قطر مول : الافتتاح 29 اكتوبر

[العابد]

نقلة نوعية في المولات في قطر وإضافة قوية لها

وافتتاح مول الحزم في سبتمبر

وافتتاح دوحة فستيفال سيتي في فبراير

أتمنى أن تساهم هذه المولات والمنافسة الشديدة بينها

في انخفاض أسعار السلع التي وصلت لمستوى جنوني

[يمامـة]

المشكلة في قطر التجار يحددونها في 3 أمور

1- ارتفاع الإيجارات
2- رسوم الجمارك
3- رسوم وزارة الخارجية ان ما خانتني الذاكرة..

والمشكلة الأكبر ان احنا في قطر ما عندنا بدائل ابدا.. يعني في اغلب دول العالم
في أسواق غالية وفي أسواق رخيصة.. احنا كل شي غالي حتى سوق واقف صاروا يبالغون في الأسعار!!

[بوخميس]

نقلة نوعية في المولات في قطر وإضافة قوية لها

وافتتاح مول الحزم في سبتمبر

وافتتاح دوحة فستيفال سيتي في فبراير

أتمنى أن تساهم هذه المولات والمنافسة الشديدة بينها

في انخفاض أسعار السلع التي وصلت لمستوى جنوني

شدخل هالمولات في انخفاض اسعار السلع، هالمولات تبيع ماركات
اسعار السلع تحصلها رخيصة في الميرة والأماكن المشابهة

[شموخ دائم]

,

,


مرحبا


شكرا على الموضوع

تصدق على كثر المولات والمحلات ما شاء الله

جات فتره ادور ( جوتي رجالي ) يكرم الجميع
لفيت السوق كله ما لقيت شي عدل

البضاعه المعروضه شي غريب لا الذوق يناسب ولا الموضه ولا الشكل

ما تلاقي شي فيه خير

مادري شنو صاير بالسوق

:)

,

,

[الحياة الخالدة]

,

,


مرحبا


شكرا على الموضوع

تصدق على كثر المولات والمحلات ما شاء الله

جات فتره ادور ( جوتي رجالي ) يكرم الجميع
لفيت السوق كله ما لقيت شي عدل

البضاعه المعروضه شي غريب لا الذوق يناسب ولا الموضه ولا الشكل

ما تلاقي شي فيه خير

مادري شنو صاير بالسوق

:)

,

,

والله إنك يبتها صح أخوي شموخ
بضاعة غريبة على مجتمعنا .. فرضوها علينا فرض
يعني أيام العيد مثلاً ندور على شي عدل نلبسه ما نحصل غير أشكال وموديلات مدري شلون عدالها
بينما في بعض الدول المجاورة مثل الكويت والسعودية .. نحصل اللي نبيه بكل سهولة

[سليمان احمد]

وين اماكن المولات اللي بتفتتح

لانه مسأله مراعاه الكثافه السكانيه

والمواقف والشارع اخبرها معدومه

فياليت نعرف الاماكن اللي يعرف وين هالمجمعات

[حليتان*]

نبي مول كبيييير يكون فيه نظام الكشكات نفس الي يسونها فالمعارض

عقب شوف التنوع والاسعار الزينه

[بانغ بانغ]

استغرب من البعض من الناس والمتسوقين في زيارتهم للمولات

ان جابوا بضاعه مايعرفونها قالوا مب شي وان جابوا بضاعه معروفه قالوا مكرر

السوق للاستجمام والتبضع وتضييع الوقت وعقد الاجتماعات الخاصة والجلسات الودية

مع اني مب من هواة المولات ولكن لو انجبر اروح

اتمنى شي واحد ان ما يحترق مثل فيلاجيو واتكون فيه طرق سلامة عاد هالمرة بتكون الضربة اوجع

[الحياة الخالدة]

نبي مول كبيييير يكون فيه نظام الكشكات نفس الي يسونها فالمعارض

عقب شوف التنوع والاسعار الزينه

قصدك مثل زون سنتر

[نمر بن عدوان]

دوحه فيستفال بيكون نقله نوعيه خصوصا مدينة الالعاب الضخمه الي فيه

[بوخالد911]

الى الأمام يا قطر.

[الماريّة]

الحمدالله اهم شي ان كثرت المولات صوبنا شمال
عشان مانتعنى بعيد


والله يزيد الخير في ديره الخير:shy:

[captin]

الله يزيد ويبارك

على كثرة المولات عندنا تمر علي احيانا سنة كاملة ومادخلت مول
عدي بفيلاجيو من سنتين أشوى احنا الرياييل ما لنا اغراض داخل المولات الا نادر
بالكثير الواحد يمر كارفور ياخذ اغراض للبيت وهو طالع على السيارة.

[qatarman8008]

المطلوب هو تحويل الشوارع الرئيسية في كل منطقة الى محلات تجارية..
وتغيير التخطيط حق المناطق المستقبلة على هالشكل..
مثل ما نشوف في دول الخليج الثانية .. محلات تجارية عالشارع والبيوت من وراهم..
اول شي ترخص اسعار الايجارات وبالتالي اسعار السلع..
ثاني شي ماتحتاج تشغل سيارتك وتروح بعيد عشان بس تجيب كيس خبز..!!

[معماري قطري]

عام 2022 ان شاء الله بيكون لكل قبيلة قطرية مول

[BoFahed]

عام 2022 ان شاء الله بيكون لكل قبيلة قطرية مول

ههه اضحك الله سنك يا بو عبدالله

بس يبيله كل منطقة فيها مول باقي ام صلال والرويس

[بانغ بانغ]

ههه اضحك الله سنك يا بو عبدالله

بس يبيله كل منطقة فيها مول باقي ام صلال والرويس

افا واحنا هل ينوب

مستانسين على المول اللي لحين مافتحوه ... لا وبيشلونه بعد

[بنت شرق]

عام 2022 ان شاء الله بيكون لكل قبيلة قطرية مول
يذكرني هذا بمقولة كل عائلة قطرية عندهم بئر نفط والحقيقة البعض سيكون لديهم الخير والله يبارك لهم والباقي خارج الفورمة

[مرتبش]

افا واحنا هل ينوب

مستانسين على المول اللي لحين مافتحوه ... لا وبيشلونه بعد

في مول صغيرون اشوفه على الدائري السادس صوب الحضارمة.. سكوير مول.. تصبروا

[gprs]

ما شاء الله الى الامام ياقطر الخير
والله يديم علينا هل النعمة يارب

[يمامـة]

عام 2022 ان شاء الله بيكون لكل قبيلة قطرية مول

تعتقد؟

الناس مع هالجو ورغبتهم العارمة على التجوال وتغيير الأجواء والتنقل والسفر.. اكيد بيفضلون
المولات على التسكع في الشوارع تحت لواهيب الشمس الحارقة( ماخذة هالجملة من دفتر الانشاء)

فاعتقد زيادة عدد المولات هدفه سياحي بحت .. لاستقطاب السياح..

بس الأهم اللحين .. نبي تنوع في المحلات.. وتنوع العروض.. والخصومات.. وجذب المستهلكين مب المتسكعين.

حسب ملاحظتنا ان الأجانب بشكل عام مالهم دخل في الشراء من المجمعات.. واذا دققنا راح نلاحظ محد غير هل قطر
او اللي عاشوا في قطر هم اللي يتشرون بشكل عام.. مع ان ما عندنا ضرايب في بلادنا.. الا انهم يفضلون يتشرون من بلادينهم
والحجة انها ارخص و اجود!!

[الدوحه1]

وقريبا افتتاح مول الدوحه (بالقرب من مركز خدمات مسيمير)


http://store2.up-00.com/2016-08/1471428557031.jpg (http://www.up-00.com/)

[حليتان*]

قصدك مثل زون سنتر
بالضبط عليج نور بس يفتحون الباب حق الجميع ويكون دعم من الدوله للناس باجارات مخفضه والدعم بيكون للتحار الصغار وللمستهلكين

[Diamond]

دوحه فاستيفال مسسسسسستحيل الافتتاح فبراير؟؟؟؟

كل يوم امر عليه .. ممكن فبراير 2018 او 2019

اذا بوابة الشمال خالص شكله من زمااان ما تم الافتتاح

[بانغ بانغ]

يحيكم هل الشمال او دحيل

كل يوم مجمع ومول

امدلعينكم الجماعه

[دايموند]

وقريبا افتتاح مول الدوحه (بالقرب من مركز خدمات مسيمير)


http://store2.up-00.com/2016-08/1471428557031.jpg (http://www.up-00.com/)

هههههه هالاعلان شفته من سنتين تقريبا

[Azizuk]

انا اتوقع ان راح يكون في ركود في الاسواق العالمية في السنوات الجايه

خاصه بعد ماشفت في اوروبا حاليا المحلات لا توجد فيها بضاعه جديدة زي اول

وفي شركات وايد قفلت بسبب الانهيار الاقتصادي وانخفاض سعر البترول

الغريب ان المحلات لا توجد فيها موظفين باعداد اول ومعظم الموظفين كبار في السن متقاعدين شكلهم

اللي يبين لي ان في تقليل في اعداد الموظفين

وكثرة المولات عندنا ماشوف لها داعي معظم الشركات تفتح عندنا والبضاعة ادور على دول الخليج فقط بضاعة قديمة

شريت بنطلون من السلام ايام التنزيلات في رمضان صناعة المانية طلبت لون اسود قال لي خللص بس انت رايح المانيا بتحصل اللي تبيه

يوم وصلت المانيا وسالت قالو لي هذا النوع موقف من عندنا من زمان ماعليه طلب

اظاهر السلام ماخذ استوك قديم

على العموم احنا ماعندنا قوى شرائية زي باقي الدول

لان معظم الشعب يشتري من برا وخاصة بعد دخول النت وبرامج التواصل الاجتماعي

الاهل صار لهم 8 سنوات واهم يشترون حق العيال من النت ويوصل عندك للبيت في خلال 3 الى 4 ايام

وانت قاعد في مكانك والا زحمة الشارع مايسوى عليك

وارخص من المحلات بفارق 300 ريال

[ذكي جدااا]

,

,


مرحبا


شكرا على الموضوع

تصدق على كثر المولات والمحلات ما شاء الله

جات فتره ادور ( جوتي رجالي ) يكرم الجميع
لفيت السوق كله ما لقيت شي عدل

البضاعه المعروضه شي غريب لا الذوق يناسب ولا الموضه ولا الشكل

ما تلاقي شي فيه خير

مادري شنو صاير بالسوق

:)

,

,
هههههه والله عجبني ردّك. فعلا كلام في محله على كثرة الاسواق تدور على شي في بالك ماتحصله

[الحياة الخالدة]

يا كثر المولات اللي قالوا بتفتح قريباً .. ومرت عليها الأيام والسنين وهي على حالها

[العابد]

انا اتوقع ان راح يكون في ركود في الاسواق العالمية في السنوات الجايه

خاصه بعد ماشفت في اوروبا حاليا المحلات لا توجد فيها بضاعه جديدة زي اول

وفي شركات وايد قفلت بسبب الانهيار الاقتصادي وانخفاض سعر البترول

الغريب ان المحلات لا توجد فيها موظفين باعداد اول ومعظم الموظفين كبار في السن متقاعدين شكلهم

اللي يبين لي ان في تقليل في اعداد الموظفين

وكثرة المولات عندنا ماشوف لها داعي معظم الشركات تفتح عندنا والبضاعة ادور على دول الخليج فقط بضاعة قديمة

شريت بنطلون من السلام ايام التنزيلات في رمضان صناعة المانية طلبت لون اسود قال لي خللص بس انت رايح المانيا بتحصل اللي تبيه

يوم وصلت المانيا وسالت قالو لي هذا النوع موقف من عندنا من زمان ماعليه طلب

اظاهر السلام ماخذ استوك قديم

على العموم احنا ماعندنا قوى شرائية زي باقي الدول

لان معظم الشعب يشتري من برا وخاصة بعد دخول النت وبرامج التواصل الاجتماعي

الاهل صار لهم 8 سنوات واهم يشترون حق العيال من النت ويوصل عندك للبيت في خلال 3 الى 4 ايام

وانت قاعد في مكانك والا زحمة الشارع مايسوى عليك

وارخص من المحلات بفارق 300 ريال

كلام عين الصواب كثرت المولات وجاء التقشف وانهارت أسعار البترول

لأنه هذه المولات تم التخطيط لها وقت ارتفاع أسعار البترول

اعتقد أن كثير من هذه المولات لن يكون فيها متسوقين بالشكل المطلوب

[GENIUS]

وفي مول جديد على الطريق الدائري السادس مابين إشارات سلاح الجو وجسر ميسيمير .

مول ازدان في الوكرة الله العالم ايش سالفته صار له سنتين جاهز بس مافي أخبار عنه.

[بوخالد911]

مول ازدان في الوكرة الله العالم ايش سالفته صار له سنتين جاهز بس مافي أخبار عنه.

جاتني أخبار انه عليه إزالة
!!!!!!!!!!!!!!!!!

[الكبير]

وينا ووين دبي

[الشفق الحالم]

اتمنى يهتموا بمكان الالعاب حق الاطفال هذا برأيي اهم شي بالمول والسبب الاساسي اللي يخليني اروح مولات اودي عيالي يغيرون جو بس خلاص ملينا من العاب ازدان مول والستي وجنغل زون وفيلاجيو

[بانغ بانغ]

اتمنى يهتموا بمكان الالعاب حق الاطفال هذا برأيي اهم شي بالمول والسبب الاساسي اللي يخليني اروح مولات اودي عيالي يغيرون جو بس خلاص ملينا من العاب ازدان مول والستي وجنغل زون وفيلاجيو

واماكن الصلاة