شباب مصختوها صراحة .........

[بانغ بانغ]

من فترة كنت بنزل موضوع بس قلت خلهم ايولون مافي داعي اعور راسي فيهم ...

بس امصخت السالفة

شباب ايروحون عيادات لنفخ بطونهم بعضلات البطن السكس باك ....

اشدعوه كسل رهيب عشان الشكل بس وعشان شوفوني يا بنات

الله لا يبلينا

وانا اقول اشلون نص الشعب عضّل فجأة

[النهار]

قول لنا وين مكانه هذي الي يسوى عضلات نبي نسوى مثلهم :victory:
العالم تدور الرحه اكبر مثال القص الي شغال لكل من هب ودب المحتاج والي مهب محتاج :nice:

[aloosh]

خل الشعب يستمتع بالجسم الرشيق:)

[naklan]

هههعهععع عضلات بطن ما قلتلي قبل اروح ميامي بيش
الله يعافينا منما ابتلاهم عاد يازينها عضلات بطن على دب
هههههه لو كنت مسئول امنع العيش عفس الشعب
تسلم يا راعي السوشي :nice:

[بانغ بانغ]

هههعهععع عضلات بطن ما قلتلي قبل اروح ميامي بيش
الله يعافينا منما ابتلاهم عاد يازينها عضلات بطن على دب
هههههه لو كنت مسئول امنع العيش عفس الشعب
تسلم يا راعي السوشي :nice:

يا رجال ايسوي خطوط بخطاط نوع بايلوت مال السبورة احسن

[بانغ بانغ]

خل الشعب يستمتع بالجسم الرشيق:)

اتصدق يقهروني بعض الشباب

ضرب عيوش ولحم وعقب شاي اخضر

المشكلة مقتنعين

[بانغ بانغ]

قول لنا وين مكانه هذي الي يسوى عضلات نبي نسوى مثلهم :victory:
العالم تدور الرحه اكبر مثال القص الي شغال لكل من هب ودب المحتاج والي مهب محتاج :nice:

يا رجال اي عيادة تجميلية

عاد يا شينه

كرشته مترين وسكس باك

تحمل يالنهار اتسويها ....

والله عقب الترهلات الكرشة اتصك الركبة

[fantasy]

الشيخ اش رايك تنزل موضوع تمنع المجبوس
اموفق

[بانغ بانغ]

الشيخ اش رايك تنزل موضوع تمنع المجبوس
اموفق

ههههه والله يا ريت

كل امراضكم بتوقف وبتعيشون مثل الجابانيين

[المهندس عبدالعزيز]

لو على العمليات الموضوع اهون

الموضوع دخل فيه هرمونات ومنشطات الخ الخ

[بريق الحق]

شلون عيادة حق العضلات
الي اعرفه الناس تضرب إبر والي منتشر حاليا gh او igf1
هاي العالم قاعده تسويه
اما عيادات وين هُذِّي بعد

[بانغ بانغ]

شلون عيادة حق العضلات
الي اعرفه الناس تضرب إبر والي منتشر حاليا gh او igf1
هاي العالم قاعده تسويه
اما عيادات وين هُذِّي بعد

مال اول انت شيخ بريق

الحين عمليات اتضبط لك عضلات البطن

يعني يتصير مثل الموديل

يعني مافي داعي الواحد ينفخ صدره يوم ايدش مكان وعقب ما يطلع ايفضي الهواء

[بانغ بانغ]

لو على العمليات الموضوع اهون

الموضوع دخل فيه هرمونات ومنشطات الخ الخ

هلا بالمهندس

صادق الابر مشكلة وادمان

[khalid525]

ههههههه

[بوخالد911]

والله عشنا وشفنا !!!!

[راجي الْعفو]

عاوزين ننفّخ الدباديب يا عم بانغ ^_^

الله يعافينا

[النهار]

عاوزين ننفّخ الدباديب يا عم بانغ ^_^

الله يعافينا

عليك من اكثار القووووونافه الخشنه ابعد عن الناعمه

[معماري قطري]

شنشيل وشنخلي يا بانغ تعبنا

نفخت البراطم طلع البرطم الفوقي اكبر

[ya3coub]

نعم !!!!!

اخبر الي يشيلون الشعر يحطون خطوط و على شكل مكياج يُبين كأنه 6 pack بس ينفخون إبر هاي اول مرة بحياتي اسمعها !؟؟؟؟؟؟؟


الله لا يبلينا يا رب و يهديهم

عندي مقولة البنت المزيفة تحتاج لهالنوع من مزيفين الرجال نفس باربي و المانيكان

[سالم الزهران]

شنشيل وشنخلي يا بانغ تعبنا

نفخت البراطم طلع البرطم الفوقي اكبر

ههههههه ، يبي لك تعديل بوعبدالله
زرنا نعالجك بلسع النحل .. حترقع ناصح اوي بسم الله ما شاء الله

[معماري قطري]

حياك الله اخوي سالم

بعد ما ارجع باجرب النحل والنمل وكل شيء

الحين في مستشفى العظام وكله عرب ما شاء الله

[سالم الزهران]

الله يعطيك العافية بو عبدالله وماتشوف شر

[JN000N]

ويع
عاد مادري شالحلو ف الموضوع

[بومحمد المطاوعه]

وين هذي العياده
ههههه

انا اخبر يتمرنون الشباب وعفسه وحاله
ولعواز

بس عياده تنفخ
هذي ف وين

اخبر بعض الرخوم يسافرون تايلند
خخخخ

وينفخون اشياء ثانيه والعياذ بالله

[بانغ بانغ]

ويع
عاد مادري شالحلو ف الموضوع
Show طال عمرك

[سعود.]

سمعت عنها من فترة يقولون مؤقتة 6 شهور وتروح العضلات ؟؟؟

الغرض منها سفريات الصيف + المجمعات والمولات

[بانغ بانغ]

وين هذي العياده
ههههه

انا اخبر يتمرنون الشباب وعفسه وحاله
ولعواز

بس عياده تنفخ
هذي ف وين

اخبر بعض الرخوم يسافرون تايلند
خخخخ

وينفخون اشياء ثانيه والعياذ بالله

هلا بشيخ ماليزيا

اي والله في عيادات في الدوحة ايسوونها

لا عاد اللي في تايلند ، تنفيخ كل شي ايسوون حتى تنفيخ الضروس

[بانغ بانغ]

سمعت عنها من فترة يقولون مؤقتة 6 شهور وتروح العضلات ؟؟؟

الغرض منها سفريات الصيف + المجمعات والمولات

صحيح ؟ لاني شكيت لشلون لو فشت .

هههههه

[بانغ بانغ]

عاوزين ننفّخ الدباديب يا عم بانغ ^_^

الله يعافينا

انا حدي انفخ نفاخات حق اليهال وينهد حيلي بعد

اتقولي سكس باكس

كرشتي 3.2متر جدام

[بانغ بانغ]

نعم !!!!!

اخبر الي يشيلون الشعر يحطون خطوط و على شكل مكياج يُبين كأنه 6 pack بس ينفخون إبر هاي اول مرة بحياتي اسمعها !؟؟؟؟؟؟؟


الله لا يبلينا يا رب و يهديهم

عندي مقولة البنت المزيفة تحتاج لهالنوع من مزيفين الرجال نفس باربي و المانيكان

لا في . اتشوفه امعصقل والباكس امبينه

ما تركب

[بانغ بانغ]

والله عشنا وشفنا !!!!

انت في زمن الغرايب

[بومحمد المطاوعه]

هلا بشيخ ماليزيا

اي والله في عيادات في الدوحة ايسوونها

لا عاد اللي في تايلند ، تنفيخ كل شي ايسوون حتى تنفيخ الضروس

هلا وغلا ههههه
اما شيخ ماليزيا
مالهم حل هني والله الشعب عجيب

بعيد الشر من هالعيادات
شيحسون فيه الشباب الي يروحون وينفخون
والله مررررض

[شبح الصمت]

واحد من الربع مسويها محدد عضلة البطن بـ 45 ألف قبل لا يعرفونها العالم ..

مع انه انسان يتمرن وجسمه ماشاء الله عليه بس ما اعرف ليش سواها

لو اقول انسان شوو ويحب الظهور
انسان عادي يمكن حق نفسه ..


مافي احلى من الكرشه باك ..
مدوره وكل ما لها تعطيك هيبه انك راعي فلوووس
:shy:

[khaldoon]

يا رجال اي عيادة تجميلية

عاد يا شينه

كرشته مترين وسكس باك

تحمل يالنهار اتسويها ....

والله عقب الترهلات الكرشة اتصك الركبة


في صورة يا الغالي علشان نشوف المنظر؟

[بانغ بانغ]

في صورة يا الغالي علشان نشوف المنظر؟

في ...

بس خوفا من المنظر .. اعتذر عن نشرها لاسباب سياسية

[بانغ بانغ]

واحد من الربع مسويها محدد عضلة البطن بـ 45 ألف قبل لا يعرفونها العالم ..

مع انه انسان يتمرن وجسمه ماشاء الله عليه بس ما اعرف ليش سواها

لو اقول انسان شوو ويحب الظهور
انسان عادي يمكن حق نفسه ..


مافي احلى من الكرشه باك ..
مدوره وكل ما لها تعطيك هيبه انك راعي فلوووس
:shy:


الحمدلله في شاهد

لا يكون هاي انت بوشبيح

[شبح الصمت]

الحمدلله في شاهد

لا يكون هاي انت بوشبيح


عندي 45 الف اسوي فيها بطني
مينووون يعله ما طلع

هاهااي


خله على حاله
خلك من العيوووش والبطن بيرتاح
بتم على العيوووش ابشر كل ماله ويزيد

والا انت اش رايك

[بانغ بانغ]

عندي 45 الف اسوي فيها بطني
مينووون يعله ما طلع

هاهااي


خله على حاله
خلك من العيوووش والبطن بيرتاح
بتم على العيوووش ابشر كل ماله ويزيد

والا انت اش رايك

الكرشة وجاهه

[أم عزوزي]

هلا بشيخ ماليزيا

اي والله في عيادات في الدوحة ايسوونها

لا عاد اللي في تايلند ، تنفيخ كل شي ايسوون حتى تنفيخ الضروس

@@
تنفيخ ضروس عاد!!!!!!!!!!!!!!!!!!!!

[شبح الصمت]

الكرشة وجاهه



نقص على اعمارنا وجاهه

ههههههههاي

تبي الصج لا وجاهه والا شيء ..
الود ودنا البطن سيدة وعضلات البطن طالعه
مب شرط عشان حد عشان نفسك ياخي

ولي لبست رياضه والا كجول اهنيه اشوف قولي وجاهه

هههههههههههههههههههههههاي

:secret:

[BoTamem]

خل الشعب يستمتع بالجسم الرشيق:)

صباح الورد

[BoFahed]

الصراحة اشوف الخرفنه من اهم عوامل الهوس بالعضلات

فيه وظايف تتطلب الجسم المثالي والمتناسق مثل اللي يداومون بزي العمل مثل الجمارك او البترول

واكبر مثال (العسكرية ) لانه يقيم عليها المنسوب لها سنويا وتوصل ل ملاحظات في الملف او منع ترقية للي جسمه مكرش ومب متناسق حسب ما وصلني بس غالبية المهوسيين ببناء الاجسام وضرب الابر والكورسات اشوفهم شباب صغار علشان الاستعراض والبنات من الاخر واسمحولي على صراحتي

[ya3coub]

لا في . اتشوفه امعصقل والباكس امبينه

ما تركب

كان حلم حياتي قبل اني امتن و الحين طلعت الكرش ابي بس اوقف بدون ما ازيد و بدون رياضه

الله لا يبلينا ولا يبلي غيرنا و يهدي الي يسون هالأشياء في الرياضه موجودة و في الي يسمى بالتنشيف الي سمعت انه احسن من الأبر بس فالنهاية الشخص يصير غير طبيعي نفس الرجل الألي مجسمات العرض الي فالمحلات يحطون عليهم ثياب.


نفس ما احنا الشباب بينا و بين بعض في الي يستحقر او ينظر نظرة دونية للمرآة صاحبة عمليات التجميل النفخ و الشفط و التكبير فبعض الأماكن الواحد يشمئز لا شعوريا منها و في فئة يموتون عليهم

نفس الشي عندنا اتوقع في بنات وايد يحبون الي معظل كجسم و شكل فقط, و في الي من الجهة ال×رى ايضا يشوفونه على انه رجل مزيف مو على طبيعته

في طريق كثيرة ممكن الشخص يهتم بنفسه و جسمه و لباقة مظهره بدون ما يتخطى الحد الطبيعي

[ya3coub]

الصراحة اشوف الخرفنه من اهم عوامل الهوس بالعضلات

فيه وظايف تتطلب الجسم المثالي والمتناسق مثل اللي يداومون بزي العمل مثل الجمارك او البترول

واكبر مثال (العسكرية ) لانه يقيم عليها المنسوب لها سنويا وتوصل ل ملاحظات في الملف او منع ترقية للي جسمه مكرش ومب متناسق حسب ما وصلني بس غالبية المهوسيين ببناء الاجسام وضرب الابر والكورسات اشوفهم شباب صغار علشان الاستعراض والبنات من الاخر واسمحولي على صراحتي

اخوي بو فهد اتفق معاك بكل كلمة قلتها بس الي يداومون عساكر او ببدل سوائا يونيفورم او لا ماله داعي يكون جسمه متروس عضلات فالنهاية السكس باك ما بتبين لظيج الدرجة إلا اذا لبس شي ضيق.

العسكرية و الطيران اهم الوظيفتين الي يحتاجون لأنه شبه سنوي من فترة لفترة لازم يكون عندهم لياقة بدنية و معدل وزن/طول معين علشان ما يأثر على صحتهم.


بس على سبيل المثال انا شغال مهندس بأحد مشاريع الدولة ولا البس ثوب ولا حتى زي معين اداوم بجينز يوميا و مرات لا طرا فبالي برياضه و مرات بدلات رسمية و اذا اجتماعات و ادري ما بنزل سايت ممكن البس ثوب ولا يبين علي لبس دوام.

اذا زاد الشخص عن حد معين يتشوه شكله صحيح بالزي الموحد اذا وظيفته تتطلب منه هالشي.

بس موضوع السكس باك ماله دخل كلش هاي

اما شخص يبي يسويها لنفسه بينه و بين نفسه بالطريقه السهلة و الأكيد انه بيراويها شخص معين, او انه نفس ما تفظلت للأسف للشهرة و الشو و التصوير و البنات

[الماريّة]

وانا حسبالي حركات التنفخ والشفط بس عند الحريم
طلعتوا انتوا بعد عندكم هالشي

[بانغ بانغ]

وانا حسبالي حركات التنفخ والشفط بس عند الحريم
طلعتوا انتوا بعد عندكم هالشي

مالنا خص احنا هههه

بعض الشباب المتهور

[fooz55]

الله لا يبلينا

[عاشق العديد]

مشاء الله صار الواحد الي يسوي رياضه ..

بس عشان البنات .. او انه يتخرفن .؟

مادري التفكير السلبي هذا تفكيركم او تفكير الكل .؟

[شبح الصمت]

مشاء الله صار الواحد الي يسوي رياضه ..

بس عشان البنات .. او انه يتخرفن .؟

مادري التفكير السلبي هذا تفكيركم او تفكير الكل .؟



خلاص انت بالذات لا تتمرن والا اشوفك اطلع السكس باك ..

خل الكررررشه تطلع عشان يرضون عليك ..

عشان بعد ما يقولون مطلعهم حق العالم تخوفهم

:secret:

[BoFahed]

مشاء الله صار الواحد الي يسوي رياضه ..

بس عشان البنات .. او انه يتخرفن .؟

مادري التفكير السلبي هذا تفكيركم او تفكير الكل .؟


حشى اخوي ولله احنا مستانسين انه العالم الحين هابين بالرياضة والنوادي الصحية بس لما يصير العكس عند البعض وتصير مبالغه في الادوية والمنشطات علشان تكبير العضلات او التفنن في عمليات شفط وتسبب مضاعفات او وفيات لا قدر الله نقول يا جماعه خفو شوي شوي مافيه احسن من الرياضه

انا هذي الفئة المبالغه وخصوصا اللي منهم يدب اي شي بس علشان ينفخ عضلاته (هرمونات ولا بروتين حتى يقولك يضربون الابر اللي تستخدم للخيول او حبوب منع الحمل :eek5:وغيره وغيره ) واللي اشوفهم وعرفهم واسال الشباب عنهم غالبا وليس الكل يسسونها علشان البنات ينعجبون فيهم او نشوفهم مهايط مع ربعه القباقب (الفانيلى العلاقي والصدر المنفوخ جنه ايرباق سياره منقع هههههه) في المجمعات مب علشان صحتهم او داشين بطولات

عموما هذي حرية شخصية بس المبالغه في الشي غلط والخوف انه تنتشر ثقافة كل شي احصل بالساهل حتى في العمليات التجميلية

[معماري قطري]

مال اول انت شيخ بريق

الحين عمليات اتضبط لك عضلات البطن

يعني يتصير مثل الموديل

يعني مافي داعي الواحد ينفخ صدره يوم ايدش مكان وعقب ما يطلع ايفضي الهواء

زين تضبط البطن لازم تلبس فانيلة قصيرة والا فانيله لس

هذا قبل 2022 الله يستر وقتها

[بانغ بانغ]

تدري بوعبدالله في فنايل جاهرة امحددة بتقاطيع الجسم

يعني السكس باكس والصدر في الفانيلة امخيطة بقطن بارز

اللي يلبسها ايبين كانه امعضل

يمكن هاي تنفع للشباب

[معماري قطري]

خلاص انت بالذات لا تتمرن والا اشوفك اطلع السكس باك ..

خل الكررررشه تطلع عشان يرضون عليك ..

عشان بعد ما يقولون مطلعهم حق العالم تخوفهم

:secret:


المفروض اي قطري بدون كرشة تسوى ممنوع يطلع

بيعكس سمعة غير جيدة عن قطر

[معماري قطري]

تدري بوعبدالله في فنايل جاهرة امحددة بتقاطيع الجسم

يعني السكس باكس والصدر في الفانيلة امخيطة بقطن بارز

اللي يلبسها ايبين كانه امعضل

يمكن هاي تنفع للشباب

المهم احنا بو فيصل اللي خلاص ما تنفع معانا الرياضة شوف لنا حل مناسب

[معماري قطري]

اليوم أسوي علاج طبيعي حركات بسيطة ما اقدر عليها خلاص اللياقة انتهت

[بومحمد المطاوعه]

مانقول الكل

مافي شي اسمه نجمع الكل على الزين ولا على الشين
ولكن نتمنى الزين للكل
اما الشين
يشل الشخص نفسه ولا يثمن باقي الرجال