لماذا تنذمر دائمأ

[aloosh]

السلام عليكم

كل مواطن عليه واجبات يساعد فيها كل جهه
والله لو كل مواطن شاف شي مخالف اتصل 911 ان يتغير الحال ولكن عدم المبلاه تزيد من فئه المخالفين لو حس ان عين كل مواطن تقوم بواجبها لتحسين الوضع كان شفت الكل يعمل احساب قبل ان يخالف

اين دورنا نحن ؟

[بانغ بانغ]

المشكلة يخوي ان البعض قام يستصغر المخالفات لان يدري ان محد بيسوي شي

اتذكر من كم سنة شفت سكران ايسوق سيارة بلغت عليه وانا وراه

قالي الشرطي انت تبي مراكز وبهدلة او تبي هدوء البال .... قلت له الهدوء طبعا


قالي خله ايولي اشتبي فيه

طبعا من كم سنة والا لو الحين كنت بابهدل الشرطي صراحة

[بعيد النظر]

^


هذا اللي يصير للاسف .. ولو رحت المركز بيلوعون جبدك في كل شي ..



999

[سالم الزهران]

الشرطي ما يبي يشتغل والطبيب مثله والمعلم مثله

و يعتبرون الشريحة المثالية من المواطنين ( مرضى)

من الأخير،،،،، مسلسل مسامير

[البرونزي]

ذكرتني بموضوع كنت صاف في موقف لمراجعه وزارة من الوزارات
ويوم طلعت لقيت واحد مسكر علي وماقدر اطلع وانتظرت ربع ساعه مافي فايده
واتصلت على 999 وخذو البيانات والموقع وقالو اقرب دورية بتجيك والله تميت اكثر
من ساعة ونص واتصلت 4 مرات ونفس الكلام ينقال لي وحسيت طبعا بعدم مبالاه
والحمدلله بعد هالمده الي قدام موتري طلع لكن مارضيت اروح قبل ما اعطي الي واقف
وراي بوستين بالهوك في باب سيارته

[راجي الْعفو]

وعليكم السلام و رحمة الله و بركاته

كلامك في محله ، العمل ثم العمل ثم العمل

وكلنا مقصرين و نحتاج تعاون بين بعضنا

ولو لم تكن هناك ردة فعل وتجاوب من الجهة المعنية .

فالمسؤولية عامة

( معذرة إلى ربكم و لعلهم يتقون )

[ماجد البدر]

مافيه جهات تشجع انك تشتكي لها 100 فرع و 100 مركز يحولنك عليه لين تلوع جبدك وتقول ايش دخلني به

[يمامـة]

ما ادري ليش فهمت العنوان غير عن محتوى الموضوع..

بناء على العنوان.. حبيت اكتب على كثر الألم بيكون هناك تذمر من الأوضاع غير الطبيعية
لكن لما الواحد يتألم من شرب العسل هذا فيه خلل..

لكن لما دخلت الموضوع لقيته يتكلم ليش ما نتحرك ونساهم في مخالفة الناس
ونقوم بمقام الشرطي او المراقب..

حسب ما وضوحوا الاخوان في مشاركاتهم عدة أمور تمنع هالشي..
* ما في شي يساعد على المساعدة
* سلبية الجهات المختصة تجاه الشكوى
* شراء راحة البال وعدم تعطيل المصالح علشان ناس ثانين..

[Miss]

طبيعي نتذمر اذا ما قدرنا نسوي شي
يعني مثلا انا وايد اشوف اشياء غلط
فيه اشياء غلط شفتها واقدر اتكلم عادي اروح لهم واكلمهم
لكن اذا ما قدرت وممكن توصل للشرطه هنيه اوقف

[Miss]

اي صح تذكرت اعطيك مثال
العام في الشتا كانت فيه مخالفات لرواد الروض وفيه كم واحد اتصل للبيئه اشتكى على هالسيارات
فلما خالفوهم واحد منهم يعرف اللي فالبيئه فاسأله من مشتكي علينا فقام وعطاه رقم المشتكي وطلعوا نسايب :) واستوى خلاف بينهم مع انه غلطان

عرفت ليش الواحد يسكت

[aloosh]

اشكر كل من رد وكل من زار

انا لما اتصلت كذا مره يردون الافراد انتظر 10 دقايق محد جاء او رد اتصل ثاني مره واطلب الظابط المناوب هنا ياخذ اكشن الضابط
بنتكلم وبنحاول

والله فيه مواقف من ضمنها
عند وقت الشاي شارع مقابل سباير

واحد من الجنسيه العربيه وقف جني وقام الاخ خذ كوب ومعاه قراطيس وحذفها والله نزلت عليه قلت شيلها او اخذ رقمك واتصل في الجهات المختصه والله نزل وشالها

واحد اسيوي واقف عن مطعم قام الاخ وبصق نزلت عليه قلت خذ فاين وشيل بصقتك وخذ الفاين ونفذ المطلوب

لازم يحسون ان المواطن لا ترضيه المخالفات ويحس ان عين المواطن على المخالف

كل واحد يريح ضميره من خطاء يشوفه اهم شي

[بانغ بانغ]

ذكرتني بفيديو ايبين واحد على بطبطة في امريكا يتحبل للي يرمون وساختهم وايشلها ويلحقهم

بدون ما يدرون يلحقهم وايكلمهم ويفتحون الجامة ويحذفها عليهم داخل السيارة وايشل عليه

عشان يتأدبون

[معماري قطري]

اشكر كل من رد وكل من زار

انا لما اتصلت كذا مره يردون الافراد انتظر 10 دقايق محد جاء او رد اتصل ثاني مره واطلب الظابط المناوب هنا ياخذ اكشن الضابط
بنتكلم وبنحاول

والله فيه مواقف من ضمنها
عند وقت الشاي شارع مقابل سباير

واحد من الجنسيه العربيه وقف جني وقام الاخ خذ كوب ومعاه قراطيس وحذفها والله نزلت عليه قلت شيلها او اخذ رقمك واتصل في الجهات المختصه والله نزل وشالها

واحد اسيوي واقف عن مطعم قام الاخ وبصق نزلت عليه قلت خذ فاين وشيل بصقتك وخذ الفاين ونفذ المطلوب

لازم يحسون ان المواطن لا ترضيه المخالفات ويحس ان عين المواطن على المخالف

كل واحد يريح ضميره من خطاء يشوفه اهم شي

الأجنبي يخاف لكن القطري بيطول السالفة

انا تمنيت تقنين العملية لفءات معينة وبالقانون اقدر اخالف لكن الإجراءات شوي طويلة وسين وجيم وما ادري شيصير مخالفة او يعذرونه

لكن لو شفت غلط أكون مستعد اشهد وأواجه المهم الغلط يسوى ومن من يكون قطري او غير