ناوي ابني ملحق والي جرب لايقصر [الأرشيف] - منتديات شبكة الأسهم القطرية

مشاهدة النسخة كاملة : ناوي ابني ملحق والي جرب لايقصر

khaleeji

13-08-2016, 01:45 AM

السلام عليكم ناوي ابني ملحق وخبرتي قليله الي عنده خبره شنهي احسن طريقه او يدلني علي شركه زينه لا يقصر والمساحة 8*8

معماري قطري

13-08-2016, 03:19 AM

أسهل شيء تسويه طابوق ومن فوق حديد معزول بس تسوي السقف بعازل وتخليه مخفي ما يبين يعني يبين طابوق وتسوي التصريف مثل اللي للخرسانة وتحط عازل مياه نفس الشيء

داخل شطب حسب ما تبي

qatarman8008

13-08-2016, 09:36 AM

اهم شي القواعد.. لان بعض المقاولين يتساهلون بالقواعد لما يكون ملحق..
وبتلاقي الطوفة عندك تهبط شوي او تتغير ميزانيتها مع الوقت..
خل يسوي لك قواعد زينة ويحط لك عمدان وجسور..
السقف بدون صبية..
حط بانل ساندويش ابو 15 سانتي عشان يكون العزل الحراري قوي..
ويسويه مايل 10 سانتي عشان يصرف الماي لو فيه مطر قوي..
واخر شي خل يحط لك عازل ماي من فوق عشان لا يخر عليك وقت المطر..

ذكي جدااا

13-08-2016, 10:41 AM

8 في 8. انت متأكد من العرض لانه بهالحاله يبي لك عمدان بالنص اذا بتسوي مسلح لازم استشاري يشوف لك

سعود.

13-08-2016, 10:56 AM

8 في 8. انت متأكد من العرض لانه بهالحاله يبي لك عمدان بالنص اذا بتسوي مسلح لازم استشاري يشوف لك

يقدر يسويه بسقف مسلح بدون عمدان في الوسط 8*8 .

يكون السقف هوردي او فلات سلاب .

khaleeji

13-08-2016, 11:15 AM

أسهل شيء تسويه طابوق ومن فوق حديد معزول بس تسوي السقف بعازل وتخليه مخفي ما يبين يعني يبين طابوق وتسوي التصريف مثل اللي للخرسانة وتحط عازل مياه نفس الشيء

داخل شطب حسب ما تبي
مشكورين علي الردود ياخي المجرى الي يصب فيه الماي اخليه داخل ولا برا المبنى

معماري قطري

13-08-2016, 12:23 PM

مشكورين علي الردود ياخي المجرى الي يصب فيه الماي اخليه داخل ولا برا المبنى

هو بايب عادي 4 إنش أو 6 لو تحب وتخليه في الزوايا تحتاج يمكن 2 .. بس مهم تركب رول عازل على الحديد شوف اللي يجي بدون حرق بالنار يلصق على البارد

تحتاج يحفرون لمستوى الأرض الصلبة ويسوون أساس إسمه strip footing وتحتاج تقوية مكان الزوايا وعند الفتحات بحديد وصب خرسانة في الفجوات ولازم بنيان الطابوق يكون زين ويحطون بينه مونة كفاية .. ولو تسويه معزول بحائط مزدوج وبينه عازل بيكون أفضل لك بوايد وتقدر تمرر بايب تصريف ماي المطر في الجزء الخارجي من الحائط

فيه الساندويش بانل منه أحجام وفيه 7 سم و10 على ما اذكر ولا ادري اذا سووا 15 .. ال 7 سم كفاية ومجربه .. حتى العزل لو تبي تسويه بس على الأطراف بعد معقولة وبتوفر لأن الألمنيوم يجي بنفسه معزول لكن المشكلة في الفواصل لذلك اعزله كامل أضمن لك

تبي مقاول زين يسوي حديد ويسوي هالنوعية من المباني ومسؤولهم يدرس هندسة وابوه فورمان سابق والحين مالك الشركة بارسل لك رقمه والتصميم لو بتصبر ثلاث أسابيع اقدر ادرسه لك لكن للرخصة تحتاج مكتب استشاري .. المساحة كبيرة ويمكن ما تحصل كهربة من البيت الموجود ويمكن يغرمونك ويهدمون لو بنيت عشوائي

Azizuk

13-08-2016, 02:40 PM

8×8 اشوفه كبير ان يسويه سقف من سندويش
في شركة في الصناعية على ماضن شارع 8 او 10 اول الصناعية قريب شارع الوكالات او مسجد الصناعية القديم

الشركة تسوي لك تفصيل سقف الساندويش على حسب السمك ويكون عازل

عندي لو تسوي المجلس 6×9 احسن لان طول السندويش 6 متر وعرضة مترين

والعمدان كل 4 متر عامود

واذا مسلح ممكن يسوي 8×8 بس يحتاج سقف ساقط او معكوس زي سقف المساجد 80 سنتميتر وكل 4 متر عامود

او

سقف خرساني جاهز

اذا مسلح مب اقل من 90 الف راح يكلفك هذا اقل شي الا اذا انت بتبني وتشرف وتجيب العمال يبنون لك بيكون ارخص بس عااااد الله يعينك على عوار الراس شوي

والا الموضوع سهل بس يبي له طولت بال

اكثر ناس يشتغلون قطاعي البتان

ذكي جدااا

13-08-2016, 05:29 PM

يقدر يسويه بسقف مسلح بدون عمدان في الوسط 8*8 .

يكون السقف هوردي او فلات سلاب .
يعتمد اذا كانت الأوزان بتنشال عن طريق الحوائط واشلون توزيع الحوائط . انا اقول يشوف استشاري لان العرض كبير.

معماري قطري

13-08-2016, 09:55 PM

8 في 8 اتوقع مساحة الملحق الاجمالية وفيها فواصل أكيد

ولو ما فيه بعد مب مشكلة جسر حديد مشبوك وملحوم حتى لعشر و 12 متر بدون عمود ممكن بس يحتاج تصميم ولو خليته على عامل الحديد هو بنفسه يسويه ويبالغ فيه

اللي شاف السنتر شلون ومن متى بين العمود والعمود حول 15 متر والفريم فوق المسمى سبيس فريم .. سويت بحديد عادي بدون فريم مشبوك لغاية 7 متر وكانوا 3 عمال راكبين فوق وله كم سنة ما تغير

ذكي جدااا

14-08-2016, 05:56 AM

ana_ana

04-09-2016, 08:45 AM

ركب سقف الهولوكور