الايجارات والعائلة القطرية!!!!!!!

[reem]

السلام عليكم ورحمة الله وبركاته

عندي سؤال محيرني جدا
صارلي اكثر من 4 شهور ادور على بيت ايجار ولكن للأسف
كل الردود قطري ما نأجر او على الإسكان ...ادري موضوعي قديم بس
ليش هالمعاملة والإيجارات مرتفعة ولو انزلت شوي يتحسف المالك ويقول على اسكان...
البيوت خالية ...غير أني ادخل على مواقع بدون ذكر أسامي للأسف مقيمين يردون يقولون الفلل لعائلات أوروبية واللي يقولي تاجرت خلاص (توك منزل الإعلان ماصار لك دقيقه) هذا بعد سؤالي إنتوا عائلة قطريه


ما هو الحل؟

[..عاشق قطر..]

على كلام مندوب قابلته يقولي القطرين اغلبهم مايلتزمون بدفع الايجارات اول بأول ومشاكل معاهم ف يفضلون الاجنبي !!

[MAZEN37]

قانون الايجارات ممتاز لكن في حال الخلافات محاكم الايجار والتنفيذ بطيئه لو التنفيذ يقطع الكهرب وتكون الاجراءات اسرع ما يخاف المؤجر

[الوسيط العقاري]

للاسف المؤجر القطري صار يفضّل الأجنبي على القطري

من واقع تجربه ملموسة في شغلنا ف السوق

لان تفكيره ان الأجنبي بيخاف من القانون وبيدفع الايجار وان القطري بيتاخر مرات ومرات مب دافع

[بنت شرق]

يعني المحتاجين للسكن ايش تبونهم يسوون بالضبط لا الحكومة راضية تعطي ولا اصحاب الاملاك يأجرون وبعدين شنو الحل

[شموخ دائم]

,

,

مرحبا

شكرا على الموضوع

بالفعل اصبحت مشكله الله يكون بالعون

في دبي يدفعون ( سنه مقدم ) صاحب العقار يكون اخذ حقه كامل وما يهمه الي يسكن مواطن او اجنبي
اعتقد هذا حل جيد لمن يمتلك القدره الى السداد

الحل الثاني

الضمانات نقدم ( ضمان ) مالي اما شيكات او شخص ثاني يضمن المستاجر شخص يقرب له

الحل الثالث
يكلمون صاحب العقار ( شخصيا ) بعض ملاك العقارات ناس فيهم خير ويقدرون هذي الامور
خاصه اذا سئل عن الشخص المستاجر وطلع شخص جيد واسمه معروف وماله مشاكل سابقه

الله يكون بالعون

,

,

[بانغ بانغ]

على كلام مندوب قابلته يقولي القطرين اغلبهم مايلتزمون بدفع الايجارات اول بأول ومشاكل معاهم ف يفضلون الاجنبي !!

والله اني امجرب كلام هالمندوب وما شفت من بعضهم الا المحاكم

[بوخالد911]

فئة خربت على فئة

والله يسهل عليكم.

[بومحمد]

السؤال الأهم

ليش القطري ماعنده بيت ؟؟؟؟؟؟؟؟

[..عاشق قطر..]

السؤال الأهم

ليش القطري ماعنده بيت ؟؟؟؟؟؟؟؟

لانهم من فئة قرض بدون ارض .. 😉

هذا جوابي انا

[يمامـة]

البعض خرب على الكل..

فالكل يدفع الثمن..

[ذكي جدااا]

مادام في شيكات وفي شيك ضمان ليش ما يأجر على القطري.الحين الناس تدفع بالشيكات مب نفس أول الواحد يروح يدق باب البيت ويطلب تسليم الايجار باليد.

[Tomford_qtr]

من خلال تجربتي مع المستأجرين أفضل الأجنبي ... مع احترامي للقطري بس ان ما يلتزم بالايجار و يحطك في الشيمه و في الأخير يجررك للمحاكم و البهدلة ... واقع عاشرته مع المستأجرين

[احبك يابلد]

هذي مشكلة ويعاني منها معظم القطرين الي يرغبون في الايجار

اولا: ليش القطري ما عنده بيت ؟ الاسباب واجد اكثرها شيوع القرض بدون ارض و عدم منح ارض وقرض الا مرة واحدة للمواطن فاذا تزوج بزوجة ثانية دخل عالم الايجارات

ثانيا: الحل ؛؛؛اغلب الراغبين في الايجار موظفين انا اشوف لو ان جهة عملة تكون الضامن له أي يكون عقد الايجار بين المالك وجهة عمل الموظف بناء على طلب من الموظف طبعا
ويتم تحصيل الايجار من راتب الموظف مباشرة وتحويلة لصالح المالك

او يتم عن طريق الاسكان بنفس الآلية أي الموظف يطلب منهم توقيع عقد الايجار مع المالك ويمنحهم تفويض باستقطاع الايجار من راتبة

في هذه الحالة لا يحتاج المستفيد الى ثقة المالك

[mr. abdulla]

مادام في شيكات وفي شيك ضمان ليش ما يأجر على القطري.الحين الناس تدفع بالشيكات مب نفس أول الواحد يروح يدق باب البيت ويطلب تسليم الايجار باليد.

و اذا الشيك من دون رصيد ؟

[شبح الصمت]

الله يعينكم

[khaldoon]

انا كنت اظن انه الكل بيأجر عن طريق شيكات مقدما لمدة سنة على جميع الجنسيات....طالما السالفه مافيها شيكات ....اكيد ما في ناس تلتزم بغض النظر عن جنسيتهم

اذكره مره استأجرت من مالك لعماره يبيني اطلع قبل اسكن عنده اصلا و ما سكنت عنده لاني حطيت شيكات لمدة سنة مب سنتين !!!

[qatarman8008]

الحين صارت البيوت والفلل السكنية تاجر بالتقسيم لاكثر من عائلة..
ومندوب صاحب العقار صار يختار فئة من الناس اللي سهل يتحكم فيهم ويرفع الايجار حتى يمكن يطردهم وهم ساكتين..
ايضا هو يسوي شغلات غير قانونية وغير اخلاقية مثل يسكن جمبهم ناس مزعجين او مدخنين مثلا او بنات في نص سكن عزاب بدون علم صاحب البيت..
هذي الاشياء لو صارت مع مستاجر قطري راح يشتكي ويوصلها لصاحب البيت ويمكن يوصلها للوزارة..

[العملة النادرة]

هذي واقع ماياجرون على القطري

[ذكي جدااا]

و اذا الشيك من دون رصيد ؟
النيابة موجوده. مادام عندك شيكات اكيد حقك مضمون هذا اللي اقصده

[hamoor4ever]

معروف القطري مايسدد وبعض الجنسيات العربيه كذلك ، افضلهم الاوروبي واللي يقول عندك شيكات صحيح بس بعضهم يقول لك روح اشتك او يماطل وانت تبي فلوسك ووراك التزامات ماتبي شحططه وغيرة فالمالك يقول لك شلي بعوار الراس يدور له اوروبي معاشه قوي واغلبهم ملتزمين بالسداد

[qtr qtr]

النيابة موجوده. مادام عندك شيكات اكيد حقك مضمون هذا اللي اقصده

في ناس شاريه البيوت اقساط عالبنك تبي تسدد الاقساط من اجار البيت فالنتيجه ان صاحب البيت راح يراكض فالمحاكم كم من سنه وبهدله وبنفس الوقت البنك راح يراكض ورى راعي البيت بسبب تأخير السداد وبيطالبونه فالمحكمه
فالواحد يبعد عن الشر ومن خاف سلم
واعتفد اصحاب مكاتب العقارات ادرى واعلم من اللي يسدد الاجار ومن اللي مايسدد.

فالمفروض يدفع مقدم سنه كامله كاش للماجر لضمان حقه فالناس مب فاضيه مراكض ورى المحاكم واخر شي يحكم القاضي بدفع للموأجر 1000 ولا 2000 ريال كل شهر والله العالم هل راح يلتزم او لا .

[qatarman8008]

و اذا الشيك من دون رصيد ؟

اذا الشيك من دون رصيد تروح المحاكم..
بتطول في المحكمة واخر شي يمكن يحبسونه او يخصمون من راتبه ولكن بعد شنو..؟؟
انت ماجر له وتبي فلوسك الحين مو عقب سنة..

[qatarman8008]

افضل حل في الايجار انه يدفع الايجار كل شهر من اول الشهر..
ويدفع لك شهرين ضمان ويستلمهم بعد مايطلع من البيت..
اذا ما دفع شهر او تاحر فيه تعطيه رساله تنبيه ادفع او اطلع..
اذا دفع زين واذا ما دفع تطلعه وانت مش متظرر لان عندك ايجار شهرين..

[بعيد النظر]

السلام عليكم ورحمة الله وبركاته

عندي سؤال محيرني جدا
صارلي اكثر من 4 شهور ادور على بيت ايجار ولكن للأسف
كل الردود قطري ما نأجر او على الإسكان ...ادري موضوعي قديم بس
ليش هالمعاملة والإيجارات مرتفعة ولو انزلت شوي يتحسف المالك ويقول على اسكان...
البيوت خالية ...غير أني ادخل على مواقع بدون ذكر أسامي للأسف مقيمين يردون يقولون الفلل لعائلات أوروبية واللي يقولي تاجرت خلاص (توك منزل الإعلان ماصار لك دقيقه) هذا بعد سؤالي إنتوا عائلة قطريه


ما هو الحل؟



أبدا مافي حل الا تطيحون على ولد حلال ..
والله يسهل علينا وعليكم .. صراحة ما توقعت الموضوع بالصعوبة ذي ..
الا يوم بديت ادور !!!!!

[المــزن*]

القطري خلانا ندفع 50 الف للمحامي وبهذلة ف المحاكم
عشان يطلع من بيتنا :( ( البيت بيتنا والعقد كان بس لمدة سنة وهو قعد 4 سنوات )

ولا كان معييي يطلع حتى بعد الحكم لين يات الشرطة عند باب البيت

طبعا مب الكل جذيه ..


الله يعين الجميع

[سعود.]

بعد اذن صاحب الموضوع

الزيادة السنويه في الايجار 10% لين متي تزيد ؟؟؟؟

[شبح الصمت]

اشتغلت في مجال العقارات

وعارف تفكير المؤجر او صاحب العقارات مب واحد عنده عقار واحد وهمه يدخله على الاسكان

صاحب العقارات ما يفكر في قلبه البعض طبعاً

يفكر في اشلون العقار ذي يولد له عقار ثاني ..

فما عنده وقت حق المحاكم وتعال وروح ورجع ..

فبعضهم يوم يجونك يسالونك المؤجر شنو جنسيته ووين شغال

ويقيس على الجنسية وشغلته اذا اوكي والا لا ..


والبعض يقولك اجر حق البعيد ولا تأجر حق القريب البعض طبعاً ..

وفي ناس تقول حق المستاجر القطري ما عندي مانع بس عطني رقم بطاقتك
وبطريقته يروح العاصمة ويشيك على بطاقته اذا عليه شيكات مسترجعه ..

وان شافه اوكي خلص معاه ..

وترى مب بس الناس تقول بعض القطريين ما يدفعون حتى بعض الاجانب لهم مشاكل ومشاكلهم مب اشوي بعد من عدم تسديد الايجارات والتماطل ..

[Riku3]

النيابة موجوده. مادام عندك شيكات اكيد حقك مضمون هذا اللي اقصده
عندي شيكات على مصري من 2012 لين الحين ما انحلت مع ان الحكم جاه لصالحي من سنة :/ .. الرجال

للاسف هذا واقع ومرت علي كثير بس مب الكل للامانه مروا علي ناس من احسن مايكون خصوصاً الي قاعدين يبنون بيوتهم اكثرهم مضطرين ..

اخر واحد لعوزني كان في 2013 .. كان يخليني اطرشله المندوب بالشيك علشان يعطيني كاش .. طفرني سنتين ترجع شيكاته في البنك ولازم اتصله 5 مرات لين يقرر يدفع وقبل نهاية العقد بشهرين طلع بدون اي انذار وجاني يطلب الشيكات ويطلب العفو على شيكين ما كان دافعهم !!! .. هذا غير قصص شقق الليالي الحمره >_> ..

هم فئة قليلة بس خربت على الباقي للاسف .

[qatarman8008]

هو اهم شي ان المستاجر يدفع الايجار بانتظام بدون مراكض وراه..
وانه يحافظ عالبيت.. اي مشكلة او خراب في البيت يبلغك فيها واحنا نصلحها له ..
واخر شي يسلمك اياه نفس ما خذاه منك ..

[رفيع الهامه]

الله اكبر


قطري و في بلاده ويدور بيت ايجار !!!

[لبيبة]

وعليكم السلام ورحمة الله وبركاته،

هالمشكلة بسبب عدم التزام الكثير من القطريين بدفع الإيجار، ومحاولة ان يحطك في الشيمة،

والبعض قبل ليأجر يتشرط على صاحب العقار بتغييرات في العقار،

مثلا بناء حوائط او رفع السور او تغيير الصبغ الجديد لأنه مب عاجبه اللون،

اما المقيم عادة ما يتشرط ويقبل العقار كما هو دون ان يطلب تغييرات تكلف صاحب العقار،

كذلك التزام المقيم بالدفع وتقديم شيكات طول فترة العقد،

ولا يماطل في الدفع،

وهذي من الاسباب اللي تخلي صاحب العقار يفضل التأجير على المقيم ولا يحب التأجير على القطري.

هي تصرفات وأسلوب اتبعه بعض القطريين وخربوا على الباقين.

[بنت شرق]

بغض النظر عن اسلوب البعض من القطريين في دفع الايجار السؤال الاهم ليش القوانين ماتتسهل للمواطن ليحصل على سكن واهو محتاج له
وعلى قولة البرامج الحوارية اليس السكن هو حق للمواطن اليس السكن هو اساس لاستقرار المواطن

[الدوحه1]

قانونيا هل يجوز عدم التأجير بسبب جنسية المستأجر؟؟؟
اذا كان "قانوني" فليش المؤجر مايحط لافته توضح عدم رغبته في التأجير "للقطري"؟؟؟؟
واذا كان غير قانوني فوين دور النيابه العامه؟؟؟؟
الا يعتبر هذا الفعل "عنصري"؟؟
وين دور الاعلام المحلي(تلفزيون قطر والريان) عن مناقشه هالقضيه؟؟؟

[الشريف90]

ان اقول يحلون مشكله فئه قرض بدون ارض و ماراح تلاقي قطري في بيت او شقه ايجار

[qatarman8008]

ان اقول يحلون مشكله فئه قرض بدون ارض و ماراح تلاقي قطري في بيت او شقه ايجار

هذا المطلب الاول..
واتمنى من الحكومة القطرية الرشيدة ان تمنح كل قطري ارض وقرض بالتساوي..
ولكن فيه ناس حصلوا ارض وقرض وتاخرت عليهم اعمال البناء.. والحين ساكنين بايجار..
بسبب خلاف مع المقاول او اختيار تصميم ومواد بناء عالية التكاليف والعجز عن السداد..
بعضهم ماخذ ثنتين .. وحدة في بيته والثانية بايجار..

[بانغ بانغ]

او ياخي سبق وقلت ايسوون مثل الامارات

يبنون فلل راقية وايسلمونها للمواطنين في مناطق خاصة للمواطنين

[إبوراشد]

وزارة الإسكان مسؤولة في توفير بيوت للإيجار للمواطن

[سعود.]

او ياخي سبق وقلت ايسوون مثل الامارات

يبنون فلل راقية وايسلمونها للمواطنين في مناطق خاصة للمواطنين


بالضبط

بشرط المقاول يكون يخاف الله مب نفس الي صار في الكويت

[العرابي]

الله يكون بعونك انا مساجر في معيذر بيت شعبي وفي بيت شعبي فاضي اذا بغيت اسالك عن الاسعار لكن قبل تنقل لازم عمليه تنظيف للبيت

البيت واسع ممكن ثلاث او غرفتين وحمام او اثنين وفيه مطبخ واذا عجبك تقدر تشوفه وانا اكلم صاحب العقار عن السعر والتفاصيل


الاراضي موقفه من الاسكان لها سنه ونصف انتظر الين الله يفرجها

[دااانة قطر]

الله اكبر


قطري و في بلاده ويدور بيت ايجار !!!

الله المستعاان

[دااانة قطر]

وزارة الإسكان مسؤولة في توفير بيوت للإيجار للمواطن

ممكن توضح؟؟

[سالم الزهران]

ليش الحكومة ما تستثمر في هذا المجال كونها تتحكم في الرواتب ولا احد يقدر على الحكومة

ممكن بقيمة استثمار واحد في ذا النوادي العالمية يبنون وحدات سكنية شقق غرفتين و ثلاث و فلل اربع وخمس غرف

وفي النهاية الحكومة بتستفيد و المواطن بيستفيد نزول سوق العقار .

مشاركتي تاتي من واقع ان قطر عندكم شفافيه و لازال صوت القطري يصل للمسؤول ، مب مثلنا

وفقكم الله واعانكم

[المعنى88]

بلا لف ولا دوران ......... صاحب الموضوع الحكومة ولله الحمد من يوم من انولدنا ولحد الان ماقصرت فينا ولا زالت تساند المواطن
انت تبي الاجار على حسابك ولا عن طريق الاسكان ... ترى الاسكان عندهم ايجارات من مواطنين ماعليك الا تختار من المعروض عندهم

[معماري قطري]

السؤال الأهم

ليش القطري ماعنده بيت ؟؟؟؟؟؟؟؟

سوء تدبير واللي عنده حسن تدبير يهتم بالحصول على البيت اول باول

[ضوى]

بلللل هالكثر القطري منبوذ حتى من عبال بلاده ، ماتوقعت والله

[وحيد-الشوق]

بلللل هالكثر القطري منبوذ حتى من عبال بلاده ، ماتوقعت والله

للأسف هذا واقع محزن حتى في العمل والوظائف

مادري متى ال300 الف يصيرون يد وحده وعلى قلب واحد كل واحد يحارب الثاني حتى لو نفرض بعض ماذكرتوه صحيح شلون تشوهون سمعة القطري وتقولون راعي مشاكل ومايدفع الايجار !!!!

[بانغ بانغ]

والله اعرف قطريين ما ياكلون اللحم الفرش الا مرتين او مرة في الشهر

لحد ايحسسنا ان القطري مثل ما يقول في الجرايد صاحب اعلى دخل وخرابيط

لو بس اشوي االبعض ايشلون الحسد من قلوبهم ... القطري بيعيش مرتاح

[khalid525]

الحل يسمح القانون لصاحب البيت في حال عدم دفع المستأجر بعد اسبوع انه يطرده ويقط اثاثه في الشارع وهالشي يستوي في ارقى الدول مثل امريكا واوربا ، وشوف بعدين اذا حد بيتأخر في دفع الاجار

[جبر ال جبر]

ياحي القطري حتى لو مادفع بتراعي ظروفه وبتساعده البلا اذا جاك اجنبي مايدفع وكل شوي يقولك اصبر وعقب يشل عليه بلاده

[جبر ال جبر]

الحل يسمح القانون لصاحب البيت في حال عدم دفع المستأجر بعد اسبوع انه يطرده ويقط اثاثه في الشارع وهالشي يستوي في ارقى الدول مثل امريكا واوربا ، وشوف بعدين اذا حد بيتأخر في دفع الاجار

اضعف قانون في العالم اتوقع القانون القطري في مساله الايجارات في الدول المتقدمه ماعندهم سوالف احطك في الشيمه ولا تكفا عطني فرصه اسبوع او اسبوعين الشرطه هناك مادفعت في نفس الوقت اغراضك برا مثل سستم الفنادق الفيزا ماسحبت مستحقاتهم صكوك بلوك انت وشناطك خارج الفندق يليت يطبق بقطر

[عثرة جواد]

يقول المندوب المالك يبي اعلى سعر ع شان كذا البيوت فاضية

وبعدين الأسعار تختلف من قطري واجنبي

[معماري قطري]

اذكر كان واحد مستغل موضوع المحاكم يسكن فترة طويلة وبغالي ولا يدفع الا شهر ومتى ما شبع غير سكنه وبنفس الأسلوب

[Riku3]

الحل يسمح القانون لصاحب البيت في حال عدم دفع المستأجر بعد اسبوع انه يطرده ويقط اثاثه في الشارع وهالشي يستوي في ارقى الدول مثل امريكا واوربا ، وشوف بعدين اذا حد بيتأخر في دفع الاجار
الله يسلمك مره مستأجر مب راضي يدفع ولا يبي يحول الكهربا باسمه .. رحت قطعت الكهربا على اساس انها باسمنا .......... جاني اتصال من حقوق الانسان crazy وغصب خلوني اشغله وطلع مالي حق قانوني حتى لو باسمي اني اقفله لازم كهرماء ..

سويتها كم مره وكلها الخميس وافتح الاحد الفجر علشان ما يشتكي .. يستهبل بستهبل انا بعد :shy: ..

كنت اخلي الناطور يغير فيوز شقته بفيوز محروق ونقفل غرفه الكهربا ولا ارد على اي رقم غريب .. عقبها استعدل وكمل العقد وطلع .

.....................

بخصوص الموضوع ... احلى عذر جاني .... ياخوي ممكن توقف صرف الشيكات شهرين توني ماخذ نيسان وتدري اسعارهم غالية :victory: .

[MAZEN37]

الحل يسمح القانون لصاحب البيت في حال عدم دفع المستأجر بعد اسبوع انه يطرده ويقط اثاثه في الشارع وهالشي يستوي في ارقى الدول مثل امريكا واوربا ، وشوف بعدين اذا حد بيتأخر في دفع الاجار

هذا الحل
بالمختصر المفيد
والعقد شريعة المتعاقدين

[Miss]

بلللل هالكثر القطري منبوذ حتى من عبال بلاده ، ماتوقعت والله
صدمه صح :(

الله اكبر

قطري و في بلاده ويدور بيت ايجار !!!

معليه اعذرني
بس القطري ينولد وعنده بيت بإسمه !
طبيعي لا
واحد توه معرس عمره مثلا 25 تتوقع عنده بيت ملك؟
فيه ناس تنتظر قروض وتنتظر أراضي و و و

[دااانة قطر]

الله اكبر


قطري و في بلاده ويدور بيت ايجار !!!

حسبي الله ونعم الوكيل

[alberaky]

,

,

مرحبا

شكرا على الموضوع

بالفعل اصبحت مشكله الله يكون بالعون

في دبي يدفعون ( سنه مقدم ) صاحب العقار يكون اخذ حقه كامل وما يهمه الي يسكن مواطن او اجنبي
اعتقد هذا حل جيد لمن يمتلك القدره الى السداد

الحل الثاني

الضمانات نقدم ( ضمان ) مالي اما شيكات او شخص ثاني يضمن المستاجر شخص يقرب له

الحل الثالث
يكلمون صاحب العقار ( شخصيا ) بعض ملاك العقارات ناس فيهم خير ويقدرون هذي الامور
خاصه اذا سئل عن الشخص المستاجر وطلع شخص جيد واسمه معروف وماله مشاكل سابقه

الله يكون بالعون

,

,

لو الإيجارات نازلة الواحد يدفع حق سنتين مش سنة انت اتكلم ايجار شهر عندنا تساوي ايجار سنة في دبي
لا حول و لا قوة إلا بالله

[partyQtr]

سبب ارتفاع الإيجارات السماسرة اللي يأجرون البيت من المالك بسعر وعقب يأجرونه لصالحهم بسعر اعلى

او يقسمونه صارلنا شهور ندور بيت منفصل البيوت المنفصله أسعارها من 14 وطالع

واللي ب 13 و12 ثلاث غرف معقوله هالاسعار

[الخيالة]

أنا مواليد قطر و وايد تعبنا الفترة الاخيرة بخصوص البيت البيت القبلي طلعتنا صاحبة البيت فترة الصيف و في الرمضان ع الأساس بتهدم والبيت للحين موجود بس قاعدين يعدلون و عقب لين جينا ندور كب ما اتصل يرد علي مصري و يقول مايصير اكلم صاحب البيت و مابينزل من سعر البيت تبون هاي الاجار ماتبون دوروا مكان ثاني ولي قدرنا نسوي شي و اخر شي لضيق الوقت و التعب و مرض الوالد و الوالده واهمه كبار في العمر اجرنا بيت و غالي يالله يالله ندبر الأمور بس شنقول الشكوي لله لا حول ولا قوة

[الشريف90]

السبب الرئيسي الي يخلي القطريين يدورون شقق او بيوت أجار لأنهم من فئه قرض بدون ارض
اذا كان كل القطري بحصل ارض و قرض راح يصير شيئين اول شي ما بتلاقي القطري قاعد في بيت أجار ثانيا الهوامير يخسرون تجارتهم لان محد بيشتري الفلل