حد مرت عليه هالمشكله في الكروزر ؟

[saleh-85]

كيف الحال يالربع

عندي كروزر جي اكس موديل 2013 ، فيه مشكله غريبه في مكيفه محيرتني وحيرت الفنييين اللي فحصوا الموتر

المكيف جدا بارد في كل الاوقات - ولكن اذا اشتدت الحراره وقت الظهر او اذا وقفت الموتر الظهر وهو شغال لمده بسيطه يفصل الغاز

مفتاح الغاز اللي بين السويكات في الطابلون ( a/c) يبند - واذا شغلته يتم دقيقه ويرجع يفصل لين الموتر يبرد شوي

اما باقي الاوقات ما يسويها ، واغلب الفنيين ماعرفوا السبب - ومكانين قالوا بدل كمبرسر وكندنسر مع ان المكيف بااارد في كل الاوقات الا في هالوقت والحاله اللي شرحتها لكم ، الصراحه مب مقتنع في كلامهم

فاللي مرت عليه هالحاله ينصحنا وجزاكم الله خير

[َQernas_Qtr]

والله يخوي ما مرت علي هالمشكله .. انا عندي كروزرين 2013 و 2014 ما صادفتني هالمشكله

انصحك توديه الشركه يجيكون عليه

[حمد بن سعد]

المحلات الي على يمينك ونت طالع من الصناعيه الي فيها مطعم عرش بلقيس

يا الدخله الاولى او الثانيه في محل من بابين مشاهد شمال راعيه بكستاني شيبه اتشوفه تقول دكتور مر عليه بيفيدك ان شاء الله

[سالم الزهران]

كمبيوتر يا لشيخ ,,, شيك ع الكمبيوتر اول شيء

[البرونزي]

صارت لي يوم بدلت ثلاجة المكيف
وتمت فتره تجي وتروح من نفسها
لكن الحين الحمدلله من فتره طويلة مارجعت

[جعران]

نعم شيك على الكمبيوتر
اولآ ثم بعد ذلك الثلاجة
لكن أتقول الثلاجة تبرد
اي العلة من الكمبيوتر90%
الله يوفقك

[كتكوت الوحش]

نصيحه غير الشركه لا تروح افضل لك اخوي ومشكلتها باكون بسيطه بس ابعد عن محلات الي بره اقصاها بيدفعونك قيمه الفحص وهم مسولين عن العطل الي يحددونه وإذا صلحت العطل وما طلع هو المشكله هم بيتحملوا المسؤليه الشركه افضل

[mohamedsolyy]

اخوي روح الشركة وخليهم يعملوا Reset لكمبيوتر المكيف انشاء الله بعدها تنحل المشكلة صار معي شي قريب ع لكزس ورحت الشركة وعملو ريست كل شي رجع طبيعي ويوميها قالوا السبب ان بطلت الطبلون وركبت غاز بدون Reset للكمبيوتر

[saleh-85]

الله يعطيكم العافيه يالربع ، وين افحص كمبيوتر المكيف ووين مكان الكمبيوتر في السياره ؟

هذي آخر محاوله اذا ما ضبطت بدخلها الشركه

[وليف الشوق]

شوف تسريب الغاز من وين وفالك طيب

[حليتان*]

سويت شي فالموتر قبل لاتصير هالحركه وله من نفسه مره وحده !؟ عبيت غاز مثلا!!!

ومافهمت زر ال ac من داخل يبند !؟؟؟


وجرب افصل البطاريه ربع ساعة وارجع اشبكها بتسوي رستارت حق كمبيوتر المكيف

كان موتري مخرف مكيفه احط المود على الرجل الله يعزك يطلع الهو ع الطبلون احطه ع الوجه يطلع عند الرجل فصلت البطاريه ورجعتها ضبط الموتر

[محارب مداري]

نفسي مشكلتي كل الاوقات بارد ماعدا الظهر في عز الحر يفصل
مريت على اكثر من محل على طريق سلوى كلهم قالوا كمبريسر عدا آآآخر واحد
طلعة المشكله من ابسط مايكون قالي الغاز زياده عندك وبس نسم على الغاز شوي ومشت الامور

[حليتان*]

نفسي مشكلتي كل الاوقات بارد ماعدا الظهر في عز الحر يفصل
مريت على اكثر من محل على طريق سلوى كلهم قالوا كمبريسر عدا آآآخر واحد
طلعة المشكله من ابسط مايكون قالي الغاز زياده عندك وبس نسم على الغاز شوي ومشت الامور
بالضبط عشان جي سالته عبيت غاز وله

بس لو زر الac الي فالطبلون يبند هني بتكون عنده مشكله ثانيه
1 برمجه .....وان شاء الله تضبط لما يفصل البطاريه
2 مشكله فالزر نفسه ممكن معلق وله الدقمه الي داخل خربانه

[بويعقوب]

مرحبا اخوي

صارت لي المشكله في لكزس فورويل بعد دعمة في الرفرف الخلفي ( الثلاجه الخلفيه)

وعقب ماوديته كراج الأودي شارع 15 صارت المشكله والسبب معبين المكيف غاز زياده

طبعا الوكاله ماعرفوا للموتر من اول مره , بس عقب قالوا من الكمبريسر لانه صار يفصل وطلع فيه صوت , والحمدلله بدلته وضبط ( تقريبا كلف 3000 ريال في الوكاله).

والله يعينك :)

[gprs]

استوت معاي نفس الحركة بس في لكزس 2007 واتضح من التورمستات كانت مجمية وما تشتغل عدل فتزيد الحراره في حال الوقوف فيحر المكيف
وطبعا بدلت التورمستات ورد المكيف احسن من قبل
موفق ان شاء الله

[جاسم3456]

كيف الحال يالربع

عندي كروزر جي اكس موديل 2013 ، فيه مشكله غريبه في مكيفه محيرتني وحيرت الفنييين اللي فحصوا الموتر

المكيف جدا بارد في كل الاوقات - ولكن اذا اشتدت الحراره وقت الظهر او اذا وقفت الموتر الظهر وهو شغال لمده بسيطه يفصل الغاز

مفتاح الغاز اللي بين السويكات في الطابلون ( a/c) يبند - واذا شغلته يتم دقيقه ويرجع يفصل لين الموتر يبرد شوي

اما باقي الاوقات ما يسويها ، واغلب الفنيين ماعرفوا السبب - ومكانين قالوا بدل كمبرسر وكندنسر مع ان المكيف بااارد في كل الاوقات الا في هالوقت والحاله اللي شرحتها لكم ، الصراحه مب مقتنع في كلامهم

فاللي مرت عليه هالحاله ينصحنا وجزاكم الله خير


جرب تفصل البطارية لفترة 10 دقايق وارجع ركبها يمكن تضبط

[alwahesh]

كهربائي الرشيد طريق سلوى

[النهار]

خل حد يشيك لك على كلش المروحه
انا صارت معاي الموتر ماشي مافي احلى منه يوم يوقف يدف هواء حار
بدلته من يومها اختفت المشكله

[Abd4llah]

جربت تعمل ريست للكمبيوتر اخوى؟
افصل البطارية تماما لبضع ساعات وبكدة هتعمل ريسيت للكمبيوتر
لو ما اتظبطتش وديه الوكالة بيغيرلوك الحساس وبيصير خير ان شاءالله

[بوحارب]

نفس المشكلة في موتر واحد من الربع فكسار 2007 وللحين محد عرف المشكلة

عطيته الحلول اللي كتبوها الشباب فوق واذا جرب شي منها بخبركم بالنتيجة

[حمد بن سعد]

بشر وش صار معاك

[المجروح81]

انا نفس المشكله