بغشيش إلزامياً ..!

[العلياا]

السلام عليكم ورحمة الله وبركاته ..

بصراحة ماعرف من وين ابدأ وأعرف سبق وطرحت مواضيع مشابهة ، لكن حابه اطرح كذا موقف صار لي وأخذ رأيكم فيه ..!

أول موقف
في حياة بلازا ، خذت اغراضي والعامل اللي على الكاشير خذ القاري وعلى اساس بيوصلهم لي للسيارة
وصلت السيارة حط الاغراض فالمقعد الخلفي وتم واقف ويطالعني !!

قلت له ثانكيو وهو يطالعني وللحين فاتح الباب وكررتها وهو مازال واقف !!
انا خفت ولا اراديا حطيت يدي على الهرن ع اساس لو فكر يسوي شي :rolleyes2:

وعقب المرة الثالثه قلت له ثانيكو قام ورضخ الباب بقو وراح :eek5:
تفاجأت بحركته يعني غصب عطيني بغشيش او اكراميه بس ماكان عندي كاش !!


ثاني موقف
ايضا في حياة بلازا ( بما اني اتردد علي الجمعية اللي هناك بشكل اسبوعي )
في حياة بلازا دائما لما اطلع من الجمعية أشوف في عامل نظافة مجرد ما يمر عليه حد يركض وراه
ويروح يسوي عمره ينظف قدام او ورا السيارة والمصيبة لو ورا السيارة وكذا مره بغيت ادعمه :rolleyes2:


وطبعا كثيرة مثل هالمواقف تصير ومنهم العمال اللي يغسلون سيارات فالمجمعات
حتى لو قلت لهم ماتبغي تغسلها يطالعونك باحتقار !!

عارفه سلفاً بعض التعليقات اللي تقول هم احق من الويترز اللي فالمطاعم وماشابه
لكن لما يتكرر عليك الشخص وبتصرفات فيها استهتار مثل هذي شلون تكون ردت فعلك ؟

وهل فعلاً أصبح البغشيش إلزامياً ..!
والسموحة على الاطاله

[بانغ بانغ]

انا اقيم الخدمة المقدمة سواء مطعم او اي مكان ... اعطي من عندي وامنع من عندي

اما في بعض الدول فيعتبرشبه الزامي او عرف

[النهار]

يالعليا اقولج شي تتعجبين
حسب ماسمعت ان العمال الي يدوزن القاري للسياره وينزلون الاغراض للزبون هم عمال شركات خاصه
الجمعيه مالها علاقه فيهم يسمونهم الاوت سورس ستاف
هذول مالهم رواتب مع العلم الشركه الي مشغلتهم تأخذ مبلغ وقدره من الجهه الي موردين لها هذه العماله
يعتمدون على مايدفعه لهم المتبظع الزبون كل حسب مقدرته
فقط الشركه توفر لهم اليوني فورم اللبس وباقي الاشياء عليهم
نفس الشي الي يغسلون السيارات مالهم رواتب بل يدفعون لصاحب الشركه مبلغ معين متفق عليه شهريا وماتبقى يتقاسمون بينهم
حتى مواد التنظيف يدفعون قيمتها

[سالم الزهران]

عطيه المقسوم طالما انه وصل لك الاغراض للسيارة لانها مب شغلته و هم يحسبونها من هالناحية و فرحانيين فيها و يدورون على العشرة و الخمسة ريال

[@north_star@]

بصراحة شغلة البقشيش ترجع للشخص نفسه اذا بيعطي أو لا ومب مفروض انه العامل يلزم الزبون او يطلب منه يعطيه بقشيش

طبعا انا اتكلم عن مغاسل السيارات وبعض المطاعم بس بالنسبة لعامل الجمعية اذا خليته يشيل الاغراض ويوصلها السيارة عطيه المقسوم لانه عمله داخل الجمعية

[طبيب قطري]

الموضوع مب سالفه الزام، بس لاحظ اخوي ان اللي يشيلك الاغراض لين السياره ويدز لك الجاري مب ملزوم ايضا بهالشي، هو مب حمالي وهذي مب شغلته اصلا يشيلك الاغراض اذا ماتبي كان قلتله بعد ماعبى الاكياس ان مايجي معاك السياره ولا ياخذ الجاري، بس دامك وافقت عيل هو اوتوماتيك عرف انك تبيه يدز الجاري وبتعطيه بقشيش .

[hamoor4ever]

اول موقف مفروض تعطونه شي لان مب شغلته يدز معروف هالشي . هو يدز على اساس انه يبغششونه

[العلياا]

انا اقيم الخدمة المقدمة سواء مطعم او اي مكان ... اعطي من عندي وامنع من عندي

اما في بعض الدول فيعتبرشبه الزامي او عرف

صحيح عند اغلب الاجانب اللي عندنا فالدوام اذا طلبوا شي لازم يعطونهم
لكن لما الموضوع يقلب على بزنسس او يتصرف العامل بطريقة وقحه

فهنا اقول انا مب ملزومه اعطيه التصرف بحد ذاته مستفز !!

[العلياا]

يالعليا اقولج شي تتعجبين
حسب ماسمعت ان العمال الي يدوزن القاري للسياره وينزلون الاغراض للزبون هم عمال شركات خاصه
الجمعيه مالها علاقه فيهم يسمونهم الاوت سورس ستاف
هذول مالهم رواتب مع العلم الشركه الي مشغلتهم تأخذ مبلغ وقدره من الجهه الي موردين لها هذه العماله
يعتمدون على مايدفعه لهم المتبظع الزبون كل حسب مقدرته
فقط الشركه توفر لهم اليوني فورم اللبس وباقي الاشياء عليهم
نفس الشي الي يغسلون السيارات مالهم رواتب بل يدفعون لصاحب الشركه مبلغ معين متفق عليه شهريا وماتبقى يتقاسمون بينهم
حتى مواد التنظيف يدفعون قيمتها

!!!!!
هذا موضوع آخر وما اتوقع كل الجمعيات تعرف ان الشركات تبوق منهم وماتعطي موظفينها رواتب!!
اصلا شلون هالعمال ساكتين :rolleyes2:

[العلياا]

عطيه المقسوم طالما انه وصل لك الاغراض للسيارة لانها مب شغلته و هم يحسبونها من هالناحية و فرحانيين فيها و يدورون على العشرة و الخمسة ريال

والله ياخوي مانقصر معاهم لكن لو الواحد احتد وماعنده كاش شيسوي !!

[sweet qatar]

زين طرحتي الموضوع

صادفني موقف ماعرفت شلون اتعامل معاه

وياليت احد فاهم صح يساعدني

كنت في سلوى و انا طالعه شفت هندي يمسح السيارة من فوق لي فوق ويتبوسم

دريت انه يبي فلوس طلعت له المقسوم

يوم ركبت السيارة الا دريولنا يقولي السالفة ان هذا بنقالي يوقف كل يوم في نفس المكان عقب ما يخلص شغله في الشركة

ويطلع يومية توصل لثلاثمية ريال

وان في رمضان وصلت ألفين ريال !!!!

قهرني انه مستغفلنا و مستغل طيبة أهل قطر ،، حسبي الله عليه

ودي ابلغ عليه بس ماعرف شلون !!

[العلياا]

بصراحة شغلة البقشيش ترجع للشخص نفسه اذا بيعطي أو لا ومب مفروض انه العامل يلزم الزبون او يطلب منه يعطيه بقشيش

طبعا انا اتكلم عن مغاسل السيارات وبعض المطاعم بس بالنسبة لعامل الجمعية اذا خليته يشيل الاغراض ويوصلها السيارة عطيه المقسوم لانه عمله داخل الجمعية


الموضوع مب سالفه الزام، بس لاحظ اخوي ان اللي يشيلك الاغراض لين السياره ويدز لك الجاري مب ملزوم ايضا بهالشي، هو مب حمالي وهذي مب شغلته اصلا يشيلك الاغراض اذا ماتبي كان قلتله بعد ماعبى الاكياس ان مايجي معاك السياره ولا ياخذ الجاري، بس دامك وافقت عيل هو اوتوماتيك عرف انك تبيه يدز الجاري وبتعطيه بقشيش .


اول موقف مفروض تعطونه شي لان مب شغلته يدز معروف هالشي . هو يدز على اساس انه يبغششونه

أخواني خلونا نتفق على نقطة

اولا انا متعوده ادز القاري بروحي ولا احتاج مساعدة وهم يصرون نو مام ونو مام
بما معناه هم حابين يساعدون ف اخليهم

وان كان عندي كاش والله مانقصر معاهم
لكن صار فرض واجب علي بغض النظر واجبهم والا جزء من شغلهم والا غيره

خلوا موضوع القاري طيب موضوع عامل النظافة اللي يتعمد يجي ينظف علشان نعطيه!!

[JN000N]

اكره ماعلي الي يوقف جدامي غصب عطيني فلوس وتصدقيلي
ياخي الصدقه تطلع من خاطر الواحد مب بالاحراج
ولا هذول الي ينظفون والا يمسحون السيارات بزودهم ممصخينها
يقعد يفتر حولك ويطالعك بنظرات مسكينه جنه بيموت من اليوع عشان تعطيه
والمصيبه ان في ناس مصدقه انهم هذول ميتين يوع وفقاره
فقاره بالنسبه لحالنا اي فعلا هم وضعهم مب مثلنا
لكن مب ميتين يوع ويدخلون من هالتمسكن اضعاف الي ندخله ف الشهر

[العلياا]

زين طرحتي الموضوع

صادفني موقف ماعرفت شلون اتعامل معاه

وياليت احد فاهم صح يساعدني

كنت في سلوى و انا طالعه شفت هندي يمسح السيارة من فوق لي فوق ويتبوسم

دريت انه يبي فلوس طلعت له المقسوم

يوم ركبت السيارة الا دريولنا يقولي السالفة ان هذا بنقالي يوقف كل يوم في نفس المكان عقب ما يخلص شغله في الشركة

ويطلع يومية توصل لثلاثمية ريال

وان في رمضان وصلت ألفين ريال !!!!

قهرني انه مستغفلنا و مستغل طيبة أهل قطر ،، حسبي الله عليه

ودي ابلغ عليه بس ماعرف شلون !!


وصلنا خير يا سويتي

مثلا لو اوصف عامل النظافة اللي دايما يكون متواجد في مواقف حياة بلازا
اجزم ان اغلب الناس اللي تروح هناك بتعرفه ويتصرف بنفس الطريقة

ليش ماتكون في جهات رقابيه عليهم او حتى جهة عمله تحط مثل السوبرفايزر يراقبهم !!

[بريق الحق]

زين طرحتي الموضوع

صادفني موقف ماعرفت شلون اتعامل معاه

وياليت احد فاهم صح يساعدني

كنت في سلوى و انا طالعه شفت هندي يمسح السيارة من فوق لي فوق ويتبوسم

دريت انه يبي فلوس طلعت له المقسوم

يوم ركبت السيارة الا دريولنا يقولي السالفة ان هذا بنقالي يوقف كل يوم في نفس المكان عقب ما يخلص شغله في الشركة

ويطلع يومية توصل لثلاثمية ريال

وان في رمضان وصلت ألفين ريال !!!!

قهرني انه مستغفلنا و مستغل طيبة أهل قطر ،، حسبي الله عليه

ودي ابلغ عليه بس ماعرف شلون !!

اتصلي على العمليات وقولي عن الشخص ومكانه وهم يتصرفون ان شاء الله

[العلياا]

اكره ماعلي الي يوقف جدامي غصب عطيني فلوس وتصدقيلي
ياخي الصدقه تطلع من خاطر الواحد مب بالاحراج
ولا هذول الي ينظفون والا يمسحون السيارات بزودهم ممصخينها
يقعد يفتر حولك ويطالعك بنظرات مسكينه جنه بيموت من اليوع عشان تعطيه
والمصيبه ان في ناس مصدقه انهم هذول ميتين يوع وفقاره
فقاره بالنسبه لحالنا اي فعلا هم وضعهم مب مثلنا
لكن مب ميتين يوع ويدخلون من هالتمسكن اضعاف الي ندخله ف الشهر

والمشكلة حركة التمسكن هذي مصيبة
يجي ينظف ورا السيارة ووالله اكثر من مرة بغيت ادعمه ماشوفه وسنسرز السيارة خربان :rolleyes2:

[Miss]

انا بعد ما أحب هالحركه
ما تجبرني أعطيك
ونظراتهم تخرع
ولو عطيتيه شوي قام يطالع بس!

[Riku3]

في الميرة تلاقي العامل حتى لو كيسين يبي يشيلهم @_@ لا والمشكلة يمسكهم ويبدى يمشي وانا للحين ادفع للكاشير .. ولو ما وافقت تجيك ذيك النظرة ههههه .. انزين كيسين صغار ليش تشيلهم عني وانا مافيني شي قدامك ؟

بس مب الكل للامانة .. اكثرهم يوصل الاغراض وينزل راسه ويمشي ويبيك انت تناديه وتعطيه المقسوم ..

بس عمال النظافة هم الي يرفعون الضغط .. توه امس صارلي هالموقف عند احد البنوك .. من وصلت وهو ينظف ولما طلعت من البنك بعد ساعه جاي ينظف عند سيارتي ... المشكلة المواقف وصخه وكلها زقاير وقواطي وكشره والحبيب صارله ساعه ينظف .. شلون ما ادري .

يعجبني اللولو مانع البقشيش .. خذ اغراضك بنفسك وتوكل على الله .

[شبح الصمت]

وعليكم السـلام ورحمة الله وبركـاته ..


محد يجبرج يالعليا تعطين بخشيش ..

أنتــي وطيـب خاطرك

[النهار]

!!!!!
هذا موضوع آخر وما اتوقع كل الجمعيات تعرف ان الشركات تبوق منهم وماتعطي موظفينها رواتب!!
اصلا شلون هالعمال ساكتين :rolleyes2:

لانهم يحصلون اكثر من المعاش الي ممكن يعطيهم صاحب العمل لوشال اغراض 50 شخص في اليوم على ريالين لوافترضنا
هاي 100ريال تساوي 3000 في الشهر هذاضعف الايمان لان العمال معروفه رواتبهم ماتزيد عن 1500 ريال
طبعا هم يحصلون اكثر من 3000 في الشهر ناس تعطي عشر وناس خمس واناس اقل وناس اكثر

[Dana’1]

اكثر حركه تربك الي يجي يساعد على صف السياره بالموقف المشكله. بعضهم يلزق
واخاف ادعمه!!
او الي ينظفون ويشوف السياره تلق يجي ويقول غسيل؟!

الظاهر بكل مكان كذا
مره كنا بمحطه بسلوى( السعوديه) وجاء عامل ينظف الزجاج قال زوجي نظف الي قدام مايمديه يخلص جملته إلا ثلاثه هنود ينظفون الزجاج الامامي !!:eek5:
وطبعا داروا عالسياره كلها

[كيلو حديد]

دامه وصل لك الأغراض لازم تعطينه هذا حقه
لأن مب ملزمه الجمعيه توصلك الاغراض
ولو ما تبغين قوليله شكرا عند الكاشير و وصلي اغراضك بروحك

[كيلو حديد]

أخواني خلونا نتفق على نقطة

اولا انا متعوده ادز القاري بروحي ولا احتاج مساعدة وهم يصرون نو مام ونو مام
بما معناه هم حابين يساعدون ف اخليهم

وان كان عندي كاش والله مانقصر معاهم
لكن صار فرض واجب علي بغض النظر واجبهم والا جزء من شغلهم والا غيره

خلوا موضوع القاري طيب موضوع عامل النظافة اللي يتعمد يجي ينظف علشان نعطيه!!

اعذريني مب قضية يحبون يساعدون هم يستعملون اسلوب الاحراج
البعض ينحرج فيتحمل ثمن احراجه

عني اقوله خل الاغراض وأنتهى وأعطيه نظرة مدرس لطالب مشاغب ويحط الأغراض غصب عنه
أنحرج منه ليش
أتوقع يساعدني لله في لله تحت أي بند وهو عامل يتكسب من هالشغله
الي ينحرج بالطلب ينحرج ويدفع بعد
ما عنده عذر أي إنسان يخلي أحد يحرجه ويساعده وعقب ما يعطيه
الي يغسلون السيارات أقولهم لا وأنا للحين بالموتر
والي يساعدون بالصف بعد نفس الشيء
مدري شله الناس ينحرجون

[يمامـة]

كم انتي قاسية يا العليااا.. :(

لابد ان نتعامل مع هالفئة من الناس بعين وقلب وروح الرحمة..
وفوقه ربنا ما بينقص منا شي بل بتزيدنا إحساس وفهم لحاجة هالناس..

مب عارفة ليش سميتي دفعج لخدمته لج .. اكرامية .. او بخشيش؟
مجرد انه بيخدمج فهو له اجر على الخدمة هذه والمفروض ما تبخسينه حقه..

من الملاحظ ان اغلب إخواننا العرب والمقيمين من الأجانب ما يرضون حد يساعدهم
هم اللي يكيسون الأغراض وهم اللي يحملون هالاغراض لين سياراتهم.. لأنهم ما يبون يدفعون
نظير خدمة العامل لهم..

بينما الغالب على اهل قطر.. بالإضافة الى الكسل اللي فيننا الا ان فينا رحمة بحال هالناس
فتلقين القطري يتعمد يحمله كيس علشان يعطيه المقسوم..

وفي موقف من المواقف وفي حياة بلازا.. ولدي تعود من حياته في الغربة انه يخدم نفسه
فكان هناك احد العاملين مشتط يحط له الأغراض و مسك الغاري وبيدفه لين السيارة الا ولدي قال له:
" شكرا بروحي بدزه" قلت له ليش ما خليته؟ قال لي بخدم نفسي.. قلت له بس هو يسترزق من الشغلة هذي..
فليش تحرمه رزقه.. طيب له خاطره بالمقسوم وان ما كنت تبيه يشل لك الأغراض.. قال لي ان شاءالله..
وخر اشوي وصوت عليه وعطاه المقسوم.. وفرح هالعامل بعدما استضاق لأن ولدي قال له شكرا..

فالفرحة هذي يالعليا مب اشوي في ميزان حسانتج يوم الدين لو طيبتي له خاطره وعطيتيه ما يسعده وان أصلا ما بغيتي منه يخدمج..

وما بالج هو متعني وطالع لين سيارتج ويرتب لج الأغراض في السيارة!!
فاللي ينتظره منج بيكون حقه نظير خدمتج..

اما عمال النظافة اللي كلامج بالفعل ينطبق عليهم.. خلينا ننظر لهم نظرة ثانية.. ان لولا الحاجة ما كانوا اتبعوا هالاسلوب..
والله لا يحوج حد حق حد.. مجرد ريال او خمس او عشر صدقة لوجه الله ما بتنقص منا شي..
والله يتقبل من كل انسان ينوي لوجه الله كل عمل يقوم فيه..

[أم محمد 90]

انا اتردد على اللاند مارك دايما عشان الجمعية هناك .

ومثلج اعاني .. صرت ادز الجاري بروحي عشان ما سبب لنفسي احراج ولا الزم نفسي ان اعطي حد شي

مادام اني قادرة اخدم نفسي اسوي الشي بروحي .. ومع ذلك ادز الجاري بروحي للسيارة بس اوصل افتح الشنطة الاقي اللي يغسلون السياره يحطون لي الاغراض ف السيارة ..

يعني مافي مفر ابد ف تلاقيني بسرعه اقوله ثانكيو ( اي كان هلب ماي سلف )

[شبح الصمت]

انا اقول انه يكون في كونتر صغير للعمال

اذا تبي قبل لا تدخل تاخذ لك كوبون بـ 5 ريال سعر ثابت ..


ويوم تخلص وتوقف عالكونتر تروي الكاشير ويناديه يضبط لك الاغراض ويحطهم فالسيارة

وخلاص لا حد قال وصل لي وما عطيته والا احرجني وانا ابي اشل الاغراض ..

والي يبي يخدم نفسه بنفسه احسن وافضل يشغل يدينه ولياقة بدنية

[<اضرب واشرد>]

السلام عليكم

المفروض يحددون سعر ثابت لعامل الجمعية، ريالين مثلا
لرفع الحرج عن الزبون .. "عطيته حقه ولا ناقص؟"
ولحفظ حق العامل

واللي يشتغلون في تنظيف السيارات -في المواقف- بدون ترخيص: يمنعونهم
أو يجيبون شركة متخصصة ويلبسونهم لبس موحد (يونيفورم) .. وشغل نظيف وسعر ثابت معروف للكل
ومايلمس السيارة إلا بعد موافقة صاحبها
((هم دايما يستأذنون .. بس أظن إذا شافوا حرمة عادي يحطونها في الأمر الواقع .. يمسحون الجامات بمايهم الوصخ ويطلبون فلوس .. أما لو رجال يخاف ويستأذن))

[<اضرب واشرد>]

ومع ذلك ادز الجاري بروحي للسيارة بس اوصل افتح الشنطة الاقي اللي يغسلون السياره يحطون لي الاغراض ف السيارة ..
يعني مافي مفر ابد ف تلاقيني بسرعه اقوله ثانكيو ( اي كان هلب ماي سلف )

منظر غير حضاري وعمالة سائبة
إذا محتاجين يعطونهم من جمعيات خيرية
أو يوظفونهم في وظايف سنعة
أو يسفرونهم

أما هادينهم في الشوارع !!

[مختلف جداََ]

رحماك ربي

ما أقسى قلوب بعض البشر

[مشاكل]

انا اشوفهم مركزين على الحريم اكثر شي لان البنت بطبيعتها طيبه وقلبها حنون وكريمة علاوة على انها تنحرج

[شبح الصمت]

رحماك ربي

ما أقسى قلوب بعض البشر



ترى البنات رحيمين في العطاء لعلمك اكثر من الرجال ..

بس كموقف انا ما الوم اي بنت تخاف وترتبك يمكن لانه نظرات بعض العمالة تخوف ..

والي بيعطي اجره ما راح يضيع

النيه محلها القلب وتسبق مدت اليد ..

الله يرحمنا برحمته

[يمامـة]

رحماك ربي

ما أقسى قلوب بعض البشر

اتفق معاك وبقوة..

[أم محمد 90]

انا اشوفهم مركزين على الحريم اكثر شي لان البنت بطبيعتها طيبه وقلبها حنون وكريمة علاوة على انها تنحرج

كلامك صحيح , والدليل البنت توها تصف السيارة تبي تعدل شيلتها تتاكد من ان العباة مسكره الشيله عدل ترفع راسها تلاقي الاخ واقف عند الدريشة يبتسم ينطرها تنزل !!! يعني مالهم داعي

انا وايد اتضايق من (التحديق) يعني لو ابيك تغسل السيارة بناديك لو ابي تشل اغراض بقولك تعال ..

ماتقدر تحرجه تقوله روح او تهاوشه او شي لان اطالة النظر عيب !!

[العلياا]

انا بعد ما أحب هالحركه
ما تجبرني أعطيك
ونظراتهم تخرع
ولو عطيتيه شوي قام يطالع بس!

ولا حد يحبها صدقيني :(



في الميرة تلاقي العامل حتى لو كيسين يبي يشيلهم @_@ لا والمشكلة يمسكهم ويبدى يمشي وانا للحين ادفع للكاشير .. ولو ما وافقت تجيك ذيك النظرة ههههه .. انزين كيسين صغار ليش تشيلهم عني وانا مافيني شي قدامك ؟

بس مب الكل للامانة .. اكثرهم يوصل الاغراض وينزل راسه ويمشي ويبيك انت تناديه وتعطيه المقسوم ..

بس عمال النظافة هم الي يرفعون الضغط .. توه امس صارلي هالموقف عند احد البنوك .. من وصلت وهو ينظف ولما طلعت من البنك بعد ساعه جاي ينظف عند سيارتي ... المشكلة المواقف وصخه وكلها زقاير وقواطي وكشره والحبيب صارله ساعه ينظف .. شلون ما ادري .

يعجبني اللولو مانع البقشيش .. خذ اغراضك بنفسك وتوكل على الله .

اكيد مب الكل لكن اصبح الغالبيه بنفس الطبع

شلون اللولو مانعه ؟؟ وشنهي الاليه المستخدمه ؟؟




لانهم يحصلون اكثر من المعاش الي ممكن يعطيهم صاحب العمل لوشال اغراض 50 شخص في اليوم على ريالين لوافترضنا
هاي 100ريال تساوي 3000 في الشهر هذاضعف الايمان لان العمال معروفه رواتبهم ماتزيد عن 1500 ريال
طبعا هم يحصلون اكثر من 3000 في الشهر ناس تعطي عشر وناس خمس واناس اقل وناس اكثر

اخوي النهار
انا مره قلت لرفيجتي عن عمال النظافه قالت هو نفسه وعطيته مبلغ وكاسر خاطرها تقول شوفي شلونه متغير لونه من الشمس

مانحسدهم جعل ربي يزيدهم لكن مانحب التسيب ولا العشوائية
مافكر العامل ان بجي عليه يوم ومحد يعطيه ريال ؟؟ في هالحاله شنهي ردت فعله تتوقع ؟

[شبح الصمت]

كلامك صحيح , والدليل البنت توها تصف السيارة تبي تعدل شيلتها تتاكد من ان العباة مسكره الشيله عدل ترفع راسها تلاقي الاخ واقف عند الدريشة يبتسم ينطرها تنزل !!! يعني مالهم داعي

انا وايد اتضايق من (التحديق) يعني لو ابيك تغسل السيارة بناديك لو ابي تشل اغراض بقولك تعال ..

ماتقدر تحرجه تقوله روح او تهاوشه او شي لان اطالة النظر عيب !!



ترى حتى احنا يجوونا ويوقفون قدام مواترنا وينطرونا لين ننزل ..

وبعضهم شيسوووي ياشر لك تجي توقف وعقب يسالك يقولك تبي غسيل


اقل شيء ابتسم له وامش

والله يعينهم الي في مواقف االاند لوووهيب المواقف الي تحت احنا ما نصدق ننزل وركيض على الباب

وهالعمالة يغسلووون وينطرون
الله يعين البعض

[العلياا]

اكثر حركه تربك الي يجي يساعد على صف السياره بالموقف المشكله. بعضهم يلزق
واخاف ادعمه!!
او الي ينظفون ويشوف السياره تلق يجي ويقول غسيل؟!

الظاهر بكل مكان كذا
مره كنا بمحطه بسلوى( السعوديه) وجاء عامل ينظف الزجاج قال زوجي نظف الي قدام مايمديه يخلص جملته إلا ثلاثه هنود ينظفون الزجاج الامامي !!:eek5:
وطبعا داروا عالسياره كلها

يوقف فالنص وياشر لج زين انا شلون بدخل وفعلا حركة مربكه :rolleyes2:


اعذريني مب قضية يحبون يساعدون هم يستعملون اسلوب الاحراج
البعض ينحرج فيتحمل ثمن احراجه

عني اقوله خل الاغراض وأنتهى وأعطيه نظرة مدرس لطالب مشاغب ويحط الأغراض غصب عنه
أنحرج منه ليش
أتوقع يساعدني لله في لله تحت أي بند وهو عامل يتكسب من هالشغله
الي ينحرج بالطلب ينحرج ويدفع بعد
ما عنده عذر أي إنسان يخلي أحد يحرجه ويساعده وعقب ما يعطيه
الي يغسلون السيارات أقولهم لا وأنا للحين بالموتر
والي يساعدون بالصف بعد نفس الشيء
مدري شله الناس ينحرجون

اخوي انت لو قلت له خلهم بيخليهم وهو يبتسم
لكن احنا لا لازم مره وثنتين وثلاث ويالله يتركهم

[يمامـة]

ترى حتى احنا يجوونا ويوقفون قدام مواترنا وينطرونا لين ننزل ..

وبعضهم شيسوووي ياشر لك تجي توقف وعقب يسالك يقولك تبي غسيل


اقل شيء ابتسم له وامش

والله يعينهم الي في مواقف االاند لوووهيب المواقف الي تحت احنا ما نصدق ننزل وركيض على الباب

وهالعمالة يغسلووون وينطرون
الله يعين البعض


بالفعل كلامك صحيح.. هم ما يصتقصدون البنات او الحريم..

لأني أكون مع بو العيال.. او العيال وشوفة عيوني اييون يطلبون ينظفون
ومرات مساكين من طيب خاطرهم ايأشرون لنا على مواقف فاضية والسيارة تكون نظيفة..
ومرات اكثر يسئلون " سوي غسيل؟"

بس لما أكون مع الدريول مستحيل يسئلوننا سوي غسيل سيارة حتى لو السيارة طالعة من بالوعة صبخ وطين..:shy:

[شبح الصمت]

بالفعل كلامك صحيح.. هم ما يصتقصدون البنات او الحريم..

لأني أكون مع بو العيال.. او العيال وشوفة عيوني اييون يطلبون ينظفون
ومرات مساكين من طيب خاطرهم ايأشرون لنا على مواقف فاضية والسيارة تكون نظيفة..
ومرات اكثر يسئلون " سوي غسيل؟"

بس لما أكون مع الدريول مستحيل يسئلوننا سوي غسيل سيارة حتى لو السيارة طالعة من بالوعة صبخ وطين..:shy:



بس ليش ما يقربون

شكله دريولكم يخوف !!!
:rolleyes2:

[يمامـة]

بس ليش ما يقربون

شكله دريولكم يخوف !!!
:rolleyes2:

اعتقد يبونه يعتمد على نفسه.. ويغسل السيارة بنفسه( كم هم طيبون)

[qatarman8008]

والله مو حرام فيه العشرة ريال دام انه قدم لج خدمة..
الحرام هو البخشيش مال واحد رافض يسوي شغله الا بالفلوس.. هذا حرام نعطيه..

[شبح الصمت]

اعتقد يبونه يعتمد على نفسه.. ويغسل السيارة بنفسه( كم هم طيبون)



يعني يبون يعذبونه بس بطريقة غير مباشرة

ههههههههههههههه

[النهار]

سالفه مأنساها صارت في احدى الجمعيات ايام العلوج والحلاوه
وحده محمله قاريين ترس بعد ماحاسبت باقي لها ربع ريال جان يعطيها علوج
هني نرفزت وقطت العلوج على الطاوله وبدأت بالردح والصراخ انا ابي الربع ريال والجمعيه مافيها عطلت السيد كامل
صراحه الكل استاء من تصرفها تمت واقفه ربع ساعه لين ماجابوا لها ربع ريال
و2 من العمال واقفين خلف القاري يبي يوصلون لها الاغراض قلت ابي اشوف ايش بتسوى مع العمال ربع ريال ماطاعت تتنازل
عنه عيل ايش بتسوي مع هالفقارى تصدقون بعد مانزلوا الاغراض في السياره اعطت كل واحد 20 ريال
هي عندها مبداء عدم استغلال مؤسسه كبيره للناس

[العلياا]

كم انتي قاسية يا العليااا.. :(

لابد ان نتعامل مع هالفئة من الناس بعين وقلب وروح الرحمة..
وفوقه ربنا ما بينقص منا شي بل بتزيدنا إحساس وفهم لحاجة هالناس..

مب عارفة ليش سميتي دفعج لخدمته لج .. اكرامية .. او بخشيش؟
مجرد انه بيخدمج فهو له اجر على الخدمة هذه والمفروض ما تبخسينه حقه..

من الملاحظ ان اغلب إخواننا العرب والمقيمين من الأجانب ما يرضون حد يساعدهم
هم اللي يكيسون الأغراض وهم اللي يحملون هالاغراض لين سياراتهم.. لأنهم ما يبون يدفعون
نظير خدمة العامل لهم..

بينما الغالب على اهل قطر.. بالإضافة الى الكسل اللي فيننا الا ان فينا رحمة بحال هالناس
فتلقين القطري يتعمد يحمله كيس علشان يعطيه المقسوم..

وفي موقف من المواقف وفي حياة بلازا.. ولدي تعود من حياته في الغربة انه يخدم نفسه
فكان هناك احد العاملين مشتط يحط له الأغراض و مسك الغاري وبيدفه لين السيارة الا ولدي قال له:
" شكرا بروحي بدزه" قلت له ليش ما خليته؟ قال لي بخدم نفسي.. قلت له بس هو يسترزق من الشغلة هذي..
فليش تحرمه رزقه.. طيب له خاطره بالمقسوم وان ما كنت تبيه يشل لك الأغراض.. قال لي ان شاءالله..
وخر اشوي وصوت عليه وعطاه المقسوم.. وفرح هالعامل بعدما استضاق لأن ولدي قال له شكرا..

فالفرحة هذي يالعليا مب اشوي في ميزان حسانتج يوم الدين لو طيبتي له خاطره وعطيتيه ما يسعده وان أصلا ما بغيتي منه يخدمج..

وما بالج هو متعني وطالع لين سيارتج ويرتب لج الأغراض في السيارة!!
فاللي ينتظره منج بيكون حقه نظير خدمتج..

اما عمال النظافة اللي كلامج بالفعل ينطبق عليهم.. خلينا ننظر لهم نظرة ثانية.. ان لولا الحاجة ما كانوا اتبعوا هالاسلوب..
والله لا يحوج حد حق حد.. مجرد ريال او خمس او عشر صدقة لوجه الله ما بتنقص منا شي..
والله يتقبل من كل انسان ينوي لوجه الله كل عمل يقوم فيه..

والله مانيب قاسيه ياليمامه :(

رغم ان الموقف الثاني بالنسبة لي اهم اني اناقشه لكن بقولج موضوع القاري
انا بطبعي احب ادز القاري واحط اغراضي بنفسي واسفط بعيد وامشي لاني احب الحركة
اللي حز بخاطري يومها اني فعلا ماكان عندي ريال واحد وتصرفه معاي نرفزني لاني دوم اعطي
ف ليش يرضخ الباب ويطعيني ذيك النظرة رغم انه هو اصر انه يوصلي الاغراض للسيارة !!

الموقف الثاني وهو الاهم
انتي اذا شفتي عامل دايما دايما موجود بنفس المكان وبقصد (عطيني )
وانتي عارفه انه ما يأدي شغله هو قاعد يسترزق واقرب ما تكون ( طراره )
وفوق هذا حركته حول السيارة ممكن تتسبب باصابته بعد بتعطينه ؟؟

الفكرة مش فالفلوس وشكثر اعطي لكن الفكرة في طريقة الطلب
بعد شوي بنشوف متسولين هالشوارع وبنقول هذول محتاجين ومساكين مش متسولين

طيب ليش في جمعيات خيرية ؟

[بومحمد المطاوعه]

اسحبي عليهم ولا تعطينهم ريال ،،

الي ينظف او يسوي نفسه مسكين
هذي تسوول
بلغي عليهم لو تقدرين

والي يوصل لج الاغراض اذا عندج شي عطيه اقل شي 5 ريال لان شل الاغراض
ووصلهم لج

واذا ماعندج حاولي انتي تشلين اغراضج
او توفرين كاش علشان تعطين العامل اذا ساعدج فالشيل

[العلياا]

انا اتردد على اللاند مارك دايما عشان الجمعية هناك .

ومثلج اعاني .. صرت ادز الجاري بروحي عشان ما سبب لنفسي احراج ولا الزم نفسي ان اعطي حد شي

مادام اني قادرة اخدم نفسي اسوي الشي بروحي .. ومع ذلك ادز الجاري بروحي للسيارة بس اوصل افتح الشنطة الاقي اللي يغسلون السياره يحطون لي الاغراض ف السيارة ..

يعني مافي مفر ابد ف تلاقيني بسرعه اقوله ثانكيو ( اي كان هلب ماي سلف )

شنو غصب هو :rolleyes2:

الله يعين



انا اقول انه يكون في كونتر صغير للعمال

اذا تبي قبل لا تدخل تاخذ لك كوبون بـ 5 ريال سعر ثابت ..


ويوم تخلص وتوقف عالكونتر تروي الكاشير ويناديه يضبط لك الاغراض ويحطهم فالسيارة

وخلاص لا حد قال وصل لي وما عطيته والا احرجني وانا ابي اشل الاغراض ..

والي يبي يخدم نفسه بنفسه احسن وافضل يشغل يدينه ولياقة بدنية



عجبني الاقتراح :victory:



السلام عليكم

المفروض يحددون سعر ثابت لعامل الجمعية، ريالين مثلا
لرفع الحرج عن الزبون .. "عطيته حقه ولا ناقص؟"
ولحفظ حق العامل

واللي يشتغلون في تنظيف السيارات -في المواقف- بدون ترخيص: يمنعونهم
أو يجيبون شركة متخصصة ويلبسونهم لبس موحد (يونيفورم) .. وشغل نظيف وسعر ثابت معروف للكل
ومايلمس السيارة إلا بعد موافقة صاحبها
((هم دايما يستأذنون .. بس أظن إذا شافوا حرمة عادي يحطونها في الأمر الواقع .. يمسحون الجامات بمايهم الوصخ ويطلبون فلوس .. أما لو رجال يخاف ويستأذن))

وعليكم السلام ورحمة الله وبركاته

كلامك عين العقل :victory:

[رجل تعليم]

قد ما تعطون "بطيب الخاطر طبعا "قد ما يعطيكم الله
هذه وصيتي لكم جميعا.
تفضلوا على الفقراء بما تستطيعون ويد الله أكرم من أيدينا وستعطينا .

[<اضرب واشرد>]

ما أقسى قلوب بعض البشر

مختلف جدا
الله يرزقهم
نطالب بالتنظيم وليس المنع ..
لأن الحاصل فوضى مزعجة لهم وللناس:



انا وايد اتضايق من (التحديق) يعني لو ابيك تغسل السيارة بناديك لو ابي تشل اغراض بقولك تعال ..



واللي يشتغلون في تنظيف السيارات -في المواقف- بدون ترخيص: يمنعونهم
أو يجيبون شركة متخصصة ويلبسونهم لبس موحد (يونيفورم) .. وشغل نظيف وسعر ثابت معروف للكل

وكاتبة الموضوع ماتدري .. عامل الجمعية نعطيه بخشيش ولا نعطيه حقّه ؟
ولو حقّه .. كم اللي يرضيه؟



ونظراتهم تخرع
ولو عطيتيه شوي قام يطالع بس!

حنا نطالب بتثبيت السعر
سواء كان ريالين أو 5 أو 10
وين المشكلة؟ اللي عنده اعتراض يكتب السبب مشكورا

[العلياا]

رحماك ربي

ما أقسى قلوب بعض البشر

وربي اعلم في اللي بقلوبنا :)


انا اشوفهم مركزين على الحريم اكثر شي لان البنت بطبيعتها طيبه وقلبها حنون وكريمة علاوة على انها تنحرج

صحيح اتوقع احنا الفئة المستهدفه لان لو شاب قاله لا ما يتجرأ يسال ثاني مرة

[يمامـة]

والله مانيب قاسيه ياليمامه :(

رغم ان الموقف الثاني بالنسبة لي اهم اني اناقشه لكن بقولج موضوع القاري
انا بطبعي احب ادز القاري واحط اغراضي بنفسي واسفط بعيد وامشي لاني احب الحركة
اللي حز بخاطري يومها اني فعلا ماكان عندي ريال واحد وتصرفه معاي نرفزني لاني دوم اعطي
ف ليش يرضخ الباب ويطعيني ذيك النظرة رغم انه هو اصر انه يوصلي الاغراض للسيارة !!

الموقف الثاني وهو الاهم
انتي اذا شفتي عامل دايما دايما موجود بنفس المكان وبقصد (عطيني )
وانتي عارفه انه ما يأدي شغله هو قاعد يسترزق واقرب ما تكون ( طراره )
وفوق هذا حركته حول السيارة ممكن تتسبب باصابته بعد بتعطينه ؟؟

الفكرة مش فالفلوس وشكثر اعطي لكن الفكرة في طريقة الطلب
بعد شوي بنشوف متسولين هالشوارع وبنقول هذول محتاجين ومساكين مش متسولين

طيب ليش في جمعيات خيرية ؟

الحياة علمتني اعطي لله وما احدد هذا محتاج من صجه ولا يمثل علي..

طلعي الريال من الجيب ورددي يارب امح لي به ذنب. او اغفر لي و لوالدي او وفقني في حياتي..
لذلك ما احب ارد أي سائل.. وان كان كافر .. قلبي الصغير يتألم لحاجتهم..

فطلعي الريال او العشر وانت ناطرة تدخلين السعادة والفرح على قلبه لأنه شاب ومغترب و وراه مستقبل وشغال عامل في دولة غنية..
او رجل كبير في العمر وحدته الحاجة للعمل.. او اب لابناء بحاجة الى ما يسد حاجتهم من الملبس والمأكل والتعليم والصحة..

نظراتهم بقوة شخصيتج ممكن توقفينها.. اذا انت من النوع اللي يحب يخدم نفسه يا العلياا.. من البداية
قولي له شكرا بابا .. شكر باي ساب.. شكرا رفيق.. مستحيل بيسحب الجاري منج غصب..

فانتي حاولي انج تعالجين الموضوع من البداية بحيث انج ما تسمحين لهم يدزون لج الجاري..

واللي بيلزق في سيارتج.. ادعي التوفيق من الله.. ونزلي الجامة وقولي له بنفس طيبة ونبرة جادة :
" بابا وخر اشوي سيارة في يطلع" .. انت من خلال هالموضوع حاولي ان الحل يكون منج انت..
مب تغيرينهم علشان ترتاحين..

فمثل ما شفتي هناك من اللي يتفق معاج وهناك من يختلف معاج..
ولين نوصل لحل يرضي الجميع( وهذا مستحيل) اشوف ان علاج الموضوع بيدج انتي..
واتبعي نصايح الأعضاء لج.. ونفذيها.. بس لا تكسرين بخواطرهم .. فهم محتاجين للعطف في غربتهم هذه..

[العلياا]

اسحبي عليهم ولا تعطينهم ريال ،،

الي ينظف او يسوي نفسه مسكين
هذي تسوول
بلغي عليهم لو تقدرين

والي يوصل لج الاغراض اذا عندج شي عطيه اقل شي 5 ريال لان شل الاغراض
ووصلهم لج

واذا ماعندج حاولي انتي تشلين اغراضج
او توفرين كاش علشان تعطين العامل اذا ساعدج فالشيل




قد ما تعطون "بطيب الخاطر طبعا "قد ما يعطيكم الله
هذه وصيتي لكم جميعا.
تفضلوا على الفقراء بما تستطيعون ويد الله أكرم من أيدينا وستعطينا .

ان شاءالله ابشروا
مادري ليش حسيت اني انسانه سيئة او بخيلة رغم ان الموضوع مب جذيه مثل ماوضحت في ردودي فوق :(

[يمامـة]

قد ما تعطون "بطيب الخاطر طبعا "قد ما يعطيكم الله
هذه وصيتي لكم جميعا.
تفضلوا على الفقراء بما تستطيعون ويد الله أكرم من أيدينا وستعطينا .

ونعم المشاركة..

أصلا سبحانة الله كل هالامور اللي تضايقنا منهم.. راح تتبدل ونصير ننظر لهم نظرة ثانية..
فهل هذا لأن احنا تطورنا.. ولا هذا من فضل ربنا علينا ؟

فالموضوع مب مقترن بالفلوس .. فطريقة المعاملة وياهم .. طريقة الكلام عنهم..
أسلوب صدهم وردهم لما ما نكون محتاجين لهم..
كلهم أمور تعود علينا يا بالخير او الشر امام الله سبحانه وتعالى..

[JN000N]

في ردود تحسسك انك ظالم وبخيل وماتسوي خير حمدلله والشكر
يبه نعرف نتصدق لمن ونعرف اشكال الي يستغلونا خلكم انتو بس الكرماء
واحنا مب لهالدرجه سذج وتافهين عشان تنطوي علينا هالطراره باسم الوظيفه

[بوخالد911]

هالحركات مب علي
وبالذات عمال النظافة يتعمدون يستفزوني
مرة رحت أسواق الفرجان
وكان عامل قاعد ولما شافني اصف قام بلفيت ينظف
رحت الصراف
وقام ينظف وراي !!

قلت له روح الشارع المقابل اهنيه المكان نظيف !!!

[مختلف جداََ]

اختي العليا

ما قصدتج بتعليقي السابق

لأنه كلامج واضح ولا غبار عليه

انا بس مستغرب من بعض الردود اللي فيها جفاف شوي

ارحموا من في الأرض يرحمكم من في السماء

اعطوهم بنية الصدقة أو حتى بنية تأليف قلوبهم .
سبحان الله ممكن حد منهم يدعي لك و ربي يستجيب دعوته .

و خذو هالفتوى :

‎السؤال

البقشيش لغير المسلم (ولو كان قيمته صغيرة) هل حلال أم حرام؟
‎الإجابــة




الحمد لله والصلاة والسلام على رسول الله وعلى آله وصحبه، أما بعـد:
فحكم إعطاء البقشيش لغير المسلم كحكم إعطائه للمسلم، وقد سبق بيان حكم ذلك في الفتوى رقم: 12640، وحيث جاز دفع البقشيش إليه فينبغي أن ينوي الدافع بذلك تأليف قلبه ودعوته إلى الإسلام.
والله أعلم.



المصدر :

http://fatwa.islamweb.net/fatwa/index.php?page=showfatwa&Option=FatwaId&Id=78418


اخوي اضرب و اشرد فاهم عليك و الله

[العلياا]

الحياة علمتني اعطي لله وما احدد هذا محتاج من صجه ولا يمثل علي..

طلعي الريال من الجيب ورددي يارب امح لي به ذنب. او اغفر لي و لوالدي او وفقني في حياتي..
لذلك ما احب ارد أي سائل.. وان كان كافر .. قلبي الصغير يتألم لحاجتهم..

فطلعي الريال او العشر وانت ناطرة تدخلين السعادة والفرح على قلبه لأنه شاب ومغترب و وراه مستقبل وشغال عامل في دولة غنية..
او رجل كبير في العمر وحدته الحاجة للعمل.. او اب لابناء بحاجة الى ما يسد حاجتهم من الملبس والمأكل والتعليم والصحة..

نظراتهم بقوة شخصيتج ممكن توقفينها.. اذا انت من النوع اللي يحب يخدم نفسه يا العلياا.. من البداية
قولي له شكرا بابا .. شكر باي ساب.. شكرا رفيق.. مستحيل بيسحب الجاري منج غصب..

فانتي حاولي انج تعالجين الموضوع من البداية بحيث انج ما تسمحين لهم يدزون لج الجاري..

واللي بيلزق في سيارتج.. ادعي التوفيق من الله.. ونزلي الجامة وقولي له بنفس طيبة ونبرة جادة :
" بابا وخر اشوي سيارة في يطلع" .. انت من خلال هالموضوع حاولي ان الحل يكون منج انت..
مب تغيرينهم علشان ترتاحين..

فمثل ما شفتي هناك من اللي يتفق معاج وهناك من يختلف معاج..
ولين نوصل لحل يرضي الجميع( وهذا مستحيل) اشوف ان علاج الموضوع بيدج انتي..
واتبعي نصايح الأعضاء لج.. ونفذيها.. بس لا تكسرين بخواطرهم .. فهم محتاجين للعطف في غربتهم هذه..

كلامج وكلام كل الاعضاء على العين والراس
والحمدلله نعاملهم معامله طيبه وحتى لو نرفزني او بدر منهم اي تصرف عمر صوتنا مايعلي عليهم
او نعاملهم بمعاملة سيئة لانه هو يخدم وانا اخدم في شغلي بغض النظر عن طبيعة العمل

وماطرحت موضوعي الا عشان اقول اللي بخاطري واخذ بالارائكم السديدة
ومثل ماذكر اخوي اضرب واشرد نطالب بتنظيم هالعملية عشان محد يستاء او تكون ردت فعله عنيفه عليهم
وتسبب لهم بضرر نفسي

شاكرة لج مشاركتج

[سالم الزهران]

الحقيقة ان ما ذكرته الاخت العليا ان بعضهم فعلاً يبدي على وجهه علامات السخط بالرغم من عدم وجود اتفاق مسبق مع صاحب السيارة

انا لا اتشدد لكن اذكر مرّه عطيت ولدي خمصطعش ريال و بعدين يوم ركبنا الا الولد يمد لي بالفلوس ؟؟ قلت ليش ما تعطيها البنقالي ( قال رفضها ما أعجبته )؟؟

هذه النوعية بعد موجودة

[JN000N]

انا اقول انه يكون في كونتر صغير للعمال

اذا تبي قبل لا تدخل تاخذ لك كوبون بـ 5 ريال سعر ثابت ..


ويوم تخلص وتوقف عالكونتر تروي الكاشير ويناديه يضبط لك الاغراض ويحطهم فالسيارة

وخلاص لا حد قال وصل لي وما عطيته والا احرجني وانا ابي اشل الاغراض ..

والي يبي يخدم نفسه بنفسه احسن وافضل يشغل يدينه ولياقة بدنية



ايواااه
جذي تمام
هذي نفس حمالي المطار
محفوظ حقه ومحفوظ حق الطرف الثاني
لكن مب في ذول
ماليل الجمعيه يهونون
انا عن نفسي اقصد ف الشارع الي ينظفون والا عند اي موقف تلاقيه يدور بزبالته ومخمته بين السيارات
ياليت صج ينظف
من يجوف سياره يات بتصف راح يدور حولها وحوالها ويعطيك نظرات مدمعه وخاطره شوي ويطيح من طوله جنه ينازع عشان تتصدق له
وعقب ماتعطيه يجوف شعطته ويدبر ولا جنه توه بين الحيا والموت
ونفسهم متكررين ف كذا مكان حفظت اشكالهم انا
اظن هذول بنو لهم قصور من فلوس الطراره

[العلياا]

في ردود تحسسك انك ظالم وبخيل وماتسوي خير حمدلله والشكر
يبه نعرف نتصدق لمن ونعرف اشكال الي يستغلونا خلكم انتو بس الكرماء
واحنا مب لهالدرجه سذج وتافهين عشان تنطوي علينا هالطراره باسم الوظيفه

هذا اللي ابي اوصل له والله :(



اختي العليا
ما قصدتج بتعليقي السابق
لأنه كلامج واضح ولا غبار عليه
انا بس مستغرب من بعض الردود اللي فيها جفاف شوي
ارحموا من في الأرض يرحمكم من في السماء

اعطوهم بنية الصدقة أو حتى بنية تأليف قلوبهم .
سبحان الله ممكن حد منهم يدعي لك و ربي يستجيب دعوته .

و خذو هالفتوى :

‎السؤال

البقشيش لغير المسلم (ولو كان قيمته صغيرة) هل حلال أم حرام؟
‎الإجابــة

الحمد لله والصلاة والسلام على رسول الله وعلى آله وصحبه، أما بعـد:
فحكم إعطاء البقشيش لغير المسلم كحكم إعطائه للمسلم، وقد سبق بيان حكم ذلك في الفتوى رقم: 12640، وحيث جاز دفع البقشيش إليه فينبغي أن ينوي الدافع بذلك تأليف قلبه ودعوته إلى الإسلام.
والله أعلم.
اخوي اضرب و اشرد فاهم عليك و الله

ولا يهمك اخوي
واحنا مانتدخل بالنوايا
يمكن اللي تكلم بنرفزه اشوي تلاقيه اول من يعطي وربك يزجيه على قد نيته

[بومحمد المطاوعه]

ان شاءالله ابشروا
مادري ليش حسيت اني انسانه سيئة او بخيلة رغم ان الموضوع مب جذيه مثل ماوضحت في ردودي فوق :(

اشدخل ردي يبين انج بخيله!!

انا اقول لاتعطينهم مجال ولاتعطينهم ريال

هذيله حركاتهم بالعماله ،،

ماقلت لج بخيله ولا قلت ليش ماتعطين

اذا شل اغراضج عطيه اذا ماشل وجاي عند الباب خليه يولي
او الي ينظف حول الموتر

اما الرجال شل اغراضج ووصلها
عطيه مافيها شي لو رياليين

لو ماتبين تعطينه لاتخلينه يشل اغراض وانتهى موضوع الوقفه عند الباب وانه ينتظر فلوس

[بومحمد المطاوعه]

قد ما تعطون "بطيب الخاطر طبعا "قد ما يعطيكم الله
هذه وصيتي لكم جميعا.
تفضلوا على الفقراء بما تستطيعون ويد الله أكرم من أيدينا وستعطينا .
الفقراء غير عن اي شخص له راتب


حتى انا وانت فقراء امام الاغنياء
وامام المدراء والوزراء

رواتبنا قليله بالنسبه لهم
عيل خل يعطونا الناس ،،

الفقير من لايملك مال للكل ولا مأوى

بدال اعطي الي يدور على موتري وينظف وله راتب

بعطي الفقير المحتاج فالخارج الي يرقد على الرمل وياكل تراب ويشرب ماي لا انت ولا انا نقدر نتسبح منه

هذي الفقير المحتاج
مب الي عايش ف بلادنا ياكل ويرقد ويطر عند الناس

هذي ريال مايشوف مني ،،

يبي خل يمر على الجمعيات الخيريه ويشوفون حالته مب يطرطر وله راتب

[بومحمد المطاوعه]

مرة واخر مره وتحسفت

عطيت واحد عند البقاله يقولي ابي اشرب ماي ماعندي فلوس

عطيته 10 ريال

دخل الدكان وطلع وزقاره ف حلجه

نزلت من الموتر تزانطت معاه زين ماذبحته
ودخلت يدي ف مخباه سحبت ال10 ريال الي عطيته
وقلت له اذلف

[توشيبا]

اذا كان شايل الاغراض لين السياره بحسب وظيفته وملزوم بشيل الاغراض مب مجبور اعطيه ريال واحد

اما انه شايل الاغراض وهذا مب اختصاصه ولا مجبور اعطيه بحسن نيته لي انه شال الاغراض وشال عني تعب شيلها ويبغي شي بحاجته لعل هالريال او الريالين تاكل ايتام او ياكل فيها او يشرب فيها ومالنا الاجر ان شاء الله واذا مابغي اعطيه اقوله جزاك الله خير


اما بخصوص بعض المطاعم ومغاسل السيارات بعض الشباب خرب علينا وتعودو العمال على البخشيش

[رجل تعليم]

ان شاءالله ابشروا
مادري ليش حسيت اني انسانه سيئة او بخيلة رغم ان الموضوع مب جذيه مثل ماوضحت في ردودي فوق :(

أختي الكريمة العليا أبدا يجب ألا يدعوك كلامي للتشاؤم ...ولا تفهمي منه ابدا أنني انتقدتك بتاتا ولم أجد في موضوعك ما يوحي بقسوتك .
كل ما في الأمر أن العامل الذي يخدمنا هو بالضرورة اقل راحة منا في وضعه الإجتماعي .
لذلك فمساعدته "حتى عندما نعتقد أنه لا يستحق " هي الأقرب للطف والرحمة.
طبعا مساعدته بما يمكن فقط وبما يصدر عنا عن طيب خاطر .
أعتقد أننا جميعا نشعر بالراحة النفسية عندما نعطي شخصا أقل منا .
لذلك يجب ان نبقى في هذه القاعدة فقط.
ثم لا تنسوا أنكم ابناء قطر ...ويؤمل فيكم هذا النوع من السخاء...هذا ما عهده العالم فيكم...وهذا وحده يجب ان يدفعكم للشعور بأقصى السعادة.
بلدكم يعطي بسخاء في كل المحافل الدولية تجد قطر سباقة لفعل الخير ...أنتم هم قطر وستظلون اوفياء لتقاليدكم الرائعة.

[كيلو حديد]

وصلنا خير يا سويتي

مثلا لو اوصف عامل النظافة اللي دايما يكون متواجد في مواقف حياة بلازا
اجزم ان اغلب الناس اللي تروح هناك بتعرفه ويتصرف بنفس الطريقة

ليش ماتكون في جهات رقابيه عليهم او حتى جهة عمله تحط مثل السوبرفايزر يراقبهم !!

وليش نحتاج جهه رقابيه و جهه أخرى تراقب الرقابية وهكذا
لا يعني لا وتنتهي السالفة

عموما دام خدمك عطيه لو ريال
البعض يستحي فيعطيه عشره
ثم يتعود العامل فإذا عطيته ريال ولا ريالين ولا خمس يزعل


المشكله تأتي من المنحرجين هم الي يخلون هؤلاء يتمادون
وجودهم لخدمة الناس الذين يقبلون سواء في الجمعيات أو المواقف أو غيرها
مشكلتنا مع الي ينحرجون فيخلونهم يتمادون في إحراج الآخرين

يعني مشكلة ثقة وقوة كلمة

الذين ينحرجون ممكن يوضحون لي ليش ينحرجون ؟؟

طبعا اسلوب الإحراج هو اسلوب يستخدمه المسوقون لتسويق بضاعتهم للمنحرجين ( في نظرهم سذج ) وعقب ما يقفي يضحك على المنحرج
لأنه باعه ما لا يريد بمبلغ هو يريده

[كيلو حديد]

على فكره
هذا مب بغشيش

هذا


حق

نظير خدمة وهو واجب عليك وليس تفضلا

البقشيش يكون برضى دون إلزام وليس واجب وهو تفضلا منك على الآخر

[كيلو حديد]

سالفه مأنساها صارت في احدى الجمعيات ايام العلوج والحلاوه
وحده محمله قاريين ترس بعد ماحاسبت باقي لها ربع ريال جان يعطيها علوج
هني نرفزت وقطت العلوج على الطاوله وبدأت بالردح والصراخ انا ابي الربع ريال والجمعيه مافيها عطلت السيد كامل
صراحه الكل استاء من تصرفها تمت واقفه ربع ساعه لين ماجابوا لها ربع ريال
و2 من العمال واقفين خلف القاري يبي يوصلون لها الاغراض قلت ابي اشوف ايش بتسوى مع العمال ربع ريال ماطاعت تتنازل
عنه عيل ايش بتسوي مع هالفقارى تصدقون بعد مانزلوا الاغراض في السياره اعطت كل واحد 20 ريال
هي عندها مبداء عدم استغلال مؤسسه كبيره للناس

تعجبني
أرفع لها القبعة
الله يبارك فيها ويزيدها قوة و يكرمها
إنسانها ما ترضى حد يستغفلها ويضحك عليها ويستهبل عليها
إنسانه عطت من خدمها ورفضت أن تتنازل عن حقها لو ربع ريال
المصيبه البعض يسميه كرم هههههههههههههههههههههههههههههههههههههههههههههههههه هههههههههههههههه

تعجبني والله

[كيلو حديد]

مختلف جدا
الله يرزقهم
نطالب بالتنظيم وليس المنع ..
لأن الحاصل فوضى مزعجة لهم وللناس:



وكاتبة الموضوع ماتدري .. عامل الجمعية نعطيه بخشيش ولا نعطيه حقّه ؟
ولو حقّه .. كم اللي يرضيه؟



حنا نطالب بتثبيت السعر
سواء كان ريالين أو 5 أو 10
وين المشكلة؟ اللي عنده اعتراض يكتب السبب مشكورا

أعترض
لأن المشكله مب بالعامل المشكله بالي ينحرج
ينحرج ليش
مثل ما ذكرت لرفع الحرج عن الزبون .. الزبون ينحرج عيل العامل يستحق المبلغ لأنه أستغفل المنحرج
والي يرضى عامل يستغفله ما أرضى إنه يكون سبب في وضع مبلغ معين ممكن ما يعجبني
ممكن أقيم الخدمه بريال يحطونها عشره ريال ليش
عشان يرفعون الحرج منه
مدري عروس وخاطبينها ولا شنو السالفه
حرج حرج

السالفه عمل وخدمه تقبلها تدفع ثمنها والي تعتقد انه يتناسب معها
ما تبغي لا تطلب الخدمه ولا تنحرج من حد

الناس لازم يتغيرون و يعرفون يتصرفون مع هالأمور التافهه
ما ألوم العامل يستغفل الناس والناس على بالهم طيبه وهي لا طيبه ولا شيء

[مضارب دوسري]

عطيه المقسوم طالما انه وصل لك الاغراض للسيارة لانها مب شغلته و هم يحسبونها من هالناحية و فرحانيين فيها و يدورون على العشرة و الخمسة ريال

اتفق مع هذا الراي

وانا لما يكون ما عندي خرده او الاغراض بسيطه
ما اخليهم يوصلون لي للسياره حتى لو اصروا على ذلك

لان هذا مب شغلته واذا بتخليه يسويها لك فالمفروض منك انك تعطيه المقسوم ريالين او خمس ريال


اما نوعية اللي يكنسون عن باب السياره ف ما اعطيهم وجه كلش
وحتى اللي يعرضون خدمات الغسيل

[كيلو حديد]

ان شاءالله ابشروا
مادري ليش حسيت اني انسانه سيئة او بخيلة رغم ان الموضوع مب جذيه مثل ماوضحت في ردودي فوق :(

أنت لا سيئة ولا بخيله

أنت فقط لم تعطينه حقه
وبالأساس لو كنت رافضه و وضحتي له أنك رافضه وأصر ما يستاهل ويعتبر درس له
ولو كنت قلتي له من البدايه
يوصل الغاري فري كنت أزلت العتب على نفسك

بشكل عام الإحراج لا يلغي حقه في قبض ثمن خدمته


أحس اني متحمس للموضوع هههه

[مرتبش]

ما اقسى قلوب بعض البشر .. يحضرون مئات العمال ويرمونهم في الشمس والحر (بلا راتب) وينتظرون الناس ان تساعدهم بغسل سيارة او حمل اغراض .. نعم انها الحضارة لدى البعض

[<اضرب واشرد>]

على فكره
هذا مب بغشيش
هذا
حق
نظرير خدمة وهو واجب عليك وليس تفضلا

الحق واضح
الحين تروح الدكان تشتري شيء
يوم تقول له: "كم رفيق؟"
يعطيك سعر ثابت
مايقول لك "كيفك بابا" .. الترجمة: "والله أنت قطري وغني وأنا حطيتك في الشيمة .. عطني على مستواك يالغني .. لاتعطيني على مستوى الغرض اللي شريته/الخدمة اللي وفرتها لك" .. ولما تلزّم عليه يحدد حقه بنفسه، ينصب عليك، وإن كنت غشيم بأسعار السوق/أسعار منافسيه .. ماتقدر ترد عليه

ونفس الشيء يتكرر مع فني المكيفات أو البيفيتر أو .. إلخ أي شركة/محل يقدم خدماته
السعر حسب الجنسية وحسب حجم الفيلا (المستوى المادي)

عقود البيع والشراء واضحة
هذي الضبابية أكل فلوس الناس بالباطل
خل يرفعون الأسعار 10 أضعاف ماعلينا .. بس يثبتونها ويمنعون التحايل فيها، ويكون كل طرف على بيّنه .. اللي يبي يدق عليهم واللي مايبي يشوف له دبره

أمس عضوة منزلة موضوع عن تلاعب شركات التأمين ونصبها على عملائها القطريين:
http://www.qatarshares.com/vb/showthread.php?622146-%C7%C8%ED-%E3%D3%C7%DA%CF%C9

الحين لو شركات تأمين مرخصة تنصب علينا ؟.. فما بالكم باللي لاحسيب ولارقيب عليهم .. ولا قانون يضبطهم؟

[فيصل99]

ماعرف شي اسمه بخشيش اجباري وأيد من العمال يتمسكنون وخذوها عاده نفس الي في وقود والغسيل بشكل عام والي يكنسون الشارع يجييك يستعطفك مخلي الوصاخه ويخم عندك والمكان حولك نظيف هذا استدراج واستغفال هذول يبطون ما عطيهم ماحب حد يستغلني ولا يجبرني والي ما يسال اروح لعنده وأعطيه بنفسي بالنسبة لموضوع الي وصل الأغراض وما عطيتيه ترا هاي مب شغلته يوصل ودام ماكان عندج حتي لو ريال واحد كان اعتذر تي منه بابتسامه وشكرتيه مب ثانكيو بشكل جاف
وإذا صدر اي ردة فعل ثانيه منه مع أني ماعتقد فالتطنيش افضل حل اما الي يمسح الجامه بدون ما اطلب منه عقب مايخلص بقوله انا ما طلبت منك ��

[كيلو حديد]

الحق واضح
الحين تروح الدكان تشتري شيء
يوم تقول له: "كم رفيق؟"
يعطيك سعر ثابت
مايقول لك "كيفك بابا" .. الترجمة: "والله أنت قطري وغني وأنا حطيتك في الشيمة .. عطني على مستواك يالغني .. لاتعطيني على مستوى الغرض اللي شريته/الخدمة اللي وفرتها لك" .. ولما تلزّم عليه يحدد حقه بنفسه، ينصب عليك، وإن كنت غشيم بأسعار السوق/أسعار منافسيه .. ماتقدر ترد عليه

ونفس الشيء يتكرر مع راعي المكيف أو البيفيتر أو .. إلخ أي شركة/محل يقدم خدماته
السعر حسب الجنسية وحسب حجم الفيلا (المستوى المادي)

عقود البيع والشراء واضحة
هذي الضبابية أكل فلوس الناس بالباطل
خل يرفعون الأسعار 10 أضعاف ماعلينا .. بس يثبتونها ويمنعون التحايل فيها، ويكون كل طرف على بيّنه .. اللي يبي يدق عليهم واللي مايبي يشوف له دبره

أمس عضوة منزلة موضوع عن تلاعب شركات التأمين ونصبها على عملائها القطريين:
http://www.qatarshares.com/vb/showthread.php?622146-%C7%C8%ED-%E3%D3%C7%DA%CF%C9

الحين لو شركات تأمين مرخصة تنصب علينا ؟.. فما بالكم باللي لاحسيب ولارقيب عليهم .. ولا قانون يضبطهم؟

سلامتك أخوي
هو حق سواء بإتفاق وسعر ثابت نفس السوبرماركت
أو حق متروك لك تقديره وتثمينه بغض النظر عن ترجمته وتفسيره
سيدنا عمر كما في توقيعي ما حدد سعر ثابت للحم وقال للناس أرخصوه
رضي الله عنه وأرضاه
يعرف حركات الناس و ما يبغون يتعبون ولا يبغون يفهمون الحياه ولا يبغون يتصرفون

في الشرع هو خدمك بخدمه لها مقابل تقدرها وتعطيه أو تتفق معاه من البدايه أو ترفض
جعل كل شيء مثل السوبرماركت لا يعني التنظيم بقدر ما يعني أن الناس ذوي شخصيات ضعيفه
وهذا الذي يجعل الناس تطالب بتثبيت الاسعار أو وضع قيمه لها أو يدورون حد يحميهم هههه
وهذه بروحها أساس المشكله لأن المستغلين يعرفون هذا الضعف فيستغلوه ويستفيدون من وراه
و البعض يعتبرها طيبه وحقيقة هي ليست بطيبة وإنما سذاجه وعدم فهم للحياة و تعود على أن يكون كل شيء جاهز وما أوجع رأسي
محد يبغي يفهم الحياة ويعرف يتصرف
لازم كل شيء جاهز

ليست ضبابيه ولا أكل أموال الناس بالباطل وإنما جهل من الناس وعدم رغبه في تقدير الأمور
ياخوي جبت عامل كربائي قالي بكيفك قلت له خمسين , قال لي لا يعطون ميه
عطيته ميه لأني أعرف السعر مية ريال , لو قال مية وخمسين ما عطيته
وهذا عقد شرعي حلال لم يضحك علي وإنما ترك لي تقدير الأمر وعندما أبخسته دافع عن حقه ليش ما أصير مثله وأدافع عن حقي
لو غيري عطاه خمسميه حلال عليه حقيقة
محد يبغي يتعب يتعلم ويفهم الحياه وكيف تدور
الكل يبغي اللحم بسعر ثابت

وجود قوانين تنظم المؤسسات والشركات وتحمي الناس شيء
وإن الناس ينحرجون و يتنازلون عن حقوقهم بالإحراج والخجل هذا موضوع آخر مختلف تمام
ونقطتي تصب في قضية لماذا ينحرج الإنسان من هذا العامل ؟؟؟؟؟

لو جاك واحد يبغي يبيعك جوال غصب بتنحرج مثلا وتشتريه ؟؟
ولا جاك واحد يبغي يبيعك سيارته غصب لأنه مديون بتشتريها ؟؟

موضوع التأمين له رد آخر لا يسعني ذكره هنا

اللهم أرضى عن سيدنا عمر كم فهمنا من الحياة وعلمنا كيف نعيش

[technical]

بسم الله الرحمن الرحيم ، المفروض على الشركات تقول إذا شريت بمبلغ كذا التوصيل للسيارة مجانا.

[فيصل99]

لا وبعض حمالين سوق واقف محددين كروته عششرة ريال للساعه مره تم معاي واحد اقل من ربع ساعه وعطيته عشرر قالي الناس يعطون خمسيين وفوق وانت بس عشر قلت هاتها انا محتاجها وخذتها منه وولوا ما ألح علي جان مارجعت له ورجع يتحلطم هاي نموذج بعض من الفئة ذي انه خذو البعض منهم الا كرامية عاده وبأكثر هم الي ينحرجون ويدفعون

[<اضرب واشرد>]

سيدنا عمر كما في توقيعي ما حدد سعر ثابت للحم وقال للناس أرخصوه

يالطيب القياس خاطئ
أنت ما تاكل اللحم وبعدين تقول له: بكم اللحم اللي دخل بطني قبل شوي؟
أنتوا تتفاوضون على السعر قبل (عقد البيع والشراء)

ليش مايحددون أجرة الكهربائي وغيره، بالساعة الواحدة ؟




جعل كل شيء مثل السوبرماركت لا يعني التنظيم بقدر ما يعني أن الناس ذوي شخصيات ضعيفه
وهذا الذي يجعل الناس تطالب بتثبيت الاسعار أو وضع قيمه لها أو يدورون حد يحميهم هههه
وهذه بروحها أساس المشكله لأن المستغلين يعرفون هذا الضعف فيستغلوه ويستفيدون من وراه

جهل من الناس وعدم رغبه في تقدير الأمور

وجود قوانين تنظم المؤسسات والشركات وتحمي الناس شيء
وإن الناس ينحرجون و يتنازلون عن حقوقهم بالإحراج والخجل هذا موضوع آخر مختلف تمام
ونقطتي تصب في قضية لماذا ينحرج الإنسان من هذا العامل ؟؟؟؟؟



وليش نحتاج جهه رقابيه و جهه أخرى تراقب الرقابية وهكذا
لا يعني لا وتنتهي السالفة

عموما دام خدمك عطيه لو ريال
البعض يستحي فيعطيه عشره
ثم يتعود العامل فإذا عطيته ريال ولا ريالين ولا خمس يزعل

المشكله تأتي من المنحرجين هم الي يخلون هؤلاء يتمادون
وجودهم لخدمة الناس الذين يقبلون سواء في الجمعيات أو المواقف أو غيرها
مشكلتنا مع الي ينحرجون فيخلونهم يتمادون في إحراج الآخرين

يعني مشكلة ثقة وقوة كلمة

الذين ينحرجون ممكن يوضحون لي ليش ينحرجون ؟؟

طبعا اسلوب الإحراج هو اسلوب يستخدمه المسوقون لتسويق بضاعتهم للمنحرجين ( في نظرهم سذج ) وعقب ما يقفي يضحك على المنحرج
لأنه باعه ما لا يريد بمبلغ هو يريده


أعترض
لأن المشكله مب بالعامل المشكله بالي ينحرج
ينحرج ليش
مثل ما ذكرت لرفع الحرج عن الزبون .. الزبون ينحرج عيل العامل يستحق المبلغ لأنه أستغفل المنحرج
والي يرضى عامل يستغفله ما أرضى إنه يكون سبب في وضع مبلغ معين ممكن ما يعجبني

الناس لازم يتغيرون و يعرفون يتصرفون مع هالأمور التافهه
ما ألوم العامل يستغفل الناس والناس على بالهم طيبه وهي لا طيبه ولا شيء

ليش ينحرج؟
والله سؤالك غير شكل يالحبيب
ربك خلقه حياوي يستحي يرد السائل
أو يمكن مطلع له مرسيدس أقساط ومستحي يبيّن أنه فقير ومديون، فيعطي العامل فوق حقّه إذا قال له: "كيفك بابا.. كيفك ياراعي المرسيدس.. عطني اللي تعطيني"

كلامك جميل وممكن نفتح موضوع ثاني عن تطوير النفس والشخصية وتوعية المستهلك .. إلخ
بس هالكلام ما له علاقة برفضك (للضوابط والقوانين)

في حين تُقِر باستغلال العمال لـ ( الجاهل .. الخجول .. "ضعيف الشخصية" .. "الطيّب" )
في نفس الوقت تقول (يستاهلون الاستغلال .. الخطأ خطأهم .. مانحتاج قوانين)
وهذا تناقض بارك الله فيك
فهي صفات وأطباع بشرية وليست جرائم/ذنوب يستاهلون اللي يجيهم بسببها كما تقول.

[معماري قطري]

أجي سيارتي تلق يقول باباه يبي غسيل

ووالله صاحبة الموضوع ما تستاهل لو تابعته ومبلغة العضيد عليه والا مشتكية عند الادارة كان تأدب

وعن الراتب اخوي سالم الزهران مؤكد اللي موصل لك المعلومة غلطان العامل الحين قووا راْسه

[بومحمد المطاوعه]

أجي سيارتي تلق يقول باباه يبي غسيل

ووالله صاحبة الموضوع ما تستاهل لو تابعته ومبلغة العضيد عليه والا مشتكية عند الادارة كان تأدب

وعن الراتب اخوي سالم الزهران مؤكد اللي موصل لك المعلومة غلطان العامل الحين قووا راْسه

اي والله يجوني حزات وموتري مغسول
اقوله اي
سوي غسيل زياده سكرر اوكي صديق

يضحك ويحرك هههههه

[كيلو حديد]

هلا أخوي اضرب واشرد
بداية مقولة سيدنا عمر في نظري هي مدرسة كاملة في الإقتصاد .. تنمي الناس ليكونوا أقوياء
قياسي مب خاطىء لأنه توضيحي لكيف أن الناس يبحثون عن تثبيت الأسعار
كسلا و بحثا عن الراحة .. و تنمية للضعف عند الناس ..
ومعروف أن خدمات كثيره لا تقوم على مبالغ ثابته أو أتفاق مسبق وإنما بالعرف وبالأساس تثبيت الأسعار ليس مع العدل ..
الي يدز غاري فيه مية كيس مب مثل الي يدز غاري فيه كيسين ..

وفي حال خوفك من عدم وجود عقد قوله من البدايه المبلغ رضي تمام ما رضى خلاص
ولكن حتى هالموضوع محد مستعد يسويه

بالنسبه للتناقض المتعلق بين خجول وضعيف ثم قولي يستاهلون
فالخجل ليس صفة سلبية ولكن أستخدامه لها استخدام سلبي
الخجل يمنعك من الخطأ ولا يجعلك ضعيفا و هزيلا وقابلا للإستغلال
ولهذا هو يستحق لأنه بالأساس قبل أن يستغله آخر تحت هذا المسمى
وأستخدامي للمسمى هو مبني على استخدام الناس له

الحياة والدين لا يدعون للضعف و الخجل الهزيل (ضعف مخجل حقيقة )
ضعف وخجل من عامل يقدم خدمه
هو يستحق و يستاهل وأقولها لكثير من الربع أقول تستاهلون عشان يتعلمون
من يجعل من نفسه ضعيفا فيستحق ما يجري له ترى الموضوع مب ظلم ولا غصب وإنما اختيار
والمثل يقول من جعل نفسه سبوب العبت فيه الدجاج

يعني لو جاني راعي المرسيدس وقالي يا كيلو أنقذني قص علي العامل
أبغي قانون يحميني هههههههه تعتقد وش ردي بيكون عليه

الله يرحم والديك يا اضرب هذا مب خجل أو احراج محمود تنحرج من أنك تسوي شيء خاطىء
هذا ضعف تحت مسمى احراج مبني اساسا على قيم مظهريه اجتماعيه
نفس الي يستحي يطالب بالنص ريال بالجمعيه
هذا ما يستحق الحماية هذا يستحق دورة في تنمية الذات

[كيلو حديد]

أجي سيارتي تلق يقول باباه يبي غسيل

ووالله صاحبة الموضوع ما تستاهل لو تابعته ومبلغة العضيد عليه والا مشتكية عند الادارة كان تأدب

وعن الراتب اخوي سالم الزهران مؤكد اللي موصل لك المعلومة غلطان العامل الحين قووا راْسه

ههههههههههههههههههههه
صدقت أخوي
مره بمواقف فيلاجيو يقولي العامل يبي غسيل
قلت له السياره كلين .. يس
قالي يس
قلت له عيل ليش تبغي تغسلها
غسيل فري تمام ههههههههههههههههههههههه
سكت وراح

[معماري قطري]

اذكر في مطعم في لندن كله عرب ما ابي أقول جنسيتهم كلنا وكان غالي وايد لو بروحي ما دخلته بس لي ربع داعيني دفع احدهم وجاني الجرسون .. ازاي الاكل يا باشا عقبك .. وتم يتملحس طلعت له اعتقد 10 جنيه وكنت مستكثرها عليه خذها وشافها وقال ايه دي لدول كلهم قمت غلغصت أصابعي بين أصابعه وطلعتها معفسة واحطها في مخباي رجعت سالمة وقلت له خلاص ما تبيها فارق .. تم يراضيني وهو مؤكد يسب في قلبه ولا عطته وجه

[كيلو حديد]

اذكر في مطعم في لندن كله عرب ما ابي أقول جنسيتهم كلنا وكان غالي وايد لو بروحي ما دخلته بس لي ربع داعيني دفع احدهم وجاني الجرسون .. ازاي الاكل يا باشا عقبك .. وتم يتملحس طلعت له اعتقد 10 جنيه وكنت مستكثرها عليه خذها وشافها وقال ايه دي لدول كلهم قمت غلغصت أصابعي بين أصابعه وطلعتها معفسة واحطها في مخباي رجعت سالمة وقلت له خلاص ما تبيها فارق .. تم يراضيني وهو مؤكد يسب في قلبه ولا عطته وجه
تعجبني الله يرضى عليك

تخيل لو أنا مكانك انحرجت منه وعطيته زود
و وصل الموضوع للقاضي
وقلت للقاضي انحرجت منه وعطيته عشرين ؟
المفروض القاضي يجلدني و يقولي لو انحرجت مره ثانيه تنجلد ضف

[<اضرب واشرد>]

ومعروف أن خدمات كثيره لا تقوم على مبالغ ثابته أو أتفاق مسبق وبالأساس تثبيت الأسعار ليس مع العدل ..
الي يدز غاري فيه مية كيس مب مثل الي يدز غاري فيه كيسين ..

يقدرون
حمالي بقاريه: يستلم x ريال
سواء كيسين أو عشر .. من باب الجميعة لباب السيارة
وأي مبلغ فوق الـ x ر.ق : صدقة عليه

مب تقدّر الأخت حقّه (المجهول..الضبابي)
ويقعد ينافخ عليها ويتشرط
أو يقول لها: خليه لج ما أبيه ((يالحرامية .. الوعد يوم القيامة مايضيع حقي))
كل هاللوية حلها بسيط: قوانين .. ضوابط

سلّم واستلم


الخجل يمنعك من الخطأ ولا يجعلك ضعيفا و هزيلا وقابلا للإستغلال
ولهذا هو يستحق

تقول: الخجول والخجولة يستاهلون
هذا رأيك الشخصي
وسواء اتفقنا أو اختلفنا معك: ما له علاقة بالمطالبة بالقوانين والضوابط
القانون لا يخيف إلا المحتالين

العمالة السايبة إذا ما شافوا لهم حل
فالظاهر أنهم تبع ناس كبارية جايبينهم على شركات،
ومعطين كل واحد كلك ماي وفانيلة مشققة يمسحون بها المواتر
ويدفعون للكفيل (...) ريال بالشهر

[حليتان*]

مب لازم تعطينهم خل يوليً

مره عطيت واحد 5 ريال قالي يبي 10

قلت له جيب ال5
عطاني اياها وينطر اعطيه العشر دقيت ريوس وسحبت عليه

[حليتان*]

اذكر في مطعم في لندن كله عرب ما ابي أقول جنسيتهم كلنا وكان غالي وايد لو بروحي ما دخلته بس لي ربع داعيني دفع احدهم وجاني الجرسون .. ازاي الاكل يا باشا عقبك .. وتم يتملحس طلعت له اعتقد 10 جنيه وكنت مستكثرها عليه خذها وشافها وقال ايه دي لدول كلهم قمت غلغصت أصابعي بين أصابعه وطلعتها معفسة واحطها في مخباي رجعت سالمة وقلت له خلاص ما تبيها فارق .. تم يراضيني وهو مؤكد يسب في قلبه ولا عطته وجه
صار معاي نفس الشي فلندن لكن محل دوم اتردد عليه مال ملابس
وفي وحده كل ماتشوفني تجي تركض تساعدني
مره عطيتها المقسوم راحت تركض خفت انا قلت لايكون فهمت غلط

جاني مديرهم قالي تصرفك مش محترم ومانبيك اشتري من عندنا قلت له ليش والاخت احذاه تصيح هني تصرقعت زياده قلت بس صارت تحسبني مغازلها
قلت له انا دوم اجيكم وانتو تعرفوني مره غلطت على حد وله شي قالي لا بالعكس قلت عيل شفيكم !

صرفها وقالي ان الموظفه فهمتني غلط هي كانت محتاجه وتبي سلف من الدوام وعبالها ان قالو لي قلت له لا والله مادري بس دام اني دريت الحين بعطيها زود ولدمت عليها وخذت المقسوم

[معماري قطري]

ههههههههههههههههههههه
صدقت أخوي
مره بمواقف فيلاجيو يقولي العامل يبي غسيل
قلت له السياره كلين .. يس
قالي يس
قلت له عيل ليش تبغي تغسلها
غسيل فري تمام ههههههههههههههههههههههه
سكت وراح

خذ هذي السالفة

في ميامي فقراء ينظفون بس مرايا السيارة عند الإشارة وشكلهم مقزز يجي يرش المراية سائل تنظيف من حلجه طبيعي يعني وينظف بفوطة صغيرة مقطعة اول ما تمشي عنه المراية تلمع شوي بس تضبب

[<اضرب واشرد>]

دقيت ريوس وسحبت عليه

:omg:



ولزمت عليها وخذت المقسوم

[معماري قطري]

تعجبني الله يرضى عليك

تخيل لو أنا مكانك انحرجت منه وعطيته زود
و وصل الموضوع للقاضي
وقلت للقاضي انحرجت منه وعطيته عشرين ؟
المفروض القاضي يجلدني و يقولي لو انحرجت مره ثانيه تنجلد ضف

والله يرضى عليك ويرحم والديك ومن يقرا

اللي معاي عجبه تصرفي وقال انا استحي منهم واكيد لكل واحد ردة فعل تختلف وهو توقع انحرج وأزيده

[معماري قطري]

:omg:

ما شاء الله عليك يا بوتركي

اماف ما قصر وتصرف حسب مقتضيات الظروف بس لازم نستفسر منه عالخاص عن حيثيات الظروف

[doha_vip]

لو جات على عمال الجمعية زين .. الاحظ عمال الغسيل في محطات وقود نفس الشي اول ماتدخل السيارة في الغسيل العامل اللي يرش الماي يبي ويناظرك كأنك بتغسل بلاش ومره من المرات عطيته 10 ولا عاجبه يبي اكثر .. والعمال اللي حق التنشيف نفس الشي بعد مايخلصون السيارة يوزعون ابتسامات وعاد افهمها لازم تعطيهم

[كيلو حديد]

يقدرون
حمالي بقاريه: يستلم x ريال
سواء كيسين أو عشر .. من باب الجميعة لباب السيارة
وأي مبلغ فوق الـ x ر.ق : صدقة عليه

مب تقدّر الأخت حقّه (المجهول..الضبابي)
ويقعد ينافخ عليها ويتشرط
أو يقول لها: خليه لج ما أبيه ((يالحرامية .. الوعد يوم القيامة مايضيع حقي))
كل هاللوية حلها بسيط: قوانين .. ضوابط

سلّم واستلم



تقول: الخجول والخجولة يستاهلون
هذا رأيك الشخصي
وسواء اتفقنا أو اختلفنا معك: ما له علاقة بالمطالبة بالقوانين والضوابط
القانون لا يخيف إلا المحتالين

العمالة السايبة إذا ما شافوا لهم حل
فالظاهر أنهم تبع ناس كبارية جايبينهم بأسماء شركات،
ومعطين كل واحد كلك ماي وفانيلة مشققة يمسحون بها المواتر
ويدفعون للكفيل 200-500 بالشهر

وجود قانون أخوي الكريم ما عندي مشكله فيه
أعتراضي مثل ما ذكرت أعلاه ممكن يكون في السعر
وإذا صار وحطوا قانون وعجبني السعر خير وبركه
ما عجبني الحمد لله على الصحة والعافية الله يديمها لين نموت علينا جميعا
بشيل أغراضي بروحي

والموضوع مب كبير ولا فيه لويه ووجع رأس
ما تبغي قول للعامل لا
تبغي عطه المقسوم
وبس

طيب من الحين لين يحطون قانون شالحل
الي كتبته هو نصيحتي للأخوان
وهي نصيحه من القلب و من تجارب الحياة
لا تخلون حد يستغلكم سواء بالحياء ولا الحجل ولا الإحراج ولا بأي طريقه كانت لأن الخجل نوع من الموافقه والتنازل عن الحق ..
ما أظن في كلامي شيء خاطىء

بالنسبه للمحتالين فهم موجودون سواء بوجود قانون أو عدمه ويدورون أي ثغره ليستغلوا الناس منها ..
في مناطق هناك قانون يحمي الناس فيها
ولكن في المناطق التي لا يوجد بها قانون أو القانون ضبابي مثلما ذكرت بالنسبه للموضوع على الإنسان أن يحمي نفسه
ويقوي عزيمته ولا يترك أحد يستغله و يسحب منه جهده ولا يدور مبررات الصدقه والعطف والعطاء ليتحايل على نفسه
الإنسان يعطي بخيار وقدره ورغبه وحريه خاليه من مشاعر الحرج هنا يكون العطاء أجمل لأنه خيار حقيقي
نصيحتي لأني أنققهر على الناس وأنا اشوف كثيرين يستغلوهم ويلعبون على الأمور النفسية فيهم ..

[كيلو حديد]

خذ هذي السالفة

في ميامي فقراء ينظفون بس مرايا السيارة عند الإشارة وشكلهم مقزز يجي يرش المراية سائل تنظيف من حلجه طبيعي يعني وينظف بفوطة صغيرة مقطعة اول ما تمشي عنه المراية تلمع شوي بس تضبب

ذكرتني بمقطع مطرشينه ع الوتساب
عامل ينظف السيارات ويطلب فلوس
راعي السياره يطلع من الباب ينظف وجه العمل ويطلب منه فلوس ههههههه

[<اضرب واشرد>]

لازم نستفسر منه عالخاص عن حيثيات الظروف

:nice::discuss:



والموضوع مب كبير ولا فيه لويه ووجع رأس
ما تبغي قول للعامل لا
تبغي عطه المقسوم
وبس


متأكــــد؟
زين هذي المواقف شنو سببها:


مب لازم تعطينهم خل يوليً
مره عطيت واحد 5 ريال قالي يبي 10
قلت له جيب ال5
عطاني اياها وينطر اعطيه العشر دقيت ريوس وسحبت عليه

سببها أن (الحق مجهول)
وأشك في شرعية مثل هذي التعاملات
ونشوف كيف تسبب مشاحنات وأحقاد بين الطرفين وعدم رضا

[معماري قطري]

ذكرتني بمقطع مطرشينه ع الوتساب
عامل ينظف السيارات ويطلب فلوس
راعي السياره يطلع من الباب ينظف وجه العمل ويطلب منه فلوس ههههههه

اللي في ميامي اغلبهم مدمنين وبدون منزل بس بعد يسرقون لو حصلوا فرصة .. السياح خصوصا الاوروبيين الرجال يسوق وشنطة زوجته تحت رجلها يكسر الجامة ويسرق الشنطة ويركض عنهم

[معماري قطري]

نوم تايم بانكوك تايم نكمل نقاشنا بكرة

[كيلو حديد]

:nice::discuss:



متأكــــد؟
زين هذي المواقف شنو سببها:





سببها أن (الحق مجهول)
وأشك في شرعية مثل هذي التعاملات
ونشوف كيف تسبب مشاحنات وأحقاد بين الطرفين وعدم رضا
الله المستعان وننتظر القانون وليومها كلن يسوي الي يشوفه صح


نوم تايم بانكوك تايم نكمل نقاشنا بكرة

نوم العافية

[العلياا]

على فكره
هذا مب بغشيش

هذا


حق

نظير خدمة وهو واجب عليك وليس تفضلا

البقشيش يكون برضى دون إلزام وليس واجب وهو تفضلا منك على الآخر

حقه ؟!!!

انا اول مره اعرف انه هذا حق وواجب علي اني اعطيه
طيب ليش ما يحطون لنا بوست او يكتبون على تيشيرتاتهم ان لهم المبلغ الفلاني
عشان الناس الغشيمة اللي طول عمرها تعطي بدافع الصدقه او دفع البلاء مثل ما علمونا والدينا
ما تهضم حقهم !!

ومن باب الحق
هل من حقك تاخذ العامل ( اللي مب شغلته يودي الاغراض السيارة) يوصل لك الاغراض
ومش من حقي انه يخدمني ويحط لي الاغراض في الاكياس ( اللي هي شغلته اللي يتقاضى عليه راتب) ؟؟

نبي نعرف حقوقهم ولانتعدى عليها ولا يستغفلونا


أنت لا سيئة ولا بخيله

أنت فقط لم تعطينه حقه
وبالأساس لو كنت رافضه و وضحتي له أنك رافضه وأصر ما يستاهل ويعتبر درس له
ولو كنت قلتي له من البدايه
يوصل الغاري فري كنت أزلت العتب على نفسك

بشكل عام الإحراج لا يلغي حقه في قبض ثمن خدمته


أحس اني متحمس للموضوع هههه

لو هذا حماس احنا راضيين به
لكن احسه اتكلم بعصبيه :rolleyes2:

ولا ازيد على كلام اخوي اضرب واشرد بخصوص وضع اليه تعالج العشوائية اللي صايره
وهذا الهدف الاساسي من الموضوع

[العلياا]

اذا كان شايل الاغراض لين السياره بحسب وظيفته وملزوم بشيل الاغراض مب مجبور اعطيه ريال واحد

اما انه شايل الاغراض وهذا مب اختصاصه ولا مجبور اعطيه بحسن نيته لي انه شال الاغراض وشال عني تعب شيلها ويبغي شي بحاجته لعل هالريال او الريالين تاكل ايتام او ياكل فيها او يشرب فيها ومالنا الاجر ان شاء الله واذا مابغي اعطيه اقوله جزاك الله خير


اما بخصوص بعض المطاعم ومغاسل السيارات بعض الشباب خرب علينا وتعودو العمال على البخشيش

حتى بالصوالين النسائية فيه بغشيش ونعاني منها



الذين ينحرجون ممكن يوضحون لي ليش ينحرجون ؟؟


ببساطة انا واقفه فالكاشير وعرض علي العامل انه يشلها
قلت له لا قال نو مام وماسك الاغراض ووراي عرب هل يعقل اقعد اجادله ؟؟
اكيد بنحرج وبخليه يشيليهم

بعكسك انت ك رجال بتقول له لا مايقدر يثني الطلب : )

[العلياا]

يقدرون
حمالي بقاريه: يستلم x ريال
سواء كيسين أو عشر .. من باب الجميعة لباب السيارة
وأي مبلغ فوق الـ x ر.ق : صدقة عليه

مب تقدّر الأخت حقّه (المجهول..الضبابي)
ويقعد ينافخ عليها ويتشرط
أو يقول لها: خليه لج ما أبيه ((يالحرامية .. الوعد يوم القيامة مايضيع حقي))
كل هاللوية حلها بسيط: قوانين .. ضوابط

سلّم واستلم



تقول: الخجول والخجولة يستاهلون
هذا رأيك الشخصي
وسواء اتفقنا أو اختلفنا معك: ما له علاقة بالمطالبة بالقوانين والضوابط
القانون لا يخيف إلا المحتالين

العمالة السايبة إذا ما شافوا لهم حل
فالظاهر أنهم تبع ناس كبارية جايبينهم بأسماء شركات،
ومعطين كل واحد كلك ماي وفانيلة مشققة يمسحون بها المواتر
ويدفعون للكفيل 200-500 بالشهر

بيض الله وجهك اخوي وماقصرت



أجي سيارتي تلق يقول باباه يبي غسيل

ووالله صاحبة الموضوع ما تستاهل لو تابعته ومبلغة العضيد عليه والا مشتكية عند الادارة كان تأدب

وعن الراتب اخوي سالم الزهران مؤكد اللي موصل لك المعلومة غلطان العامل الحين قووا راْسه

اعبر عن استيائي نعم ونطالب بوضع آليه تحدد لهم قيمة الخدمة المقدمه نعم
لكن نبلغ لا ماعتقد اني اقدر اسويها لا نبي نظلمهم ولا يستغلون احد : (

[العلياا]

ماعرف شي اسمه بخشيش اجباري وأيد من العمال يتمسكنون وخذوها عاده نفس الي في وقود والغسيل بشكل عام والي يكنسون الشارع يجييك يستعطفك مخلي الوصاخه ويخم عندك والمكان حولك نظيف هذا استدراج واستغفال هذول يبطون ما عطيهم ماحب حد يستغلني ولا يجبرني والي ما يسال اروح لعنده وأعطيه بنفسي بالنسبة لموضوع الي وصل الأغراض وما عطيتيه ترا هاي مب شغلته يوصل ودام ماكان عندج حتي لو ريال واحد كان اعتذر تي منه بابتسامه وشكرتيه مب ثانكيو بشكل جاف
وإذا صدر اي ردة فعل ثانيه منه مع أني ماعتقد فالتطنيش افضل حل اما الي يمسح الجامه بدون ما اطلب منه عقب مايخلص بقوله انا ما طلبت منك ��

عاد ثانيكو فيها لين وجاف !!
ياخوي ما انتبهت الا وانا فالسيارة ان الكاش اللي فالسيارة مخلص

ان شاءالله نتجنب هالشي المرة الجايه

[العلياا]

شكراً لكل من شارك واعذرونا ان ما عقبنا على اي مشاركة

جزاكم الله خير

[بومحمد المطاوعه]

اذا خدمني في شي بعطيه المقسوم
شل اغراض ولا مسح موتري ولا اي شي

اما ماخدمني بشي
وجاي يمسح الارض جنب موتري ويسوي حركات
مشكلته ،،

بيحصل مني دعوة طيبه

الا وهي ،،
الله يعطيك ان شاءالله
وبس

[كيلو حديد]

حقه ؟!!!

انا اول مره اعرف انه هذا حق وواجب علي اني اعطيه
طيب ليش ما يحطون لنا بوست او يكتبون على تيشيرتاتهم ان لهم المبلغ الفلاني
عشان الناس الغشيمة اللي طول عمرها تعطي بدافع الصدقه او دفع البلاء مثل ما علمونا والدينا
ما تهضم حقهم !!

ومن باب الحق
هل من حقك تاخذ العامل ( اللي مب شغلته يودي الاغراض السيارة) يوصل لك الاغراض
ومش من حقي انه يخدمني ويحط لي الاغراض في الاكياس ( اللي هي شغلته اللي يتقاضى عليه راتب) ؟؟

نبي نعرف حقوقهم ولانتعدى عليها ولا يستغفلونا



لو هذا حماس احنا راضيين به
لكن احسه اتكلم بعصبيه :rolleyes2:

ولا ازيد على كلام اخوي اضرب واشرد بخصوص وضع اليه تعالج العشوائية اللي صايره
وهذا الهدف الاساسي من الموضوع


لا مب معصب
أنا زعلان ومتضايق من الموقف الي صار لك ويصير لكثيرين
ومب لازم أكون معاك ضده عشان أثبت زعلي من الي صار لك

ورأيي وضحته و السموحه لو ضايقتك

[JN000N]

مرة واخر مره وتحسفت

عطيت واحد عند البقاله يقولي ابي اشرب ماي ماعندي فلوس

عطيته 10 ريال

دخل الدكان وطلع وزقاره ف حلجه

نزلت من الموتر تزانطت معاه زين ماذبحته
ودخلت يدي ف مخباه سحبت ال10 ريال الي عطيته
وقلت له اذلف

انت عطيته خلاص
ماله داعي ترد له وتسحبها من عنده عشان بس جفته يدخن!
المن حرام
دامها طلعت من جيبك لا تراقب وين راحت ضيعت اجرك والله

[بومحمد المطاوعه]

انت عطيته خلاص
ماله داعي ترد له وتسحبها من عنده عشان بس جفته يدخن!
المن حرام
دامها طلعت من جيبك لا تراقب وين راحت ضيعت اجرك والله

عاد ضيعت اجري ولا ماضيعت هالشي ف يد رب العالمين
مب احنا البشر نحدد لنا اجر ولا مالنا

وبعدين هذي غلطه مني المفروض ما اعطيه اصلن

لو محتاج يروح الجمعيات يعطون

وبسحبه منه مدام شفته يدخن يبطي يدخن على حسابي

اول شي كذب علي وقال ماعندي اشرب ماي
وعقب طلع من الدكان يدخن

يعني جذاب

[بومحمد المطاوعه]

المقصد ياجنون

ان هذيله
الكثير منهم جذابين واستقلاليين

وليش نعودهم على هالشي

البعض منهم شاردين من كفلائهم ويمكن عليهم مشاكل وبلاوي

المحاتجين معروفين وين اماكنهم مب من هب ودب مد يده اروح اطلع الي ف جيبي واعطيه ،،

10 مني ومن غيري
بيجمع مبلغ محترم خلال شهر بيوصل
ولا راتب مدير

واحنا المقصه فالاخيرر

[حليتان*]

:nice::discuss:



متأكــــد؟
زين هذي المواقف شنو سببها:



سببها أن (الحق مجهول)
وأشك في شرعية مثل هذي التعاملات
ونشوف كيف تسبب مشاحنات وأحقاد بين الطرفين وعدم رضا

الموضوع مب موضوع 5 وله 10

الموضوع لي متى العالم بيجوفونا بنك متحرك اذا بعطيك بعطيك من نفسي مش تجبرني

يارجل حتى برع لبلاد اذا درو انك من قطر على طول يقصبونك

[بعيد النظر]

محد جابركم على شي ..
والسالفة انسانية .. وانت اللي تقيم بنفسك ..


سوى شي .. عطه اللي فيه المقسوم ..
ما سوى مب مجبور لو يوقف ارقوز عند التاير !


مادري ليش مطوليييييييييييين السالفة !
اللي يحسب كم يجمع في الشهر .. واللي يجوف شسوى في الفلوس !!


ما تبون تعطونهم لا تعطونهم .. بسيطة !
مب تعطونهم وتقولون يستغلونا !!!!!!!!!!!!!!!


ترا محد جبركم .. ولا حد ضربكم على يدكم !



الـ ريالين ولا الـ 5 ولا الـ 10 ..
باذن الله تكون عند رب العالمين شي .. وكلـ ن على نيته !!

[مختلف جداََ]

108 ردود :omg: :rolleyes2:
مب هينه يالعلياا والله

[بوخالد911]

المقصد ياجنون

ان هذيله
الكثير منهم جذابين واستقلاليين

وليش نعودهم على هالشي

البعض منهم شاردين من كفلائهم ويمكن عليهم مشاكل وبلاوي

المحاتجين معروفين وين اماكنهم مب من هب ودب مد يده اروح اطلع الي ف جيبي واعطيه ،،

10 مني ومن غيري
بيجمع مبلغ محترم خلال شهر بيوصل
ولا راتب مدير

واحنا المقصه فالاخيرر

مساك الله بالخير

هي اطرارة أكثر من أداء للوظيفة

عموما أخبار ماليزيا والأماكن اللي نصحتك ابها ، هل أعجبتك؟

[هيليوم]

ان كنت قلتي له انك بتاخذين القاري وهو اصر الا يوصل فهذي مشكلته

[العرابي]

الله يكون بعونك

معلومه في اشخاص غايبه عنهم وهو بسبب ارتفاع الاسعار بالخليج

قصه

وحده فلبينيه خادمه عند عمي قلت ابي اسالها عن العقار عندهم تقول انا بابا سوي فله في فلبين والحين ابي اشتغل سنه زياده عشان سوي فله ثانيه وحده استثمار ووحده اسكن فيها مع زوجي ��

طبعا راتبها 900 ريال سعر الفله عندهم 15 الف ريال

وواحد اخر هندي

تعرفت عليه بالدوحه راتبه حدود 3000 زعلان وايد

بعد ماتعرفت علمني اشياء كثيره زوج بناته كلهم طبعا الزوجه تدفع المهر بالهند

وراني منتجع يشبه منتجع البنانا قلت ماشاء الله حلو هذا فندق كم ياخذ باليوم

قال هذا حقي انا �� يعني كم سعر المنتجع في الهند بناء على راتبه

الحين ابيكم تعرفون انواع الصدقه ممكن تشتري كيك او اي انواع من الاكل وتعطيها للعمال تكسب اجر افضل من انك تعطيهم كاش لان هم بيحولونها بلدهم ماراح يشتري شي من الدوحه لان شايف انه حرام اسراف هذي الفلوس ذهب بالنسبه لهم

أنواع الصدقات
* الكلمة الطيبة
* عون الرجل أخاه على الشيء
* الشربة من الماء يسقيها
* إماطة الأذى عن الطريق
* الإنفاق على الأهل وهو يحتسبها
* كل قرض صدقة، القرض يجري مجرى شطر الصدقة
* المنفق على الخيل في سبيل الله
* ما أطعم زوجته، ما أطعم ولده
* تسليمه على من لقيه
* التهليلة، التكبيرة، التحميدة، التسبيحة، الأمر بالمعروف، النهي عن المنكر
* إتيان شهوته بالحلال
* التبسم في وجه أخيه المسلم
* إرشاد الرجل في أرض الضلال إذا تاه رجل وضل الطريق
* ما أطعم خادمه، ما أطعم نفسه
* إفراغه من دلوه في دلو أخيه
* الضيافة فوق ثلاثة أيام
* إعانة ذي الحاجة الملهوف
* الإمساك عن الشر
* قول: أستغفر الله
* هداية الأعمى، إسماع الأصم والأبكم حتى يفقه،
* ما أعطيته امرأتك
* الزرع الذي يأكل منه الطير أو الإنسان أو الدابة
* ما سرق منه فهو صدقة
* وما أكله السبع فهو صدقة
* إنظار المعسر بكل يومٍ له صدقة

[معماري قطري]

ان كنت قلتي له انك بتاخذين القاري وهو اصر الا يوصل فهذي مشكلته

مشكلته ويتبلى اسود الفيس مثل التيس بو لونين وبعدين يرضخ الباب قوته حقوق العمال يسوون لهم حقوق غصب

[naklan]

انا أعطي لوجهة الله حتى عمال نضافة دورات المياة وعمال البلدية 10 ولا 20
تفرحهم وما تضرني واغدي العمال الي يشتغلون في الشارع حذا بيتي أعدهم واتصل للمطعم
يجيب غدا وبيبسي على عددهم اما بشان العامل الي يدز القاري الموافقة يعني له حق
يدفع نظير خدمة وما بتضر ال 10 ريال لو عطيناه

[راجي الْعفو]

حكم البقشيش

ما حكم الشرع فيمن أُعطي له مال وهو في عمله بدون طلب منه أو احتيال لأخذ ذلك المال ، مثال ذلك : العمدة أو شيخ الحارة ( الحي ) يأتيه الناس ليعطيهم شهادات ؛ لأنهم من سكان حارته ، ويعطونه فلوسا على ذلك ... فهل يجوز أخذ هذا ، وهل يعتبر هذا المال حلالا ؟ وهل يُستدل على جواز ذلك بحديث سالم بن عبد الله بن عمر عن أبيه عبد الله بن عمر ، عن عمر رضي الله عنهم قال : كان رسول الله صلى الله عليه وسلم يعطيني العطاء فأقول : أعطه من هو أفقر إليه مني ، فقال : ( خذه ، إذا جاءك من هذا المال شيء وأنت غير مُشْرفٍ ولا سائل فخذه فتموله ، فإن شئت تصدق به ، وما لا فلا تتبعه نفسك ) قال سالم : فكان عبد الله لا يسأل أحدا شيئا ولا يرد شيئا أعطيه متفق عليه .

الجواب : إذا كان الواقع ما ذكر فما يدفع لهذا العمدة حرام ؛ لأنه رشوة . ولا صلة لحديث ابن عمر رضي الله عنهما بهذا الموضوع ؛ لأنه في حق من أُعطي شيئا من بيت مال المسلمين من والي المسلمين دون سؤال أو استشراف نفس " انتهى .

فتاوى اللجنة الدائمة (23/548)



2- وسئل الشيخ صالح الفوزان حفظه الله : لدينا قصر أفراح ، وفيه طباخون ، وبعض الطباخين يطلب إكرامية بالإضافة إلى راتبه ؛ فهل يجوز إعطاء العامل مبلغًا من المال إكرامية؛ حيث إنه تعود أخذه من الناس‏؟‏

فأجاب : " إذا كان هناك عامل من العمال له راتب وله أجر مقطوع من صاحب العمل ؛ فلا يجوز لأحد أن يعطيه ؛ لأن هذا يفسده على الآخرين ؛ لأن بعض الناس فقراء لا يستطيعون إعطاءهم ؛ فهذا العمل سنة سيئة‏ "
انتهى من "المنتقى في فتاوى الشيخ الفوزان" ج 3 سؤال رقم (233).

[قطريه ماركه]

ميين يقوول مب شغله الا شغله و شغله انه يوصل الاغراض
لا عيل انا مره و اشتري كوارتين ماي و عصير و اشيا و احط جني ريال

لا الا يلحقني و يرفعهم للكاشير و يردهم
و يرد يحطهم ف السيارة

و ملابسهم بعد كاتبين عليها مي اي هيلب يو !!!
و الفلوس نعطيهم و الله يتقبل و يدفع البلاء عننا و عن المسلمين

بس البنت كاتبه انها توهقت و ما عندها خرده شتسوي في هالوقت !!
و السؤال الأهم يوم يشوفوننا نسوان و عبايات و عارفين هل قطر عدل يتمون ينطرون الخرده

لكن اذا شافوا الاجانب يسوون لهم نفس الشي ؟؟؟

[sweet qatar]

اتصلي على العمليات وقولي عن الشخص ومكانه وهم يتصرفون ان شاء الله

اتصل في 999 ؟؟؟؟


على فكرة بعض الشباب مب فاهمين شغلة

احيانا العامل ما ينطر إشارة ، ياخذ الأغراض ويطيرررر

ليكون تبوني اصرخ وسط العالم !!

في مواقف الآدمي ينحط فيها مجبور

فلا تتكلمون كن كل شي في الدنيا يوقف لين تفكر وتاخذ قرار !!

[العلياا]

لا مب معصب
أنا زعلان ومتضايق من الموقف الي صار لك ويصير لكثيرين
ومب لازم أكون معاك ضده عشان أثبت زعلي من الي صار لك

ورأيي وضحته و السموحه لو ضايقتك

لا والله ابد ما ضايقتني ولا شي
جزاك الله خير على تفاعلك الطيب مع الموضوع



الله يكون بعونك
معلومه في اشخاص غايبه عنهم وهو بسبب ارتفاع الاسعار بالخليج
قصه
وحده فلبينيه خادمه عند عمي قلت ابي اسالها عن العقار عندهم تقول انا بابا سوي فله في فلبين والحين ابي اشتغل سنه زياده عشان سوي فله ثانيه وحده استثمار ووحده اسكن فيها مع زوجي 😆



ما استغرب كلامك
مرة واحد من الاوفس بوي اللي عندنا يقولي انه شيرمن في بلاده لشركة كبيره ومعروفه عندهم الله يزيده :rolleyes2:


ميين يقوول مب شغله الا شغله و شغله انه يوصل الاغراض
لا عيل انا مره و اشتري كوارتين ماي و عصير و اشيا و احط جني ريال

لا الا يلحقني و يرفعهم للكاشير و يردهم
و يرد يحطهم ف السيارة

و ملابسهم بعد كاتبين عليها مي اي هيلب يو !!!
و الفلوس نعطيهم و الله يتقبل و يدفع البلاء عننا و عن المسلمين

بس البنت كاتبه انها توهقت و ما عندها خرده شتسوي في هالوقت !!
و السؤال الأهم يوم يشوفوننا نسوان و عبايات و عارفين هل قطر عدل يتمون ينطرون الخرده

لكن اذا شافوا الاجانب يسوون لهم نفس الشي ؟؟؟

لا ما يسوون لهم ولا حتى يقربون صوب الكاشير :)


محد جابركم على شي ..
والسالفة انسانية .. وانت اللي تقيم بنفسك ..

سوى شي .. عطه اللي فيه المقسوم ..
ما سوى مب مجبور لو يوقف ارقوز عند التاير !

مادري ليش مطوليييييييييييين السالفة !
اللي يحسب كم يجمع في الشهر .. واللي يجوف شسوى في الفلوس !!

ما تبون تعطونهم لا تعطونهم .. بسيطة !
مب تعطونهم وتقولون يستغلونا !!!!!!!!!!!!!!!

ترا محد جبركم .. ولا حد ضربكم على يدكم !

الـ ريالين ولا الـ 5 ولا الـ 10 ..
باذن الله تكون عند رب العالمين شي .. وكلـ ن على نيته !!

مو مطولين السالفة كل واحد ابدى رايه

عموماً

الفكره هي تزايد عدد العمال اللي يجونك صوب السيارة
واللي يبغي يساعدك ويحمل عنك واللي بس ينظف عشان ياخذ المقسوم
وفي حدى الايام شفت واحد صوب الاشارة يدور بمنظر يعور القلب واغلب اللي واقفين ماقصروا معاه

كل ما في الامر ان هالفئة قامت تتزايد بشكل ملحوظ وبكرا بنشوفهم بطرق جديدة
ويمكن بعضهم يترك شغلته او حتى يهملها ويبدا بهالشغلة المربحة وما تحتاج لاي مجهود
ونشوف عماله سائبة وطرق للاسترزاق بطريقة غير حضارية

وشكراً

[عاشق العديد]

مادري ليش هالمواقف ماتستوي معاي .. الا مره وحده ..

في هندي دايم اشوفه صوب البيت لحيه وشيبه .. وبس يقول الله اكبر ..

كسر خاطري وعطيته عشر وراح ..

شفته ثاني يوم يدور صوب بيتنا وثالث يوم ورابع يوم لابس ثوب وغتره .. شكيت فسالفه اتاريه يدش عند ابوي وكل يوم يطلع من وراه ب 50 ريال ..
فقمت وسئلته انت مسلم قالي الله واكبر .. قلت له وبعد وبس طلع يمثل ع الامه ولا مب ابوي بس الي طاح فالفخ وانا حتى شيبان الفريج مدلعينه دلع مايحتاج جاري يقولي عطيته ملابس وفلوس حول 500 ريال .. ومن صدت السالفه ماقام يمر ولا يبربر صوب المكان .. مادري سفروه ..

[Riku3]

اذكر في مطعم في لندن كله عرب ما ابي أقول جنسيتهم كلنا وكان غالي وايد لو بروحي ما دخلته بس لي ربع داعيني دفع احدهم وجاني الجرسون .. ازاي الاكل يا باشا عقبك .. وتم يتملحس طلعت له اعتقد 10 جنيه وكنت مستكثرها عليه خذها وشافها وقال ايه دي لدول كلهم قمت غلغصت أصابعي بين أصابعه وطلعتها معفسة واحطها في مخباي رجعت سالمة وقلت له خلاص ما تبيها فارق .. تم يراضيني وهو مؤكد يسب في قلبه ولا عطته وجه
رحت مطعم تركي في امريكا والموظف الي مسك طاولتي كان ممتاز ويسولف ويعرف عربي عدل وما قصر معاي مع ان الاكل ما عجبني .. قلت بعطيه عشر دولارات اخر شي لان هناك عايشين على بقشيش الزباين ..

الا احصل في الفاتورة كاتبين " نسبة البقشيش المقترحة 25 دولار " هههههه .. خذت باقي فلوسي وحطيت 10 ونزلت راسي وطلعت :rolleyes2: .

[يمامـة]

اتفق مع اخوي كيلو حديد في كل حرف شارك فيه في هالموضوع..

للعلم ارجع و أقول: احنا اللي بيدنا الحل.. نرفض نعطيهم شي..
او نعطيهم بسكات.. فاللي يرفض يعطيهم ما يقدر يجبر اللي يعطونهم يمنعون عطايهم..

لذلك الحل من الأساس يكون من خلالنا احنا من البداية وبشكل حازم نقول:
Pardon Rafeq ما يبي انت يودي أغراض وشكرا لك..

نقوي شخصيتنا ونطور قدراتنا على مواجهة المواقف وبنفتك من الاحراج اللي الأعضاء
يتكلمون عنه في هالموضوع عند التعامل مع هالناس.. وفي الوقت نفسه نمنع نفوسنا من الاحراج
لما نتكلم عنهم امام الاخرين كأن لنا فضل عليهم علشان 10 ريالات او 5 ريالات وفي الأخير نقدر نمنع هالمبلغ عنهم..

فاساس الموضوع بكبره محصور في كيفية ادارتنا للموقف..
فان تم تحديد رسوم خاصة فيهم.. فاكيد بيكون هناك اللي بيطلب اكثر..
وان منع عنهم رسوم الخدمة بحكم انهم يستلمون رواتبهم بعد بنلقى اللي بيطلب..
فالافضل نطور من اساليبا وطرق مواجهتنا للمواقف..


اما عمال النظافة.. ياليت الشباب اللي يتشكون في الموضوع عنهم يكون لهم دور إيجابي معاهم
بحيث انهم بحكم انهم شباب يقدرون يكلمون هالعمال ويطالبونهم انهم يشوفون اشغالهم وينظفون الشوارع
ولا بيتم الإبلاغ عنهم..............> فمب شرط ان الواحد يبخهم بفلوس.. لكن ممكن يبخهم بنصيحة فيها تحذير
وبأسلوب ذرب .. وبالشكل هذا البلاد استفادت وهو طلع بنتيجة من موقفه معاهم..

وشكرا لكم

[شبح الصمت]

ترى البخشيش في كل الدول مب بس اهنيه ..

حتى في بعض الحمامات تكرمون ويكرم الحاضرين تدخل الحمام الهندي مسكين يكون ناطرك اول ما تغسل يدك يطلع لك الفاين

انت في خاطرك بتقول ياليل اشكره يبي مني شيء ..
بس يمكن اهو يبي يسهل لك الموضوع ويمكن يبي تعطيه اكرامية لانه الي قبلك اهو الي عطاه !!


يعني احنا الي عودناهم على هالشيء لو ما عودانهم على انهم ينتظرون منا شيء ما كانوا انتظروا والا شافووو لنا بهالنظرة ..

[Azizuk]

على طاري البشخيش

اول أمس راجع من السفر ورحت سوق الخضرة أمير البيت مره وحدة

وجاو الحماليه يشيلون الأغراض طبعاً في ناس يجونك اخر شي يبون بس يشيلون حتى لو يشيل كيس واحد لأنهم يتهاوشون على شيل الأغراض عشان يحتكر الشغله له وهو بس يأخذ المقسوم

وانا ساكت عنهم اخليهم يشيلون هو كان واحد حمالي معاي داخل المحل وفجأة صارو ثلاثة عطيتهم المقسوم وتهاوشو مع بعض لان عطيتهم بالتساوي

طبعاً الحمالي اللي كان معاي مايقدر يقول لي شي بس تهاوش مع ربعه انهم قاسموه المقسوم

الحين انا عطيت اللي شالو معاي الأغراض في غيرهم يجونكم اخر شي وانت في السيارة وإلا شالو شي يمكن اللي طبو على من غير مبالغه 10 أشخاص ماشلو شي بابا بابا الله كريم*

أقول لهم انتو شنو سويتو عشان تستاهلون اكراميه روحو اشتغلو مب اطبون على الواحد انا مب جاي أوزع زكاة واطردهم

ورحت التموين العائلي ونفس الشي الحماليه اللي في داخل المحل وراي بابا انت في خلاص كل الحين جايني واحد يبي يدز القاري وانا اتبضع أقول له روح مابي حد يلاحقني اذا خلصت انا بجي عند الكاشير بعدين تعال شيل لا تعلوع جبدي تمشي ورأي

هذا عدد فايض من العمال ويسببون لك مشاكل لو تجي لجنة حقوق عمال من الخارج واتصور هالمشهد بتقول ان هالعمال بدون رواتب وتسبب أزمة إعلامية

انا اشوف هالعمال في شارع ال شافي في الريان عند المسجد قاعدين لا شغل ولا مشغله

لو الجهات المختصة تدخل في الموضوع وكل منطقة تسوي لهم مكتب خدمات ويصير توزيع وكل واحد مختص في عمله

السباك سباك والكهربائي كهربائي والصباغ صباغ مب من هب ودب صار فني ويعرف يشتغل من غير تخصص

لو من الجهات المختصة تمسك هالعامل وتسال عن كفيلة ليش مهدود في الشارع

هذا مسبب مشاكل لانه عاطل عن العمل وعلى طول تسفير

وإلا كل حين جايتنا منظمة حقوقية تسوي لنا ضجه إعلامية بسبب حقوق العمال

والدولة والشعب القطري مهب مقصر في هالعمال سوت وسوت وفرة جميع سبل الراحه لهم

سايق البيت قاعد في غرفة مرتاح ويسوق سيارة اخر موديل واكل نظيف وتلفزيون وحمام خاص ومب عاجبه يتذمر عليك وراتب مب اقل من 1500 ريال اذا مب 2000 ريال

وعمال يكرفون في الحر وعشرين نَفَر في الغرفة وراتب 1500 وعاجبه

والخدم نفس الشي بعد ماصارو ما يشتغلون عدل الا لازم ادفدف فيهم من هالفلوس

المشكلة ان الأجنبي صار ينظر لك انك بنك تمشي والازم تعطيه اشتغل لك وإلا ماشتغل

وينظر لك بحقاره وصارو يقول لك قطري قطري انت قطري مادري شنو يقصدون

[sweet qatar]

محد جابركم على شي ..
والسالفة انسانية .. وانت اللي تقيم بنفسك ..


سوى شي .. عطه اللي فيه المقسوم ..
ما سوى مب مجبور لو يوقف ارقوز عند التاير !


مادري ليش مطوليييييييييييين السالفة !
اللي يحسب كم يجمع في الشهر .. واللي يجوف شسوى في الفلوس !!


ما تبون تعطونهم لا تعطونهم .. بسيطة !
مب تعطونهم وتقولون يستغلونا !!!!!!!!!!!!!!!


ترا محد جبركم .. ولا حد ضربكم على يدكم !



الـ ريالين ولا الـ 5 ولا الـ 10 ..
باذن الله تكون عند رب العالمين شي .. وكلـ ن على نيته !!


اسمح لي ردّك مستفز ماعتقد ان واحد من الي علقوا عيزان عن خمس ولا عشر

[العلياا]

هذا عدد فايض من العمال ويسببون لك مشاكل لو تجي لجنة حقوق عمال من الخارج واتصور هالمشهد بتقول ان هالعمال بدون رواتب وتسبب أزمة إعلامية
انا اشوف هالعمال في شارع ال شافي في الريان عند المسجد قاعدين لا شغل ولا مشغله


وابشرك بيزيدون مع الايام اذا في ناس للحين تقول عطه عشرة مب فارقه معاك !!
والمبدأ مب مبدأ فلوس كثر ما هو خوف من تتبعات هالشي

[بوحارب]

شي معروف اذا موظف الجمعية دز الجاري من عند الكاشير لين السيارة

ونزل الأغراض داخل السيارة لازم نعطيه بخشيش

عطيه يالعليا حتى لو 5 ريال ترى مب خسارة

يعني على كثر الفلوس اللي عندج بعد بخيله تبخششين هالمسكين :secret:


لو جرسون اشقر في المطعم الفلاني وجاب لج قلاص بيبسي يمكن تبخينه ب 50 ريال:tease:

[بومحمد المطاوعه]

مساك الله بالخير

هي اطرارة أكثر من أداء للوظيفة

عموما أخبار ماليزيا والأماكن اللي نصحتك ابها ، هل أعجبتك؟

صباحك ورررد
اي والله طراره بالقوو

بووو مالهم حل الاماكن الصراحه
استانسنا ولله الحمد

وجزاك الله خيرر يالغالي عالاايكات الجميله

[العلياا]

شي معروف اذا موظف الجمعية دز الجاري من عند الكاشير لين السيارة

ونزل الأغراض داخل السيارة لازم نعطيه بخشيش

عطيه يالعليا حتى لو 5 ريال ترى مب خسارة

يعني على كثر الفلوس اللي عندج بعد بخيله تبخششين هالمسكين :secret:


لو جرسون اشقر في المطعم الفلاني وجاب لج قلاص بيبسي يمكن تبخينه ب 50 ريال:tease:

ههههه عفوا اخوي تكلمني ؟؟؟
وعلى فكرة نادر ما اعطي فالمطاعم خبرك بخيلة ف دايما ماروح مطاعم الا لما انعزم :o

[حمد 2002]

عندي ملاحظه على حماليه سوق واقف ..

مكتوب تعرفتهم كم .. 10 تقريبا للساعه أو النص ساعه ..

وإذا عطيته نفس التعرفه .. يقعد يتحلطم ويدعي بقلبه. .

[بومحمد المطاوعه]

عندي ملاحظه على حماليه سوق واقف ..

مكتوب تعرفتهم كم .. 10 تقريبا للساعه أو النص ساعه ..

وإذا عطيته نفس التعرفه .. يقعد يتحلطم ويدعي بقلبه. .


سهل جدآ قوله انت بعد ان شاءالله
هههه بنجلط

[Mbarkaji]

زين طرحتي الموضوع

صادفني موقف ماعرفت شلون اتعامل معاه

وياليت احد فاهم صح يساعدني

كنت في سلوى و انا طالعه شفت هندي يمسح السيارة من فوق لي فوق ويتبوسم

دريت انه يبي فلوس طلعت له المقسوم

يوم ركبت السيارة الا دريولنا يقولي السالفة ان هذا بنقالي يوقف كل يوم في نفس المكان عقب ما يخلص شغله في الشركة

ويطلع يومية توصل لثلاثمية ريال

وان في رمضان وصلت ألفين ريال !!!!

قهرني انه مستغفلنا و مستغل طيبة أهل قطر ،، حسبي الله عليه

ودي ابلغ عليه بس ماعرف شلون !! ما اعتقد في سبب انك اتبلغي عليه الرجال قدم خدمة ولو بسيطة ان شئتي وافقتي او لا

[Mbarkaji]

اعتقد المبلغ الي اندفع مهو بقشيش هو اجرة نظير خدمة استفدتي منها لان نقل الاغراض ماهو من عمله

[Abdulraman]

والله ياخوي مانقصر معاهم لكن لو الواحد احتد وماعنده كاش شيسوي !!

كان سألتيه يمكن عنده جهاز للفيزا:victory:

[h9466]

والله ياخوي مانقصر معاهم لكن لو الواحد احتد وماعنده كاش شيسوي !!
أعطيه ريالين او ثلاثة واعتبريها صدقة ,, اغلبهم مسلمين ويستاهلون

[sweet qatar]

ما اعتقد في سبب انك اتبلغي عليه الرجال قدم خدمة ولو بسيطة ان شئتي وافقتي او لا

وين الخدمة الي قدمها ؟

و شلون أوافق او ارفض وانا داخل المحل مادريت عنه ؟


هل عندك علم عن قانون منع التسول في قطر ؟

[<اضرب واشرد>]

وحده فلبينيه خادمه عند عمي قلت ابي اسالها عن العقار عندهم تقول انا بابا سوي فله في فلبين والحين ابي اشتغل سنه زياده عشان سوي فله ثانيه وحده استثمار ووحده اسكن فيها مع زوجي ï؟½ï؟½


الفقر نسبي

الدريول اللي عندنا اشتغل سنتين في السعودية وسنتين عندنا
جمع له تقريبا 50 ألف ريال

25 ألف بنى فيها ابويت صغير غرفتين أو ثلاث
و 25 ألف مصاريف عرسه
وبيكمل باقي حياته يباري مزرعة أبوه (مزرعة العايلة) .. عائدها أقل من عائد وظيفته بقطر، لكن يكفيهم، ولا له نية يرجع الخليج

علشان جذي أغلب الدريولية والخدم مايطولون .. سنتين ثلاث "ويتقاعد" .. 'مع السلامة بابا'
أما اللي يقعد 15 و 20 سنة بالخليج هذا ضحى بنفسه عشان يعيش أهله عيشة شيوخ (في بلدته/مدينته) .. أفضل تعليم وبيت كبير وكذا مزرعة للاستثمار

وإذا شد حيلة وجمّع فلوس ((بالطرق الملتوية)) .. يقدر يختصر مدة غربته بنسبة عالية

[<اضرب واشرد>]

ظاهرة تسول عمّال النظافة في الحرم
وكيف أفسدتهم ..

زعيم العصابة (مديرهم) ياخذ من كل عامل 200 ريال يوميا !! والباقي للعامل


https://www.youtube.com/watch?v=vTkVfzcFS9M

[<اضرب واشرد>]

https://www.youtube.com/watch?v=GdOo247l_qY

[معماري قطري]

ما ادري ليش موضوعين طاغيين الفلوس والأمور المادية والزواج

[<اضرب واشرد>]

زين طرحتي الموضوع
صادفني موقف ماعرفت شلون اتعامل معاه
وياليت احد فاهم صح يساعدني
كنت في سلوى و انا طالعه شفت هندي يمسح السيارة من فوق لي فوق ويتبوسم
دريت انه يبي فلوس طلعت له المقسوم
يوم ركبت السيارة الا دريولنا يقولي السالفة ان هذا بنقالي يوقف كل يوم في نفس المكان عقب ما يخلص شغله في الشركة
ويطلع يومية توصل لثلاثمية ريال
وان في رمضان وصلت ألفين ريال !!!!
قهرني انه مستغفلنا و مستغل طيبة أهل قطر ،، حسبي الله عليه
ودي ابلغ عليه بس ماعرف شلون !!

2000 ريال يوميا في رمضان = 40 - 60 ألف ريال / شهر
أتوقع أغلبها أموال زكاة .. ذهبت في غير مكانها الصحيح !!

[حليتان*]

ما ادري ليش موضوعين طاغيين الفلوس والأمور المادية والزواج
لان الامور الماديه والفلوس هي اساس الحياة الدنيا
ولو ركزت فموضوع الزواج بتحصل ان اغلب مشاكل الزواج بعد فالفلوس

[كاشف الغطاء]

اما أنه هذا شغله وياخذ راتبه عليه فهو أخذ حقه من الجمعية
أو أنه يؤدي شغل إضافي يسترزق منه في وقت دوامه وهذا فساد

[technical]

بسم الله الرحمن الرحيم ، البعض يذكر الرحمة كسبب لإعطاء المال للعمال ، الرحمة صفة محموده دعى إليها مالك الملك ذي الجلال والإكرام وقبلتها المجتمعآت الإنسانية.
الرحمة بهؤلاء جميلة لكن الأجمل العناية بمن هم أحوج بها.
وجب على الجمعيات وضع عمال لحمل الأغراض لمن تجاوزت مشترياتهم 500 ريال مثلا ، وان لا يكون لهؤلاء مدخل على زبائن المحلات ، ويوجد تمثله لهذا الترتيب في شركات أرقى من تلك الموجودة عندنا للاسف الشديد، والسلام.

[مختلف جداََ]

أهم شي ما يكونون مرضى
و ينقلون الأمراض لنا :omg:

[كازانوفا]

للأسف كلهم مساكين اعطيهم دفع بلاء عنك وعن اهلك

[النهار]

بسم الله الرحمن الرحيم ، البعض يذكر الرحمة كسبب لإعطاء المال للعمال ، الرحمة صفة محموده دعى إليها مالك الملك ذي الجلال والإكرام وقبلتها المجتمعآت الإنسانية.
الرحمة بهؤلاء جميلة لكن الأجمل العناية بمن هم أحوج بها.
وجب على الجمعيات وضع عمال لحمل الأغراض لمن تجاوزت مشترياتهم 500 ريال مثلا ، وان لا يكون لهؤلاء مدخل على زبائن المحلات ، ويوجد تمثله لهذا الترتيب في شركات أرقى من تلك الموجودة عندنا للاسف الشديد، والسلام.

ياخوي يمكن تشتري ب 500 ريال زعفران مايصل وزنه مع الكيس 25 جرام او اشياء ثانيه ماخف حمله وغلا سعره
اوتشتري ب 14 ريال قرشتين ماي للكولر وزن الواحد فوق 25 كيلو
المبلغ مش مقياس
ممكن رجل طاعن في السن اوامرأه او شخص مريض او عنده اعاقه اوكسر او مجبس

[بوخالد911]

صباحك ورررد
اي والله طراره بالقوو

بووو مالهم حل الاماكن الصراحه
استانسنا ولله الحمد

وجزاك الله خيرر يالغالي عالاايكات الجميله

الله يسلمك

زززين عرفتني بالانستغرام
عبالي ما عرفتني
:)

[technical]

ممكن تحط شرط أن يتجاوز وزن المشتريات كذا كيلو أو أن تتضمن سعر توصيل المشتريات ضمن الفاتورة أو أن يقدم من تجاوز عمره أو عمرها 60 سنة وان تسمى بطاقة بناة الوطن أو أي اسم فيه احترام وتقدير لما قدموه و عرفان لجميل ما بنو ، والسلام.

[captin]

الان الموضوع تطور قاموا عمال تعبئة الاكياس اللي ورى الكاشير في اللولو وكثير من الهايبر ماركت لين شافوا
قطري يحط اغراضه على السير ويحاسب قام كلن يبي يكون له السبق يحط الاغراض
في الاكياس لان القطري بعد ما يحاسب ويخلص بيعطي العامل اقل شي 5 ريالات
ولو افترضنا ان هذا العامل حط اغراض حق 15 قطري من الصبح لين الليل وكل واحد عطاه
5 ريال كمعدل متوسط طبعا البعض كريم بيعطي 10 والبعض الاخر يمكن 20 ريال.

مثل هذا الشخص بيكون له مدخول يومي حوالي 75 ريال في 25 يوم عمل يطلع له مبلغ 1800 ريال تقريبا
يعني هذا راتب ثاني لهذا الشخص.

هذا في الهايبر ماركت وعندنا الاماكن الثانية مثل المطاعم والكوفي شوب غالبا لما الواحد يدفع يحط في
فولدر الفاتورة مبلغ البقشيش وهاي صارت عادة تقريبا في كل مكان أيضا لاحظت بعض الفنادق يحطون
في الفاتورة سطر قبل المجموع للبقشيش يكتبون ( تبز ) على اساس ان مجموعك مثلا خل نقول 500 ريال
وتقوم انت تحط في سطر التبز مبلغ اضافي مثلا 30 ريال فيصير المجموع 530 ريال.

في أمريكا البقشيش مقنن ومعروف في كل ولاية نسبة مئوية من الفاتورة .
اذكر كنت في مطعم في ميامي وجنبي امريكي خلص ويابوا له الفاتورة قام سال البنت كم نسبة التبز او البقشيش عندكم
قالت له 10% قال لها انتوا احسن منا عندنا في تكساس 15% .
فمثل هذا الامر صار مقنن ومعروف عندهم عارفين كم بيدفعون نسبة الزيادة على الفاتورة.

[captin]

ما ادري ليش موضوعين طاغيين الفلوس والأمور المادية والزواج




أخوي معماري

لفلوس والعروس وجهان لعملة واحدة

الفلوس تييب العروس
والعروس تبي لفلوس
:nice:

[<اضرب واشرد>]

نقوي شخصيتنا ونطور قدراتنا على مواجهة المواقف وبنفتك من الاحراج اللي الأعضاء
يتكلمون عنه في هالموضوع عند التعامل مع هالناس.. وفي الوقت نفسه نمنع نفوسنا من الاحراج
لما نتكلم عنهم امام الاخرين كأن لنا فضل عليهم علشان 10 ريالات او 5 ريالات وفي الأخير نقدر نمنع هالمبلغ عنهم..


الموضوع أكبر من 5 ريالات
نحن نتحدث عن مبادئ

- التنظيم، حماية حقوق الطرفين،
- منع: التسول .. وإهمال العمل/إفساد العمال .. واستغلال الناس
- الراحة والحرية لمرتادي الأسواق، والشوارع .. ورفع الكلفة والحرج عن الناس
- حماية أموال الناس والصدقات والزكوات وصرفها لمستحقيها الفعليين

لايجوز للعامل أن يقدم خدمته بالإكراه
امرأة قطرية بيدها كيسين، تقول له شكرا ما أحتاج خدمتك، يقول لها "نو ماما" غصب عليج أشيلها، ليش/لماذا/why؟
ويترك غير القطرية وبيدها "قاري".. لماذا؟
القطرية ليست مسؤولة عن راتبه إذا شركته ماتعطيه راتب، القطرية ما تكد عليه وعلى كفيلة/شركته إذا يأخذون منه فلوس شهريا
وهي حرة تتصدق متى ماشاءت بدون إجبار، الإجبار يكون فقط في إخراج الزكاة -لو الشريعة تطبّق-
.. موظفو صندوق الزكاة على أبواب الأسواق .. وصناديق الزكاة/والصدقة في المساجد
ومن يحتاج للمال يقدم خدمته ((باحترام وأدب)) .. ولايجبرنا بأسلوبه .. أو ينتظرها تنزل من سيارتها للمحل ثم (مثل الحرامي) يغسل سيارتها بلا استئذان، هذا تسول بل أقبح من التسول

ما ألوم العمال كثيرا فمن أمن العقوبة يستغل الوضع
اللوم الأكبر على كفيلهم
والمسؤولين



على فكرة بعض الشباب مب فاهمين شغلة
احيانا العامل ما ينطر إشارة ، ياخذ الأغراض ويطيرررر
ليكون تبوني اصرخ وسط العالم !!
في مواقف الآدمي ينحط فيها مجبور
فلا تتكلمون كن كل شي في الدنيا يوقف لين تفكر وتاخذ قرار !!



كنت في سلوى و انا طالعه شفت هندي يمسح السيارة من فوق لي فوق ويتبوسم
دريت انه يبي فلوس طلعت له المقسوم


في الموقفين (شبه إكراه)
مثل ماقلت هم أكثر شيء يستغلون الحريم .. ويمكن الشيبان الكبار .. يستقوون عليهم

والله ما أتكلم عن الفلوس ولا الكرم والبخل
لكن هذا التصرف قلة أدب، ومرفوض، شعور غير مريح لما الواحد يمشي في مكان ومن حوله ينظرون له على أنه (شيء مادي خبيث يجب استغلاله بأي طريقة) أو (مسؤول عنهم وعن تحسين ظروف عيشهم .. ولو ماساعدهم وأعطاهم فلوس لايستحقونها، فقط لأنه أغنى منهم .. يكون شخص سيء)

[بنت شرق]

للأسف كلهم مساكين اعطيهم دفع بلاء عنك وعن اهلك
هاي الصح والكلام العدل ، اما البعض تفكيره ترى بيجمع خله يجمع والا طول عمره تبونه ينكرف

[بومحمد المطاوعه]

الله يسلمك

زززين عرفتني بالانستغرام
عبالي ما عرفتني
:)

وهل يخفى القمر
افا عليك بس

منووور وعزيز وغالي والله

[بوخالد911]

وهل يخفى القمر
افا عليك بس

منووور وعزيز وغالي والله

ما عليك زود اخوي
رحم الله والديك.

[بومحمد المطاوعه]

ما عليك زود اخوي
رحم الله والديك.

ولك الزود فديت خشمك
ووالديك الجنه يارب

[Azizuk]

والله عفيه عليج يالعلياا :victory: طرحج الموضوع

ماتوقعت ان راح يكون من اكبر المواضيع نقاشاً في المنتدى

في تفاعل واهتمام كبير من قبل الأعضاء

[معماري قطري]

الموضوع أكبر من 5 ريالات
نحن نتحدث عن مبادئ

- التنظيم، حماية حقوق الطرفين،
- منع: التسول .. وإهمال العمل/إفساد العمال .. واستغلال الناس
- الراحة والحرية لمرتادي الأسواق، والشوارع .. ورفع الكلفة والحرج عن الناس
- حماية أموال الناس والصدقات والزكوات وصرفها لمستحقيها الفعليين

لايجوز للعامل أن يقدم خدمته بالإكراه
امرأة قطرية بيدها كيسين، تقول له شكرا ما أحتاج خدمتك، يقول لها "نو ماما" غصب عليج أشيلها، ليش/لماذا/why؟
ويترك غير القطرية وبيدها "قاري".. لماذا؟
القطرية ليست مسؤولة عن راتبه إذا شركته ماتعطيه راتب، القطرية ما تكد عليه وعلى كفيلة/شركته إذا يأخذون منه فلوس شهريا
وهي حرة تتصدق متى ماشاءت بدون إجبار، الإجبار يكون فقط في إخراج الزكاة -لو الشريعة تطبّق-
.. موظفو صندوق الزكاة على أبواب الأسواق .. وصناديق الزكاة/والصدقة في المساجد
ومن يحتاج للمال يقدم خدمته ((باحترام وأدب)) .. ولايجبرنا بأسلوبه .. أو ينتظرها تنزل من سيارتها للمحل ثم (مثل الحرامي) يغسل سيارتها بلا استئذان، هذا تسول بل أقبح من التسول

ما ألوم العمال كثيرا فمن أمن العقوبة يستغل الوضع
اللوم الأكبر على كفيلهم
والمسؤولين





في الموقفين (شبه إكراه)
مثل ماقلت هم أكثر شيء يستغلون الحريم .. ويمكن الشيبان الكبار .. يستقوون عليهم

والله ما أتكلم عن الفلوس ولا الكرم والبخل
لكن هذا التصرف قلة أدب، ومرفوض، شعور غير مريح لما الواحد يمشي في مكان ومن حوله ينظرون له على أنه (شيء مادي خبيث يجب استغلاله بأي طريقة) أو (مسؤول عنهم وعن تحسين ظروف عيشهم .. ولو ماساعدهم وأعطاهم فلوس لايستحقونها، فقط لأنه أغنى منهم .. يكون شخص سيء)

هذي زبدة الموضوع اوجزت فشملت يا بو تركي

[هيليوم]

زين طرحتي الموضوع

صادفني موقف ماعرفت شلون اتعامل معاه

وياليت احد فاهم صح يساعدني

كنت في سلوى و انا طالعه شفت هندي يمسح السيارة من فوق لي فوق ويتبوسم

دريت انه يبي فلوس طلعت له المقسوم

يوم ركبت السيارة الا دريولنا يقولي السالفة ان هذا بنقالي يوقف كل يوم في نفس المكان عقب ما يخلص شغله في الشركة

ويطلع يومية توصل لثلاثمية ريال

وان في رمضان وصلت ألفين ريال !!!!

قهرني انه مستغفلنا و مستغل طيبة أهل قطر ،، حسبي الله عليه

ودي ابلغ عليه بس ماعرف شلون !!

اعتقد ان الدريول مبالغ ، الناس هذي بينها حساسيات احنا ما نلاحظها ويمكن تلاقين الدريول شايل في نفسه عليه لانه يقدر يشتغل بعد الدوام ويطلع مبلغ، غير ان المبلغ اللي ذكره كبير ( 300 ريال )، كم سيارة بيغسل وكم بياخذ على كل سيارة وكل هذا في الوقت اللي بين انتهاء وقت دوامة ووقت نومه ( أتوقع اقل من 8 ساعات )

[Charisma]

الموضوع أكبر من 5 ريالات
نحن نتحدث عن مبادئ

- التنظيم، حماية حقوق الطرفين،
- منع: التسول .. وإهمال العمل/إفساد العمال .. واستغلال الناس
- الراحة والحرية لمرتادي الأسواق، والشوارع .. ورفع الكلفة والحرج عن الناس
- حماية أموال الناس والصدقات والزكوات وصرفها لمستحقيها الفعليين

لايجوز للعامل أن يقدم خدمته بالإكراه
امرأة قطرية بيدها كيسين، تقول له شكرا ما أحتاج خدمتك، يقول لها "نو ماما" غصب عليج أشيلها، ليش/لماذا/why؟
ويترك غير القطرية وبيدها "قاري".. لماذا؟
القطرية ليست مسؤولة عن راتبه إذا شركته ماتعطيه راتب، القطرية ما تكد عليه وعلى كفيلة/شركته إذا يأخذون منه فلوس شهريا
وهي حرة تتصدق متى ماشاءت بدون إجبار، الإجبار يكون فقط في إخراج الزكاة -لو الشريعة تطبّق-
.. موظفو صندوق الزكاة على أبواب الأسواق .. وصناديق الزكاة/والصدقة في المساجد
ومن يحتاج للمال يقدم خدمته ((باحترام وأدب)) .. ولايجبرنا بأسلوبه .. أو ينتظرها تنزل من سيارتها للمحل ثم (مثل الحرامي) يغسل سيارتها بلا استئذان، هذا تسول بل أقبح من التسول

ما ألوم العمال كثيرا فمن أمن العقوبة يستغل الوضع
اللوم الأكبر على كفيلهم
والمسؤولين





في الموقفين (شبه إكراه)
مثل ماقلت هم أكثر شيء يستغلون الحريم .. ويمكن الشيبان الكبار .. يستقوون عليهم

والله ما أتكلم عن الفلوس ولا الكرم والبخل
لكن هذا التصرف قلة أدب، ومرفوض، شعور غير مريح لما الواحد يمشي في مكان ومن حوله ينظرون له على أنه (شيء مادي خبيث يجب استغلاله بأي طريقة) أو (مسؤول عنهم وعن تحسين ظروف عيشهم .. ولو ماساعدهم وأعطاهم فلوس لايستحقونها، فقط لأنه أغنى منهم .. يكون شخص سيء)

كلام سليم 100 %

[khaldoon]

الموضوع مب سالفه الزام، بس لاحظ اخوي ان اللي يشيلك الاغراض لين السياره ويدز لك الجاري مب ملزوم ايضا بهالشي، هو مب حمالي وهذي مب شغلته اصلا يشيلك الاغراض اذا ماتبي كان قلتله بعد ماعبى الاكياس ان مايجي معاك السياره ولا ياخذ الجاري، بس دامك وافقت عيل هو اوتوماتيك عرف انك تبيه يدز الجاري وبتعطيه بقشيش .

كلام صحيح 100% ....انا اللي يعبيلي الاغراض عند الكاشير اعطيه بعد حتى و انا اخذ الاغراض منه و احملها بنفسي

[يمامـة]

الموضوع أكبر من 5 ريالات
نحن نتحدث عن مبادئ

- التنظيم، حماية حقوق الطرفين،
- منع: التسول .. وإهمال العمل/إفساد العمال .. واستغلال الناس
- الراحة والحرية لمرتادي الأسواق، والشوارع .. ورفع الكلفة والحرج عن الناس
- حماية أموال الناس والصدقات والزكوات وصرفها لمستحقيها الفعليين

لايجوز للعامل أن يقدم خدمته بالإكراه
امرأة قطرية بيدها كيسين، تقول له شكرا ما أحتاج خدمتك، يقول لها "نو ماما" غصب عليج أشيلها، ليش/لماذا/why؟
ويترك غير القطرية وبيدها "قاري".. لماذا؟
القطرية ليست مسؤولة عن راتبه إذا شركته ماتعطيه راتب، القطرية ما تكد عليه وعلى كفيلة/شركته إذا يأخذون منه فلوس شهريا
وهي حرة تتصدق متى ماشاءت بدون إجبار، الإجبار يكون فقط في إخراج الزكاة -لو الشريعة تطبّق-
.. موظفو صندوق الزكاة على أبواب الأسواق .. وصناديق الزكاة/والصدقة في المساجد
ومن يحتاج للمال يقدم خدمته ((باحترام وأدب)) .. ولايجبرنا بأسلوبه .. أو ينتظرها تنزل من سيارتها للمحل ثم (مثل الحرامي) يغسل سيارتها بلا استئذان، هذا تسول بل أقبح من التسول

ما ألوم العمال كثيرا فمن أمن العقوبة يستغل الوضع
اللوم الأكبر على كفيلهم
والمسؤولين





نعم اخوي اضرب واشرد الموضوع اكبر من 5 ريالات

الموضوع اختلاف فكر وثقافة ما بين المختلفين في هالموضوع..

انا اشوفك تبالغ في تحليلك للموقف.. لأن مب عارفة شنهو هالاكراه اللي يفرضه العامل
على المرأة.. وشنهو السلاح المستخدم ( غير ادعاء المسكنة لو فرضنا انه يتمسكن)..

عني ما اتعامل مع العامل على انه شركته ما تعطيه.. اتعامل معاه على انه مغترب راتبه زهيد
ولن ينقصني مال او بتزيد فلوسي لو خصصت له ريال او 2 او 3 او 5 او 10..
لأنها أموال الله تذهب الى ناس رواتبهم زهيدة.. واحنا ندفع 80 ريال على صحن ستيك ونصه ما ينكل
ينقط برع.. او افراحنا ومناسبتنا المفاطيح تنكب في الزبالة..

بتقول ما يصير الربط.. بقول لك هذا واقعنا..


لذلك احنا ما بنتكلم عن أموال الزكاة لأن لها مصارف خاصة الأكثر فقرا ثم الافقر عندي..
والأكثر فقرا يموتون من الجوع او يرتدون من الإسلام في دول حول العالم..

لذلك كلامنا عن الزكاة قد ما يطبق أصلا على العمال هذيلا وان كانت صناديق الزكاة منتشرة في كل مكان..

اما الصدقة فهي تجوز على الغني والفقير.. لذلك عني كأمرأة ارتاد الجمعيات بروحي او بصحبة اخريات
ما قد احرجني عامل لأنه يبي يشل عني كيس وان ما كانت عندي خريدات في الشنطة..
لأني أقول له لا وان اصر.. لأن الموقف بالنسبة لي يعود لي اني أقول له لا..

فحلي حسب ثقافتي وفكري اللي اعتمدت عليهم في المشاركة في هالموضوع
يقول كل يتعامل مع الموقف في وقته .. فلو المرأة تقول انحرجت.. تراني ما اتقبل من الرجل يقول انحرجت!!
او احرجوني عمال النظافة او احرجني عامل الجمعية..

وفي الأخير احس باحراج من التطرق في الكلام عن هالفئات من الناس بالطريقة اللي اشوفها من البعض..
فالحمدلله اللي انعم علينا بنعمه الكثيرة ولا خلانا ننتظر صدقة من احد..

ملاحظة: رأيي يمثلني وهو غير ملزم للاخرين.. يعني ممكن تسعى انت ومن يتفق معاك
لسن قوانين توقف هالعمال عند حدهم وما يحرجونكم بالحاحهم ولا يصيرون مليونيرة في بلادهم بطيبتكم..

[الحياة الخالدة]

السلام عليكم ورحمة الله وبركاته
أخيراً تمكنت من المشاركة نظراً لظروف النت

اللي يوصلون الاغراض للسيارة أعطيهم المقسوم
لكن اللي يحروني اللي يترززون ينظفون تحت تواير السيارة أول ما يشوفوني و يتخرطفون جدامي شوي وادعمهم
ونفس الشي اللي يقعدون يأشرون على الموقف ويركضون عشان يوجهوني لين اوقف طبعاً وهم قدام السيارة على طول .. وغالباً اخليهم يولون واروح ادور مكان ثاني
واذا مافي غير هالبارك انزل ولا ارد عليه خصوصاً لما تكون السيارة تلمع توها مغسولة

موضوع جميل يالعليا أهنيج عليه

[sweet qatar]

اعتقد ان الدريول مبالغ ، الناس هذي بينها حساسيات احنا ما نلاحظها ويمكن تلاقين الدريول شايل في نفسه عليه لانه يقدر يشتغل بعد الدوام ويطلع مبلغ، غير ان المبلغ اللي ذكره كبير ( 300 ريال )، كم سيارة بيغسل وكم بياخذ على كل سيارة وكل هذا في الوقت اللي بين انتهاء وقت دوامة ووقت نومه ( أتوقع اقل من 8 ساعات )

ما اعتقد

دايمآ أعطي جدامه ولا عمره تكلم

و ساعات يشيل الاكياس من يد عمال الجمعية جنب الكاشير و اعطيهم وهو يشوف

غير اني لمحت البنغالي وهو يكلم دريولنا ويضحك ودريولنا يضحك من غير نفس


الله يثبته ويحفظه شيبتنا ولا يلعبون بعقله

كل الي قدرت أسويه اني أقوله هاي حرام و ممنوع و شرطة والله يستر

[sweet qatar]

المبلغ الي طلع كان من خاطري "من خدعنا في الله انخدعنا له"


بس ليش يخرب علي الدريول !!!!

وليش ماخذها مهنة !!!!

اتفهم ان البعض تفكيرهم محدود بالمبلغ ،*

لكن الدولة قوانينها تسري على الجميع

التسول ممنوع و يعاقب عليه القانون

احنا دولة متحضرة والله يديمها من نعمه

[العلياا]

السلام عليكم ورحمة الله وبركاته
أخيراً تمكنت من المشاركة نظراً لظروف النت

اللي يوصلون الاغراض للسيارة أعطيهم المقسوم
لكن اللي يحروني اللي يترززون ينظفون تحت تواير السيارة أول ما يشوفوني و يتخرطفون جدامي شوي وادعمهم
ونفس الشي اللي يقعدون يأشرون على الموقف ويركضون عشان يوجهوني لين اوقف طبعاً وهم قدام السيارة على طول .. وغالباً اخليهم يولون واروح ادور مكان ثاني
واذا مافي غير هالبارك انزل ولا ارد عليه خصوصاً لما تكون السيارة تلمع توها مغسولة

موضوع جميل يالعليا أهنيج عليه

وعليكم السلام ورحمة الله

وهذا السبب الرئيسي لطرحي هالموضوع هم عمال النظافة اللي يتحركون حول السيارة
بطريقة ممكن تعرض حياتهم للخطر

واتوقع الناس بتعرف شنو سبب خوفنا واعترضنا لو (لاقدر الله) صارت حاله دهس وحد تضرر

أنتي أجمل :o


المبلغ الي طلع كان من خاطري "من خدعنا في الله انخدعنا له"
بس ليش يخرب علي الدريول !!!!
وليش ماخذها مهنة !!!!
اتفهم ان البعض تفكيرهم محدود بالمبلغ ،*
لكن الدولة قوانينها تسري على الجميع
التسول ممنوع و يعاقب عليه القانون
احنا دولة متحضرة والله يديمها من نعمه

:victory:

[ضوى]

-


﴿ ثم لا يتبعون ما انفقوا منًا ولا أذى ﴾
دع عطاءك يرحل دون أن تلحق به،
دعه يرحل من ذاكرتك إلى الأبد!