انطقيتوا من اهاليكم وانتو صغار ؟؟

[الحياة الخالدة]

السلام عليكم ورحمة الله وبركاته

في جلسة مصارحة جمعتني مع بعض صديقات عمري اللي صاروا الحين أمهات
سألتهم هالسؤال : انضربتوا من أمكم وابوكم وانتو صغار ؟؟
تفاجأت اني الوحيدة اللي ما انضربت .. وأن بيتنا أصلاً ما كان فيه هالشي ( لا من الوالد الله يحفظه .. ولا الوالدة الله يرحمها و يغفر لها )

وأتبعت هالسؤال بسؤال ثاني : انتو ضربتوا عيالكم ؟؟

بعضهم تكلموا بكل صراحة وعبروا عن اللي بخاطرهم
اللي قالت انها انضربت بدون سبب مقنع ( عالاقل من وجهة نظرها )
واللي قالت كان معاهم حق
واللي سرحت في الذكريات وآخر شي قالت غيروا الموضوع لأنها تعتقد أنها ضربت عيالها من غير داعي والحين متحسفة
واللي قالت ان الضرب سبب لها عقدة نفسية
واللي قالت انها ما تأثرت

طبعاً انا اطرح الموضوع .. وما اتكلم عن ضرورة الضرب من عدمها
لكن أبي اشوف هل النسبة بالفعل مرتفعة
بس اتفرغ ان شاء الله راح ارفق استطلاع يمكن يبين لي هالشي

أشكر مقدماً كل اللي بيشاركون
تحياتي للجميع

[JN000N]

انا بالهواش كنت امرض ههههه
بس انطقيت طق عادي وكنت ازمر عقبها مارضى الا اذا وداني ابوي الدكان (رضوه)
اذكر مره انطقيت لاني طلعت ف الشارع مع بيت جيرانا بالسياكل ورحنا دكان شوي بعيد عن بيتنا وكان في واحد مسكين مب صاحي مينون واحنا من الخرعه قطعنا الشارع وبغت تدعمنا السيارات وعلى قرادة حظي كان ابوي توه راد وجافني
بس صج صج كنت لين ابوي عصب علي سواء انا غلطانه او لا او حتى لو زعل علي ترتفع حرارتي وامرض عادي توصل حرارتي 40
نفسيا لين يومج لين يزعل علي امرض
بس مابقول اني كلش مانطقيت لا والله انطقيت بس النحاسه كنت اقول مايعور واضحك واحرهم :p

[العنيده]

اي انطقينا على الغلط ولله الحمد تعلممنا منه ( صج وقتها يعور :eek5: )
انطقينا لما كان الشي يستاهل بس الضرب الغير مبرح بس يوصل النتيجه وليش انضربنا ..

اصلا انا اعترف اكثر وحده من خواتي انضربت والسبب الشيطانه :)

[بعيد النظر]

انطقيت من ابوي الله يحفظه مرتين ..

مرة بسبة ريوق .. وشكله طلع حرته فيني هههههههههههه
ومرة عشان صلاة ..

اما الوالدة الله يحفظها .. ولا مرة


طبعا" الكف الثاني .. له قيمة ..
وعرفني ان الصلاة مافيها لعبة !!




بس تصدقون اني يوميا" كنت انظرب في المدرسة ..
من 2 ابتدائي لي 2 اعدادي !

[الحياة الخالدة]

انا بالهواش كنت امرض ههههه
بس انطقيت طق عادي وكنت ازمر عقبها مارضى الا اذا وداني ابوي الدكان (رضوه)
اذكر مره انطقيت لاني طلعت ف الشارع مع بيت جيرانا بالسياكل ورحنا دكان شوي بعيد عن بيتنا وكان في واحد مسكين مب صاحي مينون واحنا من الخرعه قطعنا الشارع وبغت تدعمنا السيارات وعلى قرادة حظي كان ابوي توه راد وجافني
بس صج صج كنت لين ابوي عصب علي سواء انا غلطانه او لا او حتى لو زعل علي ترتفع حرارتي وامرض عادي توصل حرارتي 40
نفسيا لين يومج لين يزعل علي امرض
بس مابقول اني كلش مانطقيت لا والله انطقيت بس النحاسه كنت اقول مايعور واضحك واحرهم :p
مبين ان الطق كان من كثر الحرص والمحبة
ومن معرفتي فيج ماشوف ان أثر عليج سلبياً الحمد لله .. بس الله الله بعيالج
عاد بخصوص ردة فعلج انج تمرضين هل هالشي مع أي حد يضربج والا بس مع الوالد الله يحفظه ؟؟
وبيني وبينج ما توقعت انج حساسة هالكثر .. ما يبين عليج هههههههههههه

[الماريّة]

ابووووي الله يرحمه ماكان يطقنا كلش يالبنات
كان بس حق العيال يضربهم بالخيازرين اذا ماصلوا

وامي حق التفرص لنا يابنات ^_^ اذا علت اصواتنا واحنا نلعب
او طلعنا برى في الشارع

والله يرحمهم الاثنين ويرحم جميع موتى المسلمين

[الحياة الخالدة]

اي انطقينا على الغلط ولله الحمد تعلممنا منه ( صج وقتها يعور :eek5: )
انطقينا لما كان الشي يستاهل بس الضرب الغير مبرح بس يوصل النتيجه وليش انضربنا ..

اصلا انا اعترف اكثر وحده من خواتي انضربت والسبب الشيطانه :)
الحمد لله انكم تعلمتوا الصح من الغلط ..
انا هذا اللي قلته حق البنات لما قالوا ان الاهل ما كان لهم احياناً مبرر مقنع للضرب
قلت لهم يمكن من وجهة نظركم انتو .. لكن من وجهة نظرهم اكيد كان في سبب قوي للضرب
وأحياناً ما يكون السبب قوي نتيجة الضغوط النفسية اللي كانوا اهالينا عايشينها بذيك الفترة مع صعوبة الظروف الحياتية وقتها

تسلمين عالمشاركة أختي العنيدة

[الحياة الخالدة]

انطقيت من ابوي الله يحفظه مرتين ..
مرة بسبة ريوق .. وشكله طلع حرته فيني هههههههههههه
ومرة عشان صلاة ..
اما الوالدة الله يحفظها .. ولا مرة
طبعا" الكف الثاني .. له قيمة ..
وعرفني ان الصلاة مافيها لعبة !!
بس تصدقون اني يوميا" كنت انظرب في المدرسة ..
من 2 ابتدائي لي 2 اعدادي !
الله يحفظ الوالد والوالدة ويخليهم لكم
طلع حرته ههههههه هذا الكلام اللي كتبته للعنيدة بخصوص الضغوطات النفسية
لكن الضرب اللي عشان الصلاة انا اشهد إنه أجدى فيك هههههههه

أما عن الضرب في المدرسة أتوقع السبب واحد من اثنين :
إما إنك كنت مشاغب .. والا كسلان

بس ما قلت لي :: تأثرت نفسيتك والا لا ؟؟
ولو كنت متزوج : ضربت عيالك ؟؟

[مستـريــح البـــال]

ايه بالله انطقينا، صحيح كان بعضه مبالغ فيه، وكانت الامور ممكن تعالج بطرق ثانية، لان في النهاية ما تغيرت بعض الامور ..

ولكن ،،

لا استطيع أن اقول سوى الله يحرم يدهم على النار، هم الخير والبركه، هم تاج الراس، هم اللي يملكون من القلب ، ما نملكه ونستشعره ناحية عيالنا، كل من خوفهم علينا ومن حبهم لتميزنا ..

يعل كل ضربه انضربتها او احد من اخواني تكفير لهم ولنا، ورفعه لهم ولنا ..

الله يحفظهم ويحفظ اباء وامهات المسلمين ، ويرحم ومن توفى منهم ..

[الحياة الخالدة]

ابووووي الله يرحمه ماكان يطقنا كلش يالبنات
كان بس حق العيال يضربهم بالخيازرين اذا ماصلوا

وامي حق التفرص لنا يابنات ^_^ اذا علت اصواتنا واحنا نلعب
او طلعنا برى في الشارع

والله يرحمهم الاثنين ويرحم جميع موتى المسلمين
الله يرحمهم ويغفر لهم
يمكن كنتوا مسالمات وتسمعون الكلام عشان جذي ما ضربكم الله يرحمه
وبالنسبة للتفرص : سلاح الحريم الفعال والفتاك هههههههههههه

مشكورة أختي عالمشاركة

[بريق الحق]

الضرب كان مفيد وكانت هيبة الأب كبيره
لكن للأسف ضاعت هذي الهيبه في الجيل الحالي

[بعيد النظر]

الله يحفظ الوالد والوالدة ويخليهم لكم
طلع حرته ههههههه هذا الكلام اللي كتبته للعنيدة بخصوص الضغوطات النفسية
لكن الضرب اللي عشان الصلاة انا اشهد إنه أجدى فيك هههههههه

أما عن الضرب في المدرسة أتوقع السبب واحد من اثنين :
إما إنك كنت مشاغب .. والا كسلان

بس ما قلت لي :: تأثرت نفسيتك والا لا ؟؟
ولو كنت متزوج : ضربت عيالك ؟؟


ههههههههههههههههههههههه
الشيطانة شوي علي .. خصوصا" ف المدرسة !!!

والحمدلله كنت الاول على المدرسة طول ذيج الفترة ..
ايام مجلس الامهات .. يشكون المدرسات حق الوالدة .. ف الابتدائية !
اني شاطر بس انطق .. وطبعا" جملة لكم اللحم ولي العظم تسدح نفسها هههههههههه


ولا اثرت في نفسيتي ولا شي ..
كنت استاهل الطق وعارف هـ الشي ..


بنتي 3 سنين .. وما شاء الله طالعة شيطانة مادري على من @@
ظربتها كم من مرة على يدها بس الحين قمت اعرف لها وبتهديدات بعيدة عن الظرب ..




يعطيج الف عافية

[الحياة الخالدة]

ملاحظة هامة : تمت إضافة الاستطلاع
أرجو ممن شارك وضع اجاباتهم
جزاكم الله خير

[الحياة الخالدة]

ايه بالله انطقينا، صحيح كان بعضه مبالغ فيه، وكانت الامور ممكن تعالج بطرق ثانية، لان في النهاية ما تغيرت بعض الامور ..
ولكن ،،
لا استطيع أن اقول سوى الله يحرم يدهم على النار، هم الخير والبركه، هم تاج الراس، هم اللي يملكون من القلب ، ما نملكه ونستشعره ناحية عيالنا، كل من خوفهم علينا ومن حبهم لتميزنا ..
يعل كل ضربه انضربتها او احد من اخواني تكفير لهم ولنا، ورفعه لهم ولنا ..
الله يحفظهم ويحفظ اباء وامهات المسلمين ، ويرحم ومن توفى منهم ..
اللهم آمين
وللأمانة كل اللي كانوا معاي كان عندهم نفس الشعور .. خصوصاً اللي ما رضت تتكلم لأن أمها كانت متوفية حديثاً الله يرحمها ويغفر لها

ممكن أهالينا الله يغفر لهم ما كان عندهم علم بوسائل التربية الحديثة اللي الحين الكل يركز عليها
لكنهم بذلوا جهدهم جزاهم الله عنا كل خير .. وياما ناس وصلوا أعلى المراتب علماً وثقافة لكنهم يفتقرون لأبسط وسائل التربية عملياً واللي اهلنا عرفوها و طبقوها بالفطرة

جزاك الله خير ورحم الله والديك

[الحياة الخالدة]

الضرب كان مفيد وكانت هيبة الأب كبيره
لكن للأسف ضاعت هذي الهيبه في الجيل الحالي
مفيد ولكن ليس في كل الحالات
وأتفق معاك في الجزء الثاني

لكن وين إجابتك بخصوص السؤال أخي الكريم ؟؟

[مستـريــح البـــال]

اللهم آمين
وللأمانة كل اللي كانوا معاي كان عندهم نفس الشعور .. خصوصاً اللي ما رضت تتكلم لأن أمها كانت متوفية حديثاً الله يرحمها ويغفر لها

ممكن أهالينا الله يغفر لهم ما كان عندهم علم بوسائل التربية الحديثة اللي الحين الكل يركز عليها
لكنهم بذلوا جهدهم جزاهم الله عنا كل خير .. وياما ناس وصلوا أعلى المراتب علماً وثقافة لكنهم يفتقرون لأبسط وسائل التربية عملياً واللي اهلنا عرفوها و طبقوها بالفطرة

جزاك الله خير ورحم الله والديك

ويرحم والديج اختي " الحياة الخالدة"

وعندي تعليق على موضوع العقاب "بالفرص" ،اكره انواع العقاب اللي مريت به في حياتي ..

بالنسبة لي نسييت اساليب العقاب كلها، الا الفرص، متذكر كل فرصه انفرصتها ، ماادري ليش ألمها دااااخلي ، ونفسيا وتوجع القلب ، واتم مأثره حتى بعد مرور وقت طويل ..

استرجعت المها :weeping:

[بنت شرق]

الوالد رحمه الله كان ايطقنا طق اجرامي ودايما مزهب عصاته احساسي أنه قلبه كان متروس
وكانت المبررات السنع والأدب فصارت اغلبيتنا شخصيات انطوائية اما الي يقولون غير مؤثر فماذاقوا طق الاولين السنع

[هداف]

اي نعم انطقينا وتأدبنا وخفنا من اعادة الغلط ,,, انضربنا بعد النصيحه وبعد الزجر ونهاية المطاف كان الضرب

لان كنا عنيدين ما نسمع الكلام مرات ماندرس وما نذاكر,, مقصرين في المدرسه .. نسوي مشاكل معا عيال الفريج الخ
الضرب كان للتقويم والتأديب وكان بعد تحذير ووعيد لكن احنا ما نسمع الكلام ويشهددددد الله ووالله وبالله والاول الله في كل شي
لولا عصا امي ونصايح ابوي وزجره لنا كان ما خلصت دراستي ولا تخرجنا من الجامعه ... لله الحمد احسنوا تربيتنا والله يرحم ابوي رحمه
واسعه ويغفر له ويتقبله في جناته خالدا مخلدا ويجمعنا وياه في جنات النعيم ويمد امي بالصحه والعافيه ويرضى عنها وعليها


اليوم كبرنا وعندنا عيال وعرفنا اللحين بس ليش كانوا يخافون علينا لدرجة انهم يضربونا .. ونعم كنا نستاهل الضرب لان النصيحه ماكانت تجدي

[بريق الحق]

مفيد ولكن ليس في كل الحالات
وأتفق معاك في الجزء الثاني

لكن وين إجابتك بخصوص السؤال أخي الكريم ؟؟
نعم انطقيت وايد
كنت اضرب اليهال الي فالفريج الي اضعف مني وعاد خذ توصل السالفه للبيت الله المستعان

[توشيبا]

انضربت كذا مره من امي وانا صغير بس ماحس بالضرب طبعا كنت مسوي ام المصايب والبلاوي

اما ابوي كلش ماعمره ضربني

[الدكتور عزوز]

اي بالله انضربنا من الوالدة والوالد

واذا جوني عيال والموضوع يستدعي الضرب راح ينضربون أكيد لأن ضرب الوالدين تربية

الوالدة كانت تحب تعالج المواضيع الكبيرة بالضرب على طول عشان ما نعيدها وتعور راسها معانا :tease:

والوالد كان لما يضربني يحس بالذنب بعد ساعة ويناديني يقول لي بوس راسي ولا تعيدها لأني مابي اضربك

والحمدلله تربينا أحسن تربية

ضرب الوالدين يعطيهم هيبة قدام عيالهم وهذا الشي مهم وبدون الضرب ما فيه أي هيبة للأسف مع الاجيال الجديدة

[عـ العبيدلي]

لا ..

وان شاء الله بعتمد نفس الأسلوب مع عيالي .. لاني ضد الطق العنيف لأي سبب ..

[مرتبش]

الحمدلله لا

[Locale]

اي على اشياء تسوى
ومعدوده واتذكر ليش
ابوي هو اللي يضرب
وامي اضربتني مرتين صح امي ماتضرب كثر ابوي لكن لين اضربت تضرب ههههههه
وقتها كنت ازعل واحس اني انظلمت
الحين كبرت وعرفت شلون التربيه واني استاهل وزين منهم ماضربونا اكثر


اضرب عيالي واتحسف عقب ان شاء الله اقطع هالشي
لان احس على اشياء ماتسوى مب مثل امي وابوي اضربونا على شي يسوى

[كيلو حديد]

نعم الوالد ما قصر هههههه الله يحفظه ويطول بعمره
حتى عمي ما قصر بعد وكله عشان نتأدب ونتسنع الله يحفظهم كلهم
عادي تشرد والقوطي يطير وراك هههههههههههه
ولا تعقدنا ولا تأثرنا ولله الحمد
بالعكس والله فهمنا وعرفنا ليش سووا هالشيء و والله ما نلومهم
بعض العيال الضرب تحسه ما يكفيه

رغم اني ضد الضرب ومع العقاب بالحرمان
الضرب مرحلة متأخره في نظري

[كيلو حديد]

الوالد رحمه الله كان ايطقنا طق اجرامي ودايما مزهب عصاته احساسي أنه قلبه كان متروس
وكانت المبررات السنع والأدب فصارت اغلبيتنا شخصيات انطوائية اما الي يقولون غير مؤثر فماذاقوا طق الاولين السنع

سلامتك بنت شرق
الوالد الله يحفظه تقولين بروسلي ما أوعى إلا بالصفقه على رأسي
أسبابهم وتحذيراتهم واضحه بس العناد والجهل وعدم اتباع تعاليمهم يخليهم يفقدون أعصابهم
الناس الي استوعبوا الأسباب وتجوزوا الخوف من الضرب ما صادهم شيء
وإلي تقوقعوا وكله زعلانين من الضرب ويعتبرونه اجرام دخلوا في حالة إنطواء

كنت مره ببيت خالي وهناك طبعا آخذ راحتي أبوي محد ههههههه
وخالي أحبه لأن صدره وسيع وما يعصب بس يوم عصب على ولده وضربه قدامي
صرت أشوف أبوي لطيف المنكبين ههههههههههه
ساعتها عرفت ان الطق لأننا مانسمع الكلام و عنيدين ونبغي نقضي حياتنا لعب وضحك وصياعه
ولولا ضربهم ما كملنا دراستنا ولا نجحنا ولا اهتمينا بصراحه
كان في القلب بذرة فساد لعدم الإهتمام قضوا عليها والله
الحين الوالد الله يحفظه يوم يسمع صوتي مرتفع شوي ينصحني ويهديني و و الله أقوم أحبه على رأسه شلون تغير
لأن هدفهم ما كان الضرب كان الهدف التربية وكان هذا مستوى فهمهم وعلمهم
صحيح في ناس أبهاتهم ما ضربوهم عاد هذه نعمه من الله وعيالهم طلعوا ما شاء الله نجاح وسنع
بس كل واحد ونصيبه ونصيبي دوم أي شيء بيد الوالد يطير وراي وأنا أشرد ههههههههههههههههههه

[JN000N]

مبين ان الطق كان من كثر الحرص والمحبة
ومن معرفتي فيج ماشوف ان أثر عليج سلبياً الحمد لله .. بس الله الله بعيالج
عاد بخصوص ردة فعلج انج تمرضين هل هالشي مع أي حد يضربج والا بس مع الوالد الله يحفظه ؟؟
وبيني وبينج ما توقعت انج حساسة هالكثر .. ما يبين عليج هههههههههههه

لاااا ابدا يا جبل ما يهزك ريح :happy:
والله عيالي بسنعهم ان جفتهم شياطين وماينفع فيهم الصوت مالهم الا الطق
بس خل ادلعهم باعتدال اول يستانسون عقب بصدمهم بصخرة الواقع ههههه
لا بس لين ابوي هاوشني او زعل علي
اما لو من ف الدنيا يهاوشني مافي احساس طوفه حتى لو امي
بس كان في دفاع خفي (الله يرحمه) اذا زادو علي الجيله وحرموني من شي والا امي كله تهاوشني اروح لابوها واتم عنده لين يفتقدوني وارجع لهم ههههه
لا مب حساسه بس احب ابوي وايد وتخبرين انتي يوم سالتيني شنو اكثر شي مسبب لج فوبيا شقلتلج

[JN000N]

سلامتك بنت شرق
الوالد الله يحفظه تقولين بروسلي ما أوعى إلا بالصفقه على رأسي
أسبابهم وتحذيراتهم واضحه بس العناد والجهل وعدم اتباع تعاليمهم يخليهم يفقدون أعصابهم
الناس الي استوعبوا الأسباب وتجوزوا الخوف من الضرب ما صادهم شيء
وإلي تقوقعوا وكله زعلانين من الضرب ويعتبرونه اجرام دخلوا في حالة إنطواء

كنت مره ببيت خالي وهناك طبعا آخذ راحتي أبوي محد ههههههه
وخالي أحبه لأن صدره وسيع وما يعصب بس يوم عصب على ولده وضربه قدامي
صرت أشوف أبوي لطيف المنكبين ههههههههههه
ساعتها عرفت ان الطق لأننا مانسمع الكلام و عنيدين ونبغي نقضي حياتنا لعب وضحك وصياعه
ولولا ضربهم ما كملنا دراستنا ولا نجحنا ولا اهتمينا بصراحه
كان في القلب بذرة فساد لعدم الإهتمام قضوا عليها والله
الحين الوالد الله يحفظه يوم يسمع صوتي مرتفع شوي ينصحني ويهديني و و الله أقوم أحبه على رأسه شلون تغير
لأن هدفهم ما كان الضرب كان الهدف التربية وكان هذا مستوى فهمهم وعلمهم
صحيح في ناس أبهاتهم ما ضربوهم عاد هذه نعمه من الله وعيالهم طلعوا ما شاء الله نجاح وسنع
بس كل واحد ونصيبه ونصيبي دوم أي شيء بيد الوالد يطير وراي وأنا أشرد ههههههههههههههههههه

عساه كان ينيشنك عدل؟
مرات ابوي يوم كان يعصب يقول لين جفتوني معصب لحد يتنقز جدامي
لان صج صج يقلب ههههه
بس الي فيه خير خل يشرد وقت ابوي يبيه هذي تروح عليه عشرين صفر
تفلع من بعيد مافي لان احنا بريولنا نروحله ههههه

[بانغ بانغ]

طبعة كاريتي اسفل الظهر لحين .....

سبب رئيسي من اسباب الدسك عندي

[المحاميه]

الطق العادي (طق تربوي:tease:) ايه

الطق الاوفر لا

لما كبرت لا الحمدلله حتى لو مسويه مصيبه هههه

:)

[JN000N]

الطق العادي (طق تربوي:tease:) ايه

الطق الاوفر لا

لما كبرت لا الحمدلله حتى لو مسويه مصيبه هههه

:)

لحين تسوين مصايب يام المصايب
يبيلج هوز وتنربطين عند درام حلي ف عز القايله ونقشط قيج تقشط اليهد الي تطلع كلمة توبه من اعماق قلبج هههههههههه

[الحياة الخالدة]

ههههههههههههههههههههههه
الشيطانة شوي علي .. خصوصا" ف المدرسة !!!
والحمدلله كنت الاول على المدرسة طول ذيج الفترة ..
ايام مجلس الامهات .. يشكون المدرسات حق الوالدة .. ف الابتدائية !
اني شاطر بس انطق .. وطبعا" جملة لكم اللحم ولي العظم تسدح نفسها هههههههههه
ولا اثرت في نفسيتي ولا شي ..
كنت استاهل الطق وعارف هـ الشي ..
بنتي 3 سنين .. وما شاء الله طالعة شيطانة مادري على من @@
ظربتها كم من مرة على يدها بس الحين قمت اعرف لها وبتهديدات بعيدة عن الظرب ..
يعطيج الف عافية
زين الحمد لله .. انطقيت بس على شطارة هههههههه
بنتك طالعة على من يا ترى امممممممممم .. السؤال صعب
الله يحفظها و يبلغكم فيها

الله يعافيك أخوي

[الحياة الخالدة]

ويرحم والديج اختي " الحياة الخالدة"

وعندي تعليق على موضوع العقاب "بالفرص" ،اكره انواع العقاب اللي مريت به في حياتي ..

بالنسبة لي نسييت اساليب العقاب كلها، الا الفرص، متذكر كل فرصه انفرصتها ، ماادري ليش ألمها دااااخلي ، ونفسيا وتوجع القلب ، واتم مأثره حتى بعد مرور وقت طويل ..

استرجعت المها :weeping:

والديك الجنة
الفرصة هههههه عقاب غير شكل .. ولها تكنيك معين .. كنت أتبعه مع اخواني الصغار
لحد الحين اختي تتذكر وتهدد عيالها فيني ..
عقاب بسيط .. لكنه لا يُنســــــــى :nice:

[الحياة الخالدة]

الوالد رحمه الله كان ايطقنا طق اجرامي ودايما مزهب عصاته احساسي أنه قلبه كان متروس
وكانت المبررات السنع والأدب فصارت اغلبيتنا شخصيات انطوائية اما الي يقولون غير مؤثر فماذاقوا طق الاولين السنع

الله يرحمه ويغفر له
والله يختي انتي أدرى بظروف الوالد الله يرحمه .. ويمكن في أشياء انتو ما كنتوا تدركونها
مشكورة أختي بنت شرق

[الحياة الخالدة]

اي نعم انطقينا وتأدبنا وخفنا من اعادة الغلط ,,, انضربنا بعد النصيحه وبعد الزجر ونهاية المطاف كان الضرب

لان كنا عنيدين ما نسمع الكلام مرات ماندرس وما نذاكر,, مقصرين في المدرسه .. نسوي مشاكل معا عيال الفريج الخ
الضرب كان للتقويم والتأديب وكان بعد تحذير ووعيد لكن احنا ما نسمع الكلام ويشهددددد الله ووالله وبالله والاول الله في كل شي
لولا عصا امي ونصايح ابوي وزجره لنا كان ما خلصت دراستي ولا تخرجنا من الجامعه ... لله الحمد احسنوا تربيتنا والله يرحم ابوي رحمه
واسعه ويغفر له ويتقبله في جناته خالدا مخلدا ويجمعنا وياه في جنات النعيم ويمد امي بالصحه والعافيه ويرضى عنها وعليها


اليوم كبرنا وعندنا عيال وعرفنا اللحين بس ليش كانوا يخافون علينا لدرجة انهم يضربونا .. ونعم كنا نستاهل الضرب لان النصيحه ماكانت تجدي

هذا هو الكلام الصح
في أمور ما نقدر نستوعبها واحنا صغار .. لكن لما تكبر عقولنا ونعرف الدنيا عدل .. ساعتها بس نعرف إن أهالينا كانوا على حق في أشياء وايد احنا كنا نشوفها مالها داعي وغير مبررة
وعلى الأخص لما الإنسان تجي له عيال .. ويصير مسؤول عن تربيتهم وتعليمهم الصح من الغلط

يعني وحدة من البنات كانت تقول : أعترف إني عاقبت عيالي بطريقة مبالغ فيها .. بس انا كنت تحت ظروف نفسية جداً صعبة
بمعنى إنها تلتمس لنفسها العذر .. ولذلك قلت لها أكيد أهلنا بعد الله يغفر لهم كانت عندهم الأسباب والمبررات ( من وجهة نظرهم )

شكراً على مشاركتك أخوي هداف

[الحياة الخالدة]

نعم انطقيت وايد
كنت اضرب اليهال الي فالفريج الي اضعف مني وعاد خذ توصل السالفه للبيت الله المستعان

شكلك كنت شراني في طفولتك ومراهقتك :secret:
بس انا تقريباً متأكدة انك ما شلت في خاطرك على أهلك ( مجرد إحساس )

جزاك الله خير على المشاركة

[الحياة الخالدة]

انضربت كذا مره من امي وانا صغير بس ماحس بالضرب طبعا كنت مسوي ام المصايب والبلاوي

اما ابوي كلش ماعمره ضربني

تمام .. يعني الضرب بالنسبة لك كان مبرر
حياك الله أخوي

[الحياة الخالدة]

( وقل رب ارحمهمـــــــا كما ربياني صغيرا )

[توشيبا]

تمام .. يعني الضرب بالنسبة لك كان مبرر
حياك الله أخوي

يعني اقل مصيبه سويتها

بطلت كرتون الصابون وزرعته تحت النخل واسقيه ماي

وبكل برود اعترف حق امي واسالها متى ينزرع الصابون

من غير الاجرام والبلاوي الثانيه:shy:

[الاعرابي]

سجلوني مع المرضوخين

[بريق الحق]

في ابو شخص معانا فالمنتدى كان الفريج كله يتصرقع منه مايحتاج اقول من
الله يحفظه ويطول في عمره هههههه

[النهار]

:weeping::weeping::weeping:

[حليتان*]

مانطقيت الا من اخوي العود صكني طراق لانه صادني ادخن وانا صغير بس ابوي مارضى ونقد عليه لان ضربني كف

اما ابوي وامي الحمدلله عمرهم مامدو يدهم علي الله يطول باعمارهم ويخليهم
بس صراحه كان في شي ياثر فنفستي جداً :( كنت اجيب ف ال90 و 80 فالمدرسه ويقولن لي لانك ماندرس لو تدرس بتجيب اكثر

فالذمه درجاتي فالتسعينات وما ادرس شلوووووون قولو الحمدلله كنت انافس مصطفى
بس للامانه ماكنت ادرس وكل شارد شلون اجيب هالنتايج مادري ههههههههه

[ضوى]

ايه انطقيت وعادي لا تاثرت ولا تعقدت لله الحمد ،ويارب تجزي امي وابوي واخواني رحمه الله عليهم كل خير عن تربيتنا وتأديبنا

وانا من مؤيدي الضرب في حال ما فادت النصيحه

[حليتان*]

لاااا ابدا يا جبل ما يهزك ريح :happy:
والله عيالي بسنعهم ان جفتهم شياطين وماينفع فيهم الصوت مالهم الا الطق
بس خل ادلعهم باعتدال اول يستانسون عقب بصدمهم بصخرة الواقع ههههه
لا بس لين ابوي هاوشني او زعل علي
اما لو من ف الدنيا يهاوشني مافي احساس طوفه حتى لو امي
بس كان في دفاع خفي (الله يرحمه) اذا زادو علي الجيله وحرموني من شي والا امي كله تهاوشني اروح لابوها واتم عنده لين يفتقدوني وارجع لهم ههههه
لا مب حساسه بس احب ابوي وايد وتخبرين انتي يوم سالتيني شنو اكثر شي مسبب لج فوبيا شقلتلج

ايه خل اسمع وله ادري ان اماف صغير انضرب بفشش تواير سيارتكم كلها

[معماري قطري]

ما شاء الله حزبنا مكتسح

[معماري قطري]

مانطقيت الا من اخوي العود صكني طراق لانه صادني ادخن وانا صغير بس ابوي مارضى ونقد عليه لان ضربني كف

اما ابوي وامي الحمدلله عمرهم مامدو يدهم علي الله يطول باعمارهم ويخليهم
بس صراحه كان في شي ياثر فنفستي جداً :( كنت اجيب ف ال90 و 80 فالمدرسه ويقولن لي لانك ماندرس لو تدرس بتجيب اكثر

فالذمه درجاتي فالتسعينات وما ادرس شلوووووون قولو الحمدلله كنت انافس مصطفى
بس للامانه ماكنت ادرس وكل شارد شلون اجيب هالنتايج مادري ههههههههه

بعد تجيب 90 وبدون دراسة وتنافس مصطفى وتنطق ما يصير كلش

[معماري قطري]

لحين تسوين مصايب يام المصايب
يبيلج هوز وتنربطين عند درام حلي ف عز القايله ونقشط قيج تقشط اليهد الي تطلع كلمة توبه من اعماق قلبج هههههههههه

:app2: :thumbup:

[النهار]

مانطقيت الا من اخوي العود صكني طراق لانه صادني ادخن وانا صغير بس ابوي مارضى ونقد عليه لان ضربني كف

اما ابوي وامي الحمدلله عمرهم مامدو يدهم علي الله يطول باعمارهم ويخليهم
بس صراحه كان في شي ياثر فنفستي جداً :( كنت اجيب ف ال90 و 80 فالمدرسه ويقولن لي لانك ماندرس لو تدرس بتجيب اكثر

فالذمه درجاتي فالتسعينات وما ادرس شلوووووون قولو الحمدلله كنت انافس مصطفى
بس للامانه ماكنت ادرس وكل شارد شلون اجيب هالنتايج مادري ههههههههه

اكيد طنط كانت تدعي لك وتدعي على مصطفى هههههههههههههههههه

[معماري قطري]

طبعة كاريتي اسفل الظهر لحين .....

سبب رئيسي من اسباب الدسك عندي

ههههههههه يحيك كاريتي نظيفة

[Dana’1]

أبوي عمره ما مد يده علي فدييته
وأمي فدييتها ضربتي وقرصتني بعد والسبب افعالي وردات فعلي الثوريه طبعا والي تطلع حتى بعض الضرب :shy:
بس الضرب العادي مو مبرح ومرحله معينه مو على طول

جعل يمينها ما تعرض على النار يا رب آمين
والله يجزاها وأبوي خيري الدنيا والأخره ويطول بأعمارهم على الطاعات يا رب آمين

[الحياة الخالدة]

اي بالله انضربنا من الوالدة والوالد
واذا جوني عيال والموضوع يستدعي الضرب راح ينضربون أكيد لأن ضرب الوالدين تربية
الوالدة كانت تحب تعالج المواضيع الكبيرة بالضرب على طول عشان ما نعيدها وتعور راسها معانا :tease:
والوالد كان لما يضربني يحس بالذنب بعد ساعة ويناديني يقول لي بوس راسي ولا تعيدها لأني مابي اضربك
والحمدلله تربينا أحسن تربية
ضرب الوالدين يعطيهم هيبة قدام عيالهم وهذا الشي مهم وبدون الضرب ما فيه أي هيبة للأسف مع الاجيال الجديدة
الله يغفر لوالدينا أجمعين
ما عندي أدنى شك أن أي شي كانوا يسوونه معانا كان لمصلحتنا .. و كل من له أسلوبه وطريقتــــــه
واحياناً من زود الحب و الحرص يمدون إيديهم .. وليس بقصد الإيذاء و الإهانة

حياك الله يا دكتور

[معماري قطري]

اكيد طنط كانت تدعي لك وتدعي على مصطفى هههههههههههههههههه

ركز على كله شارد ويجيب هالنتائج وانا درست ليل ونهار ومجموعي في الثنوية 73% ووايد علي

[الحياة الخالدة]

لا ..

وان شاء الله بعتمد نفس الأسلوب مع عيالي .. لاني ضد الطق العنيف لأي سبب ..

الله يحفظ لك عيالك .. ويبرون فيك
شكراً على المشاركة

[الحياة الخالدة]

الحمدلله لا

الحمد لله .. تسلم أخوي

[JN000N]

ايه خل اسمع وله ادري ان اماف صغير انضرب بفشش تواير سيارتكم كلها

بينضرب ان استجلب
الله يستر لا يطلع عليك

[JN000N]

:app2: :thumbup:

ههههههه الماااضي

[JN000N]

اكيد طنط كانت تدعي لك وتدعي على مصطفى هههههههههههههههههه

اي خير ان شاءالله
ولادريت عنهم

[JN000N]

ركز على كله شارد ويجيب هالنتائج وانا درست ليل ونهار ومجموعي في الثنوية 73% ووايد علي

ماعليك منه مدارس مستقله وينجحونهم
بس
كنا نوديهم عند ابله نانا خخخ

[مضارب دوسري]

اخبر مره انطقيت في اول ثانوي من الوالد الله يحفظه

والسبب كنت زمران ابي اسوق السياره
وهو يحاول فيني ما يصير وممنوع وخايف عليك وانا كلش مافي فايده الا اداوم بسياره

بدت المدارس وقلت بسوي عصيان وماراح اداوم تميت يومين ماداومت وعقبها شفت الوجه الاخر
وانرضخت لين قلت بس هههههه


واخبر مره انطقيت وانا توني داش ال 23
:rolleyes2:

السبب كان ما عندي احد يجي البيت بعد الساعه 12 :telephone:


مره مرتين ومافي فايده معاند وهو على باله اني راعي سوالف مني مناك :omen2:

وانطقيت بالواير الى ان تقطع على ظهري وكانت الساعه ذاك اليوم 1 :rolleyes2:

عقبها بيوم قلت مافي الا حل واحد اقوله اياه عشان يطلق سراحي وما يحاسبني :telephone:

(حتى السفر كان ممنووووع الا بعد الزواج فقط
قوانين الوالد )



قمت ثاني يوم قلت يبه ابي اتزوج :telephone:

[الحياة الخالدة]

اي على اشياء تسوى
ومعدوده واتذكر ليش
ابوي هو اللي يضرب
وامي اضربتني مرتين صح امي ماتضرب كثر ابوي لكن لين اضربت تضرب ههههههه
وقتها كنت ازعل واحس اني انظلمت
الحين كبرت وعرفت شلون التربيه واني استاهل وزين منهم ماضربونا اكثر
اضرب عيالي واتحسف عقب ان شاء الله اقطع هالشي
لان احس على اشياء ماتسوى مب مثل امي وابوي اضربونا على شي يسوى
الله يحرم إيدينهم على النار
أتوقع كثير من الأباء و الأمهات يتحسفون عقب ما يضربون العيال .. لكنه وقتها كان شي لا بد منه

أيضاً وحدة من البنات اللي كانوا معاي قالت انها مرة ضربت بنتها .. وكانت في بريطانيا وقتها للدراسة .. وكانت تسمع الجيران يقولون بيتصلون بالشرطة عشان يبلغون عنها
طبعاً صديقتي هاذي كانت تتكلم وعيونها تدمع لما تتذكر هالشي .. أحياناً الواحد يضرب من غير حاسية

الله يحفظ عيالكم ويبلغكم فيهم

[الحياة الخالدة]

نعم الوالد ما قصر هههههه الله يحفظه ويطول بعمره
حتى عمي ما قصر بعد وكله عشان نتأدب ونتسنع الله يحفظهم كلهم
عادي تشرد والقوطي يطير وراك هههههههههههه
ولا تعقدنا ولا تأثرنا ولله الحمد
بالعكس والله فهمنا وعرفنا ليش سووا هالشيء و والله ما نلومهم
بعض العيال الضرب تحسه ما يكفيه
رغم اني ضد الضرب ومع العقاب بالحرمان
الضرب مرحلة متأخره في نظري

الله يطول بعمر الوالد على الطاعة والعمل الصالح
سبحان الله في ناس ما انضربوا .. لكنهم صاروا يضربون عيالهم
وفي ناس انضربوا .. لكنهم ما مدوا إيدهم بالضرب على عيالهم

شكراً على مشاركتك أخوي

[الحياة الخالدة]

طبعة كاريتي اسفل الظهر لحين .....

سبب رئيسي من اسباب الدسك عندي

هههههههههه من طلعت على الدنيا وانت vip
سلامتك أخوي بانغ بانغ .. بس عاد لا تسويها مع عيالك

[الحياة الخالدة]

الطق العادي (طق تربوي:tease:) ايه
الطق الاوفر لا
لما كبرت لا الحمدلله حتى لو مسويه مصيبه هههه
:)
ههههههههه أهم شي الطق التربوي
أما عاد تنطقين على كبر .. هاذي صعبة
الله يبعد المصايب عن الجميع

[بانغ بانغ]

هههههههههه من طلعت على الدنيا وانت vip
سلامتك أخوي بانغ بانغ .. بس عاد لا تسويها مع عيالك

الله يطول بعمرك ههههههه وين في اي بي .....

الا ترضخ فينا الوالد .... والله كان يعشق هالك هوغان والظاهر بدل مايحط الحرة في الوالدة كان ايحطها فينا

ههههههه الله يحفظ ابهاتنا وامهاتنا احنا وانتوا اجمعين

[سالم الزهران]

عموماً الاهل الاولين كانوا اسوياء و مع ان ضربهم قوي ،الا انهم قدوة خير مب مثل آباء اليوم

كانت الوالدة تضربني ( الله يجزاها الجنة ) أكثر من الوالد لانه كان مشغول

وضربني الوالد ولكن اشهد انه كان متفهم حتى انه قال ( ان شكى منك احد قدامي فاشرد لا اذبحك )

اما اليوم فالحمد لله نضرب على الصلاة و على طول اللسان و ما شابه

اسأل الله ان يرزقنا بر الوالدين و بر الأولاد الى يوم الدين

[بنت شرق]

سلامتك بنت شرق
الوالد الله يحفظه تقولين بروسلي ما أوعى إلا بالصفقه على رأسي
أسبابهم وتحذيراتهم واضحه بس العناد والجهل وعدم اتباع تعاليمهم يخليهم يفقدون أعصابهم
الناس الي استوعبوا الأسباب وتجوزوا الخوف من الضرب ما صادهم شيء
وإلي تقوقعوا وكله زعلانين من الضرب ويعتبرونه اجرام دخلوا في حالة إنطواء

كنت مره ببيت خالي وهناك طبعا آخذ راحتي أبوي محد ههههههه
وخالي أحبه لأن صدره وسيع وما يعصب بس يوم عصب على ولده وضربه قدامي
صرت أشوف أبوي لطيف المنكبين ههههههههههه
ساعتها عرفت ان الطق لأننا مانسمع الكلام و عنيدين ونبغي نقضي حياتنا لعب وضحك وصياعه
ولولا ضربهم ما كملنا دراستنا ولا نجحنا ولا اهتمينا بصراحه
كان في القلب بذرة فساد لعدم الإهتمام قضوا عليها والله
الحين الوالد الله يحفظه يوم يسمع صوتي مرتفع شوي ينصحني ويهديني و و الله أقوم أحبه على رأسه شلون تغير
لأن هدفهم ما كان الضرب كان الهدف التربية وكان هذا مستوى فهمهم وعلمهم
صحيح في ناس أبهاتهم ما ضربوهم عاد هذه نعمه من الله وعيالهم طلعوا ما شاء الله نجاح وسنع
بس كل واحد ونصيبه ونصيبي دوم أي شيء بيد الوالد يطير وراي وأنا أشرد ههههههههههههههههههه
الله يسلمك ، صج انطقيت بس عمري ما ضربت اليهال مدلعتهم سويت العكس لأنه الضرب من وجهة نظري يفسد اكثر مما يصلح

[دانوو]

نعم وكان سبب مقنع
ولله الحمد ما اثر فينا نفسياً
الا طلع منا رجال ونساء قد المسؤولية
خلاف الجيل الجديد

[معماري قطري]

ماعليك منه مدارس مستقله وينجحونهم
بس
كنا نوديهم عند ابله نانا خخخ

وانا اقول شالسر

[بوخالد911]

نعم.
والله يرحم الوالد.
ويطول بعمر الوالدة.

[المحاميه]

يتروالي الجيل الجديد
لا التهديد ولا الطق يأثر فيه

ولا اشرايكم؟

[JN000N]

يتروالي الجيل الجديد
لا التهديد ولا الطق يأثر فيه

ولا اشرايكم؟

الجيل اليديد علاجه الحرمان

[حمد 2002]

نعم :(

لاسباب مختلفه واحياننا ظالم واحياننا مظلوم ...

[المحاميه]

الجيل اليديد علاجه الحرمان


الحرمان؟
من يقدر عليهم؟

هو اكيد جيل عن جيل يفرق
وحسب الظروف والبيئه اللي كل مالها تتغير

بس هالجيل من وجهة نظري ماله حل ..

[شبح الصمت]

نعم انطقيت لاسباب انا مستبب فيها ..

وموضوعج مب انه سالفة انطقينا الحين
انتي قاعده ترجعين ذكررريات
تخليناا نتذكر اللحظات الي انطقينا فيها وليش واشلون وشالسبب
تحريك ذاكره وماضي قديم وجميل

من ابوي الله يرحمه ويغفر له ويغمد روحه الجنه يارب ويجمعنا معاه في جناته الفردوس
ومن أمي الغالية جعل عمرها طويل وربي يحفظها لنا وويحفظ لكم امهاتكم وابائكم ..

بس لو اجي احسبها مب ذاك الطق الي يكسر يعني
لشطه سريعة
نعال تكرمون على سرعة 180
كل ما هو قريب وسهل الحمل وسريع القذف


ههههاي
وشكراً الحياه

[JN000N]

الحرمان؟
من يقدر عليهم؟

هو اكيد جيل عن جيل يفرق
وحسب الظروف والبيئه اللي كل مالها تتغير

بس هالجيل من وجهة نظري ماله حل ..

اجوف عيالنا لين حرمناهم استعدلو خخخخخ
يعني نحرمهم من شي ونطنشهم ونخليهم يحنون لين الله يجوف لهم مانعطيهم ويه لين يتسنعون
ماقول انها فعاله 100% بس تضبطهم شوي ههههه

[معماري قطري]

البندين الأخيرين خربوا الاستطلاع

[JN000N]

على طاري الفرصه
الله يرحم يدة امي ياويل الوحده فينا اذا انصادت
كنا صراحه ملعوزينها وهي ماتقدر تقوم وتمسكنا
ف تلاقينها قاعده ف مكانها تنيشن الوحده فينا من تطوف وحده تطيح ف الشبك هههههههههه
وفرصتها على مستوى عالمي مستحيل تفرص بيدها بس لازم طعامة التمر عنصر مساعد :happy:
بس الحمدلله ولا مره صادتني

[الحياة الخالدة]

البندين الأخيرين خربوا الاستطلاع

ليش أخوي بوعبدالله
أنا حاطة خاصية الخيارات المتعددة
غير جذي .. هاذي مب دراسة علمية أصلاً .. مجرد رغبة مني في التعرف على نسبة الإجابات للأسئلة المطروحة

[الحياة الخالدة]

وللتذكيـــــــر فقط :

طبعاً انا اطرح الموضوع .. وما اتكلم عن ضرورة الضرب من عدمها
لكن أبي اشوف هل النسبة بالفعل مرتفعة
بس اتفرغ ان شاء الله راح ارفق استطلاع يمكن يبين لي هالشي

[الحياة الخالدة]

سجلوني مع المرضوخين

ههههههههه مرحباً بك في نادي المرضوخين

[الحياة الخالدة]

:weeping::weeping::weeping:

يعني انت بعد من المرضوخين

[الحياة الخالدة]

مانطقيت الا من اخوي العود صكني طراق لانه صادني ادخن وانا صغير بس ابوي مارضى ونقد عليه لان ضربني كف

اما ابوي وامي الحمدلله عمرهم مامدو يدهم علي الله يطول باعمارهم ويخليهم
بس صراحه كان في شي ياثر فنفستي جداً :( كنت اجيب ف ال90 و 80 فالمدرسه ويقولن لي لانك ماندرس لو تدرس بتجيب اكثر

فالذمه درجاتي فالتسعينات وما ادرس شلوووووون قولو الحمدلله كنت انافس مصطفى
بس للامانه ماكنت ادرس وكل شارد شلون اجيب هالنتايج مادري ههههههههه

اهااااااا .. لأن الضرب ما ياك من أبوك .. ما تبت عن التدخين
الله يخليهم لك ويطول بأعمارهم
وبخصوص انك تنافس مصطفــــــى .. أشك في ذلك ترا علومك كلها عندنا توصلنا من جنون :tease:

[الحياة الخالدة]

ايه انطقيت وعادي لا تاثرت ولا تعقدت لله الحمد ،ويارب تجزي امي وابوي واخواني رحمه الله عليهم كل خير عن تربيتنا وتأديبنا
وانا من مؤيدي الضرب في حال ما فادت النصيحه
الله يرحمهم ويغفر لهم
انتي معروف عنج انج قاسية :secret:

[الحياة الخالدة]

ما شاء الله حزبنا مكتسح

وانت بعد من المرضوخين ( عجبني المصطلح )

[الحياة الخالدة]

أبوي عمره ما مد يده علي فدييته
وأمي فدييتها ضربتي وقرصتني بعد والسبب افعالي وردات فعلي الثوريه طبعا والي تطلع حتى بعض الضرب :shy:
بس الضرب العادي مو مبرح ومرحله معينه مو على طول

جعل يمينها ما تعرض على النار يا رب آمين
والله يجزاها وأبوي خيري الدنيا والأخره ويطول بأعمارهم على الطاعات يا رب آمين

اللهم آميـــــــن
عاد كلش ما يبين عليج يا ديور إن عندج ميول ثورية

[الحياة الخالدة]

اخبر مره انطقيت في اول ثانوي من الوالد الله يحفظه

والسبب كنت زمران ابي اسوق السياره
وهو يحاول فيني ما يصير وممنوع وخايف عليك وانا كلش مافي فايده الا اداوم بسياره

بدت المدارس وقلت بسوي عصيان وماراح اداوم تميت يومين ماداومت وعقبها شفت الوجه الاخر
وانرضخت لين قلت بس هههههه


واخبر مره انطقيت وانا توني داش ال 23
:rolleyes2:

السبب كان ما عندي احد يجي البيت بعد الساعه 12 :telephone:


مره مرتين ومافي فايده معاند وهو على باله اني راعي سوالف مني مناك :omen2:

وانطقيت بالواير الى ان تقطع على ظهري وكانت الساعه ذاك اليوم 1 :rolleyes2:

عقبها بيوم قلت مافي الا حل واحد اقوله اياه عشان يطلق سراحي وما يحاسبني :telephone:

(حتى السفر كان ممنووووع الا بعد الزواج فقط
قوانين الوالد )



قمت ثاني يوم قلت يبه ابي اتزوج :telephone:

يعني في المرتين الضرب كان مبرر
الوالد الله يغفر له شكله شديد .. وانت كان فيك شوية عناد ( مثل أغلب اللي في عمرك )
وحلك الأخير .. ماله حل هههههههههه

[العلياا]

ابوي ماعمره ضربنا لكن اذكر امي ضربتني مرة وحدة وكنت مظلومة
وللحين اتذكر التفاصيل كاملة اختي اللي غلطت وجات على راسي انا واضربتني ضرب :weeping:
ماترك اثر بس انقهرت فترة طويلة اذكر

اما الحين امورنا طيبة ولا شلنا عليهم جعل ربي يطول لنا باعمارهم

[كيلو حديد]

6 % الي ما انطقوا
خساره ما ذاقوا طعم العقال هههههههههه

[بومحمد المطاوعه]

موضوع قيم

الصراحه ولا عمري انضربت من ابوي الله يرحمة يارب
ولا من امي الله يطول ف عمرها

اصلن انا مؤدب ولله الحمد
خخخخخ
ولا حد ضربني حتى الاساتذه ولا عمرهم ضربوني

من جذي انا ضد الضرب ولا ارضى اي انسان يضرب عيالي

حزات اضرب ولدي لو سوى شي غلط واتحسف والله
مارقد الليل الا لين اضمه واخليه يحس ان الي سواه غلط ،،

علشان يرتاح قلبي وبالي ويكون شي ينغرس فيه ولا يكرر الخطأ ،،

شكرآ على الموضوع العجيب ،،

[بانغ بانغ]

سؤال ..

ليش يوم كنا صغار ... انشوف ونعتقد ان الولد الدب ما يتألم ....

لا وما يصيح بعد

[بوخالد911]

سؤال ..

ليش يوم كنا صغار ... انشوف ونعتقد ان الولد الدب ما يتألم ....

لا وما يصيح بعد

يمكن لأنه محمي من اللحم !!!!!

:)

[مضارب دوسري]

سؤال ..

ليش يوم كنا صغار ... انشوف ونعتقد ان الولد الدب ما يتألم ....

لا وما يصيح بعد

ياخي تالم
خلي عندك شوي دم

هههههه

[بانغ بانغ]

ياخي تالم
خلي عندك شوي دم

هههههه

والله كنت كاتب نفس تعليقك ومسحته خفت يزعلون المتان في المنتدى ايام طفولتهم هههههههه

[بانغ بانغ]

يمكن لأنه محمي من اللحم !!!!!

:)

الا شحم مب لحم

اعترف شكلك دب

[بوخالد911]

الا شحم مب لحم

اعترف شكلك دب

سر من الأسرارررررررررررر

[الحياة الخالدة]

عموماً الاهل الاولين كانوا اسوياء و مع ان ضربهم قوي ،الا انهم قدوة خير مب مثل آباء اليوم
كانت الوالدة تضربني ( الله يجزاها الجنة ) أكثر من الوالد لانه كان مشغول
وضربني الوالد ولكن اشهد انه كان متفهم حتى انه قال ( ان شكى منك احد قدامي فاشرد لا اذبحك )
اما اليوم فالحمد لله نضرب على الصلاة و على طول اللسان و ما شابه
اسأل الله ان يرزقنا بر الوالدين و بر الأولاد الى يوم الدين


اللهم آمين
الأغلبية كان ضربهم لمصلحة الأبناء ولأسباب مقنعة .. لكن لا يمنع أن القلة قد يبالغون في الضرب لوقوعهم تحت ضغوط نفسية واجتماعية ومادية وغيرها
حياك الله أخوي سالم

[الحياة الخالدة]

نعم وكان سبب مقنع
ولله الحمد ما اثر فينا نفسياً
الا طلع منا رجال ونساء قد المسؤولية
خلاف الجيل الجديد

كما أرى من نتائج الاستطلاع المتواضع .. أن الأغلبية لم يتأثروا نفسياً ولله الحمد
يمكن لاقتناعهم الداخلي بإن الضرب كان لمصلحتهم
شكراً لك أخي الكريم

[الحياة الخالدة]

نعم.
والله يرحم الوالد.
ويطول بعمر الوالدة.

الله يرحم الوالد ويغفر له .. ويرحم موتانا وموتى المسلمين
ويطول بعمر الموجود منهم على الطاعة والعمل الصالح

[حليتان*]

اهااااااا .. لأن الضرب ما ياك من أبوك .. ما تبت عن التدخين
الله يخليهم لك ويطول بأعمارهم
وبخصوص انك تنافس مصطفــــــى .. أشك في ذلك ترا علومك كلها عندنا توصلنا من جنون :tease:

شفيج فثالث ثنوي انا الثاني ع الصف بفرق 2 من عشره

المأساه الاكبر اول امس وانا داش الفندق وله مدرسة الشرعيه الي درستني فصف اول تشوفني مع اختي وله تقول حق اختي هاي من ! امافوووه :eek5: شخبارك يبه لا ومعاها بناتها :( عاد تعالي فهميها ان امافوه على قولتها صار ريال شكبره مب ذاك البزر الي كانت ادرسه

يعني تخيلي حتى مدرستي فصف اول ليحن تذكرني من شطارتي ههههههههه اخبر كل اقعد جدامها فاول طاوله فالنص لازقه فطاولتها

الله يشفيها جايه تتعالج
ايزاها الله خير اخبر فامتحان الشفهي اطلعت لي سورة النازعات قالت لي هاي صعبه اختار ورقه ثانيه
كانت سورة النازعات مسويه لنا رعب فصف اول هههههههه

[حليتان*]

بعد تجيب 90 وبدون دراسة وتنافس مصطفى وتنطق ما يصير كلش
ما انطق بس يقولون لي جي

كانو يحسسوني بالذنب

اخبر مره ثنين من عيال عمي مزورين شهاداتهم انهم ناجحين فضحتهم عهههههههههه
مساكين كانو جايبين لهم هدايا خلوهم يرجعون كل شي وعطوني اياهم ههههههههههههههه

[حليتان*]

اكيد طنط كانت تدعي لك وتدعي على مصطفى هههههههههههههههههه

على ذيج الايام كانت طنط تطلع من الامتحان تصيح لانها شاكه فحل الاختياري ههههههه

[حليتان*]

ركز على كله شارد ويجيب هالنتائج وانا درست ليل ونهار ومجموعي في الثنوية 73% ووايد علي

يارجل ابوي استغرب قال اكيد مغلطيين

سوو معانا لقاء مره يبلفيت فالمدرسه المتوفقين واولياء امورهم
يقولون لي شلون تفوقت وجي وهل الشي كان صعب عليك

عاد انا رزيل قلت اكيد صعب من جد وجد رمن زرع حصد لازم الواحد يذاكر دروسه اول باول وينام بدري عشان جسمه يرتاح ويحرص على الحضور ومادري شنو وابوي حذاي قالي وشووو !!! ينام بدري ! ويحرص ع الحضور! اي حضور وانت الساعه 10 فالبيت كل يوم مرخصينك ههههههه

مسكين كنت ملعوزه كل يوم يتصلون فيه لين زهق وعطاهم رقم اخوي قاله تفاهم معاهم هههههههه
واحلى شي فالموضوع ان ماكانو يتصلون حق اخوي لان كان يداوم فالمجلس الاعلى للتعليم وكان النائب الاكاديمي عنده موضوع عند اخوي هههههههه

[ممنوع اللمس]

انطقيت طق يوم بسنه
لكن كل الضرب كان علشان الدراسه فقط مو شي ثاني
والحمد لله خلصت الجامعه بامتياز
لكن جميع انواع الادوات االكهربائيه مرت على ظهري والحمد لله
عقال مرعز اول تجربه له على ظهري
وبفضل الله اثبت جودته

[الكبير]

انطقيت طق يوم بسنه
لكن كل الضرب كان علشان الدراسه فقط مو شي ثاني
والحمد لله خلصت الجامعه بامتياز
لكن جميع انواع الادوات االكهربائيه مرت على ظهري والحمد لله
عقال مرعز اول تجربه له على ظهري
وبفضل الله اثبت جودته

هههههههههههههههههههه جميع الاجهزة الكهربائية

مأجور ان شاء الله

[<اضرب واشرد>]

السلام عليكم

أذكر مرتين بس، واحدة ما لها داعي

التصويت غير دقيق لأنه يسأل عن شيئين، وما يسمح إلا بخيار واحد:

1) مقنع/غير مقنع
2) في خاطري شيء على أهلي/ما شلت في خاطري

شكرا للحياة الخالدة وللأعضاء

[<اضرب واشرد>]

وأحيانا يكون التعنيف النفسي أشد من البدني

يعني ضربة من الأم أو من أب ضعيف الشخصية، ماتؤثر مثل صرخة أب يخافون منه ..

والسب والشتايم والسخرية (العيارة) من والديه أو من أخوانه .. يؤثر عليه أكثر من الضرب

والعلاقة الباردة بين الوالد وبينه، يعني الولد دايما خايف من أبوه ويتهرب من القعدة معاه لأنها مملة أو قاعد على أعصابه، لأن صورة أبوه مرتبطة بالصراخ والضرب والإهانة .. وليس الود والاحترام والتقدير لابنه .. لذلك يفضل القعدة مع أصدقاءه عن أبوه/أهله .. مع أصدقاءه يكون بشخصيته الطبيعية، لاشك هذا يؤثر أكثر عليه من الضرب

أما الضرب فكلنا انضربنا من المدرسين أكثر بكثير من البيت

[يمامـة]

انطقيت طق لقلت بس .. ومع هذا كانوا يطقوني لو مصختها..

طبيعتي المتهورة والمندفعة في التعامل مع الأمور ببساطة من غير حذر وانا طفلة
كانت سبب رئيسي لحصولي على وجبات دسمة من الطق( الله على التعبير احسه فيه روح الجوع للضرب) :"(

هل تعقدت او حسيت بالظلم؟
اممم لما كنت انطق كنت أحاول العب بيني وبين نفسي دور المظلومة اللي انطقت وما تفهموا سبب شطانتها
لكن لما كبرنا صرنا اكثر نضج في تفهم أسباب لجوء اهلينا الى طقنا.. فنسترجع الذكريات الحلوة في سوالف الضرب
واحنا نضحك من خبثنا من صوب ومن الصوب الثاني نوصف حرة اللي كان يطقنا..

فلله الحمد ما عانينا نفسيا من الطق.. لأن الواحد للامانة ما بيعاني من الحر لو ما عنده مكيف كلش..
فالطق في زمننا حاله حال باص مافيه مكيف امر مفروض علينا .. واللي ما يطق عياله يضيعون من يده..

وعلى نفس المنوال ،، استخدمت الضرب كأحد أساليب التأديب والعقاب مع عيالي.. وما عندي مانع استعين فيه
لو ردت فيني الأيام واربيهم من يديد...

[ضوى]

انطقيت طق لقلت بس .. ومع هذا كانوا يطقوني لو مصختها..

طبيعتي المتهورة والمندفعة في التعامل مع الأمور ببساطة من غير حذر وانا طفلة
كانت سبب رئيسي لحصولي على وجبات دسمة من الطق( الله على التعبير احسه فيه روح الجوع للضرب) :"(

هل تعقدت او حسيت بالظلم؟
اممم لما كنت انطق كنت أحاول العب بيني وبين نفسي دور المظلومة اللي انطقت وما تفهموا سبب شطانتها
لكن لما كبرنا صرنا اكثر نضج في تفهم أسباب لجوء اهلينا الى طقنا.. فنسترجع الذكريات الحلوة في سوالف الضرب
واحنا نضحك من خبثنا من صوب ومن الصوب الثاني نوصف حرة اللي كان يطقنا..

فلله الحمد ما عانينا نفسيا من الطق.. لأن الواحد للامانة ما بيعاني من الحر لو ما عنده مكيف كلش..
فالطق في زمننا حاله حال باص مافيه مكيف امر مفروض علينا .. واللي ما يطق عياله يضيعون من يده..

وعلى نفس المنوال ،، استخدمت الضرب كأحد أساليب التأديب والعقاب مع عيالي.. وما عندي مانع استعين فيه
لو ردت فيني الأيام واربيهم من يديد...

هلا هلا هلا بام الزين نورتي

[يمامـة]

هلا هلا هلا بام الزين نورتي

يااا اهلين وسهلين والله.. النور نوركم وما انا الا شمعة في وسط كشافات استاد خليفة الدولي..

مع تحيات
ام الزين القباني

[رجل تعليم]

مساء أبهر الأنوار يا يمامة
هؤلاء رفاق الدرب القديم مازالوا يحفظون الإسم إلى الأبد
خرجنا عن الموضوع معذرة لكنه حضور عاجل ويستحق مراسيم استقبال خاصة
ألف حمدا لله على سلامة العودة يا يمامة وعقبا لكل الغاليين عنا

[يمامـة]

مساء أبهر الأنوار يا يمامة
هؤلاء رفاق الدرب القديم مازالوا يحفظون الإسم إلى الأبد
خرجنا عن الموضوع معذرة لكنه حضور عاجل ويستحق مراسيم استقبال خاصة
ألف حمدا لله على سلامة العودة يا يمامة وعقبا لكل الغاليين عنا
مساء النور يا اخوي رجل تعليم..
والله يسلمك من كل شر.. وجزاك الله خير على هالترحيب..

[الحياة الخالدة]

نعم :(

لاسباب مختلفه واحياننا ظالم واحياننا مظلوم ...

ظالم وانت صغير ؟؟!!
الله المستعان
شكراً على مشاركتك أخوي حمد

[الحياة الخالدة]

نعم انطقيت لاسباب انا مستبب فيها ..
وموضوعج مب انه سالفة انطقينا الحين
انتي قاعده ترجعين ذكررريات
تخليناا نتذكر اللحظات الي انطقينا فيها وليش واشلون وشالسبب
تحريك ذاكره وماضي قديم وجميل
من ابوي الله يرحمه ويغفر له ويغمد روحه الجنه يارب ويجمعنا معاه في جناته الفردوس
ومن أمي الغالية جعل عمرها طويل وربي يحفظها لنا وويحفظ لكم امهاتكم وابائكم ..
بس لو اجي احسبها مب ذاك الطق الي يكسر يعني
لشطه سريعة
نعال تكرمون على سرعة 180
كل ما هو قريب وسهل الحمل وسريع القذف
ههههاي
وشكراً الحياه

الله يرحم الوالد .. ويحفظ لكم الوالدة ويطول بعمرها على الطاعة والعمل الصالح
ما شاء الله الاهل كانوا يتفننون في وسائل الضرب .. عشان العيال ما يتمللون هههههههههه
والله أحلى مافي الموضوع مشاركاتكم وذكريات الطفولة

العفو أخوي شبح .. حياك الله

[الحياة الخالدة]

على طاري الفرصه
الله يرحم يدة امي ياويل الوحده فينا اذا انصادت
كنا صراحه ملعوزينها وهي ماتقدر تقوم وتمسكنا
ف تلاقينها قاعده ف مكانها تنيشن الوحده فينا من تطوف وحده تطيح ف الشبك هههههههههه
وفرصتها على مستوى عالمي مستحيل تفرص بيدها بس لازم طعامة التمر عنصر مساعد :happy:
بس الحمدلله ولا مره صادتني

الله يرحمها ويغفر لها
الفرصة : العقاب السحري
ما جربتها .. لا بالطعامة ولا من غيرها
انا الكلمة كانت تصيحني .. لذلك كل الأمور اللي تتكلمون عنها ما مرت علي ولله الحمد :nice:

[الحياة الخالدة]

ابوي ماعمره ضربنا لكن اذكر امي ضربتني مرة وحدة وكنت مظلومة
وللحين اتذكر التفاصيل كاملة اختي اللي غلطت وجات على راسي انا واضربتني ضرب :weeping:
ماترك اثر بس انقهرت فترة طويلة اذكر

اما الحين امورنا طيبة ولا شلنا عليهم جعل ربي يطول لنا باعمارهم

يحليلج يا العليا .. عاقلة من صغرج ومظلومة :secret:
الله يخلي لج أمج وأبوج .. ولا يغير عليكم

[الحياة الخالدة]

موضوع قيم
الصراحه ولا عمري انضربت من ابوي الله يرحمة يارب
ولا من امي الله يطول ف عمرها
اصلن انا مؤدب ولله الحمد
خخخخخ
ولا حد ضربني حتى الاساتذه ولا عمرهم ضربوني
من جذي انا ضد الضرب ولا ارضى اي انسان يضرب عيالي
حزات اضرب ولدي لو سوى شي غلط واتحسف والله
مارقد الليل الا لين اضمه واخليه يحس ان الي سواه غلط ،،
علشان يرتاح قلبي وبالي ويكون شي ينغرس فيه ولا يكرر الخطأ ،،
شكرآ على الموضوع العجيب ،،
آهااااا .. يعني انت من حزب الأقلية
بس الغريبة انك حزات تضرب ولدك
وبالفعل .. وايد سمعتها من اللي يضربون عيالهم أنهم يتحسفون وخصوصاً لما ينامون عيالهم ويقعدون يتأملونهم ويقولون في قلوبهم شلون قدرنا نضربهم وهم بهالبراءة :weeping:

العفو أخوي بومحمد .. حياك الله

[امـ حمد]

تسلمين حبيبتي الحياة الخالده على الموضوع
انا الحمد لله مانطقيت بس طقيت بنتي وكانت في صف الأول الإبتدائي والحين خلصت الجامعه بفضل الله
والسبب عيالي رجعوا من المدرسه وحطيت الغدا والكل قاعد ينطر اختهم الصغيره هي اصغر بنوته عندي
علشان تتغدى وياهم ولكن كانت المفاجئه صعبه على اخوانها وأصعب عليا انا فرينا البيت كله ماحصلنها اخر شي دخلت غرفتي وسمعت صوت خفيف جداً صرت اطالع وين البنت سامعه صوت بس الصوط بعيد
وهي شيفانا في الحجرة وخايفه تتكلم،واطالع فوق الكبت وهي طالعه فوق الكبت ومش قادر تنزل
ولما ابوها نزلها اخذتها منه وضربتها للحين هي متذكره الضرب الا انا ضربتها وكل فتره بتذكرني يمه تتذكرين يوم طلعت فوق الكبت وطقتيني طق للحين ماأنساه بقول لها نعم متذكره لأنك حرقتي اعصابي وخلتينا افر البيت عليج مثل المجنونه لازم تنضربي

[الكبير]

اتذكر واحد في المدرسة

انضرب ضرب مسكين ضرب يعني ضرب بالعصا

والمدرس كان شيبة وما كان اممركز في اليد

في الاخير لابس قفاز حراسة بني