دوحه كوميدي

[بنت شرق]

سيستعرض جماعة من الشباب الخليجين مواهبهم الكوميدية في قطر نتمنى لهم التوفيق وللحاضرين الاستمتاع
بس سؤالي ليش مافي مواهب قطرية بهالمجال

[بعيد النظر]

حمد العماري قطري

[يمامـة]

بقول شي بس ما ادري يمكن كلامي ما بيعجب المتواجدين..

أتمنى الصلاح والتوفيق للجميع..

لكن حركات التهريج باسم الكوميديا اللي نشوفه اهنيه وهناك وفي كل مكان
احسه شي ماله معنى .. وخاصة مع انتشار السنابات باسم الكوميديا الناقدة..

[رآعي موآجيب]

بقول شي بس ما ادري يمكن كلامي ما بيعجب المتواجدين..

أتمنى الصلاح والتوفيق للجميع..

لكن حركات التهريج باسم الكوميديا اللي نشوفه اهنيه وهناك وفي كل مكان
احسه شي ماله معنى .. وخاصة مع انتشار السنابات باسم الكوميديا الناقدة..

صدقتي

وخلق الله كلهم في كفه ، والدب اللي ماسك مكرفون ريش مادري فرو ويدور على الناس في الشوارع في كفه ثانيه

مسوي نفسه كوميدي بالمستوى الهابط اللي يقدمه وبالالفاظ البذيئه اللي يقولها للناس ولا ينوبه الا الاهانات والضرب

ومع ذلك مستمر وله جمهور بعد !!

المصيبه بعض القنوات تهتم فيهم وتشغلهم بعد ، مثل شخص كان له مقطع مخجل ومقزز ، واليوم مذيع في الام بي سي :thumbdown::thumbdown:

[بوخميس]

قال النبي صلى الله عليه وسلم يقول : (ويل للذي يحدث بالحديث ليضحك به القوم فيكذب ويل له ويل له)

وهذيلا المهرجين كلامهم كله كذب

[يمامـة]

صدقتي

وخلق الله كلهم في كفه ، والدب اللي ماسك مكرفون ريش مادري فرو ويدور على الناس في الشوارع في كفه ثانيه

مسوي نفسه كوميدي بالمستوى الهابط اللي يقدمه وبالالفاظ البذيئه اللي يقولها للناس ولا ينوبه الا الاهانات والضرب

ومع ذلك مستمر وله جمهور بعد !!

المصيبه بعض القنوات تهتم فيهم وتشغلهم بعد ، مثل شخص كان له مقطع مخجل ومقزز ، واليوم مذيع في الام بي سي :thumbdown::thumbdown:



والمصيبة الأكبر تعلق عيالنا فيهم.. تحصلهم من يبطلون عيونهم لين يغمضونها وهم متابعين لتهريجهم..
للأمانة ما اعرف كثير منهم بس اشوف ولدي الصغير مرات يضحك على أمور ادز ويهي أقول له شسالفة
فاشوف سخافة وأقول له" تهريج علشان يضحكون الناس ويشتهرون.. في زمن الشهرة صارت سهلة جدا مع هالتطبيقات!!"

[بانغ بانغ]

معظم الممثلين الكوميديين الذين اضحكوا العالم لعقود من الزمن رحلوا في حالة كآبة وحزن

طبعا هاي مقولة معروفة وليست من عندي

بخصوص الموضوع احسها بياخة منهم ان الشباب ايضيعون وقتهم باضحاك الناس بحركات وكلام خاصة الستاند اب كوميدي .....

وينا ووين الضحك والعالم ضدنا والمسلمين تقتيل في كل مكان وحروب

الله المستعان

[ya3coub]

اتوقغ لمدة 3 ايام

هل نفسهم على مدار الــ ايام ولا كل كم يوم غير ؟؟؟

اتابع ستاند اب كوميدي اجنبي و اروح و احضر لما اكون مسافر


بس عربي !!!! ابي اشوف اذا صج في و يقدرون يضحكون الواحد او بس ملل و سخافة ما اقدر احكم إلا لما اشوف

[JN000N]

مانبي ارقوزات باسم الكوميديا
هذول شعندهم غير المطامر
الكرميديا السنعه كانت مع غانم السليطي ايام تمثيله الهادف
اما الاشكال الي طلعت ف السوشال ميديا ابدا ماتعتبر كرميديا كثر كونها ارقوزات سخيفه

[حليتان*]

عندنا فالدوحه
حمد العماري
دكتور حمود
عبدالله الغافري (شيبوب)
في واحد يسمونه بومبارك بس ما شفته للامانه
وكذا شخصيه شفناها فاليوتيوب من زمان والحين فالسناب طلعو وايد

[سليمان احمد]

في هذا الزمن وفي عالم وسائل التواصل كي تشتهر اما تتعرى جسديا

او تتعرى فكريا طبعا اقصد موجه السخف والاسفاف بأسم الكوميديا

فلذلك اصبحت الكوميديا فن وهي سخف واستخفاف بعقول الناس

[بنت شرق]

اتوقغ لمدة 3 ايام

هل نفسهم على مدار الــ ايام ولا كل كم يوم غير ؟؟؟

اتابع ستاند اب كوميدي اجنبي و اروح و احضر لما اكون مسافر


بس عربي !!!! ابي اشوف اذا صج في و يقدرون يضحكون الواحد او بس ملل و سخافة ما اقدر احكم إلا لما اشوف
اهيه 3 أيام كل يوم اعتقد 6اشخاص بيعرضون والغالبية انتشرت من اليوتيوب والسناب
حمد العماري أول يوم 18 اغسطس افتكرته كويتي
وبصراحة مثل ما تفضلت ما نقدر نحكم بدون مانشوف بس التذكرة مبالغ فيها
والشباب وابراهيم صالح يشجعون على الحضور

[بنت شرق]

عندنا فالدوحه
حمد العماري
دكتور حمود
عبدالله الغافري (شيبوب)
في واحد يسمونه بومبارك بس ما شفته للامانه
وكذا شخصيه شفناها فاليوتيوب من زمان والحين فالسناب طلعو وايد
الله يحفظهم مواهب جيدة

[كاشف الغطاء]

المجتمع إلى الآن مايتقبل الكوميديا مع أنها من المباحات إذا مافيها منكر أو كذب

[بانغ بانغ]

اتذكر كنت ماسك حدث خاص بالشغل وكانت فيه فقرة كوميدية قبل الحفل واقترحوا ايجيبون واحد قطري حق الستاند اب كوميدي ما اتذكر اسمه بس ايقولون مشهور محليا

قلت لهم خل انشوفه مع اني مب مقتنع بهالفقرة لان كان في وزراء حاضرين كضيوف حق البيغ بوس مالنا

جلسنا في البروفة قبلها بيومين في الفندق والولد كان فاصل وريحته فايحه مادري من شنو وطلبنا ايمثل كسيناريو كم مقطع

الحبيب افتر على ربعنا واخوانا السمر ... ويبي ايضحك اللي في اللجنة واقوم واقاطعه ..... قلت له شكرا واطلع برع بصوت عالي

بهاللهجة والله قام وزعل وطلع حتى مسكين ما خلص كلامه

اقول للربع من اولها عنصرية ... ياكل تبن ايضحك المجنن برع مثله ومحبيه

[سعود.]

اتذكر كنت ماسك حدث خاص بالشغل وكانت فيه فقرة كوميدية قبل الحفل واقترحوا ايجيبون واحد قطري حق الستاند اب كوميدي ما اتذكر اسمه بس ايقولون مشهور محليا

قلت لهم خل انشوفه مع اني مب مقتنع بهالفقرة لان كان في وزراء حاضرين كضيوف حق البيغ بوس مالنا

جلسنا في البروفة قبلها بيومين في الفندق والولد كان فاصل وريحته فايحه مادري من شنو وطلبنا ايمثل كسيناريو كم مقطع

الحبيب افتر على ربعنا واخوانا السمر ... ويبي ايضحك اللي في اللجنة واقوم واقاطعه ..... قلت له شكرا واطلع برع بصوت عالي

بهاللهجة والله قام وزعل وطلع حتى مسكين ما خلص كلامه

اقول للربع من اولها عنصرية ... ياكل تبن ايضحك المجنن برع مثله ومحبيه


كفو عليك

اساسا يعتمد الستاند اب على السخرية والكلام الي والله تستحي تسمعه والايحاءات الي مالها داعي 18+

[الكبير]

اتذكر كنت ماسك حدث خاص بالشغل وكانت فيه فقرة كوميدية قبل الحفل واقترحوا ايجيبون واحد قطري حق الستاند اب كوميدي ما اتذكر اسمه بس ايقولون مشهور محليا

قلت لهم خل انشوفه مع اني مب مقتنع بهالفقرة لان كان في وزراء حاضرين كضيوف حق البيغ بوس مالنا

جلسنا في البروفة قبلها بيومين في الفندق والولد كان فاصل وريحته فايحه مادري من شنو وطلبنا ايمثل كسيناريو كم مقطع

الحبيب افتر على ربعنا واخوانا السمر ... ويبي ايضحك اللي في اللجنة واقوم واقاطعه ..... قلت له شكرا واطلع برع بصوت عالي

بهاللهجة والله قام وزعل وطلع حتى مسكين ما خلص كلامه

اقول للربع من اولها عنصرية ... ياكل تبن ايضحك المجنن برع مثله ومحبيه

زين سويت في هالخمة وامثالهم المتحجرين

[بنت شرق]

كفو عليك

اساسا يعتمد الستاند اب على السخرية والكلام الي والله تستحي تسمعه والايحاءات الي مالها داعي 18+
ما اعتقد الشباب الخليجي سيلجأ لايحاءات مخالفة لطبيعة المجتمع الغالبية عارضة شغلها بوسائل الاتصال وكثيرين مستمتعين بمتابعتهم
وما اعرف شخص إلى الآن لا يسخر من الآخرين بطريقة أو بأخرى بس الكوميديا عموما تعتمد على السخرية لهدف ناقد

[بنت شرق]

زين سويت في هالخمة وامثالهم المتحجرين

ايش يعني متحجرين ما يضحكون مثلا

[بنت شرق]

المجتمع إلى الآن مايتقبل الكوميديا مع أنها من المباحات إذا مافيها منكر أو كذب
ما اعتقد المجتمع إلا متربي على الكوميديا لأن الممثلين القطرين المشهورين عندنا كانوا أساتذة ولا زالوا بالكوميديا
وكانت غالبية مسرحياتهم متابعة من الجمهور يمكن لأنه الشباب بيقدمون فقرات كوميدية فردية فهذا هو الشي الجديد
لأن طرح الكوميديا الفردية الارتجالية مختلف في طريقة الإداء عن كوميديا الموقف والحبكة
واعتقد تحتاج مشوار لتفهم بس هذا لايمنع إنه فيه ناس ثقيلين دم ومايعرفون يأدون صح

[khalid525]

ما اعتقد المجتمع إلا متربي على الكوميديا لأن الممثلين القطرين المشهورين عندنا كانوا أساتذة ولا زالوا بالكوميديا
وكانت غالبية مسرحياتهم متابعة من الجمهور يمكن لأنه الشباب بيقدمون فقرات كوميدية فردية فهذا هو الشي الجديد
لأن طرح الكوميديا الفردية الارتجالية مختلف في طريقة الإداء عن كوميديا الموقف والحبكة
واعتقد تحتاج مشوار لتفهم بس هذا لايمنع إنه فيه ناس ثقيلين دم ومايعرفون يأدون صح

الاخت الفاضلة قبل مافيه خيارات ماعندك الا المسرح او التلفزيون ، الحين كل واحد عن طريق جهاز تلفونه يقدر يستوي سوبر ستار في جميع المجالات ، صراع الاجيال هذا دايما مستمر ، الجيل الصغير يشوف الامور بطريقة مختلفة عن الجيل القديم وهي مثل الموضة تجي وتعدي ما اشوف فيها اي مشكلة طالما الناس تستنكر الاشياء الخطأ.

[الماريّة]

فعلا مالهم هدف

وكثروا للاسف هالنوعيه
ياليت يعلنون عن حسابات مفيده مثل اهل الدين
واهل العلم والثقافه وتعلم الطبخ هذي مفيده

[بنت شرق]

لولا تباين الاذواق لبارت السلع
في مجال التمثيل والمسرح والفنون الي مشابهة لها ما نقدر نقول الدراما أفضل من الكوميدي أو افلام الكبار أفضل من افلام الكرتون
فيه قطاعات واتجاهات لها مشاهدين ومحبوبة من قطاع الشباب مثلا الكبار يفضلون السينما وافلام الاكشن الافضل عندهم
فما نقدر نقول لهم كونوا مثقفين وجادين ولكن ممكن نقول لهم ياليت الي دمه خفيف ونقده جيده وايجيبها صح يستمر والله يوفق الجميع
واشوف الشباب لهم طاقة والسعودين منهم يجبونها صح في الفكرة والحوار

[captin]

قبل يوم الحياة كانت بسيطة وهل قطر بسطاء على طبيعتهم وسجيتهم
كانوا القطريين داخليين كل مجال في الرياضة والغناء والتثميل والمسرح والمسابقات
ونادي الهواة اللي كان يقدمه الله يرحمه فوزي الخميس اكبر دليل كان كله قطريين من هل قطر
والكل كان يتمنى يطلع في التلفزيون يغني او يقول شعر او يمثل.

السنوات الاخيرة يبدو ان الطفرة المادية وتغير نمط الحياة وازدياد ساعات العمل في المجتمع القطري وقلة وقت الفراغ
وسالفة الحياء عند ربعنا الحياء من الظهور امام الشاشة او الوقوف امام العامة
خلتهم يبتعدون عن كل المجالات وعندنا اكبر شاهد المجال الرياضي
اللي ما فيه من القطريين الا ما ندر رغم تضاعف عدد السكان مرات ومرات من الثمانينات الى الآن.

حتى ذيك السنوات في الثمانينات اذكر كانت في انشطة مسرح في المدارس ومسابقات غنائية وغيرها
كانت فعلا تطلع المواهب من الطلبة القطريين.

[سالم الزهران]

من ناحية الكوميديا الحالية اصبحت مبتذلة و لذلك بقيت صورة القدماء من اهلها عالقة في الذهن

ما اشوف ان الناس فاضية للكوميديا و لا للفن عموماً ( الواقع تغيّر ) و الكوميديا تحتاج الى قيم و اخلاق تخلى عنها بعض من يريد الأضواء

........................

تعقيب على مشاركة استاذنا المعماري : الله يرحم فوزي الخميس كان برنامجه سابق لغيره من البرامج و عزالله فاتنا يا معماري و لا كنت ابهرتك بصوتي الاجش :)

[Qt.1]

معظم الممثلين الكوميديين الذين اضحكوا العالم لعقود من الزمن رحلوا في حالة كآبة وحزن

طبعا هاي مقولة معروفة وليست من عندي

بخصوص الموضوع احسها بياخة منهم ان الشباب ايضيعون وقتهم باضحاك الناس بحركات وكلام خاصة الستاند اب كوميدي .....

وينا ووين الضحك والعالم ضدنا والمسلمين تقتيل في كل مكان وحروب

الله المستعان

قلت الي في قلبي , كلام فاضي ماله داعي ,,

[يمامـة]

قبل يوم الحياة كانت بسيطة وهل قطر بسطاء على طبيعتهم وسجيتهم
كانوا القطريين داخليين كل مجال في الرياضة والغناء والتثميل والمسرح والمسابقات
ونادي الهواة اللي كان يقدمه الله يرحمه فوزي الخميس اكبر دليل كان كله قطريين من هل قطر
والكل كان يتمنى يطلع في التلفزيون يغني او يقول شعر او يمثل.

السنوات الاخيرة يبدو ان الطفرة المادية وتغير نمط الحياة وازدياد ساعات العمل في المجتمع القطري وقلة وقت الفراغ
وسالفة الحياء عند ربعنا الحياء من الظهور امام الشاشة او الوقوف امام العامة
خلتهم يبتعدون عن كل المجالات وعندنا اكبر شاهد المجال الرياضي
اللي ما فيه من القطريين الا ما ندر رغم تضاعف عدد السكان مرات ومرات من الثمانينات الى الآن.

حتى ذيك السنوات في الثمانينات اذكر كانت في انشطة مسرح في المدارس ومسابقات غنائية وغيرها
كانت فعلا تطلع المواهب من الطلبة القطريين.

تبي الصراحة.. من فينا يتمنى ولده ولا بنته يطلعون ممثلين ولا مغنيين ولا مطربين ولا مسرحيين؟
حتى مع متابعتنا لبرامج كثيرة من فينا يتمنى مستقبل ولده يكون بالشكل هذا؟

فبناء عليه من باب حب لنفسك ما تحب لاخيك.. شخصيا ما أتمنى التطور في مثل هالامور لشبابنا بشكل عام..

وفوقه ارفض التهريج والتنكيت اللي طالعين فيه.. كنت اشوف مجموعة شباب سعوديين او اشوف ناس اشتهروا في اليوتيوب
العالم يضحكون سوالفهم.. وفي الأخير كلها وسالف ماصخة مالها طعم...
فهل احنا بالفعل محتاجين نضحك وناقصنا ضحك علشان نشجع عيالنا على اضحاك العالم؟

مسكين هالشاب اللي شاد عمره ويضحك العالم هل دينه يطالبه بمثل هالرسالة؟

المفروض التويجه لشبابنا يكون في صالح دنياهم واخرتهم.. اما موضوع التهريج مافيه صالح في اخرتهم..

[بنت شرق]

الاخت الفاضلة قبل مافيه خيارات ماعندك الا المسرح او التلفزيون ، الحين كل واحد عن طريق جهاز تلفونه يقدر يستوي سوبر ستار في جميع المجالات ، صراع الاجيال هذا دايما مستمر ، الجيل الصغير يشوف الامور بطريقة مختلفة عن الجيل القديم وهي مثل الموضة تجي وتعدي ما اشوف فيها اي مشكلة طالما الناس تستنكر الاشياء الخطأ.
اتفق معك توجد فجوة بين الاجيال ، والكبار يبحثون عن الجدية ويروجون لها وبعد اشوي مايخلون مقطع كوميدي ما يشوفونه لأنه خفة الدم والخروج من الضغوط مطلوبه

[يمامـة]

اتفق معك توجد فجوة بين الاجيال ، والكبار يبحثون عن الجدية ويروجون لها وبعد اشوي مايخلون مقطع كوميدي ما يشوفونه لأنه خفة الدم والخروج من الضغوط مطلوبه

الفجوة هذه يا بنت شرق موجودة من زمان من يوم كنا احنا صغار كنا انحس ان اللي اكبر منا ما يفهموننا ولا يقدرون حاجتنا للمرح والفرح والترح.
ولما كبرنا صرنا نشوفهم هم اللي صح واحنا اللي غلط لأن كان ناقصنا النضج في تقدير العواقب..

فاليوم في شباب ما شاء الله تبارك الرحمن في عمر الزهور ويافعين يرفضون مثل هالتهريج ولا يتابعونه. هالنوع من الشباب شنهو تعريفهم؟

عايشين دور الشياب وهم شباب؟

اما بخصوص ان الكبار ما يخلون مقطع كوميدي ما يشوفونه.. اشوي فيه مبالغة وتعميم ماله أساس يا بنت شرق..
هذا احنا نرفض التهريج اللي نشوف عيالنا يتابعونه.. فاشلون نرفضه ونركض نروح عن نفوسنا معاهم..

صحيح احنا ممكن نشوف مقاطع من مسرحيات او فكاهة اهنيه او هناك.. وصحيح اني شخصيا ما امل من مقاطع سعيد صالح
في مسرحية مدرسة المشاغبين.. لكن هل أتمنى ولدي يطلع مثل سعيد صالح؟
وهل أتمنى ولدج يطلع مثل سعيد صالح؟
أقول لج لا.. ما أتمنى لا لولدي ولا ولدج يطلع مثله.. و عليه ارفض اغلب الشخصيات اللي شفت عيالي يتابعونهم
وارفض التهريج اللي يسوونه باسم التنكيت..

[بنت شرق]

كيف نضحك إذا يا يمامة بدون كوميديا ونكت مايصير
بعدين ايش دخل العيال ايش بيظهرون كل الشباب عندهم وظايف وهاي مش وظيفتهم الأولى
هاي هوايتهم يعني الي يشتغل كاتب قصص ايعرف انه الكتابة لوحدها ما راح توكله عيش
هاي امر مفروغ منه

[بانغ بانغ]

لو في قطري يضبط الفن الصامت الناقل لرسالة هادفة ، بكون مؤيد له

[يمامـة]

كيف نضحك إذا يا يمامة بدون كوميديا ونكت مايصير
بعدين ايش دخل العيال ايش بيظهرون كل الشباب عندهم وظايف وهاي مش وظيفتهم الأولى
هاي هوايتهم يعني الي يشتغل كاتب قصص ايعرف انه الكتابة لوحدها ما راح توكله عيش
هاي امر مفروغ منه

تدرين يا بنت شرق..
احنا نضحك وضحكنا لين الزمن ضحك علينا.. صارت حياتنا كلها جري خلف الضحك وكأن الضحك معدوم في حياتنا..

انا مب ضد الضحك.. لأني بطبيعتي احب الضحك.. لكني ضد تشجيع الاخرين على التفرغ لاضحاك الناس..

واذا ردي على سؤالج " ايش دخل العيال ايش بيظهرون وكل الشباب عندهم وظايف وهي مش وظيفتهم الأولى"
ابي أقول لج .. وايد أمور غيرت طريقة تفكيري.. فاليوم لما ارفض هالشي ارفضه بناء على اني اشوف انه غلط الشاب يضيع وقت فراغه في هالامور
وان الشاب لازم يعمل لدنيته واخرته.. بما انه انسان مسلم وربنا راح يحاسبه على شبابه فيما افناه..
قد يكون كلامي صعب للجيل الحالي.. وقد يكون معقد للي يبي يعيش حياته ويخلي الحياة لونها بمبي..
بس ااقول طوبى للي عرف يستفيد من شبابه.. وعرفه يستفيد من علمه.. وعرف يستفيد من وقته..

بتقولين لي عيزتي وكبرتي وطاحت ضروسج وشبعتي ضحك والحين تبين تمنعين الشباب بحجج خاصة فيج..
بقول لج اللي اشوفه حولي من حال الشباب عند متابعتهم للتهريج اللي يصير باسم الضحك.. أقول ياليت يتسكر هالباب
وكفاية علينا المهرجين في المسرحيات..

[بنت شرق]

فيه اكثر من نقطة : غلط وقت فراغه يضيع بهالامور والاستفادة من وقته أفضل
الثانية ياليت يسكرون هالباب لأنه تهريج
كل شخص لديه قدرات ومواهب وكل شخص ميسر لما خلق له ، الي بطيعته مرح وشايف موهبته في هالشي ليش لا ،الحرام بيكون أنه يدفن مواهبه
ولا يستفيد منها سواء شهرة أو مردود مالي لندرة الصنعة وهذا يعتبر ذكاء وهذه وجهة نظر
لا أنا ابي ولدي يطلع اما مهندس أو دكتور يعني ما ينفع يكون موظف عادي ترى الاغلبية عادين ، اما كيف يستفيد الشخص من وقته فهذا شي راجع له
ما دامه محافظ على صلاته وصيامه وذاكر ربه ومتصدق
ما قد نعتبره احنا تضيع وقت بنلقى الشاب بذل جهده لاخراج فكرة وكتابتها وادائها وهذا شيء جيد
مسألة تعالوا نصكر على الناس مجالات ونضيق عليهم احنا ادرى وشفنا واحنا ابخص فهذا من باب مناقشات قديمة عقيمة لوجود الفوارق الجيلية
حاليا الافضل والاسلم للمجتمع الناضج يعطي فرص ومجالات وخيارات متعددة وحقيقية لتطوير المهارة والموهبة والشخص يستطيع اثبات جدراته وقدراته
المثالية في وظائف محدده فيه اتجاه معين فيه نمط معين الكل لازم يسويه خلاص قل هذا الاتجاه بالمجتمع ويحن له البعض
والحياة قائمة على تنوع الوظائف والقدرات والمواهب فإذا هو موظفها صح وفي اطار صحيح فليش لا

[يمامـة]

فيه اكثر من نقطة : غلط وقت فراغه يضيع بهالامور والاستفادة من وقته أفضل
الثانية ياليت يسكرون هالباب لأنه تهريج
كل شخص لديه قدرات ومواهب وكل شخص ميسر لما خلق له ، الي بطيعته مرح وشايف موهبته في هالشي ليش لا ،الحرام بيكون أنه يدفن مواهبه
ولا يستفيد منها سواء شهرة أو مردود مالي لندرة الصنعة وهذا يعتبر ذكاء وهذه وجهة نظر
لا أنا ابي ولدي يطلع اما مهندس أو دكتور يعني ما ينفع يكون موظف عادي ترى الاغلبية عادين ، اما كيف يستفيد الشخص من وقته فهذا شي راجع له
ما دامه محافظ على صلاته وصيامه وذاكر ربه ومتصدق
ما قد نعتبره احنا تضيع وقت بنلقى الشاب بذل جهده لاخراج فكرة وكتابتها وادائها وهذا شيء جيد
مسألة تعالوا نصكر على الناس مجالات ونضيق عليهم احنا ادرى وشفنا واحنا ابخص فهذا من باب مناقشات قديمة عقيمة لوجود الفوارق الجيلية
حاليا الافضل والاسلم للمجتمع الناضج يعطي فرص ومجالات وخيارات متعددة وحقيقية لتطوير المهارة والموهبة والشخص يستطيع اثبات جدراته وقدراته
المثالية في وظائف محدده فيه اتجاه معين فيه نمط معين الكل لازم يسويه خلاص قل هذا الاتجاه بالمجتمع ويحن له البعض
والحياة قائمة على تنوع الوظائف والقدرات والمواهب فإذا هو موظفها صح وفي اطار صحيح فليش لا

تدرين يا بنت شرق.. احنا بشكل عام بما فيه حضرتي نعاني من عدم فهم الأولويات في تربية عيالنا..

احنا كجيل أمهات سابق حسب ما اشوف من حولي.. ربينا عيال يتفوقون في المجالات المختلفة في الحياة.. وأهملنا تربيتهم
على فهم معاني وصور وقصص واحداث القرآن الكريم..

فبعد مشوار من حياتي في تربية عيالي.. اتحسف على السنيين اللي ما ركزت فيها على هالامور..
ومتأكدة اللي بيفهم معاني القرآن الكريم مستحيل يهزأ في نفسه جدام الناس باسم انه بينكت ولا بيهرج
( للعلم الفنان الكبير غانم السليطي صرح انه مهرج في احد المرات) لأنه هذا دور الممثل الكوميدي..

فاليوم لما أقول خلونا نسكر هالباب.. اقولها من باب ابداء رأيي مب فرض سلطتي ولكل من يقرأ حروفي الحرية
في اغلاق الباب او فتحه على مصراعيه.. الا انني بأدي الأمانة اللي علي وبرفض ان عيالنا وعيال بلادنا ينتهجون
هالمجالات وان كانت الدولة تحتاج لها..

يا بنت شرق اليوم ادرك ان
من فهم معاني القرآن الكريم اهتزت جوارحه وارتعدت من محاسبة الله له.. لكن اللي حاصل ان عدم فهمنا
لمعاني القرآن الكريم وأهدافه ورسالته تخلينا نبحث عن أي شي يحقق لنا الشهرة والمال والرخاء في هالدنيا الفانية..

ومع هذا تراني مب ضد التطور ولا ضد ان الواحد يكون منتج.. لكني متأكدة لحد اليقين.. ان اللي متفهم القرآن الكريم
ويخشع في صلاته و يصلي فروضه وهو فاهم شيقول ومن يقابل في كل فرض.. مستحيل مستحيل مستحيل يهرج جدام خلق الله..

مانبي الكل مدرسين ما نبي الكل أطباء ما نبي الكل مهندسين او أصحاب درجات عليا.. لكن لا مانع من المطالبة من الكل فهم
معاني القرآن الكريم.. ومن ثم نترك الحرية لهم اختيار مجالات تطوير مواهبهم و طموحاتهم و أهدافهم في هالحياة..

لذلك بتشوفيني بعبر عن رفضي.. ورفضي هذا مب ملزم لأحد.. ولكن ابري ذمتي امام الله لرفضي مثل هالامور
لأني اشوف حال الشباب و اشوف حال المراهقين و اشوف حالنا احنا الكبار.. فما ابي احمل وزر غيري بسبب تشجيعي لهم..

وبما ان احنا في مساحة وحدة كل منا يسجل توقيعه ويطبع بصمته .. احترم توقيعج واقدر بصمتج رغم اختلافي معاج..
وفي الوقت نفسه ادري انج لج نظرة خاصة
تبين من خلالها التطور للشباب وإبراز مهاراتهم.. لكننا نختلف بسبب اختلاف نمط تفكيرنا في هالامر..
واعذريني على هذرتي الزايدة .. من زمان ما كتبت :shy:
تحية لج ( وردة)

[بنت شرق]

لا دعمي لدوحة كوميديا 2016 ناتج من محبتي لهذا النوع من الكوميديا وليس لرغبتي بتطور الشباب
واعتقد انهم لوركزوا على القضايا السياسية وبخاصة الغربية منها ممكن يوصلون بسرعة للعالمية
مثل احداث 11 من سبتمبر ، مقولات ترامب ضد المسلمين وصراع الرئاسة الامريكي بين هيلاري وترامب فيه اشوية مفارقات كوميدية
الخوف مما هو إسلامي باوربا وغيره ، فمن وجهة نظري هناك أشياء لا يمكن نقدها وتقبلها مباشرة من الجمهور إلا عبر الكوميديا

[بانغ بانغ]

بنت شرق موضوعك عن الكوميديا

ركبتي رصيف في السياسة

[ابوالكلام]

عدد السكان فليل عندنا وبعدين طبيعة القطري. مب خفيف دم يعني ثقيل شوي. ويستحي يطلع في الاعلام.

[سعود.]

عدد السكان فليل عندنا وبعدين طبيعة القطري. مب خفيف دم يعني ثقيل شوي. ويستحي يطلع في الاعلام.

اخوي

معليش انا ضدك يوم تقول ان القطري موب خفيف دم . ثقيل شوي

ومعاك بأنه مايحب الاعلام .

لانة مجتمعنا محافظ ومحد يحب يكون ارقوز نفس الستاند اب او نفس العالم الي تمصخر نفسها في السوشل ميديا

بس تعال شوفه مع ربعة انواع الضحك والعبط عادي

[aloosh]

الممثلين بكل انواعهم

يحلفون بالله وهو كذب

ما تلاحظون ان اغلب المسرحيات والمسلسلات كل يحلفون بالله وهو كذب

التمثيل الحالي تفاهه وسفاهه

[بريق الحق]

الممثلين بكل انواعهم

يحلفون بالله وهو كذب

ما تلاحظون ان اغلب المسرحيات والمسلسلات كل يحلفون بالله وهو كذب

التمثيل الحالي تفاهه وسفاهه

الوسط الفني وسط غير اخلاقي للأسف فيه من المنكرات والكذب والخرابيط
أتمنى يستخدمونه في الدعوه او في النصيحه

[جبر ال جبر]

في ملاحظه هامه جدا محد انتبه لها في ممثلين من دوله الكويت مشاركين في دوحه اكاديمي هالممثلين بالذات لهم قناه خاصه في اليوتيوب الفاظهم جدا وصخه وسوقيه وماخذين راحتهم ع الاخر وقمه في السخافه والانحطاط وقبل كنت اشوفهم في مسلسلات كويتيه وعقب شكلهم شوتوهم ع الفاظ والحركات الوصخه اللي يسونها مابي اذكر اسم القناه ف اليوتيوب عشان ماخذ ذنب ،،، مستغرب من مشاركتهم ف هالمهرجان

[ya3coub]

في ملاحظه هامه جدا محد انتبه لها في ممثلين من دوله الكويت مشاركين في دوحه اكاديمي هالممثلين بالذات لهم قناه خاصه في اليوتيوب الفاظهم جدا وصخه وسوقيه وماخذين راحتهم ع الاخر وقمه في السخافه والانحطاط وقبل كنت اشوفهم في مسلسلات كويتيه وعقب شكلهم شوتوهم ع الفاظ والحركات الوصخه اللي يسونها مابي اذكر اسم القناه ف اليوتيوب عشان ماخذ ذنب ،،، مستغرب من مشاركتهم ف هالمهرجان

امس رحت أخوي جبر و شفت الشخص الي تقصده

أغلب الحوار كان للي يفهم يفهم و أغلب الحضور موب فاهمين شالسالفة و هالشخص بالذات توقعته يكون بنفس المستوى بس لا طلع محافظ اكثر من الباقي, لا تنسى ايضا ان احنا في قطر التوصيات واصلة لهم بعدم تعدي الحدود و اذا في شي لا تستخدمون الألفاظ و لا حتى الرسالة تكون مباشرة لأننا في بيئة محافظة مقارنة بالدول المجاورة و كان لا بأس فيه اهو و واحد غيره بس اما الباقي كان مبين مو على طبيعتهم ولا حتى اداء

كان سلبي جدا ليسمى مهرجان الدوحة للكوميديا و ايضا الكراسي فاضية للأسف.

همسه: كثير من الي رايحين يتوقعون هالشي او رايحين للضحك فالنهاية سوالف واحد يقولها و علشان يجذب الجمهور يبهرها بإيحائات جنسية او تناقضات واقعية موجودة لفئة أقلية من المجتمع.

و هذا الي صار ما تكلم عن الجنس بس عن التناقضات الي فمجتمعنا بطريقه مضحكة

[القبطان سلفر]

كفو عليك

اساسا يعتمد الستاند اب على السخرية والكلام الي والله تستحي تسمعه والايحاءات الي مالها داعي 18+




صحيح كلامك

نوعية هذه الكوميديا تعتمد أساسا على الايحاءات واللمز والغمز لمعاني جنسيه وهو شيء مقبول في الغرب ويمنع دخول الأطفال لنوعية هذه العروض لمحتواها اما عندنا فالامر ليس فيه تحفظ والمؤدين او القائمين على نوعية هذا الفن يجب عليهم من الأول اخذ الاعتبار في تهذيب وأقلمة نوعية هذه الفنون من حيث وضع القوانين التي تمنع الاسفاف والتدني لاضحاك الجمهور .
وقد نقل لي من اثق فيه انه حضر العرض واستاء من كمية الاسفاف والايحاءات الخادشه للحياه .

اعتراضي ليس على الكوميديا لذاتها وانما على اخذ فنون الغير وتجاربهم الخاصه بكل علاتها .

[khalid525]

انا شخصيا ممكن عشان فارق العمر ما افهم الشباب وسبب ضحكهم على امور احس انها ما تضحك ، بس اكيد هم فاهمين بعض ، الستاند اب كوميدي يحتاج الى مهارة قوية وخفة دم وذكاء عشان تضحك الناس وتخليهم يفكرون بشغلات ما كانت تخطر على بالهم ، اكثر واحد يعجبني في هذا المجال هو جيري ساينفلد ذكي جدا ولا يقعد يتنطط ولا يستخدم الفاظ قذرة مثل بعض الشباب الحالي ويموتك من الضحك .

[جبر ال جبر]

امس رحت أخوي جبر و شفت الشخص الي تقصده

أغلب الحوار كان للي يفهم يفهم و أغلب الحضور موب فاهمين شالسالفة و هالشخص بالذات توقعته يكون بنفس المستوى بس لا طلع محافظ اكثر من الباقي, لا تنسى ايضا ان احنا في قطر التوصيات واصلة لهم بعدم تعدي الحدود و اذا في شي لا تستخدمون الألفاظ و لا حتى الرسالة تكون مباشرة لأننا في بيئة محافظة مقارنة بالدول المجاورة و كان لا بأس فيه اهو و واحد غيره بس اما الباقي كان مبين مو على طبيعتهم ولا حتى اداء

كان سلبي جدا ليسمى مهرجان الدوحة للكوميديا و ايضا الكراسي فاضية للأسف.

همسه: كثير من الي رايحين يتوقعون هالشي او رايحين للضحك فالنهاية سوالف واحد يقولها و علشان يجذب الجمهور يبهرها بإيحائات جنسية او تناقضات واقعية موجودة لفئة أقلية من المجتمع.

و هذا الي صار ما تكلم عن الجنس بس عن التناقضات الي فمجتمعنا بطريقه مضحكة

انا شفت له مقاطع تفشل صراحه وخصوصا حلقه (شسم امك) قمه في البذاءه والانحطاط يعني حتى صيع الشوارع مايقولونها شلون في مقطع فيديو يشوفه عشرات الالاف من الناس ،، ع العموم الكوميديا الناجحه هي الي فيها رساله هادفه للمجتمع او حل لظاهره معينه واعتقد رواد الفن الكوميدي مثل عبدالحسين عبدالرضا وجابر نغموش وغانم السيلطي وغيرهم نجحوو ف هالجانب