لمبة السكورتي ولعت والموتر ماعاد اشتغل. لكزس.

[Rayane]

‏السلام عليكم ورحمة الله وبركاته

‏عندي لكزس فورويل ‏موديل 2015.

‏اختربت دينمة الشارج وصلحتها. عقبه طلعت لمبة السكورتي الحمرا.

الريموت شغال يفتح ويقفل ويفتح السلف بعد.

بس الموتر ماشتغل. عيا يدور.

في احد مر عليه الموقف ولا نوديه الوكاله؟.

في امان الله.

[حليتان*]

الموتر يدق سلف ومايشغل ؟ وله مايدق سلف من الاساس ؟

شيك ع البطاريه !

[Rayane]

مايدف سلف

[Rayane]

الموتر واقف عند كهربائي. البطاريه مافيه شي.

لمبة السكيوريتي الحمراء (سياره عليها قفل) والعة.

ايش الحل معها قبل اودي الموتر الوكاله.

[Qtr33]

وعليكم السلام ورحمة الله وبركاته
كراج الزاهر في الغرافة مقابل سوق التلفونات (اخر محل) عنده فحص بالكمبيوتر ويبرمج برمجة الوكالة

بارسلك رقمه عالخاص استفسر منه افضل قبل لاتروح

[حليتان*]

الموتر واقف عند كهربائي. البطاريه مافيه شي.

لمبة السكيوريتي الحمراء (سياره عليها قفل) والعة.

ايش الحل معها قبل اودي الموتر الوكاله.

صراحه شي غريب ومامر علي من قبل وده الوكاله وان شاء الله خير

[Rayane]

جزاكم الله خير وماقصرتوا.

سالت هنا قبل اوديه الوكاله علشانهم بينقعوني بالراحه يومين. وفعلاً هذا اللي صار.

وديته الوكاله اليوم وقالوا بنحاول الموتر يدخل بكره ��.

[A-Alansari]

احسن شي اذا صادفتك مثل هالمشاكل

افتح دفتر السيارة الي في الدرج ودور العلامه لما تطلع شنو تكون المشاكل الي تسببها

وعلى اساسها ممكن تحدد اذا توديه الوكاله ولا الشغلة مب محتاجة

[Rayane]

مشكورين وماقصرتوا. كلموني البارحه وقالوا لي عصا القير منكسره. الليور اللي تحت.

يبلفيت يعطيني فالp وهو فالd. علشان كذا الموتر مايشتغل. كلنا نعرف انه الموتر التماتيك مايشتغل في نمره.

ماصدقتهم. قلت ليش مكسور. قالوا يمكن يوم السير انقطع انه ضرب في الليور وكسره. فعلاً سير المكينه انقطع.

قلت له اش جاب سير المكينه اللي قدام هناك صوب الليور اللي تحت الموتر؟؟؟؟؟؟؟.

قال مهب شغلي. هذا اللي جا فالتقرير.

التكلفه 2500 والقطعه تجي عقب 25يوم.

على طول رحت موتر اخوي نفس موتري. وحطيته فالd وفعلاً ماشتغل لكنه لمبة زر التشغيل برتقالي. وموتري يعطيني لمبة التشغيل خضراء فمستحيل يكون القير فيه شي.

اتصلت لهم وقلت لهم طلعوا الموتر فديتكم ههههه.

في خاطري بوديه دكار على الاقل لو فعلا هذي المشكله بيقدر يطلب لي القطعه من دبي يومين وامورك طيبه ان شاء الله.

جيتهم ودفعوني 310 قيمة الفحص. طلعوا لي الموتر واشرت السطحه تجي. يوم اقبلت عالموتر الا هو شغال. هههههه

ناديت الموظف وقلت الموتر شغال ومافيه الا العافيه قال والله هذا الفحص الالكتروني طلعنا كودات تقول كذا. واكيد هم سووا ريسيت للكودات قبل يسلمونك السياره.

ونسيت اقولكم شي. انني قلت له انا محتاج الموتر ضرورررررري. قلت له حاولوا تشغلوا الموتر باي طريقه. قال ابشر موضوعك عندي هههه. كلنا نعرف انه السالفه برمجه ومسح كودات وبس. لكن الوكاله مشكلتها ماتعرف الا التبديل فففففقط. الموتر موجود واموره طيبه ولله الحمد. وتوبه منهم.

هذا اللي صار معي والوكاله بالتفصيل. ان شاء الله يستفيد احد من الموضوع. والمره الجايه لاسمح الله روحوا للافرع الخارجيه. وكالة الصناعيه ماتنفع.

في امان الله.

[حليتان*]

الحمدلله ان صلح موترك وله هم نصابين معروفين

ولو القير فالنمره يوم يولع الطبلون بيطلع انه فالنمره
وشلون البرقدون شال الموتر وهو فالنمره شي مايدش المخ ماعليك منهم