موضوع مهم عن فواتير اوريدو

[خسران من قلب]

صبحكم الله بالخير

صارت لي سالفه من سنه مع كيوتل سافرت وفعلت خدمة الباسبورت واول ماوصل لندن سكرت الجوال لين رديت الدوحه اول مارجعت شغلت الجوال وكان موقوف اتصلت لكيوتل قالو عليك فاتوره 9000 وشي قلت ليش هالفتوره والجوال مسكر بعد ماشيك لقاء الكلام صحيح قال فيه غلط ف الفاتوره وبنسوي لك مطالبه وخلال يومين تكنسل المبلغ ...
قلت يالله زين ومن تقريبن شهر سافرت وفعلت خدمة الباسبورت الشهري 350 ريال واشتغلت الخدمه معي من احسن مايكون بعد اسببوع من السفره توقف الجوال واتصلت لخدمة العملاء وابلغوني ان على فاتوره 11600 ريال قلت ليش ان شالله والباسبورت شغال معي وللحين ماخلصت 50% من الاستهلاك شيك وقال صحيح اكيد في غلط وبنعمل لك شكوى بهذا الخصوص وفعلن طلعت بالغلط ..
بعد مارجعت راجعت كيوتل قلت انا كل مره تدفعوني مبالغ ماتقل عن 4000 ريال شهرين علمن اني من عملاء النخبه والاشتراك سعره 375 ريال شامل الاتصلات والانترنت ان لمت ابيكم تشيكون على فواتيري اللي دفعتها وطلعت كمااااااان غلط مع اني دافع كل الفواتير تفعل خدمه الباسبورت ويحسبون عليك التسعيره العاديه ..
تقريبن22000 الف فواتير بالغلط ...
فايليت الاخوه ينتبهون من الدفع بدون سوال لني كنت افكر ان هالشي مايكون فيه اغلاط
ولكم جزيل الشكر

[لـبـيـه]

والله على كثر الشكاوي من الاستعال في السفر

ماعمري سافرت واستعملت الجوال القطري

اول ماتوصل اشتر كرت الدوله الي رايح لها وعب الكرت لين ينبط وافتح النت واحرقه حراق واخر شي بتحصل نفسك دافع 500 او 1000 ريال للمده كلها وعلى حسب الدوله

وكان الله غفورا رحيم ولا عبالة اوريدو ومغثتهم

[للصبر اخر]

اخوي الفاضل
اسمح لي اقول لك ان نظام الشهري نظام جدا فاشل
ويساعد على السرقه
لي صولات وجولات بسبب هذا النظام
حاليا قطعت الفاتورة من اوريدو واعبي رصييد حتى للسفر اخلي معاي رصييد دايم
ولافاتورة ولاعوار راس

[JN000N]

سالفتك نفس ابوي بالضبط
وقالهم مب دافع وطلع فواتير وقالو كله انترنت وهو مايستعمل الانترنت ف ذاك التلفون كلش او نااادر كله عالوايرلس
بس اوريدو لو تهلك مايطلعون غلطانين ولا يعترفون بغلطهم ولا برجعون فلوسك
ونفس شي كان من النخبه
حول معظم ارقامنا من عندهم اللي باسمه لفودافون وحاليا امورنا تمام التمام

[بوحارب]

انا مفتك من الفواتير وعوار الراس

ومريح بالي على نظام الهلا اعبي رصيد وقت الحاجه

واذا خلص الرصيد الفيزا في الجيب اعبي عن طريق الابلكيشن وكل شي تمام

مع ان عندي عرض من الدوام اشتراك لا محدود للمكالمات وانترنت 13 قيقا ب 130 ريال

بس لا والف لا والهلا زين ومافيه عوار راس :)

[bohilal191]

عن نفسي مرتاح مع الباقات الشهرية وبخصوص جواز اوريدو بين فترة وفترة اشيك الرصيد عن طريق المسج وفي ميزه في الايفون انك تقدر تسكر اي برنامج ماتبغيه يحسب عليه النت وانا حاليا مسافر واستخدمت جواز اوريدو وخلص وعبيت بطاقة جواز اوريدو وخليت النت بس يحسب على جوجل ماب والواتس اب وخليت كل الملفات والصور تتحمل فقط بالوايرلس والحمدلله مرتاح وحتى السناب اصور كل شي وطبعا ماينزل في الستوري الا اذا وصلت الفندق وشبكت الوايرلس ونصيحتي لأصحاب السناب جواز اوريدوا ماينفع حق السناب وشكرا والسموحة على الإطالة

[بوخالد911]

مشترك بباقة ال 100 ريال
لي 500 دقيقة و1gb للنت
مرررتاح جداً.
والوحدات الغير مستخدمة تترحل للشهر اللي بعده.

[bohilal191]

مشترك بباقة ال 100 ريال
لي 500 دقيقة و1gb للنت
مرررتاح جداً.
والوحدات الغير مستخدمة تترحل للشهر اللي بعده.

وانا مثلك نفس الباقة بس اعبي مع بداية نزول الوحدات ظ¦ جيجا عشان اعرف كم استهلكت لأن باقات الانترنت الشهرية ماتعرف شكثر استهلكت بس عن طريق التعبئة اعرف وطبعا عقب ماكلمت اوريدو وعرفت كم استهلاكي الشهري حق النت

[حليتان*]

الي عنده اكثر من خدمه باسمه خل يحاسب انا نزلو لي فاتورة البرودباند مرتين على البرودباند وعلى جوالي

[ثابت]

لماذا هذه الشكاوي على شركة اوريدوا وللاسف ليس تقصير في الخدمة او سؤ بل في مشكلة انا اشوفها نوع من الغش اني ادفع مقابل خدمة لم احصل علية او الزامي بدفع كي احصل على خدمة اخرى بصراحة نتمنى الشفافية من شركة اوريدوا والمسؤولين يجب محاسبة اي شخص اخطاء بفاتورة او تقديم خدمة