استفسار عاجل بخصوص المراجعه الطبيه في الخارج

[الباحثة]

السلام عليكم

اتمنى الي عندة فكرة او حد من الصحه يرد علي
الله يسلمكم والدتي عندها مراجعه طبيه في لندن وتمت الموافقه عالمراجعه للعلاج بس مكتوب بالمسج الي وصلني تقرير حديث للحاله لا يتعدى 3 اشهر
الحين انا شنو اسوي هي يوم مرضت تم تشخيص الحاله بمستشفى حمد وانا على طول خذت لها موافقه وسفرتها
ومافي اي دكتور متابع لحالتها هنيه ومن يوم رجعت من لندن مافي دكتور تابعها الحين انا من وين اجيب تقرير حديث وهل هذا الشرط حق الي عندهم مراجعه طبيه بعد لان المسج الي جاني مافهمته واتمنى اتفيدوني

[لبيبة]

وعليكم السلام ورحمة الله وبركاته،

الله يشافي الوالدة، حاولي تشوفين طبيب في المركز الصحي يكتب لكم التقرير الطبي بناء على ملفها الطبي في حمد.

أو حاولي تتواصلين مع الطبيب اللي شخص حالتها يكتب لكم تقرير طبي.

[الباحثة]

عندي التقرير الطبي والي هو حدد موعد بعد 6 شهور للمراجعه بس مادري لو الصحه بيعترفون فيه ولا بيقولون جيبي جديد وعشان اجيب جديد لازم اسفر الوالدة على حسابي مع العلم عندي موافقه من الديوان

[الباحثة]

انا لان مابي اتاخر اكثر من جذيه ولا ابي يطلعون لي سوالف لان وضع والدتي مايتحمل التاخير اكثر من جذيه

[لبيبة]

عندي التقرير الطبي والي هو حدد موعد بعد 6 شهور للمراجعه بس مادري لو الصحه بيعترفون فيه ولا بيقولون جيبي جديد وعشان اجيب جديد لازم اسفر الوالدة على حسابي مع العلم عندي موافقه من الديوان

التقرير اللي عندج وديه المركز الصحي واطلبي من الطبيب يكتب لج تقرير من عندهم بناء على هذا التقرير.

وما راح ياخذ اكثر من كم يوم والتقرير بيكون جاهز ان شاء الله. سويه احتياطا لو ما رضوا بالتقرير اللي من بره.

وودي لهم التقريرين. واذا الوضع مستعجل توكلي على الله وودي التقرير اللي عندج وقولي لهم الحالة مستعجلة وان شاء الله يتفهمون.

والله يشافيها ويردها لكم بالسلامة.

[الباحثة]

جزاك الله الف الف خير

[aloosh]

السلام عليكم

راسلي المكتب الطبي في لندن وطلبي منهم تقرير
او اذا عندك رقم المستشفى في لندن راسليهم يطرشون لك

انا زوجت اخوي لها رجعه ما بغوا يوافقون

[الباحثة]

السلام عليكم

راسلي المكتب الطبي في لندن وطلبي منهم تقرير
او اذا عندك رقم المستشفى في لندن راسليهم يطرشون لك

انا زوجت اخوي لها رجعه ما بغوا يوافقون

كلمت المستشفى ورفض قال ممنوع شلون اعطيكم تقرير جديد تبون موعد جديد بعطيكم

[الباحثة]

انا عندي التقرير الي يثبت ان لها مراجعه بعد 6 شهور

[لبيبة]

انا عندي التقرير الي يثبت ان لها مراجعه بعد 6 شهور

وديه لهم، لكن بشكل عام كل التقارير والاوراق المهمة اللي عندج لا تعطينهم النسخة الاصلية، عطيهم صورة منها.

[الباحثة]

جزاك الله الف الف خير

[الكبير]

الله يعينكم

[لبيبة]

جزاك الله الف الف خير

وإياكم، الله يشافيها ويعافيها ويطمنكم عليها.

[style]

اذا انك تبين رقم جوال عبدالله الانصاري في لندن فالمكتب الطبي هناك،،يمكن يفيدك اكثر ،،،انا حاضر،،جواله ناس قليله تعرفه ،،عنده جوال شخصي ،،وعنده جوال الشغل ،،والله يشافي الوالده ،،المكتب الطبي هنيه مايوزون عن سوالفهم البايخه

شكرا

[وحيد-الشوق]

وعليكم السلام

يليت توضيح اكثر شلون عندج موافقة وطالبين تقرير جديد ؟ ولاقصدج العلاج في الخارج طالبين منج تقرير جديد مايعدي 3 شهور لأنه غريبة مريض موافقين على علاجة برا ويطلبون تقرير منه بعد !!