ابي نصيحتكم اخواني بسافر لندن ابي فندق يكون امن ونظيف قريب

[طباخة قطرية]

السلام عليكم

بسافر لندن انا وامي واخوي الصغير واختي واعيالها
طبعا اول مرة انا اسافر فابي منكم نصيحة فندق يكون عائلي وزين وامن لنا وابي يكون قريب من كل الخدمات ويكون فيه اهل قطر وابي اماكن سياحية غير الهايدبارك وهارودز وسلفرج ابي اسواق ومتاحف واشياء مختلفة
وايش تنصحوني اشلون التكاسي اشلون المناطق للسكن عائلية

وشكرا لكم
راذا احد يعرف سايق خاص زين يكون امين

[ذكي جدااا]

عليك بفندق الكمبرلاند على شارع اكسفورد موقعه ممتاز جدا وسعر ممتاز وقريب الهايدبارك وعلى شارع اكسفورد التجاري. وراه ايضا شارع العرب. ويسكنه كثير من الخليجين. بس احتمال ماتحصلون فيه لانه زحمه.
وإذا ميزانيتكم تسمح ممكن تاخذون الماريوت بارك لين المطل على الماربل آرش والهايد بارك. لانه في اكثر من ماريوت. طبعا اذا حصلتوا سعره قريب من الكمبرلاند اخذو الماريوت بارك لين لانه أفخم

[بوخالد911]

كمبرلاند
أو

ثيسل. ومن سنة غيروا اسمه الى :
Amba
amba hotel marble arch

غيروا أثاثه من سنتين.
http://www.booking.com/hotel/gb/thistlemarblearch.ar.html?aid=325251;label=thistle marblearch-KhYWA7zbfLN6%2Ai7U3rzPYwS60566501403%3Apl%3Ata%3Ap 1%3Ap2%3Aac%3Aap1t1%3Aneg%3Afi%3Atikwd-108461073614%3Alp1011785%3Ali%3Adet%3Adm;sid=307d8 e924ff0519e9071082bdadf5b6e;dcid=4;dist=0;room1=A% 2CA;sb_price_type=total;srfid=91bc1717bb08280eceae 0d89ad26c06a8511b186X1;type=total;ucfs=1&

[ذكي جدااا]

صح كلامك بوخالد كنت ادور على ثيسل واستغربت اني ماحصلته. ثيسل جنب كمبرلاند وممتاز ايضا والمنطقة هذه كل شي جنبكم ماتحتاجون تكاسي واجد. شارع اكسفورد وشارع العرب والهايد بارك جنبكم. . واهم شي الميزانية بالاخير هي اللي تحكم اي فندق.

[ذكي جدااا]

عندكم اوتليت بسترفيلج يبعد عن لندن مية كيلو. وحوالي عشرين كيلو عن مدينة اكسفورد. اذا قدرتوا ترتبون مع الفندق سياره بسواق حق يوم واحد بحيث انكم تطلعون الصباح وتروحون مدينة اكسفورد تاخذون جولة بالسياره وتتغدون فيها وعقب تروحون الاوتليت ممكن. اذا رحتوا بتكسي من الفندق ممكن بس بالنسبة للرجوع ماعندي فكره بس اتوقع بتحصلون تكاسي ترجعكم للندن. بكلا الحالات أخذتوا سياره او تكسي رايح يكون مكلف عليكم بس أسألوا الفندق كم بيكلف التاكسي او ليموزين. توقعي الشخصي بحدود خمس مية باوند روحه ورجعه او اقل . بس شيكوا مع الفندق لان الاوتليت يستاهل وفيه ماركات حلوه. وهذا موقعهم
https://www.bicestervillage.com/en/shopping/brands/

[للصبر اخر]

حسب الميزانيه اختي
حددي كم سعرج لليوم وهل تبين غرف او شقه لانكم عايله
السكن كل ماكان قريب من اكسفورد راح يكون غالي