بخصوص الشوارع الجديدة الي قاعدين يصلحونها !!!!!!!!!!!!!!!!!!

[قطري2022]

اكثر من شارع اشوفه يتصلح وتوهم جداد بلمعتهم ، ممكن احد يشرح لنا اسباب التصليح ؟ مثلا في الصناعية ، الجسور جديدة الي من دوار الصناعية لحد دوار محطة بترول الوطن ، الجسور جديدة بقراطيسها ؟ شنهي اسباب تصليحها ؟ ياترى نسو بعض الاجراءات ؟ المفروض شركة تبني شوارع لازم تكون ذات خبرة قوية ، هل الشركات الي بنو كانو خبرة ؟ ترى انزعجنا من الزحمة بسبب اخطاء المقاولين وصيانة الشوارع ، ودي اعرف الاسباب .

[غريب الدّار]

اكثر من شارع اشوفه يتصلح وتوهم جداد بلمعتهم ، ممكن احد يشرح لنا اسباب التصليح ؟ مثلا في الصناعية ، الجسور جديدة الي من دوار الصناعية لحد دوار محطة بترول الوطن ، الجسور جديدة بقراطيسها ؟ شنهي اسباب تصليحها ؟ ياترى نسو بعض الاجراءات ؟ المفروض شركة تبني شوارع لازم تكون ذات خبرة قوية ، هل الشركات الي بنو كانو خبرة ؟ ترى انزعجنا من الزحمة بسبب اخطاء المقاولين وصيانة الشوارع ، ودي اعرف الاسباب .
هاذي الملاحظة اللي تقهر فعلا اخوي قطري

مادري هل هو سوء تخطيط !! هل الجماعة شافوا عندهم ميزانية قالوا يالله الفلوس موجودة وكل يوم تصميم ؟

هل هو خلل في استشراف المستقبل؟ (مع العلم ان كل شي واضح ومايبي له استشراف بصراحة !! )

والله مادري


بس الواضح ان الجماعة (ماادري من بالضبط على فكرة يعني ) كل ماطقت في روسهم فكرة قالوا يالله ننفذها


للعلم تقريبا 100% من شوارع الدوحة جديدة ، يعني في آخر يمكن 6 او سبع سنوات ، كانت تقريبا كل شوارع الدوحة تجددت

عاد الحين كل شهر شهرين يشتغلون على نفس الشوارع اللي تم تجديدها !! وبعض الشوارع في آخر ست سنين يمكن اشتغلوا عليها 3 مرات !!!!

مااعندي أي فكرة بصراحة

[شيخ الديرة]

المواصفات لا تطابق المواصفات

[طبيب قطري]

ناس فاضيه ماوراهم الا يكسروا بالشارع ويردوا يصلحوه

[Rider]

هذا شعارنا في البلد خلص وحفر

[monatee]

فسااد

لو في حد يحاسبهم على كل ريال وين انحطت وبشنو انصرفت

كان ماشفنا الاخطاء هاذي

[فنجان قهوة]

هذه الشيء الملاحظ والمستغرب ... شوارع جديده يعاد صيانتها ...و شوارع قديمة متهالكة باقيه كما كانت... مللنا من هالزحمة متى نرتاح ...كيف يكون عندهم امل في 2022 وهذا هو الواقع.من المستفيد من هالفوضى وهدر المال العام؟!

[aloosh]

الفساد والرشوه

[aloosh]

وكل شركات اللي ترقع اسال لمن وتعرف سبب

[بعيد النظر]

ما يرتاحون الا اذا رقعو الشارع ..
عيل بذمتك لفة 500 متر .. صوب إشارات العسيري ..
صارلها شهررررررررر !!

[فنجان قهوة]

وكل شركات اللي ترقع اسال لمن وتعرف سبب

__________________________________________________ _________________
حطب جهنم ...هل امتلئت؟ هل من مزيد؟ ...انانية وجشع

[مختلف جداََ]

الحين بذمتكم لو كل شارع سووه بمواصفات صح و خلطات صح و تخطيط حق 40 سنه قدام


تدرون شبيصير
بتخلص كل مشاريع الطرق و الشركات بتعلن افلاسها و بتسكر

ما يبيلها فكاكه
هههههههه

[معماري قطري]

في انشاء الطرق لازم وقت التنفيذ يكون مهندس مشرف مقيم من أشغال .. يعني ما يشتغلون بدون وجوده .. والمهندس يشوف الفحوصات قبل التنفيذ وأبسطها حرارة القار وشهادة معمل القار وفحوصات ثانية بسيطة ممكن من خلال معمل متنقل يشوفونها .. بعدين متابعة طبقات الدفان ولو فيه تقوية للدفان بخرسانة أو حبال بلاستيكية خاصة

يفترض التصميم يكون متواصل وفحص التربة وعلى أساسها ينفذون تصميم متفق عليه .. بعدين حساب التكلفة يجي بعد تقدير الكميات المنفذة ومواصفات تنفيذها وما يكون ما يسمى لآمب سآم لأن ظروف كل جزء من الطريق تختلف ويغفلها التصميم وأحياناً وقت الحفر يتم اكتشاف فجوة أو تربة ضعيفة وهذي يطلب الاستشاري المشرف والمصمم في نفس الوقت حلول موضوعة مسبقاً لها ومسعرة من قبل المقاول كتسعير وحدة مساحية وكمية ومن ثم تحسب الكمية المنفذة ويطلع المبلغ النهائي

تقريباً كل العالم يسوي جذيه بس عندنا لا شغل صعب وتصميم يغفل أُمور كثيرة وإشراف لكم عليه وبعدين يكتشفون إنه غير مطابق ويطبطبون على المقاول وتعال يالشيخ شيل اللي سويته وسوه مرة ثانية والمقاول يحصل ثغرات في صالحه ويطالب بمبالغ اضافية

[شيخ الديرة]

بدون وجع الراس، اطلب ضمان لمدة سنتين، واحتفظ بنسبة من الكلفة، استخدمها عند الحاجة

[معماري قطري]

في السابق كل شوارع قطر سوتها شركة انجليزية أقصد القديمة وهم اللي مكتشفين الأسفلت حق نقل الخمور من اسكتلندا لين لندن على عربات قبل وبداية ظهور السيارات اللي كانت تناقز وتكسر ظهر سايقها وتكسر براميل الخمور .. الشركة خذ وكالتها أحد الأشخاص وبعد ما أنهت شغلها خلال فترة قصيرة وبآليات قديمة كانت نسبة الأرباح اللي للكفيل واصلة 7 ملايين ريال وأنشأ شركة مقاولات كانت هي الأقوى ذاك الوقت

اللي يهم إن الشوارع خدمت فترة طويلة جداً وكانت لقطر كلها مب قطعة قطعة استوت شوارعنا كأنها قطع كافي نادر الوجود

[معماري قطري]

بدون وجع الراس، اطلب ضمان لمدة سنتين، واحتفظ بنسبة من الكلفة، استخدمها عند الحاجة

بيعطون ضمان وبيزيدون في السعر عادي وأصلاً فيه ضمان

[معماري قطري]

حفريات صوب نادي السد وصوب شارع المرقاب في النصر وكم مكان في قطر وشكلهم مطولين والعجيب إن الحفريات تخرب الشوارع ويعيدون رصفها ويعيدون الحفر مرة ثانية

[qtr qtr]

الجسر اللي تكلم عنه القاار مايتحمل حق التريلات والاوزان الثقيله مريت فيه بعد ما افتحوه 3 شهور استوى القار نفس الحفر والتعرجات .

[قطري2022]

الجسر اللي تكلم عنه القاار مايتحمل حق التريلات والاوزان الثقيله مريت فيه بعد ما افتحوه 3 شهور استوى القار نفس الحفر والتعرجات .
عاد شارع في الصناعية ومايتحمل التريلات ؟ والله عيب واهانة لعقليلة الي خططو الشوارع ، اتمنى حكومتنا الرشيذة توضع حد لمشكلة الشوارع ، تعبنا والله تعبنا ارحمونا من وجع زحمة الشوارع ، الله ياخذ حقنا من تسبب في هالحفريات والاخطاء

[قطري2022]

اشكركك اخواني على مؤزارتكم وحبكم للوطن ، انشالله اصواتنا توصل لاعلى مسؤول ويعوره قلبه على مرتادي الطرق وعلى اموال الدولة الي تهدر على عديمين خبرة وغشاشين

[aloosh]

يا ربع انا شتغلت في الكساره للحصى واللي يتم به رصف الشوارع هذا الكلام سنه 1982

كنت شغال في المختبر للفحص على جوده الحصاء وكانت النتيجه بكل مره ان نوعيه الحصى يتفتفت بعد نقعه في الماء لمده 24 ساعه

وهذا اكبر دلليل لما يجي المطر ينزل الاسفلت ويخترب ما الماء هذا سنه 82 والحين اسوى من هذيك سنه

من غير الفساد الذي لم يجد احد يوقفه والرشاوي
والشركات الغير كفؤ التي تسلم لها اعمار الطرق

من اللي لحق على خط سلوى القديم علشان تعرفون ان قبل فيه ذمه ولا فيه فساد

الخط الذي من 50 سنه ما زال موجود في طرف العريق ولم يتغير

[معماري قطري]

يا ربع انا شتغلت في الكساره للحصى واللي يتم به رصف الشوارع هذا الكلام سنه 1982

كنت شغال في المختبر للفحص على جوده الحصاء وكانت النتيجه بكل مره ان نوعيه الحصى يتفتفت بعد نقعه في الماء لمده 24 ساعه

وهذا اكبر دلليل لما يجي المطر ينزل الاسفلت ويخترب ما الماء هذا سنه 82 والحين اسوى من هذيك سنه

من غير الفساد الذي لم يجد احد يوقفه والرشاوي
والشركات الغير كفؤ التي تسلم لها اعمار الطرق

من اللي لحق على خط سلوى القديم علشان تعرفون ان قبل فيه ذمه ولا فيه فساد

الخط الذي من 50 سنه ما زال موجود في طرف العريق ولم يتغير

قبل الله يسلمك الخطوط هذي بالشيول يدفنون من جوانبها ويرفعونها عن الأرض ويسوون سلوب لتصريف الماء فما يدخل تحتها ويخرب الدفان .. المكان اللي نازل جنبي الطريق يحطون بيب تحت لحركة الماء من الصوبين بدون ما يجتاح الشارع والدفان معاه مع تدعيم الدفان حسب الحاجة

شوف الطريق من تقاطع العزيزية ( الجزيرة ) لتقاطع استاد خليفة هذا مبني سريع وبنفس الطريقة من السبعينات ولا صار فيه شيء وطريق الفروسية كم مرة غيروه لأنه محفور ومدكوك والماي يتسرب تحته بسبب ارتفاع الأرض حوله

استخدموا القابرو في الدفان وكان غالي كثير شكثر بيحفرون وشكثر بيدفنون .. إنه الغباء داءٌ ليس له دواء .. شفنا طرق في دول كثيرة تنزل وترتفع مع طبيعة الأرض لا حفروا ولا شيء بالعكس دفان حسب الحاجة والأهم الحماية من الماء

صج اللايم ستون يتكسر بنقعه في الماء ويتشرب الماي بسرعة .. القابرو يصلح حق خلطة الأسفلت بس لو يستخدمون ناعم وأسفلت جيد مخلوط مع شوية مواد اسمنتية كان بيحصلون شوارع تدوم طول العمر بس ما يغفلون حماية الدفان تحت وهناك مواد حديثة تعطي عزل للدفان من الجوانب ومن الأسفل وحتى الشارع يصرف الماء بعيد

[بوخالد911]

العيب في ضعف الاستشاري.

[معماري قطري]

العيب في ضعف الاستشاري.

الاستشاري الضعيف من يعينه ومن يتابعه ومن يدقق عليه؟

[Riku3]

شارع الثمامة ما كمل 3 سنين كسروه بالكامل وصارلهم اكثر من سنة يشتغلون عليه !!! .. وبعد كم سنة بينشال علشان يسوون جسر او نفق ..

والمضحك ان حتى الانارة مع انها كانت جديدة .. كاسرينها وخاشينها وقاطينها خلف جبل الرمل جنب الطريق .... كم مره وقفت بسيارتي اشوف الليتات المكسره واتحسر !!! .

تصدق من كم شهر نزل مطر وتجمع الماي في بعض اماكن الشارع الجديد .... نفس اليوم حصلتهم يفتحون فتحات تصريف مياه في اماكن الانخفاضات !!! .. هل هذا حل ؟. شارع جديد وفتحات التصريف جنب بعض ومع هذا في انخفاضات بينهم وعلشان يرقعون سواد وجهم يفتحون فتحة تصريف مكان الانخفاض !! .

[قطري2022]

شارع الثمامة ما كمل 3 سنين كسروه بالكامل وصارلهم اكثر من سنة يشتغلون عليه !!! .. وبعد كم سنة بينشال علشان يسوون جسر او نفق ..

والمضحك ان حتى الانارة مع انها كانت جديدة .. كاسرينها وخاشينها وقاطينها خلف جبل الرمل جنب الطريق .... كم مره وقفت بسيارتي اشوف الليتات المكسره واتحسر !!! .

تصدق من كم شهر نزل مطر وتجمع الماي في بعض اماكن الشارع الجديد .... نفس اليوم حصلتهم يفتحون فتحات تصريف مياه في اماكن الانخفاضات !!! .. هل هذا حل ؟. شارع جديد وفتحات التصريف جنب بعض ومع هذا في انخفاضات بينهم وعلشان يرقعون سواد وجهم يفتحون فتحة تصريف مكان الانخفاض !! .

حسافة على فلوس البلد الي راحت ع الفاضي . شي يعور القلب