بغيت اسماء الجزر في اسبانيا او مناطق فيها بحر نظيف

[بـن عدوان]

السلام عليكم

شخباركم ان شاءالله طيبين

بإذن الله رايح اسبانيا في العيد

اول زيارة لي

بروح برشلونة وبقعد 4 ايام

ومحتاج وجهة حق الريلاكس

بحر وحركات


ماتكون وايد غالية

وسؤال بخصوص الفيزا

ابي اقرب موعد حق اي اسهل سفارة بحيث اني اخذها واقدر اروح اسبانيا فقط
اللي عنده علم يفيدنا لو تكرمتوا

[monatee]

وعليكم السلام

برشلونه ع البحر ، وعندها شاطئ جمييل لكن زحمممه

وعندك جنوب اسبانيا مالقا وماربيا ايضا عندهم شواطيئ جميله

وجزيره بالما دي مايوركا وعاصمتها مايوركا وحده من جزر البليار الاسبانيه واكبرهم شواطئها جدا جدا جميله

يمكن الذهاب الى مايوركا بالمراكب السريعه من برشلونه
او دايركت على مطار مايوركا واعتقد طيران الامارات عنده خطوط مباشره معاها

هالثلاث اماكن شفتها بعيني .. اما الباقي ماعندي علم عنهم

كلهم سعرهم رخيص بالنسبه لمناطق اخرى في اوروبا .. واعتقد الجنوب الاسباني ارخص

والاونس فيهم مايوركا طبعا بعدها مالقا والي حولها واخر شي برشلونه

بالنسبه للفيزا خذها من السفاره الاسبانيه افضل .. وماعتقد كلش عندهم زحمه او ضغط

[سعود.]

في 2010 رحت اسبانيا ( برشلونة )
عالبحر مناطر ماراح تعجبك الاغلبية شبة عراه ( نساء ) .
ورحت لبحر شمال برشلونة مدينة اسمها ( روسس ) بعد نفس الشي .

[captin]

جزيرة مايوركا
أكبر الجزر الاسبانية في البحر المتوسط
وعاصمتها بالما حلوة فيها قعدات وكافيهات على البحر والمارينا
ومناظر اليخوت .
داخل المدينة فيها مباني تراثية قديمة من ايام حكم المسلمين للاندلس .

ومن الجزر الاسبانية الاخرى في البحر المتوسط

جزيرة ايبيزا او مثل ينطقونها الاسبان ( ايبيثا )
وهي جزيرة شبابية فيها حياة ليلية تمتد الى ساعات الصباح الاولى
كلها بارات ومراقص على طول السيف ومعظم روادها من الشباب والشابات
في العشرينات من العمر والأغلبية بريطانيين والمان وبعض الجنسيات الاروروبية الاخرى
يسمونها youngsters paradise يعني جنة الشباب او صغار السن للي فيها من حياة الصخب
والاغاني والرقص لين الصبح .

جزيرة تنريف
وهي ايضا شبيهة بباقي الجزر من حيث الطبيعة الجغرافية وصفاء البحر
ونظافة الرمال والشواطئ والحياة الليلية .

عندك جزر كناري وهي بعيدة تقع قبالة جنوب المغرب في المحيط الاطلسي
مدة الطيران من برشلونة أقل من ثلاث ساعات بشوي .

وايضا نفس الاجواء مثل باقي الجزر الاخرى لكنها حارة في الصيف في شهر 9 القادم راح تنزل درجات الحرارة تدريجيا.

[بـن عدوان]

الله يرحم والديكم جميعا ماقصرتوا عالمعلومات الوافية والكافية

ان شاءالله راح اسكن في مايوركا

واحتمال اؤجر سيارة بس مادري هل يقبلون ليسن قطري ولا لازم دولي ؟ وشنو احسن حل

[سعود.]

اذا ماخاب ظني لازم ليسن دولي + بطاقة فيزا

[monatee]

جربنا نأجر سياره في سويسرا وفرنسا .. دائما مكتب التاجير امثال يوروكار عمرهم ماطلبوا ليسن دولي

وكله ناجر بالليسن القطري .. ويمكن الليسن الدولي يحتاجه شرطي المرور وماقد صارلنا موقف مع الشرطه فماندري

الليسن و الفيزا هاي المطلوب فقط

[بـن عدوان]

الله يرحم والديكم