رساله الى وزيري الصحه والداخليه

[لـبـيـه]

السلام عليكم ورحمة الله وبركاته

حبيت اطرح لكم مشكله او عاده سيئه ومقرفه اشوفها والكل ملاحظ انها انتشرت بصوره كبيره بين المراهقين والشباب واتمنى من وزارة الصحه

ووزارة الداخليه وضع حد لها واتخاذ قرار صارم فيها الي هي ظاهرة ( المدواخ )

http://www.alkhaleej.ae/file/GetImageCustom/5cbd5c56-769e-4279-9be5-b4dd0de55374/460/355


حيث حذّر أطباء من أن جرعة المدواخ الواحدة تحوي جرعة كبيرة جداً من النيكوتين تعادل 20 سيجاره

وحذروا من أن تبغ المدواخ يسبب العجز الجنسي للشباب، ويؤثر في نمو الأطفال، ويهدد سلامة الرئة والإصابة بأمراض صدرية مزمنة.

قال رئيس شعبة الأمراض الصدرية في جمعية الإمارات الطبية، الدكتور بسام محبوب، إن الدوخة تختلف عن غيرها من أنواع منتجات التبغ، لاحتوائها على نسبة

نيكوتين عالية جداً، موضحاً أن متعاطي هذه المادة تظهر عليهم آثار الإدمان بشكل سريع،

دخول هذه الكمية من النيكوتين للجسم في وقت قليل جدا يؤدي إلى أضرار في الرئة تصل إلى حد التليف، وسرطان أو انتفاخ في هذا العضو الحساس

نتمنى اقتلاع هذه الافه من مجتمعنا بصوره سريعه وخاصه انها تستهوي وتلفت نظر الفئات الصغيره من طلاب المدارس وخاصه انها

صعبه الاكتشاف لانه مافيها ريحه نفس الزقاير لانها شفطه او ثنتين لاكن تاثيرها جدا كبير

نتمنى من وزارة الصحه والداخليه عدم التهاون في مثل هالمشاكل الي تظهر مشاكلها بعد فتره طويله

[شبح الصمت]

الله يجزاك خير ياخوي ..

[لـبـيـه]

الله يجزاك خير ياخوي ..



ويجزاك بمثله هذا واجب علينا يا اخوي بعد ماشفنا شباب صغار وكبار وماخذينها انها موضه وتحدي ورجوله وهي بلاساس مهلكه للبدن والمال

[@north_star@]

أهم شي توعيتهم بمخاطرها بشكل مقنع لانه لو امنعوهم من استخدام المدواخ بالشارع او بالكوفي شوب أو بأي مكان عام ممكن يستعملوه بأي مكان ثاني دون ما حد يشوفهم ......

[شبح الصمت]

ويجزاك بمثله هذا واجب علينا يا اخوي بعد ماشفنا شباب صغار وكبار وماخذينها انها موظه وتحدي ورجوله وهي بلاساس مهلكه للبدن والمال


صدقت ياخوي ..
كلنا في غفله ..

الزقارة
والشيشه
والمدواخ

كلها مدمره للرئة والصحة مع مرور الزمن
الله يغفر لنا ويرحمنا
والله يشفي كل مبتلى من هالبلاء ويشفي كل مريض

[لـبـيـه]

أهم شي توعيتهم بمخاطرها بشكل مقنع لانه لو امنعوهم من استخدام المدواخ بالشارع او بالكوفي شوب أو بأي مكان عام ممكن يستعملوه بأي مكان ثاني دون ما حد يشوفهم ......

صحيح ومشكلتنه نوعي بمخاطر الحزام ونحط الغرامات ونوعي بمخاطر قطع الاشاراه ونحط غرامات ونوعي من مخاطر التجاوز من اليمين ونحط غرامات

لاكن عند التدخين بكل انواعه ولا شي ؟؟؟؟؟؟؟؟؟؟؟؟؟

[غريب الدّار]

مع احترامي الكامل للجميع :

يااخوان طول ماان الزقاير مسموحة ، فالحديث عن أي شي آخر مضيعة وقت بصراحة
(أي شي آخر اقصد التبغ ومشتقاته)

هالبلاوي أصلا كلها ماجات الا من ورا الزقاير
لو الزقاير تنمنع كل هالخرابيط بتختفي

وجهة نظر

[شبح الصمت]

لاحظت في تايلند ويمكن كثير منا لاحظوا هالشيء

في السوبرماكت اذا تبي تشتري الزقارة

حاطين لك صور على باكيت الزقارة صور تلوع الجبد تشوفها تشمئز ا يعني اذا فكرت تاخذها تردد مليون مره

[لـبـيـه]

مع احترامي الكامل للجميع :

يااخوان طول ماان الزقاير مسموحة ، فالحديث عن أي شي آخر مضيعة وقت بصراحة
(أي شي آخر اقصد التبغ ومشتقاته)

هالبلاوي أصلا كلها ماجات الا من ورا الزقاير
لو الزقاير تنمنع كل هالخرابيط بتختفي

وجهة نظر

احترم وجهة نظرك واضيف عليه انه المنع صار جدا صعب ليش مادري لدرجة انهم يحطون للمدخنين غرف خاصه للتدخين وممارست هوايتهم

[@north_star@]

صحيح ومشكلتنه نوعي بمخاطر الحزام ونحط الغرامات ونوعي بمخاطر قطع الاشاراه ونحط غرامات ونوعي من مخاطر التجاوز من اليمين ونحط غرامات

لاكن عند التدخين بكل انواعه ولا شي ؟؟؟؟؟؟؟؟؟؟؟؟؟

للاسف لانه الغالبية مدخنين يعني بيجي واحد يمنعك وهو تحصله يشيش

[حمد بن سعد]

لاحظت في تايلند ويمكن كثير منا لاحظوا هالشيء

في السوبرماكت اذا تبي تشتري الزقارة

حاطين لك صور على باكيت الزقارة صور تلوع الجبد تشوفها تشمئز ا يعني اذا فكرت تاخذها تردد مليون مره




الصوره هذي موجوده عندنا وابشرك اذا الشباب راحو يشترون باكيت ياخذون ابشع صوره تحدي



الله يهديهم ويصلحم

[شبح الصمت]

الصوره هذي موجوده عندنا وابشرك اذا الشباب راحو يشترون باكيت ياخذون ابشع صوره تحدي



الله يهديهم ويصلحم



وين !!!!

ما قد شفت

الحسنه الوحيدة الي صارت انه امنعوا الدكاكين الي حول المدارس تبيع الزقارة ...

[لـبـيـه]

وين !!!!

ما قد شفت

الحسنه الوحيدة الي صارت انه امنعوا الدكاكين الي حول المدارس تبيع الزقارة ...


وانت تتوقع ان البياعين ( بعضهم ) بيلتزمون بالمنع ويفرطون دبل سعر الباكيت

[شبح الصمت]

وانت تتوقع ان البياعين ( بعضهم ) بيلتزمون بالمنع ويفرطون دبل سعر الباكيت



في حملات تصير من مفتشي وزارة الصحة وصارت كبسات على بعضهم

[eXpert*]

فرصة كبيرة نستغل حدث كأس العالم للترويج عن منع التدخين و الحث على الرياضة .

أفضل منشآت رياضية عندنا ومازال الأطفال يتميزون بالسمنة و يركبون الجولف كارت !!

أعتقد هنالك خلل في دمج المجتمع مع كأس العالم ..

[بانغ بانغ]

عادات دخيلة من الامارات وانا صغير اتذكرهم عيال الامارات خاصة بوظبي عندهم هالعادة الخايسة

ايضا فرض لو منعت وسنيت قوانين رادعه ، بتكون مرغوبة اكثر

الاشكالية في دور البيت والصحبة والمدرسة

مشكلة التوعية عندنا مؤقتة ومكلفة وتسويقية فقط

في طرق كثيرة انا طرحتها على مسئولين ومنتديات ومحد اخذ فيها الا يمكن القليل

[شبح الصمت]

اتمنى فوق التوعية عن الزقارة


التوعية عن الخمر
نسمع سوالف لشباب صغار تشيب شعر راس الواحد ..

[يمامـة]

المدواخ( تبا له)

فعله فعل الزجاير والزفت اللي يسمونه السويكة والشيشة وغيرهم وغيرهم..

أمور لازم يتم منعها نهائيا ..
والله يحفظ عيالنا من شرور هالسوالف وشر من يسوق لها ويبيعها على طلاب المدارس
والأطفال اهنيه وهناك..

[عاشق العديد]

..

ماعرفنا لكم ياجماعه ..

طالبتو بعدم التدخين بالاماكن العامه ووسوو جزاهم الله خير غرف لتدخين تضايقتو ليش مسوين غرفه للتدخين ..

مافي شي اسمه امنع عليك اصكر عليك لما انا حد يمنعني من شي يخليني ارغب فيه زياده ..

ياليت توعون هالكلام الي ينكتب ولا يودي ولا يجيب .. الا يخلي المدخن يزيد وعني وضح لي ..

مب تمنعني لانه مافي شي بالمنع ..
وبنسبه حق المدواخ والسويكه وغيره .. انا اشوف قطر اهون من الامارات بوايد ..
وقطر لها نسبه معينه للدوخه .. يعني مش اي دوخه تدخل وتنباع ..
وللعلم ماشوف وايد من شباب يدخنون دوخه ..

[حليتان*]

مش ادمان انا كنت ادوخ مدواخ لكن تركته لان الدوخات الي فالدوحه مب شي ماتجيب الراس تضيق الصدر ع الفاضي
وسالفه كل ماحد راح الامارات كنت اوصيه على الدوخه لين زهقت منه المراد من هالكلام انه مايسبب ادمان

[معماري قطري]

خاطري اجرب المدواخ والشروته

[aloosh]

لبيه
في محل ابشرك كبير يبيع مداويخ ومعطينه ترخيص
والتبغ اللي عنده كله غبار تشفط شفطه وحده يطيح صدرك تحس انك راكض 10 كيلو:)
على الاقل اللي في الامارات عليه رقابه يغسلونه من الغبار

[aloosh]

خاطري اجرب المدواخ والشروته

شروته دلع بس تنفث دخان برا ما دخله صدرك
عندنا يفكرون مثل الزقاره يدخل الدخان في صدره :)

الله يبعدك عنها قول امين انت وذريتك

[معماري قطري]

شروته دلع بس تنفث دخان برا ما دخله صدرك
عندنا يفكرون مثل الزقاره يدخل الدخان في صدره :)

الله يبعدك عنها قول امين انت وذريتك

امين وانت ومن يقرا كذلك

بعد تجربة الزقاير وضرب الوالد الله يحفظه ما قربت اي دخان كلش

وزين عرفت أني امزح

[لـبـيـه]

.
ناشدوا وزارة الصحة والداخلية بالتدخل
ناشطون يحذرون من انتشار {المدواخ} بين الشبا ب

شكرا جريدة الشرق على نشر الموضوع بالجريده للمصلحه العامه

صفحة المحليات تاريخ 25/8/2016

[بانغ بانغ]

خاطري اجرب المدواخ والشروته

جرب سيغار بهيكا

[يمامـة]

..

ماعرفنا لكم ياجماعه ..

طالبتو بعدم التدخين بالاماكن العامه ووسوو جزاهم الله خير غرف لتدخين تضايقتو ليش مسوين غرفه للتدخين ..

مافي شي اسمه امنع عليك اصكر عليك لما انا حد يمنعني من شي يخليني ارغب فيه زياده ..

ياليت توعون هالكلام الي ينكتب ولا يودي ولا يجيب .. الا يخلي المدخن يزيد وعني وضح لي ..

مب تمنعني لانه مافي شي بالمنع ..
وبنسبه حق المدواخ والسويكه وغيره .. انا اشوف قطر اهون من الامارات بوايد ..
وقطر لها نسبه معينه للدوخه .. يعني مش اي دوخه تدخل وتنباع ..
وللعلم ماشوف وايد من شباب يدخنون دوخه ..


وين غرف للمدخنين؟

لاعت جبدونا لو رحنا نتسوق يا اخوي عاشق العديد
تلقاهم يبخرونك بريحة زجايرهم عند مداخل المجمعات..
ولا قط مرة شفت غرفة محشورين فيها يتبادلون الهواء العفن فيه!!

[وحيد-الشوق]

استغرب من بعض شبابنا لازم يهبب شيء في حياته اذا قطع الزقاير يحول عالشيشة ويقولك على خفيف مره او مرتين في الاسبوع والثاني يحول عالمدواخ ويجيك النوع العبيط يقطع الزقاير والتدخين بكل انواعه ويحول عالسويكه هههههههه الحمدلله والشكر اشكال مرت علي في الدوام وغيرة وماقدرت افسر حالتهم وجوهم الغريب والمصيبة ينتقدونك ويقولون عنك غريب ومعقد !!!!

دنيا تمشي بالعكس الله يهديهم ويهدينا

[لـبـيـه]

استغرب من بعض شبابنا لازم يهبب شيء في حياته اذا قطع الزقاير يحول عالشيشة ويقولك على خفيف مره او مرتين في الاسبوع والثاني يحول عالمدواخ ويجيك النوع العبيط يقطع الزقاير والتدخين بكل انواعه ويحول عالسويكه هههههههه الحمدلله والشكر اشكال مرت علي في الدوام وغيرة وماقدرت افسر حالتهم وجوهم الغريب والمصيبة ينتقدونك ويقولون عنك غريب ومعقد !!!!

دنيا تمشي بالعكس الله يهديهم ويهدينا

اي والله صدقت

[معماري قطري]

جرب سيغار بهيكا

الحمد لله لا تدخين ولا سكريات ولا مسكرات وان شاء الله الجميع