ذهبت إلى العرس فوجدت أمور قمت أفكر بها ..

[حمد 2002]

السلام عليكم

في إحدى الليالي وكانت تقريبا الساعه السادسه والنصف مساءا إنطلقت بسيارتي إلى إحدى الاعراس الرجاليه حيث تم دعوتي عن (طريق بطاقة غالية وسعرها تقريبا 30 أو 40 ريال ) ، وعندما وصلت سلمت على المعرس وابوه وكان خلفهم باقة ورد (حول 10 آلاف ريال قيمتها ) ، وثم جلست على الكراسي وشاهدت( إحدى الفرق الشعبيه للعرضه التي قيمتها فوق 12 الف ريال ) ، ورأيت امامي صحن( معمول تمر محطوط على جميع طاولات الحفل حول 30 طاوله وكمن سله فواكه ) ، وشاهدتهم أيضا ( يوزعون الحلوى العمانيه بالإضافة إلى العصائر الطازجة! ! ) ، ومن ثم (ذهبنا للأكل فوجدت حوالي فوق 40 صحن ذبايح ونصها محد جالس عندها ) .. طبعا هناك أشياء ماذركتها كانت موجوده كالقهوه والجاي والبخور .. ولقد رأيت المعرس (يركب روز رأي اجار بمبلغ وقدره )

ملاحظه الأشياء الي بين قوسين() انا معترض عليها وضدها ..


شكرا ..

[ضوى]

ماشاء الله عليك فصصت العرس وتكاليفه ، الله يهنيهم ويسعدهم ان شاء الله

[سعود.]

حلو الواحد انة يتجمل في عرسه للضيوف بس بدون ( هياط )

ولازم ينسق مع ( حفظ النعمة ) على اساس يأخذون الفائض من العشا .

اتوقع عرس الحريم هو الي يكون في مبالغه اكثر من الرجال .

[سالم الزهران]

من أسباب قلة البركة

[JN000N]

السلام عليكم

في إحدى الليالي وكانت تقريبا الساعه السادسه والنصف مساءا إنطلقت بسيارتي إلى إحدى الاعراس الرجاليه حيث تم دعوتي عن (طريق بطاقة غالية وسعرها تقريبا 30 أو 40 ريال ) ، وعندما وصلت سلمت على المعرس وابوه وكان خلفهم باقة ورد (حول 10 آلاف ريال قيمتها ) ، وثم جلست على الكراسي وشاهدت( إحدى الفرق الشعبيه للعرضه التي قيمتها فوق 12 الف ريال ) ، ورأيت امامي صحن( معمول تمر محطوط على جميع طاولات الحفل حول 30 طاوله وكمن سله فواكه ) ، وشاهدتهم أيضا ( يوزعون الحلوى العمانيه بالإضافة إلى العصائر الطازجة! ! ) ، ومن ثم (ذهبنا للأكل فوجدت حوالي فوق 40 صحن ذبايح ونصها محد جالس عندها ) .. طبعا هناك أشياء ماذركتها كانت موجوده كالقهوه والجاي والبخور .. ولقد رأيت المعرس (يركب روز رأي اجار بمبلغ وقدره )

ملاحظه الأشياء الي بين قوسين() انا معترض عليها وضدها ..


شكرا ..

عيل عرسك وين سويته في عزبه؟
وشضيفت الناس بيض وطماط

[JN000N]

حلو الواحد انة يتجمل في عرسه للضيوف بس بدون ( هياط )

ولازم ينسق مع ( حفظ النعمة ) على اساس يأخذون الفائض من العشا .

اتوقع عرس الحريم هو الي يكون في مبالغه اكثر من الرجال .

مبالغه في الزينه في بعض الحالات مش كلها
اما ف الاكل لا خاصه وان الحين يسوون خدمة العشا عالطاولات وكل وحده وصحنها وبالعدد المحدود يعني صار في اعراس ناس مالهم صحون خخخ

[لـبـيـه]

تدري لو الامور هذي مش موجوده كان نزلت نفس الموضوع لاكن كنت بتنتقد العرس وبان المعرس بخيل وانه ماعنده سنع ولا يعرف يضيف

المعازيم وربعه بلمعقول وليس بلمبالغه

[بانغ بانغ]

ليلة العمر يبا .... شو بلاك انته

والا ناوي عالثانية .......

[شبح الصمت]

الله يهني كل معرس

وشيء طيب انك تبيض الوجه قدام العرب لكن بالمعقول ..

عندك عدد بطايق معينه يعني عارف المعازيم كم وزيد عليهم 20 او 30 شخص كعدد اضافي ..

وزيد عدد الصحون

بس اني ازيد ومحد ياكل وبالغ فالعرس مشكلة ..


واكثر العرب ماشيه على مقولة

يزيد والا ينقص

:nice:

وباقات الورد ترى تعطي منظر حلووو واسم عائلتك عليه ..

واذا الورد ما ينقط احلى شيء تاخذه وتحطه في ظهر الميلس

بس طبيعي ما راح يعمر بو يوم او اسبوع ويروح عليك ..


والحلوه العمانية اااخ عالجرح يا زينها تسرسح على فالبلعووم
ودي يثبتونها قدامي ..

وترى القهوه والفاله والحلا والحلووه ما تجيب الـ 5 آلاف ريال ترى ان كثرت

[شبح الصمت]

عيل عرسك وين سويته في عزبه؟
وشضيفت الناس بيض وطماط



مفيووح والا شكشوكه !!

في فرق اذا مفيووح بيعور بطوونهم وريحه
هههههاي

واذا شكوشكه احلى واحلى

[JN000N]

مفيووح والا شكشوكه !!

في فرق اذا مفيووح بيعور بطوونهم وريحه
هههههاي

واذا شكوشكه احلى واحلى

عيل صدقني حمد سوى مفيوح
ماظنتي يطلع وراه شي عدل ههههههه

[<اضرب واشرد>]

السلام عليكم
في إحدى الليالي وكانت تقريبا الساعه السادسه والنصف مساءا إنطلقت بسيارتي إلى إحدى الاعراس الرجاليه حيث تم دعوتي عن (طريق بطاقة غالية وسعرها تقريبا 30 أو 40 ريال ) ، وعندما وصلت سلمت على المعرس وابوه وكان خلفهم باقة ورد (حول 10 آلاف ريال قيمتها ) ، وثم جلست على الكراسي وشاهدت( إحدى الفرق الشعبيه للعرضه التي قيمتها فوق 12 الف ريال ) ، ورأيت امامي صحن( معمول تمر محطوط على جميع طاولات الحفل حول 30 طاوله وكمن سله فواكه ) ، وشاهدتهم أيضا ( يوزعون الحلوى العمانيه بالإضافة إلى العصائر الطازجة! ! ) ، ومن ثم (ذهبنا للأكل فوجدت حوالي فوق 40 صحن ذبايح ونصها محد جالس عندها ) .. طبعا هناك أشياء ماذركتها كانت موجوده كالقهوه والجاي والبخور .. ولقد رأيت المعرس (يركب روز رأي اجار بمبلغ وقدره )

ملاحظه الأشياء الي بين قوسين() انا معترض عليها وضدها ..
شكرا ..



https://pbs.twimg.com/media/CpUba3vWgAAtO5P.jpg


عرس حمد2002 :

http://www.qatarshares.com/vb/showthread.php?600751-%E3%D8%DA%E3-%ED%D8%C8%CE-%D0%C8%C7%ED%CD-%E6%ED%CC%ED%C8%E5%E3-%C7%E1%C8%ED%CA-%E6%ED%CE%E1%ED%E5%E3-%DD%E6%DE-%D8%C7%E6%E1%C7%CA-!!

[khaldoon]

اعتقد بالاعراس الكل يحط مصاريف هو مب راضي عنها ولا مقتنع فيها بس يخاف من الفضيحه و الناس تتكلم عليه..الاعراس مناسبات للهياط و علشان يظل يقول بعد العرس لخمسين سنه سويت و ذبحت و حطيت و جبت و كلفني و كلفني هذا لوحده كذا و كذا و غير كذا و كذا....عند اغلب الجنسيات العربيه للاسف الشديد

[شبح الصمت]

عيل صدقني حمد سوى مفيوح
ماظنتي يطلع وراه شي عدل ههههههه



:secret:
في حركة جديد ما درى عنها قالي بطاقة

يمكن ما يرقد 3 ليالي ورى بعض

ههه

في بطاقات الكترونية الحين

تفتح تحصل الدعوة تطلع لك فالشاشة وعقب تطلع لك صورة المعرس

الحركة حلووووه بس اتوقع تكلف البطاقة شي وشويات يعني الي بيسوويها بيحط له ميزانية بعد ..

[بعيد النظر]

للاسف انك بالغت

[khaldoon]

يا جماعه ارجوكم خلوا حبيبنا حمد يعبر عما يدور بداخله و ركزوا على مضمون الموضوع و لا نشخصن المواضيع .....والله ميزه حلوه في حمد انه دايما يفتح مواضيع يتكلم فيها عن اللي بخاطره.....فليش نصده.....جزاكم الله كل خير

[شبح الصمت]

يا جماعه ارجوكم خلوا حبيبنا حمد يعبر عما يدور بداخله و ركزوا على مضمون الموضوع و لا نشخصن المواضيع .....والله ميزه حلوه في حمد انه دايما يفتح مواضيع يتكلم فيها عن اللي بخاطره.....فليش نصده.....جزاكم الله كل خير


عن نفسي ما اصده احب اشوي اسوي له زحمة مشاعر ..

ههههاي

[حمد 2002]

ماشاء الله عليك فصصت العرس وتكاليفه ، الله يهنيهم ويسعدهم ان شاء الله

آمين ..

شكرا على نقل الموضوع للحوار العام يأيها الاخوان والاخوات في الرقابه ..

[JN000N]

يا جماعه ارجوكم خلوا حبيبنا حمد يعبر عما يدور بداخله و ركزوا على مضمون الموضوع و لا نشخصن المواضيع .....والله ميزه حلوه في حمد انه دايما يفتح مواضيع يتكلم فيها عن اللي بخاطره.....فليش نصده.....جزاكم الله كل خير

ماصديناه نتغشمر وياه عادي



شبح
جفتها هالبطاقه ماعجبتني بس بينجلط حمد منها

[معماري قطري]

عرس رياييل وورد ولازم كوشة بعد

[الماريّة]

مرحبتين اخوي حمد

صدقت اخوي المبالغه الزاااااايده والتبذير في مصاريف العرس
مامنها الا الحسد والعين و الاثم الله يهدي بعض الناس الي يبالغون

وبخصوص خوييك الي عازمك وراكب سياره فخمه اذا هو مقتدر
وحاله ميسور فيمكن تكون سيارته مب شرط انه مأجرها

والذبايح هذي من كرم العرب ولازم يجملون انفسهم قدام ضيوفهم
والافضل مثل ماتفضلت مش مبالغ فيها بكميات اكبر من عدد المعازيم

اما سالفه بطاقه الدعوه ولرجاجيل اول مره تمر علي ان حتى الرجال
لهم بطاقه دعوه

الي اعرفه في عروسنا البطاقات للحريم بس والحين صارت الكترونيه
بتصميم برامج الفلاش صارت ارقى

بس الرجال غريبه ... من عاداتنا مايسون بطاقات لرجال ..

ويعطيك الف عافيه على حرصك بمثل هذه المواضيع


/
\
/
\
الماريهـ

[Rider]

اهون من تكاليف عرس الحريم

[حليتان*]

ياخي شي غريب !
فعمري ماسمعت رجال يقول فلان طرش لي بطاقه ب بالسعر الفلاني وفعرس فلان سوو جي !
اخبره طبع نسوان! الا اذا صار هذا طبع رجالي حاليا فليحن ماوصل صوبنا االحمدلله

الرجال يروح العرس يسلم ع المعرس وبصور معاه يتقهوى ويطلع وان كان يعز عليه وفاضي قعد تعشى وتم لي الزفه وبارك له وهو رايح بيتهم

اما بيقعد يعد الكراسي والذباح وكم قوطي بيبسي ع الطاوله مش كلام هاي


بعزم ناس بوجبهم وله شرايك اسوي لهم ذبحتين والباقي فطاير ! والحمد لله مافي شي ينقط فالزباله الحين يا بياكلونه الفقاره وبيشيلون معاهم وله بيجون حفظ النعمه وبيشلونه وبيوزعونه يزاهم الله خير

[راجي الْعفو]

وعليكم السلام و رحمة الله و بركاته


مد قدميك على قدر لحافك ^_^

[الرايــق]

صحيح كلامك اخوي حمد
الحين تشوف ذبايح وصحون محد جالس عليها وترف واسراف للاسف

وبعدين لو موفر شوي بهالبذخ ومخليه ل سفرة سنعة بشهر العسل بيكون افضل

[كيلو حديد]

من الناحية الشرعية لا يعد عرسا
وإنما تجمع للإسراف و التبذير تحت مسمى العرس

والمبذرون اخوان الشياطين

[راعي الكورفت]

ليلة الفرح لازم تدفع ياخوك :secret:

[مختلف جداََ]

وين الاسراف يا حمد

شرايك عشان التوفير تطلب للمعازيم هابي ميل من مكدونالدز ، واعتقد اذا تطلب كميه من عندهم يعطونك الاسكريم ببلاش .

الحين بذمتك قهوة و تمر و فواكة و بخور صار تبذير ؟؟!!!!

الغلط الوحيد هو موضوع الصحون ( حتى لو اطلبوا زيادة المفروض كل الصحون ما تنزل على الأرض ) يعني ينزلون على قد المعازيم و ان زادت صحون تكون على جنب ، و بعد العرس يتصرفون فيها ( حفظ النعمة أو اذا يعرفون ناس يطرشون لهم ).

اما موضوع الرولز ( ياخي الرجال الله يبارك له حاب يكشخ برولز في ليلة عرسة عشان الصور ، انت ليش زعلان ). بروحك تقول انها إيجار ؟؟!!!!
و بالنسبة للفرقة أعتقد لو جاب دي جي فلبيني كان أحسن وايد ( يعطيها اغنيتين slow و يختم بأنشودة لمايكل جاكسون ) :omen2:
كان أوفر له وايد


تبي تتكلم على التبذير و أنا أخوك روح صوب عروس الحريم ، هناك التبذير على أصوله

[بوسيف الهاجري]

لاحد يقولي اقتصد و وافر هذا عرس وناس معزومه واكرام المعازيم واجب
اذا منت بقد العرس وباخل على نفسك لا اتعزم حد سو عرس سكتي ولا افرش زوليه عند باب بيتكم
واقعد وانت وربعك
الي بيقولي ليش المفوشر الي في خير بيسوي لعمره كل شي ولا مقصر على عمره
الاعراس القديمه ايام السبعينات والثمانيتات كان يبتدي من ليله الخميس بعشا الين لليله السبت
وكل وجبه مايقل عن خمس ذباح
الحين يوم الناس الله مكرم عليها تستنقدونهم
والله الي يقعد يحسب كم غرشه ماي حاطين وكم صحن
هذا مب رجال هذي علوم حريم ولا الرجال الي فيه خير ما يقول ذا الكلام

[سليمان احمد]

ماشاء الله عليك ياحمد دايما تروح وتتفاجئ باشياء غريبه ( امزح )

التبذير للاسف اصبح سمه من سمات الاعراس في كل شي يبدأ من المهر

وينتهي بالذباح بخلاف المخالفات الشرعيه اللي عند النساء الا ماندر

[مختلف جداََ]

لاحد يقولي اقتصد و وافر هذا عرس وناس معزومه واكرام المعازيم واجب
اذا منت بقد العرس وباخل على نفسك لا اتعزم حد سو عرس سكتي ولا افرش زوليه عند باب بيتكم
واقعد وانت وربعك
الي بيقولي ليش المفوشر الي في خير بيسوي لعمره كل شي ولا مقصر على عمره
الاعراس القديمه ايام السبعينات والثمانيتات كان يبتدي من ليله الخميس بعشا الين لليله السبت
وكل وجبه مايقل عن خمس ذباح
الحين يوم الناس الله مكرم عليها تستنقدونهم
والله الي يقعد يحسب كم غرشه ماي حاطين وكم صحن
هذا مب رجال هذي علوم حريم ولا الرجال الي فيه خير ما يقول ذا الكلام


ياخي هذا الكلام السنع


إلا بقول لك ، شخبار معسكر زكريت ، الصيف ماباقي له شي و بيخلص .

ها نطرشهم صوبك
هههههه

[بوسيف الهاجري]

ياخي هذا الكلام السنع


إلا بقول لك ، شخبار معسكر زكريت ، الصيف ماباقي له شي و بيخلص .

ها نطرشهم صوبك
هههههه

حاضرين الاويكند هذا عندنا دوره كيف تحلب المعزا وانت مغمض

[مختلف جداََ]

حاضرين الاويكند هذا عندنا دوره كيف تحلب المعزا وانت مغمض

http://www.pic4ever.com/images/25r30wi.gif

[MAZEN37]

سمعت شيخ يقول انه الرسول امر احد الصحابه بعمل وليمه فقال اولم وان الهدف عو جمع الناس للدعاء للمتزوج وهو الهدف بمعنى كلام اخونا حمد فيه نقد بناء

[الرايــق]

لاحد يقولي اقتصد و وافر هذا عرس وناس معزومه واكرام المعازيم واجب
اذا منت بقد العرس وباخل على نفسك لا اتعزم حد سو عرس سكتي ولا افرش زوليه عند باب بيتكم
واقعد وانت وربعك
الي بيقولي ليش المفوشر الي في خير بيسوي لعمره كل شي ولا مقصر على عمره
الاعراس القديمه ايام السبعينات والثمانيتات كان يبتدي من ليله الخميس بعشا الين لليله السبت
وكل وجبه مايقل عن خمس ذباح
الحين يوم الناس الله مكرم عليها تستنقدونهم
والله الي يقعد يحسب كم غرشه ماي حاطين وكم صحن
هذا مب رجال هذي علوم حريم ولا الرجال الي فيه خير ما يقول ذا الكلام



النقد اللي صار والموضوع عن التبذير من الاغلبية هو موضوع الصحون اللي ماحد جالس عليها وخلافه..

[JN000N]

النقد اللي صار والموضوع عن التبذير من الاغلبية هو موضوع الصحون اللي ماحد جالس عليها وخلافه..

بس الريال يحط الصحون على توقعاته بعدد المعازيم
بمعنى هو عازم اكثر من 500 شخص
قول منهم 100 بيتعذرون
زين 400 شخص عدل لهم 40 صحن ويمكن شوي
الاهم ان يكون في خدمة حفظ النعمه عقب العشا ويوزعون عالفقارى

[حمد 2002]

حلو الواحد انة يتجمل في عرسه للضيوف بس بدون ( هياط )

ولازم ينسق مع ( حفظ النعمة ) على اساس يأخذون الفائض من العشا .

اتوقع عرس الحريم هو الي يكون في مبالغه اكثر من الرجال .

صحيح ..

البخل مب زين .. والتبذير مب زين ..

الحل الأنسب هو الاعتدال ومسك زمام الأمور من الوسط

[رفيع الهامه]

السلام عليكم

في إحدى الليالي وكانت تقريبا الساعه السادسه والنصف مساءا إنطلقت بسيارتي إلى إحدى الاعراس الرجاليه حيث تم دعوتي عن (طريق بطاقة غالية وسعرها تقريبا 30 أو 40 ريال ) ، وعندما وصلت سلمت على المعرس وابوه وكان خلفهم باقة ورد (حول 10 آلاف ريال قيمتها ) ، وثم جلست على الكراسي وشاهدت( إحدى الفرق الشعبيه للعرضه التي قيمتها فوق 12 الف ريال ) ، ورأيت امامي صحن( معمول تمر محطوط على جميع طاولات الحفل حول 30 طاوله وكمن سله فواكه ) ، وشاهدتهم أيضا ( يوزعون الحلوى العمانيه بالإضافة إلى العصائر الطازجة! ! ) ، ومن ثم (ذهبنا للأكل فوجدت حوالي فوق 40 صحن ذبايح ونصها محد جالس عندها ) .. طبعا هناك أشياء ماذركتها كانت موجوده كالقهوه والجاي والبخور .. ولقد رأيت المعرس (يركب روز رأي اجار بمبلغ وقدره )

ملاحظه الأشياء الي بين قوسين() انا معترض عليها وضدها ..


شكرا ..



الله يرحمنا يا الرجال ,,,,


لو تشوف مصايب الحريم والفسق بالنعمه في صالات الزواج شبتقول ؟؟؟



شرايك انهم يلعبون بالفلووووووس ويقطون لفلوس فوق راس العروس و المعرس , ولفلوس هذي تاخذهم الطقاقه



هذا هو الجحود بالنعمه والفسق و التبذير

[رآعي موآجيب]

وين الاسراف يا حمد

شرايك عشان التوفير تطلب للمعازيم هابي ميل من مكدونالدز ، واعتقد اذا تطلب كميه من عندهم يعطونك الاسكريم ببلاش .

الحين بذمتك قهوة و تمر و فواكة و بخور صار تبذير ؟؟!!!!

الغلط الوحيد هو موضوع الصحون ( حتى لو اطلبوا زيادة المفروض كل الصحون ما تنزل على الأرض ) يعني ينزلون على قد المعازيم و ان زادت صحون تكون على جنب ، و بعد العرس يتصرفون فيها ( حفظ النعمة أو اذا يعرفون ناس يطرشون لهم ).

اما موضوع الرولز ( ياخي الرجال الله يبارك له حاب يكشخ برولز في ليلة عرسة عشان الصور ، انت ليش زعلان ). بروحك تقول انها إيجار ؟؟!!!!
و بالنسبة للفرقة أعتقد لو جاب دي جي فلبيني كان أحسن وايد ( يعطيها اغنيتين slow و يختم بأنشودة لمايكل جاكسون ) :omen2:
كان أوفر له وايد


تبي تتكلم على التبذير و أنا أخوك روح صوب عروس الحريم ، هناك التبذير على أصوله


:thumbup1::thumbup1:

صدقت يالمختلف ، كل شي مقبول الا نقطة الذبايح والورد ، اذا الذبايح 40 وكل ذبيحه على صحنين يعني 80 هذا فعلا اسراف فوق الضعف

العدد المناسب دائما حوالي 15 ذبيحه على صحنين يعني 30 صحن ( هذا في الغالب )
والورد لو انه مخلي وراه متر في مترين ماراح يكون بسعر 10000 ريال ، اعتقد السعر 3000 ريال اذا ما خانتني الذاكره واشوفه سعر معقول للخلفيه .

[بعيد النظر]

بس الريال يحط الصحون على توقعاته بعدد المعازيم
بمعنى هو عازم اكثر من 500 شخص
قول منهم 100 بيتعذرون
زين 400 شخص عدل لهم 40 صحن ويمكن شوي
الاهم ان يكون في خدمة حفظ النعمه عقب العشا ويوزعون عالفقارى

للاسف الحين الحسبة العكس ..

500 يحضرون ..
400 يسلمون ويتقهوون ..
100 .. يتعشون !


الارقام مثال .. تزيد وتنقص ..
بس لاحظت من سنة ان العشى دوم فاضي

[JN000N]

للاسف الحين الحسبة العكس ..

500 يحضرون ..
400 يسلمون ويتقهوون ..
100 .. يتعشون !


الارقام مثال .. تزيد وتنقص ..
بس لاحظت من سنة ان العشى دوم فاضي

عيل نقدر نقول ان هالامور متوقعه ومش اكيده
ماتقدر ماتحط عشا يناسب عدد كبير من المعازيم وتحط عدد قليل وماتدري اذا بيتمون او بيروحون
تخاف ماتكثر ويقصرهم وتخاف تكثر ويزيد
بس اذا زاد الحل هو حفظ النعمه

[توشيبا]

انا كنت قبل احضر الاعراس بس عشان الشاي

يعجبني القوري حق الشاي شكبره

بعدين سحبت معاد اروح لو انه عرس*حدقريب

[دانوو]

لا تسوي عرس لعيالك بعد الملكه
الرجال ياخذ مرته
وكان الله غفوراً رحيم

[سعود.]

في بعض العوائل في السعودية يسون العرس في استراحة .
ويكون المعازيم اقارب العروسين وبعض الاصدقاء .
دون قاعات ولا تبذير .

[مضارب دوسري]

محد قام يجلس لين العشا
صار هالشي مشاهد ومعروووووف عند الكل

لذلك الافضل 10 خرفان و2 قعدان

20_25 صحن يكفي ويزيد

والاهم التواصل مع حفظ النعمه


لان فعلا صار اسراف وتبذييير

ياخي اللي يقول بكرم الرجال وبسوي وهذي من عاداتنا ومدري ايش

لا ياخوي العادات ما قالت لك اعزم 100 على 40 صحن
وصار كل صحن يقعد عليه 3 او 4 اشخاص

في فرق بين الكرم والتبذير اقصد هنا موضوع العشا فقط


اما الحلوى والعصاير

والعود ( اللي مدري البعض يسميه بخور هههه )

هذي اصلا ما تكلف الكثير واغلبها ياخذونها العمال معاهم

[مضارب دوسري]

والشي الثاني

احيانا الصحون فاضيه واهل المعرس كل واحد بخيزرانته ولا صوته يلعلع عشان الهنود والمقيمين ما يقعدون مع الناس ؟


ليش يالغالي ؟
ما تبي الاجر

عادي لا تجلسهم مع المعازيم
خل المفاطيح عند المعازيم والصحون الثانيه اللي معظمها فاضيه خلها بالجانب الثاني وخل العمال يتعشون في نفس وقت عشا المعازيم

[يمامـة]

ما شفت شي يا حمد.. اللي شفته نقطة من بحر..

اللهم ابعد عنا حب المظاهر..