+++ ايجاد حلول لمشاكل أسطوانات الغاز +++

[jajassim]

ايجاد حلول لمشاكل أسطوانات الغاز

الكل يعاني من مشاكل اسطوانات الغاز اهما انتهاء اسطوانه غاز فجاة

صمام الاسطوانه الجديد ضعيف معظم الطباخين يشتكون من ضعفه

السيارات المتجولة لبيع الاسطوانات ومتى تقدر تصيدهم

لذا فكرت اضع لوحة ارشادية صغيره عند باب الفيلا بلونين احمر واخضر اذا كان احمر يعني محتاج اسطوانة غاز واذا كان اخضر لا احتاج حتى لا تفوتني السياره

ايش رايكم ؟

[مختلف جداََ]

خذ اسطوانة شفاف البلاستيك و فك عمرك من هالغثا كله

[jajassim]

خذ اسطوانة شفاف البلاستيك و فك عمرك من هالغثا كله

وين الحلول اخوي

[بوخالد911]

الحل تاخذ جوال سيارة راعي الغاز
ومتى احتجت له. دق عليه.

و
خل السواق ياخذ الاسطوانة ويروح لأقرب بقالة ويبدلها.

[مختلف جداََ]

أخوي بو خالد
أعتقد راعي الموضوع يقصد الإسطوانة الحديد

الحلول :

الإسطوانة الشفافة تقدر تشوف من خلالها مستوى الغاز اللي باقي ( لأنها شفافة ).

وزنها خفيف جداً و تقدر تبدلها بنفسك من أقرب سوبر ماركت لكم ( أغلب الدكاكين تبيع هالإسطوانات ).
بالنسبة للصمام في منه نوعين
صمام استخدام منزلي
و النوع الثاني للمطاعم ( اعتقد يسمونه صناعي أو تجاري)

ركب النوع الثاني و أمورك طيبة .

[jajassim]

الحل تاخذ جوال سيارة راعي الغاز
ومتى احتجت له. دق عليه.

و
خل السواق ياخذ الاسطوانة ويروح لأقرب بقالة ويبدلها.

الاول يمكن اما الثاني مايعتبر حل

[ضوى]

فكرتك جدا مفيدة وعمليه

صار لي يومين انطر سيارة الغاز عندي سلندرين فاضين والسواقين مشغولين بامور ثانيه ان شاء الله بكرة تجي سيارة الغاز

وايد اعجبتني الفكرة ليش ماترسل للصحف المحليه يمكن احد يتبنى هالاقتراح

[cafe998]

الغاز المركزي افضل احل
ما ادري لو عندكم غاز مركزي او خزان غاز يكفي سنة كاملة واكثر حسب الاستخدام
عادة يكون مدفون للأمان او يكون بجانب جدار البيت
9794697947

[معماري قطري]

الغاز المركزي افضل احل
ما ادري لو عندكم غاز مركزي او خزان غاز يكفي سنة كاملة واكثر حسب الاستخدام
عادة يكون مدفون للأمان او يكون بجانب جدار البيت
9794697947

هذا مخزون سنة شوف انفجاره شيسوي ووقود وتجاربها انفجر الغاز في مطعم من فترة وكلنا شفنا شسوى وكانت التوانكي الشفافة


https://www.youtube.com/watch?v=Lr15rPHEmeQ

التعامل مع الغاز بالطريقة القديمة وبوضعه خارج المطابخ وممدد له من تحت أفضل مع تركيب جهاز كشف التسريب .. أما مركزي يعني كمية غاز كبيرة والخطر صعب تقديره

[معماري قطري]

هذي تجارب للغاز في بلونات صغيرة كيف يحترق


https://www.youtube.com/watch?v=Hveha7PjGeg

[معماري قطري]

وهذي وحدة حرقها الغاز الله يبعد خطره عن الجميع


https://www.youtube.com/watch?v=bhSa38NzYnA

[khaldoon]

سمعت انه جرات الغاز الحديد بيلغوها و الله اعلم

و شوفت فيديو انه جرات الغاز الشفافه تسرب غاز

الحل ممتاز للفلل بس نبي حل للشقق في العمارات

الحين انا على طول اخلي الناطور يجيبلي غاز و ياخد مني 25 ريال و يوصله لباب البيت لا اروح محل غاز ولا شي

[jajassim]

فكرتك جدا مفيدة وعمليه

صار لي يومين انطر سيارة الغاز عندي سلندرين فاضين والسواقين مشغولين بامور ثانيه ان شاء الله بكرة تجي سيارة الغاز

وايد اعجبتني الفكرة ليش ماترسل للصحف المحليه يمكن احد يتبنى هالاقتراح


ارسلت الاقتراح ل وقود ، ولكن لا اجابة !!!

[jajassim]

سمعت انه جرات الغاز الحديد بيلغوها و الله اعلم

و شوفت فيديو انه جرات الغاز الشفافه تسرب غاز

الحل ممتاز للفلل بس نبي حل للشقق في العمارات

الحين انا على طول اخلي الناطور يجيبلي غاز و ياخد مني 25 ريال و يوصله لباب البيت لا اروح محل غاز ولا شي


نغم اخوي بيلغون الشفاف

الطريقة ممكن ايضا للعمارات والشقق يركبون لكل شقة لوحة ارشادية عند البواب او لوحة كبير مقسمة على عدد الشقق

[بانغ بانغ]

ايجاد حلول لمشاكل أسطوانات الغاز

الكل يعاني من مشاكل اسطوانات الغاز اهما انتهاء اسطوانه غاز فجاة

صمام الاسطوانه الجديد ضعيف معظم الطباخين يشتكون من ضعفه

السيارات المتجولة لبيع الاسطوانات ومتى تقدر تصيدهم

لذا فكرت اضع لوحة ارشادية صغيره عند باب الفيلا بلونين احمر واخضر اذا كان احمر يعني محتاج اسطوانة غاز واذا كان اخضر لا احتاج حتى لا تفوتني السياره

ايش رايكم ؟
حركة ممتازة بحيث يتم تعميم السستم على محلات الغاز وحتى لو ايتم تحصيل المبلغ بشكل اسبوعي لو يومي اوبنظام الاشتراك

احييك

[qtr qtr]

فكره ممتازه وسهله وبسيطه وغير معقده وغير مكلفه

[jajassim]

أردني يخترع جهازا لقياس الضغط بأسطوانة الغاز

اخترع المهندس الأردني ليث حمد من جامعة العلوم والتكنولوجيا الأردنية جهازا لقياس ضغط الغاز في أسطوانات غاز الطهي، ويعمل الجهاز وفق نظام ذكي متصل بالإنترنت.

والاختراع هو جهاز حساس لقياس مستوى الغاز في الأسطوانة، ويمكن لصاحب الأسطوانة معرفة المعلومة بربطه الجهاز بالإنترنت، والجهاز مزود بأنظمة حماية لتسرب الغاز، والتحذير من حدوث حريق.

وقد نال حمد الخريج في قسم هندسة الكمبيوتر عدة جوائز عربية، من بينها جائزة الأليسكو في مجال الابتكار والإبداع

http://www.aljazeera.net/news/scienceandtechnology/2016/2/13/%D8%A3%D8%B1%D8%AF%D9%86%D9%8A-%D9%8A%D8%A8%D8%AA%D9%83%D8%B1-%D8%AC%D9%87%D8%A7%D8%B2%D8%A7-%D9%84%D9%82%D9%8A%D8%A7%D8%B3-%D8%A7%D9%84%D8%B6%D8%BA%D8%B7-%D8%A8%D8%A3%D8%B3%D8%B7%D9%88%D8%A7%D9%86%D8%A9-%D8%A7%D9%84%D8%BA%D8%A7%D8%B2

[jajassim]

حركة ممتازة بحيث يتم تعميم السستم على محلات الغاز وحتى لو ايتم تحصيل المبلغ بشكل اسبوعي لو يومي اوبنظام الاشتراك

احييك


فكره ممتازه وسهله وبسيطه وغير معقده وغير مكلفه


جزاكم الله خير ،،

[معماري قطري]

صج فكرة الليت سهلة وتطبيقها سهل حتى لو تم أخذ توصيلة من ليتات السور وعمل مفتاح خاص بها .. يفترض يتم عملها نور أزرق للغاز ونور أحمر للصرف الصحي لو بالدناكر ويا مكثر المناطق اللي عندنا صرفهم بدائي

[معماري قطري]

حلول بسيطة لمشاكل مزعجة

مرة علقت شاحنة تحت جسر باحتكاك بسيط .. واجتمعوا حولها الشرطة وناس كثيرين .. ومر طفل قال لهم خففوا هواء التواير بتنزل شوي وممكن تطلعونها بأمان

[بوNasser]

جزاك الله خير
هالفكرة كانت في بالي من سنين
ان شركات توزيع الغاز توزع ملصق او مجسم على شكل اسطوانة غاز(كارتون او بلاستيك) بحجم صغير بحيث يمكن تعليقه على الباب، وعند مرور سيارة الغاز اذا شافو الملصق بيعرفون ان لديك اسطوانات غاز فاضية.
بدل من قرقعة السلندرات أو المرور سكيتي خوفا من الإزعاج.

[jajassim]

جزاك الله خير
هالفكرة كانت في بالي من سنين
ان شركات توزيع الغاز توزع ملصق او مجسم على شكل اسطوانة غاز(كارتون او بلاستيك) بحجم صغير بحيث يمكن تعليقه على الباب، وعند مرور سيارة الغاز اذا شافو الملصق بيعرفون ان لديك اسطوانات غاز فاضية.
بدل من قرقعة السلندرات أو المرور سكيتي خوفا من الإزعاج.

شئ حلوه

حبيت اقول ان شركات توزيع الاسطوانات تعبانه في الخدمه ماعندهم القدره على تطوير
كان المفروض عليهم على كل سائق عنده جوال فيه (جوجل ماب) اى زبون يريد اسطوانة يرسل الليوكش وفك نفسه

[khaldoon]

نغم اخوي بيلغون الشفاف

الطريقة ممكن ايضا للعمارات والشقق يركبون لكل شقة لوحة ارشادية عند البواب او لوحة كبير مقسمة على عدد الشقق

بيلغون الشفاف و بيرجع الوضع على الجرات الحديد للجميع ؟.... ارجو التوضيح يا صديقي العزيز

[Qt.1]

الحل فرن كهربائي ماركه حلوه ومحترمه وريح راسك , الاا خلص الغاز الاا طرش الدريول ,,

[العملة النادرة]

بالضبط نفس الحل الي قبلي وهو موجود عندي في المنزل
فرن كهربائي واصلا الغاز خطر لو العامله نسته مفتوح او شي الكهربائي اامن ..

[شيخ الديرة]

العلامة الحمراء فقط تكفي، واتفق مع سائق سيارة التوزيع على معناها، عسى يبقى وما يغيروه

[الدكتور عزوز]

حل جميل منك أخوي جاسم

لكن نبي حل مع اسطوانات وقود اللي نقعد ندور من دكان لدكان ومن محطة وقود لمحطة وقود

يا كلهم يكون عندهم يا كلهم يكون مخلص عندهم

والواحد يضيع وقته في البحث :anger1:

الحل من شركة وقود تسوي تطبيق للجوال يبين فيه اقرب مكان تتوفر فيه اسطوانات الوقود بالخرايط ويفكونا

أو شركة وقود تجيب سيارات وتدور على الفرجان نفس شركات الاسطوانات الحديد وبنفس اقتراحك تكون لوحة عند الباب

وشركة وقود عندها الامكانيات المادية تطبق الحلول

[معماري قطري]

بالضبط نفس الحل الي قبلي وهو موجود عندي في المنزل
فرن كهربائي واصلا الغاز خطر لو العامله نسته مفتوح او شي الكهربائي اامن ..

كان في بيتنا قانون مشينا عليه سنين طويلة بس ألحين بدينا نتجه للغاز والسبب احتراق اخوي الصغير ووفاته بعمر 3 سنين الله يجعله شفيع لنا يوم القيامة

[jajassim]

الحل فرن كهربائي ماركه حلوه ومحترمه وريح راسك , الاا خلص الغاز الاا طرش الدريول ,,

اذا ما عنده دريول ايش الحل !!

[jajassim]

كان في بيتنا قانون مشينا عليه سنين طويلة بس ألحين بدينا نتجه للغاز والسبب احتراق اخوي الصغير ووفاته بعمر 3 سنين الله يجعله شفيع لنا يوم القيامة



انا لله وانا اليه راجعون الله يرحمه ويسكنه فسيح جناته

[jajassim]

حل جميل منك أخوي جاسم

لكن نبي حل مع اسطوانات وقود اللي نقعد ندور من دكان لدكان ومن محطة وقود لمحطة وقود

يا كلهم يكون عندهم يا كلهم يكون مخلص عندهم

والواحد يضيع وقته في البحث :anger1:

الحل من شركة وقود تسوي تطبيق للجوال يبين فيه اقرب مكان تتوفر فيه اسطوانات الوقود بالخرايط ويفكونا

أو شركة وقود تجيب سيارات وتدور على الفرجان نفس شركات الاسطوانات الحديد وبنفس اقتراحك تكون لوحة عند الباب

وشركة وقود عندها الامكانيات المادية تطبق الحلول


نعم اخوي عندهم امكانية ولكن ماعندهم تخطيط

محطات الوقود اكبر مثال

وجزاك الله خير

[jajassim]

العلامة الحمراء فقط تكفي، واتفق مع سائق سيارة التوزيع على معناها، عسى يبقى وما يغيروه

شكرا على التاييد

[jajassim]

بيلغون الشفاف و بيرجع الوضع على الجرات الحديد للجميع ؟.... ارجو التوضيح يا صديقي العزيز

العصفورة قالت لي ،، :telephone:

[بوخالد911]

شئ حلوه

حبيت اقول ان شركات توزيع الاسطوانات تعبانه في الخدمه ماعندهم القدره على تطوير
كان المفروض عليهم على كل سائق عنده جوال فيه (جوجل ماب) اى زبون يريد اسطوانة يرسل الليوكش وفك نفسه

السايق للحين معتمد ع النوكيا بو ليت !!!!!

[الماريّة]

اللهم يرحم اول كانوا مسندرينا بصوتهم
وهم يضربون المفك في السرندل

[ماجد البدر]

ايجاد حلول لمشاكل أسطوانات الغاز

الكل يعاني من مشاكل اسطوانات الغاز اهما انتهاء اسطوانه غاز فجاة

صمام الاسطوانه الجديد ضعيف معظم الطباخين يشتكون من ضعفه

السيارات المتجولة لبيع الاسطوانات ومتى تقدر تصيدهم

لذا فكرت اضع لوحة ارشادية صغيره عند باب الفيلا بلونين احمر واخضر اذا كان احمر يعني محتاج اسطوانة غاز واذا كان اخضر لا احتاج حتى لا تفوتني السياره

ايش رايكم ؟

ما شاء الله فكره حلوة ولكن تعال فهم اصحاب سيارات الغاز
ثم كيفية التواصل


ثم الا يفترض ان تتطور البلد الى اكبر من ذلك وهو توصيل الخدمة عبر انابيب غاز الى المنازل مثل اغلب الدول الاوربية علما انها بلد مستورد للغاز واذا علمنا ان مناطق كثيره في الاسكندرية في مصر لديها انابيب غاز الى المنازل الموضوع جدا امن حيث كل منزل فيه صمام امان و كل مجمع في منطقة فيه صمام امان مثل ما يوصل الماء و الكهرباء الى المنازل ويتحاسب على العداد

[jajassim]

ما شاء الله فكره حلوة ولكن تعال فهم اصحاب سيارات الغاز
ثم كيفية التواصل


ثم الا يفترض ان تتطور البلد الى اكبر من ذلك وهو توصيل الخدمة عبر انابيب غاز الى المنازل مثل اغلب الدول الاوربية علما انها بلد مستورد للغاز واذا علمنا ان مناطق كثيره في الاسكندرية في مصر لديها انابيب غاز الى المنازل الموضوع جدا امن حيث كل منزل فيه صمام امان و كل مجمع في منطقة فيه صمام امان مثل ما يوصل الماء و الكهرباء الى المنازل ويتحاسب على العداد


هم صرحوا بتمديد الانابيب للمنازل ولكن ؟؟؟


وجزاك الله خير ،،

[معماري قطري]

نعم اخوي عندهم امكانية ولكن ماعندهم تخطيط

محطات الوقود اكبر مثال

وجزاك الله خير

كلام من ذهب التخطيط مأساتنا في كل شيء

[معماري قطري]

ما شاء الله فكره حلوة ولكن تعال فهم اصحاب سيارات الغاز
ثم كيفية التواصل


ثم الا يفترض ان تتطور البلد الى اكبر من ذلك وهو توصيل الخدمة عبر انابيب غاز الى المنازل مثل اغلب الدول الاوربية علما انها بلد مستورد للغاز واذا علمنا ان مناطق كثيره في الاسكندرية في مصر لديها انابيب غاز الى المنازل الموضوع جدا امن حيث كل منزل فيه صمام امان و كل مجمع في منطقة فيه صمام امان مثل ما يوصل الماء و الكهرباء الى المنازل ويتحاسب على العداد

العملية سهلة بس تحتاج شغل جيد وتخطيط وسيارات خاصة تعبي الخزانات المركزية واحتمال تحتاج تبريد

وانا في الطيارة جنبي أجنبي مرينا فوق راس لفان الا يراويني خزانات الغاز ويقول كم تتوقع درجة حرارتها وكم تحتاج ضغط للتكثيف لسوائل .. العملية مكلفة كثير بس مع الاحتياطات والبواخر المخصصة المشروع نجح نجاح مبهر ومتوقع له زيادة النجاح

للمناطق العملية تحتاج تخطيط وتطوير ولازم يتم البدء في المناطق الحديثة

[شيخ الديرة]

هم صرحوا بتمديد الانابيب للمنازل ولكن ؟؟؟


وجزاك الله خير ،،

خلينا عالاسطوانات اكثر امان من البيبات بسبب انعدام معايير السلامة في الكثير من المجالات.

حلول اخرى عديدة متوفرة وخاصة عندما تحسب رخص الايدي العاملة.

ما نحتاجه فعلاً هو خلق جو تنافسي مع وقود، لانهم على وضعهم هذا يقلك اللي ما يعجبه خدماتنا ذاك البحر يشرب منه

[khaldoon]

والله يا اخوي انا اقترح عليك لو تشوف الموضوع و يصير جزء من المواصفات الهندسيه و ينحط الليت الاحمر على باب البيت حاله حال جرس الفيلا و الانتركم و الكاميرا .... و ايضا يكون في جهاز مثل الانتركم يبين الشقق المحتاجه لجرة غاز ....و تصير جزء من ثقافة الشعب

ايضا لو يسوون اشتراك مع الموزع لجرات الغاز بحيث انه يكون ملزم انه يمر على البيوت مره واحده في الاسبوع و يكون ماخذها منطقه كاملة او حي اعتمادا على رقم عداد الكهرباء يعني كل موزع مجبر انه يخدم منطقه حسب عداد الكهرباء ...و نعرف ساعتها بمين نتصل لو صار عنا نقص في جرات الغاز او نبي تبديلها او بتسرب ....
و ايضا لو يسوون دفتر كوبونات مثل شركات توزيع المياه المعدنيه بيكون زين....باختصار يصير توزيع الغاز مثل اسلوب توزيع المياه المعدنيه

كيف هالفكره..... حقوق الملكيه الفكرية محفوظه هههههه

[jajassim]

خلينا عالاسطوانات اكثر امان من البيبات بسبب انعدام معايير السلامة في الكثير من المجالات.

حلول اخرى عديدة متوفرة وخاصة عندما تحسب رخص الايدي العاملة.

ما نحتاجه فعلاً هو خلق جو تنافسي مع وقود، لانهم على وضعهم هذا يقلك اللي ما يعجبه خدماتنا ذاك البحر يشرب منه

اخوي من زمان نشرب من البحر بس جيت على هذا الموضوع

الله يرحم برحمته

تسلم يالغالي على مرورك

[jajassim]

والله يا اخوي انا اقترح عليك لو تشوف الموضوع و يصير جزء من المواصفات الهندسيه و ينحط الليت الاحمر على باب البيت حاله حال جرس الفيلا و الانتركم و الكاميرا .... و ايضا يكون في جهاز مثل الانتركم يبين الشقق المحتاجه لجرة غاز ....و تصير جزء من ثقافة الشعب

ايضا لو يسوون اشتراك مع الموزع لجرات الغاز بحيث انه يكون ملزم انه يمر على البيوت مره واحده في الاسبوع و يكون ماخذها منطقه كاملة او حي اعتمادا على رقم عداد الكهرباء يعني كل موزع مجبر انه يخدم منطقه حسب عداد الكهرباء ...و نعرف ساعتها بمين نتصل لو صار عنا نقص في جرات الغاز او نبي تبديلها او بتسرب ....
و ايضا لو يسوون دفتر كوبونات مثل شركات توزيع المياه المعدنيه بيكون زين....باختصار يصير توزيع الغاز مثل اسلوب توزيع المياه المعدنيه

كيف هالفكره..... حقوق الملكيه الفكرية محفوظه هههههه


والله فكرتك حلوه وعملية

سبق وان راسلت وقود بالايميل بالفكرة وايضا اتصلت عليهم ولكن لا حياة ؟؟؟؟؟؟؟

[jajassim]

http://www.raya.com/news/pages/85112427-2d99-4d19-bf07-f12d2e777f23

[jajassim]

هذه قصتي- ليث حمد يصمم جهازا لقياس ضغط الغاز https://youtu.be/vUGGr6I3PQY via @YouTube

http://assabeel.net/local/item/158395-%D8%A3%D8%B1%D8%AF%D9%86%D9%8A-%D9%8A%D8%AE%D8%AA%D8%B1%D8%B9-%D8%AC%D9%87%D8%A7%D8%B2%D8%A7%D9%8B-%D9%84%D9%82%D9%8A%D8%A7%D8%B3-%D8%A7%D9%84%D8%B6%D8%BA%D8%B7-%D8%A8%D8%A3%D8%B3%D8%B7%D9%88%D8%A7%D9%86%D8%A9-%D8

[الحاقول]

للعلم عند استبدال أسطوانات الغاز الحديديه بأسطوانات الغاز شفاف
سوف تحصلون على خصم 100 ريال قطري مقابل اعادة أسطوانات الغاز الحديديه
وبعد تاريخ 20 اكتوبر لن يتم الاستفاده من هذا العرض وكذلك من أسطوانات الغاز الحديديه
ولن يتم اعادة تعبئة أسطوانات الغاز الحديديه مره ثانيه
حاليا في وقود أسطوانات الغاز الشفاف بسعر 365 ريال وبعد خصم سعر الأسطوانات الغاز الحديديه
يكون السعر 265 ريال وبعد تاريخ 20 اكتوبر لن يكون هناك خصم ولن تقبل الأسطوانات الغاز الحديديه

[سعود.]

يازين افران الكهرباء . ومايضر سلندر غاز احياط لبعض الطبخات

[aloosh]

ما سويت شي جاسم
اغلب الناس متفقين معا السيارات الغاز
قل ليش ما يحطونه بسعر معقول ويكون مثل باقي الدول موزعة في انبوب

[شيخ الديرة]

تطبيق جديد توه نازل بالسعودية

http://gasdelivery.net/img/6.png

[ضوى]

كنت بأنزل موضوع منفصل بس بما انه موضوع جاسم بنفس المضمون فراح اطرحه هنا

صار لي كم يوم سلندر الغاز مخلص حاس الدريول بمحلات الغاز ماحصل وكله يقولون له خلاص ممنوع بدلها بوقود وقالوا له اذا عندك سلندرات غاز تبدلها بسلندر وقود ب250 واذا ماعندك تشتري العبوة ب 350 ؟


هل صحيح كنسلوا السلندرات القديمة نهائياً ؟؟

وهل هالسعر معقول ؟؟

[شيخ الديرة]

كنت بأنزل موضوع منفصل بس بما انه موضوع جاسم بنفس المضمون فراح اطرحه هنا

صار لي كم يوم سلندر الغاز مخلص حاس الدريول بمحلات الغاز ماحصل وكله يقولون له خلاص ممنوع بدلها بوقود وقالوا له اذا عندك سلندرات غاز تبدلها بسلندر وقود ب250 واذا ماعندك تشتري العبوة ب 350 ؟


هل صحيح كنسلوا السلندرات القديمة نهائياً ؟؟

وهل هالسعر معقول ؟؟

اليوم اول مرة أشوف سيارة توزيع الغاز محملة القناني الجديدة

[ضوى]

اليوم اول مرة أشوف سيارة توزيع الغاز محملة القناني الجديدة


يعني الكلام صحيح ؟

طيب اشلون نتأكد ؟

[شيخ الديرة]

يعني الكلام صحيح ؟

طيب اشلون نتأكد ؟

ليش متمسكة بالقنينة المعدنية ؟

بدليها بالجديدة ولا داعي لوجع الراس

[ضوى]

ليش متمسكة بالقنينة المعدنية ؟

بدليها بالجديدة ولا داعي لوجع الراس

لاني سمعت انها تخلص بسرعة يعني مكلفة اقتصاديا

[حمد بن سعد]

عن نفسي شاري خمس اسطوانات وفاك عمري

[ضوى]

عن نفسي شاري خمس اسطوانات وفاك عمري

القديمة والا الجديدة ؟

[حمد بن سعد]

القديمة والا الجديدة ؟


الجديده طبعا

[khaldoon]

كلمت وقود امس و سألتهم ناويين تلغوا اسطوانات الحديد قالوا لا مب ناويين نلغيها بس الطلب عليها قل جدا و في طريقها للانقراض فغيرها احسن لك و في عرض الحين انه اسطوانة الغاز الكبيره اللي هي نفس حجم الاسطوانة الحديد و اللي سعرها يمكن 365 بيكون 265 فقط مع استبدال اسطوانة الغاز الحديد و هالعرض لاخر السنه بس

اما اسطوانة الغاز الصغيره يمكن 6 لتر بسعر 285

[khaldoon]

انا شوفت فيديو يبين انه الاسطوانة الشفاف تهرب غاز و كلمت الموظفة في وقود اقولها انها تهرب غاز تقولي تهيؤات و اشاعات و فيديوهات كاذبه منتشره ههههههههه

[ضوى]

يعني تنصحني اغير خلدون ؟ طيب اصلا مب محصلة القديمة انا يعني مجبر اخاك لا بطل

[شيخ الديرة]

انا شوفت فيديو يبين انه الاسطوانة الشفاف تهرب غاز و كلمت الموظفة في وقود اقولها انها تهرب غاز تقولي تهيؤات و اشاعات و فيديوهات كاذبه منتشره ههههههههه

هذي الاسطوانات مصنوعة من مواد الالياف الزجاجية وهي قوية جداً

للعلم ، هذه الاسطوانات اصبحت البديل للحديد في دول متقدمة عديدة، ولا يمكن ان يتم ذلك بدون مواصفات واختبارات جودة

[حمد بن سعد]

انا شوفت فيديو يبين انه الاسطوانة الشفاف تهرب غاز و كلمت الموظفة في وقود اقولها انها تهرب غاز تقولي تهيؤات و اشاعات و فيديوهات كاذبه منتشره ههههههههه


لا اخوي تهرب من الصمام اذا ركبت الساعه وتم تسرب لين تخلص تسريب بسيط

[jajassim]

يعني تنصحني اغير خلدون ؟ طيب اصلا مب محصلة القديمة انا يعني مجبر اخاك لا بطل

ما في داعي تسئلين خلدون ، :telephone:

توكلي على الله خذي الشفاف ، :nice:

[ضوى]

ما في داعي تسئلين خلدون ، :telephone:

توكلي على الله خذي الشفاف ، :nice:


شورك وهداية الله

بكم عقب تغيرها ، بعشر زي سلنرات الغاز القديمة والا لها سعر ثاني ؟

[qatari911]

شورك وهداية الله

بكم عقب تغيرها ، بعشر زي سلنرات الغاز القديمة والا لها سعر ثاني ؟

هذا رد خلدون عن السعر


كلمت وقود امس و سألتهم ناويين تلغوا اسطوانات الحديد قالوا لا مب ناويين نلغيها بس الطلب عليها قل جدا و في طريقها للانقراض فغيرها احسن لك و في عرض الحين انه اسطوانة الغاز الكبيره اللي هي نفس حجم الاسطوانة الحديد و اللي سعرها يمكن 365 بيكون 265 فقط مع استبدال اسطوانة الغاز الحديد و هالعرض لاخر السنه بس

اما اسطوانة الغاز الصغيره يمكن 6 لتر بسعر 285

يعني بدل ماتدفعين 365 بتدفعين 265 بيكون فيه خصم هالفتره 100 ريال
مادري شماخذين الله يديم الرخص يوم كانت حديد

[jajassim]

شورك وهداية الله

بكم عقب تغيرها ، بعشر زي سلنرات الغاز القديمة والا لها سعر ثاني ؟

15 ريال نفس سلندرات الغاز القديمة ،،

[jajassim]

يعني تنصحني اغير خلدون ؟ طيب اصلا مب محصلة القديمة انا يعني مجبر اخاك لا بطل

ما في داعي تسئلين خلدون ، :telephone:

توكلي على الله خذي الشفاف ، :nice:

[ضوى]

جزاكم الله خير ماقصرتوا

[حمد بن سعد]

اهم شي يكون السلندر برع المطبخ

[jajassim]

هذه قصتي- ليث حمد يصمم جهازا لقياس ضغط الغاز https://youtu.be/vUGGr6I3PQY via @YouTube

http://assabeel.net/local/item/158395-%D8%A3%D8%B1%D8%AF%D9%86%D9%8A-%D9%8A%D8%AE%D8%AA%D8%B1%D8%B9-%D8%AC%D9%87%D8%A7%D8%B2%D8%A7%D9%8B-%D9%84%D9%82%D9%8A%D8%A7%D8%B3-%D8%A7%D9%84%D8%B6%D8%BA%D8%B7-%D8%A8%D8%A3%D8%B3%D8%B7%D9%88%D8%A7%D9%86%D8%A9-%D8


استطاع المهندس الأردني ليث حمد من جامعة العلوم والتكنولوجيا تصميم جهاز لقياس نسبة الغاز في أسطوانات المنازل، ويعمل التصميم وفق نظام ذكي مربوط بالشبكة العنكبوتية. وقد نال عدة جوائز عربيةـ من بينها جائزة الأليسكو الصادرة من اليونسكو

[jajassim]

تطبيق جديد توه نازل بالسعودية

http://gasdelivery.net/img/6.png

شئ حلو شكرا لك ،،

[jajassim]

ما سويت شي جاسم
اغلب الناس متفقين معا السيارات الغاز
قل ليش ما يحطونه بسعر معقول ويكون مثل باقي الدول موزعة في انبوب


وليش زعلان ،،

زياده الخير خيرين :nice:

[qatari911]

15 ريال نفس سلندرات الغاز القديمة ،،

طيب اذا 15 ريال ليه يقولون ادفع 365 وبنخصم لك 100 وبتدفع 265؟؟؟

[jajassim]

طيب اذا 15 ريال ليه يقولون ادفع 365 وبنخصم لك 100 وبتدفع 265؟؟؟

اخوي استبدال الحديدي بالشفاف مثل ماقلت 365 وخصم 100 ليصبح 265

الى اقصده بعد ما ينتهي الغاز تستبدله بالمليان ب 15 ريال

[qatari911]

اخوي استبدال الحديدي بالشفاف مثل ماقلت 365 وخصم 100 ليصبح 265

الى اقصده بعد ما ينتهي الغاز تستبدله بالمليان ب 15 ريال

ليش ادفع 265 وانا معطيهم سلندر الغاز الي عندي القديم
المفروض ادفع 265 لما اجي واخذ من عندهم من غير ما ارجع القديم لهم

[ضوى]

ليش ادفع 265 وانا معطيهم سلندر الغاز الي عندي القديم
المفروض ادفع 265 لما اجي واخذ من عندهم من غير ما ارجع القديم لهم

كلامك صح ، حرام يعطوني اياه بهالسعر

[jajassim]

ليش ادفع 265 وانا معطيهم سلندر الغاز الي عندي القديم
المفروض ادفع 265 لما اجي واخذ من عندهم من غير ما ارجع القديم لهم

احتكار اخوي ، وتكرموا علينا ب 100 ريال ،، نعمة ، احسن من لا شئ ،، ،،

ومن وين خذت سلندر الغاز القديم ؟

[khaldoon]

يعني تنصحني اغير خلدون ؟ طيب اصلا مب محصلة القديمة انا يعني مجبر اخاك لا بطل

مثل ما قال اخونا الغالي جاسم. لا تغيرين. و انا راح اجيب الاسطوانه الشفاف ان شاء الله

[qatari911]

احتكار اخوي ، وتكرموا علينا ب 100 ريال ،، نعمة ، احسن من لا شئ ،، ،،

ومن وين خذت سلندر الغاز القديم ؟
خلها تصدي عندهم

اخذه من راعي الغاز دايم يمر من عند بيتنا فاخذ منه 3 احتياط لاني مازلت على القديم وما اعتقد بغير الا اذا انقرضت من السوق مره وحده

[khaldoon]

هذي الاسطوانات مصنوعة من مواد الالياف الزجاجية وهي قوية جداً

للعلم ، هذه الاسطوانات اصبحت البديل للحديد في دول متقدمة عديدة، ولا يمكن ان يتم ذلك بدون مواصفات واختبارات جودة

هو التسريب من الصمام. لهالسبب اختنا ضوى تقولك تخلص بسرعه

شباب التجربه خير برهان بدل ما نقعد تقول سمعنا و ما اعرف شنو. احنا لو شكينا انه في تسريب او شمينا ريحة غاز. نجرب الولاعه لانه الصابون و الرغوه مب دقيق

[jajassim]

خلها تصدي عندهم

اخذه من راعي الغاز دايم يمر من عند بيتنا فاخذ منه 3 احتياط لاني مازلت على القديم وما اعتقد بغير الا اذا انقرضت من السوق مره وحده

والله اخوي غير بالشفاف واستفيد من 100 ريال قبل ماينتهي العرض ،

افضل من ان تخلي الحديدي في المنزل و اتفك منهم ،

[khaldoon]

خلها تصدي عندهم

اخذه من راعي الغاز دايم يمر من عند بيتنا فاخذ منه 3 احتياط لاني مازلت على القديم وما اعتقد بغير الا اذا انقرضت من السوق مره وحده

انصحك بدلها لانهم ناويين يقضوا على الاسطوانه الحديد.

دايما لما يبون ينجحون مشروع او تجربه بينجحونه غصب.

[jajassim]

هو التسريب من الصمام. لهالسبب اختنا ضوى تقولك تخلص بسرعه

شباب التجربه خير برهان بدل ما نقعد تقول سمعنا و ما اعرف شنو. احنا لو شكينا انه في تسريب او شمينا ريحة غاز. نجرب الولاعه لانه الصابون و الرغوه مب دقيق



بااااااال تجرب بالولاعة ،، :omg:

[ضوى]

هو التسريب من الصمام. لهالسبب اختنا ضوى تقولك تخلص بسرعه

شباب التجربه خير برهان بدل ما نقعد تقول سمعنا و ما اعرف شنو. احنا لو شكينا انه في تسريب او شمينا ريحة غاز. نجرب الولاعه لانه الصابون و الرغوه مب دقيق


اخبر امي وابوي رحمة الله عليهم كانوا يسوون هالحركة بسلندرات الغاز لكشف التسريب طيب لو لا قدر الله انفجرت العبوة ؟ يعني هل هالشي آمن ؟

[ضوى]

خلها تصدي عندهم

اخذه من راعي الغاز دايم يمر من عند بيتنا فاخذ منه 3 احتياط لاني مازلت على القديم وما اعتقد بغير الا اذا انقرضت من السوق مره وحده


في اي منطقة انت ، تكرم علينا بكم سلندر :weeping:

[qatari911]

انصحك بدلها لانهم ناويين يقضوا على الاسطوانه الحديد.

دايما لما يبون ينجحون مشروع او تجربه بينجحونه غصب.

ببدلها بس بجلس لاخر رمق على القديم لانه اقتصادي
واذا انقرض حولت على الجديد يعني الحق على العرض الله والعرض خصم 100 ريال لو 200 كان فكرت بس نفس السعر يقصون علينا بالخصم 100 ريال خدعه تسويقيه

[qatari911]

في اي منطقة انت ، تكرم علينا بكم سلندر :weeping:

معيذر الشمالي صوب دوار سوبرماركت السعوديه وابل بيز

بحاول اخذ رقمه وبرسله لك

[ضوى]

ببدلها بس بجلس لاخر رمق على القديم لانه اقتصادي
واذا انقرض حولت على الجديد يعني الحق على العرض الله والعرض خصم 100 ريال لو 200 كان فكرت بس نفس السعر يقصون علينا بالخصم 100 ريال خدعه تسويقيه

أنا بعد بابدلها حاليا عندي خمس ، بابدل ثنتين وباخليني عالقديم لين الله يكتب التغير الكامل

[بصمة قطرية]

من أسبوع عانيت و انا أدور محل يغير لي إسطوانة الغاز ..
لفيت أم صلال والخريطيات
يأست رحت سوبرماركت بدلت الإسطوانة الحديد القديمة
بالجديدة و خصم 100 ريال من سعر الجديدة ..
و أفكر أغير الإسطوانات القديمة كلها عشان ما أعاني
كل مرة من سكننا ما شفنا سيارة الغاز ..

عموماً الفكرة ممتازة و ياليت يطبقونها ..

[نفسي عزيزه]

لاخر رمق مع القديم وعقب بابدل

[jajassim]

من أسبوع عانيت و انا أدور محل يغير لي إسطوانة الغاز ..
لفيت أم صلال والخريطيات
يأست رحت سوبرماركت بدلت الإسطوانة الحديد القديمة
بالجديدة و خصم 100 ريال من سعر الجديدة ..
و أفكر أغير الإسطوانات القديمة كلها عشان ما أعاني
كل مرة من سكننا ما شفنا سيارة الغاز ..

عموماً الفكرة ممتازة و ياليت يطبقونها ..


تسلمين يالغاليه ،،

[نفسي عزيزه]

🎺 *اعلان لأهل قطر*🎺
اللي عنده سلندرات غاز حديد آخر موعد لاستبدالها يوم 12/31 بغاز شفاف، ويتم استبدالها في محطات الوقود واماكن توزيع الغاز ويتم دفع الفرق لان الغاز الشفاف 365 ريال ويتم دفع 265 ريال للغاز الشفاف الجديد وخصم فقط 100 ريال قيمه الغاز الحديد، ولن يتم الاستفادة من الغاز الحديدي بعد ذلك التاريخ ولن يتم اعادة تعبئته

للاستفسار : 40217777


انا اتصلت بوقود وتم تأكيد هذا الشيء

[نفسي عزيزه]

منقول من الواتس اب والله اعلم

[شيخ الديرة]

هو التسريب من الصمام. لهالسبب اختنا ضوى تقولك تخلص بسرعه

شباب التجربه خير برهان بدل ما نقعد تقول سمعنا و ما اعرف شنو. احنا لو شكينا انه في تسريب او شمينا ريحة غاز. نجرب الولاعه لانه الصابون و الرغوه مب دقيق

وماهو المطلوب اثباته من التجربة ؟


https://youtu.be/JaMzmOJbkeQ

[شيخ الديرة]

وهذا أختبار للقنينة تحت الحرارة العالية وأختبارات أخرى للسلطات في السعودية, قبل 3 سنين


https://youtu.be/q2ey0PigGH4