الى وزارة الداخليه قسم الجوازات @@@

[Qt.1]

بصراحه شهادتي في هالقسم مجروحه ولابقصور بباقي الااقسام , رحت اطلع جواز حق بنتي الصغيره مولوده جديده اسال الله ان يحفظها ويبارك فيها , من تدخل حسن استقبال الموظف الي يقابلك بابتسامه ويقولك امر والاا من الخوات الي يستلمون الطلب وسهولة التعامل , تقريبا في اقل من ربع ساعه تم اصدار الجواز يعني للعمليه كامله تعبئة البيانات ودفع الرسوم واستلام الجواز , مقارنه بدول ثانيه احنى في عز عسى الله يديمه علينا يارب , من لاايشكر الناس لايشكر الله وحبيت اقول لهم بيض الله اوجيهكم وماقصرتو ,,

[شبح الصمت]

الله يبارك لك فيها وفي اخوانها ويبلغك فيهم يارب

يستاهلووون الشكر
الله يجزاك خير

[رجل الجزيرة]

الله يبارك لك فيها وفي اخوانها ويبلغك فيهم يارب وتكون بارة بوالديها.

[jajassim]

يستاهلون كل الشكر قسم الجوازات القطرية ،،

[حمد بن سعد]

الف مبروك المولوده الله يجعلها من الذريه الصالحه

وقسم الجوازات ماعليهم قصور كل الشكر لهم


واشكر بعد شباب الجمارك ال في بوسمره الصراحه استقبال وحترام وذوق والله الله يوفقهم ان شاء الله

[fooz55]

يستاهلوون الشكر والتقدير

[Qt.1]

الله يجزاكم خير ويحفظ لكم عيالكم ويبلغكم فيهم , نعم اذا شفنا شي طيب لازم نمدحه علشان باقي الااقسام توصل لمستواهم من الااحترافيه ,,

[ya3coub]

أخوي بو عبد الله الله يبلغك فعيالك و يجعل بناتك من الذرية الصاله ولا يشوفك فيهم مكروه.


و اذا ربع ساعه يعني تطورو و هذا شي ايجابي و يستاهلون الشكر عليه.

و اتمنى ايضا الدعم لمطراش بحيث انه في مرة فقدت جوازي و لما بلغت ببرنامج مطراش بلغ بفقدان البطاقة الشخصية و ليس الجواز في بعض المرات مطراش ينكب الشخص

[Miss]

الله يبارك لك فيها ويجعلها من عباده الصالحين
اما عن الجوازات فأنا أشهد صج ما يقصرون وكفايه الابتسامه

[محمد11]

تستاهل خير اخوي .. ويبارك لك في بنتك ويجعلها من عبادة الصالحات ..
واما الجوازات .. تعتبر من افضل الجهات الحكوميه في خدمة المواطن .. تبي الصراحة .. لاتوجد اي سلبيه ابدا .. من كل النواحي ماشاء الله

[معماري قطري]

بو عبدالله الله يحفظ عيالك وكثير من دواءرنا يستحقون الشكر وكثير مقصرين

نتمنى التطوير السريع للجميع الحياة قصيرة

[بانغ بانغ]

يستاهلون صراحة

قمة في التعامل والتعاون

الله يبارك فيها ويقر بها اعين والديها

[الرايــق]

الله يباركلك فيها
اللهم امين

[bohilal191]

يستاهلوون الشكر والتقدير
,الف مبروك على المولودة

[بوخالد911]

بيض الله وجيهم.

وكذلك نريد من وزارة الصحة بسرعة استخراج شهادة الميلاد / الوفاة.

[moonبنتnight]

الف مبروك المولوده الله يجعلها من الذريه الصالحه ..
وزارة الداخلية من اقوى الوزارات في العمل والله يعطيهم العافية ..

[ماجد البدر]

تستاهل ماجاك تتربى في عزك ووالدتها ويحفظها لكم ويجعلها من اهل الخير و الصلاح


الجوازات القطرية قمة الرقي وحسن المعامله

شكرا لقسم الجوازات القطرية

وبما ان الشي بشئ يذكر حبيت اشكر مستشفى السد طوارئ الاطفال على ما يبذلونه من جهد في معامله الراقيه الاهل قطر بعيد عن زحمة الاجانب وتميز الخدمات فيه شكرا لكل مسؤول بذل وحاول ان يميز ويخفف الزحمة و الضغط على القطريين في كل مكان

[AL_MUTAEM]

الف مبروك وتتربى بعزك والله يجعلها من الذرية الصالحه ..

اما ادارة الجوازات فكلمة شكرا قليلة في حقهم ..

[Riku3]

تصدق في امريكا لازم تاخذ موعد علشان تروح تطلع جواز لمولود جديد .. لا وتروح المحكمة قبلها علشان يشيكون الطلب والمرفقات ويحلفونك ويحطون الاوراق في ظرف مختوم ومغلق بالشمع علشان تاخذه معاك الموعد :rolleyes2: .. وهالكلام مب من عندي شفته بنفسي .

الحمد لله على النعمه الي احنا فيها وصج الجوازات تطورت بشكل كبير في الكم سنة الي فاتوا .. صج مرات تطيح على نفسيات بس هذي تصرفات فرديه ..

واتمنى وزارة الصحة تتطور شوي بخصوص شهادة الميلاد لان دول كثيرة صارت ترسل موظفينها لغرفة الام تاخذ البيانات من الوالدين وتحصل الرسوم .. وخلال ساعه يطرشون شهادة الميلاد لغرفة الام .

[Qt.1]

الله يرحم لي والديكم والله يحفظ لكم عيالكم ويبلغكم فيهم ولاايراويكم فيهم مكروه ابد يارب ,,

[Qt.1]

بيض الله وجيهم.

وكذلك نريد من وزارة الصحة بسرعة استخراج شهادة الميلاد / الوفاة.

بوخالد انا زوجتي ربت في مستشفى الااهلي , تحت في مكتب حق اصدار شهادة الميلاد اتقدم وتنتظر ويطبعونها في نفس الوقت وماتطول ابد ,,

[ak-74]

الله يعطيهم الصحه والعافيه ، مامقصرين الصراحه