حسبي الله ونعم الوكيل طلابنا في بريطانيا يتعرضون للعنصرية في الجامعات

[kitmat]

بدئت بحسبي الله ونعم الوكيل لاني لااستطيع النوم من القهر اللي انا فيه على ابني واكتب موضوعي الساعة الخامسة فجرا حيث تعرض ابني للعنصرية في جامعة lincoln البريطانية هو والعديد من الطلبة القطريين والخليجين لجأ للسفارة القطرية وقدم الادلة مستندا بالايميلات التي لدية ولكن دون جدوى حيت رسب في مادتين وعليه الان اعادة السنه من جديد كامله من حق الطالب اعادة الامتحان اذا كانت درجة الطالب منخفظة اراد ابني اعادة الامتحان وطلب من المدرس ذلك حيث ابلغة بانه سيبعث اميل بالموعد والوقت وطبعا لم يقم بذلك واكتفى بالاعتذار لانه لم يبلغ ابني بذلك طيب طلب منه ابني ان يحضر في اي محاضرة للاستاذ نفسة ويقدم الامتحان في القاعة التي يكون موجود فيها فرفض الوكيل ذلك نتج ذلك طبعا رسوب ابني في الماده والغلطة غلطة المدرس الماده الثانية كمبيوتر لم يحسب له ملف قد بعثة للوكيل اسبوعين وهوه في المكتب عنده ياحضرة الوكيل لو سمحت انا بعثت البرنامج خلاص في شي ويقوله كل شي اوكيه ايقولي يمه حفت ريولي كل يوم اروح له ويقولي خلاص مافي شي انت ارجع بلادك ووعد مني اذا في شي بابلغك بالاميل حسبي الله ونعم الوكيل فيهم وذلونا على الشهاده لين انا كلمتهم بنفسي الامسقطينه في المادة اللي كان من حقة يسوي فيها ريست يعني اعادة ومادة الكمبيوتر وهو البرنامج اللي مسويه ماعطوه فيه اي درجة وشل الوكيل مافتح البرنامج المهم كلمهم ردت عليه وحدة مسؤولة عن الطلبة اتقول
اصلا البرنامج مافتح والوكيل اهوه حفت ريوله اسبوعين ايروحله ايقوله كل شي اوكيه ارجع بلادك واذا في شي بابلغك ولابلغة بشي ولابلغة ان البرنامج مايفتح المهم ولدي سوى اعادة ارسال لصديقة بالبرنامج فقالة يفتح عندي والمفروض يفتح عندهم بس لعانه حسبي الله ونعم الوكيل عليهم غير انه يايب في المواد خمسة وسبعين ويحطون لهم اربعين ويقولون لهم نزلناكم لان الامتحان سهل مع ان حضور ولدي للجامعة تسعين في المية طرش ولدي الاميلات كلها لمسول في السفارة القطرية في بريطانيا بس مافي استجابة سريعة منهم والله حرام ايعيد نفس السنه بسبب عنصريتهم ليش السفارة ماتوقف وقفه حازمة معاهم انا متكفلة بكل مصاريف ولدي في الجامعة يعيد السنة كاني خذت فلوس السنة وقطيتها في البحر وفي طالب ثاني بعد مشتكي على نفس الجامعة قطري ومسكين عماني طلع وكويتي نفس الشي ليش هاللعانة بس مع الخليجين وفيها وايد قطرين الله يعينهم اذا هاي تعامل الجامعة معاهم وحقهم ضايع المفروض زارة التربية والتعليم اتشيل اسم الجامعة من الابتعاث مادام تعاملهم زفت مع الطبة وياكلون حقهم ويسقطونهم اجباري اتمنى من السفارة القطرية تاخذ حق ولدي من الجامعة وماتضيع عليه السنة والله حرام لما خاطبهم الشخص من السفارة تخيلو ايش قاله قاله انا طلبت منه يطبع البحث ويجيبه لي وهوه ماجابة تخيلو وشلون يطبعة وهو مسوي برنامج كولكليتر لازم يفتحة ويشوف الكولكليتر يشتغل ولا لا يعني قمة الكذب انا مع ولدي كل يوم خطوه بخطوة لما رجع كل يوم ايطرش له ايميل هالوكيل الظالم ايرد عليه ويقوله كل شي اوكيه
اتمنى من السفارة التاكد من الموضوع واخذ حق ولدي منهم والله اني ميته من القهر حسبي الله ونعم الوكيل عليهم يضيعون جهد سنه كاملة والادلة كلها موجوده في ايميل ولدي واتمنى من الوزارة ازالة اسم الجامعة من الجامعات المقبولة حتى لايقع طالب تحت الظلم مع علمي لما قدمنا الشكوى للسفارة بلغونا ان في طالب اخر قطري مقدم شكوى حسبي الله ونعم الوكيل واتمنى من السفارة اخذ حق ولدي قبل فوات الاوان لان مابقى شي على السنه الجديدة حيث انهم بلغوه بان الموضوع بيطول يعني شلون اتروح السنه الياية على ولدي

[معماري قطري]

الله يعينهم ويوفقهم سبق إن تعرضنا لظلم مشابه في أمريكا

دوم يجون مدرسين عنصريين .. أذكر كان عندنا واحد سيرلانكي يكره العرب سقطني وانا معدلي 44 ونجح رفيجي ومعدله 36 ورفيجي كان عايد وخلاني اعيد المادة بس تقديم امتحانات ونجحني .. بعدين عرفت إن إخته خادمة في الكويت ويكره كل الخليج

ثاني من اللي يسمونهم رد نك والمادة صعبة وكان يعيد الوظائف والوظائف القديمة عندنا من اخواننا اللي سبقونا .. كنت خليفة علي العبدالله والوريث الشرعي له في هذي المادة الله يذكره بالخير مدير التخطيط العمراني السابق .. وحلي كله مسكت 100% في الوظائف .. اللي صار طلبة كوبيين سرقوا كتاب الحل من المدرس والمدرس شك في اللي حله مثالي فيني يعني وكان يتكلم منقهر ويحط عينه في عيني كأنه يقول انت اللي سارق .. بغيت اروح اشرح له بس ما توقعت يسوي شيء ولا عنده اثبات وتفاجأت برسوبي وسفر المدرس واعتزاله التدريس

إضطريت أغير مجال تخصصي من هندسة مدنية لمعمارية بسبب لطافة طاقم تدريس المعماري وخلصت كل كتطلبات المعماري وقدمت للتخرج وطلعت الموافقة لكن يوم رجعت قطر وصلتني الشهادة من نسختين كنت اتوقع .. دققت شوي الا شهادتين يعني مشوني في المدني بدون ما اعيد المادة ذيك اللي مع الرد نك القذر والحمد لله الظاهر صار تدقيق وانصفوني

شكراً جامعة ميامي

[qatarman8008]

مرحبا اخوي..
انا درست في بريطانيا واعرف بالضبط شاللي قاعد يصير لولدك..
في بعض الجامعات فيها عنصرية ضد الخليجيين ..
والحل الوحيد انك تطلب من ولدك انه يغير الجامعه ويروح جامعه فيها خليجيين كثير وامورهم ماشية..
الجامعات في بريطانيا مثل المملكة المستقلة..
ما احد يقدر يقول لهم ليش سوييتوا وليش سويتوا..
هو الوحيد اللي يقدر يحاسبهم هو المجلس الاعلى للتعليم عندهم ويقلل من تقييم الجامعه..
بالنسبة لهم الان موضوع ولدك انتهى وطويت الصفحة..
كان درس وتعلمنا منه انه مانغامر ونودي عيالنا لجامعات بريطانية فقط لمجرد سمعه الجامعه وتقييمها..
الاهم هنا ان تكون ادارة الجامعه متعاونة جدا وغير عنصرية ومرنه في التقييم والتدقيق..

[kitmat]

جزاكم الله خير شلون اعرف الجامعات الزينه واللي فيها الادارة متعاونه

[CH Engineer]

الله يعينكم
دخليه جامعه كلها خليجين
والأفضل كلها قطريين
حتى لو ولدج ما يبي يدرس بينجحونه
الموضوع بزنس

[سالم الزهران]

اخي الكريم ، هونها وتهون لا قلت الدول ولا قلت الجامعات

الانجليز ما ينصفون ولا تدور عندهم الحياد وهم اكذب خلق الله

واحد عنصري يحوس جامعة كاملة ولا احد يقدر يوقف له ( خاصة اذا الطالب اجنبي)
الله يييسر لاخونا و يوفقه

[رجل مثالي]

.
ممكن الحل الوحيد اخوي انك تطلب من ولدك
انه يغير الجامعه ويروح جامعه
فيها خليجيين كثير وامورهم ماشية..
الجامعات في بريطانيا مثل المملكة المستقلة..

[بورصجي_جديد]

الحل جيبه قطر رجعه ودخله جامعه قطر او نورث معناته مب قد دراسه لندنيه لو نجح وعده مستحيل احد يرسبه واترك عنك عنصريه وغيره نعم فيه عنصريه بس الاجانب حقانين خصوصا بتعليم ولدك رسب شنو تتوقع تبي منهم ينجحونه لاطبعا معروفه لندن من اصعب الاماكن للدراسه. وده امريكا اسهل او مثل ماقلت لك رجعه قطر وريح بالك

[Diamond]

جزاكم الله خير شلون اعرف الجامعات الزينه واللي فيها الادارة متعاونه

انا ادرس في هيدرزفيليد... من اروع مايمكن وسهله وكلها قطررين .. بس حاليا المجلس الاعلى موقفين البعثات لهدرزفيليد عشان التكدس .. اما اذا ولدج في شركة بترول اول شركات خاصه عادي الشهاده معترف فيها .. المجلس الاعلى ما يبعث فقط عشان التكدس..

الجامعه من اروع مايمكن ومافي اي نوع من انواع العنصريه

[بريق الحق]

يازين قطر والله ويلوموني يوم أقولهم ادروس فالدوحة
الله يعين ولدج

[راعي الكورفت]

غلط تطرشونهم برع .
الدوله مش مقصره وعندنا افرع للجامعات العالميه .

ومستوى التعليم البريطاني معروف انه فاشل واسيمنتات كلها copy and paste

والنجاح من 40%

وحتى الخريجين من جامعاتهم مستواهم ضعيف جدا بسبب سوء مستوى تعليمهم.

وهذا غير العنصرية الي تحصلونها من ابو عيون زرق.

الحل يرجع للدوحه ويدرس هني معزز ومكرم بين أهله .

[kitmat]

انا ادرس في هيدرزفيليد... من اروع مايمكن وسهله وكلها قطررين .. بس حاليا المجلس الاعلى موقفين البعثات لهدرزفيليد عشان التكدس .. اما اذا ولدج في شركة بترول اول شركات خاصه عادي الشهاده معترف فيها .. المجلس الاعلى ما يبعث فقط عشان التكدس..

الجامعه من اروع مايمكن ومافي اي نوع من انواع العنصريه

والله انا فعلا افكر فيها جزاك الله خير وماقصرت ولدي انا مطرشته على حسابي

[حليتان*]

الحل جيبه قطر رجعه ودخله جامعه قطر او نورث معناته مب قد دراسه لندنيه لو نجح وعده مستحيل احد يرسبه واترك عنك عنصريه وغيره نعم فيه عنصريه بس الاجانب حقانين خصوصا بتعليم ولدك رسب شنو تتوقع تبي منهم ينجحونه لاطبعا معروفه لندن من اصعب الاماكن للدراسه. وده امريكا اسهل او مثل ماقلت لك رجعه قطر وريح بالك

وانت شدراك انهم مب مرسبينه !!!؟ اكثر الانجليز يشيل حقد ع العرب والمسلمين اكثر من اليهود حسبي الله عليهم ولاعندهم لاذمه ولاضمير
وليش هالحده كلها فالرد !لايكون ادرس الريال على حسابك !

[نوآف]

الحل جيبه قطر رجعه ودخله جامعه قطر او نورث معناته مب قد دراسه لندنيه لو نجح وعده مستحيل احد يرسبه واترك عنك عنصريه وغيره نعم فيه عنصريه بس الاجانب حقانين خصوصا بتعليم ولدك رسب شنو تتوقع تبي منهم ينجحونه لاطبعا معروفه لندن من اصعب الاماكن للدراسه. وده امريكا اسهل او مثل ماقلت لك رجعه قطر وريح بالك

عقدة الاوربي دائما صح والقطري دائما غلط ...

[@فهد@]

من تجربه عمل طويله جدا مع الاجانب عموما ومع الانجليز والامريكان خصوصا ..

الانجليزي يري نفسه انه احسن منك وافهم منك

الامريكي حسب وحسب .. لكن اجمالا افضل ومرن في التعامل ماعدا بعض العرقيات المتدينه مثل بعض المورمن او بعض مايسمي ريد نك ...


الولد لو درس بامريكا ماراح يحس انه اجنبي في اماكن كثيره

عموما هالظاهره تزيد وتنقص علي حسب المنطقه او الولايه سوا في بريطانيا او امريكا .. ولو اني ماحب ارسل احد يدرس في بريطانيا حتي نظام الكتب معقد وطريقة الكتابه والشرح مختلفه ونظام الواجبات والامتحانات غير محفز للابتكار ..

الله يوفقنا واياكم لكل خير

[الكبير]

الله يوفقه

مع اني ما احبذ الاختلاط مع بني جنسهم لان بعض الخليجيين صراحة اصحاب مشاكل حتى في الدراسة وايفكرون انهم شارين الدكاترة ويا ما صارت مشاكل بينهم وخربت على ناس ثانيين مالهم خص

اتفق مع اللي قال مب شرط عنصرية ... ترى الدراسة صعبة غالبا فشوف مكان مافي خليجيين

الله يعين

[QtrGate]

للعلم
مدينة لينكولن معروفة بمدينة اليهود

اغلب الإنجليز الي فيها يهود
ويكرهون العرب

اقترح تغير الجامعه
يروح هدرزفيلد او ليفربول او ليدز او برادفورد او كاردف
هذي المناطق معروفه بالشعب الي فحاله
مالهم خَص انت من اي دين او من اي جنس

[kitmat]

الله يوفقه

مع اني ما احبذ الاختلاط مع بني جنسهم لان بعض الخليجيين صراحة اصحاب مشاكل حتى في الدراسة وايفكرون انهم شارين الدكاترة ويا ما صارت مشاكل بينهم وخربت على ناس ثانيين مالهم خص

اتفق مع اللي قال مب شرط عنصرية ... ترى الدراسة صعبة غالبا فشوف مكان مافي خليجيين

الله يعين
بغض النظر عن صعوبة الدراسة حتى جامعة قطر لما درست فيها المجال العلمي ماكان سهل كل شي يبي له اجتهاد مش اضطهاد ولدي عندي ايميل الاستاذ يعتذر له لانه مابلغة عن موعد الامتحان وعادي ولدي يرسب والبحث يفتح ويتحججون انه مايفتح وهو عبارة عن برنامج يسويه وهو كولكليتر يعني الة حاسبة اهوه يصممها اتعرف ايش قايلين حق السفاره احنا قلناله يطبعة وهوه ماطبع يطبع شنهو صورة الاله الحاسبه وشلون بيعرف الاله الحاسبة تشتغل ولا لا الدليل انه مايدري ايش ولدي مطرش له لانه مافتحة

[معماري قطري]

بغض النظر عن صعوبة الدراسة حتى جامعة قطر لما درست فيها المجال العلمي ماكان سهل كل شي يبي له اجتهاد مش اضطهاد ولدي عندي ايميل الاستاذ يعتذر له لانه مابلغة عن موعد الامتحان وعادي ولدي يرسب والبحث يفتح ويتحججون انه مايفتح وهو عبارة عن برنامج يسويه وهو كولكليتر يعني الة حاسبة اهوه يصممها اتعرف ايش قايلين حق السفاره احنا قلناله يطبعة وهوه ماطبع يطبع شنهو صورة الاله الحاسبه وشلون بيعرف الاله الحاسبة تشتغل ولا لا الدليل انه مايدري ايش ولدي مطرش له لانه مافتحة

مؤكد فيه ظلم بس لتهتمين دام في بدايته وعلى حسابج خليه يغير الجامعة هناك أو يغير الدولة والله يوفقه

[بورصجي_جديد]

الاجنبي حقاني بتعليم وانا طول عمري كانوً يدرسوني اجانب مايرسبون احد الا الي مب فالح وهذه حقيقه اي نعم في عنصريه بس مايدخلون العنصريه بتعليم ابدا لذالك نصيحه الجامعات متىفره بدوله واحسن الجامعات وشكرا

[kitmat]

الاجنبي حقاني بتعليم وانا طول عمري كانوً يدرسوني اجانب مايرسبون احد الا الي مب فالح وهذه حقيقه اي نعم في عنصريه بس مايدخلون العنصريه بتعليم ابدا لذالك نصيحه الجامعات متىفره بدوله واحسن الجامعات وشكرا
انا عندي اثباتات اخوي عندي ايميلات مثبته على الظلم ويكون في علمك ثبت عندي الحين ان الاخ اللي ظالم ولدي ياخذ رشاوي من الطلبه على شان يمشيهم وهالكلام اميه في الاميه مثبت عندي الحين صدقني شكله كان يبي ولدي يعطيه فلوس هاذيله الانجليز اللي انت مفتخر فيهم لكن صدقني مارح اتركه لين افضحة واخذ حق ولدي

[كازانوفا]

الحمد لله الدولة موفره جامعات جيبو عيالكم قدام عيونكم ارحم لكم ولهم

[qtr qtr]

انا عندي اثباتات اخوي عندي ايميلات مثبته على الظلم ويكون في علمك ثبت عندي الحين ان الاخ اللي ظالم ولدي ياخذ رشاوي من الطلبه على شان يمشيهم وهالكلام اميه في الاميه مثبت عندي الحين صدقني شكله كان يبي ولدي يعطيه فلوس هاذيله الانجليز اللي انت مفتخر فيهم لكن صدقني مارح اتركه لين افضحة واخذ حق ولدي

اشتكوا عليه بصحيفه بريطانيه راح يفضحونه ويوصلونه للاداره العليا

[بعيد النظر]

الله يعين ولدج ويصبره ..
مرت علينا سوالفهم للأمانة .. وكنت اخذ 40 بدال درجتي ف الامتحان ..
لاني ما حضرت حصتين من 12 ..

المهم ..
اللي فهمته ان ولدكم يدرس على حسابكم الشخصي ..
كلمو المجلس الأعلى وحاولو معاهم انهم يخاطبون الجامعة ..

[مفكر قطري]

تواصلوا مع الملحق الثقافي

[شيخ الديرة]

انا عندي اثباتات اخوي عندي ايميلات مثبته على الظلم ويكون في علمك ثبت عندي الحين ان الاخ اللي ظالم ولدي ياخذ رشاوي من الطلبه على شان يمشيهم وهالكلام اميه في الاميه مثبت عندي الحين صدقني شكله كان يبي ولدي يعطيه فلوس هاذيله الانجليز اللي انت مفتخر فيهم لكن صدقني مارح اتركه لين افضحة واخذ حق ولدي

ليس من الضروري ان تدخلين هذه المعركة، هدفك هو نجاح ابنك، وليس عقاب الاستاذ. انقليه جامعة ثانيه وافرحي بتخرجه بدل المحاكم والتأخير ووجع الراس

[شبح الصمت]

الشيخة نصيحة لا تفتحين باب على نفسج دام انتي تقولين فيها عنصرية تهقين الصحف راح تتعاون معاج عليه ..
يمكن بعد اهو يقول في كذى وكذى ..

نصيحه تلاحقي ونقليه نفس ما قالوا الشباب اي مكان اخير له واحسن له ..
ولا اطولينها معاهم ويحطون ولدج في بالهم ويزعلون من الموقف ..


في النهاية المطلوب دامه مب في ديرته يكمل ويخلص ولا يحط له عقبات في طريقه ..

والله يوفقه لج ويرده سالم غانم
وتفرحين في شهادته وتفرحين فيه معرس وتشوفين عياله ..

[kitmat]

الشيخة نصيحة لا تفتحين باب على نفسج دام انتي تقولين فيها عنصرية تهقين الصحف راح تتعاون معاج عليه ..
يمكن بعد اهو يقول في كذى وكذى ..

نصيحه تلاحقي ونقليه نفس ما قالوا الشباب اي مكان اخير له واحسن له ..
ولا اطولينها معاهم ويحطون ولدج في بالهم ويزعلون من الموقف ..


في النهاية المطلوب دامه مب في ديرته يكمل ويخلص ولا يحط له عقبات في طريقه ..

والله يوفقه لج ويرده سالم غانم
وتفرحين في شهادته وتفرحين فيه معرس وتشوفين عياله ..




امين يارب العالمين ويوفق عيالكم يارب

[medic]

انا عندي اثباتات اخوي عندي ايميلات مثبته على الظلم ويكون في علمك ثبت عندي الحين ان الاخ اللي ظالم ولدي ياخذ رشاوي من الطلبه على شان يمشيهم وهالكلام اميه في الاميه مثبت عندي الحين صدقني شكله كان يبي ولدي يعطيه فلوس هاذيله الانجليز اللي انت مفتخر فيهم لكن صدقني مارح اتركه لين افضحة واخذ حق ولدي

خذي حق ولدك بالقانون ،الجامعه عندها أجراءات في حاله التظلم .

اشتكوا عليه بصحيفه بريطانيه راح يفضحونه ويوصلونه للاداره العليا
الصحف البريظانيه تقف مع الجامعات البريظانيه .

[يمامـة]

ليس من الضروري ان تدخلين هذه المعركة، هدفك هو نجاح ابنك، وليس عقاب الاستاذ. انقليه جامعة ثانيه وافرحي بتخرجه بدل المحاكم والتأخير ووجع الراس

راقت لي هالمشاركة. واميل الى الاتفاق مع صاحبها...

اعتبري هالسنة راحت وخيرة لولدج.. وخليه يفتح صفحة جديدة في جامعة جديدة..

والله يوفقه..

[kitmat]

الله يعين انشاء الله وشكرا للجميع على المساعده وشكرا لكل شخص دخل الموضوع وكتب كلمه تريح البال

[إبوراشد]

الله يوفقهم جميعا