شي مايعجبنا او أي فعل ، نتهم صاحبه بهالشي
والله تعالى اعلم

لكن مب شرط أي تصرف مايعجبنا ان صاحبه يهدف الى الافساد


ماذا أصبحت أولوياتنا نحن كمجتمع قطري كان يعرف بالمحافظة التامّة حتى فترة قريبة ؟

الأولويات كثيرة ياراجي : وتلقاها في استراتيجة قطر 2030

[مخطط قطري]

صباح الخير .... مشكور على الموضوع بس حسك بالغت الحمدالله المجتمع القطري في اغلبه وخصوصا شبابه متمسك بالعادات والتقاليد القطريه الاصليه الي اساسها اسلامي
واذا مجموعه اشخاص حسب مصطلحك اثرت فيهم الصبغه الغربيه فهذا شي طبيعي وصحي ولكن هالشي ولكن طريقه سردك للموضوع وانه واقع المجتمع القطري مؤلم ويعور القلب احسك كبرت الامر اذكر فيه منتدى كويتي طرح نفس الموضوع تقريبا يجوز هم عندهم هالشي في مجتمعهم تاثير الغرب عليهم قوي من ناحيه اللبس والعادات والتصرفات والبعد عن الدين ونسبه كبيره منهم لايستهان بها ولكن ف قطر احس الحمدالله الامور طيبه وبخير وشخصيتهم اقوى من انهم يتبعون حد

[بنت شرق]

اعتقد المجتمع القطري يتغير لكن ليس للأسواء بل للأفضل وبخطى جيدة لاتحسب أنه تغير كبير لأن للدولة والمواطن بات لديه رؤية
تغيرات التعليم وتغيرات العمل والتمايز الاجتماعي هو ما يغير المجتمع القطري ،نتمنى التغير ما يلحق اضرار اقتصادية بالطبقات المتوسطة والفقيرة إن وجدت
مع التأكيد غالبية مجتمعنا محافظ بس الي لاحظته ما البسه كأمرأة لم تعد بنات الجيل الحالي تلبسنه وسبب ذلك تحديدا تنوع الاسواق وسهولة التأثر بالموضة

[بانغ بانغ]

مرحبا شيخ راجي

لو الله كتب واستمر المنتدى لين 15 سنة جدام

وينطرح موضوعك مرة ثانية ... بتشوف ان الواقع يؤكد كلامك

للاسف كثير من افراد هالجيل تأثر بشكل واضح بما عايشوه من بعض ملامح الغرب سواء من تواجدهم في الداخل او الخارج ... وبعضهم تأثر من الجانب السلبي فقط

بالنسبة للاصلاح .... اتوقع صعب تصلح بدون قدوة سليمة

لان الــ e-world صار طوفان محد يقدر ايوقفه

[معماري قطري]

مرحبا شيخ راجي

لو الله كتب واستمر المنتدى لين 15 سنة جدام

وينطرح موضوعك مرة ثانية ... بتشوف ان الواقع يؤكد كلامك

للاسف كثير من افراد هالجيل تأثر بشكل واضح بما عايشوه من بعض ملامح الغرب سواء من تواجدهم في الداخل او الخارج ... وبعضهم تأثر من الجانب السلبي فقط

بالنسبة للاصلاح .... اتوقع صعب تصلح بدون قدوة سليمة

لان الــ e-world صار طوفان محد يقدر ايوقفه

هذا الواقع .. قبل من يدري من اليهال شيصير في العالم .. كانوا عايشين طفولتهم والمعرفة تجي بالتدريج ألحين حتى أحاديث ضعيفة ومغلوطة تنتشر وقصص خيالية مؤلفة ما سمعناها قبل

لا والمعممين قصصهم أغرب من الخيال .. سحابة توقف وتمطر على حاخامهم بعد ما خلص الماي عنه والصابون تارس عيونه

[راجي الْعفو]

مرحبا ياشيخ راجي

( مرحبتين يا شيخ غريب )

انا اول شي اسجل اعتراضي على ان حال مجتمعنا القطري في تغير يؤلم القلوب

التغير سنة الحياة ياشيخ راجي
ادري ان التغير السئ مرفوض

لكن بشكل عام ولله الحمد لازال المجتمع محافظ على قيم وتقاليد كثيرة جدا
والاهم من هذا لازال متمسك بدينه ولله الحمد بشكل قوي ، وجود بعض النماذج السيئة لايؤثر على كون المجتمع محافظ ومتمسك بالشريعة بفضل الله تعالى

وفي تطور من نواحي كثيرة بفضل الله سبحانه وتعالى

هاذي اول نقطة
( مافيه شك ، بل إذا قلت أن المجتمع القطري من أكثر المجتمعات محافظة - سواء رجال او نساء - بعد المملكة ، يمكن ما غلطت - في نظري -، ولا قصور في بقية الدول الشقيقة ، والحمدلله
وهذي نعمة أعتبرها عظيمة و تحتاج شكر
ولكن القصد بعبارة في تغير، أن هناك بوادر لأمور ما كنا نلاحظها في السابق
وبالتالي يتوجب علينا أن نتخذ الموقف الحازم لقطع الشر منذ أول وهلة
النقطة الثانية :

معاك 100%

ورحم الله والديك ياشيخ راجي

امين و والديك يا شيخ غريب

وهاذي إجابات اسئلتك طال عمرك :

في الغالب الأقوى ينقل ثقافته الى الأضعف

أتفق معاك ان هذا من الأسباب

قصدك السكن والدراسة في الخارج؟ قد يكون هالشي له تأثير بس مااعتقد تأثير أساسي
لان التغيير حاصل حاصل وهاذي سنة الحياة
سواء تغيير للافضل ام الاسوء
وهاذي في حد ذاتها مسالة نسبية (قصدي تحديد الجيد والسئ)
صحيح، و لكن كل شي له اسبابه و هذي منها في اعتقادي

عند ضعاف العقول نعم


الله اعلم بالنوايا ياشيخ راجي
وهالسؤال اعتقد أساسه نظرية المؤامرة
وللأسف صار أي شي مايعجبنا او أي فعل ، نتهم صاحبه بهالشي
والله تعالى اعلم

لكن مب شرط أي تصرف مايعجبنا ان صاحبه يهدف الى الافساد

هو لو نظرنا للسنة لوجدت أن النبي عليه الصلاة و السلام ذكر وصفا لدعاة الفتن وانهم من بني جلدتنا و يتكلمون بألسنتنا

الأولويات كثيرة ياراجي : وتلقاها في استراتيجة قطر 2030

أشكرك ..

[راجي الْعفو]

صباح الخير .... مشكور على الموضوع بس حسك بالغت الحمدالله المجتمع القطري في اغلبه وخصوصا شبابه متمسك بالعادات والتقاليد القطريه الاصليه الي اساسها اسلامي
واذا مجموعه اشخاص حسب مصطلحك اثرت فيهم الصبغه الغربيه فهذا شي طبيعي وصحي ولكن هالشي ولكن طريقه سردك للموضوع وانه واقع المجتمع القطري مؤلم ويعور القلب احسك كبرت الامر اذكر فيه منتدى كويتي طرح نفس الموضوع تقريبا يجوز هم عندهم هالشي في مجتمعهم تاثير الغرب عليهم قوي من ناحيه اللبس والعادات والتصرفات والبعد عن الدين ونسبه كبيره منهم لايستهان بها ولكن ف قطر احس الحمدالله الامور طيبه وبخير وشخصيتهم اقوى من انهم يتبعون حد

صباح النور اخوي مخطط ..
اتفق معاك ، ومثل ما ذكرت لاخوي غريب ان حنا في نعمة و الخير كبير فينا و الحمدلله، و لكن هي امور نشوف لها بدايات ونحتاج انتباه ..
وانا بصراحة افرح جدا لما اشوف الشبابا القطري و البنات ما يتنازلون عن لبسهم مع سهولة تغييره ..

شكرا ..

[راجي الْعفو]

اعتقد المجتمع القطري يتغير لكن ليس للأسواء بل للأفضل وبخطى جيدة لاتحسب أنه تغير كبير لأن للدولة والمواطن بات رؤية
تغيرات التعليم وتغيرات العمل والتمايز الاجتماعي هو ما يغير المجتمع القطري ،نتمنى التغير ما يلحق اضرار اقتصادية بالطبقات المتوسطة والفقيرة إن وجدت
مع التأكيد غالبية مجتمعنا محافظ بس الي لاحظته ما البسه كأمرأة لم تعد بنات الجيل الحالي تلبسنه وسبب ذلك تحديدا تنوع الاسواق وسهولة التأثر بالموضة

اهلا بنت شرق ..

نظرتج هي من ناحية دنيوية ، واتفق معاج فيها ..
وانا كلامي عام ، وخاصة الناحية الدينية ..
أتوقع نشهد فيه تغير ملحوظ و ماذكرتيه مثال من الأمثل..

شكرا..

[ضوى]

صباح الخير .... مشكور على الموضوع بس حسك بالغت الحمدالله المجتمع القطري في اغلبه وخصوصا شبابه متمسك بالعادات والتقاليد القطريه الاصليه الي اساسها اسلامي
واذا مجموعه اشخاص حسب مصطلحك اثرت فيهم الصبغه الغربيه فهذا شي طبيعي وصحي ولكن هالشي ولكن طريقه سردك للموضوع وانه واقع المجتمع القطري مؤلم ويعور القلب احسك كبرت الامر اذكر فيه منتدى كويتي طرح نفس الموضوع تقريبا يجوز هم عندهم هالشي في مجتمعهم تاثير الغرب عليهم قوي من ناحيه اللبس والعادات والتصرفات والبعد عن الدين ونسبه كبيره منهم لايستهان بها ولكن ف قطر احس الحمدالله الامور طيبه وبخير وشخصيتهم اقوى من انهم يتبعون حد

اتفق معاك تماما ، واتذكر صديقات كويتيات قالوها لي بالحرف مشااء الله عليكم ماأثرت عليكم المدنية ، وشبابكم لا زال محافظ على الغترة ولا العقال والثوب وهاي نادر نشوفه بالكويت ، وفعلا انا اشوفهم متمسكين بتراثهم وتقاليد البلد وطبعا اكيد في شواذ لكن لا يعتد بها

[راجي الْعفو]

مرحبا شيخ راجي

لو الله كتب واستمر المنتدى لين 15 سنة جدام

وينطرح موضوعك مرة ثانية ... بتشوف ان الواقع يؤكد كلامك

للاسف كثير من افراد هالجيل تأثر بشكل واضح بما عايشوه من بعض ملامح الغرب سواء من تواجدهم في الداخل او الخارج ... وبعضهم تأثر من الجانب السلبي فقط

بالنسبة للاصلاح .... اتوقع صعب تصلح بدون قدوة سليمة

لان الــ e-world صار طوفان محد يقدر ايوقفه

هلا الشيخ بنج بنج

نتمنى انا ما نصل لهالمرحلة المخيفة و الله يبعدها عنا ..

اتفق معك ان القدوات لهم تاثير كبيير في الناس
ولكن عندنا مشكلة قبل هذي: ما هي معايير اختيار القدوة
لان كل من طلع وسائل التواصل و تكلم كلمتين وعنده متابعين، صار هو القدوة المثلى
تغيرت نظرة الناس للقدوة

العالم في متغيرات هائة و سريعة و تحتاج مجاهدة
ولذلك أمرنا بالصبر والقبض على الدين مع وقو الفتن و كثرتها

الله يحييك..

[راجي الْعفو]

هذا الواقع .. قبل من يدري من اليهال شيصير في العالم .. كانوا عايشين طفولتهم والمعرفة تجي بالتدريج ألحين حتى أحاديث ضعيفة ومغلوطة تنتشر وقصص خيالية مؤلفة ما سمعناها قبل

لا والمعممين قصصهم أغرب من الخيال .. سحابة توقف وتمطر على حاخامهم بعد ما خلص الماي عنه والصابون تارس عيونه

الله المستعان..

اتفق معاك تماما ، واتذكر صديقات كويتيات قالوها لي بالحرف مشااء الله عليكم ماأثرت عليكم المدنية ، وشبابكم لا زال محافظ على الغترة ولا العقال والثوب وهاي نادر نشوفه بالكويت ، وفعلا انا اشوفهم متمسكين بتراثهم وتقاليد البلد وطبعا اكيد في شواذ لكن لا يعتد بها

العادات و التقاليد جزء من الموضوع، والحمدلله انه متمسكين به و عسانا ما نتغير ..
لانه شي يسر النفس..
واللي يثلج الصدر هو التمسك بالدين و الهوية الاسلامية بشكل اكبر ..

[بنت شرق]

اعتقد حتى الشباب القطري تغير ملبسه فبدل الغترة صاروا يلبسون الكاب ، وبدل الثوب بالطلعات الملابس السبورت الثوب التقليدي مخلينه للعمل والمناسبات

[راجي الْعفو]

اعتقد حتى الشباب القطري تغير ملبسه فبدل الغترة صاروا يلبسون الكاب ، وبدل الثوب بالطلعات الملابس السبورت الثوب التقليدي مخلينه للعمل والمناسبات

في بس قليلين ، لا يذكرون في مقابل المتمسك باللبس الاصلي..

[ضوى]

اعتقد حتى الشباب القطري تغير ملبسه فبدل الغترة صاروا يلبسون الكاب ، وبدل الثوب بالطلعات الملابس السبورت الثوب التقليدي مخلينه للعمل والمناسبات

اخالفج هذي مظهر شاذ لكن العموم متمسك بالغترة وبشكل كبير

[بومحمد المطاوعه]

موضوع طيب الله يجزاك خيررر ,,

متابع ان شاءالله ,,
ربي يقويك ياخوي

[بومحمد المطاوعه]

اعتقد حتى الشباب القطري تغير ملبسه فبدل الغترة صاروا يلبسون الكاب ، وبدل الثوب بالطلعات الملابس السبورت الثوب التقليدي مخلينه للعمل والمناسبات

مب الكل ولا نسبه كبيره

لكن في شباب يلبسون بدلات وكابات ومب كل يوم يلبس ثوب او بالأخص يلبس للدوام

هذيله موجودين مانقول مافي ولا نقول مستحيل في ,,

وبعدين من يتمسك بالثوب فالسفرات الخارجيه
اتحدى واحد يلبس ثوب وغتره وعقال لو سافر برع غير الخليج ,,
يعني الي يسافر برع الخليج يلبس لبسهم ف ماشوف فيها اي شي في الخارج لو لبس

البعض حتى فالخليج مايلبس ثوب

اما ف قطر المفروض يتمسك بالثوب القطري

[Miss]

التغيير اللي صاير مب ذاك السوء
فيه تغييرات مب راضين عليها لكن ان شاء الله ما تكون سيئة جدا
وما زال المجتمع القطري محافظ بالعادات والتقاليد

[Miss]

اعتقد حتى الشباب القطري تغير ملبسه فبدل الغترة صاروا يلبسون الكاب ، وبدل الثوب بالطلعات الملابس السبورت الثوب التقليدي مخلينه للعمل والمناسبات
لا لا ما اوافقج
هذولا فئة صغيره ومراهقين
وبعد مب الكل
انا للحين اشوف صغار يلعبون بالثوب والغتره في الالعاب

[qatarman8008]

الغرب هم سباقون لكل جديد في مجال العلم والتكنولوجيا والتطور والصناعه والتجارة وحتى اساليب التعامل مع الناس..
اصبح الغرب هو مثالا يقتدى به..
لا استغرب ان انجرف معظم شبابنا خلف هذا التيار..

[غريب الدّار]

الغرب هم سباقون لكل جديد في مجال العلم والتكنولوجيا والتطور والصناعه والتجارة وحتى اساليب التعامل مع الناس..
اصبح الغرب هو مثالا يقتدى به..
لا استغرب ان انجرف معظم شبابنا خلف هذا التيار..
ومافي مانع ياقطرمان ان ناخذ منهم اللي يفيدنا ومايمس بالدين او الشريعة ، بالعكس شي مطلوب

[سالم الزهران]

موضوع موفق اي حبيبنا الشيخ راجي

لكن سؤالي هو : اذا بغينا نقيس على مجتمع وين نروح ؟ الشواطيء و لا من الشوارع العامة و لا من المولات ؟

ممكن نشوف في الاماكن اللي ذكرتها الغث و السمين و يمكن يطغى الغث , لكن في اماكن ثانية بتتعجب من ان الناس لازالوا يخيلون و يلتزمون بدينهم و مظهرهم اللائق .

بس اش اللي يصير بالمستقبل , الله أعلم ؟

اكيد كل واحد عنده تحفظات حتى على اصدقائة او اقاربة او يمكن عيال اخوه لكن الله يصلح الشأن

أشكرك بعنف

[مفكر قطري]

من وجهة نظري المجتمع القطري مجتمع مفتوح على العالم و متنوع فكريا .. بنلاقي ناس ملتزمين بالعادات
و التقاليد و ناس منفتحين على العالم و أيضا ناس يظهرون التزامهم بالعادات فقط لأنهم في قطر و في الخارج عكس ذلك.. من وجهة نظري ان هالنوع من التنوع جميل جدا .. خاصة ان في الفترة الاخيرة المجتمع بدء يتقبله..

[بوسلطان_]

اتفق معاك أخوي راجي العفو واشاطرك نفس الالم والهم لكن هذ الشيء ليس منك ولا مني هذا الشيء مفروض عليك سواء قبلت او لم تقبل. نحن نمضي ضد مع مخطط خبيث وهو تغريب كل المجتمعات الاسلامية وسلخهم من دينهم وجعلهم بلا دين او مبادىء. وكذللك انتزاع قوامت الرجل وولايته حتى على ابناءه.

[Charisma]

موضوع جميل ، وسجلني متابع اخوي راجي .



من وجهة نظري المجتمع القطري مجتمع مفتوح على العالم و متنوع فكريا .. بنلاقي ناس ملتزمين بالعادات
و التقاليد و ناس منفتحين على العالم و أيضا ناس يظهرون التزامهم بالعادات فقط لأنهم في قطر و في الخارج عكس ذلك.. من وجهة نظري ان هالنوع من التنوع جميل جدا .. خاصة ان في الفترة الاخيرة المجتمع بدء يتقبله..

مرحبا ،


كيف ممكن يكون هالتنوع جميل ؟

[الحاقول]

كلام مبالغ فيه والمجتمع القطري بخير والحمدالله . والكل يحسدنا على ذلك

[بومحمد المطاوعه]

97937

بعيد الشر

[بومحمد المطاوعه]

انا مايبطون جبدي الا هالشباب

الي يلبسون كابات عليهم عبارات كتابه !!
بالعربي


شتطالع
شعندك
ترى اشوفك
شليقا ياخالي
خف علينا



ومادري شنو مكتوب بعد
هذيله شيحسووون فيه !!

[مفكر قطري]

موضوع جميل ، وسجلني متابع اخوي راجي .




مرحبا ،


كيف ممكن يكون هالتنوع جميل ؟

دائما التنوع الفكري و الثقافي من ابرز معامل تطور المجتمعات الحديثة وبقدر ما يكون المجتمع متسامحا فكريا وقادرا على تقبل المختلف من الآراء والنظريات، بالقدر ذاته يمكنه بناء مسيرة تطوره

[Charisma]

دائما التنوع الفكري و الثقافي من ابرز معامل تطور المجتمعات الحديثة وبقدر ما يكون المجتمع متسامحا فكريا وقادرا على تقبل المختلف من الآراء والنظريات، بالقدر ذاته يمكنه بناء مسيرة تطوره

رد جميل ، نابع من ثقافة عاليه ..

لكن ماتحس ان مثل هالافكار ماتنطبق على أمور تمس الثوابت ، امور داخله في صميم مجتمع له هويه وله دين ؟
وهل يعني التطور التخلي عن ماسبق ؟ ولا يمكن ماذكرته انت هو أهم عامل في التطور ؟

[بنت شرق]

الربط بين التطور والتخلي عن ثوابت الدين مبالغة كل الي صاير العادات هي الي تتغير لا العقيدة ، وهو جزء يتغير لدى كل سكان العالم
ما جات علينا

[alshammari]

يوجد تغيير نعم وشوفوا شبابنا وبناتنا في أوروبا كيف لبسهم وقصات شعرهم وغيره

عزائنا الوحيد لازال مجتمعنا الأفضل بين دول المنطقة

[مفكر قطري]

رد جميل ، نابع من ثقافة عاليه ..

لكن ماتحس ان مثل هالافكار ماتنطبق على أمور تمس الثوابت ، امور داخله في صميم مجتمع له هويه وله دين ؟
وهل يعني التطور التخلي عن ماسبق ؟ ولا يمكن ماذكرته انت هو أهم عامل في التطور ؟

القصد اخي الكريم ان الاختلاف في الاّراء و التفكير و الثقافة هي جزء من هوية المجتمع و تكون عامل تطور كبير اذا كان في تقبل لآراء بعضنا و مقابلة الحجة بالحجة في ظل الاحترام و التقدير.. لكن اما ان يتم اجبار البعض على تقبل شيء ما او انتقادهم بسبب عدم التزامهم بالعادات و التقاليد او لأنهم يعشقون الموضة او لأنهم درسوا في الخارج فهالشي ما يضر حد و لا يمس الثوابت .. و يمكن هم ثوابتهم غير عن ثوابتك :) .. و ما اتوقع هالشي يضر

[ضوى]

انا مايبطون جبدي الا هالشباب

الي يلبسون كابات عليهم عبارات كتابه !!
بالعربي


شتطالع
شعندك
ترى اشوفك
شليقا ياخالي
خف علينا



ومادري شنو مكتوب بعد
هذيله شيحسووون فيه !!

شباب وسن صغير مايضرون نفسهم ولا يضرون غيرهم خلهم موضه وبتنتهي دام مافيها لا مساس بعقيدة ولا دين ولا عرف ، ليش مستنكرين عليهم هالشي اشوفه عادي جدا

[بومحمد المطاوعه]

شباب وسن صغير مايضرون نفسهم ولا يضرون غيرهم خلهم موضه وبتنتهي دام مافيها لا مساس بعقيدة ولا دين ولا عرف ، ليش مستنكرين عليهم هالشي اشوفه عادي جدا

هههههه
عادي جدآ !!!
غريبه والله

والله على حسب البيئه الي عايشينها

ماعتقد في رجال يلبسون هالشي ويقعدون فالمجالس وسط الرجال

وبنقول عادي
لاهذي عادات اهل قطر المعروفين ولا من ثوب القطريين

من جذي قمنا انشوف اشكال ماتتشاهد من اللبس او السلاسل فاليد

كل هذي في التهاون بسبب الموضه الي ماشيين عليها البعض الله يهديهم

[ضوى]

والله دامهم رياييل مثل ماتقول فأنت شفتهم حواليك والا احنا ماشفناها الا عالمراهقين بو طعش سنه والا الرياييل مايسوونها

[ضوى]

والريال ترى ماتقل قيمته بلبسه ولا بشكله ، تقل قيمته اذا دمرت اخلاقه

[JN000N]

هههههه
عادي جدآ !!!
غريبه والله

والله على حسب البيئه الي عايشينها

ماعتقد في رجال يلبسون هالشي ويقعدون فالمجالس وسط الرجال

وبنقول عادي
لاهذي عادات اهل قطر المعروفين ولا من ثوب القطريين

من جذي قمنا انشوف اشكال ماتتشاهد من اللبس او السلاسل فاليد

كل هذي في التهاون بسبب الموضه الي ماشيين عليها البعض الله يهديهم



انت ماقلت سلاسل واساور انت قلت كابات عليها عبارات وردت ضوى قالت عادي جدا
وحتى ليس البدلات ترى انا اجوفه عادي بالرغم ان احنا مانحبه عالاولاد
شدعوه يعني ف السبعينات ما ياتهم موضة الشعر القشه والبدلات لا والبنطلونات ضيقه ووسيعه من تحت والقميص مفتوح لنص الصدر والشنب بووه كان نص شنب على الطرف والي مسويه عكف شطووول(ولحين يسوون)
يعني صج تيي موضه يهبون فيها ويهدونها ومب الكل يتبعها واغلبهم مراهقين فتره ويكبرون وينسون شسوو
ولين كبرو وصارو رياييل ويابو العيال منعو عيالهم من هالسوالف جنه يعني كلش ف حياتهم ما سووها

[بومحمد المطاوعه]

والله دامهم رياييل مثل ماتقول فأنت شفتهم حواليك والا احنا ماشفناها الا عالمراهقين بو طعش سنه والا الرياييل مايسوونها

شوفيهم بعض المجمعات موجودين
وفالانستقرام بعضهم يحطون ويصورون والسناب و و و

في منهم ناس كبار
الحمدلله حوالينا ماعندنا هالسوالف علشان اقول عادي وموضه نفس ماتفضلتي وقلتي انها عادي

وحتى بوطعش على قولتج

المفروض يلبسون عدل على التربيه
واهلهم وينهم لو كانو صغار
ليكون يلبسون فالشارع ,,

مب بنقول عادي موضه ومافيها شي
لا والله فيها شي وألف شي ,,

ولو كانت موضه عيل على الدنيا السلام
في بعض الموضات تخلي البني ادم مش بني ادم

[بومحمد المطاوعه]

انت ماقلت سلاسل واساور انت قلت كابات عليها عبارات وردت ضوى قالت عادي جدا
وحتى ليس البدلات ترى انا اجوفه عادي بالرغم ان احنا مانحبه عالاولاد
شدعوه يعني ف السبعينات ما ياتهم موضة الشعر القشه والبدلات لا والبنطلونات ضيقه ووسيعه من تحت والقميص مفتوح لنص الصدر والشنب بووه كان نص شنب على الطرف والي مسويه عكف شطووول(ولحين يسوون)
يعني صج تيي موضه يهبون فيها ويهدونها ومب الكل يتبعها واغلبهم مراهقين فتره ويكبرون وينسون شسوو
ولين كبرو وصارو رياييل ويابو العيال منعو عيالهم من هالسوالف جنه يعني كلش ف حياتهم ما سووها

حتى الكابات مب عادي
خلي سالفة السلاسل هذي بعد موضى صج كجره خخخخخ

مالها اي معنى مثل هالاشياء
لان شي يجر شي اذا الأنسان سمح لنفسه يدخل في مثل هالموضات الفاشله

والي يربون شنابهم شكبر وشطول
لاهي ف دينا ولا هالشي مبدأ الرجوله ابد

هالشي بنى على جهل في الجاهليه والحين بعضهم بالفيت يقولون اجدادنا كانو جذي


لان ثبت فيهما عن النبي - صلى الله عليه وسلم - أنه قال: (قصوا الشوارب وأعفوا اللحى خالفوا المشركين)

والحمدلله ان مب الكل يتبع الموضى
في ناس ولا تفتكر شنو لبسو العالم علشان تلبس مثلهم وتقلد

[بومحمد المطاوعه]

والريال ترى ماتقل قيمته بلبسه ولا بشكله ، تقل قيمته اذا دمرت اخلاقه

الاخلاق مب فقط على الرجل
حتى المرأه لو اخلاقها كجره تقل قيمتها
مب جمالها ولا ميكبها ولاعبايتها بترفع قيمتها

ف موضوع الأخلاق موضوع اخر


اما اللبس اذا اي انسان جعل نفسه أهبل بأتباع الغرب
هني الدقه والبلا

[غريب الدّار]

الربط بين التطور والتخلي عن ثوابت الدين مبالغة كل الي صاير العادات هي الي تتغير لا العقيدة ، وهو جزء يتغير لدى كل سكان العالم
ما جات علينا

مداخلة رائعة اختي بنت شرق
ونظرة ثاقبة

وهذا اللي قصدته لما قلت ان التغيير حاصل حاصل وهاذي سنة الله في خلقه
ولن تجد لسنة الله تبديلا


اشكرج

[غريب الدّار]

حتى المرأه لو اخلاقها كجره تقل قيمتها



انا اشششششششهد يابو محمد :nice:

[سالم الزهران]

العلماء هم حرّاس الدين و الأخلاق في بلاد المسلمين

وهناك بضائع ينبغي ان لا تدخل بلاد المسلمين من الأساس

( لباس فتاة ) مكتوب عليه ... ( لدي تجربة )

و آخر مكتوب عليه ( لست بريئة )

العاملين في وزارة التجارة ( خشب مسندة ) و ( العلماء في عالمهم )

و نحن يا ضعوف ما ندري و ش الحل ( اشتكي او لا تشتكي ) سيم سيم

طبعاً كل هذه الملاحظات شفتها في السعودية و لا أظن قطر أحسن حالاً .

[ضوى]

شوفيهم بعض المجمعات موجودين
وفالانستقرام بعضهم يحطون ويصورون والسناب و و و

في منهم ناس كبار
الحمدلله حوالينا ماعندنا هالسوالف علشان اقول عادي وموضه نفس ماتفضلتي وقلتي انها عادي

وحتى بوطعش على قولتج

المفروض يلبسون عدل على التربيه
واهلهم وينهم لو كانو صغار
ليكون يلبسون فالشارع ,,

مب بنقول عادي موضه ومافيها شي
لا والله فيها شي وألف شي ,,

ولو كانت موضه عيل على الدنيا السلام
في بعض الموضات تخلي البني ادم مش بني ادم

الحين توك تقول في الميالس ؟؟ صاروا في المجمعات ؟

عموما العادي معروف والمب عادي معروف ، وماباكون مثالية وباقول ماتبعنا موضة قبل ولا عيالنا اتبعوا موضة بس الحمد لله عرفنا متى نتركها ، ولا تشكك تربية احد والا باخلاق احد ترا هاي بهتان ، ماراح ادش بجدال معاك ، وارد واقول دامه ماضرك ولا قرب صوبك ولا ضر دينه وعقيدته مالنا حق نتكلم بالناس ، يلبسون اللي يبون في حدود الادب والدين وغير هذا محد له حق يشكك باخلاقهم وتربيتهم
انتهى

[بومحمد المطاوعه]

الحين توك تقول في الميالس ؟؟ صاروا في المجمعات ؟

عموما العادي معروف والمب عادي معروف ، وماباكون مثالية وباقول ماتبعنا موضة قبل ولا عيالنا اتبعوا موضة بس الحمد لله عرفنا متى نتركها ، ولا تشكك تربية احد والا باخلاق احد ترا هاي بهتان ، ماراح ادش بجدال معاك ، وارد واقول دامه ماضرك ولا قرب صوبك ولا ضر دينه وعقيدته مالنا حق نتكلم بالناس ، يلبسون اللي يبون في حدود الادب والدين وغير هذا محد له حق يشكك باخلاقهم وتربيتهم
انتهى

انتي هذي سوالفج
لازم تقلبين الموضوع هواش وشخصنه واخلاق وما اخلاق
وتدخلين موضوع التربيه وان نحش فالناس !! وبهتان

عيل الي نشوفهم من الموضات والشباب والبنات الي مب لابسين عدل لا عبي سنعه ولا شي
هذيله شنو

من وين طالعين او ليكون فوتوشوب 3d؟؟

اشدخل هذي كله ماندري

ركزي على الكلام ماعليج امر ،،
محد قال مثاليين ولا قلنا مالبسنا
لكن الحمدلله عرفنا شنو نلبس وشنو مانلبس
العقل نعمه

سواء مجالس ولا مجمعات
هذي الاشياء المفروض المسلم مايلبسها واذا جاهل اعتقد عنده ام ولا اب يشوفونه شنو يلبس

المفروض يلبس شي عدل مب يلبس كلام مادري شلون وملابس وقصات شعر لاتطاق ،،

وتقولين يلبسون ف حدود الادب ؟؟
وين الادب اذا لابس كاب مكتوب عليه كلام مب سنع
او تيشيرت مكتوب عليه شي مب عدل او صوره

وين الحق العام والذوق العام ولا نسينا هالشي !!

اذا كان ف حدود الادب محد تكلم وقال ملابس كجره

والي اخلاقه عاليه مابيلبس هذي الاشياء ولا بيبلش في نفسه وبيخلي نفسه مصخره جدام الناس

واعتقد شفنا وبالأخص مجمع فيلاجيو

حتى قصات الشعر والعياذ بالله اشكال وانواع

كأنهم دياجه منثرين فالمجمع

[بومحمد المطاوعه]

انا اشششششششهد يابو محمد :nice:

ياريال

فوتوشوب يمكن الي نشوفه

هههههه

الله المستعان بس

[بومحمد المطاوعه]

العلماء هم حرّاس الدين و الأخلاق في بلاد المسلمين

وهناك بضائع ينبغي ان لا تدخل بلاد المسلمين من الأساس

( لباس فتاة ) مكتوب عليه ... ( لدي تجربة )

و آخر مكتوب عليه ( لست بريئة )

العاملين في وزارة التجارة ( خشب مسندة ) و ( العلماء في عالمهم )

و نحن يا ضعوف ما ندري و ش الحل ( اشتكي او لا تشتكي ) سيم سيم

طبعاً كل هذه الملاحظات شفتها في السعودية و لا أظن قطر أحسن حالاً .


الله يجزاك خيرر

هذي الموضه الي طمست على البعض والعياذ بالله

المشكله ياخوي الرقابه ميته عندنا فالخليج

ولا هذي الفنايل المفروض ماتنباع ولا تنلبس

مشكله كبيره للمراهقين وحتى الكبار الغافلين الي مايعرفون قوعهم من بوعهم

[ضوى]

وهذا انت دايما الموضوع بصوب وتعليقك بصوب تروح وترد على نقاط اصلا ماطرحتها انا ، لا تحسب هاي شي فلة يعني ، ركز انت باللي قلته ، انت قلت كابات ومكتوب عليها لا تطالعني وكلمات عادي ، رديت الحين قلت سلاسل وتيشيرتات وكلام مب عدل ، اشغل نفسك بنفسك ابرك لك من الحش بالناس وبلبسهم
وهالمرة فعلا انتهى

[جبر ال جبر]

المجتمع القطري بخير وبعيد عن هالسفهات ولله الحمد رجال فيهم خير نشامى واجاويد وبنات ستيرات تفتخر بهم وتحطهم ع راسك يمكن فيه حالات نادره وشاذه وهذي ماتذكر

[بومحمد المطاوعه]

ههههه

2 سبانخ جبن

[بومحمد المطاوعه]

المجتمع القطري بخير وبعيد عن هالسفهات ولله الحمد رجال فيهم خير نشامى واجاويد وبنات ستيرات تفتخر بهم وتحطهم ع راسك يمكن فيه حالات نادره وشاذه وهذي ماتذكر

صدقت
ونعم والحمدلله

وهالحلات اهم باطين عينهم بنفسهم ولا يمثلونا

لكن للأسف موجودين ونتمنى نشوفهم بأحسن حال

[بومحمد المطاوعه]

وهذا انت دايما الموضوع بصوب وتعليقك بصوب تروح وترد على نقاط اصلا ماطرحتها انا ، لا تحسب هاي شي فلة يعني ، ركز انت باللي قلته ، انت قلت كابات ومكتوب عليها لا تطالعني وكلمات عادي ، رديت الحين قلت سلاسل وتيشيرتات وكلام مب عدل ، اشغل نفسك بنفسك ابرك لك من الحش بالناس وبلبسهم
وهالمرة فعلا انتهى

والله سوالف الحش مب فيني ولله الحمد

لا ذكرت اسم فلان ولا عائله فلان علشان صرنا نحش

تكلمنا عن فئه موجوده فالمجتمع وللأسف ،،
حتى الكابات مب من السنع يلبس هالشي

الحين كابات مكتوب عليها عبارات مادري شلون صايره

صارت عادي
!!

ههههه والله شي غريب

[qtr qtr]

اخوي راجي ندعوا لهم بالهدايه وثباتهم على الدين والعقيده الاسلاميه

امممم موضوع اللبس دام ان اللبس غير فاضح وفضفاض وماعليه الوان بناتيه وين المشكله
ربما عنده شغله ماينفع يلبس الثوب او رايح الجم .

[راجي الْعفو]

موضوع طيب الله يجزاك خيررر ,,

متابع ان شاءالله ,,
ربي يقويك ياخوي
امين وياك بومحمد..
الله يحييك..

التغيير اللي صاير مب ذاك السوء
فيه تغييرات مب راضين عليها لكن ان شاء الله ما تكون سيئة جدا
وما زال المجتمع القطري محافظ بالعادات والتقاليد

المجتمع القطري من اكثر المجتمعات محافظة نعم و لا شك و الله يديمها من نعمة
ولكن التغير الحاصل واضح و يعتبر كبير بالنسبة لقطر قبل عشر سنوات او اكثر شوي
مقارنتنا و ألمنا بالنسبة لحالها قبل
ما نبي نقارنها بدول أخرى
ومن هنا يتضح التغيير

شكرا..

الغرب هم سباقون لكل جديد في مجال العلم والتكنولوجيا والتطور والصناعه والتجارة وحتى اساليب التعامل مع الناس..
اصبح الغرب هو مثالا يقتدى به..
لا استغرب ان انجرف معظم شبابنا خلف هذا التيار..
الله المستعان..
لكن المفروض ان أسبقية الغرب في الامور الدنيوية لا تعكس التغيير في الامور الدينية و الاخلاقية لدى مجتمعنا ..

شكرا ..

موضوع موفق اي حبيبنا الشيخ راجي

لكن سؤالي هو : اذا بغينا نقيس على مجتمع وين نروح ؟ الشواطيء و لا من الشوارع العامة و لا من المولات ؟

ممكن نشوف في الاماكن اللي ذكرتها الغث و السمين و يمكن يطغى الغث , لكن في اماكن ثانية بتتعجب من ان الناس لازالوا يخيلون و يلتزمون بدينهم و مظهرهم اللائق .

بس اش اللي يصير بالمستقبل , الله أعلم ؟

اكيد كل واحد عنده تحفظات حتى على اصدقائة او اقاربة او يمكن عيال اخوه لكن الله يصلح الشأن

أشكرك بعنف

هلا بحببيبنا سالم..
القياس يشمل كل الدولة من غير تحديد مكان معين ، والنظرة عامة
امين ..
العفو..

من وجهة نظري المجتمع القطري مجتمع مفتوح على العالم و متنوع فكريا .. بنلاقي ناس ملتزمين بالعادات
و التقاليد و ناس منفتحين على العالم و أيضا ناس يظهرون التزامهم بالعادات فقط لأنهم في قطر و في الخارج عكس ذلك.. من وجهة نظري ان هالنوع من التنوع جميل جدا .. خاصة ان في الفترة الاخيرة المجتمع بدء يتقبله..
اهلا اخوي مفكر..
نتقبل ثقافات الغير بما لا يخالف المبادئ الاصيلة عندنا..
اما خلاف هذا فلا يقبل ..
فنحن مجتمع مسلم..
شكرا..

اتفق معاك أخوي راجي العفو واشاطرك نفس الالم والهم لكن هذ الشيء ليس منك ولا مني هذا الشيء مفروض عليك سواء قبلت او لم تقبل. نحن نمضي ضد مع مخطط خبيث وهو تغريب كل المجتمعات الاسلامية وسلخهم من دينهم وجعلهم بلا دين او مبادىء. وكذللك انتزاع قوامت الرجل وولايته حتى على ابناءه.
اتفق معاك
انتزاع قوامة الرجل هي اساس البلا في الاسر و المجتمعات ..
والله يصلح الحال..

اشكرك..

موضوع جميل ، وسجلني متابع اخوي راجي .







الله يحيك يا مc
حضورك الأجمل..

كلام مبالغ فيه والمجتمع القطري بخير والحمدالله . والكل يحسدنا على ذلك

هلا اخوي الحاقول..
أين المبالغة بوركت؟

أنا لم أجعل قطر دولة اخرى في دينها و عاداتها
انا ذكرت ان هناك تغير مؤلم، وهو ملحوظ لدى الجميع
بغض النظر عن حجم هذا التغير ..

أشكرك..

انا مايبطون جبدي الا هالشباب

الي يلبسون كابات عليهم عبارات كتابه !!
بالعربي


شتطالع
شعندك
ترى اشوفك
شليقا ياخالي
خف علينا



ومادري شنو مكتوب بعد
هذيله شيحسووون فيه !!

اووافقك..
عبارات لا تليق بما جاء به لاسلام
ولا هي موافقة لتقاليد و حشمة و احترام مجتمعنا,,

الربط بين التطور والتخلي عن ثوابت الدين مبالغة كل الي صاير العادات هي الي تتغير لا العقيدة ، وهو جزء يتغير لدى كل سكان العالم
ما جات علينا
غير صحيح..
لو كان التغير في مجرد العادات فهو هين..
ولكن هناك تغير ايضا في امور الدين..
ومب شرط ان الواحد يغير مذهبه حتى نقول انه تغير
التغير اعم من هذا ..

يوجد تغيير نعم وشوفوا شبابنا وبناتنا في أوروبا كيف لبسهم وقصات شعرهم وغيره

عزائنا الوحيد لازال مجتمعنا الأفضل بين دول المنطقة

الله المستعان
الله يصلح الحال..
اشكرك..

[راجي الْعفو]

اخوي راجي ندعوا لهم بالهدايه وثباتهم على الدين والعقيده الاسلاميه

امممم موضوع اللبس دام ان اللبس غير فاضح وفضفاض وماعليه الوان بناتيه وين المشكله
ربما عنده شغله ماينفع يلبس الثوب او رايح الجم .
هلا اخوي قطر..
حنا ندعو لهم و ما ننسى اخوانا و خواتنا بظهر الغيب مهما واجهنا منهم..
يبقون منا و فينا ..

ولأجل هذا نكرر النصح و الإنكار، الدعوة لهم بالخير لا تنافي النصح و الانكار بل هو امر مطلوب..

واحنا ياخوي ما ننكر موضوع اللباس فقط، الموضوع اعم منه و في امور اكبر..
ولكن فيما يتعلق باللباس فاذا ما خالف الشرع و لا العرف فخله يلبس اللي يبيه..
ولا نروح و نتشدد ونضيق على الناس..

اشكرك,,

العلماء هم حرّاس الدين و الأخلاق في بلاد المسلمين

وهناك بضائع ينبغي ان لا تدخل بلاد المسلمين من الأساس

( لباس فتاة ) مكتوب عليه ... ( لدي تجربة )

و آخر مكتوب عليه ( لست بريئة )

العاملين في وزارة التجارة ( خشب مسندة ) و ( العلماء في عالمهم )

و نحن يا ضعوف ما ندري و ش الحل ( اشتكي او لا تشتكي ) سيم سيم

طبعاً كل هذه الملاحظات شفتها في السعودية و لا أظن قطر أحسن حالاً .

هلا اخوي سالم..

لا شك ان العلماء لهم من الاثر الكبير ما لا يقوى عليه ربما بعض السلاطين
لان تطويع القلوب اعظم من تطويع الابدان..

ولكن نحن نحسن الظن في اهل العلم و نقول انهم قاموا بالواجب- مع وجود تقصير اذ لا يخلو عمل منه - وناخذ بيدهم و نشد من أزرهم
والمسؤولين في الجهات المعنية يجب عليهم ان يكونوا ناصحين و صادقين و في عملهم و راسمين العهد على انفسهم انهم لن يخونوا اخوانهم من المسلمين، لانهم سيحاسبون على ذلك..

فالمسؤولية اخوي سالم عامة:

البيت
العلماء
الجهات التعليمية
الجهات العملية ..إلخ

المجتمع القطري بخير وبعيد عن هالسفهات ولله الحمد رجال فيهم خير نشامى واجاويد وبنات ستيرات تفتخر بهم وتحطهم ع راسك يمكن فيه حالات نادره وشاذه وهذي ماتذكر

الله يحيك اخوي جبر..
لا شك و الحمدلله..
لكن التغير موجود، ولازم ما نستر شي نشوفه بشكل ملحوظ و نسكت..
لابد من قطع الشر من بدايته ..

وكما تعلم: الشر يتدرج ..

اشكرك..

[بانغ بانغ]

في قطريين يلبسون الخيوط اللي ايحطونها بعض العرب او الاسيويين على المعصم ( خيوط سودة )

لا ولابس غترة وعقال بعد

اتفق مع بو محمد المطاوعة في اللي قاله عن الاشكال اللي شافها

*** اللي ايقول اقلية الظاهر ما يطلع من بيته الا للشغل ***

[راجي الْعفو]

في قطريين يلبسون الخيوط اللي ايحطونها بعض العرب او الاسيويين على المعصم ( خيوط سودة )

لا ولابس غترة وعقال بعد

اتفق مع بو محمد المطاوعة في اللي قاله عن الاشكال اللي شافها

*** اللي ايقول اقلية الظاهر ما يطلع من بيته الا للشغل ***

ياسلام عليك يا بنج بنج ..

ذكرتني بموضوع الخيوط اللي عاليد كنت بتكلم فيه


انا صادفت احد القطريين في احدى الدوائر الحكومية وهو لابس هالاسورة الجلدية

قلت له : ليش لابسها

قال لي: جتني هدية من واحد

قلت له: ترى هذا ما يصلح لان مثل هالامور هي للنساء و ليست للرجال
وفوق هذا قد يعتقد بعضهم ان مثل هالاساور تجلب نفع او تدفع ضر

فشكرني، وانا اشكره لانه تقبل الكلام..



وايضا مثله موضوع الربطة عالرقبة ، شفتها على اكثر من واحد وان كانوا غير قطريين

[راجي الْعفو]

مقال لقيته اليوم
وهو مكتوب من امس
تعرض لموضوعنا

http://www.al-sharq.com/news/details/436935

[toyota]

والله كلامك في محله لكن مهما نتكلم ونقول ماراح يتغير شي ،،، الله المستعان

[بومحمد المطاوعه]

في قطريين يلبسون الخيوط اللي ايحطونها بعض العرب او الاسيويين على المعصم ( خيوط سودة )

لا ولابس غترة وعقال بعد

اتفق مع بو محمد المطاوعة في اللي قاله عن الاشكال اللي شافها

*** اللي ايقول اقلية الظاهر ما يطلع من بيته الا للشغل ***

يالغالي الله عطانا عقل وعطانا العين نشوف فيها

مستغرب من البعض الي يخشش هالاشياء والي يقول عادي

وين عادي يبه

وصدقت
بخصوص الاساور تقصد الي فاليد !!

هذي مصيبه ثانيه

[مفكر قطري]

ما اشوف ان الأساور فيها شي .. وايد في أساور رجالية و ماركاتها معروفة ..
يعني الحين اللي يلبس سوارة مب رجال و كافر؟ و لا يمكن بيصير بنت مثلا ؟
ترا كلها خيط او فضة او فيبر في اليد و يعطي ستايل ..

[مختلف جداََ]

ما اشوف ان الأساور فيها شي .. وايد في أساور رجالية و ماركاتها معروفة ..
يعني الحين اللي يلبس سوارة مب رجال و كافر؟ و لا يمكن بيصير بنت مثلا ؟
ترا كلها خيط او فضة او فيبر في اليد و يعطي ستايل ..


https://islamqa.info/ar/148059


http://fatwa.islamweb.net/fatwa/index.php?page=showfatwa&Option=FatwaId&Id=6148

[بانغ بانغ]

في ناس تؤيد الشواذ وتؤيد المثليين

ما تبيهم تؤيد الخيوط والاساور

[مفكر قطري]

https://islamqa.info/ar/148059


http://fatwa.islamweb.net/fatwa/index.php?page=showfatwa&Option=FatwaId&Id=6148

الروابط اللي حطيتها اخوي هي مجرد آراء و اختلف معاها..
يعني الحين هي حرام من باب التشبه بالنساء ؟ وين الدليل ان الاساور محصورة على النساء فقط ؟
و ان الرجل حرام يلبس أساور؟ اذا كان المتعارف عليه هو ان الأساور محصورة للنساء هذا ما يعني انها حرام شرعا ..

[مختلف جداََ]

الروابط اللي حطيتها اخوي هي مجرد آراء و اختلف معاها..
يعني الحين هي حرام من باب التشبه بالنساء ؟ وين الدليل ان الاساور محصورة على النساء فقط ؟
و ان الرجل حرام يلبس أساور؟ اذا كان المتعارف عليه هو ان الأساور محصورة للنساء هذا ما يعني انها حرام شرعا ..


مجرد آراء :omg:
و تختلف معها بعد :omg:

ياخي انت فضييييييع :nice:

استغفرك ربي و أتوب إليك

[بانغ بانغ]

للاسف في ناس يبون ينشهرون عن طريق انتقادهم لكل ماهو اسلامي او متدين ....

واباحوا كل ما حرمه الدين

في الاخير من خلف الشاشة

[سالم الزهران]

دام انا ما تجردنا للحق و لا شيء غيره ، فلا نتعب ارواحنا بالنقاش

وفقكم الله

[راجي الْعفو]

والله كلامك في محله لكن مهما نتكلم ونقول ماراح يتغير شي ،،، الله المستعان
هلا اخوي تويوتا
ليش تيأس ياخوي ، لا تدري من اين ياتي الخير

نحسن الظن و نعمل بالاسباب

( قالوا معذرة إلى ربكم و لعلهم يتقون )

الله يحييك و اسمك يوحي انك تهدي سيارات مجانية ^_^

ما اشوف ان الأساور فيها شي .. وايد في أساور رجالية و ماركاتها معروفة ..
يعني الحين اللي يلبس سوارة مب رجال و كافر؟ و لا يمكن بيصير بنت مثلا ؟
ترا كلها خيط او فضة او فيبر في اليد و يعطي ستايل ..

وش رايك لو جاك واحد و قال لك الروج و المسكره للرجال مش حرام لانه مافي دليل يدل على ذلك ؟

[راجي الْعفو]

مجرد آراء :omg:
و تختلف معها بعد :omg:

ياخي انت فضييييييع :nice:

استغفرك ربي و أتوب إليك
الله يحييك يا مختلف
ومن طول الغيبات جاب الغنائم ^_^
اشكرك عالاضافات ..

للاسف في ناس يبون ينشهرون عن طريق انتقادهم لكل ماهو اسلامي او متدين ....

واباحوا كل ما حرمه الدين

في الاخير من خلف الشاشة
الشهرة ربما تجرك للكفر ..
الله يجيرنا

دام انا ما تجردنا للحق و لا شيء غيره ، فلا نتعب ارواحنا بالنقاش

وفقكم الله
امين واياك
صدقت
وإن شاء الله يكون موجود

[مختلف جداََ]

الشكر لك شيخنا على الموضوع المهم

حبيب يا راجي

[مفكر قطري]

هلا اخوي تويوتا
ليش تيأس ياخوي ، لا تدري من اين ياتي الخير

نحسن الظن و نعمل بالاسباب

( قالوا معذرة إلى ربكم و لعلهم يتقون )

الله يحييك و اسمك يوحي انك تهدي سيارات مجانية ^_^


وش رايك لو جاك واحد و قال لك الروج و المسكره للرجال مش حرام لانه مافي دليل يدل على ذلك ؟

في الأخير كل واحد على حسب نيته.. يعني المذيعين ما يحطون مكياج؟
و للعلم ترا في مكياج رجالي:)

[راجي الْعفو]

في الأخير كل واحد على حسب نيته.. يعني المذيعين ما يحطون مكياج؟
و للعلم ترا في مكياج رجالي:)

من متى صارت النية تبرر العمل ؟
على كلامك حتى اللي يطوفون بالقبور فعلهم صحيح لان في نيتهم الخير ؟!
ولكن كما جاء عن ابن مسعود رضي الله عنه " كم من مريد الخير لم يُصبه "
لاننا مأمورين بالنية الصحيحة و العمل الصحيح ، لايغني احدهما عن الاخر
هذا هو الاسلام

ومن قال لك ان اللي يسوونه المذيعين صح ؟!
تغيير المسميات لاجل تبرير الافعال هذه حجة قديمة و ضعيفة و مكشوفة - مكياج رجالي ! -
خلنا نسمي الخمر لبن و نقول حلال !

[سعود.]

[b]
ما اشوف ان الأساور فيها شي .. وايد في أساور رجالية و ماركاتها معروفة ..
يعني الحين اللي يلبس سوارة مب رجال و كافر؟ و لا يمكن بيصير بنت مثلا ؟
ترا كلها خيط او فضة او فيبر في اليد و يعطي ستايل ..


في الأخير كل واحد على حسب نيته.. يعني المذيعين ما يحطون مكياج؟
و للعلم ترا في مكياج رجالي:)

ودي ارد بس اخاف يغلق الموضوع
نفس موضوع متسلقه الجبال ؟؟؟

[مضارب دوسري]

عن أبي هريرة قال: قال رسول الله صلى الله عليه وسلم : ويل للعرب من شر قد اقترب، فتنا كقطع الليل المظلم،
يصبح الرجل مؤمنا ويمسي كافرا، يبيع قوم دينهم بعرض من الدنيا قليل، المتمسك يومئذ بدينه كالقابض على الجمر،

أو قال على الشوك.

رواه الإمام أحمد صححه الأرناؤوط، وفي رواية الترمذي: يأتي على الناس زمان الصابر فيهم على دينه
كالقابض على الجمر. وصححه الألباني.

================


هذا الاعجاز النبوي من 1437 سنه

[مختلف جداََ]

[b]



ودي ارد بس اخاف يغلق الموضوع
نفس موضوع متسلقه الجبال ؟؟؟

ههههههههههههههه

لا واللي يرحم والديك

[مختلف جداََ]

ها طالعو
شزينه
شحلاته
يهبببببل

http://c.top4top.net/p_217x8o60.jpeg (http://up.top4top.net/)

escapeescapeescape

[بنت شرق]

في سؤالين ودي اطرحهم على الشيخ راجي
1- الاتيكيت ايش رأيك في الي يتعلمه وترى له دورات ومشاهير وعلية القوم يتعلمونه
2- اذا جا كاس العالم وذهبن المشجعات أو النساء لحضور المباريات هل سنعتبر هذا تغريب
لأني اعتقد التغريب هو احلال عادات محل عادات واعراف محل اعراف
ومانقدر نمنع ذلك لأنه اما يأتي من طرف اعلى أو عبر علوم تمرر

[مختلف جداََ]

في سؤالين ودي اطرحهم على الشيخ راجي
1- الاتيكيت ايش رأيك في الي يتعلمه وترى له دورات ومشاهير وعلية القوم يتعلمونه
2- اذا جا كاس العالم وذهبن المشجعات أو النساء لحضور المباريات هل سنعتبر هذا تغريب
لأني اعتقد التغريب هو احلال عادات محل عادات واعراف محل اعراف
ومانقدر نمنع ذلك لأنه اما يأتي من طرف اعلى أو عبر علوم تمرر

باعتبار أنا و الشيخ راجي واحد

بجاوب :)

يا أُخيتي

ما وافق الكتاب و السنة المطهرة قبلناه ( إتيكيت أو غير إتيكيت ).

النقطة الثانية أفضل ما أرد عليها حفاظا على السلم في المنتدى :)

[مفكر قطري]

من متى صارت النية تبرر العمل ؟
على كلامك حتى اللي يطوفون بالقبور فعلهم صحيح لان في نيتهم الخير ؟!
ولكن كما جاء عن ابن مسعود رضي الله عنه " كم من مريد الخير لم يُصبه "
لاننا مأمورين بالنية الصحيحة و العمل الصحيح ، لايغني احدهما عن الاخر
هذا هو الاسلام

ومن قال لك ان اللي يسوونه المذيعين صح ؟!
تغيير المسميات لاجل تبرير الافعال هذه حجة قديمة و ضعيفة و مكشوفة - مكياج رجالي ! -
خلنا نسمي الخمر لبن و نقول حلال !


لا يا اخوي.. المثل اللي ضربته مب على الشي اللي اقصده ..
التشبه بالنساء واضح و جاء الحكم فيه واضح و ما أنكر هالشي..
و المثل اللي ضربته مثل نية السارق في سرقة الطعام لإطعام أهله و هالشي غلط ..

لكن السوار للرجل اذا لبسه لبسه الرجل لا يعد تشبه .. خاصة اذا كان سوار رجالي و ما يكون ذهب ؟
اذا الاعراف في مجتمعنا ان الرجل ما يلبس سوار لانه تشبه بالنساء و حرام ؟ فهل تكون حلال في مجتمع لَبْس السوار عندهم عادي ؟

[مفكر قطري]

و شنو الفرق بين السوار و الساعة ؟ ليش الساعة مب حرام ؟
كلهم زينة و كلهم مربوطين في اليد ؟

[يوسف0]

و شنو الفرق بين السوار و الساعة ؟ ليش الساعة مب حرام ؟
كلهم زينة و كلهم مربوطين في اليد ؟

الساعه اتجوف فيها الوقت منها فايده

والسوار لزينة الجسم كالذهب والفضه وغيرها الي يتزينون فيها النساء فلين الرجل يلبس سواره مادري شاقولك مممممم فقاعد يتشبه بالحريم او القوم الكفار الي رجالهم يلبسون سواره وشقاب وقلاده

اما عن حرام وحلال ما اعرف

[راجي الْعفو]

عن أبي هريرة قال: قال رسول الله صلى الله عليه وسلم : ويل للعرب من شر قد اقترب، فتنا كقطع الليل المظلم،
يصبح الرجل مؤمنا ويمسي كافرا، يبيع قوم دينهم بعرض من الدنيا قليل، المتمسك يومئذ بدينه كالقابض على الجمر،

أو قال على الشوك.

رواه الإمام أحمد صححه الأرناؤوط، وفي رواية الترمذي: يأتي على الناس زمان الصابر فيهم على دينه
كالقابض على الجمر. وصححه الألباني.

================


هذا الاعجاز النبوي من 1437 سنه






اضافة جميلة تشكر عليها اخوي مضارب ..

[راجي الْعفو]

ها طالعو
شزينه
شحلاته
يهبببببل

http://c.top4top.net/p_217x8o60.jpeg (http://up.top4top.net/)

escapeescapeescape
رجل بمعنى الكلمة ^_^

[راجي الْعفو]

في سؤالين ودي اطرحهم على الشيخ راجي
1- الاتيكيت ايش رأيك في الي يتعلمه وترى له دورات ومشاهير وعلية القوم يتعلمونه
2- اذا جا كاس العالم وذهبن المشجعات أو النساء لحضور المباريات هل سنعتبر هذا تغريب
لأني اعتقد التغريب هو احلال عادات محل عادات واعراف محل اعراف
ومانقدر نمنع ذلك لأنه اما يأتي من طرف اعلى أو عبر علوم تمرر

اللي اعرفه ان الاتيكيت هو الذوق ، تتعلم الذوق في كل شي
ومثل ما قال اخونا مختلف اذا ما عارض الشرع و العرف فهو شي طيب من أصله
دين الاسلام حثنا على النظافة و التجمّل ..

اما كاس العالم و حضور النساء،فاسالي نفسك هل الشرع و العرف القطري يدعوان لحضور المراة في الملاعب ؟...

[راجي الْعفو]

باعتبار أنا و الشيخ راجي واحد

بجاوب :)

يا أُخيتي

ما وافق الكتاب و السنة المطهرة قبلناه ( إتيكيت أو غير إتيكيت ).

النقطة الثانية أفضل ما أرد عليها حفاظا على السلم في المنتدى :)
شكرًا عالمشاركة شيخ مختلف..

[راجي الْعفو]

لا يا اخوي.. المثل اللي ضربته مب على الشي اللي اقصده ..
التشبه بالنساء واضح و جاء الحكم فيه واضح و ما أنكر هالشي..
و المثل اللي ضربته مثل نية السارق في سرقة الطعام لإطعام أهله و هالشي غلط ..

لكن السوار للرجل اذا لبسه لبسه الرجل لا يعد تشبه .. خاصة اذا كان سوار رجالي و ما يكون ذهب ؟
اذا الاعراف في مجتمعنا ان الرجل ما يلبس سوار لانه تشبه بالنساء و حرام ؟ فهل تكون حلال في مجتمع لَبْس السوار عندهم عادي ؟

دوختنا يا عم مفكر ^_^

من متى صار عندنا شي اسمه سوار رجالي ؟! هذا مثل سالفة المكياج الرجالي !

لا عرفنا و لا ديننا يبيح السوار ، فهو غير مشروع من الناحيتين ع فرض انا بنتكلم في سالفة العرف ..

[راجي الْعفو]

و شنو الفرق بين السوار و الساعة ؟ ليش الساعة مب حرام ؟
كلهم زينة و كلهم مربوطين في اليد ؟

اولا الساعة ما خصصت للزينة في الاصل وإنما للوقت، مثل ما أشار له اخونا يوسف ،وهذا شي مشترك بين الجنسين

ومع هذا ايضا ما يصير تلبس كل ساعة ، لان هناك ساعات نسائية خاصة بهم
فـ رجعنا ع موضوع ان كل ما خصص للنساء ( فقط ) ما يصير التشبه بهم فيه

اما ما كان مشترك بين الجنسين فلا يدخل في كلامنا

[بانغ بانغ]

راجي انت ليش حارق قلبك

انت اتناقش ناس حللوا حقوق المثليين والشواذ

اشبلاك

بوصالح واحد كونافا حق شيخ رجرج

[راجي الْعفو]

راجي انت ليش حارق قلبك

انت اتناقش ناس حللوا حقوق المثليين والشواذ

اشبلاك

بوصالح واحد كونافا حق شيخ رجرج

تهقى ^_^

والله مدري توني اسمع منك ما تابعته

عموما اي شخص في العالم اشوف جنب اسمه مفكر
فأتوقع منه اي شي ^_^
تطلع منهم عجائب ..


وتسلم لي ع الكونافه ^_^

[بانغ بانغ]

تهقى ^_^

والله مدري توني اسمع منك ما تابعته

عموما اي شخص في العالم اشوف جنب اسمه مفكر
فأتوقع منه اي شي ^_^
تطلع منهم عجائب ..


وتسلم لي ع الكونافه ^_^

انا ما قلت هو تحديدا عشان ما يزعل صاحبنا مفكر ... لكن حيثيات المعنى في مواضيع ثانية لمحت لنا واخونا بوتركي ما قصر صراحة لحظتها

[مختلف جداََ]

شكرًا عالمشاركة شيخ مختلف..


العفو شيخي ^_^

[بنت شرق]

اللي اعرفه ان الاتيكيت هو الذوق ، تتعلم الذوق في كل شي
ومثل ما قال اخونا مختلف اذا ما عارض الشرع و العرف فهو شي طيب من أصله
دين الاسلام حثنا على النظافة و التجمّل ..

اما كاس العالم و حضور النساء،فاسالي نفسك هل الشرع و العرف القطري يدعوان لحضور المراة في الملاعب ؟...
لا يأخذ الجواب من النفس فقد تخطئ وتصيب ، ولكن القصد من السؤال هل تعرف الجماهير أو الأمة أنه هذا منكر أو شبهة على اقل تقدير
ولا تجاهر برفضه وتتصدر لمنعه ، وإلا بس البعض شاطر على بنات بلده باللغمز واللمز والانكار

[Charisma]

القصد اخي الكريم ان الاختلاف في الاّراء و التفكير و الثقافة هي جزء من هوية المجتمع و تكون عامل تطور كبير اذا كان في تقبل لآراء بعضنا و مقابلة الحجة بالحجة في ظل الاحترام و التقدير.. لكن اما ان يتم اجبار البعض على تقبل شيء ما او انتقادهم بسبب عدم التزامهم بالعادات و التقاليد او لأنهم يعشقون الموضة او لأنهم درسوا في الخارج فهالشي ما يضر حد و لا يمس الثوابت .. و يمكن هم ثوابتهم غير عن ثوابتك :) .. و ما اتوقع هالشي يضر

كلام جميل ،،

الملون بالاحمر ، قد افهمه بطريقه وتفهمه انت بطريقه اخرى ، اختلاف الاراء ، الثقافه ، التفكير في حدود معينه ،" امر ايجابي " اما التسويق لافكار مخالفه شرعا والحث عليها بدواعي التطور واختلاف الاراء ...الخ هذا مرفوض ونعم ننتقد ، ولنا في ردودك الاخرى اكبر مثال : اساور للرجال - مكياج رجالي ..الخ وفي مواضيع اخرى لك ردود بصراحه شاذه ( من وجهه نظري وهذا شأنك ) ، تُطرح الفتاوى ردا على ماتروج له ، ويكون حوارك خالي تماما من المنطق وكانك تبحث عن نص شرعي يفصل لك المسأله حرفيا وتشمل جميع المسميات حتى تقتنع وتضرب بالفتاوى عرض الحائط وانا اعرف تماما اساليب الجدال في هالمواضيع لاشخاص " يظنون " انهم وصلوا مرحله من العلم بحيث يجادل حتى كبار العلماء والمسائل المتفق عليها ويأتي برأي جديد ومخالف تماما ، انتصارا للاهواء - تأثرا بالغرب - وعجرفه فكريه متعاليه ، الى هنا لابأس اقتنع بما تريد وظن ماتشاء ، ولكن لاتروج لمثل هذه الافكار وتحث الناس عليها بحجج واهيه كالتطور والتحضر ، نعلم انا وانت والقراء ان السبيل لذلك لايعني التخلي عن تعاليم الدين ومن أهل الدين ، والاستهتار بمسائل متفق عليها ، الاصوات النشاز اللتي تدعو لذلك لن تصل لمبتغاها بأذن الله .

بالتوفيق واسال الله ان يهدينا واياك .

[مختلف جداََ]

كلام جميل ،،

الملون بالاحمر ، قد افهمه بطريقه وتفهمه انت بطريقه اخرى ، اختلاف الاراء ، الثقافه ، التفكير في حدود معينه ،" امر ايجابي " اما التسويق لافكار مخالفه شرعا والحث عليها بدواعي التطور واختلاف الاراء ...الخ هذا مرفوض ونعم ننتقد ، ولنا في ردودك الاخرى اكبر مثال : اساور للرجال - مكياج رجالي ..الخ وفي مواضيع اخرى لك ردود بصراحه شاذه ( من وجهه نظري وهذا شأنك ) ، تُطرح الفتاوى ردا على ماتروج له ، ويكون حوارك خالي تماما من المنطق وكانك تبحث عن نص شرعي يفصل لك المسأله حرفيا وتشمل جميع المسميات حتى تقتنع وتضرب بالفتاوى عرض الحائط وانا اعرف تماما اساليب الجدال في هالمواضيع لاشخاص " يظنون " انهم وصلوا مرحله من العلم بحيث يجادل حتى كبار العلماء والمسائل المتفق عليها ويأتي برأي جديد ومخالف تماما ، انتصارا للاهواء - تأثرا بالغرب - وعجرفه فكريه متعاليه ، الى هنا لابأس اقتنع بما تريد وظن ماتشاء ، ولكن لاتروج لمثل هذه الافكار وتحث الناس عليها بحجج واهيه كالتطور والتحضر ، نعلم انا وانت والقراء ان السبيل لذلك لايعني التخلي عن تعاليم الدين ومن أهل الدين ، والاستهتار بمسائل متفق عليها ، الاصوات النشاز اللتي تدعو لذلك لن تصل لمبتغاها بأذن الله .

بالتوفيق واسال الله ان يهدينا واياك .

على هالرد
لازم تحط جنب اسمك .Dr

[ابوالكلام]

اهلاً انا من رائيي في الاخير انت ماذا تقدم الى هذه البشرية او المجتمع الذي انت منه. ولايهمني عادات وتقاليد. لانها مجرد طقوس مجتمعية من الممكن ان تعيق الانسان أحياناً. احترامي وتقديري لكم

[راجي الْعفو]

لا يأخذ الجواب من النفس فقد تخطئ وتصيب ، ولكن القصد من السؤال هل تعرف الجماهير أو الأمة أنه هذا منكر أو شبهة على اقل تقدير
ولا تجاهر برفضه وتتصدر لمنعه ، وإلا بس البعض شاطر على بنات بلده باللغمز واللمز والانكار

من هذا اللي قاعد يتشطر على بنات بلده؟ وليش ما تكون شطارته حرص زايد لان قدرهم عنده اكبر من غيرهم؟

القصد من سؤالي لج واضح، استنكار و ليس موافقة،

[راجي الْعفو]

كلام جميل ،،

الملون بالاحمر ، قد افهمه بطريقه وتفهمه انت بطريقه اخرى ، اختلاف الاراء ، الثقافه ، التفكير في حدود معينه ،" امر ايجابي " اما التسويق لافكار مخالفه شرعا والحث عليها بدواعي التطور واختلاف الاراء ...الخ هذا مرفوض ونعم ننتقد ، ولنا في ردودك الاخرى اكبر مثال : اساور للرجال - مكياج رجالي ..الخ وفي مواضيع اخرى لك ردود بصراحه شاذه ( من وجهه نظري وهذا شأنك ) ، تُطرح الفتاوى ردا على ماتروج له ، ويكون حوارك خالي تماما من المنطق وكانك تبحث عن نص شرعي يفصل لك المسأله حرفيا وتشمل جميع المسميات حتى تقتنع وتضرب بالفتاوى عرض الحائط وانا اعرف تماما اساليب الجدال في هالمواضيع لاشخاص " يظنون " انهم وصلوا مرحله من العلم بحيث يجادل حتى كبار العلماء والمسائل المتفق عليها ويأتي برأي جديد ومخالف تماما ، انتصارا للاهواء - تأثرا بالغرب - وعجرفه فكريه متعاليه ، الى هنا لابأس اقتنع بما تريد وظن ماتشاء ، ولكن لاتروج لمثل هذه الافكار وتحث الناس عليها بحجج واهيه كالتطور والتحضر ، نعلم انا وانت والقراء ان السبيل لذلك لايعني التخلي عن تعاليم الدين ومن أهل الدين ، والاستهتار بمسائل متفق عليها ، الاصوات النشاز اللتي تدعو لذلك لن تصل لمبتغاها بأذن الله .

بالتوفيق واسال الله ان يهدينا واياك .

اشكرك عالرد الطيب..

[راجي الْعفو]

اهلاً انا من رائيي في الاخير انت ماذا تقدم الى هذه البشرية او المجتمع الذي انت منه. ولايهمني عادات وتقاليد. لانها مجرد طقوس مجتمعية من الممكن ان تعيق الانسان أحياناً. احترامي وتقديري لكم

مرحبا اخوي ابوالكلام..

النقطة التي ذكرتها هي اساس مهم في الفرد قبل أن يُقبل على خطوات..

لكن أن نقول نه لا تهمنا الاعراف و التقاليد لانه قد تعيق أحيانا، فهذا ربما لا اسلم به

لان من الطبيعي ان تكون العادات و التقاليد عائقة عن أمور وهي الشذوذ و الانفراد بأمر لا يسوغ الانفراد به دون الناس
وهذا امر محمود و لا ذم فيه

أما ان كانت تعيق عن امور اقرها الشرع او اوجبها او حرمها، فهنا لا عبرة بالعادات و الاعراف

وكما تفضلت أن العادات قد تكون عائقا ( أحيانا ) و ليس دائما، خاصة في مجتمعنا القطري حيث الاعراف كثير منها مستمدة من الاسلام ..

ولكم التقدير والاحترام عالإدلاء..

شكرا ..

[راجي الْعفو]

الله يقطع شرّك يا مفكر قطري

من سالفتك للمكياج الرجالي حلمت بواحد يمسكر عيون رجال .. ولا مسكرة حريم ^_^

احلامي دخلها التغريب ^_^

[مفكر قطري]

الله يقطع شرّك يا مفكر قطري

من سالفتك للمكياج الرجالي حلمت بواحد يمسكر عيون رجال .. ولا مسكرة حريم ^_^

احلامي دخلها التغريب ^_^

ههههههه
اخوي المقصود بالمكياج الرجالي هو المكياج اللي ما يبين و يستخدمونه رؤساء دول و سياسيين و مذيعين لإخفاء العيوب .. ��

[راجي الْعفو]

ههههههه
اخوي المقصود بالمكياج الرجالي هو المكياج اللي ما يبين و يستخدمونه رؤساء دول و سياسيين و مذيعين لإخفاء العيوب .. ��

تجميل و اخفاء عيوب
هذا مقصد النساء من المكياج
ما قالوا الرجال ما يعيبه شي ^_^
وعمر رضي الله عنه يقول ( اخشوشنوا )

[مفكر قطري]

تجميل و اخفاء عيوب
هذا مقصد النساء من المكياج
ما قالوا الرجال ما يعيبه شي ^_^
وعمر رضي الله عنه يقول ( اخشوشنوا )
مخشوشنين بس لا تنسى
( ان الله جميل يحب الجمال)
^_^

[راجي الْعفو]

مخشوشنين بس لا تنسى
( ان الله جميل يحب الجمال)
^_^

الجمال المعتبر للرجاال ، نعم .. لا غير..

[غريب الدّار]

تجميل و اخفاء عيوب
هذا مقصد النساء من المكياج
ما قالوا الرجال ما يعيبه شي ^_^
وعمر رضي الله عنه يقول ( اخشوشنوا )


مخشوشنين بس لا تنسى
( ان الله جميل يحب الجمال)
^_^

الاخوان الكريمان شيخ راجي ومفكر قطري :

اعجبني نقاشكم بصراحة لان في احترام في تبادل وجهات النظر

واطلب منكم لو سمحتوا توضحون كيفية التوفيق بين الحديث (ان الله جميل يحب الجمال) وكلام سيدنا عمر : اخشوشنوا


وقواكم الله

[Dana’1]

ها طالعو
شزينه
شحلاته
يهبببببل

http://c.top4top.net/p_217x8o60.jpeg (http://up.top4top.net/)

escapeescapeescape

مسخ !!
الحمدلله الذي عافانا مما ابتلي به كثير وفضلنا على كثير مما خلق تفضيلا

ينشرون هالأمور حتى بتسويق المكياج

http://i.imgur.com/fRgWjDu.jpg
مســــخ



**** زينة الرجال اللحى..وكلبس محزمه وسلاحه..كلش كلش طقت براسه يلبس الحلي..خاتم عقيق!!
والسلام ختام

[راجي الْعفو]

الاخوان الكريمان شيخ راجي ومفكر قطري :

اعجبني نقاشكم بصراحة لان في احترام في تبادل وجهات النظر

واطلب منكم لو سمحتوا توضحون كيفية التوفيق بين الحديث (ان الله جميل يحب الجمال) وكلام سيدنا عمر : اخشوشنوا


وقواكم الله

حياك شيخ غريب

على ان كلام عمر رضي الله عنه فيه كلام أيضا من حيث ثبوته
ولكن القصد عدم الميل للترف او الكبر و العجب

وهذا لا ينافي التجمل ، فالنبي عليه الصلاة و السلام كان يتجمل و يخصص لنفسه الثياب الجميلة

ومع هذا لم يركن للدنيا و يتنعم نعيم المترفين ..

والمكياج و غيره فوق ما هو تشبه بالنساء فلا شك انه داخل في الترف من باب اولى ..

الله يقويك..

[راجي الْعفو]

مسخ !!
الحمدلله الذي عافانا مما ابتلي به كثير وفضلنا على كثير مما خلق تفضيلا

ينشرون هالأمور حتى بتسويق المكياج

http://i.imgur.com/fRgWjDu.jpg
مســــخ



**** زينة الرجال اللحى..وكلبس محزمه وسلاحه..كلش كلش طقت براسه يلبس الحلي..خاتم عقيق!!
والسلام ختام

مب انتوا بس اللي تحطون اللون البرونزي .. حتى الرجال لهم حق التمكيج

صور التشبه عديدة و لهم افكار و تبريرات غريبة ..

[غريب الدّار]

حياك شيخ غريب

على ان كلام عمر رضي الله عنه فيه كلام أيضا من حيث ثبوته
ولكن القصد عدم الميل للترف او الكبر و العجب

وهذا لا ينافي التجمل ، فالنبي عليه الصلاة و السلام كان يتجمل و يخصص لنفسه الثياب الجميلة

ومع هذا لم يركن للدنيا و يتنعم نعيم المترفين ..

والمكياج و غيره فوق ما هو تشبه بالنساء فلا شك انه داخل في الترف من باب اولى ..

الله يقويك..
بس أتوقع راح انواجه إشكالية ياشيخ راجي هنيه :
الا وهي تعريف الترف

فاللي تشوفه انت ترف غيرك يعتبره عادي
واللي انت تشوفه عادي غيرك يعتبره ترف

دول كثيرة تشوف ان اللي احنا عايشينه في قطر (بفضل الله سبحانه)قمة الترف
هل في تعريف واضح لكلمة (مترفين)؟


هاذي اول نقطة


ثاني نقطة :
كيف نقدر نوفق بين كلامك والآية الكريمة :
وأما بنعمة ربك فحدث

صدق الله العظيم

[راجي الْعفو]

بس أتوقع راح انواجه إشكالية ياشيخ راجي هنيه :
الا وهي تعريف الترف

فاللي تشوفه انت ترف غيرك يعتبره عادي
واللي انت تشوفه عادي غيرك يعتبره ترف

دول كثيرة تشوف ان اللي احنا عايشينه في قطر (بفضل الله سبحانه)قمة الترف
هل في تعريف واضح لكلمة (مترفين)؟


هاذي اول نقطة


ثاني نقطة :
كيف نقدر نوفق بين كلامك والآية الكريمة :
وأما بنعمة ربك فحدث

صدق الله العظيم

ما فيها اشكالية يا شيخ غريب

لان الترفه هو التوسع في التنعم و الاغراق فيه ، هذا الاساس ، و لا يضر اختلافه من مكان لمكان ، واحنا حديثنا عن المجتمع القطري

اما الاية ، فمافي تعارض ، لان التحديث بالنعمة يكون في حدود المشروع دون التعدي لامور محرمة ..

[غريب الدّار]

ما فيها اشكالية يا شيخ غريب

لان الترفه هو التوسع في التنعم و الاغراق فيه ، هذا الاساس ، و لا يضر اختلافه من مكان لمكان ، واحنا حديثنا عن المجتمع القطري

اما الاية ، فمافي تعارض ، لان التحديث بالنعمة يكون في حدود المشروع دون التعدي لامور محرمة ..

بس انا ماجبت سيرة الأمور المحرمة ياشيخنا الحبيب
الترف ممكن يكون بأمور حلال في حلال

المشكلة ماهو معيار الترف

هذا السؤال
واتوقع (او استشفيت من اجابتك ياشيخ راجي) ان كل شي يتجاوز حده

والله اعلم


وعلى فكرة ياشيخ راجي ، إخواننا في ................ (دولة عربية كبرى الله يستر عليها وعلى أهلها ، وهذا مجرد مثال) يشوفون اهل قطر كلهم قمة الترف ويقولون عنا نفس الكلام !!!


والله يستر ع الجميع

[راجي الْعفو]

بس انا ماجبت سيرة الأمور المحرمة ياشيخنا الحبيب
الترف ممكن يكون بأمور حلال في حلال

المشكلة ماهو معيار الترف

هذا السؤال
واتوقع (او استشفيت من اجابتك ياشيخ راجي) ان كل شي يتجاوز حده

والله اعلم


وعلى فكرة ياشيخ راجي ، إخواننا في ................ (دولة عربية كبرى الله يستر عليها وعلى أهلها ، وهذا مجرد مثال) يشوفون اهل قطر كلهم قمة الترف ويقولون عنا نفس الكلام !!!


والله يستر ع الجميع


ما يلزم يا شيخ غريب ان الترف يكون في الحلال فقط ، فقد يترف الشخص بالحرام

مثل الرجال اللي يتزينون بساعات الذهب مثلا ..

وبغض النظر عن ان الخارج ينظرون لنا اننا في ترف و نعيم ، فموضوع المكياج لا شك حتى مع نظرتهم انه يدخل في مسمى الترف ، ومن باب اولى..

امين ..

[غريب الدّار]

ما يلزم يا شيخ غريب ان الترف يكون في الحلال فقط ، فقد يترف الشخص بالحرام

مثل الرجال اللي يتزينون بساعات الذهب مثلا ..

وبغض النظر عن ان الخارج ينظرون لنا اننا في ترف و نعيم ، فموضوع المكياج لا شك حتى مع نظرتهم انه يدخل في مسمى الترف ، ومن باب اولى..

امين ..
بالنسبة للمكياج ياشيخ راجي لست من أصحاب الاختصاص ، فاترك المجال للمختصين

وأقول لك : رحم الله والديك وجعل من جابك الجنة على التوضيح

[غريب الدّار]

بس على طاري المكياج ياشيخنا :

سمعت (لاحظ كلمة : سمعت ، يعني مب اكيد ويمكن الكلام كله غلط ) ان اللي يطلعون على الشاشات يحطون مكياج
ومن بينهم بعض المشايخ !!! قصدي لما يطلعون في مقابلات او برامج


والله اعلم
(مجرد كلام سمعته قد يكون غير صحيح )

[راجي الْعفو]

بالنسبة للمكياج ياشيخ راجي لست من أصحاب الاختصاص ، فاترك المجال للمختصين

وأقول لك : رحم الله والديك وجعل من جابك الجنة على التوضيح

امين و والديك شيخ غريب ..

[راجي الْعفو]

بس على طاري المكياج ياشيخنا :

سمعت (لاحظ كلمة : سمعت ، يعني مب اكيد ويمكن الكلام كله غلط ) ان اللي يطلعون على الشاشات يحطون مكياج
ومن بينهم بعض المشايخ !!! قصدي لما يطلعون في مقابلات او برامج


والله اعلم
(مجرد كلام سمعته قد يكون غير صحيح )

لا ابشرك صحيح يا شيخ غريب، وهذا امر مخجل جدا للاسف ..
الله يهدينا و اياهم ..

[Charisma]

على هالرد
لازم تحط جنب اسمك .Dr

https://66.media.tumblr.com/48e083f922b8c0b400b9e28b8f288863/tumblr_ncjavfTHVD1rtt08so1_500.gif


اشكرك عالرد الطيب..


الشكر موجه لك على طرحك للموضوع .

[يمامـة]

أمور كثيرة يا اخوي راجي خلت عيالنا يتصبغون بالصبغة الغربية..

الاسرة تلعب دور كبير في هالتصبغ ..
المجتمع وتأثيره على الفرد يلعب دور..
نوع التعليم و مكانه يلعب دور..
البعثات الخارجية تلعب دور مثلها مثل السفر السنوي للسياحة..

والمصيبة الكبيرة انهم ينتقدون مشايخ الدين وفتاويهم اللي تخالف توجهاتهم الحديثة
وهم حديث واحد مب حافظينه!!

[راجي الْعفو]

أمور كثيرة يا اخوي راجي خلت عيالنا يتصبغون بالصبغة الغربية..

الاسرة تلعب دور كبير في هالتصبغ ..
المجتمع وتأثيره على الفرد يلعب دور..
نوع التعليم و مكانه يلعب دور..
البعثات الخارجية تلعب دور مثلها مثل السفر السنوي للسياحة..

والمصيبة الكبيرة انهم ينتقدون مشايخ الدين وفتاويهم اللي تخالف توجهاتهم الحديثة
وهم حديث واحد مب حافظينه!!

صدقت يا أم خوسيه ..
وعودا حميدا ..

[يمامـة]

صدقت يا أم خوسيه ..
وعودا حميدا ..

شكرا لك واهلا وسهلا بالجميع.

[الكبير]

معظم الشباب اشكالهم غربية ومرافجتهم للبوعراب والبوفلبن

[راجي الْعفو]

معظم الشباب اشكالهم غربية ومرافجتهم للبوعراب والبوفلبن

هلا اخوي الكبير
ما فهمت التعميم
ولكن لا شك أن الصاحب ساحب..