اللي عيالهم في نيوتن بليز افيدوني

[أم عزوزي]

بسم الله الرحمن الرحيم

السلام عليكم ورحمة الله وبركاته

شخباركم عساكم بخير

طبعا عندي كذا سؤال موجه للي عيالهم في مدارس نيوتن

ابي اعرف:

1 - متى اقدر اشتري المريول؟
2- وين المحل بالضبط؟
3- متى تفتح المدرسة؟
4- وكون اول يوم لولدي فيها هل من الممكن اقعد وياه ؟ ولا بس ادخله الكلاس واطلع؟


وبس قواكم الله وتسلمون مقدما :shy:

[حمد 2002]

كم سعرها نيوتن ؟

[jajassim]

كم سعرها نيوتن ؟

NON-REFUNDABLE ENTRANCE TEST FEE QR200
NON-REFUNDABLE REGISTRATION FEE QR2,000
When parents accept a place at Newton International School, the once-off Non-refundable
Registration Fee is payable for each student entering the school to secure the place.
TUITION FEES Per Term Annual
Preschool QR 6,038 QR 18,113
Reception QR 8,453 QR 25,358
Year 1 - 6 QR 8,855 QR 26,565
Year 7 – 9 QR10,063 QR 30,188

[ذكي جدااا]

مرحبا. ولدك بيدخل الروضه او التمهيدي اللي بنيوتن او بيدخل الصف الاول. اذا الروضه تقدرين تقعدين معاه اول يوم كم ساعه. بالنسبة لمحل تقدرين تشترين من الحين اسم المحل زاكس كان بطريق سلوى والحين انتقل عند أسواق بروه قريب أنصار سيتي او جاليري نسيت اللي على طريق الصناعيه. في لهم فرع بعد بازغوى بس يمكن يجيب حق مدارس معينه لازم تتصلين قبل تروحين لفرع ازغوهً

[ذكي جدااا]

تختلف الاسعار من فرع لفرع ايضا. فرع اللاجون سعره غير عن الويست باي وغير عن فرع البريتش

[jajassim]

Newton School
School Uniform Regulations
School uniform may be purchased from ZAKS, Salwa Road Tel.: 44506940


http://www.newtoninternationalschool.edu.qa/Westbay_Uniform

[ولد العديد]

زاكس على طريق الصناعيه اول محل من محلات بروه

[أم عزوزي]

يعطيكم العافيه وتسلمون .. انا بدخله ان شاء الله في نيوتن لاقون .. قائمة الأسعار مب عندي حاليا بس اتوقع هي نفسها الي ذكروها الاخوان .. انا اذكر دفعت وقت التسجيل وامتحان القبول تقريبا 7 وشوي
ولدي بيدخل التمهيدي .. وبيدخل صف الأول السنة الجاية باذن الله

كنت مدخلته شهر 9 سنة 2014 العبقري الصغير ... وايد زينه ماشاء الله

وبس .. لمن جيت اسجله هالسنه سجلته في 5 مدارس الي هم كالتالي:
1- قطر فنلند(من 1 - 6) - توها جديده في الخيسة - وديته يمتحن بس للأسف في حظه ابله عيوز وماكان لها خلق ذاك اليوم وعشان ولدي ماعجبها قامو رفضوه !!! وحاولت اتواصل معاهم ومحد كان يعبرني فكرتهم من اسلوبهم
2- لندن الدولية (من الروضة لين الثانوي) - في الخيسة - خذت له موعد بس لين اليوم انتظر حد يكلمنا محد اتصل وحاولت اتصل مايردون فقلت يمكن الله صاده عنا والحمدلله
3- نيوتن الدولية (الروضة والتمهيدي مبناها بروحه / الصف 1-6 مبناها بروحه) - سجلته وامتحنوه في نفس اليوم والحمدلله قبلوه بعد في نفس اليوم .. بس مدري قلبي كان قارصني يعني مرتاحه ومب مرتاحه بنفس الوقت .. فقلت شي احسن عن لاشي عن لاتضيع عليه السنه حرام
4- نيوتن لاقون (من الروضة لي الثانويه بنفس المبنى وعندهم وايد اشيا) - سجلته بالصدفه عقب نيوتن الدوليه والحمدلله كلموني عقب كم يوم وامتحن وقبلوه فتوهقت رجعت رحت نيوتن الدولية وقلبت أوراقه عليها وسحبت منهم والحمدلله .. الخيره فيما اختاره الله
5- قطر الدولية (مدحوها لي على انها قوية بس ماصار نصيب) - سجلته وقالو لي بنكلمج عشان تجيبينه يمتحن .. كلموني عقب وقالو احنا فل لهالسنه اذا تبين جيبيه عقب سنه !!

وبس والله الحمدلله على كل حال ....

[أم عزوزي]

ياريت لو زاكس في ازغوى عندهم مراييل التمهيدي عالاقل اقرب لي لاني ماروح بعيد ومادل عدل في الصناعيه مدري بروة

[ذكي جدااا]

رسوم لاقون اغلى عن باقي الفروع. بخصوص زاكس اتصلي عليهم واسأليهم عطيهم آسم المدرسه والصف

[بونواف78]

بالتوفيق ان شاء الله

[(عبدالله)]

2- لندن الدولية (من الروضة لين الثانوي) - في الخيسة - خذت له موعد بس لين اليوم انتظر حد يكلمنا محد اتصل وحاولت اتصل مايردون فقلت يمكن الله صاده عنا والحمدلله


هالمدرسة أوقح من أسلوبها ما شفت، نفس الحال دفعت رسوم طلب المقابلة حق عيالي الاثنين وتموا مطنشيني على كثر ما أتابع معاهم. لين يوم من الأيام اتصلت بعد ما وقفت بكم شهر وقالوا لي بالصدفة يالله تعال نعمل مقابلة واختبار وديتهم واعملوا الاختبار وعدوا الاختبار وخاصة عيالي في الدراسة مجتهدين.

عقب ابعثوا لي فورمة Teacher Reference Letter بحيث أجيب حق كل ولد رسالتين من مدرسينهم الحاليين يكتبون انطباعهم ونقاط القوة ونقاط الضعف.. سويت وسلمتهم.

بعد ما طنشوني مدرسة لندن كم يوم تابعتهم وبكل بساطة وبعد الحاح مني قالوا لي عيالكم رفضت اللجنة قبولهم لأنهم Naughty مثل ما هو مذكور في انطباعات مدرسينهم. فحاججتهم وفتحت الانطباعات كنت مخزنهم عندي عالجهاز وقلت للموظفة العربية طلعي لي أي نقطة او جملة تبين ان عيالي Naughty على قولتج!!! بالعكس كل اللي مذكور نقاط إيجابية وبعض النقاط البسيط اللي تحتاج تطوير في الدراسة مب السلوك!!

غيرت كلامها وتمت تهذر لين قالت بطلب إعادة تقييم الطلبات من اللجنة، فرديت اذا هذا أسلوب تعاملكم فهذا دليل ان التعليم عندكم تجارة بحتة ورسوم المقابلات اللي تجمعونها وتنطنشون الناس بعدها ماهي الا حصالة رخيصة ...
حسبي الله ونعمة الوكيل عليهم.. وبس غضيت النظرعنهم وسجلت عيالي في مدرسة ثانية.. ولعله خير باذن الله