من المهندس اللي خطط طرق روضة قديم شمال بني هاجر

[ثابت]

السلام عليكم ورحمة الله وبركاتة


منطقة جديدة ولدت شوارعها مأساة وضيقة
يا جماعة الخير الطرق المفروض تكون واسعة لسيارات وحتى لناس حتى ماتصير حوادث

الحين المنطقة الي عند مدرسة Sherborne Qatar School با اتجاة الشرق وانت رايح شمال المنطقة هذي شوارعها والله مأساة بمعنى الكلمة الرصيف اكبر من الشارع من الطرفين اتمنى من اشغال انها تعيد النظر في شوارع هذة المنطقة وماتتكرار مثل هذه الاخطاء الغبية في مناطق اخرى ويليت بعد لو يعيدون النظر ويقصون من الارصفة الي مالها داعي ويوسعون على الناس الطريق انا اروح هناك اذا تخلفني سيارة لازم اروح اقصاء شيء او اضرب الرصيف حتى تمر السيارة الي على الطريق المخالف شي يجنن بصراحة.

روضة قديم اضيق شوارع في قطر حتى اضيق من فريج الغانم الي شوارعه اكثر من خمسين سنة

[معماري قطري]

بيطلع لنا مهندس أو واحد من المرور يقول اذا وسعنا الشوارع زادت السرعة

شارع فريج الغانم الضيق صج مأساة ومع المطبات تحصل الهندي والفلبيني يوقف قبل المطب يفكر يمشي أو لا

[بنت شرق]

اعتقد اشغال مسؤولة مع المهندس فكيف يستلمون الشارع دون فحص تطابق للتنفيذ ، والا اهو بس استلم المقاولة والله كريم

[Riku3]

تضييق الشوارع وتكبير الرصيف صاير موضه الحين عندهم .. منطقة المطار القديم صوب المركز الصحي للاسف نفس الحاله .... ليش تسوون شوارع ضيقه !!! .

وذبحتهم الانترلوك الخايس الي ماخذ مساحه اكثر من الشارع .. وما يكمل سنة شكله مرتب وعقبها اي شركة تجي تحفر والا اي تمديد حق بيت جديد وشكله يصير مأساة .

[معماري قطري]

دوم العمل الهندسي انتاج مشترك ونادر ما نحصله من مهندس واحد .. الشروط التصميمية تحطها أشغال وللأسف بالتنسيق مع المرور وأوقات المرور يفرض رأي هندسي خاطيء وهم يمشونه .. والمفروض طلباتهم تكون عامة والتفاصيل الهندسية يحددونها مهندسين طرق مختصين

شوارع الفرجان في رأيي لازم تكون جيدة ومركبين تحتها دكتات جاهزة للتمديد بدون حفر .. أو أنفاق خدمات للخدمات الرئيسية والكثيرة لسهولة الدخول والصيانة أو الإضافة .. الشوارع لازم يكون فيها زراعة وتكون الأرصفة قطع كبيرة مصبوبة في الموقع خرسانة والرصيف منساب ومنحني ومعمول بعد مع أرضية الممشى صب في الموقع .. والطريق يكون مخطط وفيه مواقف كافية مخططة وبعضها محددة للبيت اللي جنبها ومكتوب عليها خاص

بعض الشوارع ما تتحمل طريق مشاة ومواقف سيارات ومسارين متضادين .. هذي نلغي ممر المشاة ونخطط مواقف السيارات وباقي الطريق ونترك المشاة يمرون جنب السيارات الواقفة .. وتكون سرعة هذا الشارع غير وأقل

الكاميرات الأمنية ضرورية

[بوحارب]

لو تشوف ام عبيرية وش بتقول


والله تقول مخططين الشوارع حق سياكل مب مواتر !!

[كيلو حديد]

تضييق الشوارع وتكبير الرصيف صاير موضه الحين عندهم .. منطقة المطار القديم صوب المركز الصحي للاسف نفس الحاله .... ليش تسوون شوارع ضيقه !!! .

وذبحتهم الانترلوك الخايس الي ماخذ مساحه اكثر من الشارع .. وما يكمل سنة شكله مرتب وعقبها اي شركة تجي تحفر والا اي تمديد حق بيت جديد وشكله يصير مأساة .


صدقت
من كم يوم مريت وجاني نفس الشعور :eek5:

الرصيف أعرض من الشارع :rolleyes2:

وبعد مضيقين المواقف وحاطينها محاذيه للشارع ما خلوها مايله وتشيل عدد أكبر :weeping:

[JN000N]

مهندسين شوارع وايد يبيلهم قتل

[مرتبش]

اصلا مافي مهندسين شوارع كفاية.. الخطأ مشترك بين التخطيط واشغال والمرور وكهرماء واوريدو ..كلهم مشتركين في الخطأ

[Miss]

سؤال صعب الصراحه
وماله اجابه :)

[qtr qtr]

منطقة الصخامه نفس الشي دواعيس

المفروض المرور يرفض التخطيط بدال مايوافقون عليه

[سليمان احمد]

المشكله عندنا والمزمنه ان الاهتمام بجانبي الطريق الايمن والايسر والرصيف واللنترلوك اكثر من الاهتمام بالطريق

نفسه واعتقد ان هذا هو الجزء الاحلى من الكيكه عشان كذا تشوف الطريق بمستوى سئ واللنترلوك والرصيف

مساحته اكبر والطريق اللي هو اهم شي مهمل تنضيميا على حساب الجوانب الهامشيه

واعتقد ان اللي يصمم هو حفيد اللي صمم دوار مجنون

[جبر ال جبر]

هو نفسه الي يخطط قطر كلها ,,,,

[بومحمد المطاوعه]

هذيله المهندسين اعتقد
شهاداتهم

بيطري للصلال

[راشد محمد]

هو نفسه الي يخطط قطر كلها ,,,,

ههههههه صادق

[معماري قطري]

المشكله عندنا والمزمنه ان الاهتمام بجانبي الطريق الايمن والايسر والرصيف واللنترلوك اكثر من الاهتمام بالطريق

نفسه واعتقد ان هذا هو الجزء الاحلى من الكيكه عشان كذا تشوف الطريق بمستوى سئ واللنترلوك والرصيف

مساحته اكبر والطريق اللي هو اهم شي مهمل تنضيميا على حساب الجوانب الهامشيه

واعتقد ان اللي يصمم هو حفيد اللي صمم دوار مجنون

لا ذيه ولا ذيه .. شوف الرصيف كيف متعرج .. حتى طريق سلوى المرصوف بانترلوك قرانيت بعضه هبط بسبب الدفان الغش تحت

[معماري قطري]

هو نفسه الي يخطط قطر كلها ,,,,

ما يخططها شخص واحد .. طريق قصير فيه تقاطعين كل تقاطع يعطونه مكتب هندسي وبعضهم فلل صعبة عليهم بس مسجلين درجة اولى أو دولي

[معماري قطري]

مهندسين شوارع وايد يبيلهم قتل

صدقتي .. واحد يقول لي المرور طالب كذا وطلب المرور فيه جهل كبير بأُمور الأمان وهو صميم تخصص مهندس الطرق

[ثابت]

الحمدلله كل الاراء مؤيدة بهذا الخلل اتمنى المحاسبة لتقصير الحاصل

[مختلف جداََ]

خاطري أشوف هالمهندسين اللي يخططون الطرق
لما يقرون هالموضوع و مواضيع ثانية كثيرة بنفس محتواه

شي يحسون فيه

ما يحسون انهم غلط


عجبي !!!!

[حليتان*]

مب مشكله خله كم شهر بيكسرونه وبيوسعونه



على قولة الياهل الي فالانستقرام فلوووت فلوووت