كيف اشتكي في المحكمه ؟؟

[ماجستك]

حاليا ابني بيتي عند مقاول بيني وبينه عقد موثق في وزاره العدل
المقاول متاخر اكثر من سنه عن الموعد المكتوب في العقد وقاعد يماطل ويتهرب وعرفت ان ناس وايد رافعين عليه قضايا

كيف ارفع عليه قضيه ومن وين ابدا وهل احتاج محامي ؟؟

[عضو دائم]

ارفع قضية مستعجلة تسمى " قضية اثبات حاله مستعجلة " في لجنة فض المنازاعات ولاتنسى ان تطلب خبير

[الدكتور عزوز]

أخوي الفاضل ارفع عليه قضية في المحكمة مثل ما تفضل الأخ عضو دائم "قضية اثبات حالة مستعجلة"

وأيضا تواصل مع حماية المستهلك ومكافحة الغش التجاري وقدم شكوى عليه ، والأفضل تتواصل معاهم عن طريق التوجه لمكاتبهم في مبنى وزارة الاقتصاد والتجارة وتودي معاك العقد

وإدارة حماية المستهلك لو شافوه ما تعاون معاهم راح يحولونه للنيابة

يعني لا توقف بس عند موضوع المحكمة ولكن حاول في أكثر من مكان عل وعسى تلقى تجاوب سريع

صاحبي صارله نفس موضوعك وتوجه للمحكمة وتواصل مع حماية المستهلك ومكافحة الغش التجاري وتجاوبوا معاه بشكل سريع وتم تحويل المقاول للنيابة العامة

[ماجستك]

ارفع قضية مستعجلة تسمى " قضية اثبات حاله مستعجلة " في لجنة فض المنازاعات ولاتنسى ان تطلب خبير


أخوي الفاضل ارفع عليه قضية في المحكمة مثل ما تفضل الأخ عضو دائم "قضية اثبات حالة مستعجلة"

وأيضا تواصل مع حماية المستهلك ومكافحة الغش التجاري وقدم شكوى عليه ، والأفضل تتواصل معاهم عن طريق التوجه لمكاتبهم في مبنى وزارة الاقتصاد والتجارة وتودي معاك العقد

وإدارة حماية المستهلك لو شافوه ما تعاون معاهم راح يحولونه للنيابة

يعني لا توقف بس عند موضوع المحكمة ولكن حاول في أكثر من مكان عل وعسى تلقى تجاوب سريع

صاحبي صارله نفس موضوعك وتوجه للمحكمة وتواصل مع حماية المستهلك ومكافحة الغش التجاري وتجاوبوا معاه بشكل سريع وتم تحويل المقاول للنيابة العامة
الله يجزاكم خير
وين ارفع قضيه" اثبات حاله مستعجله "
في اي مكان ؟
ووين احصل الخبير ؟؟

[عضو دائم]

لجنة فض المنازعات .. المنتزه وانت جاي من اشارات مدرسة حفصى قبل اشارات المنتزه بــ 50 متر على اليمين

انصحك بمتابعة موضوعك بنفسك والموضوع ماياخذ اكثر من 3 جلسات في الجنة وبتأخذ حكم مستعجل

ملاحظة هامة .. اطلب خبير من القاضي في اول جلسة لتثمين الموجودات في المبنى ومن بعد الحكم قبل تنفيذ الحكم تقدر تكمل البنيان

[Miss]

انا اللي سمعت به انه مثل هالقضايا وايد اتطول
وحكم وبعده استئناف و و و
ان شاء الله تنحل امورك
فهالموضوع ما تقدر تدخل حماية المستهلك !

[بوسلطان_]

انا اللي سمعت به انه مثل هالقضايا وايد اتطول
وحكم وبعده استئناف و و و
ان شاء الله تنحل امورك
فهالموضوع ما تقدر تدخل حماية المستهلك !

أخوي من تجربة شخصيه من ثلاث سنين انا كانت عندي نفس المشكله تعاقت مع مقاول وأتفقنا ان بنيان البيت يخلص في 12 شهر. مرو 12 شهر وهو لين الحين ماصب الدور الاول وبعثت له كذا تحذير شفوي وكتابي وكان كل مره يوعد ولا يوفي. كنت ملتزم معاه بالدفعات اول بأول وبعدين جاني وقالي انا ماعندي فلوس وماقدر اكمل البنيان. تبيني أخلص بيتك ادفعلي فلوس العقد كامله وباخلص لك بيتك. عرفت من ساعتها انه حرامي ولا راح يكمل البيت.

الخطوات اللي قمت فيها للشكوى:

رحت للمحكمه المدنية اللي في الدفنه (بالقرب من برج البنك التجاري ورفعت دعوى اثبات حاله وانتداب خبير هندسي. ( الهدف من هل الخطوه هو عشان تطرد المقاول بطريقه قانونيه وعقب تقدر تتعاقد مع مقاول ثاني يكمل لك الشغل)

عقب انتداب الخبير وصدور الحكم في اثبات الحالة تروح ترفع دعوى جديده ضد المقاول اطالبه بتعويض عن الاضرار اللي تسبب فيها مع غرامات التأخير وحط في بالك انه لو صدر الحكم في صالحك بروح يسوي اسنئناف حكم وابتداء دعوى جديده.

اخوي حط في بالك ان مثل هل القضايا اطول واجد. على الاقل يبيلها ثلاث اسنين.

أخوي اذا ماعندك خبره قانونيه انصحك اسأل عن محامي زين واتفق معاه على الاتعاب وخله يباشر بالنيابه عنك وانت تابع معاه.

إذا مالقيت محامي سعره معقول (بعضهم يطلب اسعار فلكيه) اتفق معاه بس يكتب لك المذكرات وبعدين انت احضر الجلسة وقدمها للقاضي.

[سليمان احمد]

الحين ليش الوضع متروك للمقاولين يتلاعبون في الناس
ليش مايكون البنيان نفس اول عن طريق مقاولين من قبل الدوله
عشان الجميع يضمن حقه بدال هالمرمطه في الناس من قبل المقاولين
كل واحد يضرب على الناس المساكين ويلتهم في المحاكم
الواحد يداوم ولا يقعد من محكمه الى جلسه الى محامي
المفترض الدوله تعين شركات معتمده وهي تضمنهم والفايده للجميع
ونفتك من المشاكل والغش وعدم الالتزام
اتمنى يكون هناك قرار يوقف المهزله اللي صايره من قبل المقاولين
طبعا ما اعمم عشان مانظلم احد لكن يتم تقنين الوضع بما يضمن الحق لجميع الاطراف

[جبر ال جبر]

لجنة فض المنازعات .. المنتزه وانت جاي من اشارات مدرسة حفصى قبل اشارات المنتزه بــ 50 متر على اليمين

انصحك بمتابعة موضوعك بنفسك والموضوع ماياخذ اكثر من 3 جلسات في الجنة وبتأخذ حكم مستعجل

ملاحظة هامة .. اطلب خبير من القاضي في اول جلسة لتثمين الموجودات في المبنى ومن بعد الحكم قبل تنفيذ الحكم تقدر تكمل البنيان

اعتقد مالهم علاقه هالمحكمه تخص فقط مشاكل الايجارات وفض المنازعات اتوقع مالهم شغل

[جبر ال جبر]

أخوي من تجربة شخصيه من ثلاث سنين انا كانت عندي نفس المشكله تعاقت مع مقاول وأتفقنا ان بنيان البيت يخلص في 12 شهر. مرو 12 شهر وهو لين الحين ماصب الدور الاول وبعثت له كذا تحذير شفوي وكتابي وكان كل مره يوعد ولا يوفي. كنت ملتزم معاه بالدفعات اول بأول وبعدين جاني وقالي انا ماعندي فلوس وماقدر اكمل البنيان. تبيني أخلص بيتك ادفعلي فلوس العقد كامله وباخلص لك بيتك. عرفت من ساعتها انه حرامي ولا راح يكمل البيت.

الخطوات اللي قمت فيها للشكوى:

رحت للمحكمه المدنية اللي في الدفنه (بالقرب من برج البنك التجاري ورفعت دعوى اثبات حاله وانتداب خبير هندسي. ( الهدف من هل الخطوه هو عشان تطرد المقاول بطريقه قانونيه وعقب تقدر تتعاقد مع مقاول ثاني يكمل لك الشغل)

عقب انتداب الخبير وصدور الحكم في اثبات الحالة تروح ترفع دعوي جديده ضد المقاول اطالبه بتعويض عن الاضرار اللي تسبب فيها مع غرامات التأخير وحط في بالك انه لو صدر الحكم في صالحك بروح يسوي اسنئناف حكم وابتبدء دعوى جديده.

اخوي حط في بالك ان مثل هل القضايا اطول واجد. على الاقل يبيلها ثلاث اسنين.

أخوي اذا ماعندك خبره قانونيه انصحك اسأل عن محامي زين واتفق معاه على الاتعاب وخله يباشر بالنيابه عنك وانت تابع مهاه.

إذا مالقيت مقاول سعره معقول (بعضهم يطلب اسعار فلكيه) اتفق معاه بس يكتب لك المذكرات وبعدين انت احضر الجلسة وقدمها للقاضي.

كلامك صحيح وانا شخصيا مريت بهالموقف وبديت من المحكمه الابتدائية في الدفنه --والله يكون بعونك ويقويك--
اول شي تفتح صحيفه دعوى وخل وياك خرده في مخباك عشور وريالات غير بطاقه البنك يطبعونها لك وتاخذ رسم المعونه ويقدرون كم اطالب المقاول افرض 100 الف راح تدفع يطويل العمر من 2000-3000 ريال لهم وانصحك نصحيه اخ لاتدفعها لانك بتزيد المخاسير عليك لانه احتمال كبير مايدفعها اكتب لهم مطالبتك انت شتبي فسخ العقد تعويضات ماليه سجل للقاضي كل الي تبيه واترك عنك مووضوع التعويض المالي خله في الاخير وبيعطونك موعد جلسه الحين احنا صيف والعيد جاي غالبا بيعطونك شهر 10 او 11 اذا عطوك هالتاريخ ارجع سوى كتاب ثاني اسمه استعجال دعوى بيقدمون لك الموعد يمكن شهر او اسبوعين على حسب وتدفع رسوم 10 وبتدفع مثلهم لافتتاح الصحيفه الي ذكرناه فوق وبتصور بطاقتك الشخصيه واول مايحددون الجلسه نفس ماذكر احد الاعضاء ع طول اطلب خبير يعطيك تقرير وهذا بعد على حسابك يمكن 3000 او 4000 ريال اقل اكثر في هالحرووه وتاكد مع حمايه من اول جلسه انه وصله الاشعار بالبريد المسجل او بالارشاد او اللصق ترى هذا اهم شي القاضي مايقدر يبت او يحكم في الموضوع الا بعد وصول اشعار بعلم المشتكى ضده
القضيه اذا انت اتابعها بنفسك وتراكض عليها انا اضمن لك من 3 شهور لين سنه بحد اقصى الحكم صادر والقضيه مغلقه بتقطها على محامي يعتمد على ذمه وامانه المحامي يمكن تاخذ سنتين او 3 او 4 بس الزين في امر المحامي بتتفك من عباله المحكمه والمواقف وحضور الجلسات ولكن حط في بالك بتدفع له مايقل عن 20 الف بالاضافه الى السالفه بطول اكثر
انا بحكم تجربه قضيتين وحده مع محامي ووالثانيه بنفسي سعيت فيها

[qatarman8008]

للاسف اخوي..
القضايا مثل هالنوع تارسة المحاكم..
وكل مرة القاضي ياجل ثم ياجل ثم ياجل مع ان حجة المدعي قوية وواضحة ..
هالشي خلى المقاولين يتجرؤون بشكل كبير عالناس ويقول لك اذا ماعجبك روح اشتكي في المحكمة لانه يدري المحاكم تاخذ وقت طويل ولازم يتعطل ويتوقف البناء في هذي الفترة..
شوف اخوي..
بتروح عند محامي وتشرح له كل القضية وتقدم له كل الاوراق الثبوتية اللي عندك..
الجلسات اقلها 4 جلسات بين كل جلسة والثانية حول شهر قبل اصدار الحكم..
ثم اذا ما استانف المدعى عليه بتروح التنفيذية اقلها 4 جلسات وبين كل جلسة والثانية حول شهر..
ثم يتم الحكم التنفيذي واصدار اشعارات منع السفر واشعارات للبنوك وجهه العمل..
هذا اذا كان عندهم معلوماته مسجله واذا مش مسجلة بتتاخر الاشعارات وبتتم تراكض وراهم سنة او سنتين على حسب..

[qatarman8008]

طبعا انصحك بمحامي شاطر ماسك كثير من هالنوع من القضايا يعرف شنو حيل وتبريرات المقاولين ويعرف يرد عليها ..
يجهز لك كل الاوراق الرسمية المطلوبة ويفهمك اشلون تجاوب على اسئلة القاضي لانهم يحبون الاجابات المباشرة..
ايضا هو بيكون لك مستشار قانوني في حال تبي تستفسر عن اي نوع من الاجراءات داخل المحكمة..
انت بس عليك انك تحضر الجلسات..

[qatarman8008]

أخوي الفاضل ارفع عليه قضية في المحكمة مثل ما تفضل الأخ عضو دائم "قضية اثبات حالة مستعجلة"

وأيضا تواصل مع حماية المستهلك ومكافحة الغش التجاري وقدم شكوى عليه ، والأفضل تتواصل معاهم عن طريق التوجه لمكاتبهم في مبنى وزارة الاقتصاد والتجارة وتودي معاك العقد

وإدارة حماية المستهلك لو شافوه ما تعاون معاهم راح يحولونه للنيابة

يعني لا توقف بس عند موضوع المحكمة ولكن حاول في أكثر من مكان عل وعسى تلقى تجاوب سريع

صاحبي صارله نفس موضوعك وتوجه للمحكمة وتواصل مع حماية المستهلك ومكافحة الغش التجاري وتجاوبوا معاه بشكل سريع وتم تحويل المقاول للنيابة العامة

ابشرك حماية المستهلك تفاعلهم قوي معاك في البداية واسلوبهم جريئ جدا ولكن في الاخير بتطلع منهم بغير اي فائدة ملموسة..
حتى لو اتضح ان الحق معاك فلن يترافعون لك في القضية الى المحكمة مع ان هذا من اختصاصهم..
هذا الكلام عن واقع تجربة..

[راشد محمد]

الله يعينك يا اخوى

[ماجستك]

الله يجزاكم خير

حسبي الله ونعم الوكيل

[جبر ال جبر]

ارفع شكواك الى المحكمه العليا ونقل ملفك من الارض الى السما والله يعوضك خير واخذ بالاسباب