تعصب على أقل شي .. والا من النوع البارد ؟؟

[الحياة الخالدة]

السلام عليكم ورحمة الله وبركاته
صبحكم الله بالخير

مثل ماهو في العنوان :
هل انت ( انتي ) من النوع اللي يتنرفز بسرعة وأقل شي يخليه يعصب و يتضايق .. وما عنده طولة بال ؟؟
والا من النوع اللي أعصابه هادية .. وما يحرق اعصابه إلا الشديد القوي ؟؟

وهل الحالة العصبية مرتبطة بأسباب معينة ؟؟ والا مالها علاقة .. وترجع لطبيعة الشخص نفسه فقط ؟؟

أتمنى أشوف آراءكم ومشاركاتكم
حياكم الله جميعاً

[MAZEN37]

العمر له دور كبير بهالموضوع
مثلا ايام الطفوله والمراهقه تكون عصبيه كبيره
وكل ما تقدم العمر احترق فيوز
لين ما الكمبيوتر يودع
ملاحظه :احيانا اعصب على الاولاد تمثيل

[شبح الصمت]

وعليكم السلام ورحمة الله وبركاته ،،،

اممممممممم

انا اكتم في خاطررررري أوقات وأوقات على حسب الموقف

بس اذا شفت خلاص بنبط اقعد اتعوذ من الشيطان عشان ارتاح
واهدي

جربوها احسن حل من تعصب تعوذ من الشيطان
اذا مشاكل فالبيت حاول انك تطلع على طول
واذا مشاكل خارجية حاول انك تضبط نفسك كنترول وتفكر في عقلك لا تخلي الشيطان يتمكن منك في حزتها ..

[معماري قطري]

نو تعصيبيشن شعاري كول على طول

[بانغ بانغ]

عادي اقوّم حرب عالمية ثالثة ....

بس كووول بشكل عام

[عاشق العديد]

لا والله انا من العصبي عطول ولا خلاص يعني مد اليد مثل السلام عليكم

[حمد 2002]

على حسب الظروف ..

احياننا اعصب ..

احياننا اتظاهر اني معصب ..

احياننا ريلاكس وهدوء ..

واحياننا اتظاهر اني ريلاكس وهادي ..

وهكذا ..

[qatarman8008]

اكثر عصبيتي على اسلوب بعض السواقين في الشارع..
واكون مستعد للهواش على اتفه الاسباب..
امس .. في احدى التقاطعات قدام مجمع سكني كله انقليز كنت بادعم انجليزي اشقر بو عيون زرق..
يبدو انه قام يتكلم بعصبية ويهز راسه يمين ويسار.. والله ماتحملت الموقف..
سبيته سب لين انقلب لونه احمر كتشب.. الوصخ..
..
انا اعصب في الدوام على الشخص المنافق.. يعني قدامي غير ووراي غير..
عصبيتي في الدوام هي جملة "اذا سمحت لاتستخدم هالاسلوب معاي"
..
في البيت اعصب على الاهمال المتكرر.. سواءا من العيال او المدام وحتى لو الخدامة..
عصبيتي في البت هي "نظرة حادة وبدون اي كلمة"
..
مع الربع كووول.. اللي يعجبني اسلوبه امشي معاه.. واللي مايعجبني اسلوبه مع السلامة..
عصبيتي مع الربع هي جملة " الله يصلح الحال "

[الحياة الخالدة]

العمر له دور كبير بهالموضوع
مثلا ايام الطفوله والمراهقه تكون عصبيه كبيره
وكل ما تقدم العمر احترق فيوز
لين ما الكمبيوتر يودع
ملاحظه :احيانا اعصب على الاولاد تمثيل
هلا أخوي مازن
صحيح العمر له دور
بس احتمال تختلف الأمور اللي يعصب عليها الانسان في مراحل عمره المختلفة
أقصد إن اللي كان يخلي الواحد يعصب وهو شباب يختلف عن اللي يخليه يعصب وهو كبير في السن
لما الإنسان يكبر يصير ماله خلق واقل شي يخليه يصارخ و يتنرفز .. احتمال بسبب الامراض اللي تبتدي معاه
واحتمال لأنه يكون بروحه اغلب الوقت

وكلامك صحيح بخصوص التمثيل
انا استخدم هالطريقة مع الصغار بس أحياناً تقلب معاي صج

شكراً لك أخوي

[بعيد النظر]

جبرييييت للأسف

[Dana’1]

مرات اكون جليييد صعب يذوب من برودته:cool:
ومرات محرااااااااااق عاادي اطشرهم :anger1:
بس عموما أحس نفسي عادي لا هي ذيك العصبيه ولا البرود الي يبط الكبد:shy:

شكلي حيرتس أكثر ههههههههه

[الحياة الخالدة]

وعليكم السلام ورحمة الله وبركاته ،،،
اممممممممم
انا اكتم في خاطررررري أوقات وأوقات على حسب الموقف
بس اذا شفت خلاص بنبط اقعد اتعوذ من الشيطان عشان ارتاح
واهدي
جربوها احسن حل من تعصب تعوذ من الشيطان
اذا مشاكل فالبيت حاول انك تطلع على طول
واذا مشاكل خارجية حاول انك تضبط نفسك كنترول وتفكر في عقلك لا تخلي الشيطان يتمكن منك في حزتها ..

من خلال ملاحظتي لك بالمنتدى اشوف ان كلامك صحيح
بس احياناً يكون المزاج مب رايق فتعصب و يسهل استفزازك
أكيد الغضب والعصبية الزايدة يؤججها الشيطان أعوذ بالله منه
حلو إنك تغادر المكان عشان تهدأ
لكن البعض بيعتبرها إهانة و بيلحقك عشان يكمل النقاش معاك

شكراً للمشاركة والنصايح المفيدة أخوي شبح

[Qt.1]

الرجل بطبعه عصبي بالفطره ونادر مايكون بارد , عن نفسي قبل كنت اعصب كثير اللحين احاول قد ماقدر ماعصب , المشكله وقت الصعبيه الواحد ممكن يتخذ قرار او يقول شي يندم عليه عقب ,,

[لبيبة]

وعليكم السلام ورحمة الله وبركاته،

ما عندي إجابة دقيقة لأني أتفاعل حسب الموقف،

يعني ممكن ظاهريا أعصب على شي، وبعد ساعة أنسى الموضوع،

وممكن ما أعصب، وأدور حل للمشكلة اللي جدامي لأن العصبية ما تنفع،

سابقا كنت أعصب وايد، ومع تقدم العمر يكسب الواحد حكمة وتروي،

ولاحظت هالشي في نفسي وفي اللي حولي.

بعض الأحيان أتهم بالبرود واني ما اعصب على الشي اللي يشوفونه يعصب.

[العلياا]

وعليكم السلام ورحمة الله

برودة الشخص اللي قدامي في موقف حازم او محتاج ردة فعل سريعة تجنني وتخليني اولع بسرعة
بس بشكل عام هادية وماعصب وحتى لو عصبت ارجع اهدأ بسرعة

[JN000N]

مب سالفة عصبيه
طبيعة حالي منهده سواء معصبه والا مروقه مادري ليش كلماتي تطلع قويه تحسس الطرف الثاني اني مقفله او معصبه
بس ف الصج والواقع مثل ما جفتوني اقط الكلام وانا اعصابي سهالات
ولكن في امور تقفل بي خاصه لما يكون الطرف الثاني دعله

[شبح الصمت]

من خلال ملاحظتي لك بالمنتدى اشوف ان كلامك صحيح
بس احياناً يكون المزاج مب رايق فتعصب و يسهل استفزازك
أكيد الغضب والعصبية الزايدة يؤججها الشيطان أعوذ بالله منه
حلو إنك تغادر المكان عشان تهدأ
لكن البعض بيعتبرها إهانة و بيلحقك عشان يكمل النقاش معاك

شكراً للمشاركة والنصايح المفيدة أخوي شبح



صحيحه ملاحظتج اني اعصب اهنيه اوقات بس حسبيها من مشاركاتي لين الحين قد مره غلطت على احد بكلام جارح او اهنته ..

مب اني امدح نفسي لا لا حشى انا اشوف نفسي في عيون الاعضاء مش بعيني انا اقدر نفسي
وفي نفس الوقت عندي ثقة في نفسي اني الحمد لله

واثق الخطوه يمشي ملك ..

واوقات برى لو عصبت وانا غلطان اعتذر مهب عيب الواحد يعترف بغلطه
وتحاولين تراضين الي زعلان اما اذا عييى ورفض هذه كيفه انتي سويتي الي عليج


وإن شاء الله في الاول والاخير نكون عند حسن ظن الجميع ..

[المحاميه]

على حسب الموضوع
وعلى حسب الشخص اللي بتعامل معاه ..

اعتقد العصبيه عند الجميع موجوده لكنها متفاوته واللي يحكمها الموقف نفسه ومدى أهميته بالنسبه لك ..

[يمامـة]

العمر له دور كبير بهالموضوع
مثلا ايام الطفوله والمراهقه تكون عصبيه كبيره
وكل ما تقدم العمر احترق فيوز
لين ما الكمبيوتر يودع
ملاحظه :احيانا اعصب على الاولاد تمثيل

صدقت العمر له دور من ناحية ومن ناحية ثانية يعتمد على الشي اللي ممكن اتعصب عليه..

فالواحد مهما كان بارد الا انه عنده ثوابت لو شاف الاخرين يخدشونها بعمد بيعصب غصب عنه..

[رآعي موآجيب]

المراهقه والعشرينات كنت مشخااااط :anger2:

الحين مشيخيط :spider:

اتوقع انصاف الاربعينات وما فوق بكون مثل مهندسنا معماري قطر :whistling:

[الحياة الخالدة]

نو تعصيبيشن شعاري كول على طول
قول الصج : من طلعت على الدنيا وانت جذي ؟؟
والا صرت كوول من عمر معين وطاااالع ؟؟

[الحياة الخالدة]

عادي اقوّم حرب عالمية ثالثة ....

بس كووول بشكل عام
يعني ينطبق عليك : اتق شر الحليم إذا غضب ؟؟

[الحياة الخالدة]

لا والله انا من العصبي عطول ولا خلاص يعني مد اليد مثل السلام عليكم
بل .. الله يكافينا الشر
يعني على أقل شي تعصب ؟؟
انزين مع تقدم السن ( ما اقصد انك شيبة قبل لا تعصب علي ) هل تغير شي في طبعك العصبي ؟؟
يعني زادت العصبية والا نقصت .. والا انت مثل ما انت على طول چبريييت

امسك أعصابك قبل لا تجاوب

[المحاميه]

مب سالفة عصبيه
طبيعة حالي منهده سواء معصبه والا مروقه مادري ليش كلماتي تطلع قويه تحسس الطرف الثاني اني مقفله او معصبه
بس ف الصج والواقع مثل ما جفتوني اقط الكلام وانا اعصابي سهالات
ولكن في امور تقفل بي خاصه لما يكون الطرف الثاني دعله

ههههههههه
احسج تشبهيني ههههه
هذا الرد يمثلني هههههههههه
رزيله انتي بصراحه :nice:

[الحياة الخالدة]

على حسب الظروف ..

احياننا اعصب ..

احياننا اتظاهر اني معصب ..

احياننا ريلاكس وهدوء ..

واحياننا اتظاهر اني ريلاكس وهادي ..

وهكذا ..

دام تقدر تتحكم في نفسك .. أعتقد والله أعلم إنك مب من النوع العصبي

[الحياة الخالدة]

اكثر عصبيتي على اسلوب بعض السواقين في الشارع..
واكون مستعد للهواش على اتفه الاسباب..
امس .. في احدى التقاطعات قدام مجمع سكني كله انقليز كنت بادعم انجليزي اشقر بو عيون زرق..
يبدو انه قام يتكلم بعصبية ويهز راسه يمين ويسار.. والله ماتحملت الموقف..
سبيته سب لين انقلب لونه احمر كتشب.. الوصخ..
..
انا اعصب في الدوام على الشخص المنافق.. يعني قدامي غير ووراي غير..
عصبيتي في الدوام هي جملة "اذا سمحت لاتستخدم هالاسلوب معاي"
..
في البيت اعصب على الاهمال المتكرر.. سواءا من العيال او المدام وحتى لو الخدامة..
عصبيتي في البت هي "نظرة حادة وبدون اي كلمة"
..
مع الربع كووول.. اللي يعجبني اسلوبه امشي معاه.. واللي مايعجبني اسلوبه مع السلامة..
عصبيتي مع الربع هي جملة " الله يصلح الحال "

أظن السواقة تعتبر أكبر اختبار لمدى برودة أعصاب الشخص
وأحياناً تصادف مواقف تخلي الواحد غصبن عنه يعصب .. يعني أكثر من مرة أطلع الصبح وانا هادية ورايقة ومعزمة إني أكون كووووووول
لكن أصادف مواقف تنرفزني غصب

عجبني وايد التصنيف اللي متبعه

[الحياة الخالدة]

جبرييييت للأسف

لا تخاف .. وايد الجباريت مثلك :secret:

[شموخ دائم]

,

,


مرحبا


شكرا على الموضوع

انا شكلي هادي جدا وبزياده ويغلب على طبعي الهدوء بكل تصرفاتي

ولكن اعصب طبعا على حسب الموقف والعصبيه عندي بدون انفعال ماله داعي
ولكن فيها النصح والشرح واتخاذ الاجراء المناسب
يمكن بحكم العمل في المجال الاداري
يخلي الواحد اكثر هدوء واكثر تعقل واكيد العمر له دور كبير

بالشارع مطول بالي على طول
هذي اعصاب مالها داعي ومافي ( نتيجه ) عصبنا او ما عصبنا

والعصبيه ( تضر بالصحه )

يضايقني اكثر شي

( عدم الانتاج )

يعني اليوم له اهميه كبيره عندي واذا كنت مسئول عن شغله ابي انجاز يومي
واحب احافظ على المظهر ( المبتسم ) اكثر من المنفعل

:)

,

,

[حليتان*]

هههههه دوم هادي لدرجة ان احياناً الي حولي يعصبون علي احر ماعندنا ابرد ماعنده

[Summer Fruits]

يطلقون علي مسمى "الثلجه" :))
الواحد الزم ماعليه نفسيته

[معماري قطري]

المراهقه والعشرينات كنت مشخااااط :anger2:

الحين مشيخيط :spider:

اتوقع انصاف الاربعينات وما فوق بكون مثل مهندسنا معماري قطر :whistling:

ذكرتني بالذي مضى اخوي راعي مواجيب

قبل كنت عصبي وما حصلت من العصبية الا السكر كانت الهوشة عندي سهلة

[الكبير]

لازم الواحد ايكون حليم وما يعصب ويحتسب الاجر عند الله بس ان اضطر يرضخه فهو مرخص اعتمادا على الموقف

[إبوراشد]

مشكلتي هادي وعندي طولة بال الله يعين
شكرًا لج اختي

[سالم الزهران]

مقدر اقول اني تخلصت من الغضب ، احياناً يتراوى لي جذي لكن يجي موقف اكتشف اني فلان الأولي

لذلك ، نتهرب من الواقع المرير بالهزل و السخرية ونحاول نخلي الغضب بنية صالحة لوجه الله بعيد عن حظوظ النفس

[العقل المدمر]

اشوف نفسي متوسطة وطبيعية
بس الناس يخافون مني ويسموني جبريت :(

[الحياة الخالدة]

مرات اكون جليييد صعب يذوب من برودته:cool:
ومرات محرااااااااااق عاادي اطشرهم :anger1:
بس عموما أحس نفسي عادي لا هي ذيك العصبيه ولا البرود الي يبط الكبد:shy:

شكلي حيرتس أكثر ههههههههه
تبين الصج .. صج حيرتيني
لأن حتى من خلال مشاهدتي لج في المنتدى حسيتج من النوع الهادي اللي ما يعصب
كلش كلش ماتخيلج معصبة هههههههه

[الماريّة]

انا هاديه ولله الحمد

واسيطر على نفسي ماعصب بسرعه حتى لو نرفزني الطرف الاخر

[captin]

Very Cool :)

[حظيظ]

موضوع مهم في هذا الوقت شكراً لج

برأيي العصبية لها علاقة بالجينات الوراثية فبعضهم سريع الغضب والاخر بارد جداً
حسب الجين الوراثي ,, ولكن من كان سريع الغضب واراد تهذيب نفسه فإنه يستطيع
ذلك .. صحيح انها صعبه جداً ولكن في النهاية يستطيع ان يكون هادئاُ في كثير من
الامورالتي لا تستدعي الغضب . وكما قيل ( العلم بالتعلم والحلم بالتحلم )
وانا من هذا الصنف احاول قدر ما استطيع ان اكون حليماً .
الا في حالتين عجزت اكون فيهما حليماً .. اذا ناقشت غبي او أمامي سائق غشيم :)

[طلعة الروح]

انا عصبيتي نرفزة وضيقه اكثر من كونها عصبية
لأن في أمور تتكرر معاي دوم ومالها علاج
لأنها ترجع لتصرفات موجوده ومتجذره في طبيعة شخصيات الحمقى والجهلا اللي اواجههم في حياتي وهم كثر في الحقيقه ومن كافة الاعمار. واكثر شي أعرف انه ينرفزنى ويضايقني هو الاهمال والتخريب والفوضى وسوء التصرف سواءآ من الاطفال او الكبار وعادة ما أعصب واوصل لمرحله شديده الا بعد ما اعطي عدة انذارات للشخص المستفز وعلمي السابق بتعمده وسوء نيته واتأكد ان العصبية ممكن تكون حل لاحباطه وابعاده عن مضايقتي.

[المبرمج صلاح]

عندما كنت صغيرا ايام الاعدادي والثانوي كنت عصبي جدا
وعندما دخلت الجامعة وتغربت وتخرجت ودخلت سوق العمل اصبحت هادئ جدا ( يمكن بسبب الغربة والوحدة فيها )
وعندما تزوجت عادت العصبية مرة اخرى ( اكيد بسبب المدام :anger1: :telephone: )
وعندما رزقت بصغيرتي ( مارية ) يوم عصبي ويوم هادئ جدا لدرجة اني استغرب نفسي (الزوج العصبي والاب الحنون)
والان بقدر المستطاع احاول اني اكون الشخص الهادئ لاني طبيعتي احب الهدوء والنظام

غالبا العصبية جينات وراثية ولكن الانسان يقدر ان يسيطر عليها ويكون هادئ ولكن ليس بسهولة

[الحياة الخالدة]

الرجل بطبعه عصبي بالفطره ونادر مايكون بارد , عن نفسي قبل كنت اعصب كثير اللحين احاول قد ماقدر ماعصب , المشكله وقت الصعبيه الواحد ممكن يتخذ قرار او يقول شي يندم عليه عقب ,,

يعني الإنسان كل ما يكبر .. يكتسب القدرة على التحكم في أعصابه .. ويقدر يقيم شنو اللي يستاهل وشنو اللي ما يسوى الواحد يحرق أعصابه عليه
وكلامك صح لأن وقت العصبية الأفضل الإنسان يأجل قراراته لحد ما يهدأ ويفكر بعقل و تروي

شكراً لمشاركتك أخوي

[الماريّة]

[quote=المبرمج صلاح;10429890]وعندما رزقت بصغيرتي ( مارية ) يوم عصبي ويوم هادئ جدا لدرجة
عاشت السميه هههههه والله يخليها لك الماريه

[رآعي موآجيب]

عندما كنت صغيرا ايام الاعدادي والثانوي كنت عصبي جدا
وعندما دخلت الجامعة وتغربت وتخرجت ودخلت سوق العمل اصبحت هادئ جدا ( يمكن بسبب الغربة والوحدة فيها )
وعندما تزوجت عادت العصبية مرة اخرى ( اكيد بسبب المدام :anger1: :telephone: )
وعندما رزقت بصغيرتي ( مارية ) يوم عصبي ويوم هادئ جدا لدرجة اني استغرب نفسي (الزوج العصبي والاب الحنون)
والان بقدر المستطاع احاول اني اكون الشخص الهادئ لاني طبيعتي احب الهدوء والنظام

غالبا العصبية جينات وراثية ولكن الانسان يقدر ان يسيطر عليها ويكون هادئ ولكن ليس بسهولة

معقوله البشمهندس صلاح يعصب !! مستحيل انت تعصب

دايما رايق ماشاء الله عليك ، واذا اسولف معاك احسك بتنام واحن نسولف :funny:

الله يحفظ لك ماريه وام ماريه

[الحياة الخالدة]

شكراً لكم جميعاً على المشاركات الطيبة
و السموحة ماظنتي بلحق أرد عليكم كلكم .. لحد يعصب علي :secret:

بس لفت نظري مجموعة ما شاء الله كتبوا أنهم من النوع اللي أعصابه هادية
هل هالشي طبع والا مكتسب ؟؟
أنا أتفهم الناس اللي يعصبون بسرعة لأني منهم ( للأسف ) مع ان احنا نحاول التحكم في أعصابنا قدر الإمكان

من العوامل اللي أتوقع تساهم في العصبية :
الحالة النفسية : يعني الواحد لما يكون متضايق أو شايل هم .. أقل شي ينرفزه
الحالة المادية : وقت نزول المعاش يفرق وايد عن الوقت اللي يكون فيه الشخص مصفر عالآخر .. أو الشخص المديون أو عليه التزامات كثيرة
حالة الجو : الأعصاب في وقت الشتا والجو الحلو تفرق وااااايد عنها في وقت الحر والرطوبة واللواهيب
الحالة الصحية ومن ضمنها التقلبات الهرمونية :secret:

هاذي بعض الأمور اللي جات على بالي

[Qt.1]

مب سالفة عصبيه
طبيعة حالي منهده سواء معصبه والا مروقه مادري ليش كلماتي تطلع قويه تحسس الطرف الثاني اني مقفله او معصبه
بس ف الصج والواقع مثل ما جفتوني اقط الكلام وانا اعصابي سهالات
ولكن في امور تقفل بي خاصه لما يكون الطرف الثاني دعله

تبين الصج انتي من زمان كله اتنثرين حصى :secret:

[JN000N]

تبين الصج انتي من زمان كله اتنثرين حصى :secret:

على ناس وناس ترى :happy:

[Miss]

انا هاديه لكن اذا عصبت ما عرف حد ولا اشوف اللي قدامي وممكن أقط كلام وما ارضى بسهوله
هذا طبعي من زمان وتبين الصج حاولت أغيره ما قدرت :(

[ضوى]

وايد عصبيه وماعندي طولة بال

[مضارب دوسري]

للاسف

عصبي جدا وعلى اتفه الاسباب :(

[توشيبا]

اتحكم في اعصابي

اذا ابغي اعصب اعصب

واذا ابغي اكون هادي اقدر اكون هادي

بس اكثر الوقت اكون نفسيه

[بوخالد911]

يعتمد ع المزاج.
حزات شغلة بسيطة أتنرفز.

[MirusS]

الصراحه افتقد لميزه التحكم بالذات وقت الغضب
غالبا ردة فعلي تكون عنيفه جدا وسريعه واطلع من طوري طبعا هاي في المواقف الي احس اني مظلوم فيها

الشخص العصبي جدا غالبا تلاقيه مندفع وقليل الصبر

والتحكم بالذات عند الغضب أو البرود مثل ماتفضلتي ميزه ضروريه وتمكن الواحد من تفهم الموقف والتصرف بشكل سليم