استــــرآآآحـــــــــــــــــــــــــة

[JN000N]

السلام عليكم ورحمة الله وبركاته



،



،




سالخير
شغداكم؟

[بانغ بانغ]

This is it

ميت جوووووع

[الحياة الخالدة]

عليكم السلام ورحمة الله وبركاته

سالنووووووور
للحين ما ندري .. ما رحنا البيت

[JN000N]

اكيد الوالده مسويه دال

انا اي شي باكله احين حتى لو كبده :secret:

تذكرتك من يومين غصبوني الا اكل كبده من عند مشتان ف الرفاع
وانا وين والجبود وين :eek3:

[JN000N]

عليكم السلام ورحمة الله وبركاته

سالنووووووور
للحين ما ندري .. ما رحنا البيت
اتصلي زين

[بانغ بانغ]

الله يا زين الجبدة ......

[بانغ بانغ]

شباب اين انتم

[الحياة الخالدة]

اتصلي زين
هههههههههه شحقه
مب لازم اعرف .. أي شي يسوونه باكله
مب مثل بعض الناس أتشرط

[بانغ بانغ]

الشف اماف

بتاع الكونافا راجي

بتاع الزعتر

بتاع السي فوود

بتاع هاييتي

[الحياة الخالدة]

^^
بتعيز وانت تنادي

[بانغ بانغ]

ارتاح ضميري وبلغت احمد اللي في بالي

[الحياة الخالدة]

ارتاح ضميري وبلغت احمد اللي في بالي

ايش قلت له

[نفسي عزيزه]

مسااااااااااء النور عليكم جميعا والله يحفظنا جميعا بحلنا وترحالنا خميسكم طيب يالطيبييين :shy:

[ya3coub]

احم احم


اشلونكم شخباركم طبعا لازم اطل عليكم حاليا لأن ما بلحق عليكم فالويك اند

بخصوص الغدى اليوم خلصنا اجتماع سيفتي و كان في بيتزا من بابا جونز صفيت مع الأجانب كليت قطعتين بيتزا و شبعت رجعت مكتبي


شنو جداولكم او عطوني شي اسويه فالويك اند استفيد منه

[JN000N]

الله يا زين الجبدة ......

:sneaky:

[JN000N]

هههههههههه شحقه
مب لازم اعرف .. أي شي يسوونه باكله
مب مثل بعض الناس أتشرط

مب انا اتشرط
هذول سكنهم مساكنهم يتشرطون هههههه

[الحياة الخالدة]

:sneaky:
أول ما قريت جملته تذكرت أغنية الله يا زين اللي حضرت

[الحياة الخالدة]

مب انا اتشرط
هذول سكنهم مساكنهم يتشرطون هههههه
هههههههههههه عاد هذيلا مشكلة .. سووا فيچ النون وما يعلمون

[JN000N]

مسااااااااااء النور عليكم جميعا والله يحفظنا جميعا بحلنا وترحالنا خميسكم طيب يالطيبييين :shy:

هايات
جيف حالك نفسوه
هاك اهداء مشخول ربيان من يومين مسويته
ومب اي ربيان
وحياتك من البحرين طازج عفس الموتر الي يا فيه
http://up.arabseyes.com/uploads2013/18_08_16147151758376952.jpeg


وهذي البه من حليب الشاه ولدت وعليه ومات
http://up.arabseyes.com/uploads2013/18_08_16147151758378484.jpeg

[بانغ بانغ]

ايش قلت له

قلت له لوعت جبودنا

ودعيته للاستراحة ... الولد شكله انترستينغ

[JN000N]

احم احم


اشلونكم شخباركم طبعا لازم اطل عليكم حاليا لأن ما بلحق عليكم فالويك اند

بخصوص الغدى اليوم خلصنا اجتماع سيفتي و كان في بيتزا من بابا جونز صفيت مع الأجانب كليت قطعتين بيتزا و شبعت رجعت مكتبي


شنو جداولكم او عطوني شي اسويه فالويك اند استفيد منه

والله محد يكسر خاطري الا انت
الله يعينك ويجازيك على شغلك الي مادري متى بيخلص
زين عالاقل يسوون لكم بوفيه غدا

[JN000N]

أول ما قريت جملته تذكرت أغنية الله يا زين اللي حضرت

هههههههه مزاجج مضروب

[بانغ بانغ]

انا تغديت مشخوال دياي وتفاح وامسءءه

دعواتكم انا في المستشفى اثنين من عيالي امرقدين كم ساعه فيهم سخونة وتعبانين

[JN000N]

هههههههههههه عاد هذيلا مشكلة .. سووا فيچ النون وما يعلمون

يازينهم بس

[JN000N]

انا تغديت مشخوال دياي وتفاح وامسءءه

دعواتكم انا في المستشفى اثنين من عيالي امرقدين كم ساعه فيهم سخونة وتعبانين

لا حول ولا قوة الا بالله
الله يشفيهم ان شاء الله

[بانغ بانغ]

واياك الشيخة

ان شاء الله الامور طيبة

[العلياا]

انا تغديت سندويش كيما وجباتي وطنشت الريجيم والحين حدي منغثه :(

[العلياا]

ما عليهم شر ان شااءالله ويقومون لك بالسلامة بانغ

[بانغ بانغ]

ما عليهم شر ان شااءالله ويقومون لك بالسلامة بانغ

الله يطول بعمرك اختي ولا تواجهينه

[بانغ بانغ]

ههههههه بنات ياكلون كيمة ؟؟؟ من صجكن

[Dana’1]

وعليكم السلام
شلونكم شخبااركم

غدانا كبســه دجاج

بانغ بانغ
لاباس طهور إن شاءالله ،،،الله يشفيهم يا رب

[الحياة الخالدة]

انا تغديت مشخوال دياي وتفاح وامسءءه

دعواتكم انا في المستشفى اثنين من عيالي امرقدين كم ساعه فيهم سخونة وتعبانين
الله يشفيهم ويعافيهم من كل شر

[بانغ بانغ]

خواتي ديور والحياة ... الشر ما يجيكم ولا تواجهونه وجزاكم الله خير

[بانغ بانغ]

غريبة الشباب ارقود

[العلياا]

ههههههه بنات ياكلون كيمة ؟؟؟ من صجكن

اي والله ناكلها ليش هي حصر عليكم :sneaky:

[بانغ بانغ]

اي والله ناكلها ليش هي حصر عليكم :sneaky:

ههههههههه اي والله اوقعتها حصرية لنا

بالعافية

يبيلك عشرج بالفانيلا

[الحياة الخالدة]

اي والله ناكلها ليش هي حصر عليكم :sneaky:

إي والله .. لا يكون مخدرات بس

[الحياة الخالدة]

غريبة الشباب ارقود

لا بعضهم عندهم حساسية من الاستراحة
بس البركة في اللي دشوا

[العلياا]

ههههههههه اي والله اوقعتها حصرية لنا

بالعافية

يبيلك عشرج بالفانيلا

اوقعتها شنو :rolleyes2:

يعافيك ولا والله يبيله رقاد لاعشرج ولاغيره




إي والله .. لا يكون مخدرات بس

ههههههه مادري حسسني مسويه شي غريب :rolleyes2:

[JN000N]

انا تغديت سندويش كيما وجباتي وطنشت الريجيم والحين حدي منغثه :(

فيه العافيه يالحب

[JN000N]

اصلا البنات الكيوت هم الي طبيعيات ياكلون كيمه وجباتي وصفيحه وبيض وجبود ههههه

[العلياا]

جبود :eek5:

يعافيج ربي

[JN000N]

جبود :eek5:

يعافيج ربي


:happy:
هاي اقصى مراحل الكيوت

[ya3coub]

والله محد يكسر خاطري الا انت
الله يعينك ويجازيك على شغلك الي مادري متى بيخلص
زين عالاقل يسوون لكم بوفيه غدا

اذا غيرت دوامي معني ما اعتقد قاعد على جبدهم بس شكلهم انجحو 75% في تطفيشي بس لعانه قاعد.

متى يخلص شغلي يمكن 2020 بإذن الله تعالى و عقبها ادور وظيفه او مشروع ثاني اشتغل فيه


غريبة الشباب ارقود

الشباب مشغولين في بناء و إعمار الوطن أخوي بانغ بانغ

انا موجود بحاول الحق عليكم فالأستراحه بخليه تحدي هالويك اند اني اتابعكم بإذن الله

[رجل تعليم]

مساء الخير والرحمات وأجواء الخريف القريب ورائحة الكتب والكراسات والمحافظ
هل شممتم رائحة المدارس أم ليس بعد

[توشيبا]

السلام عليكم

شحالكم جميعآ

[بانغ بانغ]

اذا غيرت دوامي معني ما اعتقد قاعد على جبدهم بس شكلهم انجحو 75% في تطفيشي بس لعانه قاعد.

متى يخلص شغلي يمكن 2020 بإذن الله تعالى و عقبها ادور وظيفه او مشروع ثاني اشتغل فيه



الشباب مشغولين في بناء و إعمار الوطن أخوي بانغ بانغ

انا موجود بحاول الحق عليكم فالأستراحه بخليه تحدي هالويك اند اني اتابعكم بإذن الله

حياك الشيخ

عاد حاسب من هالبطابط

[ya3coub]

حياك الشيخ

عاد حاسب من هالبطابط

شكلي بروح الحين مر شهر تقريبا ما سقتها متروسه غبار

شكلي بطلعها الليلة اغسلها و اشوف شموضوعها الجو بدا يتعدل امس الجو كان عجيب بس اليوم رطوبة عالية.


انشوفكم الليلة بإذن الله ناوي اشرد و انجوي يور ويك انج جميعا

[حليتان*]

جاي فخاطري مكدونلز جربته لاعت جبدي ياحي مكدنلزنا عجيب عند مالهم :(

[النهار]

السلام عليكم ورحمة الله وبركاته



،



،




سالخير
شغداكم؟

هااي استراحه ولا :eek5:

[النهار]

جاي فخاطري مكدونلز جربته لاعت جبدي ياحي مكدنلزنا عجيب عند مالهم :(

مافهمتا يازول انت داير تقول شنو

[النهار]

اصلا البنات الكيوت هم الي طبيعيات ياكلون كيمه وجباتي وصفيحه وبيض وجبود ههههه

هذه هي الحقيقه ماجبتي شي جديد
تصدقين عندنا في الدوام يطلبون اش الي مايعرف الاش يسويه ماش ومشويات لاوفول من الصبح محمص عليه لحمه :eek5:

[Miss]

مساء الخير

[نفسي عزيزه]

هايات
جيف حالك نفسوه
هاك اهداء مشخول ربيان من يومين مسويته
ومب اي ربيان
وحياتك من البحرين طازج عفس الموتر الي يا فيه
http://up.arabseyes.com/uploads2013/18_08_16147151758376952.jpeg


وهذي البه من حليب الشاه ولدت وعليه ومات
http://up.arabseyes.com/uploads2013/18_08_16147151758378484.jpeg


الحمدلله وانتي شحالج

انتي عجيبه ياجنون

ااااه على اكلج بس حامض ع بوزي :weeping:

عليج بالعافيه وشكرا للطبق والله كأني اشم ريحته ايه عليه الربيان هههههه ( قلب)

[النهار]

هايات
جيف حالك نفسوه
هاك اهداء مشخول ربيان من يومين مسويته
ومب اي ربيان
وحياتك من البحرين طازج عفس الموتر الي يا فيه
http://up.arabseyes.com/uploads2013/18_08_16147151758376952.jpeg


وهذي البه من حليب الشاه ولدت وعليه ومات
http://up.arabseyes.com/uploads2013/18_08_16147151758378484.jpeg

زين مش بطال :weeping:

[نفسي عزيزه]

زين مش بطال :weeping:

هالبنت تعرف تجننا

[سالم الزهران]

انا تغديت مشخوال دياي وتفاح وامسءءه

دعواتكم انا في المستشفى اثنين من عيالي امرقدين كم ساعه فيهم سخونة وتعبانين

سلامات بوفيصل ما يشوفون شر حبايبنا

[بانغ بانغ]

سلامات بوفيصل ما يشوفون شر حبايبنا

الله يطول بعمرك اخوي سالم ولا تواجهه

ان شاء الله ساعه وبنطلع باذنه

رحم الله والديك

[JN000N]

اذا غيرت دوامي معني ما اعتقد قاعد على جبدهم بس شكلهم انجحو 75% في تطفيشي بس لعانه قاعد.

متى يخلص شغلي يمكن 2020 بإذن الله تعالى و عقبها ادور وظيفه او مشروع ثاني اشتغل فيه



الشباب مشغولين في بناء و إعمار الوطن أخوي بانغ بانغ

انا موجود بحاول الحق عليكم فالأستراحه بخليه تحدي هالويك اند اني اتابعكم بإذن الله

والله انت مب بعيد عني
انا بعد نجحو في تطفيشي ولكني قررت اقعد على جبودهم وايننهم
المهم اني مايمسكون علي شي وكل شي تحت القانون خخخخخ
الله كريم

[JN000N]

مساء الخير والرحمات وأجواء الخريف القريب ورائحة الكتب والكراسات والمحافظ
هل شممتم رائحة المدارس أم ليس بعد

مساء النور
الكلام هذا بقراه على خواتي واليهال الي يروحون المدرسه وبجوف ردة فعلهم هههه

[JN000N]

السلام عليكم

شحالكم جميعآ

وعليكم السلام
طيبين وانت شخبارك

[JN000N]

جاي فخاطري مكدونلز جربته لاعت جبدي ياحي مكدنلزنا عجيب عند مالهم :(

مكدونلزهم مب حلال

[حليتان*]

]




مافهمتا يازول انت داير تقول شنو

باختصار انا فبلاد اكلها خايس وبس

[JN000N]

هااي استراحه ولا :eek5:

استراحه
واي؟

[JN000N]

هذه هي الحقيقه ماجبتي شي جديد
تصدقين عندنا في الدوام يطلبون اش الي مايعرف الاش يسويه ماش ومشويات لاوفول من الصبح محمص عليه لحمه :eek5:

على قولة واحد من الشباب الله يحفظه
المطعم الي تلاقون حريم وايد واقفين عنده يعني زين اكله

[JN000N]

مساء الخير

مسااء النور
هلا والله مسووه

[JN000N]

الحمدلله وانتي شحالج

انتي عجيبه ياجنون

ااااه على اكلج بس حامض ع بوزي :weeping:

عليج بالعافيه وشكرا للطبق والله كأني اشم ريحته ايه عليه الربيان هههههه ( قلب)

عساني ما ستاثم فيك بس هههههه
الله يعافيييك

[JN000N]

زين مش بطال :weeping:

هههههههه يحالتك

[بانغ بانغ]

شنو عشاكم

[حليتان*]

قلت له لوعت جبودنا

ودعيته للاستراحة ... الولد شكله انترستينغ




هايات
جيف حالك نفسوه
هاك اهداء مشخول ربيان من يومين مسويته
ومب اي ربيان
وحياتك من البحرين طازج عفس الموتر الي يا فيه
http://up.arabseyes.com/uploads2013/18_08_16147151758376952.jpeg


وهذي البه من حليب الشاه ولدت وعليه ومات
http://up.arabseyes.com/uploads2013/18_08_16147151758378484.jpeg
ابي اكل :(

[JN000N]

شنو عشاكم

احنا ربيان

[JN000N]

ابي اكل :(

رد الدوحه

[حليتان*]

]




رد الدوحه

اسبوعين بس وبرجع

[الحياة الخالدة]

جنون شلون هياج قلبج تاكلون البه الشاة اللي مات وليدها ؟؟

[حليتان*]

جنون شلون هياج قلبج تاكلون البه الشاة اللي مات وليدها ؟؟
سفاحة مافيها رحمة حتى ما تعطيني بيزات :(

[JN000N]

]



اسبوعين بس وبرجع

لا شوي
مددو احسن

[JN000N]

جنون شلون هياج قلبج تاكلون البه الشاة اللي مات وليدها ؟؟

شدعوه هي بتعمر
شنسوي بعد نخلي حليبها لمن

[JN000N]

سفاحة مافيها رحمة حتى ما تعطيني بيزات :(

انطم
بيزات مافي
بروحي مفتقره

[حليتان*]

لا شوي
مددو احسن
هو مبدأين اسبوعين خخخخخ

[حليتان*]

انطم
بيزات مافي
بروحي مفتقره

ماعليج بعود بداية الشهر هههههههه

[Dana’1]

شباب وبنات
بغيت أحسن مطعم صيني بالدوحه:telephone:

[JN000N]

هو مبدأين اسبوعين خخخخخ

:sneaky:

[JN000N]

ماعليج بعود بداية الشهر هههههههه

بعد ماعندي وفقرانه

[JN000N]

شباب وبنات
بغيت أحسن مطعم صيني بالدوحه:telephone:

عني ماعرف الصراحه
ان شاء الله البقيه يفيدونج

[bohilal191]

السلام عليكم ورحمة الله وبركاته

[bohilal191]

شباب وبنات
بغيت أحسن مطعم صيني بالدوحه:telephone:

مطعم شينغ شونغ

[Dana’1]

جنون و وبوهلال تسلمون

يا طحنا على مطعم صيني الله يعز النعمه
المشكله ما اعرف مطاعم صينيه لان مو من عشاقها عكس الي معي يحبونها :rolleyes2:

[Miss]

مسااء النور
هلا والله مسووه

هلا هلا
البه عاد :(

ديور من قلة المطاعم تاكلون في الصيني :secret:

[النهار]

مطعم كان في شارع النصر اسمه الشرق الاقصى مطعم صيني صراحه من احسن المطاعم
انتقل مادري راح وين

[JN000N]

هلا هلا
البه عاد :(

ديور من قلة المطاعم تاكلون في الصيني :secret:

ها عيل شتبين يازبيده

[Miss]

مطعم كان في شارع النصر اسمه الشرق الاقصى مطعم صيني صراحه من احسن المطاعم
انتقل مادري راح وين
النهار في مطعم فالدوحه ما تدله !



ها عيل شتبين يازبيده
برياني لحم :shy:

[Dana’1]

هلا هلا
البه عاد :(

ديور من قلة المطاعم تاكلون في الصيني :secret:

انا ادري :looking:
بس له عشاقه ..انا حتى ما اعرف مطعم صيني هنا ممكن أكل بمطعم اسيوي يجمع بين تاي وتشاينا وجابان أما صيني بحت ما اعرف
أختي تحب الاكل الصيني والأسيوي عموما لا وتحمسني تقول لي ودي أذوقس أكل مطعم صيني عندهم بالسعوديه بس حسافه بعيد بجده :)

متشهويه عليه .. عاد ما اخلي شي بخاطرها بس للأسف خيب الأمآل :(

[النهار]

النهار في مطعم فالدوحه ما تدله !

برياني لحم :shy:

هههههههههههههههههههههههه

ماتشوفين الكرستول الضغط طافح عندي والسبه اكل المطاعم

[Miss]

انا ادري :looking:
بس له عشاقه ..انا حتى ما اعرف مطعم صيني هنا ممكن أكل بمطعم اسيوي يجمع بين تاي وتشاينا وجابان أما صيني بحت ما اعرف
أختي تحب الاكل الصيني والأسيوي عموما لا وتحمسني تقول لي ودي أذوقس أكل مطعم صيني عندهم بالسعوديه بس حسافه بعيد بجده :)

متشهويه عليه .. عاد ما اخلي شي بخاطرها بس للأسف خيب الأمآل :(
ماشاء الله عليج صبوره
انا مستحيل اقعد في مطعم ماحبه
عذاب نفسي لي ههههههه



هههههههههههههههههههههههه

ماتشوفين الكرستول الضغط طافح عندي والسبه اكل المطاعم

غسيل معده يبيلك ههههههه

[naklan]

الشف اماف

بتاع الكونافا راجي

بتاع الزعتر

بتاع السي فوود

بتاع هاييتي


السلام عليكم
حيا الله أهل الاستراحة الغالين وحيا الله بانغ بانغ
المسموحة راعي هاييتي هايت طول اليوم ما أرد الا المساء ويكون عندكم
فجر أكيد رقدتو الحين وتشخرون بعد يالله يومكم سعيد
وصباح الخير

[الحياة الخالدة]

عليكم السلام ورحمة الله
انا قاعدة .. هم يشخرون

[الحياة الخالدة]

ديور بخصوص المطاعم الصينية أنا احب مطعم شانغز اللي في القلف مول

[حليتان*]

هلوووووو

[بانغ بانغ]

مساء الظهر

لخين ما شبعت ارقاد ثلاث نايم

[راجي الْعفو]

مساءك بيض حبيبنا بانغ بانغ ^_^

و وسع وسادتك ما عليك من احد ..

[رجل تعليم]

أعذب تحية من مدينتي الجبلية الصغير أولماس حيث ضيعات التفاح والكرز والإجاص والخوخ في كل ناحية ...وحيث أنسام الإرتفاع الشاهق لا يمكن وصفها ...
الخريف على الأبواب ...وبالتالي فالأجواء الباردة هنا الآن تمهد الطريق لشتاء مثلج بإذن الله

http://up.harajgulf.com/do.php?img=1021814 (http://up.harajgulf.com/)



http://up.harajgulf.com/do.php?img=1021815 (http://up.harajgulf.com/)



http://up.harajgulf.com/do.php?img=1021816 (http://up.harajgulf.com/)

[النهار]

الْحَمْدُ لِلَّهِ الَّذِي أَطْعَمَنَا وَسَقَانَا وَكَفَانَا وَآوَانَا وَكَمْ مِمَّنْ لا كَافِي لَهُ وَلا مَأْوًى " .

كل واحد يقول ايش كان غداكم احنا غدانا مجبوس دياي

[راجي الْعفو]

تبيني اقولك مشكّلات بحرية ^_^

مندي لحم

[النهار]

تبيني اقولك مشكّلات بحرية ^_^

مندي لحم

هههههههههههههههههه

اي لاتيب طاري البحري تصيدني حاله نفسيه وكتأب وتخيلات
نفس ما تصيد ولد العرب ام الديفان لوحد جاب طاري الجبن

[بانغ بانغ]

مساءك بيض حبيبنا بانغ بانغ ^_^

و وسع وسادتك ما عليك من احد ..

هلا يا حلو يا رجرج الكونافي

عاد اعزم على مندي

انا متغدي عيش شيلاني مع سمك*

مب من قلب متغدي والله مادري اشفيني هلكان

[الحياة الخالدة]

السلام عليكم ورحمة الله

غدانا مشخول دياي

[الحياة الخالدة]

رجل تعليم ما شاء الله الجو عندكم عجيب الله يبارك

[بانغ بانغ]

السلام عليكم ورحمة الله

غدانا مشخول دياي

تطبخين او خدامة ؟

اعترفي

[JN000N]

سالخير

غدانا مجبوس ربيان

[راجي الْعفو]

هههههههههههههههههه

اي لاتيب طاري البحري تصيدني حاله نفسيه وكتأب وتخيلات
نفس ما تصيد ولد العرب ام الديفان لوحد جاب طاري الجبن

ياخي أرحمك ^_^


هلا يا حلو يا رجرج الكونافي

عاد اعزم على مندي

انا متغدي عيش شيلاني مع سمك*

مب من قلب متغدي والله مادري اشفيني هلكان

افا عليك يا دبدوبنا الحبوب حياك < بعد ما شبع الكل ^_^

عوافي ، وقت التعب ما ودك في شي غير النوووم

[بانغ بانغ]

ياخي أرحمك ^_^



افا عليك يا دبدوبنا الحبوب حياك < بعد ما شبع الكل ^_^

عوافي ، وقت التعب ما ودك في شي غير النوووم

تراني رشيق ولله الحمد

وزني ظ©ظ*

[راجي الْعفو]

تراني رشيق ولله الحمد

وزني ظ©ظ*

كرشاقة صاحب الظل الطويل ..

[الحياة الخالدة]

تطبخين او خدامة ؟

اعترفي
خدامة طبعاً ..

[الحياة الخالدة]

سالخير

غدانا مجبوس ربيان

سالنووور
زفرين مافي فايدة

[JN000N]

سالنووور
زفرين مافي فايدة


الزفر انفع وافود
خلكم مع الدياي بو هرمونات

[رجل تعليم]

رجل تعليم ما شاء الله الجو عندكم عجيب الله يبارك

مساء النور الشيخة حياة
الله يبارك فيك ويحفظ قطر كلها
رتبي "كرسي اعتراف"لأحد ابناء هذه الدار كما "كانت تجري العادة ههه"
نريد أن نبحر جميعا في عوالم أحد ضيوف الكرسي

[الحياة الخالدة]

الزفر انفع وافود
خلكم مع الدياي بو هرمونات
ومن قال لج أني ماحب الزفر
بس عاد مب كله .. يعني صقوع وحويت وهالسوالف مب من صوبي

[الحياة الخالدة]

مساء النور الشيخة حياة
الله يبارك فيك ويحفظ قطر كلها
رتبي "كرسي اعتراف"لأحد ابناء هذه الدار كما "كانت تجري العادة ههه"
نريد أن نبحر جميعا في عوالم أحد ضيوف الكرسي
الشيخ من جابك أخي الكريم
والله أتمنى ذلك وحاولت مع أكثر من عضو .. لكن يبدو أن الكرسي يبعث على الرعب لذلك يتردد الكثيرون في الجلوس عليه
سأستمر في المحاولة .. وربنا يسهل

[JN000N]

ومن قال لج أني ماحب الزفر
بس عاد مب كله .. يعني صقوع وحويت وهالسوالف مب من صوبي

ماتعرفين تاكلين

[بريق الحق]

الله يحفظكم

[@north_star@]

وين الاكل اي صوب ؟ :omen2:

[ya3coub]

مساااااااائو اشلونكم شخباركم

[JN000N]

وين الاكل اي صوب ؟ :omen2:
بووه ياي متاخر

مساااااااائو اشلونكم شخباركم

مساء النور
زينين وانت شلونك

[النهار]

ماتعرفين تاكلين

ههههههههههههههههههه
اي والله ايش عرفها هذول مال باستاء ومعكرونه ومشي حالك
صقوع من تاكله يصقع في الرأس نفس القات ههههههههه تروح في عالم ثاني كأنك تسبخ في الفضاء
هذا ماجادت به قريحتي الشعريه للحويت والصقوع

[JN000N]

ههههههههههههههههههه
اي والله ايش عرفها هذول مال باستاء ومعكرونه ومشي حالك
صقوع من تاكله يصقع في الرأس نفس القات ههههههههه تروح في عالم ثاني كأنك تسبخ في الفضاء
هذا ماجادت به قريحتي الشعريه للحويت والصقوع

ههههههههههههههههههه
عاد ماشبهته الا بالقات

[naklan]

بشروني خلص الحر ولغبار ولا عاده موجود
يقولون دخلنا في الوسمي صوح ولا لاع

[النهار]

بشروني خلص الحر ولغبار ولا عاده موجود
يقولون دخلنا في الوسمي صوح ولا لاع

وين الوسمي توه ريض نصف عشره يبتدي ويستمر حوالي 50 يوم

[ya3coub]

الى مهرجان الكوميديا ان شاء الله بس يضحكون

[naklan]

وين الوسمي توه ريض نصف عشره يبتدي ويستمر حوالي 50 يوم

زين الجامات عليها رطوبة ولا راحت الموكد ان الجو بيعتدل
بعد 5/9 في الليل الحرارة حول 35 انا سفرتي مطوله لين شهر 10
بارد مع دخول الوسمي تكون الحرارة ذلفت :eek5:

[الحياة الخالدة]

ههههههههههههههههههه
اي والله ايش عرفها هذول مال باستاء ومعكرونه ومشي حالك
صقوع من تاكله يصقع في الرأس نفس القات ههههههههه تروح في عالم ثاني كأنك تسبخ في الفضاء
هذا ماجادت به قريحتي الشعريه للحويت والصقوع
من قال باستا و معكرونة
لا يبا انا مالت عيووووش وخبيص وخنفروش

[النهار]

سبحان الله السنه التضبيب على زجاج السيارات ماشفناه كلش لين اليوم مع العلم الرطوبه وصلت فوق 80%
تقوم الصبح الاموار سهالات دق سلف وحرك
عموما الجو بداء يستعدل في الليل في هواء وشوية رطوبه
الله العالم السنه هاي بيكون البرد شديد وامطار ان شاءالله

[الحياة الخالدة]

بشروني خلص الحر ولغبار ولا عاده موجود
يقولون دخلنا في الوسمي صوح ولا لاع

لااااااا وينك و وين
سهيل توه بيدش عقب كم يوم وبيقعد 50 يوم بعدين يصير خير

[النهار]

من قال باستا و معكرونة
لا يبا انا مالت عيووووش وخبيص وخنفروش

ايش فيها الباستا بعد تراها نعمه
عاد العيش غرامي اذا ماكلت عيش على الغداء تحصلين الفيوزات ضاربه عندي

[النهار]

على طاري الارقام
واحد حاط رقم سلطه كل رقم رايح فريج ثاني
قلت بتصل له اتطنز عليه طلع لي من الي يعرفون في كل شي
باشاء بكم عاوز الرقم قال لي واصل 12 الف هههههههه لورحت المرو وكنسلت الرقم بيقولون مانكسله الا لودفعت لنا
لا كتير ياباشاء ادفع لك 10 الاف لا اخره 13 الف
عموما بعد ساعتين رد قال خلاص الي كان عاوزه مامعهوش كاش دلوقتي جيب العشره وتعال هههههههههههه
قلت كم بتدفع لي علشان اخذ الرقم منك ههههههههههههههه

[الحياة الخالدة]

ايش فيها الباستا بعد تراها نعمه
عاد العيش غرامي اذا ماكلت عيش على الغداء تحصلين الفيوزات ضاربه عندي
أكيد نعمة الله عساها نعمة دايمة
إي والله العيش مسمار البطن مالنا بد منه

[بانغ بانغ]

على طاري الارقام
واحد حاط رقم سلطه كل رقم رايح فريج ثاني
قلت بتصل له اتطنز عليه طلع لي من الي يعرفون في كل شي
باشاء بكم عاوز الرقم قال لي واصل 12 الف هههههههه لورحت المرو وكنسلت الرقم بيقولون مانكسله الا لودفعت لنا
لا كتير ياباشاء ادفع لك 10 الاف لا اخره 13 الف
عموما بعد ساعتين رد قال خلاص الي كان عاوزه مامعهوش كاش دلوقتي جيب العشره وتعال هههههههههههه
قلت كم بتدفع لي علشان اخذ الرقم منك ههههههههههههههه

ههههههههه رزيل والله

[الحياة الخالدة]

النهار زين سويت فيه

[مـراحـب]

هلووووو


كيفكوووون

[النهار]

صور من قصاصات جرائد قديمه ومجلات
عام 1961
http://up.mosw3a.com/files/104118.jpg (http://up.mosw3a.com)

http://up.mosw3a.com/files/104119.jpg (http://up.mosw3a.com)

http://up.mosw3a.com/files/104120.jpg (http://up.mosw3a.com)

[العلياا]

السلام عليكم

شالاخبار

وصلت عشرة الاف مشاركة :)

[النهار]

السلام عليكم

شالاخبار

وصلت عشرة الاف مشاركة :)

مبروووووووووك تستاهل بنتا عضو مؤسس الي الامام الي الامام اش فيني صرت معمر هههههههههههههههههه

[العلياا]

ههههه يبارك بعمرك

لا لوني عاجبني ماحب الازرق صار مستهلك واجد :p
اذا بتعطوني الاحمر بوافق

[النهار]

هههههههههههههههه
داشه على طمع مره وحده الاحمر في لون برتقالي ينفع
بنكلم الحياة تتوسط لج

[النهار]

من يقدر يقول لي الصوره الثانيه الي على اليمين وين مكانها الحالي وايش كان اسم الشارع سابقا وايش الاسم حاليا

http://up.mosw3a.com/files/104128.jpg (http://up.mosw3a.com)

[العلياا]

برتقالي عااد

لا توسط لي ابي الاحمر وخذ الامتياز اللي له وصلاحياته انا ابي بس اللون :rolleyes:

[.قطر.]

السلام عليكم ورحمه الله وبركاته
مساكم الله بالخير
الفال لي بالعشر الالاف مشاركه والاحمر <<<< اهم شي الاحمر :taunt:

[.قطر.]

من يقدر يقول لي الصوره الثانيه الي على اليمين وين مكانها الحالي وايش كان اسم الشارع سابقا وايش الاسم حاليا

http://up.mosw3a.com/files/104128.jpg (http://up.mosw3a.com)
الله ع البساطه يحيكم ياللي عشتوا ذيك الايام :weeping:

[العلياا]

شارع السفارات :rolleyes2:


وعليكم السلام ورحمة الله
بونقطتين لاتقلد :omen2:

[.قطر.]

شارع السفارات :rolleyes2:


وعليكم السلام ورحمة الله
بونقطتين لاتقلد :omen2:
اي انتي بدال روز لانها بنت
وانا بدال قطري لانه ريال
وجي يعني :omen2:

[النهار]

شارع السفارات :rolleyes2:


وعليكم السلام ورحمة الله
بونقطتين لاتقلد :omen2:

اكيد مع وجود هذالكم من السفارات بيكون اسمه شارع السفارت
بس وين مكانه الحالي الاسم تغير ايش الاسم الجديد

[العلياا]

اي انتي بدال روز لانها بنت
وانا بدال قطري لانه ريال
وجي يعني :omen2:

هههههههههههه ويقولي طماعه مادري من الطماع
عاد انا مافكرت في حد بس تخيلت اللون بيطلع حلو

[العلياا]

النهار
اعتقد فالخليج الغربي

[.قطر.]

هههههههههههه ويقولي طماعه مادري من الطماع
عاد انا مافكرت في حد بس تخيلت اللون بيطلع حلو

اها
خليه وردي بناتي :taunt:

[النهار]

النهار
اعتقد فالخليج الغربي

لا لا تلك الفتره الخليج الغربي كان بحر هههههههههههههههههههههههه
مكانه معروف في شارع حيوي

[بريق الحق]

دخلتو البحري في خاطري
احلى بحري وبذات ام الروبيان مطعم الأسماك السريعه ادمان الصراحه

[العلياا]

قطر
لاماحب الوردي


النهار
حسبتك تسال وين مكان شارع السفارات حاليا سوري :rolleyes2:

لا ماعرف وين للاسف

[حليتان*]

هلووووووووو

[رجل تعليم]

لكل عشاق وعاشقات الأرياف وأجواء البوادي والقصور المخبأة وراء أغصان الشجر وخلف جذوعها ...هذه الصورة المضببة والتي لا تكاد تنقل شيئا من جمال المكان ...


http://up.harajgulf.com/do.php?img=1023114 (http://up.harajgulf.com/)

[.قطر.]

دخلتو البحري في خاطري
احلى بحري وبذات ام الروبيان مطعم الأسماك السريعه ادمان الصراحه

وانت دخلت مطعم الاسماك السريعه في خاطري هههه

[.قطر.]

هلووووووووو

هلوووو
ييب لنا براد شوي :telephone:

[.قطر.]

لكل عشاق وعاشقات الأرياف وأجواء البوادي والقصور المخبأة وراء أغصان الشجر وخلف جذوعها ...هذه الصورة المضببة والتي لا تكاد تنقل شيئا من جمال المكان ...


http://up.harajgulf.com/do.php?img=1023114 (http://up.harajgulf.com/)

صادق الصوره ماتنقل الجمال عن تجربه :nice:
ويعطيك العافيه
العافيه مالت الصحه طبعاً هههههه

[حليتان*]

هلوووو
ييب لنا براد شوي :telephone:
ليش الطمع خلاص داش علينا البرد فالدوحه عقب شهر ان شاء الله

[.قطر.]

ليش الطمع خلاص داش علينا البرد فالدوحه عقب شهر ان شاء الله
خل نبدا قبل بشوي :tease:

[white bird]

السلام عليكم

خاطري ادخل كل موضوع في المنتدى و اكتب فيه تعليق
.. اشتقت للمنتدى ^-^

شخباركم جميعا ؟!

[Miss]

سالخير

[رجل تعليم]

السلام عليكم

خاطري ادخل كل موضوع في المنتدى و اكتب فيه تعليق
.. اشتقت للمنتدى ^-^

شخباركم جميعا ؟!

مساء النور أختي الكريمة
المنتدى يشتاق لأهلك وللأوفياء طبعا
مرحبا بك وعساكم جميعا بكل خير

[رجل تعليم]

صادق الصوره ماتنقل الجمال عن تجربه :nice:
ويعطيك العافيه
العافيه مالت الصحه طبعاً هههههه

العوافي انواع إذن يا قطر العزيز
الله يعطينا وإياكم أغلى العوافي هه

[.قطر.]

السلام عليكم

خاطري ادخل كل موضوع في المنتدى و اكتب فيه تعليق
.. اشتقت للمنتدى ^-^

شخباركم جميعا ؟!
وعليكم السلام
تمام الحمدلله


سالخير

سالنور

[.قطر.]

العوافي انواع إذن يا قطر العزيز
الله يعطينا وإياكم أغلى العوافي هه


آمين
لا بس كأني سمعت ان عندكم في المغرب اذا حد قال يعطيك العافيه يعني يعطيك النار ؟ :secret::secret::secret:

[Miss]

آمين
لا بس كأني سمعت ان عندكم في المغرب اذا حد قال يعطيك العافيه يعني يعطيك النار ؟ :secret::secret::secret:

ههههههههههههههههه
مو من صجك :eek5:

[رجل تعليم]

آمين
لا بس كأني سمعت ان عندكم في المغرب اذا حد قال يعطيك العافيه يعني يعطيك النار ؟ :secret::secret::secret:

صحيح
العافية هنا تعني النار
لذلك إذا اردنا نعت أحدهم بأنه يحب خلق المشاكل نقول عنه انه :كيشعل العافية هههه
أوقد النار = شعل العافية
العافية شاعلة = النار مشتعلة
لكن نفهم تماما ان المشاعر النبيلة القادمة دائما من الخليج لا يمكن حين تدعو لك بالعافية سوى أن تطلب لك نعمة الصحة وهي أغلى النعم

[.قطر.]

ههههههههههههههههه
مو من صجك :eek5:

مادري سمعت واحد مغربي قالها حق واحد من الشباب :nop:

[.قطر.]

ث


صحيح
العافية هنا تعني النار
لذلك إذا اردنا نعت أحدهم بأنه يحب خلق المشاكل نقول عنه انه :كيشعل العافية هههه
أوقد النار = شعل العافية
العافية شاعلة = النار مشتعلة
لكن نفهم تماما ان المشاعر النبيلة القادمة دائما من الخليج لا يمكن حين تدعو لك بالعافية سوى أن تطلب لك نعمة الصحة وهي أغلى النعم
اها
حبيب ماعليك زود
شفتي يا miss :taunt:

[Miss]

صحيح
العافية هنا تعني النار
لذلك إذا اردنا نعت أحدهم بأنه يحب خلق المشاكل نقول عنه انه :كيشعل العافية هههه
أوقد النار = شعل العافية
العافية شاعلة = النار مشتعلة
لكن نفهم تماما ان المشاعر النبيلة القادمة دائما من الخليج لا يمكن حين تدعو لك بالعافية سوى أن تطلب لك نعمة الصحة وهي أغلى النعم
اول مره اعرف
اختلاف الثقافات احيانا مشكله

ث
اها
حبيب ماعليك زود
شفتي يا miss :taunt:

ما توقعت

[ya3coub]

نم نم صباح الخير

اشلونكم شخباركم

[Miss]

صباح النور

[ya3coub]

رحت اليوم مهرجان الكوميديا بس للأسف توقعت شي احسن

الكراسي فاضية

ضحكت شوي بس توقعت شي احسن

[Miss]

وين مكانه

[Dana’1]

بشروني خلص الحر ولغبار ولا عاده موجود
يقولون دخلنا في الوسمي صوح ولا لاع

حي الله الامريكي
الناس تحرى سهيل وانت مستعجل عالوسمي بطران ههههه

[Dana’1]

السلام عليكم

خاطري ادخل كل موضوع في المنتدى و اكتب فيه تعليق
.. اشتقت للمنتدى ^-^

شخباركم جميعا ؟!

وعليكم السلام
اهلين ومرحبتين
إحنا بخير الحمدلله .. شلونس شمسويه؟

[naklan]

لااااااا وينك و وين
سهيل توه بيدش عقب كم يوم وبيقعد 50 يوم بعدين يصير خير


هههههههاي والله مستعيل مافيه واسطه مني مناك
ندش الوسمي على طول :secret:

[ya3coub]

وين مكانه
qncc قاعة قطر الموتمرات الي مقابلة المدينة التعليمية

[سالم الزهران]

https://youtu.be/V6rDr5g-MNE

سبحان الله

[الحياة الخالدة]

السلام عليكم ورحمة الله
صبحكم الله بالخير

[JN000N]

وعليكم السلام
صباح النور

[الحياة الخالدة]

چيف اصبحتوا
شنو الريوق

[سالم الزهران]

وعليكم السلام ورحمة الله وبركاته

صبحكم الله برضاه و رحمة سماه و فالكم المطر


اصبحت ويا سيد المصري ..... في مطعمن يازين ترتيبه

يلفيه راعي الحي والعبري.... وتلقى به الرعبوب والشيبه

قلابة وحمص مع الكشري .... وانا اشهد ان طعميته هيبه
.
.
.
.
.
.
هههه
يس

[غير البشر]

صبحكم الله بالخير

يا زين حر الدوحه :shy:
اكثر من شهر مفتقد هالحر

[النهار]

صبحكم الله بالخير

يا زين حر الدوحه :shy:
اكثر من شهر مفتقد هالحر

احلف هههههههههههه
انسلخنا باقي يسون من جلدنا صلخ حق الطبل

[النهار]

چيف اصبحتوا
شنو الريوق

كالعاده في الفور سيزين بن عمران

[الحياة الخالدة]

وعليكم السلام ورحمة الله وبركاته

صبحكم الله برضاه و رحمة سماه و فالكم المطر


اصبحت ويا سيد المصري ..... في مطعمن يازين ترتيبه

يلفيه راعي الحي والعبري.... وتلقى به الرعبوب والشيبه

قلابة وحمص مع الكشري .... وانا اشهد ان طعميته هيبه
.
.
.
.
.
.
هههه
يس
صح لسانك يا شاعر المنتدى

[غير البشر]

احلف هههههههههههه
انسلخنا باقي يسون من جلدنا صلخ حق الطبل


ههههههههههه
ترا نص السفره في كان
حر نفس الدوحه ههههه

[غير البشر]

النهار وين زعتر الحياه :secret:

[النهار]

ههههههههههه
ترا نص السفره في كان
حر نفس الدوحه ههههه

قم زين قال نفس حر الدوحه اول مره من سنين اشوف العالم تخر نفس جيري ههههههههههههههههههه

[الحياة الخالدة]

صبحكم الله بالخير

يا زين حر الدوحه :shy:
اكثر من شهر مفتقد هالحر
صباح النور :anger1::anger1:
ما نداني المسافرين احنا
انت و نكلان وبومحمد واماف يا ويلكم ان قلتوا مفتقدين الدوحة

[الحياة الخالدة]

كالعاده في الفور سيزين بن عمران

عيل أنا في ريتز كارلتون ام غويلينة

[غير البشر]

صباح النور :anger1::anger1:
ما نداني المسافرين احنا
انت و نكلان وبومحمد واماف يا ويلكم ان قلتوا مفتقدين الدوحة


هههههههه هلا حياتهم
توني واصل وودي اسافر :(

بس لندن جوهااا عجيب
هالمره خذت لفه كبيره

[الحياة الخالدة]

النهار وين زعتر الحياه :secret:

لين حجت البقر على قرونها بييب لنا زعتر

[النهار]

النهار وين زعتر الحياه :secret:

اخر الابحاث اثبت ان الزعتر مضر للصحه لا ومضر جدا يسبب تسوس للاسنان وزياده في الوزن وضعف النظر
مأبي استاثم في حد :eek5:

[غير البشر]

لين حجت البقر على قرونها بييب لنا زعتر


انا اشهد

[الحياة الخالدة]

هههههههه هلا حياتهم
توني واصل وودي اسافر :(

بس لندن جوهااا عجيب
هالمره خذت لفه كبيره
انت المجرم الأكبر ... ياخي تألم
حسوا فينا حسحسونا .. ناسينا ناسينا

[غير البشر]

اخر الابحاث اثبت ان الزعتر مضر للصحه لا ومضر جدا يسبب تسوس للاسنان وزياده في الوزن وضعف النظر
مأبي استاثم في حد :eek5:



كلامك صحيح

<<< منافق escape

[غير البشر]

انت المجرم الأكبر ... ياخي تألم
حسوا فينا حسحسونا .. ناسينا ناسينا



ههههههه شخبار جاردا

[الحياة الخالدة]

اخر الابحاث اثبت ان الزعتر مضر للصحه لا ومضر جدا يسبب تسوس للاسنان وزياده في الوزن وضعف النظر
مأبي استاثم في حد :eek5:

هالاشيا صايدتنا بالزعتر وبلياه
لا تقعد تسوي لك سوالف

[غير البشر]

وبعدين ليش الشيطان الاكبر انتي معممه ههههههه
تذكرت لما يقولون الشيطان الاكبر

[الحياة الخالدة]

ههههههه شخبار جاردا
زينة تسلم عليك ههههههههه
هالمرة بختار المؤتمر في مكان ثاني
استعد لو سمحت لتزويدي بجدول يديد

[النهار]

انا اشهد

اشتغل الكرديت
امضى ياغيرو جئت تطلب نارا
أم تري جئت تشعل المنتدى نارا

[الحياة الخالدة]

وبعدين ليش الشيطان الاكبر انتي معممه ههههههه
تذكرت لما يقولون الشيطان الاكبر

والله قصوا علينا .. الشيطان الأكبر و آخرتها متخادنين معاهم

[الحياة الخالدة]

اشتغل الكرديت
امضى ياغيرو جئت تطلب نارا
أم تري جئت تشعل المندى نارا
يه يه يه .. يعرف بعد مب سهل
عطنا من الامثال الانجليزية الزينة

[النهار]

يه يه يه .. يعرف بعد مب سهل
عطنا من الامثال الانجليزية الزينة

ههههههههههههههههههههه
بالمشمش الا بسأل غيرو من كثر مايسافربلاد الكفر اكيد بلبل بالانجليزي
غيرو عطنا مثل بالانجليزي

[غير البشر]

زينة تسلم عليك ههههههههه
هالمرة بختار المؤتمر في مكان ثاني
استعد لو سمحت لتزويدي بجدول يديد


ههههههههههه ان شاء الله ابشري

[غير البشر]

اشتغل الكرديت
امضى ياغيرو جئت تطلب نارا
أم تري جئت تشعل المنتدى نارا


ههههههههههه تذكر الكردت
والله جربه صدقني حلوووو وومتع تلعب فيهم لعب هههههههه

[الحياة الخالدة]

أصلاً غيروو ما يتكلم انجليزي
عنده لغات أخرى

[غير البشر]

ههههههههههههههههههههه
بالمشمش الا بسأل غيرو من كثر مايسافربلاد الكفر اكيد بلبل بالانجليزي
غيرو عطنا مثل بالانجليزي


والله تصدق عاد الانجليزي مب ذاك الزود اطقطق بس
بس الامور سهالات تمشي

[غير البشر]

أصلاً غيروو ما يتكلم انجليزي
عنده لغات أخرى



قصدج كاسكو صح :telephone:

[سالم الزهران]

صح لسانك يا شاعر المنتدى

صح بدنك الحياة ، معاد بها شعر و لكن نمزح و نفرفش واذا حضر الشعراء الصح ( نخرس ونقلب مستمعين)

[غير البشر]

لايفوتكم الممر الزجاجي في لندن عجيب
ماعرف انزل فيديو والا كنت بنزله

[غير البشر]

حيا الله الزهراني منور اقرب

[الحياة الخالدة]

قصدج كاسكو صح :telephone:

إيوة ههههههههه
قصدي إنك متعدد المواهب

[الحياة الخالدة]

صح بدنك الحياة ، معاد بها شعر و لكن نمزح و نفرفش واذا حضر الشعراء الصح ( نخرس ونقلب مستمعين)
بنسوي مسابقة شعرية استعد

[سالم الزهران]

حيا الله الزهراني منور اقرب

ابقاك الله غير البشر والحمد لله على السلامه
نبي من سيادتك موضوع عن ملاحظاتك على الشارع اللنديز
بعد التغيرات الاخيرة و عسى سياح الخليج تغيرت الترندات مالهم
حياك الشيخ

[النهار]

تستعد شركة "Terrafugia" لتنفيذ فكرة السيارات الطائرة بشكل استهلاكي بحلول عام 2025، وتقول الشركة بأنها مستعدة لبناء سيارة حقيقية تطير، و"يبدو أننا نقترب من رؤية السيارات الطائرة في حياتنا اليومية".

وأشار بيتر ديامانديس عضو مجلس إدارة الشركة، إلى أن الفترة الزمنية التي تفصلنا عن رؤية السيارات الطائرة هي خمس سنوات فقط.

وأنتجت الشركة أول سيارة تطير في عام 2014، والتي تحمل اسم "Transition"، والتي يمكنها الانتقال والتحول بكل سهولة من سيارة عادية إلى سيارة طائرة، ويمكنها أن تصل إلى سرعة 100 ميل في الساعة في الهواء ويبلغ مداها 400 ميل.

ولم تكشف الشركة، التي يقع مقرها في مدينة ووبرن في ولاية ماساتشوستس، عن سعر سيارة "Transition"، إلا أنه يمكن حجز واحدة من خلال موقع الشركة على الإنترنت.

وحولت شركة "Terrafugia" جل اهتمامها إلى نموذجها الأحدث TF-X، والتي تعتبر سيارة هجينة، ويمكنها وبحسب الشركة الإقلاع بشكل عمودي والطيران والهبوط على الأرض بشكل مستقل.

ويحتاج أصحاب هذه السيارة إلى الخضوع لبعض أنواع التدريب لتحديد أشياء معينة مثل متى يمكن الهبوط والطيران بشكل آمن، ويمكن للسيارة الهبوط على الأرض تلقائياً بمجرد قيام السائق بإعطائها الإذن للقيام بذلك.

وتأسست شركة "Terrafugia" في عام 2006 من قبل طلاب في معهد ماساتشوستس لتكنولوجيا الملاحة الجوية والفضائية، واجتمع الطلاب لتحقيق حلم تصنيع سيارة تطير.

ودفع لاري بيج، أحد مؤسسي شركة جوجل والرئيس التنفيذي للشركة الأم، سرا أكثر من 100 مليون دولار لتطوير فكرة السيارات الطائرة.

[الحياة الخالدة]

لايفوتكم الممر الزجاجي في لندن عجيب
ماعرف انزل فيديو والا كنت بنزله

يلا راونا .. يمكن نروح لندن

[الحياة الخالدة]

تستعد شركة "Terrafugia" لتنفيذ فكرة السيارات الطائرة بشكل استهلاكي بحلول عام 2025، وتقول الشركة بأنها مستعدة لبناء سيارة حقيقية تطير، و"يبدو أننا نقترب من رؤية السيارات الطائرة في حياتنا اليومية".

وأشار بيتر ديامانديس عضو مجلس إدارة الشركة، إلى أن الفترة الزمنية التي تفصلنا عن رؤية السيارات الطائرة هي خمس سنوات فقط.

وأنتجت الشركة أول سيارة تطير في عام 2014، والتي تحمل اسم "Transition"، والتي يمكنها الانتقال والتحول بكل سهولة من سيارة عادية إلى سيارة طائرة، ويمكنها أن تصل إلى سرعة 100 ميل في الساعة في الهواء ويبلغ مداها 400 ميل.

ولم تكشف الشركة، التي يقع مقرها في مدينة ووبرن في ولاية ماساتشوستس، عن سعر سيارة "Transition"، إلا أنه يمكن حجز واحدة من خلال موقع الشركة على الإنترنت.

وحولت شركة "Terrafugia" جل اهتمامها إلى نموذجها الأحدث TF-X، والتي تعتبر سيارة هجينة، ويمكنها وبحسب الشركة الإقلاع بشكل عمودي والطيران والهبوط على الأرض بشكل مستقل.

ويحتاج أصحاب هذه السيارة إلى الخضوع لبعض أنواع التدريب لتحديد أشياء معينة مثل متى يمكن الهبوط والطيران بشكل آمن، ويمكن للسيارة الهبوط على الأرض تلقائياً بمجرد قيام السائق بإعطائها الإذن للقيام بذلك.

وتأسست شركة "Terrafugia" في عام 2006 من قبل طلاب في معهد ماساتشوستس لتكنولوجيا الملاحة الجوية والفضائية، واجتمع الطلاب لتحقيق حلم تصنيع سيارة تطير.

ودفع لاري بيج، أحد مؤسسي شركة جوجل والرئيس التنفيذي للشركة الأم، سرا أكثر من 100 مليون دولار لتطوير فكرة السيارات الطائرة.
في الدوحة بتصير الزحمة في السما

[bohilal191]

تستعد شركة "Terrafugia" لتنفيذ فكرة السيارات الطائرة بشكل استهلاكي بحلول عام 2025، وتقول الشركة بأنها مستعدة لبناء سيارة حقيقية تطير، و"يبدو أننا نقترب من رؤية السيارات الطائرة في حياتنا اليومية".

وأشار بيتر ديامانديس عضو مجلس إدارة الشركة، إلى أن الفترة الزمنية التي تفصلنا عن رؤية السيارات الطائرة هي خمس سنوات فقط.

وأنتجت الشركة أول سيارة تطير في عام 2014، والتي تحمل اسم "Transition"، والتي يمكنها الانتقال والتحول بكل سهولة من سيارة عادية إلى سيارة طائرة، ويمكنها أن تصل إلى سرعة 100 ميل في الساعة في الهواء ويبلغ مداها 400 ميل.

ولم تكشف الشركة، التي يقع مقرها في مدينة ووبرن في ولاية ماساتشوستس، عن سعر سيارة "Transition"، إلا أنه يمكن حجز واحدة من خلال موقع الشركة على الإنترنت.

وحولت شركة "Terrafugia" جل اهتمامها إلى نموذجها الأحدث TF-X، والتي تعتبر سيارة هجينة، ويمكنها وبحسب الشركة الإقلاع بشكل عمودي والطيران والهبوط على الأرض بشكل مستقل.

ويحتاج أصحاب هذه السيارة إلى الخضوع لبعض أنواع التدريب لتحديد أشياء معينة مثل متى يمكن الهبوط والطيران بشكل آمن، ويمكن للسيارة الهبوط على الأرض تلقائياً بمجرد قيام السائق بإعطائها الإذن للقيام بذلك.

وتأسست شركة "Terrafugia" في عام 2006 من قبل طلاب في معهد ماساتشوستس لتكنولوجيا الملاحة الجوية والفضائية، واجتمع الطلاب لتحقيق حلم تصنيع سيارة تطير.

ودفع لاري بيج، أحد مؤسسي شركة جوجل والرئيس التنفيذي للشركة الأم، سرا أكثر من 100 مليون دولار لتطوير فكرة السيارات الطائرة.
اذكر يوم كنت في أول ابتدائي كان يقيون علينا ويقولون لنا ان سنة 2000 السيارات سوف تطير

[النهار]

الا كل شويه مسوين لاندنق اطراري في حوش بيوت خلق الله هههههههههههههههههههه
تذكرت موضوع المحاميه الطيارات الصغيره الي يطيرونها ويصورن العالم في البيوت
عاد الحين بكبره تحصلونه في حوش بيوتكم

[JN000N]

اليوم المزاج كلش

[الحياة الخالدة]

اذكر يوم كنت في أول ابتدائي كان يقيون علينا ويقولون لنا ان سنة 2000 السيارات سوف تطير
هذا من كم سنة

[الحياة الخالدة]

اليوم المزاج كلش
أفاااا بيعينا في السوق

[JN000N]

أفاااا بيعينا في السوق

:weeping:

سافروا وما ودعوني سيبوني وراحوا
سيبوني للنوى انكوي بجراحه

[غير البشر]

ابقاك الله غير البشر والحمد لله على السلامه
نبي من سيادتك موضوع عن ملاحظاتك على الشارع اللنديز
بعد التغيرات الاخيرة و عسى سياح الخليج تغيرت الترندات مالهم
حياك الشيخ

الله يحييك ومن قال يارب
اي شارع مافهمت قصدك وضح اكثر :shy:

[غير البشر]

يلا راونا .. يمكن نروح لندن


يصير احط راوبط من تويتر هههههه
لاني ماعرف انزل فيديو هنا :secret:

[.قطر.]

السلام عليكم ورحمه الله وبركاته
صبحكم الله بالخير
هلا غير البشر كيف الحال :telephone:
يقولون تبي حد يعلمك تنزل فيديوات :taunt:

[غير البشر]

وعليكم السلام ورحمه الله وبركاته

حيا الله ابونقطتين منوووور

كم عمولتك وتعلمني هههههه
اخبر زمان نزلت فيديو من موقع تحميل وبعدها كسلت

[.قطر.]

وعليكم السلام ورحمه الله وبركاته

حيا الله ابونقطتين منوووور

كم عمولتك وتعلمني هههههه
اخبر زمان نزلت فيديو من موقع تحميل وبعدها كسلت

الله يحييك
ببلاش افا عليك لان الطريقه شارحها حق بونفس هههه :ok2:
بدور لك الرد وبسدحه هني :nice:

[.قطر.]

اول شي تدخل موقع يوتيوب <<<<<< قول والله :omen2:

اذا طلع لك الموقع نفس اللي مال الكمبيوتر شقح هالخطوه اذا طلع لك موقع الجوال سو هالخطوه :
اضغط ع الثلاث نقط اللي ف الزاويه اللي فوق بتطلع لك قائمه اختار منها الخيار اللي مكتوب فيه "سطح المكتب"

وبتصير الصفحه جي

http://i.imgur.com/QgO68xr.jpg


ثاني خطوه اضغط على تحميل اللي ف الزاويه فوق

http://i.imgur.com/QgO68xr.jpg


اضغط على "اختيار ملفات لتحميلها" وخله عام نفس الصوره

http://i.imgur.com/3cC2ujA.jpg


اختار الفيديو اللي تبيه واضغط على استخدام

http://i.imgur.com/sJywmrW.jpg


عاد هالصوره بيلها تركيز شوي :nice:

http://i.imgur.com/KDCoaG4.jpg

اخر خطوه عقب ماتضغط نشر بتطلع لك هالصفحه :

http://i.imgur.com/q7iAXrR.jpg


اضغط ع الفيديو وخله يفتح في صفحه غير وانسخ الرابط

اضغط على اللي عليه دائره حمره

http://i.imgur.com/8w2S1NI.jpg


حط الرابط واضغط موافق وحط الرد وبس

http://i.imgur.com/rhf9ARd.jpg


وهذي تجربه :nice:


https://www.youtube.com/watch?v=fMmeQkOiJ8E


في سؤال مني مناك حاضرين :unsure:
..........

[ya3coub]

مساء الخير و التعب و محاولات النوم الفاشلة

استمتعو باخر يوم فالويك اند و سوو منه شي لنفسكم

[JN000N]

مساء الخير و التعب و محاولات النوم الفاشلة

استمتعو باخر يوم فالويك اند و سوو منه شي لنفسكم

الله يعينك
هبابه السبت تتأزم فيه عشان باجر الاحد خخخخ

[الحياة الخالدة]

:weeping:

سافروا وما ودعوني سيبوني وراحوا
سيبوني للنوى انكوي بجراحه
شنسوي بعد
كله من اللي سكنهم مساكنهم

[الحياة الخالدة]

بونقطتين ، غير البشر ، يعقوب
ماعلينا من هالحجي كله
وين الغدا

[JN000N]

شنسوي بعد
كله من اللي سكنهم مساكنهم

الله كريم :(

[Miss]

مساء الخير

[سالم الزهران]

الله يحييك ومن قال يارب
اي شارع مافهمت قصدك وضح اكثر :shy:

تخبر بريطانيا خرجت من بريكست بعد تصاعد التيار المناهض للاجانب ( الاوربيين في نظر الانقليز)

فما بالك بتصرفات ربعنا الخليجيين و اللي يستهبلون بالسيارات و مظاهر الصخب و الازعاج

الحقيقة نترقب اي وقت يطلعون فيه قرار ضدنا يا سعوديين

[الحياة الخالدة]

مساء الخير
مساء النور والسرور

[حليتان*]

هلوووووو

[الحياة الخالدة]

عليكم السلام ورحمة الله وبركاته

[حليتان*]

اهلا اهلا مس الحياه الخالده

[الحياة الخالدة]

أهلاً مسيو أماف
وين اراضيك ؟؟
ولا تقول اشتقت للحر والرطوبة :anger1:

[@north_star@]

السلام عليكم ورحمة الله وبركاته

في عصير ؟:telephone:

[حليتان*]

أهلاً مسيو أماف
وين اراضيك ؟؟
ولا تقول اشتقت للحر والرطوبة :anger1:

تصدقين لو قلت لج ماعرف اسم المنطقه الي انا فيها الحين هههههههههههههه