فضفضه

[الخيالة]

بِسْم الله الرحمن الرحمن

ليش يكرهوننا اذا احنا ماسوينا لهم شي
ليش الكره والحقد انتشر بين الناس
ليش صاروا يجرحون وينكرون وعادي يكملون حياتهم ولي جنه في إنسان مجروح و حزين بسبتهم

ليش الغيرة من نجاح الاخرين حتى اذا الشخص نفسه في منصب كبير او حتي اكبر من منصبهم

ليش صاروا يكذبون عادي عشان بس يلعوزون إنسان في حاله و ماله خص في احد

ليش صارت الحياة فوضى القوي ياكل الضعيف والغني ياكل الفقير
ليش اللي ماله ظهر يدافع عنه يداس تحت الاقدام

ليش الأجنبي الكافر او المسيحي بس عشان عنده منصب كبير يقدر عادي يجرح موظف مسلم او يلعوزه و يقط عليه اتهام باطل بس عشان مايحب يشوفه ناجح او لان مريض نفسي و حاب بس ينتقم
ليش البنت اللي مجبوره تشتغل في مكان مختلط لازم تتحمل سخافات اللي شغالين معاها و ماتقدر تشتكي لان كلهم بيوقفون ضدها او بيطردونها من شغلها..

ليش مانقدر نعيش بسلام و قلوبنا مليان طيبه و نطلب الخير للجميع

مجرد فضفضه و في النهايه ادري ان للحين في ناس فيهم خير و بعد ماقدر اقول غير
حسبي الله و نعم الوكيل و لا حول و لا قوة الا بالله
المسلم بيخاف من هالدعاء بس ياتري اذا الشخص كافر او مسيحي ولي يعرف شي عن عدالة رب العالمين وان الزمن دواره اي دعاء لازم نقوله عشان يفهم و يعرف ان لنا رب كبير في السماء و ياخذ حق المظلوم من الظالم

[سالم الزهران]

ايش يا الخيالة ما تلقين لج موضفة تقدر الظروف وتكسبينها حذاك ؟

الدنيا شغالة علو هالمنوال ؟

تساهيل ان شاء الله

[bohilal191]

هاذي سنة الحياة اختي العزيزة

[حليتان*]

لولا هالاشياء وهالتصرفات كان ماقلنا فلان طيب وفلانه بنت حلال
كان ماحسينا بطيبة الناس الثانين

[ولد العرب]

الخياله اللي يكون بعونك ويفرجها عليك
لوبيدي كان نفذتها لك
مالنا الا دعاء لك بتفريج كربتكم

[الخيالة]

جزاكم الله خير