كم من مسؤول اقتدى بعمر بن الخطاب

[أبو سعود]

الليله الماضيه طلبت من أبني الصغير

وهو عمره سبع سنوات أن يذهب للنوم وقلت له

الآن الساعه الحاديه عشر وقت السهر أنتهى


قال لي يبا أبي أكون مثل عمر بن الخطاب

لأنه كان يسهر في الليل علشان هو يهتم

بأحوال الناس

وأنا أبي أسهر مثله علشان أنتبه للبيت



فتذكرت كم من مسؤول أهتم بالسهر ليهتم

بمصالح الناس والبلد


للأسف بعضهم تم تحويلهم للتقاعد ولم نرى

بصمه إيجابيه لهم


هدف بعض المسؤولين عندنا هو :


- التمسك بالمناصب للحصول على الإمتيازات

( لهم ) فقط


على الرغم من وصول الشكاوي والملاحظات عندهم

الأ أنهم يتغاضون ويتهربون عن أيجاد الحلول

للسلبيات والملاحظات


- التقرب من المسؤولين و التجار لكي

يرضون عنهم ويستفيدوا منهم


- محاوله كثره الاستفاده من إستغلال المال العام

لصالحهم


ونسوا أن الله سوف يحاسبهم على تقصيرهم بالعمل

وإستغلالهم للمال العام ( لصالحهم فقط. )

[غريب الدّار]

عمره سبع سنوات أن يذهب للنوم وقلت له

الآن الساعه الحاديه عشر وقت السهر أنتهى


قال لي يبا أبي أكون مثل عمر بن الخطاب

لأنه كان يسهر في الليل علشان هو يهتم

بأحوال الناس

وأنا أبي أسهر مثله علشان أنتبه للبيت

كفو والله:nice:
عسى الله يخليه ويبلغك فيه اخوي بو سعود وتشوفه معرس

اما سالفة الاقتداء بسيدنا عمر :
شوف يابو سعود : في كل زمان ومكان في ناس فاسدين وناس صالحين ، حتى في عهد سيدنا عمر ،

فبالتالي الفساد ماراح ينتهي ، الشي الوحيد اللي نقدر عليه هو تقليل حجمه وآثاره فقط ،

بالنسبة لسرّاق المال العام (ان جاز التعبير) فالدوافع والأسباب هي
:1- ضعف النفس مقابل المال هو اللي يدفع بالشخص الى الوقوع في هذه الجريمة

2 - غياب الرقابة

3- وجود المحسوبيات


واساب أخرى اعتقد انك عارفها

كم مسؤول اقتدى بسيدنا عمر ؟ اكيد في ناس محترمين ومستحيل يمدون يدهم على مال غيرهم
وفي ناس غير ذلك


بالتوفيق

[سالم الزهران]

حياك الله يبو سعود والله يصلح لنا ولك الذرية

المسؤولين يتوارثون طريقة العمل كما يتوارثون كراسيهم و عندهم شعارات يتوارثونها بعد

( ما حد باقي , ليش اصلح و انا بكره رايح رايح , اخذ احراجات في وجهي لا )

اقول حسبي الله عليهم و نعم الوكيل

[معماري قطري]

ولدك عجيب يا بو سعود الله يحفظه لك .. يبي يسهر ولا يعرف شلون يمشيها

عن المسؤولين ألحين عندنا الانترنت والتلفون ووسائل كثير حديثة تسهل التواصل وعرض المشاكل

كل مسؤول يفترض له ايميل رسمي يتقبل عليه ملاحظات وشكاوي الجمهور .. أذكر سمو الأمير الوالد له ايميل رسمي ويفترض الإيميل الرسمي عند الكل من كبار المسؤولين والتواصل عليه سهل وسريع

[معماري قطري]

حياك الله يبو سعود والله يصلح لنا ولك الذرية

المسؤولين يتوارثون طريقة العمل كما يتوارثون كراسيهم و عندهم شعارات يتوارثونها بعد

( ما حد باقي , ليش اصلح و انا بكره رايح رايح , اخذ احراجات في وجهي لا )

اقول حسبي الله عليهم و نعم الوكيل

التطوير ضروري ولازم للكل .. كان عندنا دكتور شيبة وكانت منتشرة حاسبات اتش بي القابلة للبرمجة للمعادلات الخاصة بحسابات الحديد .. قال باروح كولورادو دورة صيفية لمدة شهر في برمجة هذي الآلة .. عندي له مقالة في مقابلة في الجريدة من سنة 1990 أو 1991 بعد اعصار أندرو اللي كفخ ميامي باشوفها ان شاء الله وين وباصورها

[سالم الزهران]

صدّق يبو عبدالله اني نسيت سي دي يوم كنت في قطر و في مؤسسة محترمة

طرشت ايميلات لين تعبت محد رد , اتصلت عليهم قالوا نشوفه لك ( يفتح الله )

خذيت رقم واحد و طرشت له واتسب ( من العيد الى اليوم ) و لا شيء
.................................................. ....................................

مؤسسة ثانية ( قطرية ) ما اتذكر أسمها لكنها شبه حكومية.. أرسلت لهم قائمة دورات اذا يوفرونها بنطرش لهم موظفين ( ولا رد فلان الفلاني )

انا رحت خذيت دورة على حسابي لأجل اقنع القوى العاملة عندنا و كلفتني حول العشرين الف ( وهذي تاليتها )

* خذ الاخيرة ذي : طرشت مرة ايميل لكندا و جاني الرد الأكتروني انه في إجازة و سيعود للعمل في يوم كذا و تاريخ كذا

نفس اليوم و التاريخ اللي مكتوب في الايميل انه بيباشر عمله ( رد علي ) في اول يوم عمل بعد اجازته ... هههههه

أتصبو عن ديننا يا ابا عبدالله :)


أخي الحبيب , كنت اتوقع ان المؤسسات في قطر احسن حالاً من عندنا في السعودية , لكن مع الأسف كلهم سواسية

[بانغ بانغ]

قدوتنا الرسول صلى الله عليه وسلم في كل شي

عقب افعال الصحابة عليهم الرضوان ومآثرهم

[JN000N]

هههههه ضحكني ولدك
صج اليهال عليهم سوالف مادري من وين يطلعونها

[Miss]

الله يخلي لك ولدك ويبارك فيه

الكمال لله وحده
واصابع اليد مب سوى
فيه مدراء والنعم فيهم لهم بصمه وخدمتهم للشعب واضحه
وفيه مسؤولين نتمنى لهم الصلاح